部編版客家語分級教材：
| 編號 | 例句 | 語音合成 | 六堆客語拼音 | 華譯 |
|---|---|---|---|---|
| cirn_0001 | 第一課，𠊎。 | ti idˋ ko，ngaiˇ。 | v1c1p1 | |
| cirn_0002 | 大家好！𠊎係林旺丁，今年七歲，讀一年生，多謝。 | tai gaˊ hoˋ！ngaiˇ he limˇ vong denˊ，ginˊ ngianˇ qidˋ se，tug idˋ ngianˇ senˊ，doˊ qia。 | v1c1p2 | |
| cirn_0003 | 第二課，鏡肚个𠊎。 | ti ngi ko，giang duˋ ge ngaiˇ。 | v1c2p1 | |
| cirn_0004 | 頭那圓圓，嘴大大，目珠金金緊看𠊎。 | teuˇ naˇ ianˇ ianˇ，zoi tai tai，mugˋ zuˊ gimˊ gimˊ ginˋ kon ngaiˇ。 | v1c2p2 | |
| cirn_0005 | 𠊎㖸，你也㖸，仰會恁像𠊎？。 | ngaiˇ nagˋ，ngˇ iaˇ nagˋ，ngiongˋ voi anˋ qiong ngaiˇ？。 | v1c2p3 | |
| cirn_0006 | 第三課，𠊎蓋康健。 | ti samˊ ko，ngaiˇ goi kongˊ kian。 | v1c3p1 | |
| cirn_0007 | 一二三四跳跳跳！五六七八搖搖搖！。 | idˋ ngi samˊ xi tiau tiau tiau！ngˋ liugˋ qidˋ badˋ ieuˇ ieuˇ ieuˇ！。 | v1c3p2 | |
| cirn_0008 | 又會跳啊又會搖，跳跳搖搖身體好。 | iu voi tiau a iu voi ieuˇ，tiau tiau ieuˇ ieuˇ siinˊ tiˋ hoˋ。 | v1c3p3 | |
| cirn_0009 | 第四課，屋下人。 | ti xi ko，lugˋ kaˊ nginˇ。 | v1c4p1 | |
| cirn_0010 | 阿公鬚赤赤，阿嬤毛白白。 | aˊ gungˊ xiˊ cagˋ cagˋ，aˊ ma moˊ pag pag。 | v1c4p2 | |
| cirn_0011 | 阿姆心腸好，阿爸身體砸。 | aˊ meˊ ximˊ congˇ hoˋ，aˊ baˊ siinˊ tiˋ zabˋ。 | v1c4p3 | |
| cirn_0012 | 老弟蓋好搞，老妹得人惜。 | loˋ taiˊ goi hoˋ gauˋ，loˋ moi dedˋ nginˇ xiagˋ。 | v1c4p4 | |
| cirn_0013 | 第五課，麼人惜。 | ti ngˋ ko，maˋ nginˇ xiagˋ。 | v1c5p1 | |
| cirn_0014 | 麼人惜？阿爸惜，阿爸惜𠊎—肩頭坐。 | maˋ nginˇ xiagˋ？aˊ baˊ xiagˋ，aˊ baˊ xiagˋ ngaiˇ—gianˊ teuˇ coˊ。 | v1c5p2 | |
| cirn_0015 | 麼人惜？阿姆惜，阿姆惜𠊎—膝頭掞。 | maˋ nginˇ xiagˋ？aˊ meˊ xiagˋ，aˊ meˊ xiagˋ ngaiˇ—qidˋ teuˇ iam。 | v1c5p3 | |
| cirn_0016 | 麼人惜？阿爸阿姆做下惜。 | maˋ nginˇ xiagˋ？aˊ baˊ aˊ meˊ zo ha xiagˋ。 | v1c5p4 | |
| cirn_0017 | 第六課，親戚來尞。 | ti liugˋ ko，qinˊ qidˋ loiˇ liau。 | v1c6p1 | |
| cirn_0018 | 禮拜日，阿叔歸家人來尞。 | liˊ bai ngidˋ，aˊ sugˋ guiˊ gaˊ nginˇ loiˇ liau。 | v1c6p2 | |
| cirn_0019 | 大人屋肚打嘴鼓，細人外背放紙鷂。 | tai nginˇ vugˋ duˋ daˋ zoi guˋ，se nginˇ no boi biong ziiˋ ieu。 | v1c6p3 | |
| cirn_0020 | 大家歡喜哈哈笑。 | tai gaˊ fonˊ hiˋ haˊ haˊ seu。 | v1c6p4 | |
| cirn_0021 | 第七課，蓋靚个學校。 | ti qidˋ ko，goi jiangˊ ge hog gauˋ。 | v1c7p1 | |
| cirn_0022 | 學校項，樹仔大又多，鳥仔在樹頂唱歌仔；。 | hog gauˋ hong，su eˋ tai iu doˊ，diauˊ eˋ teˊ su dangˋ cong goˊ eˋ；。 | v1c7p2 | |
| cirn_0023 | 花園項，有紅花、白花同黃花；揚蝶仔飛上又飛下。 | faˊ ianˇ hong，iuˊ fungˇ faˊ、pag faˊ tungˇ vongˇ faˊ；iongˇ iab eˋ biˊ songˊ iu biˊ haˊ。 | v1c7p3 | |
| cirn_0024 | 第八課，下課時節。 | ti badˋ ko，ha ko siiˇ jiedˋ。 | v1c8p1 | |
| cirn_0025 | 下課哩！有人去便所，有人打嘴鼓。 | ha ko leˊ！iuˊ nginˇ hi pien soˋ，iuˊ nginˇ daˋ zoi guˋ。 | v1c8p2 | |
| cirn_0026 | 操場項，打球仔、跳索仔；大樹下，溜滑梯、吊晃槓。 | cauˊ congˇ hong，daˋ kiuˇ eˋ、tiau sogˋ eˋ；tai su haˊ，liu vad toiˊ、diau gongˇ gong。 | v1c8p3 | |
| cirn_0027 | 大家搞到蓋暢。 | tai gaˊ gauˋ do goi tiong。 | v1c8p4 | |
| cirn_0028 | 第九課，𠊎个先生。 | ti giuˋ ko，ngaiˇ ge xinˊ sangˊ。 | v1c9p1 | |
| cirn_0029 | 𠊎个先生熱心又煞猛，上課認真又會講笑，唱歌仔蓋好聽。 | ngaiˇ ge xinˊ sangˊ ngiad ximˊ iu sadˋ mangˊ，song ko ngin ziinˊ iu voi gongˋ seu，cong goˊ eˋ goi hoˋ tangˊ。 | v1c9p2 | |
| cirn_0030 | 有恁好个先生，𠊎愛做一個好學生。 | iuˊ anˋ hoˋ ge xinˊ sangˊ，ngaiˇ oi zo idˋ ge hoˋ hog sangˊ。 | v1c9p3 | |
| cirn_0031 | 第十課，𠊎个同學。 | ti siib ko，ngaiˇ ge tungˇ hog。 | v1c10p1 | |
| cirn_0032 | 𠊎有蓋多同學，有兜好看書，有兜好運動。 | ngaiˇ iuˊ goi doˊ tungˇ hog，iuˊ deuˊ hau kon suˊ，iuˊ deuˊ hau iun tung。 | v1c10p2 | |
| cirn_0033 | 下課共下尞，有講有㖸蓋快樂，歸去屋下還會聯絡。 | ha ko kiung ha liau，iuˊ gongˋ iuˊ nagˋ goi kuai log，guiˊ hi lugˋ kaˊ vanˇ voi lienˇ log。 | v1c10p3 | |
| cirn_0034 | 第一課，伙房。 | ti idˋ ko，foˋ fongˇ。 | v2c1p1 | |
| cirn_0035 | 磚壁紅瓦大伙房，大人廳下坐，細人禾埕搞，過年過節歸屋下，親戚見面笑哈哈。 | zonˊ biagˋ fungˇ ngaˋ tai foˋ fongˇ，tai nginˇ tangˊ haˊ coˊ，se nginˇ voˇ tangˇ gauˋ，go ngianˇ go jiedˋ guiˊ lugˋ kaˊ，qinˊ qidˋ gian mien seu haˊ haˊ。 | v2c1p2 | |
| cirn_0036 | 第二課，鬧熱个街項。 | ti ngi ko，nau ngiad ge giaiˊ hong。 | v2c2p1 | |
| cirn_0037 | 大車細車來來去去，大人細子上上下下。 | tai caˊ se caˊ loiˇ loiˇ hi hi，tai nginˇ se ziiˋ songˊ songˊ haˊ haˊ。 | v2c2p2 | |
| cirn_0038 | 店仔一間過一間，食个、搞个、用个、項項有，街項實在還鬧熱。 | diam eˋ idˋ gianˊ go idˋ gianˊ，siid ge、gauˋ ge、iung ge、hong hong iuˊ，giaiˊ hong siid cai vanˇ nau ngiad。 | v2c2p3 | |
| cirn_0039 | 第三課，伯公下。 | ti samˊ ko，bagˋ gungˊ haˊ。 | v2c3p1 | |
| cirn_0040 | 伯公樹下蓋多人，有人尞涼打嘴鼓，有人鋸弦唱山歌，還有細人煮家啦，伯公總係笑咪咪，保祐大家都平安。 | bagˋ gungˊ su haˊ goi doˊ nginˇ，iuˊ nginˇ liau liongˇ daˋ zoi guˋ，iuˊ nginˇ gi hianˇ cong sanˊ goˊ，vanˇ iuˊ se nginˇ zuˋ gaˊ laˊ，bagˋ gungˊ zungˋ he seu miˊ miˊ，boˋ iu tai gaˊ duˊ pinˇ onˊ。 | v2c3p2 | |
| cirn_0041 | 第四課，市場。 | ti xi ko，sii congˇ。 | v2c4p1 | |
| cirn_0042 | 市場肚，蓋鬧熱，賣魚、賣肉、賣青菜，賣衫、賣褲、賣皮鞋，愛買毋買，隨在你，實在蓋利便。 | sii congˇ duˋ，goi nau ngiad，mai ngˇ、mai ngiugˋ、mai qiangˊ coi，mai samˊ、mai fu、mai piˇ haiˇ，oi maiˊ mˇ maiˊ，suiˇ cai ngˇ，siid cai goi li pien。 | v2c4p2 | |
| cirn_0043 | 第五課，放尞日。 | ti ngˋ ko，biong liau ngidˋ。 | v2c5p1 | |
| cirn_0044 | 放尞日，真快樂。 | biong liau ngidˋ，ziinˊ kuai log。 | v2c5p2 | |
| cirn_0045 | 毋使讀書，睡過晝。 | mˇ siiˋ tug suˊ，soi go zu。 | v2c5p3 | |
| cirn_0046 | 朝晨邀阿哥騎鐵馬，下晝尋阿文走相逐。 | zeuˊ siinˇ ieuˊ aˊ goˊ kiˇ tiedˋ maˊ，haˊ zu qimˇ aˊ vunˇ zeuˋ xiongˊ giugˋ。 | v2c5p4 | |
| cirn_0047 | 放尞日，就係𠊎个快樂日。 | biong liau ngidˋ，qiu he ngaiˇ ge kuai log ngidˋ。 | v2c5p5 | |
| cirn_0048 | 第六課，有閒正來尞。 | ti liugˋ ko，iuˊ hanˇ nang loiˇ liau。 | v2c6p1 | |
| cirn_0049 | 雲愛歸屋下該下，佢聽著，一隻鳥、兩隻鳥、三隻鳥對佢講：有閒正來尞。 | iunˇ oi guiˊ lugˋ kaˊ ge ha，iˇ tangˊ doˋ，idˋ zagˋ diauˊ、liongˋ zagˋ diauˊ、samˊ zagˋ diauˊ dui iˇ gongˋ：iuˊ hanˇ nang loiˇ liau。 | v2c6p2 | |
| cirn_0050 | 風愛歸屋下該下，佢聽著，一蕊花、兩蕊花、三蕊花對佢講：有閒正來尞。 | fungˊ oi guiˊ lugˋ kaˊ ge ha，iˇ tangˊ doˋ，idˋ luiˊ faˊ、liongˋ luiˊ faˊ、samˊ luiˊ faˊ dui iˇ gongˋ：iuˊ hanˇ nang loiˇ liau。 | v2c6p3 | |
| cirn_0051 | 第七課，做生日。 | ti qidˋ ko，zo sangˊ ngidˋ。 | v2c7p1 | |
| cirn_0052 | 做生日，食雞卵糕，唱生日歌，心情好，快樂多。 | zo sangˊ ngidˋ，siid gieˊ lonˋ gauˊ，cong sangˊ ngidˋ goˊ，ximˊ qinˇ hoˋ，kuai log doˊ。 | v2c7p2 | |
| cirn_0053 | 生日過吔加一歲，爺哀照顧恁好勢，𠊎愛做一個好子弟。 | sangˊ ngidˋ go eˇ gaˊ idˋ se，iaˇ oiˊ zeu gu anˋ hoˋ se，ngaiˇ oi zo idˋ ge hoˋ ziiˋ ti。 | v2c7p3 | |
| cirn_0054 | 第八課，𠊎凍著哩。 | ti badˋ ko，ngaiˇ dung doˋ leˇ。 | v2c8p1 | |
| cirn_0055 | 哈啾！哈啾！𠊎凍著哩，又流濞，又發燒。 | had qiuˋ！had qiuˋ！ngaiˇ dung doˋ leˇ，iu liuˇ pi，iu fadˋ seuˊ。 | v2c8p2 | |
| cirn_0056 | 阿姆帶𠊎去看醫生，多休息，多啉茶，身體正會過遽好。 | aˊ meˊ dai ngaiˇ hi kon iˊ senˊ，doˊ hiuˊ xidˋ，doˊ limˊ caˇ，siinˊ tiˋ nang voi go giagˋ hoˋ。 | v2c8p3 | |
| cirn_0057 | 第九課，食飯同著衫。 | ti giuˋ ko，siid fan tungˇ zogˋ samˊ。 | v2c9p1 | |
| cirn_0058 | 比比坐，來食飯，阿爸阿姆請先坐；青菜魚肉樣樣食，食飽正會身體好。 | beˇ beˇ coˊ，loiˇ siid fan，aˊ baˊ aˊ meˊ qiangˋ xienˊ coˊ；qiangˊ coi ngˇ ngiugˋ iong iong siid，siid bauˋ nang voi siinˊ tiˋ hoˋ。 | v2c9p2 | |
| cirn_0059 | 照鏡仔，著衫褲，長袖短袖看天時；衫褲著正精神好，歡歡喜喜去讀書。 | zeu giang eˋ，zogˋ samˊ fu，congˇ qiu donˋ qiu kon tienˊ siiˇ；samˊ fu zogˋ zang jinˊ siinˇ hoˋ，fonˊ fonˊ hiˋ hiˋ hi tug suˊ。 | v2c9p3 | |
| cirn_0060 | 第十課，跳上跌落。 | ti siib ko，tiauˇ songˊ diedˋ log。 | v2c10p1 | |
| cirn_0061 | 細𧊅仔，蓋蠻皮，跳上又跳下，走來又走去。 | se guaiˋ eˋ，goi manˇ piˇ，tiauˇ songˊ iu tiauˇ haˊ，zeuˋ loiˇ iu zeuˋ hi。 | v2c10p2 | |
| cirn_0062 | 細𧊅仔，蓋蠻皮，跳上又跌落，舂上又舂下。 | se guaiˋ eˋ，goi manˇ piˇ，tiauˇ songˊ iu diedˋ log，zungˊ songˊ iu zungˊ haˊ。 | v2c10p3 | |
| cirn_0063 | 你莫舂，𠊎莫走，橫倒無結煞。 | ngˇ mog zungˊ，ngaiˇ mog zeuˋ，vang doˋ moˇ gadˋ sadˋ。 | v2c10p4 | |
| cirn_0064 | 第一課，隔壁鄰舍。 | ti idˋ ko，gagˋ biagˋ linˇ sa。 | v3c1p1 | |
| cirn_0065 | 隔壁鄰舍好緣分，上家下屋相照顧，見面該下打招呼。 | gagˋ biagˋ linˇ sa hoˋ ianˇ fun，song gaˊ haˊ vugˋ xiongˊ zeu gu，gian mien ge ha daˋ zeuˊ fuˊ。 | v3c1p2 | |
| cirn_0066 | 有閒時節來泡茶、打嘴鼓；哪家係無閒，大家來手。 | iuˊ hanˇ siiˇ jiedˋ loiˇ pau caˇ、daˋ zoi guˋ；nai gaˊ he moˇ hanˇ，tai gaˊ loiˇ ten suˋ。 | v3c1p3 | |
| cirn_0067 | 上家伯姆渡人，下屋阿哥教讀書。 | song gaˊ bagˋ meˊ ten tu nginˇ，haˊ vugˋ aˊ goˊ gauˊ tug suˊ。 | v3c1p4 | |
| cirn_0068 | 阿姆講：「近鄰贏過遠親。 | aˊ meˊ gongˋ：「kiun linˇ iangˇ go ianˋ qinˊ。 | v3c1p5 | |
| cirn_0069 | 」確實毋會差！。 | 」kogˋ siid mˇ voi caˊ！。 | v3c1p6 | |
| cirn_0070 | 第二課，恁靚个社區。 | ti ngi ko，anˋ jiangˊ ge sa kiˊ。 | v3c2p1 | |
| cirn_0071 | 在這位，聽得著流水个歌聲，看得著青山个身影。 | teˊ iaˋ vi，tangˊ dedˋ doˋ liuˇ suiˋ ge goˊ sangˊ，kon dedˋ doˋ qiangˊ sanˊ ge siinˊ iangˋ。 | v3c2p2 | |
| cirn_0072 | 在這位，有兒童搞尞个廣場有大人譫哆个公園。 | teˊ iaˋ vi，iuˊ iˇ tungˇ gauˋ liau ge gongˋ congˇ iuˊ tai nginˇ damˇ deˇ ge gungˊ ianˇ。 | v3c2p3 | |
| cirn_0073 | 在這位，細人仔快快樂樂，老人家歡歡喜喜。 | teˊ iaˋ vi，se nginˇ eˋ kuai kuai log log，loˋ nginˇ gaˊ fonˊ fonˊ hiˋ hiˋ。 | v3c2p4 | |
| cirn_0074 | 恁靚个社區，就係𠊎成長个所在。 | anˋ jiangˊ ge sa kiˊ，qiu he ngaiˇ siinˇ zongˋ ge soˋ cai。 | v3c2p5 | |
| cirn_0075 | 第三課，掃大路个阿伯。 | ti samˊ ko，so tai lu ge aˊ bagˋ。 | v3c3p1 | |
| cirn_0076 | 阿文伯七十零吔，身體還蓋砸。 | aˊ vunˇ bagˋ qidˋ siib langˇ eˇ，siinˊ tiˋ vanˇ goi zabˋ。 | v3c3p2 | |
| cirn_0077 | 每日朝晨，天一光，佢就戴等笠嫲，背等祛把，在該掃大路。 | miˊ ngidˋ zeuˊ siinˇ，tienˊ idˋ gongˊ，iˇ qiu dai denˋ libˋ maˇ，baˇ denˋ kia baˋ，teˊ ge so tai lu。 | v3c3p3 | |
| cirn_0078 | 見堵著佢个人就講：「阿文伯，恁有心！」佢講：「無麼个哪！掃大路，準運動，社區係大家个。 | gian duˇ doˋ iˇ ge nginˇ qiu gongˋ：「aˊ vunˇ bagˋ，anˋ iuˊ ximˊ！」iˇ gongˋ：「moˇ maˋ ge na！so tai lu，zunˋ iun tung，sa kiˊ he tai gaˊ ge。 | v3c3p4 | |
| cirn_0079 | 第四課，運動會。 | ti xi ko，iun tung fi。 | v3c4p1 | |
| cirn_0080 | 「加油哦！加油！」運動會，真鬧熱，大會舞，健康操，整齊活潑精神好。 | 「gaˊ iuˇ oˋ！gaˊ iuˇ！」iun tung fi，ziinˊ nau ngiad，tai fi vuˋ，kian kongˊ cauˊ，ziinˋ ceˇ fad padˋ jinˊ siinˇ hoˋ。 | v3c4p2 | |
| cirn_0081 | 挷大索，輾大球，團結合作爭第一。 | bangˊ tai sogˋ，zan tai kiuˇ，tonˇ giadˋ hab zogˋ zangˊ ti idˋ。 | v3c4p3 | |
| cirn_0082 | 趣味競賽蓋生趣，大隊接力盡刺激，。 | qi mi gin soi goi senˊ qi，tai dui jiabˋ lid qin qiugˋ gidˋ，。 | v3c4p4 | |
| cirn_0083 | 得獎盃，真歡喜；打尾名，無要緊，過核年再過來比。 | dedˋ jiongˋ biˊ，ziinˊ fonˊ hiˋ；daˋ miˊ miangˇ，moˇ ieu ginˋ，go hedˋ ngianˇ zai go loiˇ biˋ。 | v3c4p5 | |
| cirn_0084 | 第五課，校外教學。 | ti ngˋ ko，gauˋ ngoi gau hog。 | v3c5p1 | |
| cirn_0085 | 𠊎盡愛校外教學。 | ngaiˇ qin oi gauˋ ngoi gau hog。 | v3c5p2 | |
| cirn_0086 | 百花相爭開，鳥來做同學；海脣拈螺殼，紅樹林邊尋毛蟹；都市坐捷運，博物館肚增見識；莊下蒔田摘水果，還有各種{DIY}。 | bagˋ faˊ xiongˊ zangˊ koiˊ，diauˊ loiˇ zo tungˇ hog；hoiˋ sunˇ ngiamˊ loˇ hogˋ，fungˇ su naˇ bienˊ qimˇ no haiˋ；duˊ sii coˊ qiab iun，bogˋ vud gonˋ duˋ zenˊ gian siidˋ；zongˊ ha sii tienˇ zagˋ suiˋ goˋ，vanˇ iuˊ gogˋ zungˋ{DIY}。 | v3c5p3 | |
| cirn_0087 | 啊！原來大自然就係最好个教室。 | aˋ！ngianˇ loiˇ tai cii ianˇ qiu he zuiˋ hoˋ ge gau siidˋ。 | v3c5p4 | |
| cirn_0088 | 第六課，大家來拚掃。 | ti liugˋ ko，tai gaˊ loiˇ bia so。 | v3c6p1 | |
| cirn_0089 | 開學哩，大家來拚掃。 | koiˊ hog leˊ，tai gaˊ loiˇ bia so。 | v3c6p2 | |
| cirn_0090 | 你拿掃把、畚斗；𠊎拿抺桌布、水桶。 | ngˇ naˊ so baˋ、bun deuˋ；ngaiˇ naˊ miˇ zogˋ bu、suiˋ tungˋ。 | v3c6p3 | |
| cirn_0091 | 掃地泥、捽粉牌、抺窗門，又愛祛樹葉、清水溝，每儕就在該頭沉沉仔做，一哪仔就拚到淨淨俐俐，迎接新學期。 | so ti naiˇ、cud funˋ paiˇ、miˇ cungˊ munˇ，iu oi kia su iab、qinˊ suiˋ gieuˊ，miˊ saˇ qiu teˊ ge teuˇ ciim ciim eˋ zo，idˋ nai eˋ qiu bia do qiang qiang li li，ngiangˇ jiabˋ xinˊ hog kiˇ。 | v3c6p4 | |
| cirn_0092 | 第七課，上課蓋生趣。 | ti qidˋ ko，song ko goi senˊ qi。 | v3c7p1 | |
| cirn_0093 | 阿公、阿婆：。 | aˊ gungˊ、aˊ poˇ：。 | v3c7p2 | |
| cirn_0094 | 𠊎開學有三禮拜哩。 | ngaiˇ koiˊ hog iuˊ samˊ liˊ bai leˊ。 | v3c7p3 | |
| cirn_0095 | 上課該下，先生會講古，講个古盡餳人聽；又會變把戲，還會教大家用電腦畫圖。 | song ko ge ha，xinˊ sangˊ voi gongˋ guˋ，gongˋ ge guˋ qin xiangˇ nginˇ tangˊ；iu voi bien baˋ hi，vanˇ voi gauˊ tai gaˊ iung tien noˋ fa tuˇ。 | v3c7p4 | |
| cirn_0096 | 同學登常會提出奇奇怪怪个問題，實在蓋生趣。 | tungˇ hog denˊ songˇ voi tiˇ cudˋ kiˇ kiˇ guai guai ge mun tiˇ，siid cai goi senˊ qi。 | v3c7p5 | |
| cirn_0097 | 下禮拜𠊎會跈阿爸阿姆歸去尞。 | ha liˊ bai ngaiˇ voi tenˇ aˊ baˊ aˊ meˊ guiˊ hi liau。 | v3c7p6 | |
| cirn_0098 | 敬祝康健，孫女怡君敬上，三月初八。 | gin zugˋ kongˊ kian，sunˊ ngˋ iˇ giunˊ gin song，samˊ ngiad cuˊ badˋ。 | v3c7p7 | |
| cirn_0099 | 第八課，相借問。 | ti badˋ ko，xiongˊ jia mun。 | v3c8p1 | |
| cirn_0100 | 昨晡日，𠊎跈阿公去跋山，路項見堵著熟事人，阿公就會講：「恁早，食飽吂？」係看著毋識个人，也會同佢頷頭，打招呼。 | coˊ buˊ ngidˋ，ngaiˇ tenˇ aˊ gungˊ hi bagˋ sanˊ，lu hong gian duˇ doˋ sug sii nginˇ，aˊ gungˊ qiu voi gongˋ：「anˋ zoˋ，siid bauˋ mangˇ？」he kon doˋ mˇ siidˋ ge nginˇ，iaˇ voi tungˇ iˇ ngamˋ teuˇ，daˋ zeuˊ fuˊ。 | v3c8p2 | |
| cirn_0101 | 堵著蓋久無見面个朋友，乜會問：「恁久無看著，無閒麼个？」。 | duˇ doˋ goi giuˋ moˇ gian mien ge penˇ iuˊ，me voi mun：「anˋ giuˋ moˇ kon doˋ，moˇ hanˇ maˋ ge？」。 | v3c8p3 | |
| cirn_0102 | 阿公教𠊎：「堵著人，愛相借問，正有禮貌。 | aˊ gungˊ gauˊ ngaiˇ：「duˇ doˋ nginˇ，oi xiongˊ jia mun，nang iuˊ liˊ mau。 | v3c8p4 | |
| cirn_0103 | 第九課，你這兜𠊎這兜。 | ti giuˋ ko，ngˇ iaˋ deuˊ ngaiˇ iaˋ deuˊ。 | v3c9p1 | |
| cirn_0104 | 你這兜講學老，𠊎這兜講客；你用粟仔來做酒，佢用麵粉做水餃。 | ngˇ iaˋ deuˊ gongˋ hog loˋ，ngaiˇ iaˋ deuˊ gongˋ hagˋ；ngˇ iung xiugˋ eˋ loiˇ zo jiuˋ，iˇ iung mien funˋ zo suiˋ giauˋ。 | v3c9p2 | |
| cirn_0105 | 這就係多元文化。 | iaˋ qiu he doˊ ngianˇ vunˇ fa。 | v3c9p3 | |
| cirn_0106 | 不管你對哪位來，不管你係哪久到。 | budˋ gonˋ ngˇ dui nai vi loiˇ，budˋ gonˋ ngˇ he nai giuˋ do。 | v3c9p4 | |
| cirn_0107 | 牽手連心，和和氣氣，大家共下痛惜這所在。 | kianˊ suˋ lienˇ ximˊ，foˇ foˇ hi hi，tai gaˊ kiung ha tung xiagˋ iaˋ soˋ cai。 | v3c9p5 | |
| cirn_0108 | 第十課，搞頭王。 | ti siib ko，gauˋ teuˇ vongˇ。 | v3c10p1 | |
| cirn_0109 | 佢會上天沒地，佢會騰雲駕霧，佢會七十二變。 | iˇ voi songˊ tienˊ mud ti，iˇ voi tinˇ iunˇ ga vu，iˇ voi qidˋ siib ngi bien。 | v3c10p2 | |
| cirn_0110 | 種一下觔斗，咻一聲，飛到十萬八千里；挷一條頭那毛，歕一下，變到千萬隻分身。 | zung idˋ ha gin deuˋ，xiu idˋ sangˊ，biˊ do siib van badˋ qienˊ liˊ；bangˊ idˋ tiauˇ teuˇ naˇ moˊ，punˇ idˋ ha，bien do qienˊ van zagˋ funˊ siinˊ。 | v3c10p3 | |
| cirn_0111 | 火眼金睛擘啊開，妖魔嚇到無空庰。 | foˋ ngianˋ gimˊ jinˊ bagˋ a koiˊ，ieuˊ moˇ hagˋ do moˇ kangˊ biang。 | v3c10p4 | |
| cirn_0112 | 金剛棍拿啊出，鬼怪走到尾瀉屎。 | gimˊ gongˊ gun naˊ a cudˋ，guiˋ guai zeuˋ do miˊ xia siiˋ。 | v3c10p5 | |
| cirn_0113 | 佢就係搞頭王─孫悟空。 | iˇ qiu he gauˋ teuˇ vongˇ─sunˊ ngu kungˊ。 | v3c10p6 | |
| cirn_0114 | 第一課，樓頂看下去。 | ti idˋ ko，leuˇ dangˋ kon haˊ hi | v4c1p1 | |
| cirn_0115 | 行上樓頂看啊下，東片析有一座座个伙房，脣口係一大片个平洋，鄰舍共下蒔田割禾个故事，還在禾埕流傳。 | hangˇ songˊ leuˇ dangˋ kon a haˊ，dungˊ pienˋ sagˋ iuˊ idˋ co co ge foˋ fongˇ，siinˇ heuˋ he idˋ tai pienˋ ge piangˇ iongˇ，linˇ sa kiung ha sii tienˇ godˋ voˇ ge gu sii，vanˇ teˊ voˇ tangˇ liuˇ conˇ。 | v4c1p2 | |
| cirn_0116 | 行上樓頂看啊下，西片析有一排排个販仔屋，脣口係一個活動中心，鄉親共下唱歌跳舞个笑聲，今在社區傳揚。 | hangˇ song leuˇ dangˋ kon a haˊ，xiˊ pienˋ sagˋ iuˊ idˋ paiˇ paiˇ ge fan eˋ vugˋ，siinˇ heuˋ he idˋ ge fad tung zungˊ ximˊ，hiongˊ qinˊ kiung ha cong goˊ tiau vuˋ ge seu sangˊ，ginˊ teˊ sa kiˊ conˇ iongˇ。 | v4c1p3 | |
| cirn_0117 | 行上樓頂看啊下，看得著頭擺个故事，乜看得著未來个世界。 | hangˇ songˊ leuˇ dangˋ kon a haˊ，kon dedˋ doˋ teuˇ baiˋ ge gu sii，me kon dedˋ doˋ vi loiˇ ge sii giai。 | v4c1p4 | |
| cirn_0118 | 第二課，便利商店。 | ti ngi ko，pien li songˊ diam。 | v4c2p1 | |
| cirn_0119 | 燒个、冷个隨你選，飯包、零嗒、書報雜誌樣樣有，領錢、繳費，傳真、影印，各種服務項項齊。 | seuˊ ge、langˊ ge suiˇ ngˇ xienˋ，fan bauˊ、langˇ dab、suˊ bo cab zii iong iong iuˊ，liangˊ qienˇ、gieuˋ fi，conˇ ziinˊ、iangˋ in，gogˋ zungˋ fug vu hong hong ceˇ。 | v4c2p2 | |
| cirn_0120 | 無論朝晨暗晡，無論發風落雨，一年透底無放尞。 | moˇ lun zeuˊ siinˇ am buˊ，moˇ lun bodˋ fungˊ log iˋ，idˋ ngianˇ teu daiˋ moˇ biong liau。 | v4c2p3 | |
| cirn_0121 | 星光半夜吔，還係光華華仔，帶分吂歸屋下个人溫暖。 | sangˊ gongˊ ban ia eˇ，vanˇ he gongˊ faˇ faˇ eˊ，dai bunˊ mangˇ guiˊ lugˋ kaˊ ge nginˇ vunˊ nonˊ。 | v4c2p4 | |
| cirn_0122 | 便利商店係蓋多人个好朋友。 | pien li songˊ diam he goi doˊ nginˇ ge hoˋ penˇ iuˊ。 | v4c2p5 | |
| cirn_0123 | 第三課，奉工。 | ti samˊ ko，fung gungˊ。 | v4c3p1 | |
| cirn_0124 | 𠊎歇个社區，恁久花園草莽莽仔，圳溝臭肨肨仔，樹杷惹惹杈杈。 | ngaiˇ hedˋ ge sa kiˊ，anˋ giuˋ faˊ ianˇ coˋ mangˋ mangˋ eˊ，zun gieuˊ cu pangˊ pangˊ eˊ，su paˋ ngia ngia ca ca。 | v4c3p2 | |
| cirn_0125 | 阿爸看著，邀大家共下來整理，鄰舍無下二句，攎手捋腳來手。 | aˊ baˊ kon doˋ，ieuˊ tai gaˊ kiung ha loiˇ ziinˋ liˊ，linˇ sa moˇ ha ngi gi，luˇ suˋ lod giogˋ loiˇ ten suˋ。 | v4c3p3 | |
| cirn_0126 | 有兜人挷草、種花，有兜人倒樹杷、清圳溝；每儕就做到大汗被身，伯婆乜來奉茶。 | iuˊ deuˊ nginˇ bangˊ coˋ、zung faˊ，iuˊ deuˊ nginˇ doˋ su paˋ、qinˊ zun gieuˊ；miˊ saˇ qiu zo do tai hon piˊ siinˊ，bagˋ poˇ me loiˇ fung caˇ。 | v4c3p4 | |
| cirn_0127 | 社區像換過新衫，大家都蓋暢。 | sa kiˊ qiong von go xinˊ samˊ，tai gaˊ duˊ goi tiong。 | v4c3p5 | |
| cirn_0128 | 第四課，社區圖書館。 | ti xi ko，sa kiˊ tuˇ suˊ gonˋ。 | v4c4p1 | |
| cirn_0129 | 昨晡朝晨，𠊎去圖書館借書，在大門口，影著一張公告，頂高恁仔寫：。 | coˊ buˊ zeuˊ siinˇ，ngaiˇ hi tuˇ suˊ gonˋ jia suˊ，teˊ tai munˇ heuˋ，iangˋ doˋ idˋ zongˊ gungˊ go，dangˋ goˊ anˋ eˊ xiaˋ：。 | v4c4p2 | |
| cirn_0130 | 好消息好消息。 | hoˋ seuˊ xidˋ hoˋ seuˊ xidˋ。 | v4c4p3 | |
| cirn_0131 | 食到老，學到老。 | siid do loˋ，hog do loˋ。 | v4c4p4 | |
| cirn_0132 | 本館在{12}月{20}日(星期日)朝晨九點愛舉辦「阿公、阿婆免費學上網」个活動，歡迎大家來參加。 | bunˋ gonˋ teˊ {siib ngi} ngiad {ngi siib} ngidˋ (senˊ kiˇ ngidˋ ) zeuˊ siinˇ giuˋ diamˋ oi giˋ pan aˊ gungˊ、aˊ poˇ mienˊ fi hog songˊ miongˋ」ge fad tung，fonˊ ngiangˇ tai gaˊ loiˇ camˊ gaˊ。 | v4c4p5 | |
| cirn_0133 | 報名方式：。 | bo miangˇ fongˊ siidˋ：。 | v4c4p6 | |
| cirn_0134 | 現場報名：本館一樓服務處。 | hian congˇ bo miangˇ：bunˋ gonˋ idˋ leuˇ fug vu cu。 | v4c4p7 | |
| cirn_0135 | 電話報名：({02}){12345678}分機{900}。 | tien fa bo miangˇ：({langˇ ngi})，{idˋ ngi samˊ xi ngˋ liugˋ qidˋ badˋ}，funˊ giˊ ，{giuˋ langˇ langˇ}。 | v4c4p8 | |
| cirn_0136 | 社區圖書館啟。 | sa kiˊ tuˇ suˊ gonˋ kiˋ。 | v4c4p9 | |
| cirn_0137 | 𠊎歸啊去黏皮同阿公講這個好消息，阿公講：「好喔！到時𠊎會帶若嬤共下去。 | ngaiˇ guiˊ a hi liamˇ biˇ tungˇ aˊ gungˊ gongˋ iaˋ ge hoˋ seuˊ xidˋ aˊ gungˊ gongˋ hoˋ o do siiˇ ngaiˇ voi dai ngiaˊ ma kiung ha hi。 | v4c4p10 | |
| cirn_0138 | 第五課，過年。 | ti ngˋ ko，go ngianˇ。 | v4c5p1 | |
| cirn_0139 | 新年到，新年到，大家來拚掃。 | xinˊ ngianˇ do，xinˊ ngianˇ do，tai gaˊ loiˇ bia so。 | v4c5p2 | |
| cirn_0140 | 入年駕，蒸甜粄，辦年貨。 | ngib ngianˇ ga，ziinˊ tiamˇ banˋ，pan ngianˇ fo。 | v4c5p3 | |
| cirn_0141 | 換五福紙，貼對聯，老嫩大細迎新年。 | von ngˋ fugˋ ziiˋ，diabˋ dui lienˇ，loˋ nun tai se ngiangˇ xinˊ ngianˇ。 | v4c5p4 | |
| cirn_0142 | 食水念著水源頭，年三十愛敬阿公婆。 | siid suiˋ ngiam doˋ suiˋ ngianˇ teuˇ，ngianˇ samˊ siib oi gin aˊ gungˊ poˇ。 | v4c5p5 | |
| cirn_0143 | 家家屋屋慶團圓，團圓飯真傪菜。 | gaˊ gaˊ vugˋ vugˋ kin tonˇ ianˇ，tonˇ ianˇ fan ziinˊ cam coi。 | v4c5p6 | |
| cirn_0144 | 食飽夜，阿公分矺年錢，望𠊎平安又康健。 | siid bauˋ ia，aˊ gungˊ bunˊ zagˋ ngianˇ qienˇ，mong ngaiˇ pinˇ onˊ iu kongˊ kian。 | v4c5p7 | |
| cirn_0145 | 年初一，紙炮鑼鼓鬧連連，大街小巷喜洋洋。 | ngianˇ cuˊ idˋ，ziiˋ pau loˇ guˋ nau lienˇ lienˇ，tai giaiˊ seuˋ hong hiˋ iongˇ iongˇ。 | v4c5p8 | |
| cirn_0146 | 著新衫著新鞋去拜年，大家開容笑面過新年。 | zogˋ xinˊ samˊ zogˋ xinˊ haiˇ hi bai ngianˇ，tai gaˊ koiˊ iungˇ seu mien go xinˊ ngianˇ。 | v4c5p9 | |
| cirn_0147 | 第六課，尞天穿。 | ti liugˋ ko，liau tienˊ conˊ。 | v4c6p1 | |
| cirn_0148 | 正月二十係「天穿日」。 | zangˊ ngiad ngi siib he「tienˊ conˊ ngidˋ」。 | v4c6p2 | |
| cirn_0149 | 聽講老古時代，水神同火神吵事，同天頂揰爛空，女媧娘就煉石來補天。 | tangˊ gongˋ loˋ guˋ siiˇ toi，suiˋ siinˇ tungˇ foˋ siinˇ cauˇ sii，tungˇ tienˊ dangˋ dungˋ lan kungˊ，ngˋ voˊ ngiongˇ qiu lien sag loiˇ buˋ tienˊ。 | v4c6p3 | |
| cirn_0150 | 這日，客家人大體仔會煎甜粄，無就烰油錐仔來拜女媧娘。 | iaˋ ngidˋ，hagˋ gaˊ nginˇ tai tiˋ eˋ voi jienˊ tiamˇ banˋ，moˇ qiu peuˇ iuˇ zuiˊ eˋ loiˇ bai ngˋ voˊ ngiongˇ。 | v4c6p4 | |
| cirn_0151 | 人講个：「有做無做，尞到天穿過。 | nginˇ gongˋ ge：「iuˊ zo moˇ zo，liau do tienˊ conˊ go。 | v4c6p5 | |
| cirn_0152 | 」在這日做毋得拿針、使钁頭，係無，會天穿地漏，歸生人勞勞碌碌，做白工，長錢毋核。 | 」teˊ iaˋ ngidˋ zo mˇ dedˋ naˊ ziimˊ、siiˋ giogˋ teuˇ，he moˇ，voi tienˊ conˊ ti leu，guiˊ senˊ nginˇ loˇ loˇ lugˋ lugˋ，zo pag gungˊ，diongˇ qienˇ mˇ hed。 | v4c6p6 | |
| cirn_0153 | 故所講愛「尞天穿」。 | gu soˋ gongˋ oi「liau tienˊ conˊ」。 | v4c6p7 | |
| cirn_0154 | 第七課，掛紙。 | ti qidˋ ko，gua ziiˋ。 | v4c7p1 | |
| cirn_0155 | 清明打早，歸屋下人共下去掛紙。 | qiangˊ miangˇ daˋ zoˋ，guiˊ lugˋ kaˊ nginˇ kiung ha hi gua ziiˋ。 | v4c7p2 | |
| cirn_0156 | 到吔墓地，先剷地、掃墳堂、矺黃嘏紙，正擺牲體。 | do eˇ mu ti，xienˊ canˋ ti、so punˇ tongˇ、zagˋ vongˇ guˋ ziiˋ，nang baiˋ senˊ tiˋ。 | v4c7p3 | |
| cirn_0157 | 各房人到齊就點香，叔公帶等大家拜請祖公，跌有聖筊正斟酒。 | gogˋ fongˇ nginˇ do ceˇ qiu diamˋ hiongˊ，sugˋ gungˊ dai nenˋ tai gaˊ bai qiangˋ zuˋ gungˊ，diedˋ iuˊ siin gau nang ziimˊ jiuˋ。 | v4c7p4 | |
| cirn_0158 | 接等叔公同大家講祖公个源流過恩德。 | jiabˋ nenˋ sugˋ gungˊ tungˇ tai gaˊ gongˋ zuˋ gungˊ ge ngianˇ liuˇ go enˊ dedˋ。 | v4c7p5 | |
| cirn_0159 | 斟吔三到酒正燒金、打紙炮仔，過後大家分紅卵、發粄來食。 | ziimˊ eˇ samˊ do jiuˋ nang seuˊ gimˊ、daˋ ziiˋ pau eˋ，go heu tai gaˊ bunˊ fungˇ lonˋ、bodˋ banˋ loiˇ siid。 | v4c7p6 | |
| cirn_0160 | 伯姆講：「卵殼擳到墓龜項，財丁兩旺。 | bagˋ meˊ gongˋ：「lonˋ hogˋ jied do mu guiˊ hong，coiˇ denˊ liongˋ vong。 | v4c7p7 | |
| cirn_0161 | 掛紙毋單止係追念祖先个日仔，也做得見著盡多毋識个房頭內人。 | gua ziiˋ mˇ danˊ ziiˋ he zuiˊ ngiam zuˋ xienˊ ge ngidˋ eˋ，iaˊ zo dedˋ gian doˋ qin doˊ mˇ siidˋ ge fongˇ teuˇ nui nginˇ。 | v4c7p8 | |
| cirn_0162 | 第八課，打窯仔。 | ti badˋ ko，daˋ ieuˇ eˋ。 | v4c8p1 | |
| cirn_0163 | 還細歇在鄉下，大冬禾割核个時節，阿婆教𠊎等打窯仔。 | vanˇ se hed teˊ hiongˊ ha，tai dungˊ voˇ godˋ hedˋ ge siiˇ jiedˋ，aˊ poˇ gauˊ ngaiˇ nenˊ daˋ ieuˇ eˋ。 | v4c8p2 | |
| cirn_0164 | 先用泥團結窯仔，再過拈樵燒火。 | xienˊ iung naiˇ tonˇ giadˋ ieuˇ eˋ，zai go ngiamˊ ceuˇ seuˊ foˋ。 | v4c8p3 | |
| cirn_0165 | 等窯仔燒到紅紅，阿婆就講：「做得哩，好煨哩！」大家七手八腳同番薯擳擳落去，正將窯仔揞揞下去。 | denˋ ieuˇ eˋ seuˊ do fungˇ fungˇ，aˊ poˇ qiu gongˋ：「zo dedˋ leˊ，hoˋ voiˊ leˊ！」tai gaˊ qidˋ suˋ badˋ giogˋ tungˇ fanˊ suˇ jied jied log hi，nang jiongˊ ieuˇ eˋ emˊ emˊ haˊ hi。 | v4c8p4 | |
| cirn_0166 | 等吔點過鐘仔，大家就相爭去挖來食。 | denˋ eˇ diamˋ go zungˊ eˇ，tai gaˊ qiu xiongˊ zangˊ hi iadˋ loiˇ siid。 | v4c8p5 | |
| cirn_0167 | 𠊎無挖著，阿婆就恬恬仔椊一條盡軟个分𠊎。 | ngaiˇ moˇ iadˋ doˋ，aˊ poˇ qiu diamˊ diamˊ eˊ zud idˋ tiauˇ qin ngionˊ ge bunˊ ngaiˇ。 | v4c8p6 | |
| cirn_0168 | 這下大吔，每擺食著番薯，就會想著惜𠊎个阿婆。 | iaˋ ha tai eˇ，miˊ baiˋ siid doˋ fanˊ suˇ，qiu voi xiongˋ doˋ xiagˋ ngaiˇ ge aˊ poˇ。 | v4c8p7 | |
| cirn_0169 | 第九課，騎自轉車。 | ti giuˋ ko，kiˇ cii zonˋ caˊ。 | v4c9p1 | |
| cirn_0170 | 母親節該日，全家人騎自轉車去遶山花。 | muˊ qinˊ jiedˋ ge ngidˋ，qionˇ gaˊ nginˇ kiˇ cii zonˋ caˊ hi lauˊ sanˊ faˊ。 | v4c9p2 | |
| cirn_0171 | 歸路仔睿睿吼吼，騎到歡喜靂天！。 | guiˊ lu eˋ iui iui hoˇ hoˇ，kiˇ do fonˊ hiˋ lagˋ tienˊ！。 | v4c9p3 | |
| cirn_0172 | 轉彎時節，阿爸緊咄愛細義；上崎該下，大家囓等牙，箭到氣哩呼嚕；堵著下崎，阿姆再三吩咐擋仔愛揢好勢來。 | zonˋ vanˊ siiˇ jiedˋ，aˊ baˊ ginˋ dodˋ oi se ngi；songˊ gia ge ha，tai gaˊ ngad nenˋ ngaˇ，jien do hi li fu lu；duˇ doˋ haˊ gia，aˊ meˊ zai samˊ funˊ fu dongˋ eˋ oi kag hoˋ se loiˇ。 | v4c9p4 | |
| cirn_0173 | 騎到一頭伯公樹下，大家坐下來一下茶，老妹看著一隻鷂婆，緊喊：「烏雞嫲！烏雞嫲！」，害阿哥、阿姊㖸到揇等肚屎搵落去，𠊎遽遽翕一張相，將快樂帶歸屋下。 | kiˇ do idˋ teuˇ bagˋ gungˊ su haˊ，tai gaˊ coˊ haˊ loiˇ limˊ idˋ ha caˇ，loˋ moi kon doˋ idˋ zagˋ ieu poˇ，ginˋ hemˊ：「vuˊ gieˊ maˇ！vuˊ gieˊ maˇ！」，hoi aˊ goˊ、aˊ ze nagˋ do namˋ nenˋ duˋ siiˋ vun log hi，ngaiˇ giagˋ giagˋ hibˋ idˋ zongˊ xiong，jiongˊ kuai log dai guiˊ lugˋ kaˊ。 | v4c9p5 | |
| cirn_0174 | 第十課，打鬥敘。 | ti siib ko，daˋ deu xi。 | v4c10p1 | |
| cirn_0175 | 昨暗晡，阿爸邀同事打鬥敘，一家出一項菜。 | coˊ am buˊ，aˊ baˊ ieuˊ tungˇ sii daˋ deu xi，idˋ gaˊ cudˋ idˋ hong coi。 | v4c10p2 | |
| cirn_0176 | 有虬虬个米粉，也有香香个炒肉，還有甘甘个鹹菜湯，親像在該比手藝；阿姆出个木米炒黃梨，酸酸甜甜好味緒。 | iuˊ kiuˇ kiuˇ ge miˋ funˋ，iaˊ iuˊ hiongˊ hiongˊ ge cauˋ ngiugˋ，vanˇ iuˊ gamˊ gamˊ ge hamˇ coi tongˊ，qinˊ qiong teˊ ge biˋ suˋ ngi；aˊ meˊ cudˋ ge mugˋ miˋ cauˋ vongˇ liˇ，sonˊ sonˊ tiamˇ tiamˇ hoˋ mi xi。 | v4c10p3 | |
| cirn_0177 | 好朋友共下打鬥敘，毋使山珍海味，一盤番豆一壺茶，也做得講到毋知天合地。 | hoˋ penˇ iuˊ kiung ha daˋ deu xi，mˇ siiˋ sanˊ ziinˊ hoiˋ mi，idˋ panˇ fanˊ teu idˋ fuˇ caˇ，iaˊ zo dedˋ gongˋ do mˇ diˊ tienˊ gagˋ ti。 | v4c10p4 | |
| cirn_0178 | 阿爸講：「久久吔打一擺鬥敘，有講有㖸又有食，實在還生趣。 | aˊ baˊ gongˋ：「giuˋ giuˋ eˊ daˋ idˋ baiˋ deu xi，iuˊ gongˋ iuˊ nagˋ iu iuˊ siid，siid cai vanˇ senˊ qi。 | v4c10p5 | |
| cirn_0179 | 第一課，鹹菜同覆菜。 | ti idˋ ko，hamˇ coi tungˇ pugˋ coi。 | v5c1p1 | |
| cirn_0180 | 每年冬下頭，禾仔割核，在客家莊个田坵項，看得著蓋多青溜溜仔个芥菜，家家屋屋就會用芥菜做兜仔鹹菜同覆菜。 | miˊ ngianˇ dungˊ haˊ teuˇ，voˇ eˋ godˋ hedˋ，teˊ hagˋ gaˊ zongˊ ge tienˇ kiuˊ hong，kon dedˋ doˋ goi doˊ qiangˊ liuˋ liuˋ eˊ ge gie coi，gaˊ gaˊ vugˋ vugˋ qiu voi iung gie coi zo deuˊ eˊ hamˇ coi tungˇ pugˋ coi。 | v5c1p2 | |
| cirn_0181 | 鹽來滷，腳來躪，石頭矺，日頭晒，滷出个鹹菜香又脆。 | iamˇ loiˇ luˊ，giogˋ loiˇ nang，sag teuˇ zagˋ，ngidˋ teuˇ sai，luˊ cudˋ ge hamˇ coi hiongˊ iu coi。 | v5c1p3 | |
| cirn_0182 | 來一盤鹹菜炒鴨肉，又甘又合味，食過个人都稱說！鹹菜晒到半燥溼，揤到盎仔肚，覆轉來放一駁仔，就係噴香个覆菜。 | loiˇ idˋ panˇ hamˇ coi cauˋ abˋ ngiugˋ，iu gamˊ iu gagˋ mi，siid go ge nginˇ duˊ ciinˊ sodˋ！hamˇ coi sai do ban zauˊ siibˋ，jidˋ do angˊ eˋ duˋ，pugˋ zonˋ loiˇ biong idˋ bogˋ eˋ，qiu he pun hiongˊ ge pugˋ coi。 | v5c1p4 | |
| cirn_0183 | 煮一碗覆菜豬肚湯，包你食吔會尋尾。 | zuˋ idˋ vonˋ pugˋ coi zuˊ duˋ tongˊ，bauˊ ngˇ siid eˇ voi qimˇ miˊ。 | v5c1p5 | |
| cirn_0184 | 第二課，打粄唱歌。 | ti ngi ko，daˋ banˋ cong goˊ。 | v5c2p1 | |
| cirn_0185 | 新年到來蒸甜粄。 | xinˊ ngianˇ do loiˇ ziinˊ tiamˇ banˋ。 | v5c2p2 | |
| cirn_0186 | 食來甜甜在心田。 | siid loiˇ tiamˇ tiamˇ teˊ ximˊ tienˇ。 | v5c2p3 | |
| cirn_0187 | 用烰用煎隨你選。 | iung peuˇ iung jienˊ suiˇ ngˇ xienˋ。 | v5c2p4 | |
| cirn_0188 | 步步高昇大賺錢。 | pu pu goˊ siinˊ tai con qienˇ。 | v5c2p5 | |
| cirn_0189 | 清明到來打艾粄。 | qiangˊ miangˇ do loiˇ daˋ ngie banˋ。 | v5c2p6 | |
| cirn_0190 | 艾粄香香敬祖先。 | ngie banˋ hiongˊ hiongˊ gin zuˋ xienˊ。 | v5c2p7 | |
| cirn_0191 | 用蒸用煎好味緒。 | iung ziinˊ iung jienˊ hoˋ mi xi。 | v5c2p8 | |
| cirn_0192 | 食來平安透長年。 | siid loiˇ pinˇ onˊ teu congˇ ngianˇ。 | v5c2p9 | |
| cirn_0193 | 五月節來裹粽仔。 | ngˋ ngiad jiedˋ loiˇ goˋ zung eˋ。 | v5c2p10 | |
| cirn_0194 | 青青粽葉一線牽。 | qiangˊ qiangˊ zung iab idˋ xien kianˊ。 | v5c2p11 | |
| cirn_0195 | 鹹粽粽多風味。 | hamˇ zung giˊ zung doˊ fungˊ mi。 | v5c2p12 | |
| cirn_0196 | 食吔另日中狀元。 | siid eˇ nang ngidˋ zung cong ngianˇ。 | v5c2p13 | |
| cirn_0197 | 冬至到來挼粄圓。 | dungˊ zii do loiˇ noˇ banˋ ianˇ。 | v5c2p14 | |
| cirn_0198 | 雙手愛惜正有圓。 | sungˊ suˋ oi xiagˋ nang iuˊ ianˇ。 | v5c2p15 | |
| cirn_0199 | 艾菜蝦米落落去。 | ngie coi haˇ miˋ log log hi。 | v5c2p16 | |
| cirn_0200 | 大家食到笑連連。 | tai gaˊ siid do seu lienˇ lienˇ。 | v5c2p17 | |
| cirn_0201 | 第三課，迎神做鬧熱。 | ti samˊ ko，ngiangˇ siinˇ zo nau ngiad。 | v5c3p1 | |
| cirn_0202 | 三月二十三媽祖生，莊項媽祖婆去北港割香，轉轎个時節，到各莊頭出巡，善男信女就在路脣設香案迎拜。 | samˊ ngiad ngi siib samˊ maˊ zuˋ sangˊ，zongˊ hong maˊ zuˋ poˇ hi bedˋ gongˋ godˋ hiongˊ，zonˋ kieu ge siiˇ jiedˋ，do gogˋ zongˊ teuˇ cudˋ sunˇ，san namˇ xin ngˋ qiu teˊ lu sunˇ sadˋ hiongˊ on ngiangˇ bai。 | v5c3p2 | |
| cirn_0203 | 出巡个時節，千里眼、順風耳打頭陣。 | cudˋ sunˇ ge siiˇ jiedˋ，qienˊ liˊ ngianˋ、sun fungˊ ngiˋ daˋ teuˇ ciin。 | v5c3p3 | |
| cirn_0204 | 聽講，佢兩儕本成係海項作亂个妖怪，過後分媽祖婆收伏，變到媽祖婆个左右護法。 | tangˊ gongˋ，iˇ liongˋ saˇ bunˋ sangˇ he hoiˋ hong zogˋ lon ge ieuˊ guai，go heu bunˊ maˊ zuˋ poˇ suˊ pug，bien do maˊ zuˋ poˇ ge zoˋ iu fu fabˋ。 | v5c3p4 | |
| cirn_0205 | 迎媽祖真鬧熱，整大鼓、牽布馬、公揹婆、無底景，廟坪做大戲。 | ngiangˇ maˊ zuˋ ziinˊ nau ngiad，ziinˋ tai guˋ、kianˊ bu maˊ、gungˊ bi poˇ、moˇ daiˋ ginˋ，meu piangˇ zo tai hi。 | v5c3p5 | |
| cirn_0206 | 歸莊人拜媽祖、鬥鬧熱，祈求風調雨順、國泰民安。 | guiˊ zongˊ nginˇ bai maˊ zuˋ、deu nau ngiad，kiˇ kiuˇ fungˊ tiauˇ iˋ sun、guedˋ tai minˇ onˊ。 | v5c3p6 | |
| cirn_0207 | 第四課，茶心。 | ti xi ko，caˇ ximˊ。 | v5c4p1 | |
| cirn_0208 | 「食妹茶來領妹情，茶杯照影影照人，連茶帶影吞落肚，一生難忘阿妹情。 | 「siid moi caˇ loiˇ liangˊ moi qinˇ，caˇ biˊ zeu iangˋ iangˋ zeu nginˇ，lienˇ caˇ dai iangˋ tunˊ log duˋ，idˋ senˊ nanˇ mong aˊ moi qinˇ。 | v5c4p2 | |
| cirn_0209 | 「茶」同客家人个生活有密切个關連，客家山歌就係在山頂茶園項傳唱開來个。 | 「caˇ」tungˇ hagˋ gaˊ nginˇ ge senˊ fad iuˊ med qiedˋ ge guanˊ lienˇ，hagˋ gaˊ sanˊ goˊ qiu he teˊ sanˊ dangˋ caˇ ianˇ hong conˇ cong koiˊ loiˇ ge。 | v5c4p3 | |
| cirn_0210 | 還記得舊年冬下，跈阿爸阿姆去二舅屋下尞，一入門，膨風茶个香味就衝啊來。 | vanˇ gi dedˋ kiu ngianˇ dungˊ haˊ，tenˇ aˊ baˊ aˊ meˊ hi ngi kiuˊ lugˋ kaˊ liau，idˋ ngib munˇ，pong fungˊ caˇ ge hiongˊ mi qiu cungˊ a loiˇ。 | v5c4p4 | |
| cirn_0211 | 在該寒囉囉仔个時節，兜等一杯燒茶，定定仔啉落肚，該種燒暖个感覺，到今還留在吾心肝肚。 | teˊ ge honˇ loˊ loˊ eˊ ge siiˇ jiedˋ，deuˊ nenˋ idˋ biˊ seuˊ caˇ，tin tin eˊ limˊ log duˋ，ge zungˋ seuˊ nonˊ ge gamˋ gogˋ，do ginˊ vanˇ liuˇ teˊ ngaˊ ximˊ gonˊ duˋ。 | v5c4p5 | |
| cirn_0212 | 第五課，食頭路。 | ti ngˋ ko，siid teuˇ lu。 | v5c5p1 | |
| cirn_0213 | 獅仔大王有一垤地，闊野野仔，自家做毋贏，就請猴仔來手。 | siiˊ eˋ tai vongˇ iuˊ idˋ de ti，fadˋ iaˊ iaˊ eˋ，qid gaˊ zo mˇ iangˇ，qiu qiangˋ heuˇ eˋ loiˇ ten suˋ。 | v5c5p2 | |
| cirn_0214 | 吂知這隻猴仔每擺著獅仔無在，就在該攀籬吊壁，正事無做半息。 | mangˇ diˊ iaˋ zagˋ heuˇ eˋ miˊ baiˋ pu doˋ siiˊ eˋ moˇ coiˊ，qiu teˊ ge panˊ liˇ diau biagˋ，ziin sii moˇ zo ban xidˋ。 | v5c5p3 | |
| cirn_0215 | 獅仔知著，譴到胲滿肚飽，遽遽請過狐狸仔。 | siiˊ eˋ diˊ doˋ，kienˋ do goiˊ manˊ duˋ bauˋ，giagˋ giagˋ qiangˋ go fuˇ liˇ eˋ。 | v5c5p4 | |
| cirn_0216 | 無想著還過慘，狐狸仔做事花花蓼蓼，做到鬍鬚麻加，還會講花蓼。 | moˇ xiongˋ doˋ vanˇ go camˋ，fuˇ liˇ eˋ zo se faˊ faˊ liauˊ liauˊ，zo do fuˇ xiˊ maˇ gaˊ，vanˇ voi gongˋ faˊ liauˊ。 | v5c5p5 | |
| cirn_0217 | 高不將，又請過牛仔來做。 | goˊ budˋ jiongˊ，iu qiangˋ go ngiuˇ eˋ loiˇ ten zo。 | v5c5p6 | |
| cirn_0218 | 牛仔頭犁犁仔、恬恬仔做，無多講、無計較。 | ngiuˇ eˋ teuˇ laiˇ laiˇ eˋ、diamˊ diamˊ eˊ zo，moˇ doˊ gongˋ、moˇ gie gauˋ。 | v5c5p7 | |
| cirn_0219 | 獅仔講：「這擺就請著人吔哪！」。 | siiˊ eˋ gongˋ：「iaˋ baiˋ qiu qiangˋ cog nginˇ eˇ naˊ！」。 | v5c5p8 | |
| cirn_0220 | 第六課，休閒農業。 | ti liugˋ ko，hiuˊ hanˇ nungˇ ngiab。 | v5c6p1 | |
| cirn_0221 | 休閒農業就係將傳統農業个經營方式多元化。 | hiuˊ hanˇ nungˇ ngiab qiu he jiongˊ conˇ tungˋ nungˇ ngiab ge ginˊ inˇ fongˊ siidˋ doˊ ngianˇ fa。 | v5c6p2 | |
| cirn_0222 | 有兜將地方農產品，加工變到精緻个商品；有兜配合當地个風土人情，發展出有特殊文化个景點；有兜利用地方个資源，分人客親身操作，體驗農村个生活。 | iuˊ deuˊ jiongˊ ti fongˊ nungˇ sanˋ pinˋ，gaˊ gungˊ bien do jinˊ zii ge songˊ pinˋ；iuˊ deuˊ pi hab dongˊ ti ge fungˊ tuˋ nginˇ qinˇ，fadˋ zanˋ cudˋ iuˊ tid suˊ vunˇ fa ge ginˋ diamˋ；iuˊ deuˊ li iung ti fongˊ ge ziiˊ ngianˇ，bunˊ nginˇ hagˋ qinˊ siinˊ cauˊ zogˋ，tiˋ ngiam nungˇ cunˊ ge senˊ fad。 | v5c6p3 | |
| cirn_0223 | 這下盡多農家人，經營觀光果園、花園餐廳、體驗牧場。 | iaˋ ha qin doˊ nungˇ gaˊ nginˇ，ginˊ inˇ gonˊ gongˊ goˋ ianˇ、faˊ ianˇ conˊ tangˊ、tiˋ ngiam mug congˇ。 | v5c6p4 | |
| cirn_0224 | 毋使像原在，歸日仔在田項，做到歸身泥混混仔，又晒到烏刻刻仔。 | mˇ siiˋ qiong ngianˇ cai，guiˊ ngidˋ eˋ teˊ tienˇ hong，zo do guiˊ siinˊ naiˇ gun gun eˊ，iu sai do vuˊ kadˋ kadˋ eˊ。 | v5c6p5 | |
| cirn_0225 | 休閒農業毋單淨會餳後生人來做新農民，也會同農村帶來新風貌。 | hiuˊ hanˇ nungˇ ngiab mˇ danˊ qiang voi xiangˇ heu sangˊ nginˇ loiˇ zo xinˊ nungˇ minˇ，ia voi tungˇ nungˇ cunˊ dai loiˇ xinˊ fungˊ mau。 | v5c6p6 | |
| cirn_0226 | 第七課，上網買東西。 | ti qidˋ ko，songˊ miongˋ maiˊ dungˊ xiˊ。 | v5c7p1 | |
| cirn_0227 | 下二禮拜，愛歸鄉下去看阿公。 | ha ngi liˊ bai，oi guiˊ hiongˊ ha hi kon aˊ gungˊ。 | v5c7p2 | |
| cirn_0228 | 𠊎想著阿公盡好食豆腐乳，就上網去買。 | ngaiˇ xiongˋ doˋ aˊ gungˊ qin hoˋ siid teu fu iˊ，qiu songˊ miongˋ hi maiˊ。 | v5c7p3 | |
| cirn_0229 | 手指一點，無幾多日，東西就送到屋下來。 | suˋ ziiˋ idˋ diamˋ，moˇ idˋ doˊ ngidˋ，dungˊ xiˊ qiu sung do lugˋ kaˊ loiˇ。 | v5c7p4 | |
| cirn_0230 | 下背就係在網路項定个東西。 | haˊ boi qiu he teˊ miongˋ lu hong tin ge dungˊ xiˊ。 | v5c7p5 | |
| cirn_0231 | 商品名稱：豆腐乳禮盒。商品編號：{b}{367985}。商品數量：{1}盒。商品價數：{599}銀。有效期限：{2012}年{12}月{31}日。所在地︰苗栗縣。運送費用：宅配{100}銀（滿{1,000}銀，免運費）。付款方式：□信用卡 □{ATM}轉帳 □郵政劃撥 □貨到付款。 | songˊ pinˋ miangˇ ciinˊ：teu fu iˊ liˊ hab。 songˊ pinˋ bienˊ ho：{bi} {samˊ liugˋ qidˋ giuˋ badˋ ngˋ}。songˊ pinˋ su liong：{idˋ} hab 。songˊ pinˋ ga sii：{ngˋ bagˋ giuˋ siib giuˋ ge} ngiunˇ。 iuˊ hauˋ kiˇ han：{ngi nangˇ idˋ ngi} ngianˇ {siib ngi} ngiadˋ {samˊ siib idˋ} ngidˋ 。soˋ cai ti︰meuˇ lid ian。 iun sung fi iung：ced pi {idˋ bagˋ} ngiunˇ（manˊ {idˋ qienˊ} ngiunˇ，mienˊ iun fi）。fu kuanˋ fongˊ siidˋ：□xin iung kaˋ □{ATM} zonˋ zong □iuˇ ziin vag badˋ □fo do fu kuanˋ。 | v5c7p6 | |
| cirn_0232 | 註文過後，𠊎就收著一封賣家个{e-mail}，確定付款方式同帳號。 | zu vunˇ go heu，ngaiˇ qiu suˊ doˋ idˋ fungˊ mai gaˊ ge {e-mail}，kogˋ tin fu kuanˋ fongˊ siidˋ tungˇ zong ho。 | v5c7p7 | |
| cirn_0233 | 毋使出門，毋使亍街仔，在網路項就買得著中意个東西，實在蓋利便。 | mˇ siiˋ cudˋ munˇ，mˇ siiˋ cogˋ giaiˊ eˋ，teˊ miongˋ lu hong qiu maiˊ dedˋ doˋ zung i ge dungˊ xiˊ，siid cai goi li pien。 | v5c7p8 | |
| cirn_0234 | 第八課，請人來食夜。 | ti badˋ ko，qiangˋ nginˇ loiˇ siid ia。 | v5c8p1 | |
| cirn_0235 | 敘述：阿良嫂降細人仔做滿月，請食夜。 | xi sud：aˊ liongˇ soˋ giung se nginˇ eˋ zo manˊ ngied，qiangˋ siid ia。 | v5c8p2 | |
| cirn_0236 | 人物：阿良（嬰兒仔个阿爸）、阿良嫂（嬰兒仔个阿姆）、阿公（嬰兒仔个阿公）、阿婆（嬰兒仔个阿媽）、阿舅（嬰兒仔个阿舅）、叔公（嬰兒仔个叔公）、張先生（阿良个同事）、李先生（阿良个同事）、張太太、李太太。 | nginˇ vud：aˊ liongˇ（oˇ ngaˊ eˋ ge aˊ baˊ）、aˊ liongˇ soˋ（oˇ ngaˊ eˋ ge aˊ meˊ）、aˊ gungˊ（oˇ ngaˊ eˋ ge aˊ gungˊ）、aˊ poˇ（oˇ ngaˊ eˋ ge aˊ ma）、aˊ kiuˊ（oˇ ngaˊ eˋ ge aˊ kiuˊ）、sugˋ gungˊ（oˇ ngaˊ eˋ ge sugˋ gungˊ）、zongˊ xinˊ sangˊ（aˊ liongˇ ge tungˇ sii）、liˋ xinˊ sangˊ（aˊ liongˇ ge tungˇ sii）、zongˊ tai tai、liˋ tai tai。 | v5c8p3 | |
| cirn_0237 | 背景：廳下擺圓桌，桌項有碗筷、酒菜。 | boi ginˋ：tangˊ haˊ baiˋ ianˇ zogˋ，zogˋ hong iuˊ vonˋ kuai、jiuˋ coi。 | v5c8p4 | |
| cirn_0238 | 阿公：阿良，恁暗吔，人客仰吂到呢？。 | aˊ gungˊ：aˊ liongˇ，anˋ am eˇ，nginˇ hagˋ ngiongˋ mangˇ do noˋ？。 | v5c8p5 | |
| cirn_0239 | 阿良：怕會到吔！（阿舅、李先生、張先生擐等等路共下入來。） | aˊ liongˇ：pa voi do eˇ！（aˊ kiuˊ、liˋ xinˊ sangˊ、zongˊ xinˊ sangˊ kuan denˋ denˋ lu kiung ha ngib loiˇ。） | v5c8p6 | |
| cirn_0240 | 喔！來吔來吔！(阿良迎接人客)請坐！請坐！ | oˊ！loiˇ eˊ loiˇ eˊ！(aˊ liongˇ ngiangˇ jiabˋ nginˇ hagˋ)qiangˋ coˊ！qiangˋ coˊ！ | v5c8p7 | |
| cirn_0241 | 李太太：這身衫褲分嬰兒仔著，日大三寸，平平順順。 | liˋ tai tai：iaˋ siinˊ samˊ fu bunˊ oˇ ngaˊ eˋ zogˋ，ngidˋ tai samˊ cun，piangˇ piangˇ sun sun。 | v5c8p8 | |
| cirn_0242 | 張太太：這隻禁指分嬰兒仔戴，乖乖會大。 | zongˊ tai tai：iaˋ zagˋ gim ziiˋ bunˊ oˇ ngaˊ eˋ dai，guaiˊ guaiˊ voi tai。 | v5c8p9 | |
| cirn_0243 | 阿舅：這紙尿褲分嬰兒仔，大富大貴。 | aˊ kiuˊ：iaˋ ziiˋ ngiau fu bunˊ oˇ ngaˊ eˋ，tai fu tai gui。 | v5c8p10 | |
| cirn_0244 | 阿良：人來就好，哪好恁仔大包細包！（阿良接下等路，請大家坐下來。 | aˊ liongˇ：nginˇ loiˇ qiu hoˋ，nai hoˋ anˋ eˊ tai bauˊ se bauˊ！（aˊ liongˇ jiabˋ haˊ denˋ lu，qiangˋ tai gaˊ coˊ haˊ loiˇ。 | v5c8p11 | |
| cirn_0245 | 叔公：（大家正坐啊下，叔公擐等兩罐酒入來。) | sugˋ gungˊ：（tai gaˊ nang coˊ a haˊ，sugˋ gungˊ kuan denˋ liongˋ gon jiuˋ ngib loiˇ。) | v5c8p12 | |
| cirn_0246 | 這擺阿良降倈仔，恁歡喜，𠊎擐兩罐二十年个紅露酒來請大家。 | iaˋ baiˋ aˊ liongˇ giung lai eˋ，anˋ fonˊ hiˋ，ngaiˇ kuan liongˋ gon ngi siib ngianˇ ge fungˇ lu jiuˋ loiˇ qiangˋ tai gaˊ。 | v5c8p13 | |
| cirn_0247 | （阿良遽遽開酒，同大家斟酒。) | （aˊ liongˇ giagˋ giagˋ koiˊ jiuˋ，tungˇ tai gaˊ ziimˊ jiuˋ。) | v5c8p14 | |
| cirn_0248 | 阿公：𠊎頭一擺做阿公，承蒙大家恁相惜，𠊎先敬大家！（阿公拿起酒杯）。 | aˊ gungˊ：ngaiˇ teuˇ idˋ baiˋ zo aˊ gungˊ，siinˇ mungˇ tai gaˊ anˋ xiongˊ xiagˋ，ngaiˇ xienˊ gin tai gaˊ！（aˊ gungˊ naˊ hiˋ jiuˋ biˊ）。 | v5c8p15 | |
| cirn_0249 | 阿良嫂：感謝大家个好金言。 | aˊ liongˇ soˋ：gamˋ qia tai gaˊ ge hoˋ gimˊ ngianˇ。 | v5c8p16 | |
| cirn_0250 | （阿良嫂揇等嬰兒仔，同大家頷頭。) | （aˊ liongˇ soˋ namˋ denˋ oˇ ngaˊ eˋ，tungˇ tai gaˊ ngamˋ teuˇ。) | v5c8p17 | |
| cirn_0251 | 張先生：唔！生來還得人惱喔！ | zongˊ xinˊ sangˊ：ngˊ！sangˊ loiˇ vanˇ dedˋ nginˇ nauˊ oˊ！ | v5c8p18 | |
| cirn_0252 | 李先生：頭大面四方，將來做大官。 | liˋ xinˊ sangˊ：teuˇ tai mien xi fongˊ，jiongˊ loiˇ zo tai gonˊ。 | v5c8p19 | |
| cirn_0253 | 叔公：這雞酒係土雞仔炒个，大家愛食加兜仔喔。 | sugˋ gungˊ：iaˋ gieˊ jiuˋ he tuˋ gieˊ eˋ cauˋ ge，tai gaˊ oi siid gaˊ deuˊ eˊ oˊ。 | v5c8p20 | |
| cirn_0254 | 阿婆：（阿婆解下圍身裙，同大家敬酒。) | aˊ poˇ：（aˊ poˇ giaiˋ haˊ viˇ siinˊ kiunˇ，tungˇ tai gaˊ gin jiuˋ。) | v5c8p21 | |
| cirn_0255 | 無麼个菜，實在蓋壞勢，𠊎敬大家！ | moˇ maˋ ge coi，siid cai goi faiˋ se，ngaiˇ gin tai gaˊ！ | v5c8p22 | |
| cirn_0256 | 張先生：（張先生伸出手指公，緊說阿婆。) | zongˊ xinˊ sangˊ：（zongˊ xinˊ sangˊ cunˊ cudˋ suˋ ziiˋ gungˊ，ginˋ sodˋ aˊ poˇ。) | v5c8p23 | |
| cirn_0257 | 伯姆還會，煮到恁傪菜！共下來啊！。 | bagˋ meˊ vanˇ voi，zuˋ do anˋ cam coi！kiung ha loiˇ a！ | v5c8p24 | |
| cirn_0258 | 第九課，跈阿姆轉妹家。 | ti giuˋ ko，tenˇ aˊ meˊ zonˋ moi gaˊ。 | v5c9p1 | |
| cirn_0259 | 母親節，阿爸、阿姆帶𠊎兩姊妹去轉妹家。 | muˊ qinˊ jiedˋ，aˊ baˊ、aˊ meˊ dai ngaiˇ liongˋ jiˋ moi hi zonˋ moi gaˊ。 | v5c9p2 | |
| cirn_0260 | 到吔阿婆屋面前，一下車，阿婆就扐等𠊎講：「恁久無看著，過作肉仔喲！有想阿婆無?」。 | do eˇ aˊ poˇ vugˋ mien qienˇ，idˋ haˊ caˊ，aˊ poˇ qiu led denˋ ngaiˇ gongˋ：「anˋ giuˋ moˇ kon doˋ，go zogˋ ngiugˋ eˇ oˊ！iuˊ xiongˋ aˊ poˇ moˇ?」。 | v5c9p3 | |
| cirn_0261 | 無幾久，阿姨也到吔，阿姆同阿姨將紅包、康乃馨送分阿婆。 | moˇ idˋ giuˋ，aˊ iˇ ia do eˊ，aˊ meˊ tungˇ aˊ iˇ jiongˊ fungˇ bauˊ、kongˊ naiˋ himˊ sung bunˊ aˊ poˇ。 | v5c9p4 | |
| cirn_0262 | 過後，大人在樹下泡茶、打嘴鼓；𠊎等細人仔就在屋背後搞庰人尋，表老弟做鬼做到毋堪輸贏，搵到地泥下打潑賴。 | go heu，tai nginˇ teˊ su haˊ pau caˇ、daˋ zoi guˋ；ngaiˇ denˊ se nginˇ eˋ qiu teˊ vugˋ boi heu gauˋ biang nginˇ qimˇ，beuˋ loˋ taiˊ zo guiˋ zo do mˇ kamˊ suˊ iangˇ，vun do ti naiˇ haˊ daˋ padˋ lai。 | v5c9p5 | |
| cirn_0263 | 阿公看著就喊：「毋好過搞吔！手洗洗啊，入來食雞卵糕。」 | aˊ gungˊ kon doˋ qiu ham：「mˇ hoˋ go gauˋeˊ！suˋ seˋ seˋ aˋ，ngib loiˇ siid geˊ nonˋ gauˊ。」 | v5c9p6 | |
| cirn_0264 | 大家就圍兼來唱歌仔，祝阿婆母親節快樂。 | tai gaˊ qiu viˇ giamˊ loiˇ cong goˊ eˋ，zugˋ aˊ poˇ muˊ qinˊ jiedˋ kuai log。 | v5c9p7 | |
| cirn_0265 | 第十課，拜阿公婆。 | ti siib ko，bai aˊ gungˊ poˇ。 | v5c10p1 | |
| cirn_0266 | 五月節，屋下愛拜阿公婆。 | ngˋ ngiad jiedˋ，lugˋ kaˊ oi bai aˊ gungˊ poˇ。 | v5c10p2 | |
| cirn_0267 | 打早，阿姆就將牲體、粽仔、水果準備好勢，等子孫到齊，阿公就帶大家點香，同阿公婆講，今晡日係五月節，請阿公婆來領受三牲、果酒，保祐子孫平安順序。 | daˋ zoˋ，aˊ meˊ qiu jiongˊ senˊ tiˋ、zung eˋ、suiˋ goˋ zunˋ pi hoˋ se，denˋ ziiˋ sunˊ do ceˇ，aˊ gungˊ qiu dai tai gaˊ diamˋ hiongˊ，tungˇ aˊ gungˊ poˇ gongˋ，ginˊ buˊ ngidˋ he ngˋ ngiad jiedˋ，qiangˋ aˊ gungˊ poˇ loiˇ liangˊ su samˊ senˊ、goˋ jiuˋ，boˋ iu ziiˋ sunˊ pinˇ onˊ sun xi。 | v5c10p3 | |
| cirn_0268 | 過後，阿公同大家講頭擺祖先仰仔打拚，正會有今晡日，愛記得祖公个恩德。 | go heu，aˊ gungˊ tungˇ tai gaˊ gongˋ teuˇ baiˋ zuˋ xienˊ ngiongˋ eˊ daˋ bia，nang voi iuˊ ginˊ buˊ ngidˋ，oi gi dedˋ zuˋ gungˊ ge enˊ dedˋ。 | v5c10p4 | |
| cirn_0269 | 跌吔聖筊，金燒好，收好牲體，大家歡歡喜喜，過一個盡有意義个五月節。 | diedˋ eˇ siin gau，gimˊ seuˊ hoˋ，suˊ hoˋ senˊ tiˋ，tai gaˊ fonˊ fonˊ hiˋ hiˋ，go idˋ ge qin iuˊ i ngi ge ngˋ ngiad jiedˋ。 | v5c10p5 | |
| cirn_0270 | 第一課，大家來唱客家歌。 | ti idˋ ko，tai gaˊ loiˇ cong hagˋ gaˊ goˊ。 | v6c1p1 | |
| cirn_0271 | 日頭一出唱山歌，唱到斷烏暗摸摸。 | ngidˋ teuˇ idˋ cudˋ cong sanˊ goˊ，cong do tonˊ vuˊ am moˊ moˊ。 | v6c1p2 | |
| cirn_0272 | 客家歌謠歡喜唱，你唱𠊎和笑呵呵。 | hagˋ gaˊ goˊ ieuˇ fonˊ hiˋ cong，ngˇ cong ngaiˇ foˇ seu hoˊ hoˊ。 | v6c1p3 | |
| cirn_0273 | 自古相傳客家歌，九腔十八調恁多。 | cii guˋ xiongˊ conˇ hagˋ gaˊ goˊ，giuˋ kiongˊ siib badˋ tiau anˋ doˊ。 | v6c1p4 | |
| cirn_0274 | 臺頂臺下煞猛唱，談情說理用山歌。 | toiˇ dangˋ toiˇ haˊ sadˋ mangˊ cong，tamˇ qinˇ sodˋ liˊ iung sanˊ goˊ。 | v6c1p5 | |
| cirn_0275 | 講著山歌𠊎最多，隨來隨鬥幾十籮。 | gongˋ doˋ sanˊ goˊ ngaiˇ zuiˋ doˊ，suiˇ loiˇ suiˇ deu giˋ siib loˇ。 | v6c1p6 | |
| cirn_0276 | 二弦胖瓠挨啊起，唱到明年割冬禾。 | ngi hianˇ pang puˇ aiˊ a hiˋ，cong do minˇ ngianˇ godˋ dungˊ voˇ。 | v6c1p7 | |
| cirn_0277 | 現代時行創新歌，客家新曲韻味高。 | hian toi siiˇ hangˇ congˋ xinˊ goˊ，hagˋ gaˊ xinˊ kiugˋ iun mi goˊ。 | v6c1p8 | |
| cirn_0278 | 男女老幼都會唱，快快樂樂共下和。 | namˇ ngˋ loˋ iu duˊ voi cong，kuai kuai log log kiung ha foˇ。 | v6c1p9 | |
| cirn_0279 | 天公落水曲調好，客家本色意義多。 | tienˊ gungˊ log suiˋ kiugˋ tiau hoˋ，hagˋ gaˊ bunˋ sedˋ i ngi doˊ。 | v6c1p10 | |
| cirn_0280 | 細人聽著行孝順，老人聽著壽年高。 | se nginˇ tangˊ doˋ hangˇ hau sun，loˋ nginˇ tangˊ doˋ su ngianˇ goˊ。 | v6c1p11 | |
| cirn_0281 | 傳統山歌客家寶，創新歌曲也蓋好。 | conˇ tungˋ sanˊ goˊ hagˋ gaˊ boˋ，congˋ xinˊ goˊ kiugˋ ia goi hoˋ。 | v6c1p12 | |
| cirn_0282 | 老歌新曲人人唱，唱到歡喜毋會老。 | loˋ goˊ xinˊ kiugˋ nginˇ nginˇ cong，cong do fonˊ hiˋ mˇ voi loˋ。 | v6c1p13 | |
| cirn_0283 | 第二課，𠊎最有興趣个一門課。 | ti ngi ko，ngaiˇ zuiˋ iuˊ him qi ge idˋ munˇ ko。 | v6c2p1 | |
| cirn_0284 | 「天公啊！落水喲！阿妹呀……」這首客家歌曲，歸班仔越唱越大聲，越唱越有興頭，這就係𠊎最好上个客語課。 | 「tienˊ gungˊ aˊ！log suiˋ ioˊ！aˊ moi iaˊ……」iaˋ suˋ hagˋ gaˊ goˊ kiugˋ，guiˊ banˊ eˋ iad cong iad tai sangˊ，iad cong iad iuˊ him teuˇ，iaˋ qiu he ngaiˇ zuiˋ ho song ge hagˋ ngiˊ ko。 | v6c2p2 | |
| cirn_0285 | 客語先生上課認真又古琢，毋單淨教大家唱山歌、讀諺語、念童謠，還會紹介盡有特色个客家文化。 | hagˋ ngiˊ xinˊ sangˊ song ko ngin ziinˊ iu guˋ dogˋ，mˇ danˊ qiang gau tai gaˊ cong sanˊ goˊ、tug ngian ngiˊ、ngiam tungˇ ieuˇ，vanˇ voi seu giai qin iuˊ tid sedˋ ge hagˋ gaˊ vunˇ fa。 | v6c2p3 | |
| cirn_0286 | 山歌好聽，諺語搭句，童謠生趣，𠊎見擺就聽到蓋入神。 | sanˊ goˊ hoˋ tangˊ，ngian ngiˊ dabˋ gi，tungˇ ieuˇ senˊ qi，ngaiˇ gian baiˋ qiu tangˊ do goi ngib siinˇ。 | v6c2p4 | |
| cirn_0287 | 先生也不時用搞尞个方式來教學，像搶答、過關活動，大家搞到歡喜透天，屋頂都會掀起來！ | xinˊ sangˊ ia budˋ siiˇ iung gauˋ liau ge fongˊ siidˋ loiˇ gau hog，qiong qiongˋ dabˋ、go guanˊ fad tung，tai gaˊ gauˋ do fonˊ hiˋ teu tienˊ，vugˋ dangˋ duˊ voi ianˊ hiˋ loiˇ！ | v6c2p5 | |
| cirn_0288 | 下把仔先生還會做令仔分大家揣，你一句、𠊎一句，揣到鬧熱弄天。 | ha baˋ eˊ xinˊ sangˊ vanˇ voi zo liang eˋ bunˊ tai gaˊ tonˇ，ngˇ idˋ gi、ngaiˇ idˋ gi，tonˇ do nau ngiad nung tienˊ。 | v6c2p6 | |
| cirn_0289 | 有時分𠊎揣著，先生就比手指公緊說𠊎，害𠊎暢到佇毋著。 | iuˊ siiˇ bunˊ ngaiˇ tonˇ doˋ，xinˊ sangˊ qiu biˋ suˋ ziiˋ gungˊ ginˋ sodˋ ngaiˇ，hoi ngaiˇ tiong do du mˇ diauˇ。 | v6c2p7 | |
| cirn_0290 | 每禮拜上客語課𠊎就蓋歡喜、蓋快樂，𠊎个客話也緊講緊滑溜，𠊎實在還好上這門課喔！ | miˊ liˊ bai song hagˋ ngiˊ ko ngaiˇ qiu goi fonˊ hiˋ、goi kuai log，ngaiˇ ge hagˋ fa ia ginˋ gongˋ ginˋ vad liuˋ，ngaiˇ siid cai vanˇ hau song iaˋ munˇ ko oˊ！ | v6c2p8 | |
| cirn_0291 | 第三課，先生教𠊎講客話。 | ti samˊ ko，xinˊ sangˊ gauˊ ngaiˇ gongˋ hagˋ fa。 | v6c3p1 | |
| cirn_0292 | 人物：先生、班長、阿文、阿琴、阿芳、阿明。 | nginˇ vud：xinˊ sangˊ、banˊ zongˋ、aˊ vunˇ、aˊ kimˇ、aˊ fongˊ、aˊ minˇ。 | v6c3p2 | |
| cirn_0293 | 背景：上課鐘響，大家準備上課，有兜學生仔還在教室項走上走下。 | boi ginˋ：song ko zungˊ hiongˋ，tai gaˊ zunˋ pi song ko，iuˊ deuˊ hog sangˊ eˋ vanˇ teˊ gau siidˋ hong zeuˋ songˊ zeuˋ haˊ。 | v6c3p3 | |
| cirn_0294 | 班長：上課吔，大家遽遽坐好。 | banˊ zongˋ：song ko eˇ，tai gaˊ giagˋ giagˋ coˊ hoˋ。 | v6c3p4 | |
| cirn_0295 | 阿文你去捽粉牌，先生黏時來吔。 | aˊ vunˇ ngˇ hi cud funˋ paiˇ，xinˊ sangˊ ngiamˇ siiˇ loiˇ eˇ。 | v6c3p5 | |
| cirn_0296 | 阿文：哇！又愛上客語課吔喲。 | aˊ vunˇ：va！iu oi song hagˋ ngiˊ ko eˇ oˊ。 | v6c3p6 | |
| cirn_0297 | (阿文捽好粉牌就表演起來)艱苦艱苦真艱苦，先生上課像老虎，學生坐等像老鼠，愛唱山歌愛跳舞，還愛用客打嘴鼓，講好客話實在還辛苦啊，還辛苦。 | (aˊ vunˇ cud hoˋ funˋ paiˇ qiu beuˋ ianˊ hiˋ loiˇ)ganˊ kuˋ ganˊ kuˋ ziinˊ ganˊ kuˋ，xinˊ sangˊ song ko qiong no fuˋ，hog sangˊ coˊ denˋ qiong no cuˋ，oi cong sanˊ goˊ oi tiau vuˋ，vanˇ oi iung hagˋ daˋ zoi guˋ，gongˋ hoˋ hagˋ fa siid cai vanˇ xinˊ kuˋ a，vanˇ xinˊ kuˋ。 | v6c3p7 | |
| cirn_0298 | (看著先生入來，阿文面紅濟炸蓋壞勢。) | (kon doˋ xinˊ sangˊ ngib loiˇ，aˊ vunˇ mien fungˇ ji za goi faiˋ se。) | v6c3p8 | |
| cirn_0299 | 先生，失禮，𠊎係講㖸个啦！ | xinˊ sangˊ，siidˋ liˊ，ngaiˇ he gongˋ nagˋ ge laˋ！ | v6c3p9 | |
| cirn_0300 | 先生：阿文，你還風神哦！毋單淨講到牽聲打呢、湊句湊句，搭並比手畫腳、搖頭拂尾，實在有精彩，大家同佢拍手。 | xinˊ sangˊ：aˊ vunˇ，ngˇ vanˇ fungˊ siinˇ oˊ！mˇ danˊ qiang gongˋ do kianˊ sangˊ daˋ ne、ceu gi ceu gi，dabˋ bin biˋ suˋ vag giogˋ、ieuˇ teuˇ fid miˊ，siid cai iuˊ jinˊ caiˋ，tai gaˊ tungˇ iˇ pogˋ suˋ。 | v6c3p10 | |
| cirn_0301 | (全班緊拍手，緊哈哈大笑。) | (qionˇ banˊ ginˋ pogˋ suˋ，ginˋ haˊ haˊ tai seu。) | v6c3p11 | |
| cirn_0302 | 先生：(先生拿出一張圖)大家看，這張圖項係講麼个？阿琴，你先來講。 | xinˊ sangˊ：(xinˊ sangˊ naˊ cudˋ idˋ zongˊ tuˇ)tai gaˊ kon，iaˋ zongˊ tuˇ hong he gongˋ maˋ ge？aˊ kimˇ，ngˇ xienˊ loiˇ gongˋ。 | v6c3p12 | |
| cirn_0303 | 阿琴：𠊎看著一個阿姆同厥妹仔「綁毛仔」，兩子哀笑咪咪，看起來蓋歡喜。 | aˊ kimˇ：ngaiˇ kon doˋ idˋ ge aˊ meˊ tungˇ iaˊ moi eˋ「bongˋ moˊ eˋ」，liongˋ ziiˋ oiˊ seu miˊ miˊ，kon hiˋ loiˇ goi fonˊ hiˋ。 | v6c3p13 | |
| cirn_0304 | 先生：「綁毛仔」唷，該係食飯傍頭那毛，係咩？ | xinˊ sangˊ：「bongˋ moˊ eˋ」ioˋ，ge he siid fan bongˋ teuˇ naˇ moˊ，he meˊ？ | v6c3p14 | |
| cirn_0305 | 阿芳：毋係毋係，佢講个係「䌈頭那毛～」。 | aˊ fongˊ：mˇ he mˇ he，iˇ gongˋ ge he「tagˋ teuˇ naˇ moˊ～」。 | v6c3p15 | |
| cirn_0306 | 先生：𠊎知吔，佢係講「䌈毛辮仔」啦。 | xinˊ sangˊ：ngaiˇ diˊ eˊ，iˇ he gongˋ「tagˋ moˊ bienˊ eˋ」laˋ。 | v6c3p16 | |
| cirn_0307 | (先生換一張圖)。 | (xinˊ sangˊ von idˋ zongˊ tuˇ)。 | v6c3p17 | |
| cirn_0308 | 阿明：(阿明搶等講)這係鄉下，屋脣有田、有陂塘，還有人在田坵「種稻仔」，這家人个屋下，還畜有盡多「畜牲」。 | aˊ minˇ：(aˊ minˇ qiongˋ denˋ gongˋ)iaˋ he hiongˊ ha，vugˋ siinˇ iuˊ tienˇ、iuˊ biˊ tongˇ，vanˇ iuˊ nginˇ teˊ tienˇ kiuˊ「zung to eˋ」，iaˋ gaˊ nginˇ ge lugˋ kaˊ，vanˇ hiugˋ iuˊ qin doˊ「cugˋ sangˊ」。 | v6c3p18 | |
| cirn_0309 | 班長：你講个「種稻仔」係「種桃仔」咩？ | banˊ zongˋ：ngˇ gongˋ ge「zung to eˋ」he「zung toˇ eˋ」meˊ？ | v6c3p19 | |
| cirn_0310 | 阿明：毋係啦，「種稻仔」係𠊎特事講个，係「蒔田」正著。 | aˊ minˇ：mˇ he laˋ，「zung to eˋ」he ngaiˇ ti sii gongˋ ge，he「sii tienˇ」nang cogˋ。 | v6c3p20 | |
| cirn_0311 | 先生：阿明，你曉講「陂塘」，盡難得囉！你講个「畜牲」係麼个？。 | xinˊ sangˊ：aˊ minˇ，ngˇ hiauˋ gongˋ「biˊ tongˇ」，qin nanˇ dedˋ oˊ！ngˇ gongˋ ge「cugˋ sangˊ」he maˋ ge？。 | v6c3p21 | |
| cirn_0312 | 阿明：該雞鴨毋係「畜牲」咩？ | aˊ minˇ：ge gieˊ abˋ mˇ he「cugˋ sangˊ」meˊ？ | v6c3p22 | |
| cirn_0313 | 先生：係，毋過「畜雞鴨」愛講「畜頭牲」，「畜牲」係罵人个話，毋好儘採用哦！(大家㖸出來)。 | xinˊ sangˊ：he，mˇ go「hiugˋ gieˊ abˋ」oi gongˋ「hiugˋ teuˇ sangˊ」，「cugˋ sangˊ」he ma nginˇ ge fa，mˇ hoˋ qin caiˊ iung oˊ！(tai gaˊ nagˋ cudˋ loiˇ)。 | v6c3p23 | |
| cirn_0314 | 阿芳：學客話真有意思哦！ | aˊ fongˊ：hog hagˋ fa ziinˊ iuˊ i sii oˊ！ | v6c3p24 | |
| cirn_0315 | 先生：肯去聽、肯去講，還學得著過多哦！ | xinˊ sangˊ：henˋ hi tangˊ、henˋ hi gongˋ，vanˇ hog dedˋ doˋ go doˊ oˊ！ | v6c3p25 | |
| cirn_0316 | 阿文：𠊎就係不時講客，正會進步恁多。 | aˊ vunˇ：ngaiˇ qiu he budˋ siiˇ gongˋ hagˋ，nang voi jin pu anˋ doˊ。 | v6c3p26 | |
| cirn_0317 | 先生：著啦！大家愛同阿文學。 | xinˊ sangˊ：cogˋ laˋ！tai gaˊ oi tungˇ aˊ vunˇ hog。 | v6c3p27 | |
| cirn_0318 | 𠊎乜講幾句同阿文拚一下：生趣生趣真生趣，國語轉客盡容易，「雞冠」安到雞公髻，「聚餐」安到打鬥敘，總講大家愛增志，學講客話無難事啊，無難事。 | ngaiˇ me gongˋ giˋ gi tungˇ aˊ vunˇ bia idˋ ha：senˊ qi senˊ qi ziinˊ senˊ qi，guedˋ ngiˊ zonˋ hagˋ qin iungˇ i，「ji guan」onˊ doˊ gieˊ gungˊ gi，「juˋ can」onˊ doˊ daˋ deu xi，zungˋ gongˋ tai gaˊ oi zen zii，hog gongˋ hagˋ fa moˇ nanˇ sii aˋ，moˇ nanˇ sii。 | v6c3p28 | |
| cirn_0319 | 阿文：(阿文最後對等先生又拚一齣)先生上課盡生趣，會做丑來會變把戲，人人褒你親切又細義，講你老虎實在真失禮啊，真失禮。 | aˊ vunˇ：(aˊ vunˇ zuiˋ heu dui denˋ xinˊ sangˊ iu bia idˋ cudˋ)xinˊ sangˊ song ko qin senˊ qi，voi zo cuˋ loiˇ voi bien baˋ hi，nginˇ nginˇ boˊ ngˇ qinˊ qiedˋ iu se ngi，gongˋ ngˇ no fuˋ siid cai ziinˊ siidˋ liˊ aˋ，ziinˊ siidˋ liˊ。 | v6c3p29 | |
| cirn_0320 | (先生、同學哈哈大笑，下課鐘仔響。) | (xinˊ sangˊ、tungˇ hog haˋ haˋ tai seu，ha ko zungˊ eˋ hiongˋ。) | v6c3p30 | |
| cirn_0321 | 第四課，書香。 | ti xi ko，suˊ hiongˊ。 | v6c4p1 | |
| cirn_0322 | 老一輩人因為生活清苦，無機會讀書、識字，故所無辦法吸收過多知識，一生人單淨知耕種揢泥卵。 | loˋ idˋ bi nginˇ inˊ vi senˊ fad qinˊ kuˋ，moˇ giˊ fi tug suˊ、siidˋ sii，gu soˋ moˇ pan fabˋ kibˋ suˊ go doˊ ziiˊ siidˋ，idˋ senˊ nginˇ danˊ qiang diˊ gangˊ zung kag naiˇ lonˋ。 | v6c4p2 | |
| cirn_0323 | 現下教育普遍，網路發達，有蓋多讀書个機會，毋過，盡多人無了解讀書个趣味同價值。 | hian ha gau iugˋ puˊ pien，miongˋ lu fadˋ tad，iuˊ goi doˊ tug suˊ ge giˊ fi，mˇ go，qin doˊ nginˇ moˇ liauˋ giaiˋ tug suˊ ge qi mi tungˇ ga ciid。 | v6c4p3 | |
| cirn_0324 | 𠊎等從細讀書認字，除了學校學習个教材以外，平常時乜愛多看各種課外个好書，學著各種做人做事个道理：對人，知上下進退；對事，知是非重輕。 | ngaiˇ denˊ qiungˇ se tug suˊ ngin sii，cuˇ liauˋ hog gauˋ hog xib ge gau coiˇ iˊ ngoi，pinˇ songˇ siiˇ me oi doˊ kon gogˋ zungˋ ko ngoi ge hoˋ suˊ，hog doˋ gogˋ zungˋ zo nginˇ zo sii ge to liˊ：dui nginˇ，diˊ song ha jin tui；dui sii，diˊ sii fiˊ cungˊ kiangˊ。 | v6c4p4 | |
| cirn_0325 | 書香个香，分人氣質高尚；書香个醇，帶來幸福美滿。 | suˊ hiongˊ ge hiongˊ，bunˊ nginˇ hi ziidˋ goˊ song；suˊ hiongˊ ge sunˇ，dai loiˇ hen fugˋ miˊ manˊ。 | v6c4p5 | |
| cirn_0326 | 讀書愛趕早，看書愛思考。 | tug suˊ oi gonˋ zoˋ，kon suˊ oi siiˊ kauˋ。 | v6c4p6 | |
| cirn_0327 | 人講「貧者因書富，富者因書貴」，故所大家愛歡歡喜喜來讀書。 | nginˇ gongˋ「pinˇ zaˋ inˊ suˊ fu，fu zaˋ inˊ suˊ gui」，gu soˋ tai gaˊ oi fonˊ fonˊ hiˋ hiˋ loiˇ tug suˊ。 | v6c4p7 | |
| cirn_0328 | 書香在人間，人情留書中，天下何處不飄香？。 | suˊ hiongˊ teˊ nginˇ gianˊ，nginˇ qinˇ liuˇ suˊ zungˊ，tienˊ ha hoˇ cu budˋ peuˊ hiongˊ？ | v6c4p8 | |
| cirn_0329 | 第五課，𠊎拚上崁吔。 | ti ngˋ ko，ngaiˇ bia songˊ kam eˇ。 | v6c5p1 | |
| cirn_0330 | 十二月初六禮拜五烏陰天還暢哦！𠊎曉泅水吔！做得像魚仔恁仔在水竇肚泅來泅去。 | siib ngi ngiad cuˊ liugˋ liˊ bai ngˋ vuˊ imˊ tienˊ vanˇ tiong oˊ！ngaiˇ hiauˋ qiuˇ suiˋ eˇ！zo dedˋ qiong ngˇ eˋ anˋ eˊ teˊ suiˋ deu duˋ qiuˇ loiˇ qiuˇ hi。 | v6c5p2 | |
| cirn_0331 | 前一站仔，先生講愛上泅水課，𠊎聽著就愁到食睡毋得，因為𠊎蓋無膽，盡驚水。 | qienˇ idˋ cam eˊ，xinˊ sangˊ gongˋ oi song qiuˇ suiˋ ko，ngaiˇ tangˊ doˋ qiu seuˇ do siid soi mˇ dedˋ，inˊ vi ngaiˇ goi moˇ damˋ，qin giangˊ suiˋ。 | v6c5p3 | |
| cirn_0332 | 一開始，先生教大家定定仔學，心情愛放輕鬆，毋過𠊎个手同腳硬硬和毋著，手會劃來，腳嗄毋會踢；腳會踢來，手又毋記得劃。 | idˋ koiˊ siiˋ，xinˊ sangˊ gau tai gaˊ tin tin eˊ hog，ximˊ qinˇ oi biong kiangˊ sungˊ，mˇ go ngaiˇ ge suˋ tungˇ giogˋ ngang ngang foˇ mˇ doˋ，suˋ voi vag loiˇ，giogˋ sa mˇ voi tedˋ；giogˋ voi tedˋ loiˇ，suˋ iu mˇ gi dedˋ vag。 | v6c5p4 | |
| cirn_0333 | 先生看著就鼓勵𠊎講：「泅水係蓋好个運動，毋單止做得鍛鍊身體，還做得救人救自家。 | xinˊ sangˊ kon doˋ qiu guˋ li ngaiˇ gongˋ：「qiuˇ suiˋ he goi hoˋ ge iun tung，mˇ danˊ ziiˋ zo dedˋ ton lien siinˊ tiˋ，vanˇ zo dedˋ giu nginˇ giu qid gaˊ。 | v6c5p5 | |
| cirn_0334 | 愛有信心同耐心，你定著學得會！」經過先生細心細意个指導，𠊎正扭著泅水个竅門。 | oi iuˊ xin ximˊ tungˇ nai ximˊ，ngˇ tin cog hog dedˋ voi！」ginˊ go xinˊ sangˊ se ximˊ se i ge ziiˋ toˊ，ngaiˇ nang neuˋ doˋ qiuˇ suiˋ ge kieu munˇ。 | v6c5p6 | |
| cirn_0335 | 今晡日正式分𠊎拚上崁吔，𠊎曉得泅上泅下吔喲！ | ginˊ buˊ ngidˋ ziin siidˋ bunˊ ngaiˇ bia songˊ kam eˊ，ngaiˇ hiauˋ dedˋ qiuˇ songˊ qiuˇ haˊ eˇ io！ | v6c5p7 | |
| cirn_0336 | 第六課，細龜仔。 | ti liugˋ ko，se guiˊ eˋ 。 | v6c6p1 | |
| cirn_0337 | 黃屋背个山坑壢，有一隻細龜仔。 | vongˇ vugˋ boi ge sanˊ hangˊ lagˋ，iuˊ idˋ zagˋ se guiˊ eˋ。 | v6c6p2 | |
| cirn_0338 | 有一日，細龜仔定定仔行，行到半站仔，看著鰗鰍仔，鰗鰍仔問佢講：「你愛去哪仔？」細龜仔講：「𠊎想愛去海脣看風景。」 | iuˊ idˋ ngidˋ，se guiˊ eˋ tin tin eˊ hangˇ，hangˇ do ban cam eˋ，kon doˋ fuˇ qiuˊ eˋ，fuˇ qiuˊ eˋ mun iˇ gongˋ：「ngˇ oi hi naiˋ eˋ？」se guiˊ eˋ gongˋ：「ngaiˇ xiongˋ oi hi hoiˋ siinˇ kon fungˊ ginˋ。」 | v6c6p3 | |
| cirn_0339 | 鰗鰍仔就㖸佢：「你背个殼恁重，行仰得到？」過幾日，堵著細鴨仔，細鴨仔乜問佢：「你行路慢趖趖仔，愛哪久正行吔到？」臨尾，堵著𧊅仔乜講：「若腳恁短，愛行到幾時？」毋過，佢聽著完全毋會發譴，還係恬恬仔行，心肝肚想：「雖然𠊎殼恁重、腳恁短，行來慢，毋過𠊎肯行，總有一日會行到海脣。 | fuˇ qiuˊ eˋ qiu nagˋ iˇ：「ngˇ baˇ ge hogˋ anˋ cungˊ，hangˇ ngiong dedˋ do？」go giˋ ngidˋ，duˇ doˋ se abˋ eˋ，se abˋ eˋ me mun iˇ：「ngˇ hangˇ lu man soˇ soˇ eˊ，oi nai giuˋ nang hangˇ eˇ do？」limˇ miˊ，duˇ doˋ guaiˋ eˋ me gongˋ：「ngiaˊ giogˋ anˋ donˋ，oi hangˇ do giˋ siiˇ？」mˇ go，iˇ tangˊ doˋ vanˇ qionˇ mˇ voi fadˋ kienˋ，vanˇ he diamˊ diamˊ eˊ hangˇ，ximˊ gonˊ duˋ xiongˋ：「suiˊ ianˇ ngaiˇ hogˋ anˋ cungˊ、giogˋ anˋ donˋ，hangˇ loiˇ man，mˇ go ngaiˇ henˋ hangˇ，zungˋ iuˊ idˋ ngidˋ voi hangˇ do hoiˋ siinˇ。 | v6c6p4 | |
| cirn_0340 | 過後，又堵著田螺，田螺勸話佢：「大海離這還天背恁遠，像若這種腳步，行一生人乜毋會到，還係像𠊎戇戇仔過日仔還過贏哪！」 | go heu，iu duˇ doˋ tienˇ loˇ，tienˇ loˇ kian va iˇ：「tai hoiˋ liˇ iaˋ vanˇ tienˊ boi anˋ ianˋ，qiong ngiaˊ iaˋ zungˋ giogˋ pu，hangˇ idˋ senˊ nginˇ me mˇ voi do，vanˇ he qiong ngaiˇ ngong ngong eˋ go ngidˋ eˋ vanˇ go iangˇ naˊ！」 | v6c6p5 | |
| cirn_0341 | 細龜仔還係頭探探仔緊行，一路項風吹日炙，有時還愛跋過石堆砂壩，毋過佢全毋驚，還係煞猛向前行。 | se guiˊ eˋ vanˇ he teuˇ damˊ damˊ eˊ ginˋ hangˇ，idˋ lu hong fungˊ coiˊ ngidˋ zagˋ，iuˊ siiˇ vanˇ oi bagˋ go sag doiˊ saˊ ba，mˇ go iˇ qionˇ mˇ giangˊ，vanˇ he sadˋ mangˊ hiong qienˇ hangˇ。 | v6c6p6 | |
| cirn_0342 | 冬去春來，一年過核，正式分佢行到大海脣吔！ | dungˊ hi cunˊ loiˇ ，idˋngianˇ go hedˋ，ziin siidˋbunˊ iˇ hangˇ do tai hoiˋ siinˇ eˊ！ | v6c6p7 | |
| cirn_0343 | 第七課，胡阿海。 | ti qidˋ ko，fuˇ aˊ hoiˋ。 | v6c7p1 | |
| cirn_0344 | 今年，離胡阿海來臺灣有兩百六十零年吔，清明祭祖个時節，後代子孫幾下百人在廳下拜阿公婆，共下聽長輩講來臺祖胡阿海个故事。 | ginˊ ngianˇ，liˇ fuˇ aˊ hoiˋ loiˇ toiˇ vanˊ iuˊ liongˋ bagˋ liugˋ siib langˇ ngianˇ eˇ，qiangˊ miangˇ ji zuˋ ge siiˇ jiedˋ，heu toi ziiˋ sunˊ giˋ haˊ bagˋ nginˇ teˊ tangˊ haˊ bai aˊ gungˊ poˇ，kiung ha tangˊ zongˋ pi gongˋ loiˇ toiˇ zuˋ fuˇ aˊ hoiˋ ge gu sii。 | v6c7p2 | |
| cirn_0345 | 胡阿海從細無爺無哀，乜無好讀書，跈等親戚一哪仔尋事做，交飯食。 | fuˇ aˊ hoiˋ qiungˇ se moˇ iaˇ moˇ oiˊ，me moˇ hoˋ tug suˊ，tenˇ denˋ qinˊ qidˋ idˋ nai eˋ qimˇ se zo，gau fan siid。 | v6c7p3 | |
| cirn_0346 | {1750}年， 阿海十八歲，佢分朋友邀去賭博，毋單止錢分人騙淨淨，還倒少人八個銀。 | {idˋ qidˋ ngˋ langˇ} ngianˇ ，aˊ hoiˋ siib badˋ se。 iˇ bunˊ penˇ iuˊ ieuˊ hi duˋ bogˋ，mˇ danˊ ziiˋ qienˇ bunˊ nginˇ pien qiang qiang，vanˇ do seuˋ nginˇ badˋ ge ngiunˇ。 | v6c7p4 | |
| cirn_0347 | 該時代錢過大，八個銀當過一個身家。 | ge siiˇ toi qienˇ go tai，badˋ ge ngiunˇ dong go idˋ ge siinˊ gaˊ。 | v6c7p5 | |
| cirn_0348 | 債主討無錢，愛收厥命，佢走無路，高不將同親戚撥兜仔錢，坐船過臺灣。 | zai zuˋ toˋ moˇ qienˇ，oi suˊ iaˊ miang，iˇ zeuˋ moˇ lu，goˊ budˋ jiongˊ tungˇ qinˊ qidˋ padˋ deuˊ eˊ qienˇ，coˊ sonˇ go toiˇ vanˊ。 | v6c7p6 | |
| cirn_0349 | 到臺灣以後，無親無戚，無朋無友。 | do toiˇ vanˊ iˊ heu，moˇ qinˊ moˇ qidˋ，moˇ penˇ moˇ iuˊ。 | v6c7p7 | |
| cirn_0350 | 無奈何，佢就先到人屋下做長工。 | moˇ nai hoˇ，iˇ qiu xienˊ do nginˇ lugˋ kaˊ zo congˇ gungˊ。 | v6c7p8 | |
| cirn_0351 | 做長工非常清苦，麼个事情都愛做：㧡水、掌牛、蒔田、挲草、割禾。 | zo congˇ gungˊ fiˊ songˇ qinˊ kuˋ，maˋ ge sii qinˇ duˊ oi zo：kaiˊ suiˋ、zongˋ ngiuˇ、sii tienˇ、soˊ coˋ、godˋ voˇ。 | v6c7p9 | |
| cirn_0352 | 佢牙根囓等煞猛做事，日日做到像泥牯佬樣仔。 | iˇ ngaˇ ginˊ ngadˋ denˋ sadˋ mangˊ zo se，ngidˋ ngidˋ zo do qiong naiˇ guˋ loˋ iong eˋ。 | v6c7p10 | |
| cirn_0353 | 因為佢蓋打拚，五年過後，分頭家招去做婿郎。 | inˊ vi iˇ goi daˋ bia，ngˋ ngianˇ go heu，bunˊ teuˇ gaˊ zeuˊ hi zo se longˇ。 | v6c7p11 | |
| cirn_0354 | 下後，佢兩公婆勤儉持家，也降有五男五女，伸著有錢就買田買地，生活緊來緊好。 | ha heu，iˇ liongˋ gungˊ poˇ kiunˇ kiam ciiˇ gaˊ，ia gong iuˊ ngˋ namˇ ngˋ ngˋ，cunˊ doˋ iuˊ qienˇ qiu maiˊ tienˇ maiˊ ti，senˊ fad ginˋ loiˇ ginˋ hoˋ。 | v6c7p12 | |
| cirn_0355 | 阿海舍心肝肚永久記得自家係仰仔清苦過來个，故所佢千叮嚀、萬吩咐，交代子孫：第一切莫賭博；第二愛煞猛讀書；第三愛認真做事。 | aˊ hoiˋ sa ximˊ gonˊ duˋ iunˋ giuˋ gi dedˋ qid gaˊ he ngiongˋ eˊ qinˊ kuˋ go loiˇ ge，gu soˋ iˇ qienˊ denˊ nenˇ、van funˊ fu，gauˊ dai ziiˋ sunˊ：ti idˋ qiedˋ mog duˋ bogˋ；ti ngi oi sadˋ mangˊ tug suˊ；ti samˊ oi ngin ziinˊ zo se。 | v6c7p13 | |
| cirn_0356 | 這種家訓代代相傳，變成好門風。 | iaˋ zung gaˊ hiun toi toi xiongˊ conˇ，bien siinˇ hoˋ munˇ fungˊ。 | v6c7p14 | |
| cirn_0357 | 厥子孫也蓋增志，無人會去賭博，個個學識豐富，儕儕事業有成。 | iaˊ ziiˋ sunˊ ia goi zen zii，moˇ nginˇ voi hi duˋ bogˋ，ge ge hog siidˋ fungˊ fu，saˇ saˇ sii ngiab iuˊ siinˇ。 | v6c7p15 | |
| cirn_0358 | 第八課，火焰蟲。 | ti badˋ ko，foˋ ngiamˇ cungˇ。 | v6c8p1 | |
| cirn_0359 | 落雨過後个臨暗仔，日頭在山背，留下淡黃色个霞光。 | log iˋ go heu ge limˇ am eˋ，ngidˋ teuˇ teˊ sanˊ boi，liuˇ haˊ tam vongˇ sedˋ ge haˇ gongˊ。 | v6c8p2 | |
| cirn_0360 | 山前个樹影，面前个禾苗，越來越濛。 | sanˊ qienˇ ge su iangˋ，mien qienˇ ge voˇ meuˇ，iad loiˇ iad mungˇ。 | v6c8p3 | |
| cirn_0361 | 漸漸仔，所有个景物，沉落夜色中。 | qiam qiam eˊ，soˋ iuˊ ge ginˋ vud，ciimˇ log ia sedˋ zungˊ。 | v6c8p4 | |
| cirn_0362 | 暗晡夜，𠊎等一家人，決定愛歸鄉下去看火焰蟲，這係阿爸舊年就同大家講好个。 | am buˊ ia，ngaiˇ denˊ idˋ gaˊ nginˇ，giadˋ tin oi guiˊ hiongˊ ha hi kon foˋ ngiamˇ cungˇ，iaˋ he aˊ baˊ kiu ngianˇ qiu tungˇ tai gaˊ gongˋ hoˋ ge。 | v6c8p5 | |
| cirn_0363 | 老屋囥等阿爸个童年回憶，回憶裡背，有苦有甘，有甜有酸，還有無法度添放核个火焰蟲。 | loˋ vugˋ kong denˋ aˊ baˊ ge tungˇ ngianˇ fiˇ i，fiˇ i diˊ boi，iuˊ kuˋ iuˊ gamˊ，iuˊ tiamˇ iuˊ sonˊ，vanˇ iuˊ moˇ fabˋ tu tiamˊ biong hedˋ ge foˋ ngiamˇ cungˇ。 | v6c8p6 | |
| cirn_0364 | 每擺提起老屋，阿爸就會講，有閒時節愛帶𠊎等歸去看看啊！。 | miˊ baiˋ tiˇ hiˋ loˋ vugˋ，aˊ baˊ qiu voi gongˋ，iuˊ hanˇ siiˇ jiedˋ oi dai ngaiˇ denˊ guiˊ hi kon kon aˋ！。 | v6c8p7 | |
| cirn_0365 | 行轉老屋个路項，山風涼沁沁仔。 | hangˇ zonˋ loˋ vugˋ ge lu hong，sanˊ fungˊ liongˇ xim xim eˊ。 | v6c8p8 | |
| cirn_0366 | 火焰蟲，在𠊎等个四周圍，𥍉上𥍉下，就像飛來飛去个細燈籠，也像天頂个星仔，恁多恁靚！阿爸講：「𠊎做細人仔个時節，火焰蟲還過多、還過靚哦！」。 | foˋ ngiamˇ cungˇ，teˊ ngaiˇ denˊ ge xi zuˊ viˇ，ngiabˋ songˊ ngiabˋ haˊ，qiu qiong biˊ loiˇ biˊ hi ge se denˊ lungˇ，ia qiong tienˊ dangˋ ge senˊ eˋ，anˋ doˊ anˋ jiangˊ！aˊ baˊ gongˋ：「ngaiˇ zo se nginˇ eˋ ge siiˇ jiedˋ，foˋ ngiamˇ cungˇ vanˇ go doˊ、vanˇ go jiangˊ oˊ！」。 | v6c8p9 | |
| cirn_0367 | 𠊎想著頭擺，每年火焰蟲盡多該下，毋知有幾多人逐等火焰蟲，去尋佢等个童年夢！ | ngaiˇ xiongˋ doˋ teuˇ baiˋ，miˊ ngianˇ foˋ ngiamˇ cungˇ qin doˊ ge ha，mˇ diˊ iuˊ idˋ doˊ nginˇ giugˋ denˋ foˋ ngiamˇ cungˇ，hi qimˇ iˇ denˊ ge tungˇ ngianˇ mung！ | v6c8p10 | |
| cirn_0368 | 第九課，鮮鮮河水。 | ti giuˋ ko，xienˊ xienˊ hoˇ suiˋ。 | v6c9p1 | |
| cirn_0369 | 鮮鮮河水長又長，跳下山崗到平洋，毋在陂塘來轉擺，日夜溜過石牯到海洋。 | xienˊ xienˊ hoˇ suiˋ congˇ iu congˇ，tiau haˊ sanˊ gongˊ do piangˇ iongˇ，mˇ teˊ biˊ tongˇ loiˇ zonˋ baiˋ，ngidˋ ia liu go sag guˋ do hoiˋ iongˇ。 | v6c9p2 | |
| cirn_0370 | 鮮鮮河水清又清，蝦公揇人跤，𧊅仔伸懶筋，鰗鰍泥肚庰人尋，老蟹擎等兩粒目珠仁。 | xienˊ xienˊ hoˇ suiˋ qinˊ iu qinˊ，haˇ gungˊ namˋ nginˇ gauˊ，guaiˋ eˋ cunˊ lanˊ ginˊ，fuˇ qiuˊ naiˇ duˋ biang nginˇ qimˇ，no haiˋ kiangˇ denˋ liongˋ liab mugˋ zuˊ inˇ。 | v6c9p3 | |
| cirn_0371 | 鮮鮮河水變醹醹，親戚朋友愁了愁，到底麼人恁作惡，害𠊎烏烏臭臭日夜噭。 | xienˊ xienˊ hoˇ suiˋ bien neuˇ neuˇ，qinˊ qidˋ penˇ iuˊ seuˇ liauˋ seuˇ，do daiˋ maˋ nginˇ anˋ zogˋ ogˋ，hoi ngaiˇ vuˊ vuˊ cu cu ngidˋ ia gieu。 | v6c9p4 | |
| cirn_0372 | 鮮鮮河水笑又笑，大人細子來相惜，揚尾揚蝶𫟧來搞，鵝公帶子來泅水，還𠊎清清淨淨好面貌。 | xienˊ xienˊ hoˇ suiˋ seu iu seu，tai nginˇ se ziiˋ loiˇ xiongˊ xiagˋ，iongˇ miˊ iongˇ iab dinˊ loiˇ gauˋ，ngoˇ gungˊ dai ziiˋ loiˇ qiuˇ suiˋ，vanˇ ngaiˇ qinˊ qinˊ qiang qiang hoˋ mien mau。 | v6c9p5 | |
| cirn_0373 | 第十課，飛鼠个心聲。 | ti siib ko，biˊ cuˋ ge ximˊ sangˊ。 | v6c10p1 | |
| cirn_0374 | 「目珠圓叮噹，尾仔長又長；日時樹空庰，夜來走山崗。」 | 「mugˋ zuˊ ianˇ dinˊ dongˊ，miˊ eˋ congˇ iu congˇ；ngidˋ siiˇ su kangˊ biang，ia loiˇ zeuˋ sanˊ gongˊ。」 | v6c10p2 | |
| cirn_0375 | 𠊎就係歇在臺灣山崠頂个飛鼠，在海拔三百公尺到三千公尺个山項都有𠊎等个腳跡。 | ngaiˇ qiu he hiadˋ teˊ toiˇ vanˊ sanˊ dung dangˋ ge biˊ cuˋ，teˊ hoiˋ bad samˊ bagˋ gungˊ cagˋ do samˊ qienˊ gungˊ cagˋ ge sanˊ hong duˊ iuˊ ngaiˇ denˊ ge giogˋ jiagˋ。 | v6c10p3 | |
| cirn_0376 | 𠊎日時頭在樹空裡背睡目，臨暗仔正出來尋嫩葉同果子食。 | ngaiˇ ngidˋ siiˇ teuˇ teˊ su kangˊ diˊ boi soi mugˋ，limˇ am eˋ nang cudˋ loiˇ qimˇ nun iab tungˇ goˋ ziiˋ siid。 | v6c10p4 | |
| cirn_0377 | 在這位，鳥仔唱歌分𠊎聽，白雲青天來譫哆，一屋下人快快樂樂，無愁無慮。 | teˊ iaˋ vi，diauˊ eˋ cong goˊ bunˊ ngaiˇ tangˊ，pag iunˇ qiangˊ tienˊ loiˇ damˇ deˇ，idˋ lugˋ kaˊ nginˇ kuai kuai log log，moˇ seuˇ moˇ li。 | v6c10p5 | |
| cirn_0378 | 毋過，「上天有不測風雲，飛鼠有旦夕禍福。」 | mˇ go，「song tienˊ iuˊ budˋ cedˋ fungˊ iunˇ，biˊ cuˋ iuˊ dan xidˋ fo fugˋ。」 | v6c10p6 | |
| cirn_0379 | 𠊎歇个家園嗄分人類來破壞，佢等同一大片个樹林倒淨淨，做菜園、種檳榔、開大路、起別莊。 | ngaiˇ hiadˋ ge gaˊ ianˇ sa bunˊ nginˇ lui loiˇ po faiˋ，iˇ denˊ tungˇ idˋ tai pienˋ ge su naˇ doˋ qiang qiang，zo coi ianˇ、zung binˊ longˇ、koiˊ tai lu、hiˋ pied zongˊ。 | v6c10p7 | |
| cirn_0380 | 前一駁仔發大風搓，風神發譴吼吼滾，水神發威砰砰滾。 | qienˇ idˋ bogˋ eˋ bodˋ tai fungˊ caiˊ，fungˊ siinˇ fadˋ kienˋ ho ho gunˋ，suiˋ siinˇ fadˋ viˊ bong bong gunˋ。 | v6c10p8 | |
| cirn_0381 | 就恁仔屙泥落石、崩崗㪐屻，高樓轉个轉，大橋斷个斷，樹仔也橫橫核。 | qiu anˋ eˊ oˊ naiˇ log sag、benˊ gongˊ ludˋ in，goˊ leuˇ zon ge zon，tai kieuˇ tonˊ ge tonˊ，su eˋ ia vangˇ vang hedˋ。 | v6c10p9 | |
| cirn_0382 | 到這下，𠊎無家無竇，愛仰結煞正好呢？。 | do iaˋ ha，ngaiˇ moˇ gaˊ moˇ deu，oi ngiong gadˋ sadˋ nang hoˋ noˋ？ | v6c10p10 | |
| cirn_0383 | 第一課，緊學緊問。 | ti idˋ ko，ginˋ hog ginˋ mun。 | v7c1p1 | |
| cirn_0384 | 在求知識个過程中，古人毋單淨講求「博學」，還強調「審問」，該係因為緊學緊問，正會得著學問。 | teˊ kiuˇ ziiˊ siidˋ ge go cangˇ zungˊ，guˋ nginˇ mˇ danˊ qiang gongˋ kiuˇ「bogˋ hog」，vanˇ kiongˇ tiau「siimˋ mun」，ge he inˊ vi ginˋ hog ginˋ mun，nang voi dedˋ doˋ hog mun。 | v7c1p2 | |
| cirn_0385 | 在這變化恁遽个時代，不管係語言、資訊、人文、藝術、自然、科技……，𠊎等定著愛多方面學習，正做得在現下个社會中健全發展。 | teˊ iaˋ bien fa anˋ giagˋ ge siiˇ toi，budˋ gonˋ he ngiˊ ngianˇ、ziiˊ xin、nginˇ vunˇ、ngi sud、cii ianˇ、koˊ giˊ……，ngaiˇ denˊ tin cog oi doˊ fongˊ mien hog xib，nang zo dedˋ teˊ hian ha ge sa fi zungˊ kian qionˇ fadˋ zanˋ。 | v7c1p3 | |
| cirn_0386 | 「問」係學習中非常重要个一部分，像孔子恁有學問，佢入太廟還愛緊問，𠊎等係堵著毋了解个問題，乜一定愛開口問詳細、想清楚，學識正會長進。 | 「mun」he hog xib zungˊ fiˊ songˇ cung ieu ge idˋ pu fun，qiong kungˋ ziiˋ anˋ iuˊ hog mun，iˇ ngib tai meu vanˇ oi ginˋ mun，ngaiˇ denˊ he duˇ doˋ mˇ liauˋ giaiˋ ge mun tiˇ，me idˋ tin oi koiˊ kieuˋ mun xiongˇ se、xiongˋ qinˊ cuˋ，hog siidˋ nang voi zongˋ jin。 | v7c1p4 | |
| cirn_0387 | 大家想看哪，若係你去到人生地不熟个所在，係毋肯去問路，想嘛知，定著會加行盡多冤枉路，也有可能根本都尋毋著所在。 | tai gaˊ xiongˋ kon na，naˊ he ngˇ hi do nginˇ sangˊ ti budˋ sug ge soˋ cai，he mˇ henˋ hi mun lu，xiongˋ maˇ diˊ，tin cog voi gaˊ hangˇ qin doˊ ianˊ vongˋ lu，ia iuˊ koˋ nenˇ ginˊ bunˋ duˊ qimˇ mˇ doˋ soˋ cai。 | v7c1p5 | |
| cirn_0388 | 在上課中乜共樣，同學有堵著毋了解个問題，毋好驚見笑，不論係先生抑係同學，都係𠊎等請教个對象。 | teˊ song ko zungˊ me kiung iong，tungˇ hog iuˊ duˇ doˋ mˇ liauˋ giaiˋ ge mun tiˇ，mˇ hoˋ giangˊ gian seu，budˋ lun he xinˊ sangˊ ia he tungˇ hog，duˊ he ngaiˇ denˊ qiangˋ gau ge dui xiong。 | v7c1p6 | |
| cirn_0389 | 毋單淨愛肯問，問了後，還係自家愛再過分析思考，做學問个過程就係恁仔。 | mˇ danˊ qiang oi henˋ mun，mun liauˋ heu，vanˇ he qid gaˊ oi zai go funˊ xidˋ siiˊ kauˋ，zo hog mun ge go cangˇ qiu he anˋ eˊ。 | v7c1p7 | |
| cirn_0390 | 「學問學問，緊學緊問」，在追求知識个路項，定著愛在學中問，問中學，緊學習，緊追問，尋出合理个答案，這正係求學問个正確態度。 | 「hog mun hog mun，ginˋ hog ginˋ mun」，teˊ zuiˊ kiuˇ ziiˊ siidˋ ge lu hong，tin cog oi teˊ hog zungˊ mun，mun zungˊ hog，ginˋ hog xib，ginˋ zuiˊ mun，qimˇ cudˋ hab liˊ ge dabˋ on，iaˋ nang he kiuˇ hog mun ge ziin kogˋ tai tu。 | v7c1p8 | |
| cirn_0391 | 第二課，伴。 | ti ngi ko，panˊ。 | v7c2p1 | |
| cirn_0392 | 「阿菊！好䟘吔！等一下阿玉仔就會來邀你去學校吔，日日分人等，敢毋會壞勢！」阿姆大嫲聲在該喊。 | 「aˊ kiugˋ！hoˋ hong eˊ！denˋ idˋ ha aˊ ngiug eˋ qiu voi loiˇ ieuˊ ngˇ hi hog gauˋ eˇ，ngidˋ ngidˋ bunˊ nginˇ denˋ，gamˋ mˇ voi faiˋ se！」aˊ meˊ tai maˇ sangˊ teˊ geˋ ham。 | v7c2p2 | |
| cirn_0393 | 𠊎共快跳䟘起來，係再過韌床，阿姆就會開聲罵，緊講麼个阿玉仔幾乖啦！每日早早就食飽來等你啦！毋像你恁懶尸，睡到日頭晒屎朏還毋知好䟘，連食朝都亂緊亂掣，做得出麼个大頭路來！ | ngaiˇ kiong kuai tiauˇ hong hiˋ loiˇ，he zai go ngiun congˇ，aˊ meˊ qiu voi koiˊ sangˊ ma，ginˋ gongˋ maˋ ge aˊ ngiug eˋ idˋ guaiˊ laˋ！miˊ ngidˋ zoˋ zoˋ qiu siid bauˋ loiˇ denˋ ngˇ laˋ！mˇ qiong ngˇ anˋ lanˊ siiˊ，soi do ngidˋ teuˇ sai sii fudˋ vanˇ mˇ diˊ hoˋ hong，lienˇ siid zeuˊ duˊ lon ginˋ lon cadˋ，zo dedˋ cudˋ maˋ ge tai teuˇ lu loiˇ！ | v7c2p3 | |
| cirn_0394 | 愛怪就怪阿玉仔啦！對五年生開始，佢差毋多日日七早八早就來邀𠊎去讀書。 | oi guai qiu guai aˊ ngiug eˋ laˋ！dui ngˋ ngianˇ senˊ koiˊ siiˋ，iˇ caˊ mˇ doˊ ngidˋ ngidˋ qidˋ zoˋ badˋ zoˋ qiu loiˇ ieuˊ ngaiˇ hi tug suˊ。 | v7c2p4 | |
| cirn_0395 | 阿姆每擺看著佢著到霋婥婥，看著𠊎還目睡摸些、擘嘴擘鼻，加添一肚懊懆。 | aˊ meˊ miˊ baiˋ kon doˋ iˇ zogˋ do qiˊ qiogˋ qiogˋ，kon doˋ ngaiˇ vanˇ mugˋ soi miaˊ xiaˊ、bagˋ zoi bagˋ pi，gaˊ tiamˊ idˋ duˋ au cau。 | v7c2p5 | |
| cirn_0396 | 毋過，就算𠊎兩儕恁無共樣，𠊎同佢還係挼泥毋洗手个好朋友。 | mˇ go，qiu son ngaiˇ liongˋ saˇ anˋ moˇ kiung iong，ngaiˇ tungˇ iˇ vanˇ he noˇ naiˇ mˇ seˋ suˋ ge hoˋ penˇ iuˊ。 | v7c2p6 | |
| cirn_0397 | 「阿菊！麼个時節吔！還在該啦歌哩曲，無愛煞猛兜仔！你看該阿玉仔，人盡乖，成績又好，你兩儕恁好，仰無同佢學兜仔。」 | 「aˊ kiugˋ！maˋ ge siiˇ jiedˋ eˇ！vanˇ teˊ geˋ laˊ goˊ liˊ kiugˋ，moˇ oi sadˋ mangˊ deuˊ eˊ！ngˇ kon ge aˊ ngiug eˋ，nginˇ qin guaiˊ，siinˇ jidˋ iu hoˋ，ngˇ liongˋ saˇ anˋ hoˋ，ngiongˋ moˇ tungˇ iˇ hog deuˊ eˊ。」 | v7c2p7 | |
| cirn_0398 | 過拜託兜仔哪！正食飽夜定，阿姆就在該喊讀書，有哪個後生人無唱流行歌？ | go bai togˋ deuˊ eˊ naˊ！nang siid bauˋ ia tin，aˊ meˊ qiu teˊ geˋ ham tug suˊ，iuˊ nai ge heu sangˊ nginˇ moˇ cong liuˇ hangˇ goˊ？ | v7c2p8 | |
| cirn_0399 | 還係愛怪阿玉仔啦！仰會佢項項恁好！阿姆歸日仔阿玉仔長、阿玉仔短，說佢說到會企。 | vanˇ he oi guai aˊ ngiug eˋ laˋ！ngiongˋ voi iˇ hong hong anˋ hoˋ！aˊ meˊ guiˊ ngidˋ eˋ aˊ ngiug eˋ congˇ、aˊ ngiug eˋ donˋ，sodˋ iˇ sodˋ do voi kiˊ。 | v7c2p9 | |
| cirn_0400 | 騙人毋識！𠊎就無半息好係無？交恁仔个朋友有麼个搭碓！ | pien nginˇ mˇ siidˋ！ngaiˇ qiu moˇ ban xidˋ hoˋ he moˇ？gauˊ anˋ eˊ ge penˇ iuˊ iuˊ maˋ ge dabˋ doi！ | v7c2p10 | |
| cirn_0401 | 「阿玉！天光日開始你毋使來邀𠊎吔。 | 「aˊ ngiug！tienˊ gongˊ ngidˋ koiˊ siiˋ ngˇ mˇ siiˋ loiˇ ieuˊ ngaiˇ eˇ。 | v7c2p11 | |
| cirn_0402 | 「兩儕共路有好譫哆，敢無過好！」。 | 「liongˋ saˇ kiung lu iuˊ hoˋ damˇ deˇ，gamˋ moˇ go hoˋ！」。 | v7c2p12 | |
| cirn_0403 | 𠊎聽啊著，又過譴，就堵佢講：「毋使你來等吔！你來，𠊎賺分人罵就有！」講核，𠊎斡頭就走。 | ngaiˇ tangˊ a doˋ，iu go kienˋ，qiu duˊ iˇ gongˋ：「mˇ siiˋ ngˇ loiˇ denˋ eˇ！ngˇ loiˇ，ngaiˇ con bunˊ nginˇ ma qiu iuˊ！」gongˋ hedˋ，ngaiˇ vadˋ teuˇ qiu zeuˋ。 | v7c2p13 | |
| cirn_0404 | 過後，𠊎測著對阿玉仔有過超過兜仔，毋過，𠊎个面子挷毋下來，每擺看著阿玉仔，𠊎就遽遽閃開。 | go heu，ngaiˇ zedˋ doˋ dui aˊ ngiug eˋ iuˊ go ceuˊ go deuˊ eˊ，mˇ go，ngaiˇ ge mien ziiˋ bangˊ mˇ haˊ loiˇ，miˊ baiˋ kon doˋ aˊ ngiug eˋ，ngaiˇ qiu giagˋ giagˋ samˋ koiˊ。 | v7c2p14 | |
| cirn_0405 | 這學期个社團活動，𠊎參加客家語社團，阿玉仔也有參加。 | iaˋ hog kiˇ ge sa tonˇ fad tung，ngaiˇ camˊ gaˊ hagˋ gaˊ ngiˊ sa tonˇ，aˊ ngiug eˋ ia iuˊ camˊ gaˊ。 | v7c2p15 | |
| cirn_0406 | 過後，佢不時會來問𠊎「這句客家話，愛仰仔講？」、「該條客家歌仰仔唱？」恁多年來，𠊎第一擺有贏過佢个感覺，當時个心情實在歡喜。 | go heu，iˇ budˋ siiˇ voi loiˇ mun ngaiˇ「iaˋ gi hagˋ gaˊ fa，oi ngiongˋ eˊ gongˋ？」、「ge tiauˇ hagˋ gaˊ goˊ ngiongˋ eˊ cong？」anˋ doˊ ngianˇ loiˇ，ngaiˇ ti idˋ baiˋ iuˊ iangˇ go iˇ ge gamˋ gogˋ，dongˊ siiˇ ge ximˊ qinˇ siid cai fonˊ hiˋ。 | v7c2p16 | |
| cirn_0407 | 慢慢仔，兩儕个感情又好轉來吔。 | man man eˊ，liongˋ saˇ ge gamˋ qinˇ iu hoˋ zonˋ loiˇ eˇ。 | v7c2p17 | |
| cirn_0408 | 有一擺，學校愛選𠊎去參加客語演講比賽，𠊎完全無經驗，每日愁到企坐毋核，好得阿玉仔教𠊎盡多演講个要領，喊𠊎毋使緊張。 | iuˊ idˋ baiˋ，hog gauˋ oi xienˋ ngaiˇ hi camˊ gaˊ hagˋ ngiˊ ianˊ gongˋ biˋ soi，ngaiˇ vanˇ qionˇ moˇ ginˊ ngiam，miˊ ngidˋ seuˇ do kiˊ coˊ mˇ hed，hoˋ dedˋ aˊ ngiug eˋ gauˊ ngaiˇ qin doˊ ianˊ gongˋ ge ieu liangˋ，ham ngaiˇ mˇ siiˋ ginˋ zongˊ。 | v7c2p18 | |
| cirn_0409 | 比賽該日，佢䟓䟓來同𠊎加油。 | biˋ soi ge ngidˋ，iˇ dangˊ dangˊ loiˇ tungˇ ngaiˇ gaˊ iuˇ。 | v7c2p19 | |
| cirn_0410 | 看著佢，𠊎个心就過在。 | kon doˋ iˇ，ngaiˇ ge ximˊ qiu go cai。 | v7c2p20 | |
| cirn_0411 | 一比賽核，𠊎就同阿玉仔講：「阿玉仔！好在有你做膽，𠊎个演講正會恁順序。 | idˋ biˋ soi hedˋ，ngaiˇ qiu tungˇ aˊ ngiug eˋ gongˋ：「aˊ ngiug eˋ！hoˋ cai iuˊ ngˇ zo damˋ，ngaiˇ ge ianˊ gongˋ nang voi anˋ sun xi。 | v7c2p21 | |
| cirn_0412 | 「阿玉仔！來去學校囉！」打早𠊎就興撮撮仔邀阿玉仔共下去學校。 | 「aˊ ngiug eˋ！loiˇ hi hog gauˋ loˊ！」daˋ zoˋ ngaiˇ qiu him codˋ codˋ eˊ ieuˊ aˊ ngiug eˋ kiung ha hi hog gauˋ。 | v7c2p22 | |
| cirn_0413 | 「石頭開花哦！恁早就來到𠊎屋下吔。」 | 「sag teuˇ koiˊ faˊ oˊ！anˋ zoˋ qiu loiˇ do ngaiˇ lugˋ kaˊ eˊ。」 | v7c2p23 | |
| cirn_0414 | 「恁仔正係你模範生阿玉仔个好朋友啊！」 | 「anˋ eˊ nang he ngˇ muˇ fam senˊ aˊ ngiug eˋ ge hoˋ penˇ iuˊ a！」 | v7c2p24 | |
| cirn_0415 | 阿玉仔伸手像愛打人樣。 | aˊ ngiug eˋ cunˊ suˋ qiong oi daˋ nginˇ iong。 | v7c2p25 | |
| cirn_0416 | 𠊎遽遽㖸等講：「模範生做毋得打人哦！」 | ngaiˇ giagˋ giagˋ nagˋ denˋ gongˋ：「muˇ fam senˊ zo mˇ dedˋ daˋ nginˇ oˊ！」 | v7c2p26 | |
| cirn_0417 | 無想著，阿玉仔牽起𠊎个手，同𠊎个手揢到緪緪講：「你係𠊎个好朋友，𠊎仰盼得打！」 | moˇ xiongˋ doˋ，aˊ ngiug eˋ kianˊ hiˋ ngaiˇ ge suˋ，tungˇ ngaiˇ ge suˋ kag do henˇ henˇ gongˋ：「ngˇ he ngaiˇ ge hoˋ penˇ iuˊ，ngaiˇ ngiongˋ pan dedˋ daˋ！」 | v7c2p27 | |
| cirn_0418 | 到這下𠊎正知，有你做伴，還好哦！。 | do iaˋ ha ngaiˇ nang diˊ，iuˊ ngˇ zo panˊ，vanˇ hoˋ oˊ！ | v7c2p28 | |
| cirn_0419 | 第三課，坐兼來參詳。 | ti samˊ ko，coˊ giamˊ loiˇ camˊ xiongˇ。 | v7c3p1 | |
| cirn_0420 | 下禮拜𠊎等這班愛去家政教室上課，上課以前，先開班會討論上課內容，會議紀錄係恁仔： | ha liˊ bai ngaiˇ denˊ iaˋ banˊ oi hi gaˊ ziin gau siidˋ song ko，song ko iˊ qienˇ，xienˊ koiˊ banˊ fi toˋ lun song ko nui iungˇ，fi ngi gi liug he anˋ eˊ： | v7c3p2 | |
| cirn_0421 | 七年一班班會紀錄。 | qidˋ ngianˇ idˋ banˊ banˊ fi gi liug。 | v7c3p3 | |
| cirn_0422 | 時間，{10}月{24}日，下晝第三節，週次，第七禮拜，開會次數，第三擺。 | siiˇ gianˊ，{siib} ngiad {ngi siib xi} ngidˋ，haˊ zu ti samˊ jiedˋ，zuˊ cii，ti qidˋ liˊ bai，koiˊ fi cii su，ti samˊ baiˋ。 | v7c3p4 | |
| cirn_0423 | 地點，{701}班教室，出席人數，{35}人，缺席人數，{0}人。 | ti diamˋ，{qidˋ langˇ idˋ} banˊ gau siidˋ，cudˋ xid nginˇ su，{samˊ siib ngˋ} nginˇ，kiadˋ xid nginˇ su，{langˇ} nginˇ。 | v7c3p5 | |
| cirn_0424 | 主席，王玉春，列席，導師，紀錄，張美蘭。 | zuˋ xid，vongˇ ngiug cunˊ，lied xid，to siiˊ，gi liug，zongˊ miˊ lanˇ。 | v7c3p6 | |
| cirn_0425 | 一、主席報告：第八週輪著𠊎等班愛去家政教室煮食，今晡日个班會大家愛討論煮麼个來食，人員愛仰仔分組，工作愛仰仔分配，希望大家共下來參詳。 | idˋ、zuˋ xid bo go：ti badˋ zuˊ linˇ doˋ ngaiˇ denˊ banˊ oi hi gaˊ ziin gau siidˋ zuˋ siid，ginˊ buˊ ngidˋ ge banˊ fi tai gaˊ oi toˋ lun zuˋ maˋ ge loiˇ siid，nginˇ ianˇ oi ngiongˋ eˇ bunˊ zuˊ，gungˊ zogˋ oi ngiongˋ eˇ funˊ pi，hiˊ mong tai gaˊ kiung ha loiˇ camˊ xiongˇ。 | v7c3p7 | |
| cirn_0426 | 二、各股工作報告：略。 | ngi、gogˋ guˋ gungˊ zogˋ bo go：liog。 | v7c3p8 | |
| cirn_0427 | 三、討論事項：討論一：這擺家政課愛做哪種美食？請討論。 | samˊ、toˋ lun sii hong：toˋ lun idˋ：iaˋ baiˋ gaˊ ziin ko oi zo nai zungˋ miˊ siid？qiangˋ toˋ lun。 | v7c3p9 | |
| cirn_0428 | 美利：𠊎等上了恁多客家个課程，蓋想了解客家人做鹹粄仔个方法，故所𠊎提議做鹹粄仔。 | miˊ li：ngaiˇ denˊ song eˇ anˋ doˊ hagˋ gaˊ ge ko cangˇ，goi xiongˋ liauˋ giaiˋ hagˋ gaˊ nginˇ zo hamˇ banˋ eˋ ge fongˊ fabˋ，gu soˋ ngaiˇ tiˇ ngi zo hamˇ banˋ eˋ。 | v7c3p10 | |
| cirn_0429 | 玉英：𠊎提議包水餃，過省事，煠啊熟就有好食。 | ngiug inˊ：ngaiˇ tiˇ ngi bauˊ suiˋ giauˋ，go sangˋ sii，sab a sug qiu iuˊ hoˋ siid。 | v7c3p11 | |
| cirn_0430 | 明光：麵包店个水果塔蓋好食，外背有酥皮，裡肚有草莓、水蜜桃、布丁……，𠊎提議做水果塔。 | minˇ gongˊ：mien bauˊ diam ge suiˋ goˋ tabˋ goi hoˋ siid，no boi iuˊ suˊ piˇ，diˊ duˋ iuˊ coˋ moiˇ、suiˋ med toˇ、bu denˊ……，ngaiˇ tiˇ ngi zo suiˋ goˋ tabˋ。 | v7c3p12 | |
| cirn_0431 | 決議：經過充分討論後，贊成做鹹粄仔个人有五分之三，決定下禮拜做鹹粄仔。 | giadˋ ngi：ginˊ go cungˊ fun toˋ lun heu，zan siinˇ zo hamˇ banˋ eˋ ge nginˇ iuˊ ngˋ funˊ ziiˊ samˊ，giadˋ tin ha liˊ bai zo hamˇ banˋ eˋ。 | v7c3p13 | |
| cirn_0432 | 討論二：人員愛仰仔分組？請討論。 | toˋ lun ngi：nginˇ ianˇ oi ngiongˋ eˇ bunˊ zuˊ？qiangˋ toˋ lun。 | v7c3p14 | |
| cirn_0433 | 梅影：照號碼順序來分，五儕一組。 | moiˇ iangˋ：zeu ho maˊ sun xi loiˇ bunˊ，ngˋ saˇ idˋ zuˊ。 | v7c3p15 | |
| cirn_0434 | 阿彰：照座位順序來分，一排一組。 | aˊ zongˊ：zeu co vi sun xi loiˇ bunˊ，idˋ paiˇ idˋ zuˊ。 | v7c3p16 | |
| cirn_0435 | 鳴珠：各人自由尋陣，七儕一組。 | minˇ zuˊ：gogˋ nginˇ cii iuˇ qimˇ ciin，qidˋ saˇ idˋ zuˊ。 | v7c3p17 | |
| cirn_0436 | 決議：大家自家去尋陣，七儕一組，總共分做五組。 | giadˋ ngi：tai gaˊ qid gaˊ hi qimˇ ciin，qidˋ saˇ idˋ zuˊ，zungˋ kiung bunˊ zo ngˋ zuˊ。 | v7c3p18 | |
| cirn_0437 | 討論三：工作愛仰仔分配？請討論。 | toˋ lun samˊ：gungˊ zogˋ oi ngiongˋ eˇ funˊ pi？qiangˋ toˋ lun。 | v7c3p19 | |
| cirn_0438 | 主席：頭先美利在網路項尋著包鹹粄仔个相關內容，有：搓粄粹、刷蘿蔔絲、切蔥頭、炒豬肉絲、𤐙香、洗弓蕉葉、包鹹粄仔、蒸鹹粄仔……。 | zuˋ xid：teuˇ xienˊ miˊ li teˊ miongˋ lu hong qimˇ doˋ bauˊ hamˇ banˋ eˋ ge xiongˊ gonˊ nui iungˇ，iuˊ：caiˊ banˋ ce、sodˋ loˇ ped xiˊ、qiedˋ cungˊ teuˇ、cauˋ zuˊ ngiugˋ xiˊ、biag hiongˊ、seˋ giungˊ zeuˊ iab、bauˊ hamˇ banˋ eˋ、ziinˊ hamˇ banˋ eˋ……。 | v7c3p20 | |
| cirn_0439 | 各組人馬開始參詳，到底愛做哪幾項工作？ | gogˋ zuˊ nginˇ maˊ koiˊ siiˋ camˊ xiongˇ，do daiˋ oi zo nai giˋ hong gungˊ zogˋ？ | v7c3p21 | |
| cirn_0440 | 彩霞：由各組自由認事頭來做，先認先贏喔。 | caiˋ haˇ：iuˇ gogˋ zuˊ cii iuˇ ngin se teuˇ loiˇ zo，xienˊ ngin xienˊ iangˇ oˊ。 | v7c3p22 | |
| cirn_0441 | 春福：請主席指定。 | cunˊ fugˋ：qiangˋ zuˋ xid ziiˋ tin。 | v7c3p23 | |
| cirn_0442 | 金財：𠊎提議各組抽籤決定，過無話講。 | gimˊ coiˇ：ngaiˇ tiˇ ngi gogˋ zuˊ cuˊ qiamˊ giadˋ tin，go moˇ fa gongˋ。 | v7c3p24 | |
| cirn_0443 | 決議：各組自由認事頭來做。 | giadˋ ngi：gogˋ zuˊ cii iuˇ ngin se teuˇ loiˇ zo。 | v7c3p25 | |
| cirn_0444 | 主席：經過大家參詳，除了鹹粄仔每一儕愛學包以外，伸个工作分配如下：第一組：搓粄粹。第二組：刷蘿蔔絲、切蔥頭。第三組：炒豬肉絲、𤐙香。第四組：洗弓蕉葉、撿揫。第五組：蒸鹹粄仔。四、臨時動議：無。 | zuˋ xid：ginˊ go tai gaˊ camˊ xiongˇ，cuˇ liauˋ hamˇ banˋ eˋ miˊ idˋ saˇ oi hog bauˊ iˊ ngoi，cunˊ ge gungˊ zogˋ funˊ pi iˇ ha：ti idˋ zuˊ:caiˊ banˋ ce。ti ngi zuˊ:sodˋ loˇ ped xiˊ、qiedˋ cungˊ teuˇ。ti samˊ zuˊ:cauˋ zuˊ ngiugˋ xiˊ、biag hiongˊ。ti xi zuˊ:seˋ giungˊ zeuˊ iab、giamˋ qiuˊ。ti ngˋ zuˊ:ziinˊ hamˇ banˋ eˋ。xi、limˇ siiˇ tung ngi：moˇ。 | v7c3p26 | |
| cirn_0445 | 五、導師講評：各位同學：鹹粄仔係客家美食最有特色个代表。今晡日，大家肯坐兼來參詳，分工合作去做，係好个開始。 | ngˋ、to siiˊ gongˋ pinˇ：gogˋ vi tungˇ hog：hamˇ banˋ eˋ he hagˋ gaˊ miˊ siid zuiˋ iuˊ tid sedˋ ge toi beuˋ 。ginˊ buˊ ngidˋ ，tai gaˊ henˋ coˊ giamˊ loiˇ camˊ xiongˇ，funˊ gungˊ hab zogˋ hi zo，he hoˋ ge koiˊ siiˋ。 | v7c3p27 | |
| cirn_0446 | 毋過，該日各組組長愛約束組員，做事愛細義，𠊎相信下禮拜个家政課，一定食得著有客家風味个鹹粄仔。 | mˇ go，ge ngidˋ gogˋ zuˊ zuˊ zongˋ oi iogˋ sugˋ zuˊ ianˇ，zo se oi se ngi，ngaiˇ xiongˊ xin ha liˊ bai ge gaˊ ziin ko，idˋ tin siid dedˋ doˋ iuˊ hagˋ gaˊ fungˊ mi ge hamˇ banˋ eˋ。 | v7c3p28 | |
| cirn_0447 | 班長簽名，導師簽章，訓育組長，學務主任，校長。 | banˊ zongˋ qiamˊ miangˇ，to siiˊ qiamˊ zongˊ，hiun iugˋ zuˊ zongˋ，hog vu zuˋ ngim，gauˋ zongˋ。 | v7c3p29 | |
| cirn_0448 | 第四課，無共樣个客家話。 | ti xi ko，moˇ kiung iong ge hagˋ gaˊ fa。 | v7c4p1 | |
| cirn_0449 | 𠊎講「鬧{(nau)}」，你講「靚」；𠊎講「看」，佢講「䀴{(ngiangˋ)}」；「阿公」有人喊「阿爹 {(a+ da+)}」；「阿爸」有人喊「阿怙{(aˇ u)}」。 | ngaiˇ gongˋ「nau {(nau)}」，ngˇ gongˋ「jiangˊ」；ngaiˇ gongˋ「kon」，iˇ gongˋ「ngiangˋ {(ngiangˋ)}」；「aˊ gungˊ」iuˊ nginˇ ham「aˊ diaˊ {(a+ da+)}」；「aˊ baˊ」iuˊ nginˇ ham「aˊ u {(aˇ u)}」。 | v7c4p2 | |
| cirn_0450 | 雖然講法無共樣，毋過，毋使疑狐，這兜全部係客家話。 | suiˊ ianˇ gongˋ fabˋ moˇ kiung iong，mˇ go，mˇ siiˋ ngiˇ fuˇ，iaˋ deuˊ qionˇ pu he hagˋ gaˊ fa。 | v7c4p3 | |
| cirn_0451 | 客家話在臺灣有五種主要个腔調，四縣腔大體分布在苗栗、高屏地區。 | hagˋ gaˊ fa teˊ toiˇ vanˊ iuˊ ngˋ zungˋ zuˋ ieu ge kiongˊ tiau，xi ian kiongˊ tai tiˋ funˊ bu teˊ meuˇ lid、goˊ pinˇ ti kiˊ。 | v7c4p4 | |
| cirn_0452 | 南、北兩地四縣腔个詞彙多少有差別，像北四縣講「轉{(zonˋ)}」、「當靚{(dongˊ jiangˊ)}」，南四縣人就講「歸{(guiˊ)}」、「蓋鬧{( goi goinau)}」。 | namˇ、bedˋ liongˋ ti xi ian kiongˊ ge ciiˇ fi doˊ seuˋ iuˊ caˊ pied，qiong bedˋ xi ian gongˋ「zonˋ {(zonˋ)}」、「dongˊ jiangˊ{(dongˊ jiangˊ)}」，namˇ xi ian nginˇ qiu gongˋ「guiˊ {(guiˊ)}」、「goi nau {(goi nau)}」。 | v7c4p5 | |
| cirn_0453 | 講海陸腔个人，過集中在新竹地區。 | gongˋ hoiˋ liug kiongˊ ge nginˇ，go xib zungˊ teˊ xinˊ zugˋ ti kiˊ。 | v7c4p6 | |
| cirn_0454 | 海陸同四縣最大个差別在聲調，海陸講「{tiauˇ vuˊ}（跳舞）」、「{gungˋ zog}（工作）」，四縣講「{tiau vuˋ}（跳舞）」、「{gungˊ zogˋ} (工作)」，佢等个音調大部分堵好相反。 | hoiˋ liug tungˇ xi ian zuiˋ tai ge caˊ pied teˊ sangˊ tiau，hoiˋ liug gongˋ「{tiauˇ vuˊ}（tiauˇ vuˊ）」、「{gungˋ zog}（gungˋ zog）」，xi ian gongˋ「{tiau vuˋ}（tiau vuˋ）」、「{gungˊ zogˋ} (gungˊ zogˋ)」，iˇ denˊ ge imˊ tiau tai pu fun duˋ hoˋ xiongˊ fanˋ。 | v7c4p7 | |
| cirn_0455 | 講大埔腔个人歇在臺中東勢、石岡過多，這種腔調个客話，「凳仔」、「桌仔」講「凳{(den)}」、「桌{(zogˋ)}」；「食核」、「寫核」講「食撇{(pedˆ)}」、「寫撇{(pedˆ)}」。 | gongˋ tai puˊ kiongˊ ge nginˇ hed teˊ toiˇ zungˊ dungˊ sii、sag gongˊ go doˊ，iaˋ zungˋ kiongˊ tiau ge hagˋ fa，「den eˋ」、「zogˋ eˋ」gongˋ「den {(den)}」、「zogˋ {(zogˋ)}」；「siid hedˋ」、「xiaˋ hedˋ」gongˋ「siid pedˋ {(pedˆ)}」、「xiaˋ pedˋ {(pedˆ)}」。 | v7c4p8 | |
| cirn_0456 | 桃竹苗地區，又還有無共樣个腔調，你係聽著有人「睡」講{fe}、「水」講{fiˋ}、「雨」講{vuˋ}、「矮」講{eˋ}，佢等就有可能係講饒平腔个人。 | toˇ zugˋ meuˇ ti kiˊ，iu vanˇ iuˊ moˇ kiung iong ge kiongˊ tiau，ngˇ he tangˊ doˋ iuˊ nginˇ「soi」gongˋ {fe}、「suiˋ」gongˋ {fiˋ}、「iˋ」gongˋ {vuˋ}、「aiˋ」gongˋ {eˋ}，iˇ denˊ qiu iuˊ koˋ nenˇ he gongˋ ngiauˇ pinˇ kiongˊ ge nginˇ。 | v7c4p9 | |
| cirn_0457 | 在雲林个崙背、二崙，還有盡多人講詔安腔，這種腔調過無共樣，「學」念{ho}、「屋」念{bbu´}；「𠊎、你、佢」念「{ngaiˋ、henˋ、guiˋ}」。 | teˊ iunˇ limˇ ge lunˇ boi、ngi lunˇ，vanˇ iuˊ qin doˊ nginˇ gongˋ zeu onˊ kiongˊ，iaˋ zungˋ kiongˊ tiau go moˇ kiung iong，「hog」ngiam {ho}、「vugˋ」ngiam {bbu´}；「ngaiˇ、ngˇ、iˇ」ngiam「{ngaiˋ、henˋ、guiˋ}」。 | v7c4p10 | |
| cirn_0458 | 另外，還有係多人講四縣同海陸混合个客話，「食飯」佢等講成「{siidˋ fan+}」；「多少」講做「{doˋ sheuˊ}」,盡有意思。 | nang ngoi，vanˇ iuˊ he doˊ nginˇ gongˋ xi ian tungˇ hoiˋ liug fun hab ge hagˋ fa，「siid fan」iˇ denˊ gongˋ siinˇ「{siidˋ fan+}」；「doˊ seuˋ」gongˋ zo「{doˋ sheuˊ}」,qin iuˊ i sii。 | v7c4p11 | |
| cirn_0459 | 不管你學个係哪種客話，對你个用心，𠊎愛講：「多謝{(doˊ qia)}、承蒙{(shin mung)}、恁仔細{(anˋ ziiˋ se)}、勞瀝{(loˇ ladˋ)}、勞力{(loˇ ladˋ)}。 | budˋ gonˋ ngˇ hog ge he nai zungˋ hagˋ fa，dui ngˇ ge iung ximˊ，ngaiˇ oi gongˋ：「doˊ qia {(doˊ qia)}、shin mung {(shin mung)}、anˋ ziiˋ se {(anˋ ziiˋ se)}、loˇ ladˋ {(loˇ ladˋ)}、loˇ ladˋ {(loˇ ladˋ)}。 | v7c4p12 | |
| cirn_0460 | 第五課，發夢。 | ti ngˋ ko，bodˋ mung。 | v7c5p1 | |
| cirn_0461 | 阿明屋下蓋苦，日仔過到有一餐無一餐，佢常常餓到「肚屎變背囊」，根本無錢好討姐仔。 | aˊ minˇ lugˋ kaˊ goi kuˋ，ngidˋ eˋ go do iuˊ idˋ conˊ moˇ idˋ conˊ，iˇ songˇ songˇ ngo do「duˋ siiˋ bien boi nongˇ」，ginˊ bunˋ moˇ qienˇ hoˋ toˋ jiaˋ eˋ。 | v7c5p2 | |
| cirn_0462 | 有一日，佢上山拈樵。 | iuˊ idˋ ngidˋ，iˇ songˊ sanˊ ngiamˊ ceuˇ。 | v7c5p3 | |
| cirn_0463 | 到晝吔，蓋肚飢，佢就拿出飯𤊶來過餐。 | do zu eˇ，goi duˋ giˊ，iˇ qiu naˊ cudˋ fan ladˋ loiˇ go conˊ。 | v7c5p4 | |
| cirn_0464 | 忽然間，佢看著一隻白鶴軟怠怠橫到樹頭下。 | fudˋ ianˇ gianˊ，iˇ kon doˋ idˋ zagˋ pag hog ngionˊ taiˋ taiˋ vang do su teuˇ haˊ。 | v7c5p5 | |
| cirn_0465 | 阿明問白鶴：「你仰會橫啊這仔？」白鶴講：「𠊎个翼胛著傷，飛毋起來，又幾下日無食，差一息就無命吔。」 | aˊ minˇ mun pag hog：「ngˇ ngiongˋ voi vang a iaˋ eˊ？」pag hog gongˋ：「ngaiˇ ge id gabˋ cog songˊ，biˊ mˇ hiˋ loiˇ，iu giˋ haˊ ngidˋ moˇ siid，caˊ idˋ xidˋ qiu moˇ miang eˇ。」 | v7c5p6 | |
| cirn_0466 | 阿明聽吔，黏時擘兜飯𤊶、捧兜水飼佢食。 | aˊ minˇ tangˊ eˇ，liamˇ siiˇ bagˋ deuˊ fan ladˋ、bungˋ deuˊ suiˋ cii iˇ siid。 | v7c5p7 | |
| cirn_0467 | 白鶴食了兩口仔，過有元氣，就同佢講：「細阿哥仔，打幫你。 | pag hog siid leˇ liongˋ kieuˋ eˊ，go iuˊ ngianˇ hi，qiu tungˇ iˇ gongˋ：「se aˊ goˊ eˋ，daˋ bongˊ ngˇ。 | v7c5p8 | |
| cirn_0468 | 像你恁好心个人，一定會有好報。」 | qiong ngˇ anˋ hoˋ ximˊ ge nginˇ，idˋ tin voi iuˊ hoˋ bo。」 | v7c5p9 | |
| cirn_0469 | 阿明講：「好報？戇狗想食豬肝骨喔！𠊎日求三餐，夜求一宿都毋得著，苦到強強會分鬼捉去，食到三十歲吔，連討姐仔都毋敢想，哪敢有麼个戇想！𠊎啊！入齋堂做和尚，早就看破咧。」 | aˊ minˇ gongˋ：「hoˋ bo？ngong gieuˋ xiongˋ siid zuˊ gonˊ gudˋ oˊ！ngaiˇ ngidˋ kiuˇ samˊ conˊ，ia kiuˇ idˋ xiugˋ duˊ mˇ dedˋ doˋ，kuˋ do kiongˇ kiongˇ voi bunˊ guiˋ zogˋ hi，siid do samˊ siib se eˇ，lienˇ toˋ jiaˋ eˋ duˊ mˇ gamˋ xiongˋ，nai gamˋ iuˊ maˋ ge ngong xiongˋ！ngaiˇ aˇ！ngib zaiˊ tongˇ zo voˇ song，zoˋ qiu kon po leˊ。」 | v7c5p10 | |
| cirn_0470 | 白鶴聽吔，目濫目串，緊同阿明頷頭講：「𠊎食水會念水源頭，有機會會報答你。」 | pag hog tangˊ eˇ，mugˋ lamˇ mugˋ con，ginˋ tungˇ aˊ minˇ ngamˋ teuˇ gongˋ：「ngaiˇ siid suiˋ voi ngiam suiˋ ngianˇ teuˇ，iuˊ giˊ fi voi bo dabˋ ngˇ。」 | v7c5p11 | |
| cirn_0471 | 講核就慢慢仔飛走吔。 | gongˋ hedˋ qiu man man eˊ biˊ zeuˋ eˊ。 | v7c5p12 | |
| cirn_0472 | 過無幾久，阿明夢到有一個白衫仙女同佢講：「𠊎係你救个白鶴，也係你个七世新娘。 | go moˇ giˋ giuˋ，aˊ minˇ mung do iuˊ idˋ ge pag samˊ xienˊ ngˋ tungˇ iˇ gongˋ：「ngaiˇ he ngˇ giu ge pag hog，ia he ngˇ ge qidˋ sii xinˊ ngiongˇ。 | v7c5p13 | |
| cirn_0473 | 𠊎等前世識偷㓾人个牛仔，天公責罰𠊎變白鶴；罰你食石頭傍水。 | ngaiˇ denˊ qienˇ sii siidˋ teuˊ ciiˇ nginˇ ge ngiuˇ eˋ，tienˊ gungˊ jidˋ fad ngaiˇ bien pag hog；fad ngˇ siid sag teuˇ bongˋ suiˋ。 | v7c5p14 | |
| cirn_0474 | 打幫你个善良、好心，天公正會恩准𠊎等兩儕，今世再續公婆緣，好好行善。 | daˋ bongˊ ngˇ ge san liongˇ、hoˋ ximˊ，tienˊ gungˊ nang voi enˊ zunˋ ngaiˇ denˊ liongˋ saˇ，ginˊ sii zai xiug gungˊ poˇ ianˇ，hoˋ hoˋ hangˇ san。 | v7c5p15 | |
| cirn_0475 | 阿明迷迷癡癡，目珠擘啊開，看著一個靚妮妮个細妹仔，笑咪咪企啊眠床頭，原來這毋係發夢。 | aˊ minˇ miˇ miˇ ciiˊ ciiˊ，mugˋ zuˊ bagˋ a koiˊ，kon doˋ idˋ ge jiangˊ ne ne ge se moi eˋ，seu miˊ miˊ kiˊ a minˇ congˇ teuˇ，ngianˇ loiˇ iaˋ mˇ he bodˋ mung。 | v7c5p16 | |
| cirn_0476 | 老古人言有講：「兩人共一心，愕田變黃金」。 | loˋ guˋ nginˇ ngianˇ iuˊ gongˋ：「liongˋ nginˇ kiung idˋ ximˊ，ngogˋ tienˇ bien vongˇ gimˊ」。 | v7c5p17 | |
| cirn_0477 | 結婚過後，兩公婆非常恩愛，也蓋煞猛做頭路。 | giadˋ funˊ go heu，liongˋ gungˊ poˇ fiˊ songˇ enˊ oi，ia goi sadˋ mangˊ zo teuˇ lu。 | v7c5p18 | |
| cirn_0478 | 同時將一群子女養育成人，一家人過等幸福快樂个日仔。 | tungˇ siiˇ jiongˊ idˋ kiunˇ ziiˋ ngˋ iongˊ iugˋ siinˇ nginˇ，idˋ gaˊ nginˇ go denˋ hen fugˋ kuai log ge ngidˋ eˋ。 | v7c5p19 | |
| cirn_0479 | 第六課，揣令仔。 | ti liugˋ ko，tonˇ liang eˋ。 | v7c6p1 | |
| cirn_0480 | 正月半該暗晡，𠊎等跈阿爸去參加揣令仔比賽，廟坪肚掖蔴掖米，鬧熱煎煎。 | zangˊ ngiad ban ge am buˊ，ngaiˇ denˊ tenˇ aˊ baˊ hi camˊ gaˊ tonˇ liang eˋ biˋ soi，meu piangˇ duˋ ie maˇ ie miˋ，nau ngiad jienˊ jienˊ。 | v7c6p2 | |
| cirn_0481 | 正開始个時節，有蓋多靚靚个細阿妹仔又唱又跳，實在還好看哪！過就係揣令仔比賽，𠊎看著歸列仔个燈籠，每隻下背吊等一條令仔，有揣文字、揣東西，也有揣人名、揣動物个。 | nang koiˊ siiˋ ge siiˇ jiedˋ，iuˊ goi doˊ jiangˊ jiangˊ ge se aˊ moi eˋ iu cong iu tiau，siid cai vanˇ hoˋ kon naˊ！go qiu he tonˇ liang eˋ biˋ soi，ngaiˇ kon doˋ guiˊ lied eˋ ge denˊ lungˇ，miˊ zagˋ haˊ boi diau denˋ idˋ tiauˇ liang eˋ，iuˊ tonˇ vunˇ sii、tonˇ dungˊ xiˊ，ia iuˊ tonˇ nginˇ miangˇ、tonˇ tung vud ge。 | v7c6p3 | |
| cirn_0482 | 開始搶答吔，頭下碼主持人先出一題：「一點一橫長，一撇到南洋，十字對十字，日頭對月光。 | koiˊ siiˋ qiongˋ dabˋ eˇ，teuˇ ha maˊ zuˋ ciiˇ nginˇ xienˊ cudˋ idˋ tiˇ：「idˋ diamˋ idˋ vangˇ congˇ，idˋ piedˋ do namˇ iongˇ，siib sii dui siib sii，ngidˋ teuˇ dui ngiad gongˊ。 | v7c6p4 | |
| cirn_0483 | 揣一隻字。」 | tonˇ idˋ zagˋ sii。」 | v7c6p5 | |
| cirn_0484 | 續等又出一題：「紅盎仔，弇烏蓋，大人看著細人愛。 | sa denˋ iu cudˋ idˋ tiˇ：「fungˇ angˊ eˋ，giemˇ vuˊ goi，tai nginˇ kon doˋ se nginˇ oi。 | v7c6p6 | |
| cirn_0485 | 揣一種果子。」 | tonˇ idˋ zungˋ goˋ ziiˋ。」 | v7c6p7 | |
| cirn_0486 | 兩題都分一個老阿伯揣著，大家拍手拍無停。 | liongˋ tiˇ duˊ bunˊ idˋ ge loˋ aˊ bagˋ tonˇ doˋ，tai gaˊ pogˋ suˋ pogˋ moˇ tinˇ。 | v7c6p8 | |
| cirn_0487 | 續下來个令仔係「高山崠頂一坵田，無陂無圳水漣漣；也有白鶴來食水，也有烏鴉來巡田。」 | sa haˊ loiˇ ge liang eˋ he「goˊ sanˊ dung dangˋ idˋ kiuˊ tienˇ，moˇ biˊ moˇ zun suiˋ lienˇ lienˇ；ia iuˊ pag hog loiˇ siid suiˋ，ia iuˊ vuˊ aˊ loiˇ sunˇ tienˇ。」 | v7c6p9 | |
| cirn_0488 | 𠊎一聽啊著，知係「墨盤」，就遽遽擎手，當然分𠊎揣準準，得著蓋好个獎品，害𠊎暢到尾仃仃。 | ngaiˇ idˋ tangˊ a doˋ，diˊ he「med panˇ」，qiu giagˋ giagˋ kiangˇ suˋ，dongˊ ianˇ bunˊ ngaiˇ tonˇ zunˋ zunˋ，dedˋ doˋ goi hoˋ ge jiongˋ pinˋ，hoi ngaiˇ tiong do miˊ dangˊ dangˊ。 | v7c6p10 | |
| cirn_0489 | 主持人一題又再過一題緊問，其中一題：「半天一條橋，中央八卦寮，神仙毋敢過，八仙在該搖」，阿姊大聲講「蝲䗁絲」，正經分阿姊揣對對，脣口个人緊說阿姊，講該三子爺還會喲！阿爸暢到嘴都合毋揫。 | zuˋ ciiˇ nginˇ idˋ tiˇ iu zai go idˋ tiˇ ginˋ mun，kiˇ zungˊ idˋ tiˇ：「ban tienˊ idˋ tiauˇ kieuˇ，dungˊ ongˊ badˋ gua liauˇ，siinˇ xienˊ mˇ gamˋ go，badˋ xienˊ teˊ ge ieuˇ」，aˊ ze tai sangˊ gongˋ「laˇ kiaˇ xiˊ」，ziin ginˊ bunˊ aˊ ze tonˇ dui dui，siinˇ heuˋ ge nginˇ ginˋ sodˋ aˊ ze，gongˋ ge samˊ ziiˋ iaˇ vanˇ voi ioˊ！aˊ baˊ tiong do zoi duˊ hab mˇ qiuˊ。 | v7c6p11 | |
| cirn_0490 | 這暗晡，𠊎同阿爸在歸屋下个路項，就講好勢吔，過核年正月半再過來揣，毋好輸分該老阿伯。 | iaˋ am buˊ，ngaiˇ tungˇ aˊ baˊ teˊ guiˊ lugˋ kaˊ ge lu hong，qiu gongˋ hoˋ se eˇ，go hedˋ ngianˇ zangˊ ngiad ban zai go loiˇ tonˇ，mˇ hoˋ suˊ bunˊ ge loˋ aˊ bagˋ。 | v7c6p12 | |
| cirn_0491 | 第七課，打竹板真生趣 | ti qidˋ ko，daˋ zugˋ banˋ ziinˊ senˊ qi | v7c7p1 | |
| cirn_0492 | 咚咚隆咚七咚鏘，愛看採茶遽遽行。 | dung dung lung dung qidˋ dung qiangˋ，oi kon caiˋ caˇ giagˋ giagˋ hangˇ。 | v7c7p2 | |
| cirn_0493 | 打竹板盡出名，阿丑緊講緊大棚，大人細子恁歡迎！恁歡迎！。 | daˋ zugˋ banˋ qin cudˋ miangˇ，aˊ cuˋ ginˋ gongˋ ginˋ tai pangˇ，tai nginˇ se ziiˋ anˋ fonˊ ngiangˇ！anˋ fonˊ ngiangˇ！。 | v7c7p3 | |
| cirn_0494 | 天恁奇，地恁怪，笠嫲毋戴日頭晒，有腳毋行用車載，皇宮毋歇歇山寨。 | tienˊ anˋ kiˇ，ti anˋ guai，libˋ maˇ mˇ dai ngidˋ teuˇ sai，iuˊ giogˋ mˇ hangˇ iung caˊ zoi，fongˇ giungˊ mˇ hed hed sanˊ zai。 | v7c7p4 | |
| cirn_0495 | 細𧊅食大𧊅，蛤蟆食毛蟹！嫌忒矮削腳底，買樂透真無采，一買就著到罅擺罅擺。 | se guaiˋ siid tai guaiˋ，haˇ maˇ siid no haiˋ！hiamˇ tedˋ aiˋ xiogˋ giogˋ daiˋ，maiˊ log teu ziinˊ moˇ caiˋ，idˋ maiˊ qiu cog do la baiˋ la baiˋ。 | v7c7p5 | |
| cirn_0496 | 天皇皇，地皇皇，我家出有圖㘔郎，三餐食飯攞黃糖，半夜毋睡想該薑絲炒豬腸，想到正式會發狂！。 | tienˊ fongˇ fongˇ，ti fongˇ fongˇ，ngoˊ gaˊ cudˋ iuˊ tuˇ saiˊ longˇ，samˊ conˊ siid fan loˊ vongˇ tongˇ，ban ia mˇ soi xiongˋ ge giongˊ xiˊ cauˋ zuˊ congˇ，xiongˋ do ziin siidˋ voi bodˋ kongˇ！。 | v7c7p6 | |
| cirn_0497 | 古琢真古琢，滿天星仔花哩必駁，天穿日改田角，擎钁頭整田駁，破竹頭剝竹殼，食甘蔗無哯渣。 | guˋ dogˋ ziinˊ guˋ dogˋ，manˊ tienˊ senˊ eˋ faˊ liˊ bid bog，tienˊ conˊ ngidˋ goiˋ tienˇ gogˋ，kiangˇ giogˋ teuˇ zangˋ tienˇ bogˋ，po zugˋ teuˇ bogˋ zugˋ hogˋ，siid gamˊ za moˇ lienˋ zaˊ。 | v7c7p7 | |
| cirn_0498 | 平安戲買豬腳，刀嫲擎來剁，用烳鏍煮歸鑊，食到滿嘴角。 | pinˇ onˊ hi maiˊ zuˊ giogˋ，doˊ maˇ kiangˇ loiˇ dog，iung puˇ loˇ zuˋ guiˊ vog，siid do manˊ zoi gogˋ。 | v7c7p8 | |
| cirn_0499 | 睡當晝打赤膊，眠床毋睡睡桌角，爛枕頭真虐削，種隻觔斗額頭生隻角！ | soi dongˊ zu daˋ cagˋ bogˋ，minˇ congˇ mˇ soi soi zogˋ gogˋ，lan ziimˋ teuˇ ziinˊ ngiogˋ xiogˋ，zung zagˋ gin deuˋ ngiagˋ teuˇ sangˊ zagˋ gogˋ！ | v7c7p9 | |
| cirn_0500 | 打竹板啊真湊句，比手畫腳、牽聲又打蒂，講講笑笑實在真生趣啊，真生趣！。 | daˋ zugˋ banˋ aˋ ziinˊ ceu gi，biˋ suˋ vag giogˋ、kianˊ sangˊ iu daˋ di，gongˋ gongˋ seu seu siid cai ziinˊ senˊ qi aˋ，ziinˊ senˊ qi！。 | v7c7p10 | |
| cirn_0501 | 第八課，山路。 | ti badˋ ko，sanˊ lu。 | v7c8p1 | |
| cirn_0502 | 時間：禮拜日个朝晨。 | siiˇ gianˊ：liˊ bai ngidˋ ge zeuˊ siinˇ。 | v7c8p2 | |
| cirn_0503 | 地點：一條百年歷史个山路。 | ti diamˋ：idˋ tiauˇ bagˋ ngianˇ lid siiˋ ge sanˊ lu。 | v7c8p3 | |
| cirn_0504 | 人物：阿芳、阿芳个阿爸、阿芳个阿姆。 | nginˇ vud：aˊ fongˊ、aˊ fongˊ ge aˊ baˊ、aˊ fongˊ ge aˊ meˊ。 | v7c8p4 | |
| cirn_0505 | 背景：（濛露還停留在山頂，阿芳同屋家人，在山路口企等，一家人準備愛去跋鳴鳳古道。 | boi ginˋ：（mungˇ lu vanˇ tinˇ liuˇ teˊ sanˊ dangˋ，aˊ fongˊ tungˇ lugˋ kaˊ nginˇ，teˊ sanˊ lu kieuˋ kiˊ denˋ，idˋ gaˊ nginˇ zunˋ pi oi hi bagˋ minˇ fung guˋ to。 | v7c8p5 | |
| cirn_0506 | 阿芳：（指向山路）阿爸，原來你上擺講个地方就係這哦！ | aˊ fongˊ：（ziiˋ hiong sanˊ lu）aˊ baˊ，ngianˇ loiˇ ngˇ song baiˋ gongˋ ge ti fongˊ qiu he iaˋ oˋ！ | v7c8p6 | |
| cirn_0507 | 阿爸：係啊！ | aˊ baˊ：he aˊ！ | v7c8p7 | |
| cirn_0508 | 阿芳：阿爸，這條山路有幾長呢？ | aˊ fongˊ：aˊ baˊ，iaˋ tiauˇ sanˊ lu iuˊ idˋ congˇ noˋ？ | v7c8p8 | |
| cirn_0509 | 阿爸：大約三、四公里，係你來行，怕愛兩點鐘哦！ | aˊ baˊ：tai iogˋ samˊ、xi gungˊ liˊ，he ngˇ loiˇ hangˇ，pa oi liongˋ diamˋ zungˊ oˊ！ | v7c8p9 | |
| cirn_0510 | 阿芳：吓！仰會恁遠，𠊎驚佇毋著哦！ | aˊ fongˊ：haˊ ！ngiongˋ voi anˋ ianˋ，ngaiˇ giangˊ du mˇ diauˇ oˋ！ | v7c8p10 | |
| cirn_0511 | 阿爸：仰會佇毋著呢？你毋係不時有運動？ | aˊ baˊ：ngiongˋ voi du mˇ diauˇ noˋ？ngˇ mˇ he budˋ siiˇ iuˊ iun tung？ | v7c8p11 | |
| cirn_0512 | 阿姆：係啊！係啊！上擺去跋加里山，來去六、七點鐘久，你毋係行最頭前？ | aˊ meˊ：he aˊ！he aˊ！song baiˋ hi bagˋ gaˊ liˊ sanˊ，loiˇ hi liugˋ、qidˋ diamˋ zungˊ giuˋ，ngˇ mˇ he hangˇ zuiˋ teuˇ qienˇ？ | v7c8p12 | |
| cirn_0513 | 阿芳：（嘴嘟嘟）好啦！好啦！ | aˊ fongˊ：（zoi du du）hoˋ laˋ！hoˋ laˋ！ | v7c8p13 | |
| cirn_0514 | 阿姆：（鼓勵个口氣）難得來到這，就來去行行啊！ | aˊ meˊ：（guˋ li ge kieuˋ hi）nanˇ dedˋ loiˇ do iaˋ，qiu loiˇ hi hangˇ hangˇ aˋ！ | v7c8p14 | |
| cirn_0515 | （涼涼个山風，一陣一陣吹過來，滿樹个桐花跈等涼風一蕊一蕊飛下來，就像落雪樣。) | （liongˇ liongˇ ge sanˊ fungˊ，idˋ ciin idˋ ciin coiˊ go loiˇ，manˊ su ge tungˇ faˊ tenˇ denˋ liongˇ fungˊ idˋ luiˊ idˋ luiˊ biˊ haˊ loiˇ，qiu qiong log xiedˋ iong。) | v7c8p15 | |
| cirn_0516 | 阿芳：還靚哦！（看向桐花飛下來个地方）。 | aˊ fongˊ：vanˇ jiangˊ oˊ！（kon hiong tungˇ faˊ biˊ haˊ loiˇ ge ti fongˊ）。 | v7c8p16 | |
| cirn_0517 | 阿姆：係啊！風又涼，花又靚，實在還鬆爽哦！ | aˊ meˊ：he aˊ！fungˊ iu liongˇ，faˊ iu jiangˊ，siid cai vanˇ sungˊ songˋ oˋ！ | v7c8p17 | |
| cirn_0518 | 阿爸：早期油桐樹有蓋大个經濟價值，這下過無人種哩！ | aˊ baˊ：zoˋ kiˇ iuˇ tungˇ su iuˊ goi tai ge ginˊ ji ga ciid，iaˋ ha go moˇ nginˇ zung liˊ！ | v7c8p18 | |
| cirn_0519 | 阿姆：油桐樹盡會生哦！一莢油桐子裡肚有四、五粒仁，就做得生出四、五頭油桐樹哦！（指向桐花樹林）你看這歸大片个油桐樹就係恁呢來个。 | aˊ meˊ：iuˇ tungˇ su qin voi sangˊ oˊ！idˋ giabˋ iuˇ tungˇ ziiˋ diˊ duˋ iuˊ xi、ngˋ liab inˇ，qiu zo dedˋ sangˊ cudˋ xi、ngˋ teuˇ iuˇ tungˇ su oˊ！（ziiˋ hiong tungˇ faˊ su naˇ）ngˇ kon iaˋ guiˊ tai pienˋ ge iuˇ tungˇ su qiu he anˋ neˊ loiˇ ge。 | v7c8p19 | |
| cirn_0520 | 阿芳：油桐花，滿山滿片白雪雪，難怪人人稱說五月雪。 | aˊ fongˊ：iuˇ tungˇ faˊ，manˊ sanˊ manˊ pienˋ pag xiedˋ xiedˋ，nanˇ guai nginˇ nginˇ ciinˊ sodˋ ngˋ ngiad xiedˋ。 | v7c8p20 | |
| cirn_0521 | 阿爸：（道嘆个口氣）係斯係！毋過，佢會佔著其他樹種生存个空間。 | aˊ baˊ：（to tan ge kieuˋ hi）he siiˇ he！mˇ go，iˇ voi jiam doˋ kiˇ taˊ su zungˋ senˊ sunˇ ge kungˊ gianˊ。 | v7c8p21 | |
| cirn_0522 | （阿芳一屋人緊行緊講，順續認識路脣个植物，就像在該上一堂自然課樣。 | （aˊ fongˊ idˋ vugˋ nginˇ ginˋ hangˇ ginˋ gongˋ，sun sa ngin siidˋ lu siinˇ ge ciid vud，qiu qiong teˊ geˋ song idˋ tongˇ cii ianˇ ko iong。 | v7c8p22 | |
| cirn_0523 | 毋多知，行到龍峎頂，看著石凳，就坐下來轉擺。) | mˇ doˊ diˊ，hangˇ do liungˇ gien dangˋ，kon doˋ sag den，qiu coˊ haˊ loiˇ zonˋ baiˋ。) | v7c8p23 | |
| cirn_0524 | 阿芳：（疑狐个口氣）阿姆，這截山崎，仰會恁嶇呢？ | aˊ fongˊ：（ngiˇ fuˇ ge kieuˋ hi）aˊ meˊ，iaˋ jiedˋ sanˊ gia，ngiongˋ voi anˋ kiˊ noˋ？ | v7c8p24 | |
| cirn_0525 | 阿姆：這下算整理到蓋好行哩！頭擺還過難跋哦！ | aˊ meˊ：iaˋ ha son ziinˋ liˊ do goi hoˋ hangˇ liˊ！teuˇ baiˋ vanˇ go nanˇ bagˋ oˊ！ | v7c8p25 | |
| cirn_0526 | 阿爸：頭擺人為著生活，蓋多人㧡擔行這條長崎（㧡擔、捽汗个動作），上崎堵嘴，下崎凴背！有汗出到無汗，實在衰過！ | aˊ baˊ：teuˇ baiˋ nginˇ vi doˋ senˊ fad，goi doˊ nginˇ kaiˊ damˊ hangˇ iaˋ tiauˇ congˇ gia（kaiˊ damˊ、cud hon ge tung zogˋ），songˊ gia duˇ zoi，haˊ gia ben boi！iuˊ hon cudˋ do moˇ hon，siid cai coiˊ go！ | v7c8p26 | |
| cirn_0527 | 阿芳：有影無？ | aˊ fongˊ：iuˊ iangˋ moˇ？ | v7c8p27 | |
| cirn_0528 | 阿爸：當然有影啊！你看頭先該紹介古道个牌仔，就知啊！。 | aˊ baˊ：dongˊ ianˇ iuˊ iangˋ a！ngˇ kon teuˇ xienˊ ge seu giai guˋ to ge paiˇ eˋ，qiu diˊ a！。 | v7c8p28 | |
| cirn_0529 | 阿芳：𠊎又無詳細看。 | aˊ fongˊ：ngaiˇ iu moˇ xiongˇ se kon。 | v7c8p29 | |
| cirn_0530 | （頭犁犁，壞勢樣。) | （teuˇ laiˇ laiˇ，faiˋ se iong。) | v7c8p30 | |
| cirn_0531 | 阿姆：頭擺交通毋發達，像這鳴鳳古道係獅潭去到頭屋、苗栗市最近、最利便个路。 | aˊ meˊ：teuˇ baiˋ gauˊ tungˊ mˇ fadˋ tad，qiong iaˋ minˇ fung guˋ to he siiˊ tamˇ hi do teuˇ vugˋ、meuˇ lid sii zuiˋ kiunˊ、zuiˋ li pien ge lu。 | v7c8p31 | |
| cirn_0532 | 阿爸：頭擺人為著運送自家生產个農產品，交換日常用品、抑係做生理、尋親戚朋友，輒輒愛行恁呢个山路。 | aˊ baˊ：teuˇ baiˋ nginˇ vi doˋ iun sung qid gaˊ senˊ sanˋ ge nungˇ sanˋ pinˋ，gauˊ von ngidˋ songˇ iung pinˋ、ia he zo senˊ liˊ、qimˇ qinˊ qidˋ penˇ iuˊ，jiab jiab oi hangˇ anˋ neˊ ge sanˊ lu。 | v7c8p32 | |
| cirn_0533 | 阿芳：係毋係全臺灣有盡多這種个古道？ | aˊ fongˊ：he mˇ he qionˇ toiˇ vanˊ iuˊ qin doˊ iaˋ zungˋ ge guˋ to？ | v7c8p33 | |
| cirn_0534 | 阿姆：係啊！有蓋多哦！ | aˊ meˊ：he aˊ！iuˊ goi doˊ oˋ！ | v7c8p34 | |
| cirn_0535 | 阿爸：這下，有兜地方人士盡有心，同頭擺个山路修整做分人休閒健身个古道，也有蓋多紹介古道个刊物，網路上也盡遽查吔著各地古道个資料哦！ | aˊ baˊ：iaˋ ha，iuˊ deuˊ ti fongˊ nginˇ sii qin iuˊ ximˊ，tungˇ teuˇ baiˋ ge sanˊ lu xiuˊ zangˋ zo bunˊ nginˇ hiuˊ hanˇ kian siinˊ ge guˋ to，ia iuˊ goi doˊ seu giai guˋ to ge kanˊ vud，miongˋ lu song ia qin giagˋ caˇ eˇ doˋ gogˋ ti guˋ to ge ziiˊ liau oˊ！ | v7c8p35 | |
| cirn_0536 | 阿芳：係有時間，𠊎會去查看啊！無定著，下二擺𠊎會帶阿爸、阿姆，來去毋識行過个古道行行啊！ | aˊ fongˊ：he iuˊ siiˇ gianˊ，ngaiˇ voi hi caˇ kon a！moˇ tin cog，ha ngi baiˋ ngaiˇ voi dai aˊ baˊ、aˊ meˊ，loiˇ hi mˇ siidˋ hangˇ go ge guˋ to hangˇ hangˇ aˋ！ | v7c8p36 | |
| cirn_0537 | （山風緊吹緊涼，阿芳一家人，起身行向頭屋去。 | （sanˊ fungˊ ginˋ coiˊ ginˋ liongˇ，aˊ fongˊ idˋ gaˊ nginˇ，hiˋ siinˊ hangˇ hiong teuˇ vugˋ hi。 | v7c8p37 | |
| cirn_0538 | 路項，阿爸講著黃南球開發獅潭个故事，還有當地个人文風情。 | lu hong，aˊ baˊ gongˋ doˋ vongˇ namˇ kiuˇ koiˊ fadˋ siiˊ tamˇ ge gu sii，vanˇ iuˊ dongˊ ti ge nginˇ vunˇ fungˊ qinˇ。 | v7c8p38 | |
| cirn_0539 | 行一輪古道，歸家人盡歡喜，同時，阿芳乜體驗著自然同人文个種種知識。) | hangˇ idˋ linˇ guˋ to，guiˊ gaˊ nginˇ qin fonˊ hiˋ，tungˇ siiˇ，aˊ fongˊ me tiˋ ngiam doˋ cii ianˇ tungˇ nginˇ vunˇ ge zungˋ zungˋ ziiˊ siidˋ。) | v7c8p39 | |
| cirn_0540 | 第九課，圳溝同陂頭个道嘆。 | ti giuˋ ko，zun gieuˊ tungˇ biˊ teuˇ ge to tan。 | v7c9p1 | |
| cirn_0541 | 有一日个當晝頭，老龜仔在大石頭頂項晒日頭，聽著圳溝同陂頭在該唉唉唧唧，測著蓋奇怪。 | iuˊ idˋ ngidˋ ge dongˊ zu teuˇ，loˋ guiˊ eˋ teˊ tai sag teuˇ dangˋ hong sai ngidˋ teuˇ，tangˊ doˋ zun gieuˊ tungˇ biˊ teuˇ teˊ ge aiˊ aiˊ jid jid，zedˋ doˋ goi kiˇ guai。 | v7c9p2 | |
| cirn_0542 | 老龜仔：你兩儕做麼个道嘆呢？ | loˋ guiˊ eˋ：ngˇ liongˋ saˇ zo maˋ ge to tan noˋ？ | v7c9p3 | |
| cirn_0543 | 陂頭：唉！無講你毋知，講來話又長哩喲！ | biˊ teuˇ：aiˋ！moˇ gongˋ ngˇ mˇ diˊ，gongˋ loiˇ fa iu congˇ liˊ ioˊ！ | v7c9p4 | |
| cirn_0544 | 圳溝：係呀！毋多知，𠊎等歇在這差毋多有三百年吔！ | zun gieuˊ：he iaˋ！mˇ doˊ diˊ，ngaiˇ denˊ hed teˊ iaˋ caˊ mˇ doˊ iuˊ samˊ bagˋ ngianˇ eˇ！ | v7c9p5 | |
| cirn_0545 | 陂頭：後生該時節，日夜都無閒，幾艱苦你知無？ | biˊ teuˇ：heu sangˊ ge siiˇ jiedˋ，ngidˋ ia duˊ moˇ hanˇ，idˋ gianˊ kuˋ ngˇ diˊ moˇ？ | v7c9p6 | |
| cirn_0546 | 圳溝：耕種人係講愛耕一大片水田，就無恁好彩。 | zun gieuˊ：gangˊ zung nginˇ he gongˋ oi gangˊ idˋ tai pienˋ suiˋ tienˇ，qiu moˇ anˋ hoˋ coiˋ。 | v7c9p7 | |
| cirn_0547 | 起頭就愛同大河壩水，引到陂頭阿哥這來。 | hiˋ teuˇ qiu oi tungˇ tai hoˇ ba suiˋ，inˋ do biˊ teuˇ aˊ goˊ iaˋ loiˇ。 | v7c9p8 | |
| cirn_0548 | 陂頭：還愛倚恃圳溝老弟，同水透到田坵肚啊！ | biˊ teuˇ：vanˇ oi iˋ sii zun gieuˊ loˋ taiˊ，tungˇ suiˋ teu do tienˇ kiuˊ duˋ a！ | v7c9p9 | |
| cirn_0549 | 圳溝：又順續解決人類用水个問題。 | zun gieuˊ：iu sun sa giaiˋ giadˋ nginˇ lui iung suiˋ ge mun tiˇ。 | v7c9p10 | |
| cirn_0550 | 老龜仔：該毋係蓋沙鼻喺！仰還愛緊道嘆呢？ | loˋ guiˊ eˋ：ge mˇ he goi saˊ pi meˋ！ngiongˋ vanˇ oi ginˋ to tan noˋ？ | v7c9p11 | |
| cirn_0551 | 陂頭：全無想著「三十年河東，三十年河西」，時代轉變，盡多田都休耕哩！ | biˊ teuˇ：qionˇ moˇ xiongˋ doˋ「samˊ siib ngianˇ hoˇ dungˊ，samˊ siib ngianˇ hoˇ xiˊ」，siiˇ toi zonˋ bien，qin doˊ tienˇ duˊ hiuˊ gangˊ liˊ！ | v7c9p12 | |
| cirn_0552 | 圳溝：這下，𠊎等嗄分佢等準「排水溝」來用！麼个垃圾、骯髒水全流到𠊎圓身來，害𠊎等變到臭肨肨、烏趖趖，還毋值哦！ | zun gieuˊ：iaˋ ha，ngaiˇ denˊ sa bunˊ iˇ denˊ zunˋ「paiˇ suiˋ gieuˊ」loiˇ iung！maˋ ge lebˋ sebˋ、oˊ zoˊ suiˋ qionˇ liuˇ do ngaiˇ ianˇ siinˊ loiˇ，hoi ngaiˇ denˊ bien do cu pangˊ pangˊ、vuˊ soˇ soˇ，vanˇ mˇ dad oˋ！ | v7c9p13 | |
| cirn_0553 | 陂頭：頭擺同𠊎等漾陣个田螺、蜆仔、鰗鰍仔做一下徙走咧！連草堆項个火焰蟲，也罕得看著哩！ | biˊ teuˇ：teuˇ baiˋ tungˇ ngaiˇ denˊ iong ciin ge tienˇ loˇ、hanˋ eˋ、fuˇ qiuˊ eˋ zo idˋ ha saiˋ zeuˋ leˇ！lienˇ coˋ doiˊ hong ge foˋ ngiamˇ cungˇ，ia honˋ dedˋ kon doˋ liˊ！ | v7c9p14 | |
| cirn_0554 | 老龜仔：聽你等恁呢講，陂塘个命就比你等過靚。 | loˋ guiˊ eˋ：tangˊ ngˇ denˊ anˋ neˊ gongˋ，biˊ tongˇ ge miang qiu biˋ ngˇ denˊ go jiangˊ。 | v7c9p15 | |
| cirn_0555 | 陂頭：仰吔講？ | biˊ teuˇ：ngiongˋ eˊ gongˋ？ | v7c9p16 | |
| cirn_0556 | 老龜仔：早先人類挖陂塘係愛蔭田，下後，造了水庫就過無需要佢等。 | loˋ guiˊ eˋ：zoˋ xienˊ nginˇ lui iadˋ biˊ tongˇ he oi im tienˇ，ha heu，co liauˋ suiˋ ku qiu go moˇ xiˊ ieu iˇ denˊ。 | v7c9p17 | |
| cirn_0557 | 毋過，人類並無同佢等添放核，還規畫來種蓮花、做魚塘，轉做觀光休閒農業用。 | mˇ go，nginˇ lui bin moˇ tungˇ iˇ denˊ tiamˊ biong hedˋ，vanˇ guiˊ vag loiˇ zung lienˇ faˊ、zo ngˇ tongˇ，zonˋ zo gonˊ gongˊ hiuˊ hanˇ nungˇ ngiab iung。 | v7c9p18 | |
| cirn_0558 | 陂頭：𠊎還聽白鶴先生講，佢等同陂塘打扮到靚靚、淨俐淨俐。 | biˊ teuˇ：ngaiˇ vanˇ tangˊ pag hog xinˊ sangˊ gongˋ，iˇ denˊ tungˇ biˊ tongˇ daˋ ban do jiangˊ jiangˊ、qiang li qiang li。 | v7c9p19 | |
| cirn_0559 | 老龜仔：平平對人類有功勞，你等个命運仰會差恁多？ | loˋ guiˊ eˋ：piangˇ piangˇ dui nginˇ lui iuˊ gungˊ loˇ，ngˇ denˊ ge miang iun ngiongˋ voi caˊ anˋ doˊ？ | v7c9p20 | |
| cirn_0560 | 陂頭、圳溝（共下道嘆）：唉！毋好過講哩！ | biˊ teuˇ、zun gieuˊ（kiung ha to tan）：aiˋ！mˇ hoˋ go gongˋ liˊ！ | v7c9p21 | |
| cirn_0561 | 老龜仔緊拂頭，一步一步趖轉陂塘去。 | loˋ guiˊ eˋ ginˋ fin teuˇ，idˋ pu idˋ pu soˇ zonˋ biˊ tongˇ hi。 | v7c9p22 | |
| cirn_0562 | 第十課，老街。 | ti siib ko，loˋ giaiˊ。 | v7c10p1 | |
| cirn_0563 | 有一擺，𠊎同好朋友去逛老街。 | iuˊ idˋ baiˋ，ngaiˇ tungˇ hoˋ penˇ iuˊ hi gong loˋ giaiˊ。 | v7c10p2 | |
| cirn_0564 | 老街就像囥在阿婆簞笥肚个老相片。 | loˋ giaiˊ qiu qiong kong teˊ aˊ poˇ tangˋ siiˋ duˋ ge loˋ xiong pienˋ。 | v7c10p3 | |
| cirn_0565 | 每一張轉黃退色个相片，像講等一條條有快樂也有傷心个老故事。 | miˊ idˋ zongˊ zonˋ vongˇ tui sedˋ ge xiong pienˋ，qiong gongˋ denˋ idˋ tiauˇ tiauˇ iuˊ kuai log ia iuˊ songˊ ximˊ ge loˋ gu sii。 | v7c10p4 | |
| cirn_0566 | 行入老街，該一長槓个拱形門廊、一扇一扇雕龍刻鳳个窗門，看得出老師傅奇巧个手藝。 | hangˇ ngib loˋ giaiˊ，ge idˋ congˇ gong ge giungˋ hinˇ munˇ longˇ、idˋ san idˋ san diauˊ liungˇ kiedˋ fung ge cungˊ munˇ，kon dedˋ cudˋ loˋ siiˊ fu kiˇ kauˋ ge suˋ ngi。 | v7c10p5 | |
| cirn_0567 | 這一間一間古色古香个紅磚屋，像同𠊎講：「頭擺這跡係各行各業盡盛、交通蓋利便个街路，有戲園、酒家、旅社、百貨洋行。 | iaˋ idˋ gianˊ idˋ gianˊ guˋ sedˋ guˋ hiongˊ ge fungˇ zonˊ vugˋ，qiong tungˇ ngaiˇ gongˋ：「teuˇ baiˋ iaˋ jiagˋ he gogˋ hongˇ gogˋ ngiab qin siin、gauˊ tungˊ goi li pien ge giaiˊ lu，iuˊ hi ianˇ、jiuˋ gaˊ、liˋ sa、bagˋ fo iongˇ hangˇ。 | v7c10p6 | |
| cirn_0568 | 下後，傳統產業沒落、人口外徙，這跡伸著一條孤栖栖、恬索索个舊街路。 | ha heu，conˇ tungˋ sanˋ ngiab mud log、nginˇ kieuˋ ngoi saiˋ，iaˋ jiagˋ cunˊ doˋ idˋ tiauˇ guˊ xiˊ xiˊ、diamˊ sogˋ sogˋ ge kiu giaiˊ lu。 | v7c10p7 | |
| cirn_0569 | 恁多年來時行老街新造，一到放尞日，啁啁滾个人客來遶尞，𠊎又風神起來。」 | anˋ doˊ ngianˇ loiˇ siiˇ hangˇ loˋ giaiˊ xinˊ co，idˋ do biong liau ngidˋ，jio jio gunˋ ge nginˇ hagˋ loiˇ lauˊ liau，ngaiˇ iu fungˊ siinˇ hiˋ loiˇ。」 | v7c10p8 | |
| cirn_0570 | 踏過一垤一垤个老石枋，遶透一哪仔个古董、雜貨、手工童玩、客家美食个新老街。 | tab go idˋ de idˋ de ge loˋ sag biongˊ，lauˊ teu idˋ nai eˋ ge guˋ dungˋ、cab fo、suˋ gungˊ tungˇ nguanˋ、hagˋ gaˊ miˊ siid ge xinˊ loˋ giaiˊ。 | v7c10p9 | |
| cirn_0571 | 日頭愛落山咧，轉夜个屋簷鳥，在屋頂嘰嘰喳喳；雙手擐等零嗒、紀念品个遊客，同老街孤栖个背影，攪攪到共下，越來越長、緊行緊遠。 | ngidˋ teuˇ oi log sanˊ leˇ，zonˋ ia ge vogˋ iamˇ diauˊ，teˊ vogˋ dangˋ ji ji za za ;sungˊ suˋ kuan denˋ langˇ dab、gi ngiam pinˋ ge iuˇ hagˋ，tungˇ loˋ giaiˊ guˊ xiˊ ge boi iangˋ，giauˊ giauˊ do kiung ha，iad loiˇ iad congˇ、ginˋ hangˇ ginˋ ianˋ。 | v7c10p10 | |
| cirn_0572 | 老街个一事一物、一磚一瓦，跈等歲月个流失，嗄分人還過懷念。 | loˋ giaiˊ ge idˋ sii idˋ vud、idˋ zonˊ idˋ ngaˋ，tenˇ denˋ soi ngiad ge liuˇ siidˋ，sa bunˊ nginˇ vanˇ go faiˇ ngiam。 | v7c10p11 | |
| cirn_0573 | 對𠊎等這兜出外打拚，罕得歸老屋个後生仔來講，雖然人在鬧市肚，對故鄉還係心心念念。 | dui ngaiˇ denˊ iaˋ deuˊ cudˋ ngoi daˋ biang，honˋ dedˋ guiˊ loˋ vugˋ ge heu sangˊ eˋ loiˇ gongˋ，suiˊ ianˇ nginˇ teˊ nau sii duˋ，dui gu hiongˊ vanˇ he ximˊ ximˊ ngiam ngiam。 | v7c10p12 | |
| cirn_0574 | 老街个光景勾起𠊎童年个回憶，就像𠊎心肚一張一張个老相片，有兜仔濛濛、有兜仔真真。 | loˋ giaiˊ ge gongˊ ginˋ gieuˊ hiˋ ngaiˇ tungˇ ngianˇ ge fiˇ i，qiu qiong ngaiˇ ximˊ duˋ idˋ zongˊ idˋ zongˊ ge loˋ xiong pienˋ，iuˊ deuˊ eˊ mungˇ mungˇ、iuˊ deuˊ eˊ ziinˊ ziinˊ。 | v7c10p13 | |
| cirn_0575 | 第一課，行入伙房屋。 | ti idˋ ko，hangˇ ngib foˋ fongˇ vugˋ。 | v8c1p1 | |
| cirn_0576 | 「……四四方方个大伙房，大人細子个天堂……」。 | 「……xi xi fongˊ fongˊ ge tai foˋ fongˇ，tai nginˇ se ziiˋ ge tienˊ tongˇ……」。 | v8c1p2 | |
| cirn_0577 | 車肚收音機播出這個歌聲，𠊎聽著蓋生趣，黏皮就問：「麼个係大伙房？」阿爸講：「大伙房係早期𠊎等客家人在鄉下起个屋仔，該時節房族共下歇，事頭共下做，三餐共灶煮、共下食，同這下个細家庭無共樣！」聽到這，𠊎還係無麼个詳。 | caˊ duˋ suˊ imˊ giˊ boˊ cudˋ iaˋ ge goˊ sangˊ，ngaiˇ tangˊ doˋ goi senˊ qi，liamˇ piˇ qiu mun：「maˋ ge he tai foˋ fongˇ？」aˊ baˊ gongˋ：「tai foˋ fongˇ he zoˋ kiˇ ngaiˇ denˊ hagˋ gaˊ nginˇ teˊ hiongˊ ha hiˋ ge vugˋ eˋ，ge siiˇ jiedˋ fongˇ cug kiung ha hed，se teuˇ kiung ha zo，samˊ conˊ kiung zo zuˋ、kiung ha siid，tungˇ iaˋ ha ge se gaˊ tinˇ moˇ kiung iong！」tangˊ do iaˋ，ngaiˇ vanˇ he moˇ maˋ ge xiongˇ。 | v8c1p3 | |
| cirn_0578 | 恁堵好，隔日堵著放尞，打早，阿爸䟓䟓帶𠊎去看佢頭擺歇个伙房屋。 | anˋ duˋ hoˋ，gagˋ ngidˋ duˇ doˋ biong liau，daˋ zoˋ，aˊ baˊ dangˊ dangˊ dai ngaiˇ hi kon iˇ teuˇ baiˋ hed ge foˋ fongˇ vugˋ。 | v8c1p4 | |
| cirn_0579 | 風溜溜仔，天時蓋好，𠊎等來到莊肚，行無兩步腳，遠遠仔就看得著圍牆同大門个門對仔。 | fungˊ liu liu eˊ，tienˊ siiˇ goi hoˋ，ngaiˇ denˊ loiˇ do zongˊ duˋ，hangˇ moˇ liongˋ pu giogˋ，ianˋ ianˋ eˊ qiu kon dedˋ doˋ viˇ xiongˇ tungˇ tai munˇ ge munˇ dui eˋ。 | v8c1p5 | |
| cirn_0580 | 踏入大門就係闊闊个禾埕，阿爸講起頭擺還細个時節，在這躘上躘下，還不時傳來吱哩嘎啦个講話聲。 | tab ngib tai munˇ qiu he fadˋ fadˋ ge voˇ tangˇ，aˊ baˊ gongˋ hiˋ teuˇ baiˋ vanˇ se ge siiˇ jiedˋ，teˊ iaˋ liungˊ songˊ liungˊ haˊ，vanˇ budˋ siiˇ conˇ loiˇ giˊ liˊ gaˇ laˇ ge gongˋ fa sangˊ。 | v8c1p6 | |
| cirn_0581 | 熱天个暗晡頭，老嫩大細在這尞涼打嘴鼓，成時乜有鋸弦仔、唱山歌，日仔過來盡有意思。 | ngiad tienˊ ge am buˊ teuˇ，loˋ nun tai se teˊ iaˋ liau liongˇ daˋ zoi guˋ，sangˇ siiˇ me iuˊ gi hianˇ eˋ、cong sanˊ goˊ，ngidˋ eˋ go loiˇ qin iuˊ i sii。 | v8c1p7 | |
| cirn_0582 | 阿爸企在禾埕中央，看等這三合院，同𠊎解釋，這適中个係正身，兩片係橫屋。 | aˊ baˊ kiˊ teˊ voˇ tangˇ dungˊ ongˊ，kon denˋ iaˋ samˊ hab ian，tungˇ ngaiˇ giaiˋ siidˋ，iaˋ di dungˊ ge he ziin siinˊ，liongˋ pienˋ he vangˇ vugˋ。 | v8c1p8 | |
| cirn_0583 | 子孫係緊來緊多个時節，橫屋又做得起加一槓、兩槓，連峨接棟，將正身圍起來，就有圍揇个功能。 | ziiˋ sunˊ he ginˋ loiˇ ginˋ doˊ ge siiˇ jiedˋ，vangˇ vugˋ iu zo dedˋ hiˋ gaˊ idˋ gong、liongˋ gong，lienˇ ngoˇ jiabˋ dung，jiongˊ ziin siinˊ viˇ hiˋ loiˇ，qiu iuˊ viˇ namˋ ge gungˊ nenˇ。 | v8c1p9 | |
| cirn_0584 | 行入廳下，𠊎這看該看，先看著个係神桌頂項个祖公牌，在神桌下背還有插香，𠊎問阿爸該係麼个？阿爸講：「這係土地龍神，一般係廳下正有安个神明，廳下乜係接待人客个所在。 | hangˇ ngib tangˊ haˊ，ngaiˇ iaˋ kon ge kon，xienˊ kon doˋ ge he siinˇ zogˋ dangˋ hong ge zuˋ gungˊ paiˇ，teˊ siinˇ zogˋ haˊ boi vanˇ iuˊ cabˋ hiongˊ，ngaiˇ mun aˊ baˊ ge he maˋ ge？aˊ baˊ gongˋ：「iaˋ he tuˋ ti liungˇ siinˇ，idˋ banˊ he tangˊ haˊ nang iuˊ onˊ ge siinˇ minˇ，tangˊ haˊ me he jiabˋ tai nginˇ hagˋ ge soˋ cai。 | v8c1p10 | |
| cirn_0585 | 正身係大人儕歇个，兩片橫屋係後生仔歇个，這種照長幼輩分來安排个規矩，係重視人倫个表現。 | ziin siinˊ he tai nginˇ saˇ hed ge，liongˋ pienˋ vangˇ vugˋ he heu sangˊ eˋ hed ge，iaˋ zungˋ zeu zongˋ iu pi fun loiˇ onˊ paiˇ ge guiˊ giˋ，he cung sii nginˇ lunˇ ge beuˋ hian。 | v8c1p11 | |
| cirn_0586 | 「阿爸，該兩片間門頂項貼个『晴耕』、『雨讀』，係麼个意思？」「該代表客家人耕讀傳家个精神。」 | 「aˊ baˊ，ge liongˋ pienˋ gianˊ munˇ dangˋ hong diabˋ ge『qiangˇ gangˊ』、『iˋ tug』，he maˋ ge i sii？」「ge toi beuˋ hagˋ gaˊ nginˇ gangˊ tug conˇ gaˊ ge jinˊ siinˇ。」 | v8c1p12 | |
| cirn_0587 | 𠊎牽等阿爸个手愛行出大門个時節，阿爸又同𠊎講：「這大門脣圍牆項係拜天公爺香位，服祀天公係客家人對天地神明个尊敬。 | ngaiˇ kianˊ denˋ aˊ baˊ ge suˋ oi hangˇ cudˋ tai munˇ ge siiˇ jiedˋ，aˊ baˊ iu tungˇ ngaiˇ gongˋ：「iaˋ tai munˇ siinˇ viˇ xiongˇ hong he bai tienˊ gungˊ iaˇ hiongˊ vi，fug sii tienˊ gungˊ he hagˋ gaˊ nginˇ dui tienˊ ti siinˇ minˇ ge zunˊ gin。 | v8c1p13 | |
| cirn_0588 | 阿爸續等講：「𠊎等个伙房屋雖然無大戶人家个翹峨翹棟，雕龍畫鳳，毋過還留等𠊎還細時節同叔伯兄弟姊妹共下搞尞个回憶。」 | aˊ baˊ sa denˋ gongˋ：「ngaiˇ denˊ ge foˋ fongˇ vugˋ suiˊ ianˇ moˇ tai fu nginˇ gaˊ ge kieu ngoˇ kieu dung，diauˊ liungˇ fa fung，mˇ go vanˇ liuˇ denˋ ngaiˇ vanˇ se siiˇ jiedˋ tungˇ sugˋ bagˋ hiungˊ ti jiˋ moi kiung ha gauˋ liau ge fiˇ i。」 | v8c1p14 | |
| cirn_0589 | 看著這恁大堂个伙房屋，愐著祖先起這座伙房屋个智慧同艱辛，後代子孫愛好好來學習、來感恩。 | kon doˋ iaˋ anˋ tai tongˇ ge foˋ fongˇ vugˋ，menˋ doˋ zuˋ xienˊ hiˋ iaˋ co foˋ fongˇ vugˋ ge zii fi tungˇ gianˊ xinˊ，heu toi ziiˋ sunˊ oi hoˋ hoˋ loiˇ hog xib、loiˇ gamˋ enˊ。 | v8c1p15 | |
| cirn_0590 | 耳公脣又響起一陣歌聲，「……四四方方个大伙房，大人細子个天堂……」。 | ngiˋ gungˊ siinˇ iu hiongˋ hiˋ idˋ ciin goˊ sangˊ，「……xi xi fongˊ fongˊ ge tai foˋ fongˇ，tai nginˇ se ziiˋ ge tienˊ tongˇ……」。 | v8c1p16 | |
| cirn_0591 | 第二課，敬字惜紙話聖蹟。 | ti ngi ko，gin sii xiagˋ ziiˋ fa siin jidˋ。 | v8c2p1 | |
| cirn_0592 | 「一頭樹仔項，兩個細人仔吊晃槓」，請揣一隻字。 | 「idˋ teuˇ su eˋ hong，liongˋ ge se nginˇ eˋ diau gongˇ gong」，qiangˋ tonˇ idˋ zagˋ sii。 | v8c2p2 | |
| cirn_0593 | 答案就係「來」，你有揣著無？ | dabˋ on qiu he「loiˇ」，ngˇ iuˊ tonˇ doˋ moˇ？ | v8c2p3 | |
| cirn_0594 | 恁生趣个漢字，係上古時代流傳下來个。 | anˋ senˊ qi ge hon sii，he song guˋ siiˇ toi liuˇ conˇ haˊ loiˇ ge。 | v8c2p4 | |
| cirn_0595 | 頭擺个人，用索仔打結來記事，毋過無法度做過複雜个記載，後來个人就觀察天下萬物个情形，造出代表各種意義个符號，這種符號就安到「字」。 | teuˇ baiˋ ge nginˇ，iung sogˋ eˋ daˋ giadˋ loiˇ gi sii，mˇ go moˇ fabˋ tu zo go fug cab ge gi zaiˋ，heu loiˇ ge nginˇ qiu gonˊ cadˋ tienˊ ha van vud ge qinˇ hinˇ，co cudˋ toi beuˋ gogˋ zungˋ i ngi ge fuˇ ho，iaˋ zungˋ fuˇ ho qiu onˊ do「sii」。 | v8c2p5 | |
| cirn_0596 | 相傳倉頡造字个時節，「天雨粟，鬼夜哭」，可見得文字个發明，係一項驚天動地个大事，後世就尊佢為「制字先師」，所用个文字就係「聖蹟」，並起亭臺來奉祀，將文字神聖化。 | xiongˊ conˇ congˊ giedˋ co sii ge siiˇ jiedˋ，「tienˊ iˋ xiugˋ，guiˋ ia kugˋ」，koˋ gian dedˋ vunˇ sii ge fadˋ minˇ，he idˋ hong giangˊ tienˊ tungˊ ti ge tai sii，heu sii qiu zunˊ iˇ viˇ「zii sii xienˊ siiˊ」，soˋ iung ge vunˇ sii qiu he「siin jidˋ」，bin hiˋ tinˇ toiˇ loiˇ fung sii，jiongˊ vunˇ sii siinˇ siin fa。 | v8c2p6 | |
| cirn_0597 | 因為尊重知識、看重讀書个觀念，寫有文字个字紙也有吔神聖性，後來就變成敬字惜文个風俗。 | inˊ vi zunˊ cung ziiˊ siidˋ、kon cung tug suˊ ge gonˊ ngiam，xiaˋ iuˊ vunˇ sii ge sii ziiˋ ia iuˊ eˇ siinˇ siin xin，heu loiˇ qiu bien siinˇ gin sii xiagˋ vunˇ ge fungˊ xiug。 | v8c2p7 | |
| cirn_0598 | 特別係對敬重文風、晴耕雨讀个客家人來講，該兜字紙，像有神靈樣仔，毋好坐著也做毋得𨃰著。 | tid pied he dui gin cung vunˇ fungˊ、qiangˇ gangˊ iˋ tug ge hagˋ gaˊ nginˇ loiˇ gongˋ，ge deuˊ sii ziiˋ，qiong iuˊ siinˇ linˇ iong eˋ，mˇ hoˋ coˊ doˋ ia zo mˇ dedˋ kiam doˋ。 | v8c2p8 | |
| cirn_0599 | 大人登常會對細人仔講：「係坐著啊！會讀書毋識唷！」係無，就嚇佢講：「坐著字，尸朏會爛核哦！」連無愛个廢字紙，都做毋得儘採擳，定著愛先放在神桌腳下个字紙籠仔肚，滿吔正拿到河壩脣燒核，灰就放長流水流走。 | tai nginˇ denˊ songˇ voi dui se nginˇ eˋ gongˋ：「he coˊdoˋ a！voi tug suˊ mˇ siidˋ ioˊ！」he moˇ，qiu hagˋ iˇ gongˋ：「coˊ doˋ sii，sii fudˋ voi lan hedˋ oˋ！」lienˇ moˇ oi ge fi sii ziiˋ，duˊ zo mˇ dedˋ qin caiˊ jied，tin cog oi xienˊ biong teˊ siinˇ zogˋ giogˋ haˊ ge sii ziiˋ lungˊ eˋ duˋ，manˊ eˇ nang naˊ do hoˇ ba siinˇ seuˊ hedˋ，foiˊ qiu biong congˇ liuˇ suiˋ liuˇ zeuˋ。 | v8c2p9 | |
| cirn_0600 | 有兜莊頭還會組織「敬字會」、起敬字亭，每隻月初一、十五，拈字紙个莊民就㧡等字紙籠仔，一路緊行緊喊「收字紙哦！」收著个字紙愛㧡到敬字亭燒核，字紙火化成灰，將人崇敬文字个心意傳分上天。 | iuˊ deuˊ zongˊ teuˇ vanˇ voi zuˊ ziidˋ「gin sii fi」、hiˋ gin sii tinˇ，miˊ zagˋ ngiad cuˊ idˋ、siib ngˋ，ngiamˊ sii ziiˋ ge zongˊ minˇ qiu kaiˊ denˋ sii ziiˋ lungˊ eˋ，idˋ lu ginˋ hangˇ ginˋ hemˊ「suˊ sii ziiˋ oˋ！」suˊ doˋ ge sii ziiˋ oi kaiˊ do gin sii tinˇ seuˊ hedˋ，sii ziiˋ foˋ fa siinˇ foiˊ，jiongˊ nginˇ cungˇ gin vunˇ sii ge ximˊ i conˇ bunˊ song tienˊ。 | v8c2p10 | |
| cirn_0601 | 有文字，正做得保存人類个思想、創造禮法同制度，正有文明个出現。 | iuˊ vunˇ sii，nang zo dedˋ boˋ sunˇ nginˇ lui ge siiˊ xiongˋ、congˋ co liˊ fabˋ tungˇ zii tu，nang iuˊ vunˇ minˇ ge cudˋ hian。 | v8c2p11 | |
| cirn_0602 | 因為文字有恁大个影響力，在這印刷發達，網路資訊流通恁遽个時代，不管係書報雜誌，也係網路資訊，輕輕鬆鬆就看得著，𠊎等還係愛珍惜文字，乜愛好好來利用佢，毋好利用文字來散佈無健康个言論。 | inˊ vi vunˇ sii iuˊ anˋ tai ge iangˋ hiongˋ lid，teˊ iaˋ in sodˋ fadˋ tad，miongˋ lu ziiˊ xin liuˇ tungˊ anˋ giagˋ ge siiˇ toi，budˋ gonˋ he suˊ bo cab zii，ia he miongˋ lu ziiˊ xin，kiangˊ kiangˊ sungˊ sungˊ qiu kon dedˋ doˋ，ngaiˇ denˊ vanˇ he oi ziinˊ xiagˋ vunˇ sii，me oi hoˋ hoˋ loiˇ li iung iˇ，mˇ hoˋ li iung vunˇ sii loiˇ san bu moˇ kian kongˊ ge ngianˇ lun。 | v8c2p12 | |
| cirn_0603 | 昔時賢文講个「讀書須用意，一字值千金」，就係這个道理。 | xidˋ siiˇ hianˇ vunˇ gongˋ ge「tug suˊ xiˊ iung i，idˋ sii ciid qienˊ gimˊ」，qiu he iaˋ ge to liˊ。 | v8c2p13 | |
| cirn_0604 | 這下拈字紙去燒个人少哩，初一、十五敬字亭也罕得看著燒字紙，毋過將用過个字紙回收再利用，毋單淨係敬字惜文，過化存神，也係保護環境，痛惜子孫个表現。 | iaˋ ha ngiamˊ sii ziiˋ hi seuˊ ge nginˇ seuˋ liˊ，cuˊ idˋ、siib ngˋ gin sii tinˇ ia honˋ dedˋ kon doˋ seuˊ sii ziiˋ，mˇ go jiongˊ iung go ge sii ziiˋ fiˇ suˊ zai li iung，mˇ danˊ qiang he gin sii xiagˋ vunˇ，go fa cunˇ siinˇ，ia he boˋ fu fanˇ gin，tung xiagˋ ziiˋ sunˊ ge beuˋ hian。 | v8c2p14 | |
| cirn_0605 | 第三課，三腳採茶—客家氣象局。 | ti samˊ ko，samˊ giogˋ caiˋ caˇ—hagˋ gaˊ hi xiong kiug。 | v8c3p1 | |
| cirn_0606 | 丑：記得就真記得，記得舊年五月節，南洋發風落大雪,駱駝划飯溚溚跌,禾畢拔翼學打鐵,鸚哥結舌講天缺,鴨嫲絡食飯店歇啊!飯店歇!旦：（唱）天公哪，落水唷，阿妹呀，戴等笠嫲來到坑水邊，坑水呀，清又清，魚仔在該水中泅來泅去！ | cuˋ：gi dedˋ qiu ziinˊ gi dedˋ，gi dedˋ kiu ngianˇ ngˋ ngiad jiedˋ，namˇ iongˇ bodˋ fungˊ log tai xiedˋ,log toˇ paˊ fan dab dab diedˋ,voˇ bidˋ bad id hog daˋ tiedˋ,inˊ goˊ giadˋ sad gongˋ tienˊ kiadˋ,abˋ maˇ logˋ siid fan diam hiadˋ a ! fan diam hiadˋ ! danˋ：（cong）tienˊ gungˊ naˊ，log suiˋ ioˊ，aˊ moi iaˋ，dai denˋ libˋ maˇ loiˇ do hangˊ suiˋ bienˊ，hangˊ suiˋ iaˊ，qinˊ iu qinˊ，ngˇ eˋ teˊ ge suiˋ zungˊ qiuˇ loiˇ qiuˇ hi！ | v8c3p2 | |
| cirn_0607 | 生：阿婷妹，𠊎等來去散步、啉咖啡好無啊？ | senˊ：aˊ tinˇ moi，ngaiˇ denˊ loiˇ hi san pu、limˊ gaˊ biˊ hoˋ moˇ a？ | v8c3p3 | |
| cirn_0608 | 旦：𠊎正毋愛唷！啉麼个咖啡？ | dan：ngaiˇ nang mˇ oi ioˊ！limˊ maˋ ge gaˊ biˊ？ | v8c3p4 | |
| cirn_0609 | 生：來去哪！來去哪！ | senˊ：loiˇ hi naˊ！loiˇ hi naˊ！ | v8c3p5 | |
| cirn_0610 | 丑：兩位麼个哥、麼个姊，麼个時節吔仰還在這尞呢？人講：「出門看天色，入門看面色」，你看，對面山，烏天暗地，黏皮就愛落雨吔唷。 | cuˋ：liongˋ vi maˋ ge goˊ、maˋ ge jiˋ，maˋ ge siiˇ jiedˋ eˇ ngiongˋ vanˇ teˊ iaˋ liau noˋ？nginˇ gongˋ：「cudˋ munˇ kon tienˊ sedˋ，ngib munˇ kon mien sedˋ」，ngˇ kon，dui mien sanˊ，vuˊ tienˊ am ti，liamˇ piˇ qiu oi log iˋ eˊ ioˊ。 | v8c3p6 | |
| cirn_0611 | 旦：阿伯，無可能啦，這下還日頭烈烈。 | dan：aˊ bagˋ，moˇ koˋ nenˇ laˋ，iaˋ ha vanˇ ngidˋ teuˇ ladˋ ladˋ。 | v8c3p7 | |
| cirn_0612 | 丑：兩位大哥大姊，你等無看著恁多揚尾仔飛來飛去咩？ | cuˋ：liongˋ vi tai goˊ tai jiˋ，ngˇ denˊ moˇ kon doˋ anˋ doˊ iongˇ miˊ eˋ biˊ loiˇ biˊ hi meˊ？ | v8c3p8 | |
| cirn_0613 | 生：嘻嘻，揚尾仔？𠊎還揚蝶仔愛去遊花園哩喲！ | senˊ：hiˋ hiˋ，iongˇ miˊ eˋ？ngaiˇ vanˇ iongˇ iab eˋ oi hi iuˇ faˊ ianˇ liˊ io！ | v8c3p9 | |
| cirn_0614 | 丑：唉！毋聽老人言，食虧在眼前！(轟隆轟隆,雷公聲響)旦：阿伯，你還厲害喔！正式落雨哩喲！愛仰結煞呢？愛仰結煞呢？。 | cuˋ：aiˋ！mˇ tangˊ loˋ nginˇ ngianˇ，siid kuiˊ cai ngianˋ qienˇ！(hung lungˋ hung lungˋ , luiˇ gungˊ sangˊ hiongˋ) dan：aˊ bagˋ，ngˇ vanˇ li hoi oˊ！ziin siidˋ log iˋ liˊ io！oi ngiong gadˋ sadˋ noˋ？oi ngiong gadˋ sadˋ noˋ？。 | v8c3p10 | |
| cirn_0615 | 生：「出門一蕊花，轉屋一條瓜」，好得𠊎有帶著遮仔。 | senˊ：「cudˋ munˇ idˋ luiˊ faˊ，zonˋ vugˋ idˋ tiauˇ guaˊ」，hoˋ dedˋ ngaiˇ iuˊ dai doˋ zaˊ eˋ。 | v8c3p11 | |
| cirn_0616 | 丑：毋過，這遮仔係「六月个火囪—用毋著」哩！ | cuˋ：mˇ go，iaˋ zaˊ eˋ he「liugˋ ngiad ge foˋ cungˊ—iung mˇ cog」liˊ！ | v8c3p12 | |
| cirn_0617 | 旦：阿伯，你又毋係神。 | dan：aˊ bagˋ，ngˇ iu mˇ he siinˇ。 | v8c3p13 | |
| cirn_0618 | 你仰會知毋使用著遮仔呢？ | ngˇ ngiongˋ voi diˊ mˇ siiˋ iung doˋ zaˊ eˋ noˋ？ | v8c3p14 | |
| cirn_0619 | 丑：呵呵！這你就無了解囉！客家氣象局講：「吂落雨，先唱歌，盡落也無多。 | cuˋ：hoˋ hoˋ！iaˋ ngˇ qiu moˇ liauˋ giaiˋ loˊ！hagˋ gaˊ hi xiong kiug gongˋ：「mangˇ log iˋ，xienˊ cong goˊ，qin log ia moˇ doˊ。」 | v8c3p15 | |
| cirn_0620 | 」故所，你等毋使愁，雨一下仔就會停吔啦！ | gu soˋ，ngˇ denˊ mˇ siiˋ seuˇ，iˋ idˋ ha eˊ qiu voi tinˇ eˇ laˋ！ | v8c3p16 | |
| cirn_0621 | 生：恁呢啊！該𠊎就做得天轉笠嫲花哩喲！ | senˊ：anˋ neˊ aˋ！ge ngaiˇ qiu zo dedˋ tienˊ zonˋ libˋ maˇ faˊ leˇ ioˊ！ | v8c3p17 | |
| cirn_0622 | 旦：係呀，客家老古人言蓋準喔，吾婆也識同𠊎講過：「吂食五月粽，襖婆毋入甕。」 | dan：he iaˊ，hagˋ gaˊ loˋ guˋ nginˇ ngianˇ goi zunˋ oˊ，ngaˊ poˇ ia siidˋ tungˇ ngaiˇ gongˋ go：「mangˇ siid ngˋ ngiad zung，oˋ poˇ mˇ ngib vung。」 | v8c3p18 | |
| cirn_0623 | 到上禮拜日，𠊎正同歸屋下人寒天个衫褲收起來囥。 | do song liˊ bai ngidˋ，ngaiˇ nang tungˇ guiˊ lugˋ kaˊ nginˇ honˇ tienˊ ge samˊ fu suˊ hiˋ loiˇ kong。 | v8c3p19 | |
| cirn_0624 | 生：上隻月，天時還時寒時熱，過吔五月節，天時就會熱死人喔！。 | senˊ：song zagˋ ngiad，tienˊ siiˇ vanˇ siiˇ honˇ siiˇ ngiad，go eˇ ngˋ ngiad jiedˋ，tienˊ siiˇ qiu voi ngiad xiˋ nginˇ oˇ！。 | v8c3p20 | |
| cirn_0625 | 旦：毋過，自然科个先生講，這下因為地球溫室效應个關係，天時變到嶄蠻奇怪—「天年倒貶，朳仔打牛眼」，寒天毋像寒天，熱天毋像熱天，實在還無結煞喔！。 | dan：mˇ go，cii ianˇ koˊ ge xinˊ sangˊ gongˋ，iaˋ ha inˊ vi ti kiuˇ vunˊ siidˋ hauˋ in ge guanˊ he，tienˊ siiˇ bien do zamˋ manˇ kiˇ guai—「tienˊ ngianˇ do bienˋ，pad eˋ daˋ ngiuˇ ngianˋ」，honˇ tienˊ mˇ qiong honˇ tienˊ，ngiad tienˊ mˇ qiong ngiad tienˊ，siid cai vanˇ moˇ giadˋ sadˋ oˊ！。 | v8c3p21 | |
| cirn_0626 | 生：今年寒天个天時毋知會仰吔，阿伯，你知無？。 | senˊ：ginˊ ngianˇ honˇ tienˊ ge tienˊ siiˇ mˇ diˊ voi ngiongˋ eˇ，aˊ bagˋ，ngˇ diˊ moˇ？。 | v8c3p22 | |
| cirn_0627 | 丑：當然知啊，等𠊎算看啊。 | cuˋ：dongˊ ianˇ diˊ a，denˋ ngaiˇ son kon aˋ。 | v8c3p23 | |
| cirn_0628 | 甲子乙丑海中金，鴨嫲帶子水中心，丙寅丁卯爐中火，你等行路愛行好。 | gabˋ ziiˋ iadˋ cuˋ hoiˋ zungˊ gimˊ，abˋ maˇ dai ziiˋ suiˋ zungˊ ximˊ，biangˋ iˇ denˊ mauˊ luˇ zungˊ foˋ，ngˇ denˊ hangˇ lu oi hangˇ hoˋ。 | v8c3p24 | |
| cirn_0629 | 壞蹄哩喲！。 | fai taiˇ leˊ ioˊ！。 | v8c3p25 | |
| cirn_0630 | 旦：阿伯，你在該噥噥哢哢，講麼个啊？。 | dan：aˊ bagˋ，ngˇ teˊ geˋ nungˇ nungˇ nung nung ，gongˋ maˋ ge aˊ？。 | v8c3p26 | |
| cirn_0631 | 丑：𠊎講蕒仔杓菜，盆頭打鑊蓋。 | cuˋ：ngaiˇ gongˋ magˋ eˋ sog coi，punˇ teuˇ daˋ vog goi。 | v8c3p27 | |
| cirn_0632 | 𠊎屈指一算，今年个冬至係在舊曆月，在月尾，這就不妙囉，照𠊎看來，今年个寒天會一等寒，你等就愛買一領大襖婆來著喔！。 | ngaiˇ kudˋ ziiˋ idˋ son，ginˊ ngianˇ ge dungˊ zii he teˊ kiu lag ngiad，teˊ ngiad miˊ，iaˋ qiu budˋ meu loˊ，zeu ngaiˇ kon loiˇ，ginˊ ngianˇ ge honˇ tienˊ voi idˋ denˋ honˇ，ngˇ denˊ qiu oi maiˊ idˋ liangˊ tai oˋ poˇ loiˇ zogˋ oˊ！。 | v8c3p28 | |
| cirn_0633 | 生：仰仔講呢？。 | senˊ：ngiongˋ eˊ gongˋ noˋ？。 | v8c3p29 | |
| cirn_0634 | 丑：客家氣象局講：「冬至在月頭，無被毋使愁；冬至月中央，霜雪兩頭光；冬至在月尾，賣牛來買被。」 | cuˋ：hagˋ gaˊ hi xiong kiug gongˋ：「dungˊ zii cai ngiad teuˇ，moˇ piˊ mˇ siiˋ seuˇ；dungˊ zii ngiad dungˊ ongˊ，songˊ xiedˋ liongˋ teuˇ gongˊ；dungˊ zii cai ngiad miˊ，mai ngiuˇ loiˇ maiˊ piˊ。」 | v8c3p30 | |
| cirn_0635 | 故所，𠊎講今年个寒天會一等寒喔！。 | gu soˋ，ngaiˇ gongˋ ginˊ ngianˇ ge honˇ tienˊ voi idˋ denˋ honˇ oˊ！。 | v8c3p31 | |
| cirn_0636 | 旦：阿姆哀唷！嚇死人，嘎𠊎愛遽遽來去買蠶絲被、暖氣機正好。 | dan：aˊ meˊ oiˊ ioˊ！hagˋ xiˋ nginˇ，ga ngaiˇ oi giagˋ giagˋ loiˇ hi maiˊ camˇ siiˊ piˊ、nonˊ hi giˊ nang hoˋ。 | v8c3p32 | |
| cirn_0637 | 丑：誒，你等看，𠊎講个有幾準仔，無雨哩，遽遽去歸！。 | cuˋ：eˊ，ngˇ denˊ kon，ngaiˇ gongˋ ge iuˊ idˋ zunˋ eˋ，moˇ iˋ leˊ，giagˋ giagˋ hi guiˊ！。 | v8c3p33 | |
| cirn_0638 | 生：阿伯，多謝！多謝！「吂落雨，先唱歌，盡落也無多。」 | senˊ：aˊ bagˋ，doˊ qia！doˊ qia！「mangˇ log iˋ，xienˊ cong goˊ，qin log ia moˇ doˊ。」 | v8c3p34 | |
| cirn_0639 | 你正式係客家氣象局，有準，有準！。 | ngˇ ziin siidˋ he hagˋ gaˊ hi xiong kiug，iuˊ zunˋ，iuˊ zunˋ！。 | v8c3p35 | |
| cirn_0640 | 合：老嫩大細共下坐，傳揚客話笑呵呵，客家文化源流遠，老古人言智慧高啊，智慧高！。 | hab：loˋ nun tai se kiung ha coˊ，conˇ iongˇ hagˋ fa seu hoˊ hoˊ，hagˋ gaˊ vunˇ fa ngianˇ liuˇ ianˋ，loˋ guˋ nginˇ ngianˇ zii fi goˊ a，zii fi goˊ！。 | v8c3p36 | |
| cirn_0641 | ○○○、○○○、○○○下臺一鞠躬，感謝大家，正來尞！。 | ○○○、○○○、○○○haˊ toiˇ idˋ kiugˋ giungˊ，gamˋ qia tai gaˊ，nang loiˇ liau！。 | v8c3p37 | |
| cirn_0642 | 第四課，渡子歌。 | ti xi ko，tu ziiˋ goˊ。 | v8c4p1 | |
| cirn_0643 | 「一想渡子無恁該，幾多艱難受過來；受盡幾多寒更夜，仰得子大孝爺哀？」。 | 「idˋ xiongˋ tu ziiˋ moˇ anˋ goiˊ，giˋ doˊ gianˊ nanˇ su go loiˇ；su qin giˋ doˊ honˇ gangˊ ia，ngiongˋ dedˋ ziiˋ tai hau iaˇ oiˊ？」。 | v8c4p2 | |
| cirn_0644 | 「渡子歌」係在臺灣客家莊流傳个一條山歌，內容係寫婦人家降子个風險，同養育子女个辛苦；用念唱个方式，來表現該時代做阿姆个人生活个艱辛，目的在勸話世間人愛行孝道。 | 「tu ziiˋ goˊ」he teˊ toiˇ vanˊ hagˋ gaˊ zongˊ liuˇ conˇ ge idˋ tiauˇ sanˊ goˊ，nui iungˇ he xiaˋ fu nginˇ gaˊ giung ziiˋ ge fungˊ hiamˋ，tungˇ iongˊ iugˋ ziiˋ ngˋ ge xinˊ kuˋ；iung ngiam cong ge fongˊ siidˋ，loiˇ beuˋ hian ge siiˇ toi zo aˊ meˊ ge nginˇ senˊ fad ge gianˊ xinˊ，mugˋ didˋ teˊ kian va sii gianˊ nginˇ oi hangˇ hau to。 | v8c4p3 | |
| cirn_0645 | 婦人家一有身項，就愛細心細義，「坐得高來驚怕會打倒，坐得矮來又驚會搵內傷；燒个毋敢食，冷个毋敢嚐。」 | fu nginˇ gaˊ idˋ iuˊ siinˊ hong，qiu oi se ximˊ se ngi，「coˊ dedˋ goˊ loiˇ giangˊ pa voi daˋ do mag，coˊ dedˋ aiˋ loiˇ iu giangˊ voi vudˋ nui songˊ；seuˊ ge mˇ gamˋ siid，langˊ ge mˇ gamˋ songˇ。」 | v8c4p4 | |
| cirn_0646 | 堵著愛做，就算大肚踉膨，萬項事情還係愛做。 | duˇ doˋ oi zo，qiu son tai duˋ liongˇ pongˊ，van hong sii qinˇ vanˇ he oi zo。 | v8c4p5 | |
| cirn_0647 | 臨月愛降該下，「真像利刀來割肚，可比利剪來剪腸」，痛到「嘴項鐵釘咬得斷，腳著皮鞋蹬得穿，天頂無門想愛上，地下無門強愛鑽。」 | limˇ ngiad oi giung ge ha，「ziinˊ qiong li doˊ loiˇ godˋ duˋ，koˋ biˋ li jienˋ loiˇ jienˋ congˇ」，tung do「zoi hong tiedˋ dangˊ ngauˊ dedˋ tonˊ，giogˋ zogˋ piˇ haiˇ demˋ dedˋ conˊ，tienˊ dangˋ moˇ munˇ xiongˋ oi songˊ，ti haˊ moˇ munˇ kiongˇ oi zonˊ。」 | v8c4p6 | |
| cirn_0648 | 婦人家降子蓋危險，頭擺醫學毋發達，衛生條件又無恁好，隨時都有可能會無命，故所講：「有福之人來降子，得人个雞酒香；無福之人來降子，得人个四垤枋。 | fu nginˇ gaˊ giung ziiˋ goi nguiˇ hiamˋ，teuˇ baiˋ iˊ hog mˇ fadˋ tad，vi senˊ tiauˇ kian iu moˇ anˋ hoˋ，suiˇ siiˇ duˊ iuˊ koˋ nenˇ voi moˇ miang，gu soˋ gongˋ：「iuˊ fugˋ ziiˊ nginˇ loiˇ giung ziiˋ，dedˋ nginˇ ge gieˊ jiuˋ hiongˊ；moˇ fugˋ ziiˊ nginˇ loiˇ giung ziiˋ，dedˋ nginˇ ge xi de biongˊ。 | v8c4p7 | |
| cirn_0649 | 阿姆來降子，可比蟻公游鑊壁，游得過就𠊎个貨；游毋過，阿姆个性命就會見閻王。」 | aˊ meˊ loiˇ giung ziiˋ，koˋ biˋ ngie gungˊ iuˇ vog biagˋ，iuˇ dedˋ go qiu ngaiˇ ge fo；iuˇ mˇ go，aˊ meˊ ge xin miang qiu voi gian ngiamˇ vongˇ。」 | v8c4p8 | |
| cirn_0650 | 聽著就會目珠溼，鼻公酸。 | tangˊ doˋ qiu voi mugˋ zuˊ siibˋ，pi gungˊ sonˊ。 | v8c4p9 | |
| cirn_0651 | 細人仔還細，愛蓋費精神來照顧，輒輒無日無夜，「一日睡無半夜目」係蓋平常个事情，無論天時好壞，都愛揹等細人仔去田項做事、上山拈樵、河壩洗衫、㧡水淋菜、起火煮飯，每日就做到兩頭烏。 | se nginˇ eˋ vanˇ se，oi goi fi jinˊ siinˇ loiˇ zeu gu，jiab jiab moˇ ngidˋ moˇ ia，「idˋ ngidˋ soi moˇ ban ia mugˋ」he goi pinˇ songˇ ge sii qinˇ，moˇ lun tienˊ siiˇ hoˋ faiˋ，duˊ oi baˇ denˋ se nginˇ eˋ hi tienˇ hong zo se、songˊ sanˊ ngiamˊ ceuˇ、hoˇ ba seˋ samˊ、kaiˊ suiˋ limˇ coi、hiˋ foˋ zuˋ fan，miˊ ngidˋ qiu zo do liongˋ teuˇ vuˊ。 | v8c4p10 | |
| cirn_0652 | 揹等細人仔上山㧡㧡擔擔，還愛飼細人仔食奶，「子兒來下世，點點食娘身上个心頭血。 | baˇ denˋ se nginˇ eˋ songˊ sanˊ kaiˊ kaiˊ damˊ damˊ，vanˇ oi cii se nginˇ eˋ siid nen，「ziiˋ iˇ loiˇ ha sii，diamˋ diamˋ siid ngiongˇ siinˊ song ge ximˊ teuˇ hiadˋ。 | v8c4p11 | |
| cirn_0653 | 一日食娘三合奶，三日食娘九合糧。」 | idˋ ngidˋ siid ngiongˇ samˊ gabˋ nen，samˊ ngidˋ siid ngiongˇ giuˋ kabˋ liongˇ。」 | v8c4p12 | |
| cirn_0654 | 做阿姆个人愛先顧細人仔食飽、著燒，正顧得著自家，每擺就「肚屎餓到變背囊，大腸餓到變細腸」，總係食該伸个冷菜冷飯。 | zo aˊ meˊ ge nginˇ oi xienˊ gu se nginˇ eˋ siid bauˋ、zogˋ seuˊ，nang gu dedˋ doˋ qid gaˊ，miˊ baiˋ qiu「duˋ siiˋ ngo do bien boi nongˇ，tai congˇ ngo do bien se congˇ」，zungˋ he siid ge cunˊ ge langˊ coi langˊ fan。 | v8c4p13 | |
| cirn_0655 | 換過个屎裙尿布，毋管係熱天抑係寒天，都愛拿去河壩洗湯，正經係「衰過阿姆个十隻手指腡，洗到血洋洋。 | von go ge siiˋ kiunˇ ngiau bu，mˇ gonˋ he ngiad tienˊ ia he honˇ tienˊ，duˊ oi naˊ hi hoˇ ba seˋ tongˊ，ziin ginˊ he「coiˊ go aˊ meˊ ge siib zagˋ suˋ ziiˋ loˇ，seˋ do hiadˋ iongˇ iongˇ。 | v8c4p14 | |
| cirn_0656 | 在勤儉个家風肚，客家婦女愛內外兼顧，除核灶頭鑊尾、針頭線尾、田頭地尾，還愛家頭教尾。 | teˊ kiunˇ kiam ge gaˊ fungˊ duˋ，hagˋ gaˊ fu ngˋ oi nui ngoi giamˊ gu，cuˇ hedˋ zo teuˇ vog miˊ、ziimˊ teuˇ xien miˊ、tienˇ teuˇ ti miˊ，vanˇ oi gaˊ teuˇ gau miˊ。 | v8c4p15 | |
| cirn_0657 | 在恁艱苦个環境肚，毋單淨咬薑啜醋將細人仔畜大，還愛省死省命分細人仔繳學費，就係做乞食乜愛分子女讀書。 | teˊ anˋ gianˊ kuˋ ge fanˇ gin duˋ，mˇ danˊ qiang ngauˊ giongˊ codˋ cii jiongˊ se nginˇ eˋ hiugˋ tai，vanˇ oi sangˋ xiˋ sangˋ miang bunˊ se nginˇ eˋ gieuˋ hog fi，qiu he zo kiadˋ siid me oi bunˊ ziiˋ ngˋ tug suˊ。 | v8c4p16 | |
| cirn_0658 | 人講爺娘惜子長江水，半點就毋會差。 | nginˇ gongˋ iaˇ ngiongˇ xiagˋ ziiˋ congˇ gongˊ suiˋ，ban diamˋ qiu mˇ voi caˊ。 | v8c4p17 | |
| cirn_0659 | 流傳世間个渡子歌，奉勸做人个子女，趕爺哀還在就愛行孝。 | liuˇ conˇ sii gianˊ ge tu ziiˋ goˊ，fung kian zo nginˇ ge ziiˋ ngˋ，gonˋ iaˇ oiˊ vanˇ coiˊ qiu oi hangˇ hau。 | v8c4p18 | |
| cirn_0660 | 故所講，還生一碗湯，當過死後祭豬羊。 | gu soˋ gongˋ，vanˇ sangˊ idˋ vonˋ tongˊ，dong go xiˋ heu ji zuˊ iongˇ。 | v8c4p19 | |
| cirn_0661 | 現代社會，渡子毋係婦人家一個人个責任，爺哀都愛共同來承擔，正係美滿个家庭。 | hian toi sa fi，tu ziiˋ mˇ he fu nginˇ gaˊ idˋ ge nginˇ ge jidˋ im，iaˇ oiˊ duˊ oi kiung tungˇ loiˇ siinˇ damˊ，zang he miˊ manˊ ge gaˊ tinˇ。 | v8c4p20 | |
| cirn_0662 | 第五課，三山國王。 | ti ngˋ ko，samˊ sanˊ guedˋ vongˇ。 | v8c5p1 | |
| cirn_0663 | 劇情大綱：根據傳說，宋太祖開寶四年（公元年），因為南漢王輒輒犯界，仰吔勸都無效。 | kiagˋ qinˇ tai gongˊ：ginˊ giˋ conˇ sodˋ，sung tai zuˋ koiˊ boˋ xi ngianˇ（gungˊ ngianˇ ngianˇ），inˊ vi namˇ hon vongˇ jiab jiab fam giai，ngiongˋ eˇ kian duˊ moˇ hauˋ。 | v8c5p2 | |
| cirn_0664 | 太祖發譴，派大將軍潘美興兵征討。 | tai zuˋ fadˋ kienˋ，pai tai jiongˊ giunˊ panˊ miˊ hinˊ binˊ ziinˊ toˋ。 | v8c5p3 | |
| cirn_0665 | 南漢王兵敗，逃入山寨。 | namˇ hon vongˇ binˊ pai，toˇ ngib sanˊ zai。 | v8c5p4 | |
| cirn_0666 | 潘美命令潮州太守王侍監帶兵火攻山寨，王侍監知得當地巾山、明山、獨山三位山神个神威，就向山神求助。 | panˊ miˊ min lin ceuˇ zuˊ tai suˋ vongˇ sii gam dai binˊ foˋ gungˊ sanˊ zai，vongˇ sii gam diˊ dedˋ dongˊ ti ginˊ sanˊ、minˇ sanˊ、tug sanˊ samˊ vi sanˊ siinˇ ge siinˇ viˊ，qiu hiong sanˊ siinˇ kiuˇ cu。 | v8c5p5 | |
| cirn_0667 | 該日，斷真就狂風大作，火緊來緊猛，山寨燒淨淨，南漢王走無路去，乖乖分人扭。 | ge ngidˋ，don ziinˊ qiu kongˇ fungˊ tai zogˋ，foˋ ginˋ loiˇ ginˋ mangˊ，sanˊ zai seuˊ qiang qiang，namˇ hon vongˇ zeuˋ moˇ lu hi，guaiˊ guaiˊ bunˊ nginˇ neuˋ。 | v8c5p6 | |
| cirn_0668 | 經過八年，宋太宗親身帶兵，分三路攻打北漢，三山神又顯靈助陣，逼到北漢王獻城投降，完成統一天下个大業。 | ginˊ go badˋ ngianˇ，sung tai zungˊ qinˊ siinˊ dai binˊ，funˊ samˊ lu gungˊ daˋ bedˋ hon，samˊ sanˊ siinˇ iu hianˋ linˇ cu ciin，bedˋ do bedˋ hon vongˇ hian sangˇ teuˇ hongˇ，vanˇ siinˇ tungˋ idˋ tienˊ ha ge tai ngiab。 | v8c5p7 | |
| cirn_0669 | 太宗歡喜感恩，詔封巾山為寧國王、明山為報國王、獨山為豐國王，合稱三山國王，起廟奉祀，每年舊曆二月二十五合祭。 | tai zungˊ fonˊ hiˋ gamˋ enˊ，seu fungˊ ginˊ sanˊ viˇ nenˇ guedˋ vongˇ、minˇ sanˊ viˇ bo guedˋ vongˇ、tug sanˊ viˇ fungˊ guedˋ vongˇ，hab ciinˊ samˊ sanˊ guedˋ vongˇ，hiˋ meu fung sii，miˊ ngianˇ kiu lag ngi ngiad ngi siib ngˋ hab ji。 | v8c5p8 | |
| cirn_0670 | 演出版：（升堂：細兵卒仔先上臺弄、潘美再上臺、行臺步、坐凳仔。 | ianˊ cudˋ banˋ：（siinˊ tongˇ：se binˊ zudˋ eˋ xienˊ songˊ toiˇ nung、panˊ miˊ zai songˊ toiˇ、hangˇ toiˇ pu、coˊ den eˋ。 | v8c5p9 | |
| cirn_0671 | 潘美：（獨白）宋太祖駕前為臣，官拜韓國公之職。 | panˊ miˊ：（tug pag）sung tai zuˋ ga qienˇ viˇ siinˇ，gonˊ bai honˇ guedˋ gungˊ ziiˊ ziidˋ。 | v8c5p10 | |
| cirn_0672 | 𠊎平生做人忠心硬直，鐵面無私，賞罰分明。 | ngaiˇ pinˇ senˊ zo nginˇ zungˊ ximˊ ngang ciid，tiedˋ mien vuˇ siiˊ，songˋ fad funˊ minˇ。 | v8c5p11 | |
| cirn_0673 | 因為南漢王劉振輒輒無理無由，侵犯邊界，屢勸不聽，故所太祖大譴，興動大軍，今日派𠊎掛帥，前往征討。 | inˊ vi namˇ hon vongˇ liuˇ ziinˋ jiab jiab moˇ liˊ moˇ iuˇ，qimˊ fam bienˊ giai，liˋ kian budˋ tangˊ，gu soˋ tai zuˋ tai kienˋ，hinˊ tungˊ tai giunˊ，ginˊ ngidˋ pai ngaiˇ gua sai，qienˇ vongˊ ziinˊ toˋ。 | v8c5p12 | |
| cirn_0674 | (對白)來!潮州太守王侍監向前聽令。 | (dui pag) loiˇ!ceuˇ zuˊ tai suˋ vongˇ sii gam hiong qienˇ tangˊ lin。 | v8c5p13 | |
| cirn_0675 | 王侍監：來了！（上臺、單腳跪）請元帥吩咐。 | vongˇ sii gam：loiˇ liauˋ！（songˊ toiˇ、danˊ giogˋ kuiˋ）qiangˋ ngianˇ sai funˊ fu。 | v8c5p14 | |
| cirn_0676 | 潘美：王侍監聽令，你係潮州太守，地形路碼你過熟，本帥命你做開路先鋒，攻打南漢，不得違令。 | panˊ miˊ：vongˇ sii gam tangˊ lin，ngˇ he ceuˇ zuˊ tai suˋ，ti hinˇ lu maˊ ngˇ go sug，bunˋ sai min ngˇ zo koiˊ lu xienˊ fungˊ，gungˊ daˋ namˇ hon，budˋ dedˋ viˇ lin。 | v8c5p15 | |
| cirn_0677 | 王侍監：末將領令。 | vongˇ sii gam：mad jiong liangˊ lin。 | v8c5p16 | |
| cirn_0678 | （王侍監下臺）。 | （vongˇ sii gam haˊ toiˇ）。 | v8c5p17 | |
| cirn_0679 | 潘美：眾將官（大家應聲：喔—），人馬準備到仰吔？攻打南漢王。 | panˊ miˊ：zung jiong gonˊ（tai gaˊ in sangˊ：oˊ—），nginˇ maˊ zunˋ pi do ngiongˋ eˇ？gungˊ daˋ namˇ hon vongˇ。 | v8c5p18 | |
| cirn_0680 | (大家應聲:喔—)(潘美下臺,宋軍行過......)。 | (tai gaˊ in sangˊ:oˊ—)(panˊ miˊ haˊ toiˇ,sung giunˊ hangˇ go......)。 | v8c5p19 | |
| cirn_0681 | 旁白：宋太祖開寶四年派大將潘美，帶領大軍攻打南漢王劉振，雙方人馬一接陣，就㓾到天昏地暗。 | pongˇ pag：sung tai zuˋ koiˊ boˋ xi ngianˇ pai tai jiong panˊ miˊ，dai liangˊ tai giunˊ gungˊ daˋ namˇ hon vongˇ liuˇ ziinˋ，sungˊ fongˊ nginˇ maˊ idˋ jiabˋ ciin，qiu ciiˇ do tienˊ funˊ ti am。 | v8c5p20 | |
| cirn_0682 | 旁白：這時節宋軍同南漢軍，戰到烏天暗地、日月無光！(雙方繼續戰鬥)三日三夜過後,劉振人馬大敗,走入山肚,堅守山寨。 | pongˇ pag：iaˋ siiˇ jiedˋ sung giunˊ tungˇ namˇ hon giunˊ，zan do vuˊ tienˊ am ti、ngidˋ ngiad vuˇ gongˊ！(sungˊ fongˊ gi xiug zan deu)samˊ ngidˋ samˊ ia go heu , liuˇ ziinˋ nginˇ maˊ tai pai , zeuˋ ngib sanˊ duˋ, gianˊ suˋ sanˊ zai。 | v8c5p21 | |
| cirn_0683 | (潘美、王侍監上臺)。 | (panˊ miˊ、vongˇ sii gam songˊ toiˇ)。 | v8c5p22 | |
| cirn_0684 | 王侍監：稟報元帥，南漢軍分𠊎等㓾到落花流水，離尸馬瀉，庰入山寨，毋敢出來。 | vongˇ sii gam：binˋ bo ngianˇ sai，namˇ hon giunˊ bunˊ ngaiˇ denˊ ciiˇ do log faˊ liuˇ suiˋ，liˇ siiˊ maˊ xia，biang ngib sanˊ zai，mˇ gamˋ cudˋ loiˇ。 | v8c5p23 | |
| cirn_0685 | 愛仰吔處理，請元帥定奪。 | oi ngiongˋ eˇ cuˋ liˊ，qiangˋ ngianˇ sai tin tod。 | v8c5p24 | |
| cirn_0686 | 潘美：火攻！。 | panˊ miˊ：foˋ gungˊ！。 | v8c5p25 | |
| cirn_0687 | 王侍監：火攻？意思係用火燒？。 | vongˇ sii gam：foˋ gungˊ？i sii he iung foˋ seuˊ？。 | v8c5p26 | |
| cirn_0688 | 潘美：無毋著，本帥看山寨全係用樹料做个，用火燒，自然佢就走無路。 | panˊ miˊ：moˇ mˇ cog，bunˋ sai kon sanˊ zai qionˇ he iung su liau zo ge，iung foˋ seuˊ，cii ianˇ iˇ qiu zeuˋ moˇ lu。 | v8c5p27 | |
| cirn_0689 | 王侍監：嘿！有通！有通！樹驚火，火燒寨，看佢等有幾會庰，恁呢好。 | vongˇ sii gam：heˋ！iuˊ tungˊ！iuˊ tungˊ！su giangˊ foˋ，foˋ seuˊ zai，kon iˇ denˊ iuˊ giˊ fi biang，anˋ neˊ hoˋ。 | v8c5p28 | |
| cirn_0690 | 元帥，𠊎來去準備放火。 | ngianˇ sai，ngaiˇ loiˇ hi zunˋ pi biong foˋ。 | v8c5p29 | |
| cirn_0691 | （王侍監下臺）。 | （vongˇ sii gam haˊ toiˇ）。 | v8c5p30 | |
| cirn_0692 | 潘美：哼！劉振啊劉振，若死日仔到哩！哈哈！哈哈！（下臺）(火燒過......)(王侍監上臺)。 | panˊ miˊ：hngˋ！liuˇ ziinˋ a liuˇ ziinˋ，ngiaˊ xiˋ ngidˋ eˋ do leˊ！haˋ haˋ！haˋhaˋ！（haˊ toiˇ）(foˋ seuˊ go......)(vongˇ sii gam songˊ toiˇ)。 | v8c5p31 | |
| cirn_0693 | 王侍監：𠊎潮州太守王侍監，元帥喊𠊎等用火攻，用火燒南漢王个山寨，燒有在該燒，毋過無風無抵，火毋罅烈，無停無動，這下愛仰吔正好！愛仰吔正好！哎哎哎呀！山、獨山个山神盡靈，香火蓋盛，𠊎來求山神𢯭手。 | vongˇ sii gam：ngaiˇ ceuˇ zuˊ tai suˋ vongˇ sii gam，ngianˇ sai hemˊ ngaiˇ denˊ iung foˋ gungˊ，iung foˋ seuˊ namˇ hon vongˇ ge sanˊ zai，seuˊ iuˊ teˊ geˋ seuˊ，mˇ go moˇ fungˊ moˇ diˋ，foˋ mˇ la ladˋ，moˇ tinˇ moˇ tungˊ，iaˋ ha oi ngiongˋ eˇ nang hoˋ！oi ngiongˋ eˇ nang hoˋ！aiˋ aiˋ aiˋ iaˋ！sanˊ、tug sanˊ ge sanˊ siinˇ qin linˇ，hiongˊ foˋ goi siin，ngaiˇ loiˇ kiuˇ sanˊ siinˇ ten suˋ。 | v8c5p32 | |
| cirn_0694 | (王侍監雙腳跪下)山神啊!山神!弟子王侍監在這誠心同你等拜託，請你等大神大道，大顯神威，使致火攻計順序成功，日後弟子定著起廟祭拜。 | (vongˇ sii gam sungˊ giogˋ kuiˋ haˊ) sanˊ siinˇ aˋ! sanˊ siinˇ ! ti ziiˋ vongˇ sii gam teˊ iaˋ siinˇ ximˊ tungˇ ngˇ denˊ bai togˋ，qiangˋ ngˇ denˊ tai siinˇ tai to，tai hianˋ siinˇ viˊ，siiˋ zii foˋ gungˊ gi sun xi siinˇ gungˊ，ngidˋ heu ti ziiˋ tin cog hiˋ meu ji bai。 | v8c5p33 | |
| cirn_0695 | (忽然起風)哎呀!有講有靈,有拜有顯,嘿嘿!起風哩！起風哩！你等大家啊！火盡量同佢點落去。 | (fudˋ ianˇ hiˋ fungˊ) aiˋ iaˋ ! iuˊ gongˋ iuˊ linˇ , iuˊ bai iuˊ hianˋ , heˋ heˋ ! hiˋ fungˊ leˊ！hiˋ fungˊ leˊ ！ngˇ denˊ tai gaˊ aˋ！foˋ qin liong tungˇ iˇ diamˋ log hi。 | v8c5p34 | |
| cirn_0696 | (大火緊燒,南漢軍分火燒到一哪仔亂舂亂竄。 | (tai foˋ ginˋ seuˊ,namˇ hon giunˊ bunˊ foˋ seuˊ do idˋ nai eˋ lon zungˊ lon con。 | v8c5p35 | |
| cirn_0697 | 旁白：巾山、明山、獨山三山神，聽著王侍監个祈求，又過知得宋太祖係真命天子，就大顯神威，起大風。 | pongˇ pag：ginˊ sanˊ、minˇ sanˊ、tug sanˊ samˊ sanˊ siinˇ，tangˊ doˋ vongˇ sii gam ge kiˇ kiuˇ，iu go diˊ dedˋ sung tai zuˋ he ziinˊ min tienˊ ziiˋ，qiu tai hianˋ siinˇ viˊ，hiˋ tai fungˊ。 | v8c5p36 | |
| cirn_0698 | 火越燒越猛，一𥍉目，歸隻山寨烈火衝天。 | foˋ iad seuˊ iad mangˊ，idˋ ngiabˋ mugˋ，guiˊ zagˋ sanˊ zai ladˋ foˋ cungˊ tienˊ。 | v8c5p37 | |
| cirn_0699 | (南漢兵死个死、傷个傷)(潘美上臺)。 | (namˇ hon binˊ xiˋ ge xiˋ、songˊ ge songˊ)(panˊ miˊ songˊ toiˇ)。 | v8c5p38 | |
| cirn_0700 | 潘美：眾三軍！（大家應聲：喔—）拚啊！。 | panˊ miˊ：zung samˊ giunˊ！（tai gaˊ in sangˊ：oˊ—）bia aˋ！。 | v8c5p39 | |
| cirn_0701 | 旁白：潘美一聲令下，三軍衝入山寨，㓾到南漢軍喊爺噭哀，死傷慘重。 | pongˇ pag：panˊ miˊ idˋ sangˊ lin ha，samˊ giunˊ cungˊ ngib sanˊ zai，ciiˇ do namˇ hon giunˊ ham iaˇ gieu oiˊ，xiˋ songˊ camˋ cung。 | v8c5p40 | |
| cirn_0702 | (雙方戰鬥)(王侍監捉等劉振)。 | (sungˊ fongˊ zan deu)(vongˇ sii gam zogˋ denˋ liuˇ ziinˋ)。 | v8c5p41 | |
| cirn_0703 | 劉振：嗚！饒命！饒命！𠊎下擺毋敢吔。 | liuˇ ziinˋ：vuˊ！ngieuˇ miang！ngieuˇ miang！ngaiˇ ha baiˋ mˇ gamˋ eˇ。 | v8c5p42 | |
| cirn_0704 | 王侍監：哼！你還敢想有下二擺。 | vongˇ sii gam：hngˋ！ngˇ vanˇ gamˋ xiongˋ iuˊ ha ngi baiˋ。 | v8c5p43 | |
| cirn_0705 | 行，押你去見元帥。 | hangˇ，abˋ ngˇ hi gian ngianˇ sai。 | v8c5p44 | |
| cirn_0706 | 旁白：順天者昌，逆天者亡。 | pongˇ pag：sun tienˊ zaˋ congˊ，ngiag tienˊ zaˋ mongˇ。 | v8c5p45 | |
| cirn_0707 | 潮州三山神顯靈助潘美个火攻計成功，順利捉著南漢王，安定廣東沿海一帶。 | ceuˇ zuˊ samˊ sanˊ siinˇ hianˋ linˇ cu panˊ miˊ ge foˋ gungˊ gie siinˇ gungˊ，sun li zogˋ doˋ namˇ hon vongˇ，onˊ tin gongˋ dungˊ ianˇ hoiˋ idˋ dai。 | v8c5p46 | |
| cirn_0708 | 經過八年，三山神又再顯靈，幫助宋太宗打敗北漢王，一統天下，太宗歡喜，詔封巾山寧國王、明山報國王、獨山豐國王為三山國王，並起廟奉祀，每年舊曆二月二十五合祭。 | ginˊ go badˋ ngianˇ，samˊ sanˊ siinˇ iu zai hianˋ linˇ，bongˊ cu sung tai zungˊ daˋ pai bedˋ hon vongˇ，idˋ tungˋ tienˊ ha，tai zungˊ fonˊ hiˋ，seu fungˊ ginˊ sanˊ nenˇ guedˋ vongˇ、minˇ sanˊ bo guedˋ vongˇ、tug sanˊ fungˊ guedˋ vongˇ vi samˊ sanˊ guedˋ vongˇ，bin hiˋ meu fung sii，miˊ ngianˇ kiu lag ngi ngiad ngi siib ngˋ hab ji。 | v8c5p47 | |
| cirn_0709 | 第六課，來去義民廟看打醮。 | ti liugˋ ko，loiˇ hi ngi minˇ meu kon daˋ zeu。 | v8c6p1 | |
| cirn_0710 | 舊年，先生帶𠊎等去新埔枋寮義民廟看打醮，吂到義民廟，遠遠就看著三支伸入天頂个「燈篙」。 | kiu ngianˇ，xinˊ sangˊ dai ngaiˇ denˊ hi xinˊ puˊ bongˊ liauˇ ngi minˇ meu kon daˋ zeu，mangˇ do ngi minˇ meu，ianˋ ianˋ qiu kon doˋ samˊ giˊ cunˊ ngib tienˊ dangˋ ge「denˊ goˊ」。 | v8c6p2 | |
| cirn_0711 | 先生講這高高个「燈篙」係招孤魂，親像這下个請帖，也係引路个指標!。 | xinˊ sangˊ gongˋ iaˋ goˊ goˊ ge「denˊ goˊ」he zeuˊ guˊ funˇ，qinˊ qiong iaˋ ha ge qiangˋ tiabˋ，ia he inˊ lu ge ziiˋ peuˊ!。 | v8c6p3 | |
| cirn_0712 | 𠊎等行到義民廟前，先同義民爺執禮。 | ngaiˇ denˊ hangˇ do ngi minˇ meu qienˇ，xienˊ tungˇ ngi minˇ iaˇ ziibˋ liˊ。 | v8c6p4 | |
| cirn_0713 | 先生講，義民爺係一陣為著保衛自家鄉土、保護大家生命，死難犧牲个先人。 | xinˊ sangˊ gongˋ，ngi minˇ iaˇ he idˋ ciin vi doˋ boˋ vi qid gaˊ hiongˊ tuˋ、boˋ fu tai gaˊ senˊ miang，xiˋ nan hiˊ senˊ ge xienˊ nginˇ。 | v8c6p5 | |
| cirn_0714 | 頭先，𠊎蓋像鴨仔聽雷樣仔，經過先生從頭疊尾詳細个解說，過後，𠊎正多少了解義民爺个事蹟。 | teuˇ xienˊ，ngaiˇ goi qiong abˋ eˋ tangˊ luiˇ iong eˋ，ginˊ go xinˊ sangˊ qiungˇ teuˇ tiab miˊ xiongˇ se ge giaiˋ sodˋ，go heu，ngaiˇ nang doˊ seuˋ liauˋ giaiˋ ngi minˇ iaˇ ge sii jidˋ。 | v8c6p6 | |
| cirn_0715 | 廟門口一尊眼盯盯、面相兇惡、粗蠻大漢个大士爺，相傳係冥界孤魂野鬼个統領，掌管所有鬼魂、維持靈界順序、平均分配普渡祭品。 | meu munˇ heuˋ idˋ zunˊ ngianˋ dangˊ dangˊ、mien xiong hiungˊ ogˋ、cuˊ manˇ tai hon ge tai sii iaˇ，xiongˊ conˇ he menˇ giai guˊ funˇ iaˊ guiˋ ge tungˋ liangˊ，zongˋ gonˋ soˋ iuˊ guiˋ funˇ、viˇ ciiˇ linˇ giai sun xi、pinˇ giunˊ funˊ pi puˊ tu ji pinˋ。 | v8c6p7 | |
| cirn_0716 | 先生講：「看真啊！大士爺頭那頂還有一尊觀音大士，監督大士爺公平分食，順續吔提防孤魂侵犯生民。 | xinˊ sangˊ gongˋ：「kon ziinˊ aˋ！tai sii iaˇ teuˇ naˇ dangˋ vanˇ iuˊ idˋ zunˊ gonˊ imˊ tai siiˋ，gam dugˋ tai sii iaˇ gungˊ piangˇ bunˊ siid，sun xiug eˇ tiˇ fongˇ guˊ funˇ qimˊ fam sangˊ minˇ。 | v8c6p8 | |
| cirn_0717 | 拜過神明，𠊎等就坐在廟脣个長凳項，食廟項分十方信眾食个糯米粥。 | bai go siinˇ minˇ，ngaiˇ denˊ qiu coˊ teˊ meu sunˇ ge congˇ den hong，siid meu hong bunˊ siib fongˊ xin zung siid ge no miˋ zugˋ。 | v8c6p9 | |
| cirn_0718 | 聽隔壁个阿伯講，這糯米粥特別加薑嫲，做得祛寒、除溼、通血脈。 | tangˊ gagˋ biagˋ ge aˊ bagˋ gongˋ，iaˋ no miˋ zugˋ tid pied gaˊ giongˊ maˇ，zo dedˋ kia honˇ、cuˇ siibˋ、tungˊ hiadˋ magˋ。 | v8c6p10 | |
| cirn_0719 | 這下，食糯米粥變哪蓋有人情味、蓋有文化特色个風俗。 | iaˋ ha，siid no miˋ zugˋ bien na goi iuˊ nginˇ qinˇ mi、goi iuˊ vunˇ fa tid sedˋ ge fungˊ xiug。 | v8c6p11 | |
| cirn_0720 | 先生講，宮廟大體係起在地理風水最好个位跡，像這間廟係「雄牛睏地穴」。 | xinˊ sangˊ gongˋ，giungˊ meu tai tiˋ he hiˋ teˊ ti liˊ fungˊ suiˋ zuiˋ hoˋ ge vi jiagˋ，qiong iaˋ gianˊ meu he「hiungˇ ngiuˇ kun ti hiad」。 | v8c6p12 | |
| cirn_0721 | 在修建个過程中，難免會攪躁著地理龍脈，故所在宮廟落成時節，愛打醮「慶成」來「安龍謝土」；過工夫个，幾下年過後還會打一擺醮尾，安到「圓醮」。 | teˊ xiuˊ gian ge go cangˇ zungˊ，nanˇ mienˊ voi gauˋ cau doˋ ti liˊ liungˇ magˋ，gu soˋ teˊ giungˊ meu log siinˇ siiˇ jiedˋ，oi daˋ zeu「kin siinˇ」loiˇ「onˊ liungˇ qia tuˋ」；go gungˊ fuˊ ge，giˋ haˊ ngianˇ go heu vanˇ voi daˋ idˋ baiˋ zeu miˊ，onˊ do「ianˇ zeu」。 | v8c6p13 | |
| cirn_0722 | 一般打醮前愛「起燈篙」、「封山封水」、「遶境請神」、「大士開光」；醮典開始愛「齋戒」、「請水旺龍」；醮典期間除了主壇以外，各區也搭有醮壇，各壇个普渡就蓋鬧熱。 | idˋ banˊ daˋ zeu qienˇ oi「hiˋ denˊ goˊ」、「fungˊ sanˊ fungˊ suiˋ」、「lauˊ gin qiangˋ siinˇ」、「tai siiˋ koiˊ gongˊ」；zeu dienˋ koiˊ siiˋ oi「zaiˊ giai」、「qiangˋ suiˋ vong liungˇ」；zeu dienˋ kiˇ gianˊ cuˇ liauˋ zuˋ tanˇ iˇ ngoi，gogˋ kiˊ ia dabˋ iuˊ zeu tanˇ，gogˋ tanˇ ge puˊ tu qiu goi nau ngiad。 | v8c6p14 | |
| cirn_0723 | 普渡係超拔亡魂，望得合境平安。 | puˊ tu he ceuˊ pad mongˇ funˇ，mong dedˋ hab gin pinˇ onˊ。 | v8c6p15 | |
| cirn_0724 | 最後係象徵醮事圓滿个「連謝燈篙」、「送神回宮」，恁呢正係完成醮典个聖儀。 | zuiˋ heu he xiong ziinˊ zeu sii ianˇ manˊ ge「lienˇ qia denˊ goˊ」、「sung siinˇ fiˇ giungˊ」，anˋ neˊ nang he vanˇ siinˇ zeu dienˋ ge siin ngiˇ。 | v8c6p16 | |
| cirn_0725 | 在這期間，你聽得著，廟肚高功和尚个誦經聲；你看得著鳳山溪脣，放水燈，召請水路孤魂；你也看得著嚴肅神聖个普渡孤魂、講經聽法个場景；當然，你還做得在義民廟前，看著蓋多神豬、神羊，還有精采个酬神大戲，同掖麻掖米个人在該看鬧熱。 | teˊ iaˋ kiˇ gianˊ，ngˇ tangˊ dedˋ doˋ，meu duˋ goˊ gungˊ voˇ song ge xiung ginˊ sangˊ；ngˇ kon dedˋ doˋ fung sanˊ haiˊ sunˇ，biong suiˋ denˊ，seu qiangˋ suiˋ lu guˊ funˇ；ngˇ ia kon dedˋ doˋ ngiamˇ xiugˋ siinˇ siin ge puˊ tu guˊ funˇ、gongˋ ginˊ tangˊ fabˋ ge congˇ ginˋ；dongˊ ianˇ，ngˇ vanˇ zo dedˋ teˊ ngi minˇ meu qienˇ，kon doˋ goi doˊ siinˇ zuˊ、siinˇ iongˇ，vanˇ iuˊ jinˊ caiˋ ge cuˇ siinˇ tai hi，tungˇ ie maˇ ie miˋ ge nginˇ teˊ geˋ kon nau ngiad。 | v8c6p17 | |
| cirn_0726 | 臨尾一日，家家戶戶還會準備菜个桌席，來招待人客，再同收孤後个神豬，割到一料一料仔送分親戚朋友，帶歸去食平安。 | limˇ miˊ idˋ ngidˋ，gaˊ gaˊ fu fu vanˇ voi zunˋ pi coi ge zogˋ xid，loiˇ zeuˊ tai nginˇ hagˋ，zai tungˇ suˊ guˊ heu ge siinˇ zuˊ，godˋ do idˋ liau idˋ liau eˊ sung bunˊ qinˊ qidˋ penˇ iuˊ，dai guiˊ hi siid pinˇ onˊ。 | v8c6p18 | |
| cirn_0727 | 參加義民廟打醮个活動，就像參加一擺充實个文化之旅，毋單止認識義民信仰，還做得了解民間風俗，進一步知得打醮个文化意義。 | camˊ gaˊ ngi minˇ meu daˋ zeu ge fad tung，qiu qiong camˊ gaˊ idˋ baiˋ cungˊ siid ge vunˇ fa ziiˊ liˊ，mˇ danˊ ziiˋ ngin siidˋ ngi minˇ xin ngiongˋ，vanˇ zo dedˋ liauˋ giaiˋ minˇ gianˊ fungˊ xiug，jin idˋ pu diˊ dedˋ daˋ zeu ge vunˇ fa i ngi。 | v8c6p19 | |
| cirn_0728 | 第七課，送子伯公。 | ti qidˋ ko，sung ziiˋ bagˋ gungˊ。 | v8c7p1 | |
| cirn_0729 | 阿福伯姆看著倈仔阿昌同阿美仔結婚幾下年，肚屎還本本凹凹，又想著屋下三代單傳，係有孫仔來弄啊哩，毋知有幾好！阿福伯姆見去廟項，就求神拜佛，望心臼降個細人仔來。 | aˊ fugˋ bagˋ meˊ kon doˋ lai eˋ aˊ congˊ tungˇ aˊ miˊ eˋ giadˋ funˊ giˋ haˊ ngianˇ，duˋ siiˋ vanˇ bunˋ bunˋ ngiabˋ ngiabˋ，iu xiongˋ doˋ lugˋ kaˊ samˊ toi danˊ conˇ，he iuˊ sunˊ eˋ loiˇ nung aˋ leˊ，mˇ diˊ iuˊ giˋ hoˋ！aˊ fugˋ bagˋ meˊ gian hi meu hong，qiu kiuˇ siinˇ bai fud，mong ximˊ kiuˊ giung ge se nginˇ eˋ loiˇ。 | v8c7p2 | |
| cirn_0730 | 有一暗晡，神明託夢阿福伯姆，「你等想愛有子息，就愛向南行，去求有種玉蘭花个伯公。」 | iuˊ idˋ am buˊ，siinˇ minˇ togˋ mung aˊ fugˋ bagˋ meˊ，「ngˇ denˊ xiongˋ oi iuˊ ziiˋ sebˋ，qiu oi hiong namˇ hangˇ，hi kiuˇ iuˊ zung ngiug lanˇ faˊ ge bagˋ gungˊ。」 | v8c7p3 | |
| cirn_0731 | 阿福伯同阿福伯姆就一哪仔去尋，東打探，西打探，問著在苗栗北片析有一間宮廟脣个伯公，伯公樹就係玉蘭花，佢等就喊倈仔、心臼共下去求。 | aˊ fugˋ bagˋ tungˇ aˊ fugˋ bagˋ meˊ qiu idˋ nai eˋ hi qimˇ，dungˊ daˋ tamˋ，xiˊ daˋ tamˋ，mun doˋ teˊ meuˇ lid bedˋ pienˋ sagˋ iuˊ idˋ gianˊ giungˊ meu sunˇ ge bagˋ gungˊ，bagˋ gungˊ su qiu he ngiug lanˇ faˊ，iˇ denˊ qiu hemˊ lai eˋ、ximˊ kiuˊ kiung ha hi kiuˇ。 | v8c7p4 | |
| cirn_0732 | 阿昌同阿美兩公婆到吔伯公廟坪項，嗄毋知愛仰仔拜起勢，頭望望仔，想看有麼人好問無。 | aˊ congˊ tungˇ aˊ miˊ liongˋ gungˊ poˇ do eˇ bagˋ gungˊ meu piangˇ hong，sa mˇ diˊ oi ngiongˋ eˇ bai hiˋ sii，teuˇ mong mong eˊ，xiongˋ kon iuˊ manˋ nginˇ hoˋ mun moˇ。 | v8c7p5 | |
| cirn_0733 | 堵好有一個鬚長長个老阿伯行等來，阿昌仔遽遽行兼去問佢，愛仰仔同伯公求子呢？老阿伯笑笑仔講：「求子嗣，愛兩公婆共下來，你兩儕先跌有三下聖筊，正去脣項摘十二蕊玉蘭花來拜，係無花个時節，葉仔乜做得。 | duˋ hoˋ iuˊ idˋ ge xiˊ congˇ congˇ ge loˋ aˊ bagˋ hangˇ denˋ loiˇ，aˊ congˊ eˋ giagˋ giagˋ hangˇ giamˊ hi mun iˇ，oi ngiongˋ eˇ tungˇ bagˋ gungˊ kiuˇ ziiˋ noˋ？loˋ aˊ bagˋ seu seu eˊ gongˋ：「kiuˇ ziiˋ ciiˇ，oi liongˋ gungˊ poˇ kiung ha loiˇ，ngˇ liongˋ saˇ xienˊ diedˋ iuˊ samˊ ha siin gau，nang hi sunˇ hong zagˋ siib ngi luiˊ ngiug lanˇ faˊ loiˇ bai，he moˇ faˊ ge siiˇ jiedˋ，iab eˋ me zo dedˋ。 | v8c7p6 | |
| cirn_0734 | 拜好吔，十蕊留在神桌項，兩蕊帶歸去，矺在枕頭下，恁呢伯公就會保祐你早生貴子。」 | bai hoˋ eˇ，siib luiˊ liuˇ teˊ siinˇ zogˋ hong，liongˋ luiˊ dai guiˊ hi，zagˋ teˊ ziimˋ teuˇ haˊ，anˋ neˊ bagˋ gungˊ qiu voi boˋ iu ngˇ zoˋ senˊ gui ziiˋ。」 | v8c7p7 | |
| cirn_0735 | 阿昌兩公婆聽老人家講核，遽遽就去跪拜、跌筊仔，轉身想愛同老阿伯講多謝，嗄無看著人哩。 | aˊ congˊ liongˋ gungˊ poˇ tangˊ loˋ nginˇ gaˊ gongˋ hedˋ，giagˋ giagˋ qiu hi kuiˋ bai、diedˋ gau eˋ，zonˋ siinˊ xiongˋ oi tungˇ loˋ aˊ bagˋ gongˋ doˊ qia，sa moˇ kon doˋ nginˇ leˊ。 | v8c7p8 | |
| cirn_0736 | 拜好伯公該下，兩儕行出來，臥起頭看著「瓦窯伯公」四隻字。 | bai hoˋ bagˋ gungˊ ge ha，liongˋ saˇ hangˇ cudˋ loiˇ，ngo hiˋ teuˇ kon doˋ「ngaˋ ieuˇ bagˋ gungˊ」xi zagˋ sii。 | v8c7p9 | |
| cirn_0737 | 阿美仔心肝肚想，頭擺人講，降細妹仔係「弄瓦」，吾老公屋下又三代單傳，係降著妹仔愛仰結煞哪！阿昌仔看著姐仔額結結仔，問佢：「你係毋係驚降著妹仔？」續等講：「麼个時代吔，倈仔、妹仔都共樣，愛有用、知賢孝過要緊。 | aˊ miˊ eˋ ximˊ gonˊ duˋ xiongˋ，teuˇ baiˋ nginˇ gongˋ，giung se moi eˋ he「nung ngaˋ」，ngaˊ loˋ gungˊ lugˋ kaˊ iu samˊ toi danˊ conˇ，he giung doˋ moi eˋ oi ngiong gadˋ sadˋ naˊ！aˊ congˊ eˋ kon doˋ jiaˋ eˋ ngiagˋ giadˋ giadˋ eˋ，mun iˇ：「ngˇ he mˇ he giangˊ giung doˋ moi eˋ？」sa denˋ gongˋ：「maˋ ge siiˇ toi eˇ，lai eˋ、moi eˋ duˊ kiung iong，oi iuˊ iung、diˊ hianˇ hau go ieu ginˋ。 | v8c7p10 | |
| cirn_0738 | 講就無恁神，第二年，阿昌仔兩公婆斷真就降吔一個嬰兒仔，一屋下人暢到耐毋得。 | gongˋ qiu moˇ anˋ siinˇ，ti ngi ngianˇ，aˊ congˊ eˋ liongˋ gungˊ poˇ don ziinˊ qiu giung eˇ idˋ ge oˇ ngaˊ eˋ，idˋ lugˋ kaˊ nginˇ tiong do nai mˇ dedˋ。 | v8c7p11 | |
| cirn_0739 | 四十日過後，歸家人共下擐等雞酒來拜，還包一個大紅包添油香，答謝伯公、伯婆。 | xi siib ngidˋ go heu，guiˊ gaˊ nginˇ kiung ha kuan denˋ gieˊ jiuˋ loiˇ bai，vanˇ bauˊ idˋ ge tai fungˇ bauˊ tiamˊ iuˇ hiongˊ，dabˋ qia bagˋ gungˊ、bagˋ poˇ。 | v8c7p12 | |
| cirn_0740 | 阿美仔行入伯公廟肚項，目金金仔捉伯公緊看，這尊開容笑面个伯公神像，仰會恁面熟？「喔—」一聲，厥老公嚇到飆起來，講：「恁大聲，愛嚇死人吓！」做姐仔个笑咪咪仔講：「你看，這伯公个神像同𠊎等舊年堵著个老阿伯，係毋係蓋相像？無成佢就係瓦窯伯公个化身。 | aˊ miˊ eˋ hangˇ ngib bagˋ gungˊ meu duˋ hong，mugˋ gimˊ gimˊ eˊ zogˋ bagˋ gungˊ ginˋ kon，iaˋ zunˊ koiˊ iungˇ seu mien ge bagˋ gungˊ siinˇ xiong，ngiongˋ voi anˋ mien sug？「oˊ—」idˋ sangˊ，giaˊ loˋ gungˊ hagˋ do beuˊ hiˋ loiˇ，gongˋ：「anˋ tai sangˊ，oi hagˋ xiˋ nginˇ haˊ！」zo jiaˋ eˋ ge seu miˊ miˊ eˊ gongˋ：「ngˇ kon，iaˋ bagˋ gungˊ ge siinˇ xiong tungˇ ngaiˇ denˊ kiu ngianˇ duˇ doˋ ge loˋ aˊ bagˋ，he mˇ he goi xiongˊ qiong？moˇ sangˇ iˇ qiu he ngaˋ ieuˇ bagˋ gungˊ ge fa siinˊ。 | v8c7p13 | |
| cirn_0741 | 就恁呢，一傳十，十傳百，「送子伯公」个名聲就緊傳緊遠，上莊下莊个人相爭來求子；對該下開始，伯公廟面前就不時會傳來一陣陣仔个雞酒香。 | qiu anˋ neˊ，idˋ conˇ siib，siib conˇ bagˋ，「sung ziiˋ bagˋ gungˊ」ge miangˇ sangˊ qiu ginˋ conˇ ginˋ ianˋ，song zongˊ haˊ zongˊ ge nginˇ xiongˊ zangˊ loiˇ kiuˇ ziiˋ；dui ge ha koiˊ siiˋ，bagˋ gungˊ meu mien qienˇ qiu budˋ siiˇ voi conˇ loiˇ idˋ ciin ciin eˋ ge gieˊ jiuˋ hiongˊ。 | v8c7p14 | |
| cirn_0742 | 第八課，食到老學到老。 | ti badˋ ko，siid do loˋ hog do loˋ。 | v8c8p1 | |
| cirn_0743 | 春秋時代，孔子帶等學生仔共下周遊列國，有一日車仔行到半路仔，嗄分一個用泥團結个城堡擋著，裡肚還有一個細人仔在該搞。 | cunˊ qiuˊ siiˇ toi，kungˋ ziiˋ dai denˋ hog sangˊ eˋ kiung ha zuˊ iuˇ lied guedˋ，iuˊ idˋ ngidˋ caˊ eˋ hangˇ do ban lu eˋ，sa bunˊ idˋ ge iung naiˇ tonˇ giadˋ ge sangˇ boˋ dongˋ doˋ，diˊ duˋ vanˇ iuˊ idˋ ge se nginˇ eˋ teˊ ge gauˋ。 | v8c8p2 | |
| cirn_0744 | 孔子就問佢：「你做麼个擋𠊎个車仔，毋分𠊎過？」該細人仔應講：「從古到今，淨有聽過車仔閃城堡，哪有講城堡愛閃車仔个！」。 | kungˋ ziiˋ qiu mun iˇ：「ngˇ zo maˋ ge dongˋ ngaiˇ ge caˊ eˋ，mˇ bunˊ ngaiˇ go？」ge se nginˇ eˋ in gongˋ：「qiungˇ guˋ do ginˊ，qiang iuˊ tangˊ go caˊ eˋ samˋ sangˇ boˋ，naiˋ iuˊ gongˋ sangˇ boˋ oi samˋ caˊ eˋ ge！」。 | v8c8p3 | |
| cirn_0745 | 孔子當時無話好應，就對佢講：「你雖然年紀細，毋過知得恁深个道理，你安到麼个名呢？」佢應講：「你無聽講吓？你無聽講，魚仔一出世就會泅；兔仔降啊下來就會走，莫講𠊎項槖今年七歲吔，知得這兜事情，也無麼个奇怪。 | kungˋ ziiˋ dongˊ siiˇ moˇ fa hoˋ in，qiu dui iˇ gongˋ：「ngˇ suiˊ ianˇ ngianˇ giˋ se，mˇ go diˊ dedˋ anˋ ciimˊ ge to liˊ，ngˇ onˊ do maˋ ge miangˇ noˋ？」iˇ in gongˋ：「ngˇ moˇ tangˊ gongˋ haˊ？ngˇ moˇ tangˊ gongˋ，ngˇ eˋ idˋ cudˋ se qiu voi qiuˇ；tu eˋ giung a haˊ loiˇ qiu voi zeuˋ，mog gongˋ ngaiˇ hong togˋ ginˊ ngianˇ qidˋ se eˇ，diˊ dedˋ iaˋ deuˊ sii qinˇ，ia moˇ maˋ ge kiˇ guai。 | v8c8p4 | |
| cirn_0746 | 過後，孔子同項槖討論天下大事，項槖个見解蓋高明，孔子得著蓋多新个見識，就尊佢為師。 | go heu，kungˋ ziiˋ tungˇ hong togˋ toˋ lun tienˊ ha tai sii，hong togˋ ge gian giaiˋ goi goˊ minˇ，kungˋ ziiˋ dedˋ doˋ goi doˊ xinˊ ge gian siidˋ，qiu zunˊ iˇ viˇ siiˊ。 | v8c8p5 | |
| cirn_0747 | 又有一日，孔子歸陣人來到渡船頭，坐船過河該下，船夫看佢係一個教書先生，就同佢講：「𠊎有一首詩，會念毋會寫，先生你字墨過深，想拜託你同𠊎寫。」 | iu iuˊ idˋ ngidˋ，kungˋ ziiˋ guiˊ ciin nginˇ loiˇ do tu sonˇ teuˇ，coˊ sonˇ go hoˇ ge ha，sonˇ fuˊ kon iˇ he idˋ ge gauˊ suˊ xinˊ sangˊ，qiu tungˇ iˇ gongˋ：「ngaiˇ iuˊ idˋ suˋ siiˊ，voi ngiam mˇ voi xiaˋ，xinˊ sangˊ ngˇ sii med go ciimˊ，xiongˋ bai togˋ ngˇ tungˇ ngaiˇ xiaˋ。」 | v8c8p6 | |
| cirn_0748 | 孔子應講：「嘎就你來念，𠊎來寫。 | kungˋ ziiˋ in gongˋ：「ga qiu ngˇ loiˇ ngiam，ngaiˇ loiˇ xiaˋ。 | v8c8p7 | |
| cirn_0749 | 船夫就念：{lenˋ tenˋ idˋ guˊ zuˊ}，({lenˋ tenˋ} 一孤舟)，{bid bad suiˋ song qiuˇ}，({bid bad} 水上泅)，{ngid ngad kiunˇ ieuˇ jiongˋ}，({ngid ngad} 勤搖槳) {aiˊ ioˋ giˋ siiˇ hiuˊ}({aiˊ ioˋ} 幾時休)。 | sonˇ fuˊ qiu ngiam：{lenˋ tenˋ idˋ guˊ zuˊ}，({lenˋ tenˋ} idˋ guˊ zuˊ)，{bid bad suiˋ song qiuˇ}，({bid bad} suiˋ song qiuˇ)，{ngid ngad kiunˇ ieuˇ jiongˋ}，({ngid ngad} kiunˇ ieuˇ jiongˋ) {aiˊ ioˋ giˋ siiˇ hiuˊ}({aiˊ ioˋ} giˋ siiˇ hiuˊ)。 | v8c8p8 | |
| cirn_0750 | 孔子一下仔乜毋知愛仰仔寫，嗄分船夫考到橫橫哩。 | kungˋ ziiˋ idˋ ha eˋ me mˇ diˊ oi ngiongˋ eˋ xiaˋ，sa bunˊ sonˇ fuˊ kauˋ do vangˇ vangˇ leˊ。 | v8c8p9 | |
| cirn_0751 | 歸去過後，孔子就緊拂頭緊講：「天下恁大，天下恁大……」。 | guiˊ hi go heu，kungˋ ziiˋ qiu ginˋ fin teuˇ ginˋ gongˋ：「tienˊ ha anˋ tai，tienˊ ha anˋ tai……」。 | v8c8p10 | |
| cirn_0752 | 第九課，隔壁个新移民。 | ti giuˋ ko，gagˋ biagˋ ge xinˊ iˇ minˇ。 | v8c9p1 | |
| cirn_0753 | 今晡日五月十五係國際家庭日，𠊎等个社區舉辦國際料理比賽。 | ginˊ buˊ ngidˋ ngˋ ngiad siib ngˋ he guedˋ ji gaˊ tinˇ ngidˋ，ngaiˇ denˊ ge sa kiˊ giˋ pan guedˋ ji liau liˊ biˋ soi。 | v8c9p2 | |
| cirn_0754 | 隔壁伯姆个越南心臼阿雪仔，笑咪咪仔上臺領獎，一屋下人都來參加，大家都蓋暢。 | gagˋ biagˋ bagˋ meˊ ge iad namˇ ximˊ kiuˊ aˊ xiedˋ eˋ，seu miˊ miˊ eˊ songˊ toiˇ liangˊ jiongˋ，idˋ lugˋ kaˊ nginˇ duˊ loiˇ camˊ gaˊ，tai gaˊ duˊ goi tiong。 | v8c9p3 | |
| cirn_0755 | 記得阿雪仔正嫁來該下，日時頭，伸著兩子家娘在屋下，因為話緒毋通，伯姆比手畫腳，細心細意教佢做這做該，阿雪仔鴨仔聽雷樣仔，還覺著厥家娘嫌佢，不時走去間項噭。 | gi dedˋ aˊ xiedˋ eˋ nang ga loiˇ ge ha，ngidˋ siiˇ teuˇ，cunˊ doˋ liongˋ ziiˋ gaˊ ngiongˇ teˊ lugˋ kaˊ，inˊ vi fa xi mˇ tungˊ，bagˋ meˊ biˋ suˋ vag giogˋ，se ximˊ se i gauˊ iˇ zo iaˋ zo ge，aˊ xiedˋ eˋ abˋ eˋ tangˊ luiˇ iong eˋ，vanˇ gogˋ doˋ giaˊ gaˊ ngiongˇ hiamˇ iˇ，budˋ siiˇ zeuˋ hi gianˊ hong gieu。 | v8c9p4 | |
| cirn_0756 | 有一擺，食飽夜，一屋下人坐等看電視，阿雪仔看人㖸就跈人㖸，屋下人剔事問佢㖸麼个，佢面紅紅，緊搖頭，大家又㖸佢㖸無停，佢走入間項，偷偷仔打電話歸越南，聽著爺哀个安慰同叮囑，目汁越致溚溚跌。 | iuˊ idˋ baiˋ，siid bauˋ ia，idˋ lugˋ kaˊ nginˇ coˊ denˋ kon tien sii，aˊ xiedˋ eˋ kon nginˇ nagˋ qiu tenˇ nginˇ nagˋ，lugˋ kaˊ nginˇ ti sii mun iˇ nagˋ maˋ ge，iˇ mien fungˇ fungˇ，ginˋ ieuˇ teuˇ，tai gaˊ iu nagˋ iˇ nagˋ moˇ tinˇ，iˇ zeuˋ ngib gianˊ hong，teuˊ teuˊ eˋdaˋ tien fa guiˊ iad namˇ，tangˊ doˋ iaˇ oiˊ ge onˊ viˋ tungˇ denˊ zugˋ，mugˋ ziibˋ iad zii dab dab diedˋ。 | v8c9p5 | |
| cirn_0757 | 一開始阿雪仔學煮客家菜，毋係忒鹹，就係忒辣，無就無油無臘、無味無緒，大家划無兩下，飯碗就放下來，歸桌仔个菜還本本樣，佢看著又目汁含等吔。 | idˋ koiˊ siiˋ aˊ xiedˋ eˋ hog zuˋ hagˋ gaˊ coi，mˇ he tedˋ hamˇ，qiu he tedˋ lad，moˇ qiu moˇ iuˇ moˇ lab、moˇ mi moˇ xi，tai gaˊ paˇ moˇ liongˋ ha，fan vonˋ qiu biong haˊ loiˇ，guiˊ zogˋ eˋ ge coi vanˇ bunˋ bunˋ iong，iˇ kon doˋ iu mugˋ ziibˋ hamˇ denˋ eˇ。 | v8c9p6 | |
| cirn_0758 | 阿雪仔堵著个問題一大棚，因為話緒、食雜、文化背景、生活習慣、信仰全無共樣，故所同屋下人起吔盡多个誤會。 | aˊ xiedˋ eˋduˇ doˋ ge mun tiˇ idˋ tai pangˇ，inˊ vi fa xi、siid cab、vunˇ fa boi ginˋ、senˊ fad xib guan、xin ngiongˋ qionˇ moˇ kiung iong，gu soˋ tungˇ lugˋ kaˊ nginˇ hiˋ eˇ qin doˊ ge ngu fi。 | v8c9p7 | |
| cirn_0759 | 有成時老公心情毋好，又發譴變面罵佢，無就屋下人面獒面竵對待佢，歸肚屎个慍悴，毋知愛尋麼人講？。 | iuˊ sangˇ siiˇ loˋ gungˊ ximˊ qinˇ mˇ hoˋ，iu fadˋ kienˋ bien mien ma iˇ，moˇ qiu lugˋ kaˊ nginˇ mien ngauˇ mien feˋ dui tai iˇ，guiˊ duˋ siiˋ ge vudˋ zudˋ，mˇ diˊ oi qimˇ maˋ nginˇ gongˋ？。 | v8c9p8 | |
| cirn_0760 | 老公看阿雪仔日日目汁濫泔，就帶佢去社區大學參加識字班。 | loˋ gungˊ kon aˊ xiedˋ eˋ ngidˋ ngidˋ mugˋ ziibˋ lamˇ gamˊ，qiu dai iˇ hi sa kiˊ tai hog camˊ gaˊ siidˋ sii banˊ。 | v8c9p9 | |
| cirn_0761 | 識字班裡背，有對印尼、越南這兜國家來个新移民，阿雪仔一看啊著同鄉，親暱暱吔，大家笑等揪共下，用越南話打嘴鼓，厥老公在脣口嗄聽無半息，正體會著話緒毋通个痛苦。 | siidˋ sii banˊ diˊ boi，iuˊ dui in niˇ、iad namˇ iaˋ deuˊ guedˋ gaˊ loiˇ ge xinˊ iˇ minˇ，aˊ xiedˋ eˋ idˋ kon a doˋ tungˇ hiongˊ，qinˊ nagˋ nagˋ eˇ，tai gaˊ seu denˋ jioˊ kiung ha，iung iad namˇ fa daˋ zoi guˋ，giaˊ loˋ gungˊ teˊ sunˇ heuˋ sa tangˊ moˇ ban xidˋ，nang tiˋ fi doˋ fa xi mˇ tungˊ ge tung kuˋ。 | v8c9p10 | |
| cirn_0762 | 去識字班過後，阿雪仔就變到另外一個人樣仔，佢緊來緊有自信，見堵著上課个日仔，就興嘬嘬仔去上課，大家一見面，就嘰哩呱啦講毋會煞，實在蓋快樂。 | hi siidˋ sii banˊ go heu，aˊ xiedˋ eˋ qiu bien do nang ngoi idˋ ge nginˇ iong eˋ，iˇ ginˋ loiˇ ginˋ iuˊ cii xin，gian duˇ doˋ song ko ge ngidˋ eˋ，qiu him cod cod eˊ hi song ko，tai gaˊ idˋ gian mien，qiu giˊ liˊ gaˊ laˇ gongˋ mˇ voi sod，siid cai goi kuai log。 | v8c9p11 | |
| cirn_0763 | 阿雪仔還去參加社區學煮食个課程，這個課程毋單淨請先生來教仰吔煮客家菜，紹介臺灣个食雜文化，每儕還愛輪等來教煮家鄉个名菜。 | aˊ xiedˋ eˋ vanˇ hi camˊ gaˊ sa kiˊ hog zuˋ siid ge ko cangˇ，iaˋ ge ko cangˇ mˇ danˊ qiang qiangˋ xinˊ sangˊ loiˇ gauˊ ngiongˋ eˇ zuˋ hagˋ gaˊ coi，seu giai toiˇ vanˊ ge siid cab vunˇ fa，miˊ saˇ vanˇ oi linˇ denˋ loiˇ gauˊ zuˋ gaˊ hiongˊ ge miangˇ coi。 | v8c9p12 | |
| cirn_0764 | 故所，客家菜、越南菜、印尼菜，佢總概都蓋會料理。 | gu soˋ，hagˋ gaˊ coi、iad namˇ coi、in niˇ coi，iˇ zungˋ koiˋ duˊ goi voi liau liˊ。 | v8c9p13 | |
| cirn_0765 | 伯姆每擺笑弛弛仔講：「𠊎等屋下每日就像餐廳樣仔，有客家菜也有越南菜，還好喔！」。 | bagˋ meˊ miˊ baiˋ seu ieˊ ieˊ eˊ gongˋ：「ngaiˇ denˊ lugˋ kaˊ miˊ ngidˋ qiu qiong conˊ tangˊ iong eˋ，iuˊ hagˋ gaˊ coi ia iuˊ iad namˇ coi，vanˇ hoˋ oˊ！」。 | v8c9p14 | |
| cirn_0766 | 有時節，阿雪仔還會教屋下人講簡單个越南話，下把仔伯姆會展幾句仔分鄰舍聽，鄰舍還比手指公稱說。 | iuˊ siiˇ jiedˋ，aˊ xiedˋ eˋ vanˇ voi gauˊ lugˋ kaˊ nginˇ gongˋ gianˋ danˊ ge iad namˇ fa，ha baˋ eˊ bagˋ meˊ voi dienˋ giˋ gi eˋ bunˊ linˇ sa tangˊ，linˇ sa vanˇ biˋ suˋ ziiˋ gungˊ ciinˊ sodˋ。 | v8c9p15 | |
| cirn_0767 | 這下，阿雪仔同屋下人越來越和樂，笑聲緊來緊多。 | iaˋ ha，aˊ xiedˋ eˋ tungˇ lugˋ kaˊ nginˇ iad loiˇ iad foˇ log，seu sangˊ ginˋ loiˇ ginˋ doˊ。 | v8c9p16 | |
| cirn_0768 | 對阿雪仔領獎時个笑容項，看得著佢煞猛學習、融入臺灣文化个身影，乜看得著屋下人對厥文化个包容同尊重，在𠊎等个身邊，還有盡多个「阿雪仔」，需要大家共下來關心。 | dui aˊ xiedˋ eˋ liangˊ jiongˋ siiˇ ge seu iungˇ hong，kon dedˋ doˋ iˇ sadˋ mangˊ hog xib、iungˇ ngib toiˇ vanˊ vunˇ fa ge siinˊ iangˋ，me kon dedˋ doˋ lugˋ kaˊ nginˇ dui giaˊ vunˇ fa ge bauˊ iungˇ tungˇ zunˊ cung，teˊ ngaiˇ denˊ ge siinˊ bienˊ，vanˇ iuˊ qin doˊ ge「aˊ xiedˋ eˋ」，xiˊ ieu tai gaˊ kiung ha loiˇ guanˊ ximˊ。 | v8c9p17 | |
| cirn_0769 | 第十課，社區大學。 | ti siib ko，sa kiˊ tai hog。 | v8c10p1 | |
| cirn_0770 | 每日臨暗仔六點半邊仔，來自四方八面个學員，有老有嫩，有兜正下班，有兜正摸閒屋下个事，陸陸續續行入教室裡背。 | miˊ ngidˋ limˇ am eˋ liugˋ diamˋ ban bienˊ eˋ，loiˇ cii xi fongˊ badˋ mien ge hog ianˇ，iuˊ loˋ iuˊ nun，iuˊ deuˊ nang haˊ banˊ，iuˊ deuˊ nang miaˊ hanˇ lugˋ kaˊ ge se，liug liug xiug xiug hangˇ ngib gau siidˋ diˊ boi。 | v8c10p2 | |
| cirn_0771 | 日時頭，該兜學員在各行各業打拚，到吔暗晡頭，因為共樣个興趣，大家做同學，共下學習，這就係現下蓋時行个「社區大學」。 | ngidˋ siiˇ teuˇ，ge deuˊ hog ianˇ teˊ gogˋ hongˇ gogˋ ngiab daˋ bia，do eˇ am buˊ teuˇ，inˊ vi kiung iong ge him qi，tai gaˊ zo tungˇ hog，kiung ha hog xib，iaˋ qiu he hian ha goi siiˇ hangˇ ge「sa kiˊ tai hog」。 | v8c10p3 | |
| cirn_0772 | 社區大學个成立毋係為著賺錢，係為著面對這下變化蓋遽、價值多元个社會，發展出永續終身學習、厚植公民素養、強化在地關懷个辦學理念，滿十八歲以上有心學習个民眾，就做得來讀。 | sa kiˊ tai hog ge siinˇ lib mˇ he vi doˋ con qienˇ，he vi doˋ mien dui iaˋ ha bien fa goi giagˋ、ga ciid doˊ ngianˇ ge sa fi，fadˋ zanˋ cudˋ iunˋ xiug zungˊ siinˊ hog xib、heu ciid gungˊ minˇ su iongˊ、kiongˇ fa cai ti guanˊ faiˇ ge pan hog liˊ ngiam，manˊ siib badˋ se iˊ song iuˊ ximˊ hog xib ge minˇ zung，qiu zo dedˋ loiˇ tug。 | v8c10p4 | |
| cirn_0773 | 美蘭就係社區大學个老學員，佢會去社大讀書，係因為後生時節屋下苦，愛𢯭手照顧老弟老妹，無讀著書。 | miˊ lanˇ qiu he sa kiˊ tai hog ge loˋ hog ianˇ，iˇ voi hi sa tai tug suˊ，he inˊ vi heu sangˊ siiˇ jiedˋ lugˋ kaˊ kuˋ，oi ten suˋ zeu gu loˋ taiˊ loˋ moi，moˇ tug doˋ suˊ。 | v8c10p5 | |
| cirn_0774 | 佢對工廠退休後，有一擺經過圖書館，影著社大个招生海報，就遽遽去報名。 | iˇ dui gungˊ congˋ tui hiuˊ heu，iuˊ idˋ baiˋ ginˊ go tuˇ suˊ gonˋ，iangˋ doˋ sa tai ge zeuˊ senˊ hoiˋ bo，qiu giagˋ giagˋ hi bo miangˇ。 | v8c10p6 | |
| cirn_0775 | 頭先，佢想著自家從細蓋好種這種該，就選生活園藝方面个課，讀吔以後正知，社大開蓋多生趣又實用个課程，過後佢又選電腦、中醫保健、肚皮舞、古道巡禮、客家美食、客家山歌、三腳採茶……。 | teuˇ xienˊ，iˇ xiongˋ doˋ qid gaˊ qiungˇ se goi hau zung iaˋ zung ge，qiu xienˋ senˊ fad ianˇ ngi fongˊ mien ge ko，tug eˇ iˊ heu nang diˊ，sa tai koiˊ goi doˊ senˊ qi iu siid iung ge ko cangˇ，go heu iˇ iu xienˋ tien noˋ、zungˊ iˊ boˋ kian、duˋ piˇ vuˋ、guˋ to sunˇ liˊ、hagˋ gaˊ miˊ siid、hagˋ gaˊ sanˊ goˊ、samˊ giogˋ caiˋ caˇ……。 | v8c10p7 | |
| cirn_0776 | 有兜課程个學員，除了期末愛成果發表，乜會分人請去社區、莊頭表演，得著蓋多人个稱說，佢半夜無想著自家退休過後，因為讀吔社大，日仔過來還過充實，還過生趣。 | iuˊ deuˊ ko cangˇ ge hog ianˇ，cuˇ liauˋ kiˇ mad oi siinˇ goˋ fadˋ beuˋ，me voi bunˊ nginˇ qiangˋ hi sa kiˊ、zongˊ teuˇ beuˋ ianˊ，dedˋ doˋ goi doˊ nginˇ ge ciinˊ sodˋ，iˇ ban ia moˇ xiongˋ doˋ qid gaˊ tui hiuˊ go heu，inˊ vi tug eˇ sa tai，ngidˋ eˋ go loiˇ vanˇ go cungˊ siid，vanˇ go senˊ qi。 | v8c10p8 | |
| cirn_0777 | 前幾年社大推廣環保觀念，來到社區開「垃圾變黃金」个課程，講課个先生親身指導民眾，仰吔利用食伸个飯菜做有機肥。 | qienˇ giˋ ngianˇ sa tai tuiˊ gongˋ fanˇ boˋ gonˊ ngiam，loiˇ do sa kiˊ koiˊ「lebˋ sebˋ bien vongˇ gimˊ」ge ko cangˇ，gongˋ ko ge xinˊ sangˊ qinˊ siinˊ ziiˋ toˊ minˇ zung，ngiongˋ eˇ li iung siid cunˊ ge fan coi zo iuˊ giˊ piˇ。 | v8c10p9 | |
| cirn_0778 | 王建臺利用下班時間選這門課，學做有機肥來種花種菜。 | vongˇ gian toiˇ li iung haˊ banˊ siiˇ gianˊ xienˋ iaˋ munˇ ko，hog zo iuˊ giˊ piˇ loiˇ zung faˊ zung coi。 | v8c10p10 | |
| cirn_0779 | 種个花特別靚又大蕊，種个菜特別大頭又賁肉，厥親戚朋友食過後，緊說：「你種个菜仰會恁甜、恁好食！」過後，大家就相爭去選讀社大个課程。 | zung ge faˊ tid pied jiangˊ iu tai luiˊ，zung ge coi tid pied tai teuˇ iu punˊ ngiugˋ，giaˊ qinˊ qidˋ penˇ iuˊ siid go heu，ginˋ sodˋ：「ngˇ zung ge coi ngiongˋ voi anˋ tiamˇ、anˋ hoˋ siid！」go heu，tai gaˊ qiu xiongˊ zangˊ hi xienˋ tug sa tai ge ko cangˇ。 | v8c10p11 | |
| cirn_0780 | 舊年年下仔，王建臺調職到新單位，為著新工作个需要，又再去社大選讀法律方面个課程。 | kiu ngianˇ ngianˇ haˊ eˋ，vongˇ gian toiˇ diau ziidˋ do xinˊ danˊ vi，vi doˋ xinˊ gungˊ zogˋ ge xiˊ ieu，iu zai hi sa tai xienˋ tug fabˋ lid fongˊ mien ge ko cangˇ。 | v8c10p12 | |
| cirn_0781 | 講課个先生毋係律師就係法官，佢等將硬仃仃个法條講到大家都聽到盡入耳。 | gongˋ ko ge xinˊ sangˊ mˇ he lid siiˊ qiu he fabˋ gonˊ，iˇ denˊ jiongˊ ngang diangˇ diangˇ ge fabˋ tiauˇ gongˋ do tai gaˊ duˊ tangˊ do qin ngib ngiˋ。 | v8c10p13 | |
| cirn_0782 | 佢試著受益蓋多，又邀幾個同事共下去選讀投資理財、網頁設計、數位攝影這兜蓋實用个課程，日仔過來充實又快樂。 | iˇ cii doˋ su idˋ goi doˊ，iu ieuˊ giˋ ge tungˇ sii kiung ha hi xienˋ tug teuˇ ziiˊ liˊ coiˇ、miongˋ iab sadˋ gi、su vi ngiabˋ iangˋ iaˋ deuˊ goi siid iung ge ko cangˇ，ngidˋ eˋ go loiˇ cungˊ siid iu kuai log。 | v8c10p14 | |
| cirn_0783 | 社大開个課程做得講包羅萬象，無論係學術知識、生活藝能抑係社團活動，課程應有盡有。 | sa tai koiˊ ge ko cangˇ zo dedˋ gongˋ bauˊ loˇ van xiong，moˇ lun he hog sud ziiˊ siidˋ、senˊ fad ngi nenˇ ia he sa tonˇ fad tung，ko cangˇ in iuˊ qin iuˊ。 | v8c10p15 | |
| cirn_0784 | 學員毋單淨做得增長知識，也學得著實用个技能，來提升工作能力同生活品質，進一步，還做得提升公民素養、關懷社會。 | hog ianˇ mˇ danˊ qiang zo dedˋ zenˊ zongˋ ziiˊ siidˋ，ia hog dedˋ doˋ siid iung ge giˊ nenˇ，loiˇ tiˇ siinˊ gungˊ zogˋ nenˇ lid tungˇ senˊ fad pinˋ ziidˋ，jin idˋ pu，vanˇ zo dedˋ tiˇ siinˊ gungˊ minˇ su iongˊ、guanˊ faiˇ sa fi。 | v8c10p16 | |
| cirn_0785 | 在社區大學，有人尋著自家个興趣，培養出一技之長，乜有人圓吔後生時節个夢想。 | teˊ sa kiˊ tai hog，iuˊ nginˇ qimˇ doˋ qid gaˊ ge him qi，piˇ iongˊ cudˋ idˋ giˊ ziiˊ congˇ，me iuˊ nginˇ ianˇ eˇ heu sangˊ siiˇ jiedˋ ge mung xiongˋ。 | v8c10p17 | |
| cirn_0786 | 第一課，網路世界。 | ti idˋ ko，miongˋ lu sii giai 。 | v9c1p1 | |
| cirn_0787 | 這下係網路个時代，無論係個人、家庭抑係機關、企業，做下就會用著網路。 | iaˋ ha he miongˋ lu ge siiˇ toi，moˇ lun he ge nginˇ、gaˊ tinˇ ia he giˊ guanˊ、kiˊ ngiab，zo ha qiu voi iung doˋ miongˋ lu。 | v9c1p2 | |
| cirn_0788 | 網路無國界个限制，佢做得挷兼人同人之間个距離，帶分現代人生活蓋大个利便。 | miongˋ lu moˇ guedˋ giai ge han zii，iˇ zo dedˋ bangˊ giamˊ nginˇ tungˇ nginˇ ziiˊ gianˊ ge kiˊ liˇ，dai bunˊ hian toi nginˇ senˊ fad goi tai ge li pien。 | v9c1p3 | |
| cirn_0789 | 今這下个人，毋使上街，用網路來買賣東西就做得。 | ginˊ iaˋ ha ge nginˇ，mˇ siiˋ songˊ giaiˊ，iung miongˋ lu loiˇ maiˊ mai dungˊ xiˊ qiu zo dedˋ。 | v9c1p4 | |
| cirn_0790 | 網路商店賣个物品包羅萬象，愛買東西，手指一點，貨就會寄到屋下來。 | miongˋ lu songˊ diam mai ge vud pinˋ bauˊ loˇ van xiong，oi maiˊ dungˊ xiˊ，suˋ ziiˋ idˋ diamˋ，fo qiu voi gi do lugˋ kaˊ loiˇ。 | v9c1p5 | |
| cirn_0791 | 愛看新聞，網路項个消息，比報紙過新又過遽。 | oi kon xinˊ vunˇ，miongˋ lu hong ge seuˊ xidˋ，biˋ bo ziiˋ go xinˊ iu go giagˋ。 | v9c1p6 | |
| cirn_0792 | 愛寫信仔，上網寫嘴鼓，乜做得上網，用五指將軍撳撳啊，毋使開嘴，就做得談天說地哩。 | oi xiaˋ xin eˋ，songˊ miongˋ xiaˋ zoi guˋ，me zo dedˋ songˊ miongˋ，iung ngˋ ziiˋ jiongˊ giunˊ kim kim aˋ，mˇ siiˋ koiˊ zoi，qiu zo dedˋ tamˇ tienˊ sodˋ ti leˊ。 | v9c1p7 | |
| cirn_0793 | 愛尋資料，網路頂項做得講包山塞海，愛麼个就有麼个。 | oi qimˇ ziiˊ liau，miongˋ lu dangˋ hong zo dedˋ gongˋ bauˊ sanˊ sedˋ hoiˋ，oi maˋ ge qiu iuˊ maˋ ge。 | v9c1p8 | |
| cirn_0794 | 自從看病做得用網路掛號過後，省忒盡多現場掛號个時間，醫院乜過省人力。 | cii qiungˇ kon piang zo dedˋ iung miongˋ lu gua ho go heu，sangˋ tedˋ qin doˊ hian congˇ gua ho ge siiˇ gianˊ，iˊ ien me go sangˋ nginˇ lid。 | v9c1p9 | |
| cirn_0795 | 另外，坐車、看電影、看球賽、聽音樂會、欣賞表演，乜做得用網路定票，手指點啊去，票仔就定著吔。 | nang ngoi，coˊ caˊ、kon tien iangˋ、kon kiuˇ soi、tangˊ imˊ ngog fi、himˊ songˋ beuˋ ianˊ，me zo dedˋ iung miongˋ lu tin peu，suˋ ziiˋ diamˋ a hi，peu eˋ qiu tin cog eˇ。 | v9c1p10 | |
| cirn_0796 | 也有緊來緊多个人，透過{Blog、Web}，用文字、圖片、影音記錄生活，分享心情。 | ia iuˊ ginˋ loiˇ ginˋ doˊ ge nginˇ，teu go {Blog、Web}，iung vunˇ sii、tuˇ pienˋ、iangˋ imˊ gi liug senˊ fad，funˊ hiongˋ ximˊ qinˇ。 | v9c1p11 | |
| cirn_0797 | 還有這下盡時行个{Facebook}，在短短个時間，就做得認識五湖四海、山坑壁壢角个人，同全世界个人交朋結友，網路个法力，擋就擋毋核。 | vanˇ iuˊ iaˋ ha qin siiˇ hangˇ ge {Facebook}，teˊ donˋ donˋ ge siiˇ gianˊ，qiu zo dedˋ ngin siidˋ ngˋ fuˇ xi hoiˋ、sanˊ hangˊ biagˋ lagˋ gogˋ ge nginˇ，tungˇ qionˇ sii giai ge nginˇ gauˊ penˇ giadˋ iuˊ，miongˋ lu ge fabˋ lid，dongˋ qiu dongˋ mˇ hedˋ。 | v9c1p12 | |
| cirn_0798 | 網路有恁大个功能，毋過好也佢，壞也佢，有兜後生人日合夜上網，身體搣壞淨，有兜還去「網咖」搵日搵夜，毋讀書，成績落淨淨，荒功廢業，該就正經擔竿無齧，功課同搞尞難兼顧。 | miongˋ lu iuˊ anˋ tai ge gungˊ nenˇ，mˇ go hoˋ ia iˇ，faiˋ ia iˇ，iuˊ deuˊ heu sangˊ nginˇ ngidˋ gagˋ ia songˊ miongˋ，siinˊ tiˋ miedˋ faiˋ qiang，iuˊ deuˊ vanˇ hi「miongˋ gaˊ」vun ngidˋ vun ia，mˇ tug suˊ，siinˇ jidˋ log qiang qiang，fongˊ gungˊ fi ngiab，ge qiu ziin ginˊ dam gonˊ moˇ ngadˋ，gungˊ ko tungˇ gauˋ liau nanˇ giamˊ gu。 | v9c1p13 | |
| cirn_0799 | 𠊎等在享受網路帶來利便个同時，乜愛注意，毋好侵犯著別人个智慧財產權，做毋得散布耗耗漦漦个話語。 | ngaiˇ denˊ teˊ hiongˋ su miongˋ lu dai loiˇ li pien ge tungˇ siiˇ，me oi zu i，mˇ hoˋ qimˊ fam doˋ ped nginˇ ge zii fi coiˇ sanˋ kianˇ，zo mˇ dedˋ san bu hauˊ hauˊ xiauˇ xiauˇ ge fa ngiˊ。 | v9c1p14 | |
| cirn_0800 | 因為網路係虛擬个世界，裡背有蓋多个陷阱，像詐騙、色情同駭客入侵，毋堵好就會惹禍上身，故所𠊎等愛曉得保護自家、尊重別人。 | inˊ vi miongˋ lu he hiˊ ngiˋ ge sii giai，diˊ boi iuˊ goi doˊ ge ham jiangˋ，qiong za pien、sedˋ qinˇ tungˇ hoi kiedˋ ngib qimˊ，mˇ duˋ hoˋ qiu voi ngiaˊ fo songˊ siinˊ，gu soˋ ngaiˇ denˊ oi hiauˋ dedˋ boˋ fu qid gaˊ、zunˊ cung ped nginˇ。 | v9c1p15 | |
| cirn_0801 | 網路个世界多姿多采，帶來利便个生活，改變生活方式，𨃰過年齡、國界，挷兼人同人个感情。 | miongˋ lu ge sii giai doˊ ziiˊ doˊ caiˋ，dai loiˇ li pien ge senˊ fad，goiˋ bien senˊ fad fongˊ siidˋ，kiam go ngianˇ linˇ、guedˋ giai，bangˊ giamˊ nginˇ tungˇ nginˇ ge gamˋ qinˇ。 | v9c1p16 | |
| cirn_0802 | 在這科技進步一日千里个時代，𠊎等愛善用網路同世界接軌來開拓眼界。 | teˊ iaˋ koˊ giˊ jin pu idˋ ngidˋ qienˊ liˊ ge siiˇ toi，ngaiˇ denˊ oi san iung miongˋ lu tungˇ sii giai jiabˋ guiˋ loiˇ koiˊ togˋ ngianˋ giai。 | v9c1p17 | |
| cirn_0803 | 第二課，淨俐个地球。 | ti ngi ko，qiang li ge ti kiuˇ。 | v9c2p1 | |
| cirn_0804 | 樹叢裡背，鳥仔這片唱，該片和，唱出歸樹林个快樂。 | su cungˇ diˊ boi，diauˊ eˋ iaˋ pienˋ cong，ge pienˋ foˇ，cong cudˋ guiˊ su limˇ ge kuai log。 | v9c2p2 | |
| cirn_0805 | 山排頂項，百花嗶剝，滿山香，細人仔逐上逐下草坪項。 | sanˊ paiˇ dangˋ hong，bagˋ faˊ bid bog，manˊ sanˊ hiongˊ，se nginˇ eˋ giugˋ songˊ giugˋ haˊ coˋ piangˇ hong。 | v9c2p3 | |
| cirn_0806 | 東風吹啊來，𠊎聽著生命个歡唱。 | dungˊ fungˊ coiˊ a loiˇ，ngaiˇ tangˊ doˋ senˊ miang ge fonˊ cong。 | v9c2p4 | |
| cirn_0807 | 烈烈个日頭，逐等鏡鮮个泉水，對山項到坑壢，順等河壩，流入連天个海洋。 | ladˋ ladˋ ge ngidˋ teuˇ，giugˋ denˋ giang xienˊ ge qienˇ suiˋ，dui sanˊ hong do hangˊ lagˋ，sun denˋ hoˇ ba，liuˇ ngib lienˇ tienˊ ge hoiˋ iongˇ。 | v9c2p5 | |
| cirn_0808 | 魚仔在該泅來泅去，海草對等𠊎等擛手，南風吹啊來，𠊎感覺著沁涼个鬆爽。 | ngˇ eˋ teˊ geˋ qiuˇ loiˇ qiuˇ hi，hoiˋ coˋ dui denˋ ngaiˇ denˊ iag suˋ，namˇ fungˊ coiˊ a loiˇ，ngaiˇ gamˋ gogˋ doˋ xim liongˇ ge sungˊ songˋ。 | v9c2p6 | |
| cirn_0809 | 紅咚咚个柿仔，黃蠟蠟个禾麥，青溜溜个菜蔬，烏煙，臭水，梟心，天頂个天弓，黯然失色。 | fungˇ dung dung ge cii eˋ，vongˇ lab lab ge voˇ mag，qiangˊ liuˋ liuˋ ge coi suˊ，vuˊ ianˊ，cu suiˋ，hieuˊ ximˊ，tienˊ dangˋ ge tienˊ giungˊ，am ianˇ siidˋ sedˋ。 | v9c2p7 | |
| cirn_0810 | 西風吹啊來，𠊎想起頭擺个豐收，蓬白个雪花，柔柔仔對天頂飄下來，飄到田莊鄉下，大樓都市，飄入每一個人个心肝肚，結起愛地球个心，還子孫一個淨俐个星球。 | xiˊ fungˊ coiˊ a loiˇ，ngaiˇ xiongˋ hiˋ teuˇ baiˋ ge fungˊ suˊ，pung pag ge xiedˋ faˊ，iuˇ iuˇ eˊ dui tienˊ dangˋ peuˊ haˊ loiˇ，peuˊ do tienˇ zongˊ hiongˊ ha，tai leuˇ duˊ sii，peuˊ ngib miˊ idˋ ge nginˇ ge ximˊ gonˊ duˋ，giadˋ hiˋ oi ti kiuˇ ge ximˊ，vanˇ ziiˋ sunˊ idˋ ge qiang li ge senˊ kiuˇ。 | v9c2p8 | |
| cirn_0811 | 北風吹啊來，𠊎看著未來个希望，闊野野个宇宙，有一粒藍色个星仔，滿係陽光，青春，活力，該就係𠊎等生活个地球。 | bedˋ fungˊ coiˊ a loiˇ，ngaiˇ kon doˋ vi loiˇ ge hiˊ mong，fadˋ iaˊ iaˊ ge iˋ qiu，iuˊ idˋ liab lanˇ sedˋ ge senˊ eˋ，manˊ he iongˇ gongˊ，qiangˊ cunˊ，fad lid，ge qiu he ngaiˇ denˊ senˊ fad ge ti kiuˇ。 | v9c2p9 | |
| cirn_0812 | 第三課，網路阿宅。 | ti samˊ ko，miongˋ lu aˊ ced。 | v9c3p1 | |
| cirn_0813 | 有一個人，無人知佢麼个名姓，淨知佢係「阿宅」。 | iuˊ idˋ ge nginˇ，moˇ nginˇ diˊ iˇ maˋ ge miangˇ xiang，qiang diˊ iˇ he「aˊ ced」。 | v9c3p2 | |
| cirn_0814 | 無人知佢歇在哪，乜無人知佢在哪食頭路，看著佢个時節，大概就係在網路項。 | moˇ nginˇ diˊ iˇ hed teˊ naiˋ，me moˇ nginˇ diˊ iˇ teˊ naiˋ siid teuˇ lu，kon doˋ iˇ ge siiˇ jiedˋ，tai koiˋ qiu he teˊ miongˋ lu hong。 | v9c3p3 | |
| cirn_0815 | 阿宅平常盡恬，無麼个話講，乜盡少同人相借問，係講著佢有趣味个話題，就講毋會煞。 | aˊ ced pinˇ songˇ qin diamˊ，moˇ maˋ ge fa gongˋ，me qin seuˋ tungˇ nginˇ xiongˊ jia mun，he gongˋ doˋ iˇ iuˊ qi mi ge fa tiˇ，qiu gongˋ mˇ voi sod。 | v9c3p4 | |
| cirn_0816 | 佢見講話，盡慣在話頭話尾加一句「這係網友講个」、「網路項恁仔寫个」。 | iˇ gian gongˋ fa，qin guan teˊ fa teuˇ fa miˊ gaˊ idˋ gi「iaˋ he miongˋ iuˊ gongˋ ge」、「miongˋ lu hong anˋ eˊ xiaˋ ge」。 | v9c3p5 | |
| cirn_0817 | 阿宅有「遠視」，毋過無戴目鏡。 | aˊ ced iuˊ「ianˋ sii」，mˇ go moˇ dai mugˋ giang。 | v9c3p6 | |
| cirn_0818 | 佢有蓋多外國朋友，歇在日本、美國、歐洲……世界各地个人都有。 | iˇ iuˊ goi doˊ ngoi guedˋ penˇ iuˊ，hed teˊ ngidˋ bunˋ、miˊ guedˋ、euˊ zuˊ……sii giai gogˋ ti ge nginˇ duˊ iuˊ。 | v9c3p7 | |
| cirn_0819 | 聽佢講起該兜外國朋友，就像歇在兩隔壁樣仔，講到有來有去，毋過正經問起厥上家下屋，顛倒盡生份，就像遠視眼个人，看遠過清，看近毋真！大家恁仔碓佢，佢也無要緊，照樣歸去網路世界尋厥「好鄰舍」。 | tangˊ iˇ gongˋ hiˋ ge deuˊ ngoi guedˋ penˇ iuˊ，qiu qiong hed teˊ liongˋ gagˋ biagˋ iong eˋ，gongˋ do iuˊ loiˇ iuˊ hi，mˇ go ziin ginˊ mun hiˋ giaˊ song gaˊ haˊ vugˋ，dienˊ do qin sangˊ fun，qiu qiong ianˋ sii ngianˋ ge nginˇ，kon ianˋ go qinˊ，kon kiunˊ mˇ ziinˊ！tai gaˊ anˋ eˊ doi iˇ，iˇ ia moˇ ieu ginˋ，zeu iong guiˊ hi miongˋ lu sii giai qimˇ giaˊ「hoˋ linˇ sa」。 | v9c3p8 | |
| cirn_0820 | 前一駁仔，為了支持在{Facebook}發起个「世界無車日」活動，在厥{Blog}頂高有一張佢自家揹等背包、騎等自行車个相片。 | qienˇ idˋ bogˋ eˋ，vi liauˋ ziiˊ ciiˇ teˊ {Facebook} fadˋ hiˋ ge「sii giai moˇ caˊ ngidˋ」fad tung，teˊ giaˊ {Blog} dangˋ goˊ iuˊ idˋ zongˊ iˇ qid gaˊ baˇ denˋ boi bauˊ、kiˇ denˋ cii hangˇ caˊ ge xiong pienˋ。 | v9c3p9 | |
| cirn_0821 | 詳細讀厥網誌，正知「世界無車日」係鼓勵大家盡量行路、騎自行車，減少廢氣汙染，莫分地球暖化，正毋會害臭氧層緊爛緊大坑。 | xiongˇ se tug giaˊ miongˋ zii，nang diˊ「sii giai moˇ caˊ ngidˋ」he guˋ li tai gaˊ qin liong hangˇ lu、kiˇ cii hangˇ caˊ，gamˋ seuˋ fi hi vuˊ ngiam，mog bunˊ ti kiuˇ nonˊ fa，nang mˇ voi hoi cu iongˊ cenˇ ginˋ lan ginˋ tai kangˊ。 | v9c3p10 | |
| cirn_0822 | 這擺熱天，講就無人愛信，講一日到暗就庰在間肚个阿宅，全無開冷氣來用，係為著「北極熊」个生存！還過分人想毋著个，係在「世界地球日」該暗晡，收著阿宅寄來个{e-mail}，講佢參加吔「守護地球」个活動，日時頭擔任解說員，帶等社區个細人仔去認識大自然、解說自然生態，到暗晡頭「全球減碳，關電火一點鐘」个時間，還打暗摸在禾埕項，講頭擺看星仔、逐火焰蟲个故事。 | iaˋ baiˋ ngiad tienˊ，gongˋ qiu moˇ nginˇ oi xin，gongˋ idˋ ngidˋ do am qiu biang teˊ gianˊ duˋ ge aˊ ced，qionˇ moˇ koiˊ langˊ hi loiˇ iung，he vi doˋ「bedˋ kid iungˇ」ge senˊ sunˇ！vanˇ go bunˊ nginˇ xiongˋ mˇ doˋ ge，he teˊ「sii giai ti kiuˇ ngidˋ」ge am buˊ，suˊ doˋ aˊ ced gi loiˇ ge {e-mail}，gongˋ iˇ camˊ gaˊ eˇ「suˋ fu ti kiuˇ」ge fad tung，ngidˋ siiˇ teuˇ damˊ im giaiˋ sodˋ ianˇ，dai denˋ sa kiˊ ge se nginˇ eˋ hi ngin siidˋ tai cii ianˇ、giaiˋ sodˋ cii ianˇ senˊ tai，do am buˊ teuˇ「qionˇ kiuˇ gamˋ tan，guanˊ tien foˋ idˋ diamˋ zungˊ」ge siiˇ gianˊ，vanˇ daˋ am moˊ teˊ voˇ tangˇ hong，gongˋ teuˇ baiˋ kon senˊ eˋ、giugˋ foˋ iam cungˇ ge gu sii。 | v9c3p11 | |
| cirn_0823 | 有一日，阿宅行出屋下大門，跈等厥網站項，蓋多人就知哩！阿宅个網誌項就有人留言佢敢係改常吔，仰無在屋下同網路好鄰舍打嘴鼓呢？佢黏皮留言應講：「哦！網路新聞有講啊，今這下全球个天時變化忒遽，𠊎等生活環境个問題緊來緊嚴重，汙染个情況係無改善，下二擺驚怕就看毋著火焰蟲哩！再過講，大家都歇在這地球項，同生活个環境拚淨來，歇著乜過鬆爽，故所大家應該愛行出來，攎手捋腳、相幫相𢯭，呵呵！吾網友係恁仔講个啦！」。 | iuˊ idˋ ngidˋ，aˊ ced hangˇ cudˋ lugˋ kaˊ tai munˇ，tenˇ denˋ giaˊ miongˋ zam hong，goi doˊ nginˇ qiu diˊ leˊ！aˊ ced ge miongˋ zii hong qiu iuˊ nginˇ liuˇ ngianˇ iˇ gamˋ he goiˋ songˇ eˇ，ngiongˋ moˇ teˊ lugˋ kaˊ tungˇ miongˋ lu hoˋ linˇ sa daˋ zoi guˋ noˋ？iˇ liamˇ piˇ liuˇ ngianˇ in gongˋ：「oˋ！miongˋ lu xinˊ vunˇ iuˊ gongˋ a，ginˊ iaˋ ha qionˇ kiuˇ ge tienˊ siiˇ bien fa tedˋ giagˋ，ngaiˇ denˊ senˊ fad fanˇ gin ge mun tiˇ ginˋ loiˇ ginˋ ngiamˇ cung，vuˊ ngiam ge qinˇ kongˋ he moˇ goiˋ san，ha ngi baiˋ giangˊ pa qiu kon mˇ doˋ foˋ iam cungˇ leˊ！zai go gongˋ，tai gaˊ duˊ hed teˊ iaˋ ti kiuˇ hong，tungˇ senˊ fad ge fanˇ gin bia qiang loiˇ，hed doˋ me go sungˊ songˋ，gu soˋ tai gaˊ in goiˊ oi hangˇ cudˋ loiˇ，luˇ suˋ lod giogˋ、xiongˊ bongˊ xiongˊ ten，hoˊ hoˊ！ngaˊ miongˋ iuˊ he anˋ eˊ gongˋ ge laˋ！」。 | v9c3p12 | |
| cirn_0824 | 唉哉！阿宅啊阿宅！大家本旦覺著佢淨會網路項打冇訕，無愐著佢恁用心對待網路項个好鄰舍，總係聽佢講著地球能源同環保个問題，將世界關心个議題準自家个事來做，大家正了解佢透過網路，同恁大恁闊个地球變做厥个莊頭鄰舍。 | aiˋ zaiˊ！aˊ ced a aˊ ced！tai gaˊ bunˋ danˋ gogˋ doˋ iˇ qiang voi miongˋ lu hong daˋ pang xien moˇ menˋ doˋ iˇ anˋ iung ximˊ dui tai miongˋ lu hong ge hoˋ linˇ sa，zungˋ he tangˊ iˇ gongˋ doˋ ti kiuˇ nenˇ ngianˇ tungˇ fanˇ boˋ ge mun tiˇ，jiongˊ sii giai guanˊ ximˊ ge ngi tiˇ zunˋ qid gaˊ ge sii loiˇ zo，tai gaˊ nang liauˋ giaiˋ iˇ teu go miongˋ lu，tungˇ anˋ tai anˋ fadˋ ge ti kiuˇ bien zo giaˊ ge zongˊ teuˇ linˇ sa。 | v9c3p13 | |
| cirn_0825 | 第四課，利便个交通網。 | ti xi ko，li pien ge gauˊ tungˊ miongˋ。 | v9c4p1 | |
| cirn_0826 | 第一幕。 | ti idˋ mugˋ。 | v9c4p2 | |
| cirn_0827 | 時間：拜六暗晡。 | siiˇ gianˊ：bai liugˋ am buˊ。 | v9c4p3 | |
| cirn_0828 | 人物：阿爸、阿姆、阿煥仔（國中三年生）、阿婷仔（小學二年生）。 | nginˇ vud：aˊ baˊ、aˊ meˊ、aˊ fon eˋ（guedˋ zungˊ samˊ ngianˇ senˊ）、aˊ tinˇ eˋ（seuˋ hog ngi ngianˇ senˊ）。 | v9c4p4 | |
| cirn_0829 | 地點：廳下，（阿婷仔同阿煥仔坐在廳下，阿爸同阿姆在該準備愛歸臺南老屋个浪想，阿姆緊噥噥噥噥緊點東西……）。 | ti diamˋ：tangˊ haˊ，（aˊ tinˇ eˋ tungˇ aˊ fon eˋ coˊ teˊ tangˊ haˊ，aˊ baˊ tungˇ aˊ meˊ teˊ ge zunˋ pi oi guiˊ toiˇ namˇ loˋ vugˋ ge nong xiongˋ，aˊ meˊ ginˋ nungˇ nungˇ nung nung ginˋ diamˋ dungˊ xiˊ……）。 | v9c4p5 | |
| cirn_0830 | 阿煥仔：阿爸，天光日愛坐幾多點个車？愛幾早吔䟘？。 | aˊ fon eˋ：aˊ baˊ，tiangˊ gongˊ ngidˋ oi coˊ idˋ doˊ diamˋ ge caˊ？oi idˋ zoˋ eˇ hong？。 | v9c4p6 | |
| cirn_0831 | 阿爸：𠊎等坐八點个車，大概仔六點半邊仔䟘就做得哩！。 | aˊ baˊ：ngaiˇ denˊ coˊ badˋ diamˋ ge caˊ，tai koiˋ eˊ liugˋ diamˋ ban bienˊ eˊ hong qiu zo dedˋ leˊ！。 | v9c4p7 | |
| cirn_0832 | 阿婷仔：該乜會像上擺樣仔，歸到阿婆屋下就過晝缽𤊶吔？恁仔又做得食鐵路便當哩，還好哪！(阿婷仔暢到緊跳緊拍手)。 | aˊ tinˇ eˋ：ge me voi qiong song baiˋ iong eˋ，guiˊ do aˊ poˇ lugˋ kaˊ qiu go zu badˋ ladˋ eˇ？anˋ eˊ iu zo dedˋ siid tiedˋ lu pien dongˊ leˊ，vanˇ hoˋ naˊ！(aˊ tinˇ eˋ tiong do ginˋ tiau ginˋ pogˋ suˋ)。 | v9c4p8 | |
| cirn_0833 | 阿姆：（㖸等講）毋使暢恁遽，天光朝晨大概仔成十點吔就到臺南哩喲！。 | aˊ meˊ：（nagˋ denˋ gongˋ）mˇ siiˋ tiong anˋ giagˋ，tienˊ gongˊ zeuˊ siinˇ tai koiˋ eˊ sangˇ siib diamˋ eˇ qiu do toiˇ namˇ leˊ ioˊ！。 | v9c4p9 | |
| cirn_0834 | 阿婷仔：敢有恁遽？又毋係用飛个，哪有好恁早到！。 | aˊ tinˇ eˋ：gamˋ iuˊ anˋ giagˋ？iu mˇ he iung biˊ ge，nai iuˊ hoˋ anˋ zoˋ do！。 | v9c4p10 | |
| cirn_0835 | 阿爸：戇嫲，天光日坐个係高鐵，毋係坐火車。 | aˊ baˊ：ngong maˇ，tienˊ gongˊ ngidˋ coˊ ge he goˊ tiedˋ，mˇ he coˊ foˋ caˊ。 | v9c4p11 | |
| cirn_0836 | 阿煥仔：𠊎有上網查過，這下坐高鐵到臺南毋使兩點鐘就到吔。 | aˊ fon eˋ：ngaiˇ iuˊ songˊ miongˋ caˇ go，iaˋ ha coˊ goˊ tiedˋ do toiˇ namˇ mˇ siiˋ liongˋ diamˋ zungˊ qiu do eˇ。 | v9c4p12 | |
| cirn_0837 | 阿姆：就係啊！故所到阿婆該，差毋多十點空吔定定，煮當晝飯都還赴得著。 | aˊ meˊ：qiu he aˊ！gu soˋ do aˊ poˇ geˋ，caˊ mˇ doˊ siib diamˋ kung eˋ tin tin，zuˋ dongˊ zu fan duˊ vanˇ fu dedˋ doˋ。 | v9c4p13 | |
| cirn_0838 | 第二幕時間：拜日朝晨。 | ti ngi mugˋ siiˇ gianˊ：bai ngidˋ zeuˊ siinˇ。 | v9c4p14 | |
| cirn_0839 | 人物：阿爸、阿姆、阿煥仔、阿婷仔。 | nginˇ vud：aˊ baˊ、aˊ meˊ、aˊ fon eˋ、aˊ tinˇ eˋ。 | v9c4p15 | |
| cirn_0840 | 地點：臺北捷運文湖線科技大樓站（阿姆牽等阿婷仔个手，阿爸同阿煥仔手項擐等浪想，一屋下人共下在捷運科技大樓站，準備愛坐捷運到臺北高鐵站坐車。 | ti diamˋ：toiˇ bedˋ qiab iun vunˇ fuˇ xien koˊ giˊ tai leuˇ zam（aˊ meˊ kianˊ denˋ aˊ tinˇ eˋ ge suˋ，aˊ baˊ tungˇ aˊ fon eˋ suˋ hong kuan denˋ nong xiongˋ，idˋ lugˋ kaˊ nginˇ kiung ha teˊ qiab iun koˊ giˊ tai leuˇ zam，zunˋ pi oi coˊ qiab iun do toiˇ bedˋ goˊ tiedˋ zam coˊ caˊ。 | v9c4p16 | |
| cirn_0841 | 捷運站裡背蓋多人，毋過，每一個人就蓋守規矩排列、照順序行。 | qiab iun zam diˊ boi goi doˊ nginˇ，mˇ go，miˊ idˋ ge nginˇ qiu goi suˋ guiˊ giˋ paiˇ lied、zeu sun xi hangˇ。 | v9c4p17 | |
| cirn_0842 | 阿爸：等下添等捷運个時節，毋好企超過黃線，驚怕車仔來該下會有危險喔！。 | aˊ baˊ：denˋ ha tiamˊ denˋ qiab iun ge siiˇ jiedˋ，mˇ hoˋ kiˊ ceuˊ go vongˇ xien，giangˊ pa caˊ eˋ loiˇ ge ha voi iuˊ nguiˇ hiamˋ oˊ！。 | v9c4p18 | |
| cirn_0843 | 阿婷仔：阿爸，𠊎知，行忒兼會分風嘬走，著無？。 | aˊ tinˇ eˋ：aˊ baˊ，ngaiˇ diˊ，hangˇ tedˋ giamˊ voi bunˊ fungˊ zod zeuˋ，cog moˇ？。 | v9c4p19 | |
| cirn_0844 | 阿爸：著！著！著！阿婷仔還精喔！。 | aˊ baˊ：cog！cog！cog！aˊ tinˇ eˋ vanˇ jinˊ oˊ！。 | v9c4p20 | |
| cirn_0845 | 阿煥仔：還過有，等上車个人愛排在兩片析个線路項，適中愛留分下車个人客過；還愛記得，捷運站裡背做毋得食東西。 | aˊ fon eˋ：vanˇ go iuˊ，denˋ songˊ caˊ ge nginˇ oi paiˇ teˊ liongˋ pienˋ sagˋ ge xien lu hong，di dungˊ oi liuˇ bunˊ haˊ caˊ ge nginˇ hagˋ go；vanˇ oi gi dedˋ，qiab iun zam diˊ boi zo mˇ dedˋ siid dungˊ xiˊ。 | v9c4p21 | |
| cirn_0846 | 阿爸：唉哉！阿煥仔講來盡詳細喔！（阿煥仔分阿爸說啊去，暢到尾蹀蹀仔。 | aˊ baˊ：aiˋ zaiˋ！aˊ fon eˋ gongˋ loiˇ qin xiongˇ se oˊ！（aˊ fon eˋ bunˊ aˊ baˊ sodˋ a hi，tiong do miˊ dia dia eˊ。 | v9c4p22 | |
| cirn_0847 | 阿姆：車仔來吔喲，好準備上車哩！（阿婷仔一屋下人上捷運）。 | aˊ meˊ：caˊ eˋ loiˇ leˇ ioˊ，hoˋ zunˋ pi songˊ caˊ leˊ！（aˊ tinˇ eˋ idˋ lugˋ kaˊ nginˇ songˊ qiab iun）。 | v9c4p23 | |
| cirn_0848 | 阿婷仔：阿姆，該片有位仔，來去該坐啊！。 | aˊ tinˇ eˋ：aˊ meˊ，ge pienˋ iuˊ vi eˋ，loiˇ hi ge coˊ a！。 | v9c4p24 | |
| cirn_0849 | 阿煥仔：阿婷仔，做毋得喔！該深藍色个凳仔係博愛座，係分老、弱、婦、孺坐个。 | aˊ fon eˋ：aˊ tinˇ eˋ，zo mˇ dedˋ oˊ！ge ciimˊ lamˇ sedˋ ge den eˋ he bogˋ oi coˊ，he bunˊ loˋ、ngiog、fu、iˇ coˊ ge。 | v9c4p25 | |
| cirn_0850 | 阿姆：著！阿煥仔恁會、恁曉得。 | aˊ meˊ：cog！aˊ fon eˋ anˋ voi、anˋ hiauˋ dedˋ。 | v9c4p26 | |
| cirn_0851 | 第三幕時間：拜日朝晨。 | ti samˊ mugˋ siiˇ gianˊ：bai ngidˋ zeuˊ siinˇ。 | v9c4p27 | |
| cirn_0852 | 人物：阿爸、阿姆、阿煥仔、阿婷仔。 | nginˇ vud：aˊ baˊ、aˊ meˊ、aˊ fon eˋ、aˊ tinˇ eˋ。 | v9c4p28 | |
| cirn_0853 | 地點：臺北車頭、高鐵站、高鐵車裡背（臺北車頭人尖人，每一個人就行蓋遽，阿婷仔一家人跈等人陣行等去高鐵个柵門，拿等票仔通過柵門。 | ti diamˋ：toiˇ bedˋ caˊ teuˇ、goˊ tiedˋ zam、goˊ tiedˋ caˊ diˊ boi（toiˇ bedˋ caˊ teuˇ nginˇ jiamˊ nginˇ，miˊ idˋ ge nginˇ qiu hangˇ goi giagˋ，aˊ tinˇ eˋ idˋ gaˊ nginˇ tenˇ denˋ nginˇ ciin hangˇ denˋ hi goˊ tiedˋ ge cag munˇ，naˊ denˋ peu eˋ tungˊ go cag munˇ。 | v9c4p29 | |
| cirn_0854 | 阿婷仔：（挷等阿姆个手）阿姆，遽遽，遽遽，來去坐車。 | aˊ tinˇ eˋ：（bangˊ denˋ aˊ meˊ ge suˋ）aˊ meˊ，giagˋ giagˋ，giagˋ giagˋ，loiˇ hi coˊ caˊ。 | v9c4p30 | |
| cirn_0855 | 阿姆：阿婷仔，毋使恁鬥緊，車枋吂到，愛先在這大廳等，車仔會到吔，正做得入月臺。 | aˊ meˊ：aˊ tinˇ eˋ，mˇ siiˋ anˋ deu ginˋ，caˊ biongˊ mangˇ do，oi xienˊ teˊ iaˋ tai tangˊ denˋ，caˊ eˋ voi do eˇ，nang zo dedˋ ngib ngiad toiˇ。 | v9c4p31 | |
| cirn_0856 | 愛乖喔！坐到臺南愛點大零鐘，在車裡背毋好像山精樣仔唩唩喊喊，正毋會吵著人。 | oi guaiˊ oˊ！coˊ do toiˇ namˇ oi diamˋ tai langˇ zungˊ，teˊ caˊ diˊ boi mˇ hoˋ qiong sanˊ jinˊ iong eˋ voˋ voˋ hemˊ hemˊ，nang mˇ voi cauˇ doˋ nginˇ。 | v9c4p32 | |
| cirn_0857 | 阿婷仔：同坐飛行機蓋像，愛等時間到正做得入去嗬。 | aˊ tinˇ eˋ：tungˇ coˊ biˊ iangˇ giˊ goi qiong，oi denˋ siiˇ gianˊ do nang zo dedˋ ngib hi hoˋ。 | v9c4p33 | |
| cirn_0858 | 阿爸：著！（上車吔，阿婷仔同阿煥仔坐在窗門脣項，眼金金仔緊看外背个景色。 | aˊ baˊ：cog！（song caˊ eˇ，aˊ tinˇ eˋ tungˇ aˊ fon eˋ coˊ teˊ cungˊ munˇ sunˇ hong，ngianˋ gimˊ gimˊ eˊ ginˋ kon no boi ge ginˋ sedˋ。 | v9c4p34 | |
| cirn_0859 | 阿婷仔：走還遽喔！外背个電火柱「咻—」一聲就過去吔。 | aˊ tinˇ eˋ：zeuˋ vanˇ giagˋ oˊ！no boi ge tien foˋ cuˊ「xiuˋ—」idˋ sangˊ qiu go hi eˇ。 | v9c4p35 | |
| cirn_0860 | 阿煥仔：風景還靚哪！歸大片仔青溜溜仔个田，親像一大垤青色个地毯，同上擺去日本坐飛行機該下，看著歸片仔白雪雪个雲，共樣恁靚。 | aˊ fon eˋ：fungˊ ginˋ vanˇ jiangˊ naˊ！guiˊ tai pienˋ eˋ qiangˊ liuˋ liuˋ eˊ ge tienˇ，qinˊ qiong idˋ tai de qiangˊ sedˋ ge ti tanˋ，tungˇ song baiˋ hi ngidˋ bunˋ coˊ biˊ iangˇ giˊ ge ha，kon doˋ guiˊ pienˋ eˋ pag xiedˋ xiedˋ ge iunˇ，kiung iong anˋ jiangˊ。 | v9c4p36 | |
| cirn_0861 | 阿婷仔：係啊！係啊！上擺去日本東京乜係恁遽，差毋多兩、三點鐘仔就到吔。 | aˊ tinˇ eˋ：he a！he a！song baiˋ hi ngidˋ bunˋ dungˊ ginˊ me he anˋ giagˋ，caˊ mˇ doˊ liongˋ、samˊ diamˋ zungˊ eˊ qiu do eˇ。 | v9c4p37 | |
| cirn_0862 | 阿煥仔：人講東，你就講西；人講衫，你就講被。 | aˊ fon eˋ：nginˇ gongˋ dungˊ，ngˇ qiu gongˋ xiˊ；nginˇ gongˋ samˊ，ngˇ qiu gongˋ piˊ。 | v9c4p38 | |
| cirn_0863 | 阿姆：好哩！你兩儕過細聲兜仔，毋好吵著人。 | aˊ meˊ：hoˋ leˊ！ngˇ liongˋ saˇ go se sangˊ deuˊ eˊ，mˇ hoˋ cauˇ doˋ nginˇ。 | v9c4p39 | |
| cirn_0864 | （阿姆手指揬啊去，兩姊妹就過細聲吔。 | （aˊ meˊ suˋ ziiˋ dudˋ a hi，liongˋ jiˋ moi qiu go se sangˊ eˇ。 | v9c4p40 | |
| cirn_0865 | 阿婷仔：唉！阿爸，該條係麼个路，仰恁長恁多車仔？。 | aˊ tinˇ eˋ：eˊ！aˊ baˊ，ge tiauˇ he maˋ ge lu，ngiongˋ anˋ congˇ anˋ doˊ caˊ eˋ？。 | v9c4p41 | |
| cirn_0866 | 阿爸：該哦！高速公路啊！。 | aˊ baˊ：ge oˋ！goˊ sugˋ gungˊ lu a！。 | v9c4p42 | |
| cirn_0867 | 阿煥仔：𠊎知，高速公路有一條安到中山高速公路，一條安到福爾摩沙{(Formosa)}高速公路，有一段仔看得著海喔！。 | aˊ fon eˋ：ngaiˇ diˊ，goˊ sugˋ gungˊ lu iuˊ idˋ tiauˇ onˊ do zungˊ sanˊ goˊ sugˋ gungˊ lu，idˋ tiauˇ onˊ do fugˋ niˋ moˇ saˊ {(Formosa)} goˊ sugˋ gungˊ lu，iuˊ idˋ ton eˋ kon dedˋ doˋ hoiˋ oˊ！。 | v9c4p43 | |
| cirn_0868 | 阿婷仔：嘎無？愛歸該下，來去坐巴士行高速公路，好無？。 | aˊ tinˇ eˋ：ga moˇ？oi guiˊ ge ha，loiˇ hi coˊ ba siiˋ hangˇ goˊ sugˋ gungˊ lu，hoˋ moˇ？。 | v9c4p44 | |
| cirn_0869 | 阿姆：無喔！這擺歸臺南，阿爸按算愛帶阿婆去澎湖尞。 | aˊ meˊ：moˇ oˊ！iaˋ baiˋ guiˊ toiˇ namˇ，aˊ baˊ on son oi dai aˊ poˇ hi pangˇ fuˇ liau。 | v9c4p45 | |
| cirn_0870 | 阿婷仔：去澎湖噢！該乜愛幾下日正罅！。 | aˊ tinˇ eˋ：hi pangˇ fuˇ oˋ！ge me oi giˋ haˊ ngidˋ nang la！。 | v9c4p46 | |
| cirn_0871 | 阿爸：這下交通蓋利便，做得講已經發展到「一日生活圈」吔，去澎湖一日就罅哩；𠊎等對嘉義布袋坐船仔過去，大約點半鐘就會到，尞到暗正坐飛行機歸臺北。 | aˊ baˊ：iaˋ ha gauˊ tungˊ goi li pien，zo dedˋ gongˋ iˋ ginˊ fadˋ zanˋ do「idˋ ngidˋ senˊ fad kianˊ」eˇ，hi pangˇ fuˇ idˋ ngidˋ qiu la leˊ；ngaiˇ denˊ dui gaˊ ngi bu toi coˊ sonˇ eˋ go hi，tai iogˋ diamˋ ban zungˊ qiu voi do，liau do am nang coˊ biˊ iangˇ giˊ guiˊ toiˇ bedˋ。 | v9c4p47 | |
| cirn_0872 | 阿姆：順續帶阿婆去臺北尞幾日仔，正送佢歸臺南。 | aˊ meˊ：sun sa dai aˊ poˇ hi toiˇ bedˋ liau giˋ ngidˋ eˋ，nang sung iˇ guiˊ toiˇ namˇ。 | v9c4p48 | |
| cirn_0873 | 阿婷仔：𠊎等乜愛跈，到時阿婆歸該下愛坐行高速公路个巴士喔！。 | aˊ tinˇ eˋ：ngaiˇ denˊ me oi tenˇ，do siiˇ aˊ poˇ guiˊ ge ha oi coˊ hangˇ goˊ sugˋ gungˊ lu ge ba siiˋ oˊ！。 | v9c4p49 | |
| cirn_0874 | 阿爸、阿姆：好喔！（高鐵走來盡遽，一路項个風景鬧啊講毋得，兩姊妹不時還係會暢到唩唩喊。 | aˊ baˊ、aˊ meˊ：hoˋ oˊ！（goˊ tiedˋ zeuˋ loiˇ qin giagˋ，idˋ lu hong ge fungˊ ginˋ nau a gongˋ mˇ dedˋ，liongˋ jiˋ moi budˋ siiˇ vanˇ he voi tiong do voˋ voˋ hemˊ。 | v9c4p50 | |
| cirn_0875 | 第五課，人人做得食百二。 | ti ngˋ ko，nginˇ nginˇ zo dedˋ siid bagˋ ngi。 | v9c5p1 | |
| cirn_0876 | 阿文牯：恁久仰仔？。 | aˊ vunˇ guˋ：anˋ giuˋ ngiongˋ eˇ？。 | v9c5p2 | |
| cirn_0877 | 你去外背讀書，一個人在人生地不熟个所在生活。 | ngˇ hi no boi tug suˊ，idˋ ge nginˇ teˊ nginˇ sangˊ ti budˋ sug ge soˋ cai senˊ fad。 | v9c5p3 | |
| cirn_0878 | 上禮拜你放尞歸來，𠊎看著你面色蓋毋好，又加恁瘦，看起來懶懶，阿爸實在蓋毋盼得。 | song liˊ bai ngˇ biong liau guiˊ loiˇ，ngaiˇ kon doˋ ngˇ mien sedˋ goi mˇ hoˋ，iu gaˊ anˋ ceu，kon hiˋ loiˇ lanˊ lanˊ，aˊ baˊ siid cai goi mˇ pan dedˋ。 | v9c5p4 | |
| cirn_0879 | 你本來身體盡砸，係毋係食睡無照常，又加上凍著，無抽間去分先生看，正會恁仔？愛知有康健个身體，正有精神好讀書。 | ngˇ bunˋ loiˇ siinˊ tiˋ qin zabˋ，he mˇ he siid soi moˇ zeu songˇ，iu gaˊ song dung doˋ，moˇ cuˊ gianˊ hi bunˊ xinˊ sangˊ kon，nang voi anˋ eˊ？oi diˊ iuˊ kongˊ kian ge siinˊ tiˋ，nang iuˊ jinˊ siinˇ hoˋ tug suˊ。 | v9c5p5 | |
| cirn_0880 | 身體愛好就愛對食雜、保健、醫療三方面起勢。 | siinˊ tiˋ oi hoˋ qiu oi dui siid cab、boˋ kian、iˊ liauˇ samˊ fongˊ mien hiˋ sii。 | v9c5p6 | |
| cirn_0881 | 頭擺人有好食飽就蓋滿足，這下个人愛食來康健，正會長壽。 | teuˇ baiˋ nginˇ iuˊ hoˋ siid bauˋ qiu goi manˊ jiugˋ，iaˋ ha ge nginˇ oi siid loiˇ kongˊ kian，nang voi congˇ su。 | v9c5p7 | |
| cirn_0882 | 三餐食飯毋好揀食，青菜、水果、五穀類、豆腐、卵、肉類每項就愛食，莫食忒飽。 | samˊ conˊ siid fan mˇ hoˋ gianˋ siid，qiangˊ coi、suiˋ goˋ、ngˋ gugˋ lui、teu fu、lonˋ、ngiugˋ lui miˊ hong qiu oi siid，mog siid tedˋ bauˋ。 | v9c5p8 | |
| cirn_0883 | 多食萋个天然食物，少食加工過个食品，因為在加工个過程裡背，會加添盡多色料、防腐劑，還有像硼砂這兜滴滴溚溚个東西，雖然蓋好吃，毋過對身體傷害蓋大。 | doˊ siid qiˊ ge tienˊ ianˇ siid vud，seuˋ siid gaˊ gungˊ go ge siid pinˋ，inˊ vi teˊ gaˊ gungˊ ge go cangˇ diˊ boi，voi gaˊ tiamˊ qin doˊ sedˋ liau、fongˇ fuˋ ji，vanˇ iuˊ qiong pinˇ saˊ iaˋ deuˊ did did dab dab ge dungˊ xiˊ，suiˊ ianˇ goi hoˋ siid，mˇ go dui siinˊ tiˋ songˊ hoi goi tai。 | v9c5p9 | |
| cirn_0884 | 還有外背用烰个東西，最好莫去惹佢，係無百病就會上身，你愛有這个觀念。 | vanˇ iuˊ no boi iung peuˇ ge dungˊ xiˊ，zuiˋ hoˋ mog hi ngiaˊ iˇ，he moˇ bagˋ piang qiu voi songˊ siinˊ，ngˇ oi iuˊ iaˋ ge gonˊ ngiam。 | v9c5p10 | |
| cirn_0885 | 還記得你還細个時節，山椒仔、吊菜仔、芹菜、紅菜……全全毋敢落嘴，若姆就用海苔同這兜菜包做潤餅樣仔餳你食，吂知你嗄食到會尋尾。 | vanˇ gi dedˋ ngˇ vanˇ se ge siiˇ jiedˋ，sanˊ zeuˊ eˋ、diau coi eˋ、kiunˇ coi、fungˇ coi……qionˇ qionˇ mˇ gamˋ log zoi，ngiaˊ meˊ qiu iung hoiˋ toiˇ tungˇ iaˋ deuˊ coi bauˊ zo iun biangˋ iong eˋ xiangˇ ngˇ siid，mangˇ diˊ ngˇ sa siid do voi qimˇ miˊ。 | v9c5p11 | |
| cirn_0886 | 下後你就慢慢仔無恁揀食，故所正有康健个身體。 | ha heu ngˇ qiu man man eˊ moˇ anˋ gianˋ siid，gu soˋ nang iuˊ kongˊ kian ge siinˊ tiˋ。 | v9c5p12 | |
| cirn_0887 | 這下你係當當愛讀書个時節，毋好一個麵包就過一餐，三餐定著愛食勻來。 | iaˋ ha ngˇ he dongˊ dongˊ oi tug suˊ ge siiˇ jiedˋ，mˇ hoˋ idˋ ge mien bauˊ qiu go idˋ conˊ，samˊ conˊ tin cog oi siid iunˇ loiˇ。 | v9c5p13 | |
| cirn_0888 | 還過有，食飯愛專心，毋好傍電視、傍報紙，無就緊食飯緊打嘴鼓、緊打電腦，影響消化。 | vanˇ go iuˊ，siid fan oi zonˊ ximˊ，mˇ hoˋ bongˋ tien sii、bongˋ bo ziiˋ，moˇ qiu ginˋ siid fan ginˋ daˋ zoi guˋ、ginˋ daˋ tien noˋ，iangˋ hiongˋ seuˊ fa。 | v9c5p14 | |
| cirn_0889 | 有營養師主張，食朝愛食好，食晝愛食飽，食夜簡單就好。 | iuˊ inˇ iongˊ siiˊ zuˋ zongˊ，siid zeuˊ oi siid hoˋ，siid zu oi siid bauˋ，siid ia gianˋ danˊ qiu hoˋ。 | v9c5p15 | |
| cirn_0890 | 最重要个係，愛養成運動个習慣，放尞日毋好睡到日頭曬尸朏，加減出去做運動，像打籃球、泅水、騎自轉車，全部都蓋好。 | zuiˋ cung ieu ge he，oi iongˊ siinˇ iun tung ge xib guan，biong liau ngidˋ mˇ hoˋ soi do ngidˋ teuˇ sai sii fudˋ，gaˊ gamˋ cudˋ hi zo iun tung，qiong daˋ lamˇ kiuˇ、qiuˇ suiˋ、kiˇ cii zonˋ caˊ，qionˇ pu duˊ goi hoˋ。 | v9c5p16 | |
| cirn_0891 | 人講運動係身體最好个補藥，定著愛有耐心去做，毋好「三日打魚，四日晒網」，恁仔正有搭碓，正有強身个效果。 | nginˇ gongˋ iun tung he siinˊ tiˋ zuiˋ hoˋ ge buˋ iog，tin cog oi iuˊ nai ximˊ hi zo，mˇ hoˋ「samˊ ngidˋ daˋ ngˇ，xi ngidˋ sai miongˋ」，anˋ eˊ nang iuˊ dabˋ doi，nang iuˊ kiongˇ siinˊ ge hauˋ goˋ。 | v9c5p17 | |
| cirn_0892 | 最尾𠊎愛提醒你，身體係有麼个各樣，就愛共快去分先生看，毋好懈懈怠怠，無就自家做醫生，濫糝買藥仔食。 | zuiˋ miˊ ngaiˇ oi tiˇ xiangˋ ngˇ，siinˊ tiˋ he iuˊ magˋ ge gogˋ iong，qiu oi kiung kuai hi bunˊ xinˊ sangˊ kon，mˇ hoˋ hai hai tai tai，moˇ qiu qid gaˊ zo iˊ senˊ，lamˋ samˋ maiˊ iog eˋ siid。 | v9c5p18 | |
| cirn_0893 | 人講「細空毋補，大空受苦」，細病毋搭佢，等到大病就難醫！。 | nginˇ gongˋ「se kangˊ mˇ buˋ，tai hangˊ su kuˋ」，se piang mˇ dabˋ iˇ，denˋ do tai piang qiu nanˇ iˊ！。 | v9c5p19 | |
| cirn_0894 | 阿爸希望你看吔這封信仔，愛確實去做，正做得康康健健食到百二。 | aˊ baˊ hiˊ mong ngˇ kon eˇ iaˋ fungˊ xin eˋ，oi kogˋ siid hi zo，nang zo dedˋ kongˊ kongˊ kian kian siid do bagˋ ngi。 | v9c5p20 | |
| cirn_0895 | 祝你身體健康，學業進步，阿爸筆，六月初六。 | zugˋ ngˇ siinˊ tiˋ kian kongˊ，hog ngiab jin pu，aˊ baˊ bidˋ，liugˋ ngiad cuˊ liugˋ。 | v9c5p21 | |
| cirn_0896 | 第六課，一個社區个營造。 | ti liugˋ ko，idˋ ge sa kiˊ ge inˇ co。 | v9c6p1 | |
| cirn_0897 | 三月十五該朝晨，𠊎為著愛了解社區个營造，抽時間去參加桂花巷社區个剪綵活動，對實際活動个體驗同訪問，來了解社區。 | samˊ ngiad siib ngˋ ge zeuˊ siinˇ，ngaiˇ vi doˋ oi liauˋ giaiˋ sa kiˊ ge inˇ co，cuˊ siiˇ gianˊ hi camˊ gaˊ gui faˊ hong sa kiˊ ge jienˋ caiˋ fad tung，dui siid ji fad tung ge tiˋ ngiam tungˇ fongˋ mun，loiˇ liauˋ giaiˋ sa kiˊ。 | v9c6p2 | |
| cirn_0898 | 路項，𠊎聽一個伯姆講起桂花巷社區，上隻月成立吔環保義工隊，同社區个大街小巷，拚掃到淨俐淨俐！伯姆一講，𠊎正發覺著，原旦一哪仔就係地圾个路頭巷尾，這下整理到伶伶俐俐！。 | lu hong，ngaiˇ tangˊ idˋ ge bagˋ meˊ gongˋ hiˋ gui faˊ hong sa kiˊ，song zagˋ ngiad siinˇ lib eˇ kuanˇ boˋ ngi gungˊ dui，tungˇ sa kiˊ ge tai giaiˊ seuˋ hong，bia so do qiang li qiang li！bagˋ meˊ idˋ gongˋ，ngaiˇ nang fadˋ gogˋ doˋ，ngianˇ danˋ idˋ naiˋ eˊ qiu he ti sebˋ ge lu teuˇ hong miˊ，iaˋ ha ziinˋ liˊ do langˇ langˇ li li！。 | v9c6p3 | |
| cirn_0899 | 來到活動个現場，𠊎看著蓋多鄉親，還有蓋多毋熟事个人，對老郵局到桂花巷，大大細細、老老嫩嫩，企在長長个花布仔後背，大家牽等布仔，拿等剪刀，開容笑面，暢蹀蹀吔，蓋像在這做好事樣仔。 | loiˇ do fad tung ge hian congˇ，ngaiˇ kon doˋ goi doˊ hiongˊ qinˊ，vanˇ iuˊ goi doˊ mˇ sug sii ge nginˇ，dui loˋ iuˇ kiug do gui faˊ hong，tai tai se se、loˋ loˋ nun nun，kiˊ teˊ congˇ congˇ ge faˊ bu eˋ heu boi，tai gaˊ kianˊ denˋ bu eˋ，naˊ denˋ jienˋ doˊ，koiˊ iungˇ seu mien，tiong dia dia eˇ，goi qiong teˊ iaˋ zo hoˋ sii iong eˋ。 | v9c6p4 | |
| cirn_0900 | 社區理事長講：「今晡日係𠊎等社區个大日仔，打幫大家个𢯭手，桂花巷正會對原旦荒核个豬欄、雞栖，變做今晡日整齊淨俐个新面貌。 | sa kiˊ liˊ sii zongˋ gongˋ：「ginˊ buˊ ngidˋ he ngaiˇ denˊ sa kiˊ ge tai ngidˋ eˋ，daˋ bongˊ tai gaˊ ge ten suˋ，gui faˊ hong nang voi dui ngianˇ danˋ fongˊ hedˋ ge zuˊ lanˇ、gieˊ ji，bien zo ginˊ buˊ ngidˋ ziinˋ ceˇ qiang li ge xinˊ mien mau。 | v9c6p5 | |
| cirn_0901 | 承蒙大家！今晡日，大家係主人乜係貴賓，剪刀拿起來，共下來剪綵喔！」「好喔—」「—」聲仔，對桂花巷透到老郵局，長長个花布仔，黏時化做人手一截个綵帶，送分鄉親帶歸去做紀念！。 | siinˇ mungˇ tai gaˊ！ginˊ buˊ ngidˋ，tai gaˊ he zuˋ nginˇ me he gui binˊ，jienˋ doˊ naˊ hiˋ loiˇ，kiung ha loiˇ jienˋ caiˋ oˊ！」「hoˋ oˊ—」「—」sangˊ eˊ，dui gui faˊ hong teu do loˋ iuˇ kiug，congˇ congˇ ge faˊ bu eˋ，liamˇ siiˇ fa zo nginˇ suˋ idˋ jiedˋ ge caiˋ dai，sung bunˊ hiongˊ qinˊ dai guiˊ hi zo gi ngiam！。 | v9c6p6 | |
| cirn_0902 | 剪綵活動過後，𠊎去老郵局看展覽，一張張个相片記錄吔桂花巷改頭換面个過程，每一個畫面、每一個轉變，都看得著鄉親參與个身影，乜看得出佢等付出个心力。 | jienˋ caiˋ fad tung go heu，ngaiˇ hi loˋ iuˇ kiug kon zanˋ lam，idˋ zongˊ zongˊ ge xiong pienˋ gi liug eˇ gui faˊ hong goiˋ teuˇ von mien ge go cangˇ，miˊ idˋ ge fa mien、miˊ idˋ ge zonˋ bien，duˊ kon dedˋ doˋ hiongˊ qinˊ camˊ iˋ ge siinˊ iangˋ，me kon dedˋ cudˋ iˇ denˊ fu cudˋ ge ximˊ lid。 | v9c6p7 | |
| cirn_0903 | 社區理事長講，大家个參與，就係社區營造成功最重要个力量！這句話深深刻入吔𠊎个腦膈肚！。 | sa kiˊ liˊ sii zongˋ gongˋ，tai gaˊ ge camˊ iˋ，qiu he sa kiˊ inˇ co siinˇ gungˊ zuiˋ cung ieu ge lid liong！iaˋ gi fa ciimˊ ciimˊ kiedˋ ngib eˇ ngaiˇ ge noˋ gagˋ duˋ！。 | v9c6p8 | |
| cirn_0904 | 在接下來个座談會項，鄉親蓋熱烈在該討論，𠊎聽著桂花巷過去个故事，還有未來个願景，乜感受著佢等个理想同熱情。 | teˊ jiabˋ haˊ loiˇ ge coˊ tamˇ fi hong，hiongˊ qinˊ goi ngiad lied teˊ ge toˋ lun，ngaiˇ tangˊ doˋ gui faˊ hong go hi ge gu sii，vanˇ iuˊ vi loiˇ ge ngian ginˋ，me gamˋ su doˋ iˇ denˊ ge liˊ xiongˋ tungˇ ngiad qinˇ。 | v9c6p9 | |
| cirn_0905 | 理事長講：「這擺个桂花巷空間改造，感謝大家熱情个參與，無私个奉獻，正會恁順序、恁圓滿！」。 | liˊ sii zongˋ gongˋ：「iaˋ baiˋ ge gui faˊ hong kungˊ gianˊ goiˋ co，gamˋ qia tai gaˊ ngiad qinˇ ge camˊ iˋ，moˇ siiˊ ge fung hian，nang voi anˋ sun xi、anˋ ianˇ manˊ！」。 | v9c6p10 | |
| cirn_0906 | 會後，理事長同𠊎講：「𠊎等愛鄉協進會，成立吔有十五年，當初成立个目的，係為著提供社區民眾過多个休閒活動，考量協會个能力、資源條件，先有兒童直簫班，接等成立婦女合唱團，下後又辦理吔青少年个夏令營、冬令營。 | fi heu，liˊ sii zongˋ tungˇ ngaiˇ gongˋ：「ngaiˇ denˊ oi hiongˊ hiab jin fi，siinˇ lib eˇ iuˊ siib ngˋ ngianˇ，dongˊ cuˊ siinˇ lib ge mugˋ didˋ，he vi doˋ tiˇ giungˊ sa kiˊ minˇ zung go doˊ ge hiuˊ hanˇ fad tung，kauˋ liongˇ hiab fi ge nenˇ lid、ziiˊ ngianˇ tiauˇ kian，xienˊ iuˊ iˇ tungˇ ciid seuˊ banˊ，jiabˋ denˋ siinˇ lib fu ngˋ hab cong tonˇ，ha heu iu pan liˊ eˇ qiangˊ seu ngianˇ ge ha lin iangˇ、dungˊ lin iangˇ。 | v9c6p11 | |
| cirn_0907 | 在理事長、會員同社區人士，出錢出力共下打拚之下，協會个組織緊來緊有規模，這恁多年來，社區軟體、硬體个建設，正式改善蓋多。 | teˊ liˊ sii zongˋ、fi ianˇ tungˇ sa kiˊ nginˇ sii，cudˋ qienˇ cudˋ lid kiung ha daˋ biang ziiˊ ha，hiab fi ge zuˊ ziidˋ ginˋ loiˇ ginˋ iuˊ guiˊ muˇ，iaˋ anˋ doˊ ngianˇ loiˇ，sa kiˊ ngionˊ tiˋ、ngang tiˋ ge gian sadˋ，ziin siidˋ goiˋ san goi doˊ。 | v9c6p12 | |
| cirn_0908 | 聽吔理事長个話，𠊎大概仔了解，社區係大家个，社區个議題需要大家共下來面對、關心、討論同行動。 | tangˊ eˇ liˊ sii zongˋ ge fa，ngaiˇ tai koiˋ eˊ liauˋ giaiˋ，sa kiˊ he tai gaˊ ge，sa kiˊ ge ngi tiˇ xiˊ ieu tai gaˊ kiung ha loiˇ mien dui、guanˊ ximˊ、toˋ lun tungˇ hangˇ tung。 | v9c6p13 | |
| cirn_0909 | 大家還愛互相包容同合作，勞心費力，恁仔正會做來過圓滿。 | tai gaˊ vanˇ oi fu xiongˊ bauˊ iungˇ tungˇ hab zogˋ，loˇ ximˊ fi lid，anˋ eˊ nang voi zo loiˇ go ianˇ manˊ。 | v9c6p14 | |
| cirn_0910 | 在歸屋下个路項，吾心肝肚緊愐，𠊎乜愛為自家个社區盡一份心力。 | teˊ guiˊ lugˋ kaˊ ge lu hong，ngaˊ ximˊ gonˊ duˋ ginˋ menˋ，ngaiˇ me oi vi qid gaˊ ge sa kiˊ qin idˋ fun ximˊ lid。 | v9c6p15 | |
| cirn_0911 | 第七課，恁靚个臺灣。 | ti qidˋ ko，anˋ jiangˊ ge toiˇ vanˊ。 | v9c7p1 | |
| cirn_0912 | 臺灣島就像太平洋脣个一粒珍珠。 | toiˇ vanˊ doˋ qiu qiong tai pinˇ iongˇ sunˇ ge idˋ liab ziinˊ zuˊ。 | v9c7p2 | |
| cirn_0913 | 在這細細个島項，看得著高山、平洋、峽谷、海岸，地形多樣，景致美麗；寒、溫、熱帶林相完整，生態豐富，葡萄牙人同佢安到「福爾摩沙{(Formosa)}」。 | teˊ iaˋ se se ge doˋ hong，kon dedˋ doˋ goˊ sanˊ、piangˇ iongˇ、hiab gugˋ、hoiˋ ngam，ti hinˇ doˊ iong，ginˋ zii miˊ li；honˇ、vunˊ、ngiad dai limˇ xiong vanˇ ziinˋ，senˊ tai fungˊ fu，puˇ toˇ ngaˇ nginˇ tungˇ iˇ onˊ do「fugˋ ni moˇ saˊ {(Formosa)} 」。 | v9c7p3 | |
| cirn_0914 | 自古以來，原住民、客家人、學老人同新住民，在這位安身立命，開枝散葉，相扶相融，產生多元文化。 | cii guˋ iˊ loiˇ，ngianˇ cu minˇ、hagˋ gaˊ nginˇ、hog loˋ nginˇ tungˇ xinˊ cu minˇ，teˊ iaˋ vi onˊ siinˊ lib miang，koiˊ giˊ san iab，xiongˊ fuˇ xiongˊ iungˇ，sanˋ senˊ doˊ ngianˇ vunˇ fa。 | v9c7p4 | |
| cirn_0915 | 陽明山个火山地形、硫磺溫泉，係活生个地質教室；寒天時節，雪霸群峰白雪雪一片；墾丁五彩个海底世界，展現熱帶風情；企在玉山頂，臨風遠眺，所有煩愁都煙消雲散。 | iongˇ minˇ sanˊ ge foˋ sanˊ ti hinˇ、liuˇ vongˇ vunˊ qienˇ，he fad sangˊ ge ti ziidˋ gau siidˋ；honˇ tienˊ siiˇ jiedˋ，xiedˋ ba kiunˇ fungˊ pag xiedˋ xiedˋ idˋ pienˋ；kienˋ denˊ ngˋ caiˋ ge hoiˋ daiˋ sii giai，zanˋ hian ngiad dai fungˊ qinˇ；kiˊ teˊ ngiug sanˊ dangˋ，limˇ fungˊ ianˋ tiau，soˋ iuˊ fanˇ seuˇ duˊ ianˊ seuˊ iunˇ san。 | v9c7p5 | |
| cirn_0916 | 太魯閣峽谷雄偉壯觀、鬼斧神工；阿里山神木插入天穹，日月潭个湖光山色，美景天成，遶尞个遊客弛崗打陣。 | tai luˊ gogˋ hiab gugˋ hiungˇ viˊ zong gonˊ、guiˋ buˋ siinˇ gungˊ；aˊ liˊ sanˊ siinˇ mugˋ cabˋ ngib tienˊ giungˊ，ngidˋ ngiad tamˇ ge fuˇ gongˊ sanˊ sedˋ，miˊ ginˋ tienˊ siinˇ，lauˊ liau ge iuˇ hagˋ ieˇ gongˊ daˋ ciin。 | v9c7p6 | |
| cirn_0917 | 各族原住民跈等大自然个腳步來生活，也透過祭典來表達對天地鬼神个崇敬。 | gogˋ cug ngianˇ cu minˇ tenˇ denˋ tai cii ianˇ ge giogˋ pu loiˇ senˊ fad，ia teu go ji dienˋ loiˇ beuˋ tad dui tienˊ ti guiˋ siinˇ ge cungˇ gin。 | v9c7p7 | |
| cirn_0918 | 蘭嶼雅美族{(Yami)}有「飛魚祭」，佢等相信飛魚係神明个賞賜；賽夏族{(Saisiyat)}有「矮靈祭」，祈求族群和諧；卑南族{(Puyuma)}个「猴祭」，係少年个成年禮儀……。 | lanˇ iˋ ngaˋ miˊ cug {(Yami)} iuˊ「fiˊ ngˇ ji」，iˇ denˊ xiongˊ xin fiˊ ngˇ he siinˇ minˇ ge songˋ su；soi ha cug {(Saisiyat)} iuˊ「aiˋ linˇ ji」，kiˇ kiuˇ cug kiunˇ foˇ haiˇ；biˊ namˇ cug {(Puyuma)} ge「heuˇ ji」，he seu ngianˇ ge siinˇ ngianˇ liˊ ngiˇ……。 | v9c7p8 | |
| cirn_0919 | 這兜傳統祭典展現出原住民豐富个文化內涵。 | iaˋ deuˊ conˇ tungˋ ji dienˋ zanˋ hian cudˋ ngianˇ cu minˇ fungˊ fu ge vunˇ fa nui hamˇ。 | v9c7p9 | |
| cirn_0920 | 行到街路項，大江南北个美食，看著就會流口涎水，一粒粒个新竹貢丸食吔還會尋尾，一圈圈个萬巒豬腳承牙又好食，臺中太陽餅遠近有名，係蓋好个浪想，在北埔石枋路行𤸁吔，食一碗客家擂茶，歸嘴个番豆、麻仔、綠茶香。 | hangˇ do giaiˊ lu hong，tai gongˊ namˇ bedˋ ge miˊ siid，kon doˋ qiu voi liuˇ heuˋ lanˊ suiˋ，idˋ liab liab ge xinˊ zugˋ gung ianˇ siid eˇ vanˇ voi qimˇ miˊ，idˋ kianˊ kianˊ ge van manˇ zuˊ giogˋ siinˇ ngaˇ iu hoˋ siid，toiˇ zungˊ tai iongˇ biangˋ ianˋ kiun iuˊ miangˇ，he goi hoˋ ge nong xiongˋ，teˊ bedˋ puˊ sag biongˊ lu hangˇ kioi eˇ，siid idˋ vonˋ hagˋ gaˊ luiˇ caˇ，guiˊ zoi ge fanˊ teu、maˇ eˋ、liug caˇ hiongˊ。 | v9c7p10 | |
| cirn_0921 | 「蚵仔煎」清甜好味緒、「蝦卷」緊食緊熱嘴、「粢粑仔」又軟又虬，連外國人就食到舐嘴擸鼻！臺灣正經係美食个天堂。 | 「oˇ eˇ jienˊ」qinˊ tiamˇ hoˋ mi xi、「haˇ gianˋ」ginˋ siid ginˋ ngiad zoi、「qiˇ baˊ eˋ」iu ngionˊ iu kiuˇ，lienˇ ngoi guedˋ nginˇ qiu siid do seˊ zoi liabˋ pi！toiˇ vanˊ ziin ginˊ he miˊ siid ge tienˊ tongˇ。 | v9c7p11 | |
| cirn_0922 | 在臺灣逢年過節蓋鬧熱，逐年个正月半，北天燈、中磅龍、南蜂炮、東寒單，還有燈會，來參觀个人掖蔴掖米。 | teˊ toiˇ vanˊ fungˇ ngianˇ go jiedˋ goi nau ngiad，dagˋ ngianˇ ge zangˊ ngiad ban，bedˋ tienˊ denˊ、zungˊ bong liungˇ、namˇ fungˊ pau、dungˊ honˇ danˊ，vanˇ iuˊ denˊ fi，loiˇ camˊ gonˊ ge nginˇ ie maˇ ie miˋ。 | v9c7p12 | |
| cirn_0923 | 正月二十尞天穿，三月迎媽祖，五月划龍船，七月放水燈、搶孤、普渡好兄弟，還有臺灣客家人特有个義民祭，這兜民俗節慶展現出臺灣人敬天愛人个情誼。 | zangˊ ngiad ngi siib liau tienˊ conˊ，samˊ ngiad ngiangˇ maˊ zuˋ，ngˋ ngiad paˇ liungˇ sonˇ，qidˋ ngiad biong suiˋ denˊ、qiongˋ guˊ、puˊ tu hoˋ hiungˊ ti，vanˇ iuˊ toiˇ vanˊ hagˋ gaˊ nginˇ tid iuˊ ge ngi minˇ ji，iaˋ deuˊ minˇ xiug jiedˋ kin zanˋ hian cudˋ toiˇ vanˊ nginˇ gin tienˊ oi nginˇ ge qinˇ ngiˇ。 | v9c7p13 | |
| cirn_0924 | 天弓之美在多色共存，文化之美在多族共榮。 | tienˊ giungˊ ziiˊ miˊ teˊ doˊ sedˋ kiung cunˇ，vunˇ fa ziiˊ miˊ teˊ doˊ cug kiung iungˇ。 | v9c7p14 | |
| cirn_0925 | 臺灣个自然人文，風土民情，各各呈現出自家特有个風情，做得在這垤土地項生活，𠊎等愛珍惜這難得个緣分，儆惜這美麗个寶島。 | toiˇ vanˊ ge cii ianˇ nginˇ vunˇ，fungˊ tuˋ minˇ qinˇ，gogˋ gogˋ ciinˇ hian cudˋ qid gaˊ tid iuˊ ge fungˊ qinˇ，zo dedˋ teˊ iaˋ de tuˋ ti hong senˊ fad，ngaiˇ denˊ oi ziinˊ xidˋ iaˋ nanˇ dedˋ ge ianˇ fun，kiang xiagˋ iaˋ miˊ li ge boˋ doˋ。 | v9c7p15 | |
| cirn_0926 | 五月時節滿山蓬白，行到古道个石碫仔項，油桐花隨風飄舞，像仙女散花，又像該白雪落滿坪，企在樹下，真想大聲喊：臺灣還靚哪！。 | ngˋ ngiad siiˇ jiedˋ manˊ sanˊ pung pag，hangˇ do guˋ to ge sag don eˋ hong，iuˇ tungˇ faˊ suiˇ fungˊ peuˊ vuˋ，qiong xienˊ ngˋ san faˊ，iu qiong ge pag xiedˋ log manˊ piangˇ，kiˊ teˊ su haˊ，ziinˊ xiongˋ tai sangˊ hemˊ：toiˇ vanˊ vanˇ jiangˊ naˊ！。 | v9c7p16 | |
| cirn_0927 | 第八課，萬丈高樓從底起。 | ti badˋ ko，van cong goˊ leuˇ qiungˇ daiˋ hiˋ。 | v9c8p1 | |
| cirn_0928 | 有一日𠊎坐火車愛去高雄，坐啊定著一個五十歲邊仔个男仔人，行到吾位仔面前，佢緊看𠊎，笑笑仔講：。 | iuˊ idˋ ngidˋ ngaiˇ coˊ foˋ caˊ oi hi goˊ hiungˇ，coˊ a tin cog idˋ ge ngˋ siib se bienˊ eˊ ge namˇ eˋ nginˇ，hangˇ do ngaˊ vi eˋ mien qienˇ，iˇ ginˋ kon ngaiˇ，seu seu eˊ gongˋ：。 | v9c8p2 | |
| cirn_0929 | 「失禮！請問你係李增福先生無？」。 | 「siidˋ liˊ！qiangˋ mun ngˇ he liˋ zen fugˋ xinˊ sangˊ moˇ？」。 | v9c8p3 | |
| cirn_0930 | 「係啊！你仰會識𠊎呢？」。 | 「he a！ngˇ ngiongˋ voi siidˋ ngaiˇ noˋ？」。 | v9c8p4 | |
| cirn_0931 | 𠊎臥起頭來，看等這個面烏刻烏刻仔、目珠大大蕊盡有精神、身材又高又砸，著一領灰灰个「夾克」，手項擐等一隻舊款公事包个男仔人，感覺有一息仔熟面，毋過想毋著佢係麼人？。 | ngaiˇ ngo hiˋ teuˇ loiˇ，kon denˋ iaˋ ge mien vuˊ kadˋ vuˊ kadˋ eˊ、mugˋ zuˊ tai tai luiˊ qin iuˊ jinˊ siinˇ、siinˊ coiˇ iu goˊ iu zabˋ，zogˋ idˋ liangˊ foiˊ foiˊ ge「jiamˋ baˋ」，suˋ hong kuan denˋ idˋ zagˋ kiu kuanˋ gungˊ sii bauˊ ge namˇ eˋ nginˇ，gamˋ gogˋ iuˊ idˋ xidˋ eˊ sug mien，mˇ go xiongˋ mˇ doˋ iˇ he maˋ nginˇ？。 | v9c8p5 | |
| cirn_0932 | 「𠊎係阿國仔啦！認𠊎毋識吔吓？頭擺歇在若對門山排項个阿國仔呀！」。 | 「ngaiˇ he aˊ guedˋ eˋ laˋ！ngin ngaiˇ mˇ siidˋ eˇ haˊ？teuˇ baiˋ hed teˊ ngiaˊ dui munˇ sanˊ paiˇ hong ge aˊ guedˋ eˋ aˊ！」。 | v9c8p6 | |
| cirn_0933 | 「嗯……哦！𠊎想著哩！」。 | 「nˊ……oˋ！ngaiˇ xiongˋ doˋ leˊ！」。 | v9c8p7 | |
| cirn_0934 | 佢蓋歡喜个樣仔，續等同𠊎紹介企在脣項个婦人家：。 | iˇ goi fonˊ hiˋ ge iong eˋ，sa denˋ tungˇ ngaiˇ seu giai kiˊ teˊ sunˇ hong ge fu nginˇ gaˊ：。 | v9c8p8 | |
| cirn_0935 | 「這係吾姐仔！𠊎等愛去高雄參加慈善活動。 | 「iaˋ he ngaˊ jiaˋ eˋ！ngaiˇ denˊ oi hi goˊ hiungˇ camˊ gaˊ ciiˇ san fad tung。 | v9c8p9 | |
| cirn_0936 | 「你好！你好！」𠊎看厥姐仔無打無扮，盡老實。 | 「ngˇ hoˋ！ngˇ hoˋ！」ngaiˇ kon giaˊ jiaˋ eˋ moˇ daˋ moˇ ban，qin loˋ siid。 | v9c8p10 | |
| cirn_0937 | 看著這老朋友，心肚實在盡歡喜。 | kon doˋ iaˋ loˋ penˇ iuˊ，ximˊ duˋ siid cai qin fonˊ hiˋ。 | v9c8p11 | |
| cirn_0938 | 「哦！算算啊！有三十零年無看著哩喲！」𠊎愐起𠊎等細鳥仔个時節。 | 「oˋ！son son aˋ！iuˊ samˊ siib langˇ ngianˇ moˇ kon doˋ leˊ ioˊ！」ngaiˇ menˋ hiˋ ngaiˇ denˊ se diauˊ eˋ ge siiˇ jiedˋ。 | v9c8p12 | |
| cirn_0939 | 還細个時節，吾老屋面前有一條細河壩，𠊎每日放學，盡好同老弟跈阿姆去河壩脣搞尞，下把仔還會飆落河壩肚搞水，輒輒搞到歸身仔溚溼，愛阿姆帶嚇帶罵：「你這兜細猴仔，恁毋聽話，凍著，就食竹修仔！遽遽同𠊎䟘起來！」恁仔正肯䟘起來。 | vanˇ se ge siiˇ jiedˋ，ngaˊ loˋ vugˋ mien qienˇ iuˊ idˋ tiauˇ se hoˇ ba，ngaiˇ miˊ ngidˋ biong hog，qin hau tungˇ loˋ taiˊ tenˇ aˊ meˊ hi hoˇ ba siinˇ gauˋ liau，ha baˋ eˊ vanˇ voi beuˊ log hoˇ ba duˋ gauˋ suiˋ，jiab jiab gauˋ do guiˊ siinˊ eˋ dab siibˋ，oi aˊ meˊ dai hagˋ dai ma：「ngˇ iaˋ deuˊ se heuˇ eˋ，anˋ mˇ tangˊ fa，dung doˋ，qiu siid zugˋ xiuˊ eˋ！giagˋ giagˋ tungˇ ngaiˇ hong hiˋ loiˇ！」anˋ eˊ nang henˋ hong hiˋ loiˇ。 | v9c8p13 | |
| cirn_0940 | 阿國仔就係𠊎挼泥毋洗手个好朋友，𠊎等每日在該河壩項共下覓蜆仔、揜蝦公、打水戰。 | aˊ guedˋ eˋ qiu he ngaiˇ noˇ naiˇ mˇ seˋ suˋ ge hoˋ penˇ iuˊ，ngaiˇ denˊ miˊ ngidˋ teˊ ge hoˇ ba hong kiung ha mi hanˋ eˋ、kiebˋ haˇ gungˊ、daˋ suiˋ zan。 | v9c8p14 | |
| cirn_0941 | 這兜細人陣仔个感情盡黏浹。 | iaˋ deuˊ se nginˇ ciin eˋ ge gamˋ qinˇ qin ngiamˇ giabˋ。 | v9c8p15 | |
| cirn_0942 | 𠊎同阿國仔共班共下坐，𠊎知佢座大，有五個老弟老妹。 | ngaiˇ tungˇ aˊ guedˋ eˋ kiung banˊ kiung ha coˊ，ngaiˇ diˊ iˇ co tai，iuˊ ngˋ ge loˋ taiˊ loˋ moi。 | v9c8p16 | |
| cirn_0943 | 厥爺哀做枋模事，每日都愛做到兩頭烏，無閒好料理細人仔，隨在佢天生天養，學校放學，阿國仔就帶等老弟老妹去河壩脣搞到暗，順續仔在河壩項洗身、洗頭那，係有人㖸佢等，每擺佢就恁仔講：「驚麼个！恁仔毋使㧡水、毋使暖水 | giaˊ iaˇ oiˊ zo biongˊ muˇ se，miˊ ngidˋ duˊ oi zo do liongˋ teuˇ vuˊ，moˇ hanˇ hoˋ liau liˊ se nginˇ eˋ，suiˇ cai iˇ tienˊ senˊ tienˊ iongˊ，hog gauˋ biong hog，aˊ guedˋ eˋ qiu dai denˋ loˋ taiˊ loˋ moi hi hoˇ ba siinˇ gauˋ do am，sun sa eˋ teˊ hoˇ ba hong seˋ siinˊ、seˋ teuˇ naˇ，he iuˊ nginˇ nagˋ iˇ denˊ，miˊ baiˋ iˇ qiu anˋ eˊ gongˋ：「giangˊ magˋ ge！anˋ eˊ mˇ siiˋ kaiˊ suiˋ、mˇ siiˋ nonˊ suiˋ。 | v9c8p17 | |
| cirn_0944 | 」見擺𠊎等愛歸該下，阿姆就會順帶吔喊：。 | 」gian baiˋ ngaiˇ denˊ oi guiˊ ge ha，aˊ meˊ qiu voi sun dai eˇ ham：。 | v9c8p18 | |
| cirn_0945 | 「阿國仔！好帶老弟老妹歸哩！會斷烏哩喲！」。 | 「aˊ guedˋ eˋ！hoˋ dai loˋ taiˊ loˋ moi guiˊ leˊ！voi tonˊ vuˊ leˊ ioˊ！」。 | v9c8p19 | |
| cirn_0946 | 有一日个半下晝仔，𠊎等上等課，阿國仔个阿姆緊拚拚仔走入教室，同先生講吔幾句仔話，就大嫲聲喊：。 | iuˊ idˋ ngidˋ ge ban haˊ zu eˊ，ngaiˇ denˊ song denˋ ko，aˊ guedˋ eˋ ge aˊ meˊ ginˋ bia bia eˋ zeuˋ ngib gau siidˋ，tungˇ xinˊ sangˊ gongˋ eˇ giˋ gi eˋ fa，qiu tai maˇ sangˊ hemˊ：。 | v9c8p20 | |
| cirn_0947 | 「阿國仔，遽遽！遽遽！來去看若爸！」。 | 「aˊ guedˋ eˋ，giagˋ giagˋ！giagˋ giagˋ！loiˇ hi kon ngiaˊ baˊ！」。 | v9c8p21 | |
| cirn_0948 | 「愛拿書包無？」。 | 「oi naˊ suˊ bauˊ moˇ？」。 | v9c8p22 | |
| cirn_0949 | 「毋使啦！遽遽！」。 | 「mˇ siiˋ laˋ！giagˋ giagˋ！」。 | v9c8p23 | |
| cirn_0950 | 背尾，連幾下日阿國仔个位仔空空，班項大家就問東問西。 | boi miˊ，lienˇ giˋ haˊ ngidˋ aˊ guedˋ eˋ ge vi eˋ kungˊ kungˊ，banˊ hong tai gaˊ qiu mun dungˊ mun xiˊ。 | v9c8p24 | |
| cirn_0951 | 一禮拜後，先生正講：。 | idˋ liˊ bai heu，xinˊ sangˊ nang gongˋ：。 | v9c8p25 | |
| cirn_0952 | 「阿國仔个阿爸在工地出事情過身吔，佢係來讀書該下，你等大家愛多安慰佢！」。 | 「aˊ guedˋ eˋ ge aˊ baˊ teˊ gungˊ ti cudˋ sii qinˇ go siinˊ eˇ，iˇ he loiˇ tug suˊ ge ha，ngˇ denˊ tai gaˊ oi doˊ onˊ viˋ iˇ！」。 | v9c8p26 | |
| cirn_0953 | 五年生該下，有一朝晨𠊎看著阿國仔个兩粒目珠紅紅，又腫到桃仔樣仔，𠊎問佢：。 | ngˋ ngianˇ senˊ ge ha，iuˊ idˋ zeuˊ siinˇ ngaiˇ kon doˋ aˊ guedˋ eˋ ge liongˋ liab mugˋ zuˊ fungˇ fungˇ，iu zungˋ do toˇ eˋ iong eˋ，ngaiˇ mun iˇ：。 | v9c8p27 | |
| cirn_0954 | 「發生麼个事呢？」。 | 「fadˋ senˊ magˋ ge sii noˋ？」。 | v9c8p28 | |
| cirn_0955 | 「吾姆人毋好蓋傷當吔！」佢喉嗹頭硬硬，目汁含等。 | 「ngaˊ meˊ nginˇ mˇ hoˋ goi songˊ dong eˇ！」iˇ heuˇ lienˇ teuˇ ngang ngang，mugˋ ziibˋ hemˇ denˋ。 | v9c8p29 | |
| cirn_0956 | 歸屋過後，𠊎同阿姆講起這件事情，阿姆緊道嘆：「恁衰過！仰會恁衰過！佢實在就忒過操勞！」。 | guiˊ vugˋ go heu，ngaiˇ tungˇ aˊ meˊ gongˋ hiˋ iaˋ kian sii qinˇ，aˊ meˊ ginˋ to tan：「anˋ coiˊ go！ngiongˋ voi anˋ coiˊ go！iˇ siid cai qiu tedˋ go cauˊ loˇ！」。 | v9c8p30 | |
| cirn_0957 | 過無幾久仔，阿國仔个阿姆乜過身吔。 | go moˇ giˋ giuˋ eˊ，aˊ guedˋ eˋ ge aˊ meˊ me go siinˊ eˇ。 | v9c8p31 | |
| cirn_0958 | 有一下晝，阿姆喊𠊎：。 | iuˊ idˋ haˊ zu，aˊ meˊ hemˊ ngaiˇ：。 | v9c8p32 | |
| cirn_0959 | 「阿福仔，當晝過後，你同老弟扛一袋米去阿國仔个屋下。 | 「aˊ fugˋ eˋ，dongˊ zu go heu，ngˇ tungˇ loˋ taiˊ gongˊ idˋ toi miˋ hi aˊ guedˋ eˋ ge lugˋ kaˊ。 | v9c8p33 | |
| cirn_0960 | 睡當晝過，𠊎同老弟扛到氣哩呼嚕，正行到阿國仔該間在山排項个屋下。 | soi dongˊ zu go，ngaiˇ tungˇ loˋ taiˊ gongˊ do hi li fu lu，nang hangˇ do aˊ guedˋ eˋ ge gianˊ teˊ sanˊ paiˇ hong ge lugˋ kaˊ。 | v9c8p34 | |
| cirn_0961 | 該下佢歇个還係無灶下、無廳下个茅仔屋。 | ge ha iˇ hed ge vanˇ he moˇ zo haˊ、moˇ tangˊ haˊ ge mauˇ eˋ vugˋ。 | v9c8p35 | |
| cirn_0962 | 𠊎看著阿國仔个阿婆跍在屋簷下煮飯，飯盆頭肚無放幾多米，米略略仔烏黔烏黔。 | ngaiˇ kon doˋ aˊ guedˋ eˋ ge aˊ poˇ guˊ teˊ vugˋ iamˇ haˊ zuˋ fan，fan punˇ teuˇ duˋ moˇ biong idˋ doˊ miˋ，miˋ liog liog eˊ vuˊ himˇ vuˊ himˇ。 | v9c8p36 | |
| cirn_0963 | 阿國仔个老弟老妹著到爛爛擐擐，邋邋埃埃，胲哊哊仔企在飯盆頭脣項等飯食。 | aˊ guedˋ eˋ ge loˋ taiˊ loˋ moi zogˋ do lan lan kuan kuan，lab lab ngai ngai，goiˊ iogˋ iogˋ eˊ kiˊ teˊ fan punˇ teuˇ sunˇ hong denˋ fan siid。 | v9c8p37 | |
| cirn_0964 | 阿國仔个阿婆知著𠊎等來，盡歡喜，緊喊厥孫仔：。 | aˊ guedˋ eˋ ge aˊ poˇ diˊ doˋ ngaiˇ denˊ loiˇ，qin fonˊ hiˋ，ginˋ hemˊ giaˊ sunˊ eˋ：。 | v9c8p38 | |
| cirn_0965 | 「兜矮凳仔分佢兩兄弟坐啊！」。 | 「deuˊ aiˋ den eˋ bunˊ iˇ liongˋ hiungˊ ti coˊ a！」。 | v9c8p39 | |
| cirn_0966 | 「阿婆你做你無閒，𠊎自家會尋地方坐。 | 「aˊ poˇ ngˇ zo ngˇ moˇ hanˇ，ngaiˇ qid gaˊ voi qimˇ ti fongˊ coˊ。 | v9c8p40 | |
| cirn_0967 | 該下阿國仔六個兄弟姐妹，係全靠目瞨个阿婆渡等過日仔，難怪厥飯兜仔个飯菜總係臭火𤊶。 | ge ha aˊ guedˋ eˋ liugˋ ge hiungˊ ti jiˋ moi，he qionˇ ko mugˋ puˋ ge aˊ poˇ tu denˋ go ngidˋ eˋ，nanˇ guai giaˊ fan deuˊ eˋ ge fan coi zungˋ he cu foˋ ladˋ。 | v9c8p41 | |
| cirn_0968 | 有時節，先生會恬恬仔同𠊎講：。 | iuˊ siiˇ jiedˋ，xinˊ sangˊ voi diamˊ diamˊ eˊ tungˇ ngaiˇ gongˋ：。 | v9c8p42 | |
| cirn_0969 | 「這包東西，等下放學時在路項正拿分阿國仔，莫分別個同學看著！」。 | 「iaˋ bauˊ dungˊ xiˊ，denˋ ha biong hog siiˇ teˊ lu hong nang naˊ bunˊ aˊ guedˋ eˋ，mog bunˊ ped ge tungˇ hog kon doˋ！」。 | v9c8p43 | |
| cirn_0970 | 日仔就在射樹奶仔、打擗仔、打它瑪同讀書寫作業當中，一日過一日，毋多知仔𠊎等就六年生哩！毋過開學幾下日吔，還無看著阿國仔來上課；幾日後，先生同全班同學講：。 | ngidˋ eˋ qiu teˊ sa su nen eˋ、daˋ biag eˋ、daˋ ta maˋ tungˇ tug suˊ xiaˋ zogˋ ngiab dongˊ zungˊ，idˋ ngidˋ go idˋ ngidˋ，mˇ doˊ diˊ eˊ ngaiˇ denˊ qiu liugˋ ngianˇ senˊ leˊ！mˇ go koiˊ hog giˋ haˊ ngidˋ eˇ，vanˇ moˇ kon doˋ aˊ guedˋ eˋ loiˇ song ko；giˋ ngidˋ heu，xinˊ sangˊ tungˇ qionˇ banˊ tungˇ hog gongˋ：。 | v9c8p44 | |
| cirn_0971 | 「因為阿國仔个阿婆過身吔，厥屋下六個細人仔全都送到新竹个孤兒院吔。 | 「inˊ vi aˊ guedˋ eˋ ge aˊ poˇ go siinˊ eˇ，giaˊ lugˋ kaˊ liugˋ ge se nginˇ eˋ qionˇ duˊ sung do xinˊ zugˋ ge guˊ iˇ ian eˇ。 | v9c8p45 | |
| cirn_0972 | 過吔一隻月，𠊎等收著一封阿國仔寫个信仔，佢講佢等過著盡好，有機會想歸來看先生、同學大家；毋過，淨收著這封定定，下後就無消無息。 | go eˇ idˋ zagˋ ngiad，ngaiˇ denˊ suˊ doˋ idˋ fungˊ aˊ guedˋ eˋ xiaˋ ge xin eˋ，iˇ gongˋ iˇ denˊ go doˋ qin hoˋ，iuˊ giˊ fi xiongˋ guiˊ loiˇ kon xinˊ sangˊ、tungˇ hog tai gaˊ；mˇ go，qiang suˊ doˋ iaˋ fungˊ tin tin，ha heu qiu moˇ seuˊ moˇ xidˋ。 | v9c8p46 | |
| cirn_0973 | 時間過到盡遽，一𥍉目大家都大吔！見擺放年假開同學會，總會講著還細个時節，大家撩手弄腳、逐上逐下个事情，乜輒輒會念著阿國仔。 | siiˇ gianˊ go do qin giagˋ，idˋ ngiabˋ mugˋ tai gaˊ duˊ tai eˇ！gian baiˋ biong ngianˇ gaˋ koiˊ tungˇ hog fi，zungˋ voi gongˋ doˋ vanˇ se ge siiˇ jiedˋ，tai gaˊ liauˇ suˋ nung giogˋ、giugˋ songˊ giugˋ haˊ ge sii qinˇ，me jiab jiab voi ngiam doˋ aˊ guedˋ eˋ。 | v9c8p47 | |
| cirn_0974 | 現下企在吾位仔脣个係三十零年無見面个朋友，𠊎遽遽問佢：。 | hian ha kiˊ teˊ ngaˊ vi eˋ sunˇ ge he samˊ siib langˇ ngianˇ moˇ gian mien ge penˇ iuˊ，ngaiˇ giagˋ giagˋ mun iˇ：。 | v9c8p48 | |
| cirn_0975 | 「恁久無見著哩喲！過著仰仔？」。 | 「anˋ giuˋ moˇ gian doˋ leˊ ioˊ！go doˋ ngiongˋ eˇ？」。 | v9c8p49 | |
| cirn_0976 | 「還做得啦！」。 | 「vanˇ zo dedˋ laˋ！」。 | v9c8p50 | |
| cirn_0977 | 「該年你去新竹，收著你一封信仔過後，就無聯絡吔。 | 「ge ngianˇ ngˇ hi xinˊ zugˋ，suˊ doˋ ngˇ idˋ fungˊ xin eˋ go heu，qiu moˇ lienˇ log eˇ。 | v9c8p51 | |
| cirn_0978 | 佢敨一下大氣，「嗯……講著話就長……」。 | iˇ teuˋ idˋ ha tai hi，「nˇ……gongˋ doˋ fa qiu congˇ……」。 | v9c8p52 | |
| cirn_0979 | 佢坐下來，柔柔仔講起恁多年來打拚个過程：「國中畢業𠊎就無再過讀書，孤兒院个院長紹介𠊎去學泥水。 | iˇ coˊ haˊ loiˇ，iuˇ iuˇ eˊ gongˋ hiˋ anˋ doˊ ngianˇ loiˇ daˋ bia ge go cangˇ：「guedˋ zungˊ bidˋ ngiab ngaiˇ qiu moˇ zai go tug suˊ，guˊ iˇ ian ge ian zongˋ seu giai ngaiˇ hi hog naiˇ suiˋ。 | v9c8p53 | |
| cirn_0980 | 頭家人盡好乜蓋惜𠊎，毋過做泥水蓋粗謙，毋單止愛攀籬吊架，又愛在烈烈个日頭下晒日晒夜。 | teuˇ gaˊ nginˇ qin hoˋ me goi xiagˋ ngaiˇ，mˇ go zo naiˇ suiˋ goi cuˊ kiamˊ，mˇ danˊ ziiˋ oi panˊ liˇ diau ga，iu oi teˊ ladˋ ladˋ ge ngidˋ teuˇ haˊ sai ngidˋ sai ia。 | v9c8p54 | |
| cirn_0981 | 每日朝晨七點就出門，跈等師傅做小工，揹紅毛泥、鍬灰、舀灰，事場大細事頭都愛做，做到腰拑背吊，趕事時節做到半夜，乜毋敢呻。 | miˊ ngidˋ zeuˊ siinˇ qidˋ diamˋ qiu cudˋ munˇ，tenˇ denˋ siiˊ fu zo seuˋ gungˊ，baˇ fungˇ moˊ naiˇ、qiauˊ foiˊ、ieuˋ foiˊ，se congˇ tai se se teuˇ duˊ oi zo，zo do ieuˊ kiamˇ boi diau，gonˋ se siiˇ jiedˋ zo do ban ia，me mˇ gamˋ cenˊ。 | v9c8p55 | |
| cirn_0982 | 下後，師傅漸漸仔正教𠊎學結磚仔、粉壁、打地底、貼缶仔這兜事，還教𠊎愛仰仔巡水電管線，做屋个要領，師傅一項一項仔倒訣分𠊎。 | ha heu，siiˊ fu qiam qiam eˊ nang gauˊ ngaiˇ hog giadˋ zonˊ eˋ、funˋ biagˋ、daˋ ti daiˋ、diabˋ fiˇ eˋ iaˋ deuˊ se，vanˇ gauˊ ngaiˇ oi ngiongˋ eˇ sunˇ suiˋ tien gonˋ xien，zo vugˋ ge ieu liangˋ，siiˊ fu idˋ hong idˋ hong eˋ doˋ giadˋ bunˊ ngaiˇ。 | v9c8p56 | |
| cirn_0983 | 出師以後，𠊎本本留在師傅該位𢯭手幾下年，做到佢放核無做，正自家出去尋頭路。 | cudˋ siiˊ iˊ heu，ngaiˇ bunˋ bunˋ liuˇ teˊ siiˊ fu ge vi ten suˋ giˋ haˊ ngianˇ，zo do iˇ biong hedˋ moˇ zo，nang qid gaˊ cudˋ hi qimˇ teuˇ lu。 | v9c8p57 | |
| cirn_0984 | 頭幾年先同人做，大家看𠊎盡有信用，漸漸仔人面就打開吔，下後正有領兜細工程來做，也正有長兜仔錢。 | teuˇ giˋ ngianˇ xienˊ tungˇ nginˇ zo，tai gaˊ kon ngaiˇ qin iuˊ xin iung，qiam qiam eˊ nginˇ mien qiu daˋ koiˊ eˇ，ha heu nang iuˊ liangˊ deuˊ se gungˊ cangˇ loiˇ zo，iaˊ nang iuˊ diongˇ deuˊ eˊ qienˇ。 | v9c8p58 | |
| cirn_0985 | 討姐仔過後，吾妻舅仔提議：。 | toˋ jiaˋ eˋ go heu，ngaˊ qiˊ kiuˊ eˋ tiˇ ngi：。 | v9c8p59 | |
| cirn_0986 | 『吾朋友有一塊地愛賣，𠊎等來去同佢參詳看啊。 | 『ngaˊ penˇ iuˊ iuˊ idˋ kuai ti oi mai，ngaiˇ denˊ loiˇ hi tungˇ iˇ camˊ xiongˇ kon aˋ。 | v9c8p60 | |
| cirn_0987 | 就恁樣起勢，𠊎同妻舅仔共下尋地主合建販仔屋，初滿正起三、五間仔定定，毋過，屋仔一做好，無幾久就賣淨淨哩！連外地人就相爭來買，故所又陸陸續續推出幾下批建案。 | qiu anˋ ngiongˇ hiˋ sii，ngaiˇ tungˇ qiˊ kiuˊ eˋ kiung ha qimˇ ti zuˋ hab gian fan eˋ vugˋ，cuˊ manˊ nang hiˋ samˊ、ngˋ gianˊ eˊ tin tin，mˇ go，vugˋ eˋ idˋ zo hoˋ，moˇ idˋ giuˋ qiu mai qiang qiang leˊ！lienˇ ngoi ti nginˇ qiu xiongˊ zangˊ loiˇ maiˊ，gu soˋ iu liug liug xiug xiug tuiˊ cudˋ giˋ haˊ piˊ gian on。 | v9c8p61 | |
| cirn_0988 | 阿國仔在衫袋仔項拿出一張名片分𠊎，名片頂項印等：國宏建設公司董事長、國宏慈善基金會董事長，𠊎看著名片笑笑仔同佢講：「登真哦！原來你毋單止係大頭家，還恁有心做慈善事業！」。 | aˊ guedˋ eˋ teˊ samˊ toi eˋ hong naˊ cudˋ idˋ zongˊ miangˇ pienˋ bunˊ ngaiˇ，miangˇ pienˋ dangˋ hong in denˋ：guedˋ fenˇ gian sadˋ gungˊ siiˊ dungˋ sii zongˋ、guedˋ fenˇ ciiˇ san giˊ gimˊ fi dungˋ sii zongˋ，ngaiˇ kon doˋ miangˇ pienˋ seu seu eˊ tungˇ iˇ gongˋ：「denˊ ziinˊ oˋ！ngianˇ loiˇ ngˇ mˇ danˊ ziiˋ he tai teuˇ gaˊ，vanˇ anˋ iuˊ ximˊ zo ciiˇ san sii ngiab！」。 | v9c8p62 | |
| cirn_0989 | 「該無麼个啦！就加減做兜仔定定！」。 | 「ge moˇ maˋ ge laˋ！qiu gaˊ gamˋ zo deuˊ eˊ tin tin！」。 | v9c8p63 | |
| cirn_0990 | 阿國仔續等講：「這下𠊎毋使親身下事場，有閒就到基金會𢯭手，毋過每日還係會到工地看事頭事尾。 | aˊ guedˋ eˋ sa denˋ gongˋ：「iaˋ ha ngaiˇ mˇ siiˋ qinˊ siinˊ haˊ se congˇ，iuˊ hanˇ qiu do giˊ gimˊ fi ten suˋ，mˇ go miˊ ngidˋ vanˇ he voi do gungˊ ti kon se teuˇ se miˊ。 | v9c8p64 | |
| cirn_0991 | 𠊎這下有兜仔細細个成就，就係不時想著吾婆講个話，『萬丈高樓從底起，英雄毋驚出身低』，『愛立志，毋好驚苦，煞猛總會出頭天。 | ngaiˇ iaˋ ha iuˊ deuˊ eˋ se se ge siinˇ qiu，qiu he budˋ siiˇ xiongˋ doˋ ngaˊ poˇ gongˋ ge fa，『van cong goˊ leuˇ qiungˇ daiˋ hiˋ，inˊ hiungˇ mˇ giangˊ cudˋ siinˊ daiˊ』，『oi lib zii，mˇ hoˋ giangˊ kuˋ，sadˋ mangˊ zungˋ voi cudˋ teuˇ tienˊ。 | v9c8p65 | |
| cirn_0992 | 阿國仔講到這，火車堵好到站，𠊎等就共下下車。 | aˊ guedˋ eˋ gongˋ do iaˋ，foˋ caˊ duˋ hoˋ do zam，ngaiˇ denˊ qiu kiung ha haˊ caˊ。 | v9c8p66 | |
| cirn_0993 | 𠊎心肚還在該愐等阿國仔个阿婆講个話，一轉身，佢兩公婆个身影消失在人群中……。 | ngaiˇ ximˊ duˋ vanˇ teˊ geˋ menˋ denˋ aˊ guedˋ eˋ ge aˊ poˇ gongˋ ge fa，idˋ zonˋ siinˊ，iˇ liongˋ gungˊ poˇ ge siinˊ iangˋ seuˊ siidˋ teˊ nginˇ kiunˇ zungˊ……。 | v9c8p67 | |
| cirn_0994 | 第九課，樂觀自信个人生觀。 | ti giuˋ ko，log gonˊ cii xin ge nginˇ senˊ gonˊ。 | v9c9p1 | |
| cirn_0995 | 世間人百百種，有人銜等金調羹出世，有人一落泥就少這缺該。 | sii gianˊ nginˇ bagˋ bagˋ zungˋ，iuˊ nginˇ hamˇ denˋ gimˊ tiauˇ gangˊ cudˋ se，iuˊ nginˇ idˋ log naiˇ qiu seuˋ iaˋ kiadˋ ge。 | v9c9p2 | |
| cirn_0996 | 人講一枝草一點露，每一個人總有一條路好行。 | nginˇ gongˋ idˋ giˊ coˋ idˋ diamˋ lu，miˊ idˋ ge nginˇ zungˋ iuˊ idˋ tiauˇ lu hoˋ hangˇ。 | v9c9p3 | |
| cirn_0997 | 瑞典有一個細阿妹仔，一出世就無兩枝手，加上左腳係右腳个一半長，毋過從細爺哀就同佢準正常人看，教佢愛仰仔面對困難、適應生活，發揮自家个長處，用樂觀个態度來面對人生，佢就係蓮娜‧瑪麗亞{(LenaMaria)}。 | sui dienˋ iuˊ idˋ ge se aˊ moi eˋ，idˋ cudˋ se qiu moˇ liongˋ giˊ suˋ，gaˊ song zoˋ giogˋ he iu giogˋ ge idˋ ban congˇ，mˇ go qiungˇ se iaˇ oiˊ qiu tungˇ iˇ zunˋ ziin songˇ nginˇ kon，gauˊ iˇ oi ngiongˋ eˇ mien dui kun nanˇ、siidˋ in senˊ fad，fadˋ fiˊ qid gaˊ ge congˇ cu，iung log gonˊ ge tai tu loiˇ mien dui nginˇ senˊ，iˇ qiu he lienˇ naˋ‧maˊ liˇ aˋ{(LenaMaria)}。 | v9c9p4 | |
| cirn_0998 | 蓮娜三歲該時節，厥爸教佢學泅水，該年佢第一擺鬥假腳，正開始學行路，輒輒橫到四腳惹天，頭疤面疤，毋過想著自家一息一息仔進步，就蓋暢。 | lienˇ naˋ samˊ se ge siiˇ jiedˋ，giaˊ baˊ gauˊ iˇ hog qiuˇ suiˋ，ge ngianˇ iˇ ti idˋ baiˋ deu gaˋ giogˋ，nang koiˊ siiˋ hog hangˇ lu，jiab jiab vang do xi giogˋ ngia tienˊ，teuˇ baˊ mien baˊ，mˇ go xiongˋ doˋ qid gaˊ idˋ xidˋ idˋ xid eˊ jin pu，qiu goi tiong。 | v9c9p5 | |
| cirn_0999 | 四歲，厥姆教佢用腳繡花；中學个時節，自家攣吔第一領洋裝；去游泳池泅水，脫衫、換衫盡困難，佢就用壁項个勾仔來幫𢯭，同學看佢恁岐嶷，蓋欽服佢。 | xi se，giaˊ meˊ gauˊ iˇ iung giogˋ xiu faˊ；zungˊ hog ge siiˇ jiedˋ，qid gaˊ lionˇ eˇ ti idˋ liangˊ iongˇ zongˊ；hi iuˇ iunˋ ciiˇ qiuˇ suiˋ，todˋ samˊ、von samˊ qin kun nanˇ，iˇ qiu iung biagˋ hong ge gieuˊ eˋ loiˇ bongˊ ten，tungˇ hog kon iˇ anˋ kiaˊ ngiaˋ，goi kimˊ fug iˇ。 | v9c9p6 | |
| cirn_1000 | 蓮娜蓋增志，從細就體會著「四兩病痛無人代」个道理，總係用樂觀自信个態度，去面對各種問題。 | lienˇ naˋ goi zen zii，qiungˇ se qiu tiˋ fi doˋ「xi liongˇ piang tung moˇ nginˇ toi」ge to liˊ，zungˋ he iung log gonˊ cii xin ge tai tu，hi mien dui gogˋ zungˋ mun tiˇ。 | v9c9p7 | |
| cirn_1001 | 十八歲參加世界泅水比賽，破世界紀錄，得著幾下面金牌；十九歲拿著駕駛執照；讀大學該下專攻音樂，下後成為世界出名个歌唱家。 | siib badˋ se camˊ gaˊ sii giai qiuˇ suiˋ biˋ soi，po sii giai gi liug，dedˋ doˋ giˋ haˊ mien gimˊ paiˇ；siib giuˋ se naˊ doˋ ga siiˋ ziibˋ zeu；tug tai hog ge ha zonˊ gungˊ imˊ ngog，ha heu siinˇ viˇ sii giai cudˋ miangˇ ge goˊ cong gaˊ。 | v9c9p8 | |
| cirn_1002 | 後來，佢不時去各國演講，將精采个人生經驗同大家分享。 | heu loiˇ，iˇ budˋ siiˇ hi gogˋ guedˋ ianˊ gongˋ，jiongˊ jinˊ caiˋ ge nginˇ senˊ ginˊ ngiam tungˇ tai gaˊ funˊ hiongˋ。 | v9c9p9 | |
| cirn_1003 | 𠊎等臺灣乜有一個樂觀自信个陳樹菊，佢係在市場賣菜个婦人家。 | ngaiˇ denˊ toiˇ vanˊ me iuˊ idˋ ge log gonˊ cii xin ge ciinˇ su kiugˋ，iˇ he teˊ sii congˇ mai coi ge fu nginˇ gaˊ。 | v9c9p10 | |
| cirn_1004 | 佢十三歲該年，阿姆就過身，為著𢯭㧡屋下个擔頭，無再過讀書，在市場項賣菜，一賣就賣吔五十年。 | iˇ siib samˊ se ge ngianˇ，aˊ meˊ qiu go siinˊ，vi doˋ ten kaiˊ lugˋ kaˊ ge damˊ teuˇ，moˇ zai go tug suˊ，teˊ sii congˇ hong mai coi，idˋ mai qiu mai eˇ ngˋ siib ngianˇ。 | v9c9p11 | |
| cirn_1005 | 平常蓋省，輒常一日正食一餐，就恁仔五個銀、十個銀，緊攝緊攝，長著有錢就拿來做善事，認養孤兒，捐錢起圖書館，無就代窮苦个學生仔繳學費。 | pinˇ songˇ goi sangˋ，jiab songˇ idˋ ngidˋ nang siid idˋ conˊ，qiu anˋ eˊ ngˋ ge ngiunˇ、siib ge ngiunˇ，ginˋ ngiabˋ ginˋ ngiabˋ，diongˇ doˋ iuˊ qienˇ qiu naˊ loiˇ zo san sii，ngin iongˊ guˊ iˇ，gianˊ qienˇ hiˋ tuˇ suˊ gonˋ，moˇ qiu toi kiungˇ kuˋ ge hog sangˊ eˋ gieuˋ hog fi。 | v9c9p12 | |
| cirn_1006 | {2010}年入選《富比士雜誌》亞洲慈善英雄人物，記者去訪問，佢淡淡仔講：「這無麼个啦！錢，愛分需要个人正有用，辛苦賺錢就係希望有一日做得幫助別人。 | {ngi langˇ idˋ langˇ} ngianˇ ngib xienˋ《fu biˋ sii cab zii》aˋ zuˊ ciiˇ san inˊ hiungˇ nginˇ vud，gi zaˋ hi fongˋ mun，iˇ tam tam eˊ gongˋ：「iaˋ moˇ maˋ ge laˋ！qienˇ，oi bunˊ xiˊ ieu ge nginˇ nang iuˊ iung，xinˊ kuˋ con qienˇ qiu he hiˊ mong iuˊ idˋ ngidˋ zo dedˋ bongˊ cu ped nginˇ。 | v9c9p13 | |
| cirn_1007 | 你毋了解，人苦到扡壁个時節，係有人幫𢯭一下，會有幾感心仔！」陳樹菊從來毋會怨嘆命歪，也毋識為自家設想，一生人為別人來奉獻，佢試著有能力同人𢯭手，係一件盡快樂个事情。 | ngˇ mˇ liauˋ giaiˋ，nginˇ kuˋ do iaˋ biagˋ ge siiˇ jiedˋ，he iuˊ nginˇ bongˊ ten idˋ ha，voi iuˊ idˋ gamˋ ximˊ eˊ！」ciinˇ su kiugˋ qiungˇ loiˇ mˇ voi ian tan miang vaiˊ，ia mˇ siidˋ vi qid gaˊ sadˋ xiongˋ，idˋ senˊ nginˇ vi ped nginˇ loiˇ fung hian，iˇ cii doˋ iuˊ nenˇ lid tungˇ nginˇ ten suˋ，he idˋ kian qin kuai log ge sii qinˇ。 | v9c9p14 | |
| cirn_1008 | 厥个生活簡單、想法樂觀、相信自家，設定目標後，一步一腳跡，恬恬仔做。 | giaˊ ge senˊ fad gianˋ danˊ、xiongˋ fabˋ log gonˊ、xiongˊ xin qid gaˊ，sadˋ tin mugˋ peuˊ heu，idˋ pu idˋ giogˋ jiagˋ，diamˊ diamˊ eˊzo。 | v9c9p15 | |
| cirn_1009 | 人無千日好，花無百日紅，人个一生，有時星光，有時月光，樂觀个人堵到困難，曉得轉一个彎，會看著無共樣个風景。 | nginˇ moˇ qienˊ ngidˋ hoˋ，faˊ moˇ bagˋ ngidˋ fungˇ，nginˇ ge idˋ senˊ，iuˊ siiˇ senˊ gongˊ，iuˊ siiˇ ngiad gongˊ，log gonˊ ge nginˇ duˇ doˋ kun nanˇ，hiauˋ dedˋ zonˋ idˋ ge vanˊ，voi kon doˋ moˇ kiung iong ge fungˊ ginˋ。 | v9c9p16 | |
| cirn_1010 | 毋驚運毋來，就驚無真才，肯問就有路，肯行就有步，用樂觀、自信行出自家个一片天。 | mˇ giangˊ iun mˇ loiˇ，qiu giangˊ moˇ ziinˊ coiˇ，henˋ mun qiu iuˊ lu，henˋ hangˇ qiu iuˊ pu，iung log gonˊ、cii xin hangˇ cudˋ qid gaˊ ge idˋ pienˋ tienˊ。 | v9c9p17 | |
| cirn_1011 | 第十課，𠊎个生涯規劃。 | ti siib ko，ngaiˇ ge senˊ ngaiˇ guiˊ vag。 | v9c10p1 | |
| cirn_1012 | 加一駁仔，𠊎就愛國中畢業吔，這下个心情就像老鼠跌落米缸肚，一重歡喜一重愁。 | gaˊ idˋ bogˋ eˊ，ngaiˇ qiu oi guedˋ zungˊ bidˋ ngiab eˇ，iaˋ ha ge ximˊ qinˇ qiu qiong no cuˋ diedˋ log miˋ gongˊ duˋ，idˋ cungˇ fonˊ hiˋ idˋ cungˇ seuˇ。 | v9c10p2 | |
| cirn_1013 | 歡喜个係愛畢業，準備行入另外一個階段；愁个係毋知愛讀仰仔个學校。 | fonˊ hiˋ ge he oi bidˋ ngiab，zunˋ pi hangˇ ngib nang ngoi idˋ ge giaiˊ ton；seuˇ ge he mˇ diˊ oi tug ngiongˋ eˇ ge hog gauˋ。 | v9c10p3 | |
| cirn_1014 | 好得這段時間，學校辦吔一系列生涯規劃个活動，對𠊎有盡大个幫助。 | hoˋ dedˋ iaˋ ton siiˇ gianˊ，hog gauˋ pan eˇ idˋ ne lied senˊ ngaiˇ guiˊ vag ge fad tung，dui ngaiˇ iuˊ qin tai ge bongˊ cu。 | v9c10p4 | |
| cirn_1015 | 原本𠊎對自家个生涯規劃，總係無主無意。 | ngianˇ bunˋ ngaiˇ dui qid gaˊ ge senˊ ngaiˇ guiˊ vag，zungˋ he moˇ zuˋ moˇ i。 | v9c10p5 | |
| cirn_1016 | 從細阿爸就對𠊎講：「愛認真讀書，日後正有機會坐橫桌、拿直筆。 | qiungˇ se aˊ baˊ qiu dui ngaiˇ gongˋ：「oi ngin ziinˊ tug suˊ，ngidˋ heu nang iuˊ giˊ fi coˊ vangˇ zogˋ、naˊ ciid bidˋ。 | v9c10p6 | |
| cirn_1017 | 𠊎斯無讀著書，正會一生人揢泥卵仔、拿勾筆。 | ngaiˇ siiˊ moˇ tug doˋ suˊ，nang voi idˋ senˊ nginˇ kag naiˇ lonˋ eˋ、naˊ gieuˊ bidˋ。 | v9c10p7 | |
| cirn_1018 | 」故所一路里來，𠊎就聽吾爸个話，煞猛讀書。 | 」gu soˋ idˋ lu liˊ loiˇ，ngaiˇ qiu tangˊ ngaˊ baˊ ge fa，sadˋ mangˊ tug suˊ。 | v9c10p8 | |
| cirn_1019 | 在聽吔「成功者个故事」演講過後，𠊎開始有自家个想法，原來愛成功毋單淨靠讀書定定，還愛曉得思考、做正確个選擇，用積極个態度來面對問題。 | teˊ tangˊ eˇ「siinˇ gungˊ zaˋ ge gu sii」ianˊ gongˋ go heu，ngaiˇ koiˊ siiˋ iuˊ qid gaˊ ge xiongˋ fabˋ，ngianˇ loiˇ oi siinˇ gungˊ mˇ danˊ qiang ko tug suˊ tin tin，vanˇ oi hiauˋ dedˋ siiˊ kauˋ、zo ziin kogˋ ge xienˋ ced，iung jidˋ kid ge tai tu loiˇ mien dui mun tiˇ。 | v9c10p9 | |
| cirn_1020 | 演講內容講著有一個老先生，從細愛𢯭手做田事，知得耕種个辛苦，就立志改善屋下人个生活。 | ianˊ gongˋ nui iungˇ gongˋ doˋ iuˊ idˋ ge loˋ xinˊ sangˊ，qiungˇ se oi ten suˋ zo tienˇ se，diˊ dedˋ gangˊ zung ge xinˊ kuˋ，qiu lib zii goiˋ san lugˋ kaˊ nginˇ ge senˊ fad。 | v9c10p10 | |
| cirn_1021 | 佢十五歲出外打拚，見做麼个就蓋煞手，認真學習，正學著做生理、做大頭路个本事。 | iˇ siib ngˋ se cudˋ ngoi daˋ bia，gian zo maˋ ge qiu goi sadˋ suˋ，ngin ziinˊ hog xib，nang hog doˋ zo senˊ liˊ、zo tai teuˇ lu ge bunˋ sii。 | v9c10p11 | |
| cirn_1022 | 下後，佢結婚降子，有吔美滿个生活後，就想著愛回饋社會，出錢出力，做吔盡多蓋有意義个事情。 | ha heu，iˇ giadˋ funˊ giung ziiˋ，iuˊ eˇ miˊ manˊ ge senˊ fad heu，qiu xiongˋ doˋ oi fiˇ kui sa fi，cudˋ qienˇ cudˋ lid，zo eˇ qin doˊ goi iuˊ i ngi ge sii qinˇ。 | v9c10p12 | |
| cirn_1023 | 佢還鼓勵後生人愛有理想，愛知自家做得做麼个、愛做麼个，做事愛篤實、講信用、有計畫，恁仔正會成功。 | iˇ vanˇ guˋ li heu sangˊ nginˇ oi iuˊ liˊ xiongˋ，oi diˊ qid gaˊ zo dedˋ zo maˋ ge、oi zo maˋ ge，zo sii oi dugˋ siid、gongˋ xin iung、iuˊ gi vag，anˋ eˊ nang voi siinˇ gungˊ。 | v9c10p13 | |
| cirn_1024 | 人講啊「聽君一席話，勝讀十年書」，聽吔有關老先生个故事，𠊎盡感心，也對自家个未來，有過清楚个方向。 | nginˇ gongˋ a「tangˊ giunˊ idˋ xid fa，siin tug siib ngianˇ suˊ」，tangˊ eˇ iuˊ guanˊ loˋ xinˊ sangˊ ge gu sii，ngaiˇ qin gamˋ ximˊ，ia dui qid gaˊ ge vi loiˇ，iuˊ go qinˊ cuˋ ge fongˊ hiong。 | v9c10p14 | |
| cirn_1025 | 因為𠊎座大，從細屋下个大小事情都愛帶頭做，感覺像學校先生樣仔，故所就想行教育這條路；又過自家對維持正義个警官、律師、法官有興趣，乜想試看啊。 | inˊ vi ngaiˇ co tai，qiungˇ se lugˋ kaˊ ge tai seuˋ sii qinˇ duˊ oi dai teuˇ zo，gamˋ gogˋ qiong hog gauˋ xinˊ sangˊ iong eˋ，gu soˋ qiu xiongˋ hangˇ gau iugˋ iaˋ tiauˇ lu；iu go qid gaˊ dui viˇ ciiˇ ziin ngi ge ginˋ gonˊ、lid siiˊ、fabˋ gonˊ iuˊ him qi，me xiongˋ cii kon aˋ。 | v9c10p15 | |
| cirn_1026 | 毋過，做這兜頭路定著愛有專業个知識，還係愛煞猛讀書正做得。 | mˇ go，zo iaˋ deuˊ teuˇ lu tin cog oi iuˊ zonˊ ngiab ge ziiˊ siidˋ，vanˇ he oi sadˋ mangˊ tug suˊ nang zo dedˋ。 | v9c10p16 | |
| cirn_1027 | 係講讀吔高中，愛繼續收集這兜行業个資訊，也愛多參加社團活動，做下二擺選讀大學科系个參考。 | he gongˋ tug eˇ goˊ zungˊ，oi gi xiug suˊ xib iaˋ deuˊ hongˇ ngiab ge ziiˊ xin，ia oi doˊ camˊ gaˊ sa tonˇ fad tung，zo ha ngi baiˊ xienˋ tug tai hog koˊ ne ge camˊ kauˋ。 | v9c10p17 | |
| cirn_1028 | 人講：。 | nginˇ gongˋ：。 | v9c10p18 | |
| cirn_1029 | 「打田打地，打毋核手藝」，讀書時節，𠊎乜愛把扼學習个機會，學有技術，拿著證照。 | 「daˋ tienˇ daˋ ti，daˋ mˇ hedˋ suˋ ngi」，tug suˊ siiˇ jiedˋ，ngaiˇ me oi baˋ agˋ hog xib ge giˊ fi，hog iuˊ giˊ sud，naˊ doˋ ziin zeu。 | v9c10p19 | |
| cirn_1030 | 「後生多勞碌，老來好享福」，將來出吔社會，𠊎愛還過認真，毋驚食苦，堵著問題勇敢面對，想辦法解決；𠊎愛多交朋友，對人開容笑面、和和挼挼，日後對𠊎个事業正有幫助。 | 「heu sangˊ doˊ loˇ lugˋ，loˋ loiˇ hoˋ hiongˋ fugˋ」，jiongˊ loiˇ cudˋ eˇ sa fi，ngaiˇ oi vanˇ go ngin ziinˊ，mˇ giangˊ siid kuˋ，duˇ doˋ mun tiˇ iungˋ gamˋ mien dui，xiongˋ pan fabˋ giaiˋ giadˋ；ngaiˇ oi doˊ gauˊ penˇ iuˊ，dui nginˇ koiˊ iungˇ seu mien、foˇ foˇ noˇ noˇ，ngidˋ heu dui ngaiˇ ge sii ngiab nang iuˊ bongˊ cu。 | v9c10p20 | |
| cirn_1031 | 老古人講「食毋窮，著毋窮，打算毋著一世窮」，趕後生就愛做好生涯規劃，了解自家，煞猛打拚，相信一定會行出自家个路。 | loˋ guˋ nginˇ gongˋ「siid mˇ kiungˇ，zogˋ mˇ kiungˇ，daˋ son mˇ cog idˋ sii kiungˇ」，gonˋ heu sangˊ qiu oi zo hoˋ senˊ ngaiˇ guiˊ vag，liauˋ giaiˋ qid gaˊ，sadˋ mangˊ daˋ bia，xiongˊ xin idˋ tin voi hangˇ cudˋ qid gaˊ ge lu。 | v9c10p21 |