六堆計劃首頁

六堆語料總覽表

哈客教材例句-02：

編號 例句 語音合成 六堆客語拼音 華譯
hkst02_001 羊肉。阿姆去豬砧下買脢條肉。 iongˇ ngiugˋ。aˊ meˊ hi zuˊ diamˊ haˊ maiˊ moiˇ tiauˇ ngiugˋ。 羊肉。媽媽去豬肉攤買里肌肉。
hkst02_002 洗盤仔。 seˋ panˇ eˋ。 洗盤子。
hkst02_003 仰恁有閒？入來泡茶啊！ ngiongˋ anˋ iuˊ hanˇ？ngib loiˇ pau caˇ a！ 怎麼那麼有空？進來泡茶啊！
hkst02_004 屋下有兩間便所，蓋方便。 lugˋ kaˊ iuˊ liongˋ gianˊ pien soˋ，goi fongˊ pien。 屋裡有兩間廁所，很方便。
hkst02_005 一組膨凳。 idˋ zuˊ pong den。 一組沙發。
hkst02_006 一領膨線衫。 idˋ liangˊ pong xien samˊ。 一件毛線衣。
hkst02_007 這蓋韌，切毋斷！切做五塊，大家分分啊！ iaˋ goi ngiun，qiedˋ mˇ tonˊ！qiedˋ zo ngˋ kuai，tai gaˊ bunˊ bunˊ aˋ！ 這很堅韌，切不斷！切成五塊，大家分一分！
hkst02_008 老妹洗好身腳，無著衫就走出來。 loˋ moi seˋ hoˋ siinˊ giogˋ，moˇ zogˋ samˊ qiu zeuˋ cudˋ loiˇ。 妹妹洗好澡，沒穿衣服就跑出來。
hkst02_009 衫褲爛空，脫下來補補啊！ samˊ fu lan kangˊ，todˋ haˊ loiˇ buˋ buˋ aˋ！ 衣服破洞，脫下來補一補！
hkst02_010 一日三餐兩點心，毋肥正怪！ idˋ ngidˋ samˊ conˊ liongˋ diamˋ ximˊ，mˇ piˇ nang guai！ 一日三餐兩頓點心，不肥才怪！
hkst02_011 一組衫弓仔。 idˋ zuˊ samˊ giungˊ eˋ。 一組曬衣架。
hkst02_012 洗衫機壞核。 seˋ samˊ giˊ faiˋ hedˋ。 洗衣機壞掉。
hkst02_013 洗身洗歸點鐘仔。 seˋ siinˊ seˋ guiˊ diamˋ zungˊ eˋ。 洗澡洗一小時。
hkst02_014 生活過到蓋鬆容。 senˊ fad go do goi sungˊ iungˇ。 生活過得很寬裕。
hkst02_015 用灶頭燒火煮飯。拿樵來燒火。 iung zo teuˇ seuˊ foˋ zuˋ fan。naˊ ceuˇ loiˇ seuˊ foˋ。 用灶燒火煮飯。拿木柴來燒火。
hkst02_016 做事喊毋行，食飯走第一！ zo se ham mˇ hangˇ，siid fan zeuˋ ti idˋ！ 做事喊不動，吃飯跑第一！
hkst02_017 今晡日朋友湊食夜，𠊎無在屋下食哦！ ginˊ buˊ ngidˋ penˇ iuˊ ceu siid ia，ngaiˇ moˇ teˊ lugˋ kaˊ siid oˊ！ 今天朋友邀約吃晚飯，我沒在家裡吃哦！
hkst02_018 愛食朝，做事正有力。 oi siid zeuˊ，zo se nang iuˊ lid。 要吃早餐，工作才有力氣。
hkst02_019 飯煮好吔喲！好食晝吔！ fan zuˋ hoˋ eˇ io！hoˋ siid zu eˇ！ 飯煮好了！該吃中飯了！
hkst02_020 食物愛好好保存，係無會生菇發蟲仔。 siid vud oi hoˋ hoˋ boˋ sunˇ，he moˇ voi sangˊ guˊ badˋ cungˇ eˋ。 食物要好好保存，不然會發霉長蟲。
hkst02_021 阿賢哥，入來食茶啊！ aˊ hianˇ goˊ，ngib loiˇ siid caˇ a！ 阿賢哥，進來喝茶啊！
hkst02_022 地泥仰掃毋淨？ ti naiˇ ngiongˋ so mˇ qiang？ 地板怎麼掃不乾淨？
hkst02_023 值日生愛負責掃地泥。 ciid ngidˋ senˊ oi fu jidˋ so ti naiˇ。 值日生要負責掃地。
hkst02_024 縈索仔。䌈索仔。 iangˊ sogˋ eˋ。tagˋ sogˋ eˋ。 捲繩子。綁繩子。
hkst02_025 佢每日睡到七晝八晝。你睡厥脣口。 iˇ miˊ ngidˋ soi do qidˋ zu badˋ zu。ngˇ soi iaˊ siinˇ heuˋ。 他每天睡得很晚。你睡他旁邊。
hkst02_026 阿公無睡當晝个習慣。 aˊ gungˊ moˇ soi dongˊ zu ge xib guan。 祖父沒有睡午覺的習慣。
hkst02_027 恁夜吔，你仰還毋睡目？ anˋ ia eˇ，ngˇ ngiongˋ hanˇ mˇ soi mugˋ？ 那麼晚了，你怎麼還不睡？
hkst02_028 大腸愛攞酸醋炒，正合味。 tai congˇ oi loˊ sonˊ cii cauˋ，nang gagˋ mi。 豬大腸要和醋炒，才對味。
hkst02_029 戴手錶仔。 dai suˋ beuˊ eˋ。 戴手錶。
hkst02_030 著水衣。 zogˋ suiˋ iˊ。 穿雨衣。
hkst02_031 煠水餃。 sab suiˋ giauˋ。 煮水餃。
hkst02_032 這下水靴筒乜做到蓋時行。 iaˋ ha suiˋ hioˊ tungˇ me zo do goi siiˇ hangˇ。 現在的雨鞋也做得很時尚。
hkst02_033 食飽來去廳下泡茶食。 siid bauˋ loiˇ hi tangˊ haˊ pau caˇ siid。 吃飽去客廳泡茶喝。
hkst02_034 磨豆腐。 mo teu fu。 磨豆腐。
hkst02_035 這豆油忒死鹹吔！ iaˋ teu iuˇ tedˋ xiˋ hamˇ eˇ！ 這醬油太鹹了！
hkst02_036 朝晨習慣食一杯仔豆乳。 zeuˊ siinˇ xib guan siid idˋ biˊ eˊ teu nen。 早上習慣喝一杯豆漿。
hkst02_037 做毋得儘採擳地圾。 zo mˇ dedˋ qin caiˊ jied ti sebˋ。 不能隨便丟垃圾。
hkst02_038 房間地泥仰恁屙糟？ fongˇ gianˊ ti naiˇ ngiongˋ anˋ oˊ zoˊ？ 房間地板怎麼這麼髒？
hkst02_039 同屋下人添飯。 tungˇ lugˋ kaˊ nginˇ tiamˊ fan。 幫家人盛飯。
hkst02_040 電火毋會著，怕燒核吔！ tien foˋ mˇ voi cog，pa seuˊ hedˋ eˇ！ 電燈不會亮，可能是燒掉了！
hkst02_041 老弟一下課歸來就掌等電視。 loˋ taiˊ idˋ ha ko guiˊ loiˇ qiu zongˋ denˋ tien sii。 弟弟一下課回家就守著電視。
hkst02_042 拖箱仔滿到關毋起來。 toˊ xiongˊ eˋ manˊ do guanˊ mˇ hiˋ loiˇ。 抽屜滿到關不起來。
hkst02_043 蹶恁高，你愛扳等梯仔。 kiad anˋ goˊ，ngˇ oi banˊ nenˋ toiˊ eˋ。 爬那麼高，你要扶著梯子！
hkst02_044 細人仔跋梯排愛蓋注意。 se nginˇ eˋ bagˋ toiˊ paiˇ oi goi zu i。 小孩爬樓梯要很注意。
hkst02_045 拿碗公來裝湯。 naˊ vonˋ gungˊ loiˇ zongˊ tongˊ。 拿碗公來裝湯。
hkst02_046 烏糖。蜂糖。 vuˊ tongˇ。fungˊ tongˇ。 黑糖。蜂蜜。
hkst02_047 表老妹毋好食糖仔，好食梅仔。 beuˋ loˋ moi mˇ hau siid tongˇ eˋ，hau siid moiˇ eˋ。 表妹不喜歡吃糖果，喜歡吃梅子。
hkst02_048 一大碗公。 idˋ tai vonˋ gungˊ。 一大碗。
hkst02_049 對面新起兩排屋仔。 dui mien xinˊ hiˋ liongˋ paiˇ vugˋ eˋ。 對面新建了兩排房屋。
hkst02_050 歸屋下。屋下人。 guiˊ lugˋ kaˊ。lugˋ kaˊ nginˇ。 回家。家人。
hkst02_051 搵豆油。搵地泥。 vun teu iuˇ。vun ti naiˇ。 沾醬油。沾地板。
hkst02_052 畫一條線。 vagˋ idˋ tiauˇ xien。 畫一條線。
hkst02_053 擎遮仔。 kiangˇ zaˊ eˋ。 撐雨傘。
hkst02_054 一疊紙。燒銀紙分好兄弟。 idˋ tiab ziiˋ。seuˊ ngiunˇ ziiˋ bunˊ hoˋ hiungˊ ti。 一疊紙。燒銀紙給好兄弟。
hkst02_055 阿姆擎針補衫褲。針線。 aˊ meˊ kiaˇ ziimˊ buˋ samˊ fu。ziimˊ xien。 媽媽拿針縫補衣服。針線。
hkst02_056 阿嫂在灶下煮飯。 aˊ soˋ teˊ zo haˊ zuˋ fan。 嫂子在廚房煮飯。
hkst02_057 大家圍等圓桌食飯。 tai gaˊ viˇ denˋ ianˇ zogˋ siid fan。 大家圍在圓桌吃飯。
hkst02_058 莊下人。 zongˊ ha nginˇ。 鄉下人。
hkst02_059 腈豬肉。 jiangˊ zuˊ ngiugˋ。 瘦豬肉。
hkst02_060 毋好緊食菸，對肺毋好。 mˇ hoˋ ginˋ siid ianˊ，dui hi mˇ hoˋ。 不要一直抽菸，對肺不好。
hkst02_061 老鼠盡會降，一擺就降幾下隻。 no cuˋ qin voi giung，idˋ baiˋ qiu giung giˋ haˊ zagˋ。 老鼠很會生，一次生好幾隻。
hkst02_062 牛仔在田項打田。牛仔樣仔，走來走去！ ngiuˇ eˋ teˊ tienˇ hong daˋ tienˇ。ngiuˇ eˋ iong eˋ，zeuˋ loiˇ zeuˋ hi！ 牛在田裡犁田。像牛一樣，跑來跑去！
hkst02_063 老虎走出來吔！大家驚啊會死。 no fuˋ zeuˋ cudˋ loiˇ eˇ！tai gaˊ giangˊ a voi xiˋ。 老虎跑出來了！大家嚇得要命。
hkst02_064 該蛇哥蓋大尾，十分得人驚。 ge saˇ goˊ goi tai miˊ，siib funˊ dedˋ nginˇ giangˊ。 那條蛇很大隻，非常可怕！
hkst02_065 騎馬仔。 kiˇ maˊ eˋ。 騎馬。
hkst02_066 阿姆在灶下煠雞仔。 aˊ meˊ teˊ zo haˊ sab gieˊ eˋ。 媽媽在廚房燙雞肉。
hkst02_067 阿姨送𠊎一隻烏色个狗仔。 aˊ iˇ sung ngaiˇ idˋ zagˋ vuˊ sedˋ ge gieuˋ eˋ。 阿姨送我一隻黑色的狗。
hkst02_068 餵豬仔。頭擺蓋多人在屋脣畜豬仔。 vi zuˊ eˋ。teuˇ baiˋ goi doˊ nginˇ teˊ vugˋ siinˇ hiugˋ zuˊ eˋ。 餵豬。以前很多人在房屋旁邊養豬。
hkst02_069 敬阿公婆做毋得用鴨仔，因為嘴扁扁。 gin aˊ gungˊ poˇ zo mˇ dedˋ iung abˋ eˋ，inˊ vi zoi bienˋ bienˋ。 拜祖先不能用鴨子，因為鴨子的嘴巴扁扁的。
hkst02_070 一竇鳥仔。 idˋ deu diauˊ eˋ。 一窩鳥。
hkst02_071 貓仔在屋頂項睡目。貓仔徙竇。 meu eˋ teˊ vugˋ dangˋ hong soi mugˋ。meu eˋ saiˋ deu。 貓在屋頂上睡覺。貓搬家。
hkst02_072 阿爸今晡日釣著十過尾魚仔。 aˊ baˊ ginˊ buˊ ngidˋ diau doˋ siib go miˊ ngˇ eˋ。 爸爸今天釣到十多條魚。
hkst02_073 樹項有虐毛蟲，老妹盡驚。 su hong iuˊ ngiogˋ moˊ cungˇ，loˋ moi qin giangˊ。 樹上有毛毛蟲，妹妹很怕。
hkst02_074 落雨天，水蟻仔滿哪飛。 log iˋ tienˊ，suiˋ ngie eˋ manˊ naiˋ biˊ。 下雨天，水蟻到處飛。
hkst02_075 糖蜂仔蓋煞猛。 tongˇ fungˊ eˋ goi sadˋ mangˊ。 蜜蜂很勤奮。
hkst02_076 地泥下有一皮葉仔。 ti naiˇ haˊ iuˊ idˋ piˇ iab eˋ。 地上有一片葉子。
hkst02_077 花園裡背个花開啊蓋靚。 faˊ ianˇ diˊ boi ge faˊ koiˊ a goi jiangˊ。 花園裡的花開得很美。
hkst02_078 草生啊恁長，有閒去挷挷啊！ coˋ sangˊ a anˋ congˇ，iuˊ hanˇ hi bangˊ bangˊ a！ 草長那麼長，有空去拔一拔！
hkst02_079 包粟食起來十分甜。 bauˊ xiugˋ siid hiˋ loiˇ siib funˊ tiamˇ。 玉米吃起來非常甜。
hkst02_080 番豆仁蓋香。 fanˊ teu inˇ goi hiongˊ。 花生米很香。
hkst02_081 一托弓蕉。 idˋ togˋ giungˊ zeuˊ。 一串香蕉。
hkst02_082 食蘋果。 siid lin goˋ。 吃蘋果。
hkst02_083 西瓜切做一㼓一㼓。 xiˊ guaˊ qiedˋ zo idˋ liam idˋ liam。 西瓜切成一片一片。
hkst02_084 牛角。羊角。 ngiuˇ gogˋ。iongˇ gogˋ。 牛角。羊角。
hkst02_085 鳥卵。 diauˊ lonˋ。 鳥蛋。
hkst02_086 這鳥仔翼胛著傷，飛毋起來。 iaˋ diauˊ eˋ id gabˋ cog songˊ，biˊ mˇ hiˋ loiˇ。 這鳥的翅膀受傷，飛不起來。
hkst02_087 有兜動物蓋得人惜。 iuˊ deuˊ tung vud goi dedˋ nginˇ xiagˋ。 有些動物很可愛。
hkst02_088 田項有蓋多禾仔。 tienˇ hong iuˊ goi doˊ voˇ eˋ。 田裡有很多稻子。
hkst02_089 剁竹仔。 dog zugˋ eˋ。 砍竹子。
hkst02_090 種兩頭樹仔。這凳仔係樹仔做个。 zung liongˋ teuˇ su eˋ。iaˋ den eˋ he su eˋ zo ge。 種兩棵樹。這椅子是木頭做的。
hkst02_091 菜種。這做得留起來做種。鉛筆盒仔有恁多種，你自家擇！ coi zungˋ。iaˋ zo dedˋ liuˇ hiˋ loiˇ zo zungˋ。ianˇ bidˋ hab eˋ iuˊ anˋ doˊ zungˋ，ngˇ qid gaˊ tog！ 菜種子。這可以留起來當種子。鉛筆盒有很多種，你自己挑！
hkst02_092 厥聲蓋軟，聽著心情就盡好。 iaˊ sangˊ goi ngionˊ，tangˊ doˋ ximˊ qinˇ qiu qin hoˋ。 他的聲音很溫柔，聽了心情就很好。
hkst02_093 仰恁暗還毋知愛歸？恁暗吔！好睡吔！停電吔！裡背暗暗。 ngiongˋ anˋ am hanˇ mˇ diˊ oi guiˊ？anˋ am eˇ！hoˋ soi eˇ！tinˇ tien eˇ！diˊ boi am am。 怎麼這麼晚了還不回家？這麼晚了！該睡了！停電了！裡面暗暗的。
hkst02_094 衫褲吹風盡遽燥。頭那毛愛吹燥來。 samˊ fu coiˊ fungˊ qin giagˋ zauˊ。teuˇ naˇ moˊ oi coiˊ zauˊ loiˇ。 衣服吹風很快乾。頭髮要吹乾。
hkst02_095 外背出日頭，蓋燒暖。 no boi cudˋ ngidˋ teuˇ，goi seuˊ nonˊ。 外面出太陽，很暖和。
hkst02_096 隔壁火燒屋，還得人驚。 gagˋ biagˋ foˋ seuˊ vugˋ，hanˇ dedˋ nginˇ giangˊ。 隔壁火燒房子，很可怕。
hkst02_097 起風吔！著領外衫，無斯會寒著哦！車輪仔騎起來無風，毋知分麼个刺著。 hiˋ fungˊ eˇ！zogˋ liangˊ ngoi samˊ，moˇ siiˇ voi honˇ doˋ oˊ！caˊ linˇ eˋ kiˇ hiˋ loiˇ moˇ fungˊ，mˇ diˊ bunˊ maˋ ge qiugˋ doˋ。 起風了！穿件外衣，不然會感冒哦！輪胎騎起來沒氣，不知道被什麼東西刺到。
hkst02_098 外背恁好天。 no boi anˋ hoˋ tienˊ。 外面天氣很好。
hkst02_099 落大雨，河壩水滿出來吔！ log tai iˋ，hoˇ ba suiˋ manˊ cudˋ loiˇ eˇ！ 下大雨，河水滿出來了！
hkst02_100 海脣搞沙仔。 hoiˋ siinˇ gauˋ saˊ eˋ。 海邊玩沙。
hkst02_101 寒天過核就春天吔！ honˇ tienˊ goˊ hedˋ qiu cunˊ tienˊ eˇ！ 冬天過完就是春天了！
hkst02_102 落大雨吔，你有帶遮仔無？ log tai iˋ eˊ，ngˇ iuˊ dai zaˊ eˋ moˇ？ 下大雨了，你有帶雨傘嗎？
hkst02_103 火燒屋，外背煙蓋大。 foˋ seuˊ vugˋ，no boi ianˊ goi tai。 房屋失火，外面煙很大。
hkst02_104 天頂無麼个雲。 tienˊ dangˋ moˇ maˋ ge iunˇ。 天空沒什麼雲。
hkst02_105 莊下空氣蓋好。 zongˊ ha kungˊ hi goi hoˋ。 鄉下空氣很好。
hkst02_106 外背落大雨，還響雷公。 no boi log tai iˋ，hanˇ hiongˋ luiˇ gungˊ。 外面下大雨，還打雷。
hkst02_107 老妹搞啊歸身仔泥正歸，分阿姆罵。 loˋ moi gauˋ a guiˊ siinˊ eˋ naiˇ nang guiˊ，bunˊ aˊ meˊ ma。 妹妹玩得全身是泥巴才回家，被媽媽罵。
hkst02_108 日頭恁烈，在屋下尞過贏！ ngidˋ teuˇ anˋ ladˋ，teˊ lugˋ kaˊ liau go iangˇ！ 陽光正烈，在家裡玩比較好！
hkst02_109 今晡日十五，月光又大又圓。 ginˊ buˊ ngidˋ siib ngˋ，ngiad gongˊ iu tai iu ianˇ。 今天十五號，月亮又大又圓。
hkst02_110 熱天洗冷水蓋爽。 ngiad tienˊ seˋ langˊ suiˋ goi songˋ。 夏天洗冷水澡很舒服。
hkst02_111 過多人歇在平洋地區。 go doˊ nginˇ hed teˊ piangˇ iongˇ ti kiˊ。 比較多人住在平原地區。
hkst02_112 青山綠水。 qiangˊ sanˊ liug suiˋ。 青山綠水。
hkst02_113 目珠入沙仔，蓋痛！細人仔蓋好搞沙仔。 mugˋ zuˊ ngib saˊ eˋ，goi tung！se nginˇ eˋ goi hau gauˋ saˊ eˋ。 眼睛進沙子，很痛！小孩很愛玩沙子。
hkst02_114 阿拉伯出產石油。 aˊ laˊ bagˋ cudˋ sanˋ sag iuˇ。 阿拉伯出產石油。
hkst02_115 車仔分大石頭矺到綿綿。 caˊ eˋ bunˊ tai sag teuˇ zagˋ do mienˇ mienˇ。 車子被大石頭壓得爛爛。
hkst02_116 日頭落山，好轉吔！ ngidˋ teuˇ log sanˊ，hoˋ zonˋ eˊ！ 太陽下山，該回去了！
hkst02_117 星仔瀉屎。 senˊ eˋ xia siiˋ。 流星。
hkst02_118 地泥溼溼。 ti naiˇ siibˋ siibˋ。 地板溼溼的。
hkst02_119 落雨落無停，屋仔入水吔！水暖好吔，遽遽啊去洗身！ log iˋ log moˇ tinˇ，vugˋ eˋ ngib suiˋ eˇ！suiˋ nonˊ hoˋ eˇ，giagˋ giagˋ a hi seˋ siinˊ！ 下雨下不停，房子進水了！水燒好了，快去洗澡！
hkst02_120 天地。 tienˊ ti。 天地。
hkst02_121 落雨過後，外背出天弓。 log iˋ go heu，no boi cudˋ tienˊ giungˊ。 下雨過後，外面出現彩虹。
hkst02_122 這站仔天時變化蓋大。 iaˋ cam eˋ tienˊ siiˇ bien fa goi tai。 這陣子天氣變化很大。
hkst02_123 鳥仔飛到天頂。 diauˊ eˋ biˊ do tienˊ dangˋ。 鳥飛到天上。
hkst02_124 田脣有蓋多草仔。阿公留下來个田，這下無人耕種吔！ tienˇ siinˇ iuˊ goi doˊ coˋ eˋ。aˊ gungˊ liuˇ haˊ loiˇ ge tienˇ，iaˋ ha moˇ nginˇ gangˊ zung eˇ！ 田邊有很多草。祖父留下來的田，現在沒人耕種了！
hkst02_125 該垤土地係叔公个。 ge de tuˋ ti he sugˋ gungˊ ge。 那塊土地是叔公的。
hkst02_126 這下黃金蓋貴。 iaˋ ha vongˇ gimˊ goi gui。 現在黃金很貴。
hkst02_127 外背烏陰天，怕愛落雨吔！ no boi vuˊ imˊ tienˊ，pa oi log iˋ eˇ！ 外面是陰天，恐怕要下雨了！
hkst02_128 日本蓋會落雪。 ngidˋ bunˋ goi voi log xiedˋ。 日本很常下雪。
hkst02_129 沙洲。浮洲。亞洲。歐洲。 saˊ zuˊ。feuˇ zuˊ。aˋ zuˊ。euˊ zuˊ。 沙洲。浮洲。亞洲。 歐洲。
hkst02_130 這代表麼个，你知無？老弟代表班項去比賽。 iaˋ toi beuˋ maˋ ge，ngˇ diˊ moˇ？loˋ taiˊ toi beuˋ banˊ hong hi biˋ soi。 這代表什麼，你知道嗎？弟弟代表班上去比賽。
hkst02_131 臺灣人。 toiˇ vanˊ nginˇ。 臺灣人。
hkst02_132 政治人物。 ziin cii nginˇ vud。 政治人物。
hkst02_133 政府愛尊重民眾。 ziin fuˋ oi zunˊ cung minˇ zung。 政府要尊重民眾。
hkst02_134 坐巴士。 coˊ ba siiˋ。 坐巴士。
hkst02_135 買電影票愛排列。 maiˊ tien iangˋ peu oi baiˇ lied。 買電影票要排隊。
hkst02_136 坐飛行機。 coˊ biˊ iangˇ giˊ。 坐飛機。
hkst02_137 公車車牌。車牌搣毋見核。 gungˊ caˊ caˊ paiˇ，caˊ paiˇ miedˋ mˇ gian hedˋ。 公車站牌。牌照弄不見。
hkst02_138 臺北車頭。 toiˇ bedˋ caˊ teuˇ。 臺北車站。
hkst02_139 阿哥昨晡日牽新車仔。 aˊ goˊ coˊ buˊ ngidˋ kianˊ xinˊ caˊ eˋ。 哥哥昨天領新車。
hkst02_140 騎自行車愛注意車仔。 kiˇ cii hangˇ caˊ oi zu i caˊ eˋ。 騎自行車要注意車子。
hkst02_141 住址留一下，正好尋你。 cu ziiˋ liuˇ idˋ ha ，nang hoˋ qimˇ ngˇ。 留一下住址，才方便找你。
hkst02_142 蹬擋仔。 demˋ dongˋ eˋ。 踩剎車。
hkst02_143 香港新起个飛機場蓋大。 hiongˊ gongˋ xinˊ hiˋ ge fiˊ giˊ congˇ goi tai。 香港新建的機場很大。
hkst02_144 坐火車去花蓮。 coˊ foˋ caˊ hi faˊ lienˇ。 坐火車去花蓮。
hkst02_145 火車頭該位盡鬧熱。 foˋ caˊ teuˇ ge vi qin nau ngiad。 火車站那裡很熱鬧。
hkst02_146 攪紅毛泥。 giauˊ fungˇ moˊ naiˇ。 攪水泥。
hkst02_147 落大雨，打電話喊計程車好吔！ log tai iˋ，daˋ tien fa ham gi cangˇ caˊ hoˋ eˇ！ 下大雨，打電話叫計程車好了！
hkst02_148 佢歇在中央二街。 iˇ hed teˊ zungˊ iongˊ ngi giaiˊ。 他住在中央二街。
hkst02_149 坐高鐵出差蓋利便。 coˊ goˊ tiedˋ cudˋ caiˊ goi li pien。 坐高鐵出差很方便。
hkst02_150 這廣告花核毋會少錢哦？ iaˋ gongˋ go faˊ hedˋ mˇ voi seuˋ qienˇ oˊ？ 這廣告花了不少錢哦？
hkst02_151 老人家在公園肚行棋仔。 loˋ nginˇ gaˊ teˊ gungˊ ianˇ duˋ hangˇ kiˇ eˋ。 老人家在公園裡下棋。
hkst02_152 臺北市有蓋多巷仔。細巷仔蓋暗，你斯愛細義。 toiˇ bedˋ sii iuˊ goi doˊ hong eˋ。se hong eˋ goi am，ngˇ siiˇ oi se ngi。 臺北市有很多巷弄。小巷子很暗，你要小心。
hkst02_153 去游泳池尋教練學泅水。 hi iuˇ iunˋ ciiˇ qimˇ gau lien hog qiuˇ suiˋ。 去游泳池找教練學游泳。
hkst02_154 佢歇士林區。 iˇ hed sii limˇ kiˊ。 他住士林區。
hkst02_155 騎車仔愛注意安全。這自行車恁高，等你過大兜仔正做得騎。 kiˇ caˊ eˋ oi zu i onˊ qionˇ。iaˋ cii hangˇ caˊ anˋ goˊ，denˋ ngˇ go tai deuˊ eˊ nang zo dedˋ kiˇ。 騎車要注意安全。這自行車那麼高，等你比較大時才可以騎。
hkst02_156 這條橋仔舊年分大水打走。 iaˋ tiauˇ kieuˇ eˋ kiu ngianˇ bunˊ tai suiˋ daˋ zeuˋ。 這座橋去年被大水沖走。
hkst02_157 佢歇十二樓。 iˇ hed siib ngi leuˇ。 他住十二樓。
hkst02_158 中山路。 zungˊ sanˊ lu。 中山路。
hkst02_159 坐捷運。 coˊ qiab iun。 坐捷運。
hkst02_160 阿爸係駛計程車个。你係愛用車仔，做得借你駛。 aˊ baˊ he siiˋ gi cangˇ caˊ ge。ngˇ he oi iung caˊ eˋ，zo dedˋ jia ngˇ siiˋ。 爸爸是開計程車的。你如果要用車，可以借你開。
hkst02_161 臺南市。 toiˇ namˇ sii。 臺南市。
hkst02_162 船仔中央爛一個空。 sonˇ eˋ dungˊ ongˊ lan idˋ ge kangˊ。 船中央破了一個洞。
hkst02_163 緊搞手機仔，目珠會壞核！ ginˋ gauˋ suˋ giˊ eˋ，mugˋ zuˊ voi faiˋ hedˋ！ 一直玩手機，眼睛會壞掉！
hkst02_164 有事情就打電話分阿銘。 iuˊ sii qinˇ qiu daˋ tien fa bunˊ aˊ menˋ。 有事情就打電話給阿銘。
hkst02_165 搞電腦。 gauˋ tien noˋ。 玩電腦。
hkst02_166 若東西恁多，坐電梯過省力。 ngiaˊ dungˊ xiˊ anˋ doˊ，coˊ tien toiˊ go sangˋ lid。 你的東西那麼多，坐電梯比較省力。
hkst02_167 騎引擎。 kiˇ enˊ jinˋ。 騎機車。
hkst02_168 經濟毋好，賺毋著來食。 ginˊ ji mˇ hoˋ，con mˇ doˋ loiˇ siid。 經濟差，很難賺錢維生。
hkst02_169 賺錢賺毋著來使。 con qienˇ con mˇ doˋ loiˇ siiˋ。 賺錢賺的不夠花。
hkst02_170 屋下米伸無幾多。 lugˋ kaˊ miˋ cunˊ moˇ idˋ doˊ。 家裡的米剩沒多少。
hkst02_171 這店仔生理蓋好。 iaˋ diam eˋ senˊ liˊ goi hoˋ。 這間店生意很好。
hkst02_172 發票兩個月對獎一擺。 fadˋ peu liongˋ ge ngiad dui jiongˋ idˋ baiˋ 。 發票每兩個月兌獎一次。
hkst02_173 飯店歇一夜。 fan diam hiadˋ idˋ ia。 在飯店休息一晚。
hkst02_174 加法。加五十個銀分你。 gaˊ fabˋ。gaˊ ngˋ siib ge ngiunˇ bunˊ ngˇ。 加法。加五十元給你。
hkst02_175 減法。這飯添忒多，減兜分你好無？ gamˋ fabˋ。iaˋ fan tiamˊ tedˋ doˊ，gamˋ deuˊ bunˊ ngˇ hoˋ moˇ？ 減法。這飯添太多，分一些給你好嗎？
hkst02_176 耕田人煞猛耕田。耕田愛照節氣來做事。 gangˊ tienˇ nginˇ sadˋ mangˊ gangˊ tienˇ。gangˊ tienˇ oi zeu jiedˋ hi loiˇ zo se。 農夫努力耕田。耕田要依照節氣來工作。
hkst02_177 吾太係耕田人，吾爸乜係。 ngaˊ tai he gangˊ tienˇ nginˇ，ngaˊ baˊ me he。 我的曾祖父是農夫，我爸爸也是。
hkst02_178 記者等下愛來採訪，你準備一下仔。 gi zaˋ denˋ ha oi loiˇ caiˋ fongˋ，ngˇ zunˋ pi idˋ ha eˊ。 記者等一下要來採訪，你準備一下。
hkst02_179 這下麼个就貴，還衰過。 iaˋ ha maˋ ge qiu gui，hanˇ coiˊ go。 現在什麼都貴，真可憐。
hkst02_180 景氣無好，厥工廠關核吔！ ginˋ hi moˇ hoˋ，iaˊ gungˊ congˋ guanˊ hedˋ eˇ！ 景氣不好，他的工廠關閉了！
hkst02_181 工人靠苦力賺錢。 gungˊ nginˇ ko kuˋ lid con qienˇ。 工人靠勞力賺錢。
hkst02_182 公司賺蓋多錢。 gungˊ siiˊ con goi doˊ qienˇ。 公司賺很多錢。
hkst02_183 工業區。 gungˊ ngiab kiˊ。 工業區。
hkst02_184 六點正下班。 liugˋ diamˋ nang haˊ banˊ。 六點才下班。
hkst02_185 臨時愛用錢，做得同你借兜仔無？ limˇ siiˇ oi iung qienˇ，zo dedˋ tungˇ ngˇ jia deuˊ eˊ moˇ？ 臨時要用錢，可以跟你借一些嗎？
hkst02_186 欠數欠恁久，哪久愛還？ kiam sii kiam anˋ giuˋ，nai giuˋ oi vanˇ？ 欠債欠那麼久，何時要還？
hkst02_187 轉角新開一間旅館，蓋派頭。 zonˋ gogˋ xinˊ koiˊ idˋ gianˊ liˋ gonˋ，goi pai teuˇ。 轉角有一間新開的旅館，很氣派。
hkst02_188 這玩具無麼个生趣，賣無人愛。賣核。 iaˋ nguanˇ kiˋ moˇ maˋ ge senˊ qi，mai moˇ nginˇ oi。mai hedˋ。 這玩具沒什麼趣味，賣不出去。賣掉。
hkst02_189 這禮拜咖啡買一送一。 iaˋ liˊ bai gaˊ biˊ maiˊ idˋ sung idˋ。 這禮拜咖啡買一送一。
hkst02_190 臺灣銀行。 toiˇ vanˊ ngiunˇ hongˇ。 臺灣銀行。
hkst02_191 辦公室尖二十個人，強強會無路好行。 pan gungˊ siidˋ jiamˊ ngi siib ge nginˇ，kiongˇ kiongˇ voi moˇ lu hoˋ hangˇ。 辦公室擠了二十個人，幾乎沒有路可以走了。
hkst02_192 車票愛袋好，毋見核就麻煩吔！若電影票放哪去吔？ caˊ peu oi toi hoˋ，mˇ gian hedˋ qiu maˇ fanˇ eˇ！ngiaˊ tien iangˋ peu biong nai hi eˇ？ 車票要放好，弄丟就麻煩了！你的電影票放到哪裡了？
hkst02_193 高麗菜大出，十分便宜。便宜無好貨。 goˊ li coi tai cudˋ，siib funˊ pienˇ ngiˇ。pienˇ ngiˇ moˇ hoˋ fo。 高麗菜盛產，非常便宜。便宜沒好貨。
hkst02_194 下禮拜一請假。 ha liˊ bai idˋ qiangˋ gaˋ。 下禮拜一請假。
hkst02_195 阿叔去田項做田事。 aˊ sugˋ hi tienˇ hong zo tienˇ se。 叔叔去田裡耕作。
hkst02_196 頭家蓋笑面，生理一等好。 teuˇ gaˊ goi seu mien，senˊ liˊ idˋ denˋ hoˋ。 老闆笑容滿面，生意非常好。
hkst02_197 市場肚，麼个都賣。 sii congˇ duˋ，maˋ ge duˊ mai。 市場裡，什麼都賣。
hkst02_198 佢請司機駛車仔載佢去飯店。 iˇ qiangˋ siiˊ giˊ siiˋ caˊ eˋ zoi iˇ hi fan diam。 他請司機開車載他去飯店。
hkst02_199 算毋和。算毋著。 son mˇ foˇ。son mˇ cog。 不划算。算錯。
hkst02_200 打早就愛上班，還𤸁！ daˋ zoˋ qiu oi songˊ banˊ，vanˇ kioi！ 一大早就要上班，很累！
hkst02_201 該頭家對人蓋好。 ge teuˇ gaˊ dui nginˇ goi hoˋ。 那老闆對人很好。
hkst02_202 這站仔頭路蓋壞尋。 iaˋ cam eˋ teuˇ lu goi faiˋ qimˇ。 這陣子工作很難找。
hkst02_203 買一個信袋仔。 maiˊ idˋ ge xin toi eˋ。 買一只信封。
hkst02_204 做先生愛有耐心。去醫院分先生看。 zo xinˊ sangˊ oi iuˊ nai ximˊ。hi iˊ ian bunˊ xinˊ sangˊ kon。 做老師要有耐心。去醫院看醫生。
hkst02_205 每日做事做到斷烏。 miˊ ngidˋ zo se zo do tonˊ vuˊ。 每天工作到天黑。
hkst02_206 教務主任。 gau vu zuˋ ngim。 教務主任。
hkst02_207 毋好恁會花錢，過省兜仔！ mˇ hoˋ anˋ voi faˊ qienˇ，go sangˋ deuˊ eˊ！ 不要那麼會花錢，節省一點！
hkst02_208 老妹在舞臺項表演。 loˋ moi teˊ vuˋ toiˇ hong beuˋ ianˊ。 妹妹在舞臺上表演。
hkst02_209 演講比賽。 ianˊ gongˋ biˋ soi。 演講比賽。
hkst02_210 阿姊今年六月愛畢業。 aˊ ze ginˊ ngianˇ liugˋ ngiad oi bidˋ ngiab。 姊姊今年六月要畢業。
hkst02_211 放學愛黏時歸屋下。 biong hog oi ngiamˇ siiˇ guiˊ lugˋ kaˊ。 放學要馬上回家。
hkst02_212 下禮拜放尞。 ha liˊ bai biong liau。 下禮拜放假。
hkst02_213 來去放紙鷂仔。 loiˇ hi biong ziiˋ ieu eˋ。 去放風箏。
hkst02_214 寫報告。 xiaˋ bo go。 寫報告。
hkst02_215 每朝晨有人來送報紙。 miˊ zeuˊ siinˇ iuˊ nginˇ loiˇ sung bo ziiˋ。 每天早上有人來送報紙。
hkst02_216 阿姆每禮拜去學插花。 aˊ meˊ miˊ liˊ bai hi hog cabˋ faˊ。 媽媽每個禮拜去學插花。
hkst02_217 走操場五圈。 zeuˋ cauˊ congˇ ngˋ kianˊ。 跑操場五圈。
hkst02_218 傳統風俗。 conˇ tungˋ fungˊ xiug。 傳統風俗。
hkst02_219 唱歌仔。 cong goˊ eˋ。 唱歌。
hkst02_220 舊年暑假，同學去韓國三日。 kiu ngianˇ cuˋ gaˋ，tungˇ hog hi honˇ guedˋ samˊ ngidˋ。 去年暑假，同學去韓國三天。
hkst02_221 鉛筆寫毋著，做得用捽仔捽。 ianˇ bidˋ xiaˋ mˇ cog，zo dedˋ iung cud eˋ cud。 鉛筆寫錯，可以用橡皮擦擦拭。
hkst02_222 講著食哦！佢打第一。 gongˋ doˋ siid oˋ！iˇ daˋ ti idˋ。 說到吃哦！他得第一啦。
hkst02_223 畫一張圖。畫出來。 vag idˋ zongˊ tuˇ。vag cudˋ loiˇ。 畫一張圖。畫出來。
hkst02_224 辦活動。 pan fad tung。 辦活動。
hkst02_225 發表研究成果。 fadˋ beuˋ ngianˊ giu siinˇ goˋ。 發表研究成果。
hkst02_226 粉牌毋曾捽淨，過捽加一下仔。 funˋ paiˇ mˇ qienˇ cud qiang，go cud gaˊ idˋ ha eˊ。 黑板還沒擦乾淨，再擦一下。
hkst02_227 粉牌恁屙糟，捽粉牌个拿來捽淨啊。 funˋ paiˇ anˋ oˊ zoˊ，cud funˋ paiˇ ge naˊ loiˇ cud qiang aˋ。 黑板那麼髒，板擦拿來擦乾淨。
hkst02_228 教育部。厥爺哀同佢教育到十分好。 gau iugˋ pu。iaˊ iaˇ oiˊ tungˇ iˇ gau iugˋ do siib funˊ hoˋ。 教育部。他父母把他教育得非常好。
hkst02_229 拚掃教室愛認真。 bia so gau siidˋ oi ngin ziinˊ。 打掃教室要認真。
hkst02_230 老妹蓋好搞水，每擺就講愛去河壩。你斯愛搞清楚！話莫亂講。 loˋ moi goi hau gauˋ suiˋ，miˊ baiˋ qiu gongˋ oi hi hoˇ ba。ngˇ siiˇ oi gauˋ qinˊ cuˋ！fa mog lon gongˋ。 妹妹很愛玩水，每次都說要去河邊。你要搞清楚！話不要亂說。
hkst02_231 佢從主任，一路做到校長。 iˇ qiungˇ zuˋ ngim，idˋ lu zo do gauˋ zongˋ。 他從主任，一路做到校長。
hkst02_232 細人還細就愛教，係毋會，就愛教分佢會。 se nginˇ hanˇ se qiu oi gau，he mˇ voi，qiu oi gau bunˊ iˇ voi。 小孩還小就要教，如果不會，就要教到他會為止。
hkst02_233 阿姆在學校教書，明年愛退休吔！ aˊ meˊ teˊ hog gauˋ gauˊ suˊ，minˇ ngianˇ oi tui hiuˊ eˇ！ 媽媽在學校教書，明年要退休了！
hkst02_234 唱歌仔。這條歌仔蓋好聽。 cong goˊ eˋ。iaˋ tiauˇ goˊ eˋ goi hoˋ tangˊ。 唱歌。這首歌很好聽。
hkst02_235 𠊎蓋好聽阿公講古。 ngaiˇ goi hau tangˊ aˊ gungˊ gongˋ guˋ。 我很喜歡聽祖父講故事。
hkst02_236 這個故事蓋感動人。 iaˋ ge gu sii goi gamˋ tung nginˇ。 這個故事很感人。
hkst02_237 中山國中。 zungˊ sanˊ guedˋ zungˊ。 中山國中。
hkst02_238 每日都有功課愛寫。 miˊ ngidˋ duˊ iuˊ gungˊ ko oi xiaˋ。 每天都有功課要寫。
hkst02_239 厥客話講到十分好。 iaˊ hagˋ fa gongˋ do siib funˊ hoˋ。 他的客語講得非常好。
hkst02_240 你三儕過來，企共下翕相。 ngˇ samˊ saˇ go loiˇ，kiˊ kiung ha hibˋ xiong。 你們三個過來，站一起拍照。
hkst02_241 學人做生理。 hog nginˇ zo senˊ liˊ。 學人家做生意。
hkst02_242 私立學校。 siiˊ lib hog gauˋ。 私立學校。
hkst02_243 恁多個學生仔。 anˋ doˊ ge hog sangˊ eˋ。 那麼多個學生。
hkst02_244 一支鉛筆。 idˋ giˊ ianˇ bidˋ。 一支鉛筆。
hkst02_245 音樂課。 imˊ ngog ko。 音樂課。
hkst02_246 阿公每朝晨會去公園運動。 aˊ gungˊ miˊ zeuˊ siinˇ voi hi gungˊ ianˇ iun tung。 祖父每天早上會去公園運動。
hkst02_247 下禮拜六學校辦運動會。 ha liˊ bai liugˋ hog gauˋ pan iun tung fi。 下禮拜六學校辦運動會。
hkst02_248 學生仔在運動坪項走相逐。 hog sangˊ eˋ teˊ iun tung piangˇ hong zeuˋ xiongˊ giugˋ。 學生在運動場上賽跑。
hkst02_249 這節目蓋精彩，你來共下看。 iaˋ jiedˋ mugˋ goi jinˊ caiˋ，ngˇ loiˇ kiung ha kon。 這節目很精采，你來一起看。
hkst02_250 踢足球。 tedˋ zugˋ kiuˇ。 踢足球。
hkst02_251 佢考著博士班，厥爸蓋暢。 iˇ kauˋ doˋ bogˋ sii banˊ，iaˊ baˊ goi tiong。 他考上博士班，他爸爸很開心。
hkst02_252 天光日愛考試，愛過拚兜仔。 tienˊ gongˊ ngidˋ oi kauˋ sii，oi go bia deuˊ eˊ。 明天要考試，要多拚一些。
hkst02_253 在球場項打球仔。 teˊ kiuˇ congˇ hong daˋ kiuˇ eˋ。 在球場上打球。
hkst02_254 做毋得在教室肚擳球仔。 zo mˇ dedˋ teˊ gau siidˋ duˋ jied kiuˇ eˋ。 不可以在教室裡丟球。
hkst02_255 音樂課。 imˊ ngog ko。 音樂課。
hkst02_256 佢無帶著課本，故所同同學共下看。 iˇ moˇ dai doˋ ko bunˋ，gu soˋ tungˇ tungˇ hog kiung ha kon。 他沒帶到課本，所以跟同學一起看。
hkst02_257 先生喊佢企起來念課文。 xinˊ sangˊ ham iˇ kiˊ hiˋ loiˇ ngiam ko vunˇ。 老師叫他站起來念課文。
hkst02_258 科學家。 koˊ hog gaˊ。 科學家。
hkst02_259 下禮拜一愛開學吔。 ha liˊ bai idˋ oi koiˊ hog eˇ。 下禮拜一要開學了。
hkst02_260 廟坪前看戲。 meu piangˇ qienˇ kon hi。 廟口前看戲。
hkst02_261 籃球比賽。 lamˇ kiuˇ biˋ soi。 籃球比賽。
hkst02_262 出國旅行愛保險。 cudˋ guedˋ liˋ hangˇ oi boˋ hiamˋ。 出國旅行要保險。
hkst02_263 這禮拜六去尋你尞，好無？歸家人愛去哪尞？好尞一下仔，目珠會看壞核。 iaˋ liˊ bai liugˋ hi qimˇ ngˇ liau，hoˋ moˇ？guiˊ gaˊ nginˇ oi hi naiˋ liau？hoˋ liau idˋ ha eˇ，mugˋ zuˊ voi kon faiˋ hedˋ。 這禮拜六去找你玩，好嗎？全家人要去哪裡玩？該休息一下了，眼睛會看壞。
hkst02_264 多練習，就會進步。 doˊ lien xib，qiu voi jin pu。 多練習，就會進步。
hkst02_265 搞溜滑梯愛排列。 gauˋ liu vad toiˊ oi baiˇ lied 。 玩溜滑梯要排隊。
hkst02_266 佢專門研究蟲仔。阿哥讀研究所。 iˇ zonˊ munˇ ngianˊ giu cungˇ eˋ。aˊ goˊ tug ngianˊ giu soˋ。 他專門研究昆蟲。哥哥讀研究所。
hkst02_267 老弟今年二年生。你這下幾多年生？ loˋ taiˊ ginˊ ngianˇ ngi ngianˇ senˊ。ngˇ iaˋ ha idˋ doˊ ngianˇ senˊ？ 弟弟今年二年級。你現在幾年級？
hkst02_268 學生仔七月開始尞暑假。 hog sangˊ eˋ qidˋ ngiad koiˊ siiˋ liau cuˋ gaˋ。 學生七月開始放暑假。
hkst02_269 河壩仔洗身仔。 hoˇ ba eˋ seˋ siinˊ eˋ。 在河裡游泳。
hkst02_270 讀小學。 tug seuˋ hog。 讀小學。
hkst02_271 這篇文章有幾多隻字？ iaˋ pienˊ vunˇ zongˊ iuˊ idˋ doˊ zagˋ sii？ 這篇文章有多少個字？
hkst02_272 一本書。 idˋ bunˋ suˊ。 一本書。
hkst02_273 這間書店麼个書都有賣。 iaˋ gianˊ suˊ diam maˋ ge suˊ duˊ iuˊ mai。 這間書店什麼書都有賣。
hkst02_274 字簿仔在書包裡背。 sii puˊ eˋ teˊ suˊ bauˊ diˊ boi。 作業簿在書包裡。
hkst02_275 臺灣大學。 toiˇ vanˊ tai hog。 臺灣大學。
hkst02_276 聽講佢愛去英國留學。阿光恁毋聽講，分先生罰企。 tangˊ gongˋ iˇ oi hi inˊ guedˋ liuˇ hog。aˊ gongˊ anˋ mˇ tangˊ gongˋ，bunˊ xinˊ sangˊ fad kiˊ。 聽說他要去英國留學。阿光那麼不聽話，被老師罰站。
hkst02_277 共下跳舞。 kiung ha tiau vuˋ。 一起跳舞。
hkst02_278 跳格仔愛先在地泥項畫格仔。 tiau gagˋ eˋ oi xienˊ teˊ ti naiˇ hong vag gagˋ eˋ。 跳格子前要先在地板上畫格子。
hkst02_279 跳索仔愛注意，莫徑著。 tiau sogˋ eˋ oi zu i，mog gang doˋ。 跳繩要注意，不要絆到！
hkst02_280 佢每禮拜去看電影。 iˇ miˊ liˊ bai hi kon tien iangˋ。 他每星期都去看電影。
hkst02_281 畫一張圖。 vag idˋ zongˊ tuˇ。 畫一張圖。
hkst02_282 入去圖書館愛細聲。 ngib hi tuˇ suˊ gonˋ oi se sangˊ。 進入圖書館要小聲。
hkst02_283 讀書係讀毋來，就去做事。 tug suˊ he tug mˇ loiˇ，qiu hi zo se。 如果讀書讀不來，就去工作。
hkst02_284 在間項讀書。佢堵好愛去讀書。 teˊ gianˊ hong tug suˊ。iˇ duˋ hoˋ oi hi tug suˊ。 在房間裡讀書。他恰好要去上學。
hkst02_285 同學莫冤家。 tungˇ hog mog ianˊ gaˊ。 同學不要吵架。
hkst02_286 寫文章。 xiaˋ vunˇ zongˊ。 寫文章。
hkst02_287 研習過後愛交心得。 ngianˊ xib go heu oi gauˊ ximˊ dedˋ。 研習過後要交心得。
hkst02_288 看新聞。 kon xinˊ vunˇ。 看新聞。
hkst02_289 六個人在該走相逐。 liugˋ ge nginˇ teˊ ge zeuˋ xiongˊ giugˋ。 六個人在那賽跑。
hkst02_290 這節目係麼人主持个？ iaˋ jiedˋ mugˋ he maˋ nginˇ zuˋ ciiˇ ge？ 這節目是誰主持的？
hkst02_291 該齣戲个主角高天天。 ge cudˋ hi ge zuˋ gogˋ goˊ tienˊ tienˊ。 那部戲的主角很高。
hkst02_292 拜阿公婆。拜神明。 bai aˊ gungˊ poˇ。bai siinˇ minˇ。 祭拜祖先。祭拜神明。
hkst02_293 爌肉个味緒盡香。拿三支香拜。 kong ngiugˋ ge mi xi qin hiongˊ。naˊ samˊ giˊ hiongˊ bai。 爌肉的味道很香。拿三支香拜拜。
hkst02_294 去廟項燒香。 hi meu hong seuˊ hiongˊ。 去廟裡燒香。
hkst02_295 你仰恁緊張？看著鬼係無？ ngˇ ngiongˋ anˋ ginˋ zongˊ？kon doˋ guiˋ he moˇ？ 你怎麼那麼緊張？看到鬼嗎？
hkst02_296 義民廟。去廟項看人做戲。 ngi minˇ meu。hi meu hong kon nginˇ zo hi。 義民廟。去廟口看人演戲。
hkst02_297 過節愛拜阿公婆。 go jiedˋ oi bai aˊ gungˊ poˇ。 過節要祭拜祖先。
hkst02_298 初一十五愛拜伯公。 cuˊ idˋ siib ngˋ oi bai bagˋ gungˊ。 初一十五要拜土地公。
hkst02_299 阿公在伯公下尞涼。 aˊ gungˊ teˊ bagˋ gungˊ haˊ liau liongˇ。 爺爺在土地公廟旁乘涼。
hkst02_300 拜神明。 bai siinˇ minˇ。 拜神明。
hkst02_301 天公落雨。初九天公生。 tienˊ gungˊ log iˋ。cuˊ giuˋ tienˊ gungˊ sangˊ。 天空下雨。初九玉皇大帝生辰
hkst02_302 嬰兒仔正出世蓋得人惜。 oˇ ngaˊ eˋ nang cudˋ se goi dedˋ nginˇ xiagˋ。 嬰兒剛出生時很可愛。
hkst02_303 阿公這禮拜做大生日。 aˊ gungˊ iaˋ liˊ bai zo tai sangˊ ngidˋ。 祖父這星期過大壽。
hkst02_304 阿太過身十過年吔！ aˊ tai go siinˊ siib go ngianˇ eˇ！ 曾祖母（父）過世十幾年了！
hkst02_305 阿伯這禮拜愛嫁妹仔。你毋曾嫁，佢還無討。 aˊ bagˋ iaˋ liˊ bai oi ga moi eˋ。ngˇ mˇ qienˇ ga，iˇ vanˇ moˇ toˋ。 伯伯這星期要嫁女兒。你未嫁，他未娶。
hkst02_306 阿哥下禮拜愛結婚。 aˊ goˊ ha liˊ bai oi giadˋ funˊ。 哥哥下禮拜要結婚。
hkst02_307 阿泉仔討親，共下來去食酒好無？食酒莫駛車，駛車莫食酒！ aˊ qienˇ eˋ toˋ qinˊ，kiung ha loiˇ hi siid jiuˋ hoˋ moˇ？siid jiuˋ mog siiˋ caˊ，siiˋ caˊ mog siid jiuˋ！ 阿泉仔娶親，一起去喝喜酒好嗎？喝酒不開車，開車不喝酒！
hkst02_308 過年尞歸禮拜仔，愛去哪行行啊無？ go ngianˇ liau guiˊ liˊ bai eˋ，oi hi naiˋ hangˇ hangˇ a moˇ？ 過年放一星期假，要去哪裡走走嗎？
hkst02_309 你有紅包袋仔無？分一個來。 ngˇ iuˊ fungˇ bauˊ toi eˋ moˇ？bunˊ idˋ ge loiˇ。 你有紅包袋嗎？分一個給我。
hkst02_310 過年會打紙炮仔。 go ngianˇ voi daˋ ziiˋ pau eˋ。 過年會放鞭炮。
hkst02_311 細人仔在禾埕項打紙炮。 se nginˇ eˋ teˊ voˇ tangˇ hong daˋ ziiˋ pau。 小孩子在院子放鞭炮。
hkst02_312 一年有四個季節。 idˋ ngianˇ iuˊ xi ge gui jiedˋ。 一年有四個季節。
hkst02_313 過新年，著新衫！ go xinˊ ngianˇ，zogˋ xinˊ samˊ！ 過新年，穿新衣！
hkst02_314 正月半，各地有燈會。 zangˊ ngiad ban，gogˋ ti iuˊ denˊ fi。 元宵節，各地都有燈會。
hkst02_315 五月節食粽仔。 ngˋ ngiad jiedˋ siid zung eˋ。 端午節吃粽子。
hkst02_316 五月節阿婆會裹粽仔。 ngˋ ngiad jiedˋ aˊ poˇ voi goˋ zung eˋ。 端午節祖母會包粽子。
hkst02_317 冬至該日，日仔最短。冬至食圓粄仔，就加一歲。 dungˊ zii ge ngidˋ，ngidˋ eˋ zuiˋ donˋ。dungˊ zii siid ianˇ banˋ eˋ，qiu gaˊ idˋ se。 冬至那天，白天最短。冬至吃湯圓，就會長一歲。
hkst02_318 每擺就恁仔，會譴死！恁仔就蓋會吔！ miˊ baiˋ qiu anˋ eˊ，voi kienˋ xiˋ！anˋ eˊ qiu goi voi eˇ！ 每次都這樣，會氣死！這樣就很棒了！
hkst02_319 該狗仔有狗蝨。 ge gieuˋ eˋ iuˊ gieuˋ sebˋ。 那隻狗身上有狗蝨。
hkst02_320 該兜書放地泥項會徑人。 ge deuˊ suˊ biong ti naiˇ hong voi gang nginˇ。 那些書放在地板上會絆倒人。
hkst02_321 該片山過低，這片過高。 ge pienˋ sanˊ go daiˊ，iaˋ pienˋ go goˊ。 那邊的山比較低，這邊的比較高。
hkst02_322 該位有賣灌腸，去買兩支仔來食。 ge vi iuˊ mai gon congˇ，hi maiˊ liongˋ giˊ eˋ loiˇ siid。 那裡有賣香腸，去買兩支來吃。
hkst02_323 做大水該下盡得人驚。該下𠊎還細，哪有可能記得。 zo tai suiˋ ge ha qin dedˋ nginˇ giangˊ。ge ha ngaiˇ hanˇ se，naiˋ iuˊ koˋ nenˇ gi dedˋ。 淹水那時候非常可怕。那時我還小，怎麼可能記得。
hkst02_324 讀大學該時節。該時節个風搓盡嚴重。 tug tai hog ge siiˇ jiedˋ。ge siiˇ jiedˋ ge fungˊ caiˊ qin ngiamˇ cung。 讀大學那時。那時的颱風很嚴重。
hkst02_325 個人个想法同大家無共樣。 ge nginˇ ge xiongˋ fabˋ tungˇ tai gaˊ moˇ kiung iong。 個人的想法跟大家不一樣。
hkst02_326 這西瓜幾多錢？這索仔幾長？若房間幾大？佢幾輒來？ iaˋ xiˊ guaˊ idˋ doˊ qienˇ？iaˋ sogˋ eˋ idˋ congˇ？ngiaˊ fongˇ gianˊ idˋ tai？iˇ idˋ jiab loiˇ？ 這西瓜多少錢？這繩子多長？你的房間多大？他多常來？
hkst02_327 係這隻，毋係該隻。 he iaˋ zagˋ，mˇ he ge zagˋ。 是這隻，不是那隻。
hkst02_328 這片地泥仰恁滑？ iaˋ pienˋ ti naiˇ ngiongˋ anˋ vad？ 這邊地板怎麼那麼滑？
hkst02_329 這息係市場，過行過去兜仔有賣場。 iaˋ xidˋ he sii congˇ，go hangˇ go hi deuˊ eˊ iuˊ mai congˇ。 這裡是市場，再走過去一點有賣場。
hkst02_330 這兜碗公缺核吔，會割著。 iaˋ deuˊ vonˋ gungˊ kiadˋ hedˋ eˇ，voi godˋ doˋ。 這些碗缺角了，會割到人。
hkst02_331 還有其他个事無？ hanˇ iuˊ kiˇ taˊ ge sii moˇ？ 還有其他的事嗎？
hkst02_332 你講麼个？𠊎無聽著。 ngˇ gongˋ maˋ ge？ngaiˇ moˇ tangˊ doˋ。 你說什麼？我沒聽到。
hkst02_333 若屋下恁鬧熱，麼人來尞？ ngiaˊ lugˋ kaˊ anˋ nau ngiad，manˋ nginˇ loiˇ liau？ 你家裡那麼熱鬧，誰來串門子？
hkst02_334 哪儕？ nai saˇ？ 哪個人？
hkst02_335 哪兜係愛燒核个？ nai deuˊ he oi seuˊ hedˋ ge？ 哪些是要燒掉的？
hkst02_336 你在哪仔？ ngˇ teˊ naiˋ eˊ？ 你在哪裡？
hkst02_337 莫講你，𠊎自家乜無好食！ mog gongˋ ngˇ，ngaiˇ qid gaˊ me moˇ hoˋ siid！ 別說你，我自己也沒得吃！
hkst02_338 這菜仰仔賣？無你試著愛仰仔做正著？ iaˋ coi ngiongˋ eˊ mai？moˇ ngˇ cii doˋ oi ngiongˋ eˊ zo nang cogˋ？ 這菜怎麼賣？不然你覺得要怎麼做才對？
hkst02_339 你仰會恁慶！你仰會知厥名仔？ ngˇ ngiongˋ voi anˋ kiang！ngˇ ngiongˋ voi diˊ iaˊ miangˇ eˋ？ 你怎麼會這麼厲害！你怎麼會知道他的名字？
hkst02_340 在外地做事，愛好好照顧自家！ teˊ ngoi ti zo se，oi hoˋ hoˋ zeu gu qid gaˊ！ 在外面工作，要好好照顧自己！
hkst02_341 佢對人蓋惡，大家就盡惱佢。 iˇ dui nginˇ goi ogˋ，tai gaˊ qiu qin nauˊ iˇ。 他對人很兇，大家很都討厭他。
hkst02_342 大人講个話愛聽。 tai nginˇ gongˋ ge fa oi tangˊ。 大人說的話要聽。
hkst02_343 一大把鎖匙。 idˋ tai baˋ soˋ siiˋ。 一大把鑰匙。
hkst02_344 總共百五！算你兩百個銀就好！ zungˋ kiung bagˋ ngˋ！son ngˇ liongˋ bagˋ ge ngiunˇ qiu hoˋ！ 總共一百五十元！算你兩百元就好！
hkst02_345 做得過講一擺無？ zo dedˋ go gongˋ idˋ baiˋ moˇ？ 可以再說一次嗎？
hkst02_346 這半析雞仔送你。 iaˋ ban sagˋ gieˊ eˋ sung ngˇ。 這半隻雞送你。
hkst02_347 這間學校正五個班。 iaˋ gianˊ hog gauˋ nang ngˋ ge banˊ。 這間學校才五個班級。
hkst02_348 做得斟加一杯來無？ zo dedˋ ziimˊ gaˊ idˋ biˊ loiˇ moˇ？ 可以再倒一杯嗎？
hkst02_349 一本書。 idˋ bunˋ suˊ。 一本書。
hkst02_350 東西恁多，怕愛兩車正載得核。 dungˊ xiˊ anˋ doˊ，pa oi liongˋ caˊ nang zoi dedˋ hedˋ。 東西那麼多，可能要兩輛車才載得了。
hkst02_351 一支尺。大約五尺長。 idˋ giˊ cagˋ。tai iogˋ ngˋ cagˋ congˇ。 一支尺。大約五尺長。
hkst02_352 九層粄。 giuˋ cenˇ banˋ。 九層糕。
hkst02_353 一串玉蘭花。 idˋ con ngiug lanˇ faˊ。 一串玉蘭花。
hkst02_354 一床蘿蔔粄。 idˋ congˇ loˇ ped banˋ。 一床蘿蔔糕。
hkst02_355 第六小隊。 ti liugˋ seuˋ dui。 第六小隊。
hkst02_356 三頂安全帽。 samˊ dangˋ onˊ qionˇ mo。 三頂安全帽。
hkst02_357 兩垤豆腐。 liongˋ de teu fu。 兩塊豆腐。
hkst02_358 昨晡日正睡五點鐘定定。 coˊ buˊ ngidˋ nang soi ngˋ diamˋ zungˊ tin tin。 昨天才睡了五個小時而已。
hkst02_359 下晝兩點。 haˊ zu liongˋ diamˋ。 下午兩點。
hkst02_360 這藥仔一日食三到。 iaˋ iog eˋ idˋ ngidˋ siid samˊ do。 這藥一天吃三次。
hkst02_361 等一下仔，來去屙堆尿。 denˋ idˋ ha eˊ，loiˇ hi oˊ doiˊ ngiau。 等一下，去小便。
hkst02_362 上一回有講過，仰又毋記得？ song idˋ fiˇ iuˊ gongˋ go，ngiongˋ iu mˇ gi dedˋ？ 上次有講過，怎麼又不記得？
hkst02_363 這山項正兩戶人家定定。 iaˋ sanˊ hong nang liongˋ fu nginˇ gaˊ tin tin。 這山上只有兩戶人家而已。
hkst02_364 還伸著兩分鐘，你過遽一息仔好無？ hanˇ cunˊ doˋ liongˋ funˊ zungˊ，ngˇ go giagˋ idˋ xid eˊ hoˋ moˇ？ 還剩兩分鐘，你快一點好嗎？
hkst02_365 這封信仔係韓國寄來个。 iaˋ fungˊ xin eˋ he honˇ guedˋ gi loiˇ ge。 這封信是從韓國寄來的。
hkst02_366 一個嬰兒仔。 idˋ ge oˇ ngaˊ eˋ。 一個嬰兒。
hkst02_367 佢這句話盡傷人。 iˇ iaˋ gi fa qin songˊ nginˇ。 他這句話很傷人。
hkst02_368 一支牙搓仔。 idˋ giˊ ngaˇ co eˋ。 一支牙刷。
hkst02_369 厥屋有兩間便所，蓋方便。 iaˊ vugˋ iuˊ liongˋ gianˊ pien soˋ，goi fongˊ pien。 他的家有兩間廁所，很方便。
hkst02_370 這半斤六十個銀，一斤算你一百就好。 iaˋ ban ginˊ liugˋ siib ge ngiunˇ，idˋ ginˊ son ngˇ idˋ bagˋ qiu hoˋ。 這半斤六十元，一斤算你一百就好。
hkst02_371 愛去哪國尞？ oi hi naiˋ guedˋ liau？ 要去哪個國家玩？
hkst02_372 五十公斤。 ngˋ siib gungˊ ginˊ。 五十公斤。
hkst02_373 四十公里遠。 xi siib gungˊ liˊ ianˋ。 四十公里遠。
hkst02_374 若兔仔蓋得人惜，𠊎做得摸一下無？ ngiaˊ tu eˋ goi dedˋ nginˇ xiagˋ，ngaiˇ zo dedˋ miaˊ idˋ ha moˇ？ 你的兔子很可愛，我可以摸一下嗎？
hkst02_375 一盒餅仔。 idˋ hab biangˋ eˋ。 一盒糕餅。
hkst02_376 這忒甜，佢食兩口就無愛食吔！大大口食，一下仔就食核吔。 iaˋ tedˋ tiamˇ，iˇ siid liongˋ heuˋ qiu moˇ oi siid eˇ！tai tai heuˋ siid，idˋ ha eˊ qiu siid hedˋ eˇ。 這太甜，他吃兩口就不要吃了！大口吃，一下就吃完了！
hkst02_377 單仔項寫等八十五號。 danˊ eˋ hong xiaˋ denˋ badˋ siib ngˋ ho。 單子上寫著八十五號。
hkst02_378 寫兩行字。 xiaˋ liongˋ hangˇ sii。 寫兩行字。
hkst02_379 第二十頁。 ti ngi siib iab。 第二十頁。
hkst02_380 這塊餅仔你兩兄弟一儕一半。 iaˋ kuai biangˋ eˋ ngˇ liongˋ hiungˊ ti idˋ saˇ idˋ ban。 這塊餅乾你們兩兄弟一人一半。
hkst02_381 朝晨有四節課。火車有十二節車廂，做得載蓋多人。 zeuˊ siinˇ iuˊ xi jiedˋ ko。foˋ caˊ iuˊ siib ngi jiedˋ caˊ xiongˊ，zo dedˋ zoi goi doˊ nginˇ。 早上有四節課。火車有十二節車廂，可以載很多人。
hkst02_382 中級。高級。 zungˊ kibˋ。goˊ kibˋ。 中級。高級。
hkst02_383 這件事情蓋大條，愛仰仔處理？ iaˋ kian sii qinˇ goi tai tiauˇ，oi ngiongˋ eˇ cuˋ liˊ？ 這件事情很嚴重，要怎麼處理？
hkst02_384 厥面項有兩三粒飯糝。西瓜大嫲粒。 iaˊ mien hong iuˊ liongˋ samˊ liab fan samˋ。xiˊ guaˊ tai maˇ liab。 他的臉上有兩三顆飯粒。西瓜很大顆。
hkst02_385 阿婆愛去銀行領錢。這領衫愛一千個銀。 aˊ poˇ oi hi ngiunˇ hongˇ liangˊ qienˇ。iaˋ liangˊ samˊ oi idˋ qienˊ ge ngiunˇ。 祖母要去銀行領錢。這件衣服要價一千元。
hkst02_386 自家行一輪，就會知吔。 qid gaˊ hangˇ idˋ linˇ，qiu voi diˊ eˊ。 自己走一次，就會知道了。
hkst02_387 八鄰。 badˋ linˇ。 八鄰。
hkst02_388 兩斤米。 liongˋ ginˊ miˋ。 兩斤米。
hkst02_389 兩臺車仔。 liongˋ toiˇ caˊ eˋ。 兩臺車。
hkst02_390 摘一蕊花分你。 zagˋ idˋ luiˊ faˊ bunˊ ngˇ。 摘一朵花給你。
hkst02_391 𠊎分你二十秒想一下仔。 ngaiˇ bunˊ ngˇ ngi siib meuˋ xiongˋ idˋ ha eˊ。 我給你二十秒思考一下。
hkst02_392 佢兩公婆愛去泰國尞五日。 iˇ liongˋ gungˊ poˇ oi hi tai guedˋ liau ngˋ ngidˋ。 他們夫妻倆要去泰國玩五天。
hkst02_393 暑假有兩隻月。 cuˋ gaˋ iuˊ liongˋ zagˋ ngiad。 暑假有兩個月。
hkst02_394 三十年。 samˊ siib ngianˇ。 三十年。
hkst02_395 兩千五百個銀。 liongˋ qienˊ ngˋ bagˋ ge ngiunˇ。 兩千五百元。
hkst02_396 一排樹仔。 idˋ paiˇ su eˋ。 一排樹木。
hkst02_397 一盤炒蕹菜。 idˋ panˇ cauˋ fung coi。 一盤炒空心菜。
hkst02_398 豬皮。皮鞋。去屋背摘一兩皮仔七層塔。 zuˊ piˇ。piˇ haiˇ。hi vugˋ boi zagˋ idˋ liongˋ piˇ eˊ qidˋ qienˇ cabˋ。 豬皮。皮鞋。去房子後面摘一兩片九層塔。
hkst02_399 一篇論文。 idˋ pienˊ lun vunˇ。 一篇論文。
hkst02_400 七千頭樹仔。 qidˋ qienˊ teuˇ su eˋ。 七千棵樹。
hkst02_401 賺無錢。車錢幾多？禁指兩錢。 con moˇ qienˇ。caˊ qienˇ idˋ doˊ？gim ziiˋ liongˋ qienˇ。 賺不到錢。車費多少錢？戒指重兩錢。
hkst02_402 屋下淨佢一個人定定。 lugˋ kaˊ qiang iˇ idˋ ge nginˇ tin tin。 家裡只有他一人而已。
hkst02_403 十八歲。 siib badˋ se。 十八歲。
hkst02_404 十二生肖。 siib ngi sangˊ seu。 十二生肖。
hkst02_405 一身西裝。 idˋ siinˊ xiˊ zongˊ。 一套西裝。
hkst02_406 唐詩三百首。 tongˇ siiˊ samˊ bagˋ suˋ。 唐詩三百首。
hkst02_407 歸朝晨正賣核一雙鞋。 guiˊ zeuˊ siinˇ nang mai hedˋ idˋ sungˊ haiˇ。 整個早上只賣了一雙鞋。
hkst02_408 恁大頭个樹仔。 anˋ tai teuˇ ge su eˋ。 那麼大棵的樹。
hkst02_409 寫一條歌仔。 xiaˋ idˋ tiauˇ goˊ eˋ。 寫一首歌。
hkst02_410 一臺電視。 idˋ toiˇ tien sii。 一臺電視。
hkst02_411 中山路一段。 zungˊ sanˊ lu idˋ ton。 中山路一段。
hkst02_412 電用核幾多度？ tien iung hedˋ idˋ doˊ tu？ 電用了多少度？
hkst02_413 打恁多通電話，仰全無接？ daˋ anˋ doˊ tungˊ tien fa，ngiongˋ qionˇ moˇ jiabˋ？ 打那麼多通電話，怎麼都沒接？
hkst02_414 一萬個人。 idˋ van ge nginˇ。 一萬個人。
hkst02_415 煮一鑊飯。 zuˋ idˋ vog fan。 煮一鍋飯。
hkst02_416 一碗豬肝湯。 idˋ vonˋ zuˊ gonˊ tongˊ。 一碗豬肝湯。
hkst02_417 這貓嫲養兩隻貓子。 iaˋ meu maˇ iongˊ liongˋ zagˋ meu ziiˋ。 這母貓生了兩隻小貓。
hkst02_418 一張衛生紙。佢嫁分姓張个。 idˋ zongˊ vi senˊ ziiˋ。iˇ ga bunˊ xiang zongˊ ge。 一張衛生紙。她嫁給姓張的。
hkst02_419 一組號碼。 idˋ zuˊ ho maˊ。 一組號碼。
hkst02_420 這屋仔正兩層樓定定。 iaˋ vugˋ eˋ nang liongˋ cenˇ leuˇ tin tin。 這屋子才兩層樓而已。
hkst02_421 兩禮拜去一到臺北。 liongˋ liˊ bai hi idˋ do toiˇ bedˋ。 兩星期去一次臺北。
hkst02_422 阿華比你還過高，有麼个好比？ aˊ faˇ biˋ ngˇ vanˇ go goˊ，iuˊ maˋ ge hoˋ biˋ？ 阿華比你還高，有什麼好比較？
hkst02_423 仰飯還本本放等？愛動啊！ ngiongˋ fan hanˇ bunˋ bunˋ biong denˋ？oi tungˊ aˇ！ 飯怎麼仍然放著？要動啊！
hkst02_424 阿爸本來愛去个，背尾又取消。 aˊ baˊ bunˋ loiˇ oi hi ge，boi miˊ iu qiˋ seuˊ。 爸爸本來要去的，最後又取消。
hkst02_425 分人打。分佢一塊糖仔。分粄仔。同人分飯食。 bunˊ nginˇ daˋ。bunˊ iˇ idˋ kuai tongˇ eˋ。bunˊ banˋ eˋ。tungˇ nginˇ bunˊ fan siid。 被人打。給他一塊糖。分粄食。向人乞食。
hkst02_426 無人在屋下。 moˇ nginˇ teˊ lugˋ kaˊ。 沒人在家。
hkst02_427 除核工作以外，家庭生活乜盡重要。 cuˇ hedˋ gungˊ zogˋ iˊ ngoi，gaˊ tinˇ senˊ fad me qin cung ieu。 除了工作以外，家庭生活也非常重要。
hkst02_428 除核英文，你還會講麼个話？ cuˇ hedˋ inˊ vunˇ，ngˇ hanˇ voi gongˋ maˋ ge fa？ 除了英文，你還會說什麼語言？
hkst02_429 除核你還有麼人？同這草除核去。 cuˇ hedˋ ngˇ hanˇ iuˊ maˋ nginˇ？tungˇ iaˋ coˋ cuˇ hedˋ hi。 除了你還有誰？把這草除去。
hkst02_430 楊梅站會到吔！食到肚屎飽飽。 iongˇ moiˇ zam voi do eˇ！siid do duˋ siiˋ bauˋ bauˋ。 楊梅站快到了！肚子吃得飽飽的。
hkst02_431 對這片到車頭，愛一點鐘來行。你對哪來？臺北抑苗栗？ dui iaˋ pienˋ do caˊ teuˇ，oi idˋ diamˋ zungˊ loiˇ hangˇ。ngˇ dui naiˋ loiˇ？toiˇ bedˋ ia meuˇ lid？ 從這裡到車站，要走一小時。你從哪裡來？臺北還是苗栗？
hkst02_432 阿哥个書包。賣豬肉个。 aˊ goˊ ge suˊ bauˊ。mai zuˊ ngiugˋ ge。 哥哥的書包。賣豬肉的。
hkst02_433 佢講㖸个，故所你莫恁譴啦！ iˇ gongˋ nagˋ ge，gu soˋ ngˇ mog anˋ kienˋ laˋ！ 他開玩笑的，所以你不要生氣啦！
hkst02_434 冰箱肚个葡萄係毋係你買个？ benˊ xiongˊ duˋ ge puˇ toˇ he mˇ he ngˇ maiˊ ge？ 冰箱裡的葡萄是不是你買的？
hkst02_435 佢抑係你做得去？ iˇ ia he ngˇ zo dedˋ hi？ 他還是你可以去？
hkst02_436 因爭恁仔就噭吔，恁見笑！ inˊ zenˊ anˋ eˊ qiu gieu eˇ，anˋ gian seu！ 因為這樣就哭了，很丟臉！
hkst02_437 看你恁歡喜个樣仔。暢到像癲仔樣仔。 kon ngˇ anˋ fonˊ hiˋ ge iong eˋ。tiong do qiong dienˊ eˋ iong eˋ。 看你那麼高興的樣子。高興得像瘋子一樣。
hkst02_438 這蓋簡單，連細人仔都曉得。 iaˋ goi gianˋ danˊ，lienˇ se nginˇ eˋ duˊ hiauˋ dedˋ。 這很簡單，連小朋友都會。
hkst02_439 佢毋單淨生來靚，還蓋有愛心。 iˇ mˇ danˊ qiang sangˊ loiˇ jiangˊ，hanˇ goi iuˊ oi ximˊ。 他不只長得漂亮，還很有愛心。
hkst02_440 有同佢解釋，毋過佢無法度接受。 iuˊ tungˇ iˇ giaiˋ siidˋ，mˇ go iˇ moˇ fabˋ tu jiabˋ su。 有跟他解釋，但他無法接受。
hkst02_441 你有看著阿明無？毋知走哪去吔。 ngˇ iuˊ kon doˋ aˊ minˇ moˇ？mˇ diˊ zeuˋ naiˋ hi eˇ。 你有看到阿明嗎？不知道跑去哪裡了。
hkst02_442 若係有仰仔就愛講，莫客氣。 na he iuˊ ngiongˋ eˊ qiu oi gongˋ，mog kiedˋ hi。 如果怎麼了就要說，不要客氣。
hkst02_443 原本講好个，又詐癲，會譴死！ ngianˇ bunˋ gongˋ hoˋ ge，iu za dienˊ，voi kienˋ xiˋ！ 原本說好的，又裝傻，會氣死！
hkst02_444 原來玻璃係你打核个。 ngianˇ loiˇ boˊ liˇ he ngˇ daˋ hedˋ ge。 原來玻璃是你打破的。
hkst02_445 怕有十公斤重。 pa iuˊ siib gungˊ ginˊ cung。 可能有十公斤重。
hkst02_446 你盡量食，最好食核去！ ngˇ qin liong siid，zuiˋ hoˋ siid hedˋ hi！ 你盡量吃，最好吃完！
hkst02_447 就像係鉛筆、尺。就像毋係厥事樣仔。 qiu qiong he ianˇ bidˋ、cagˋ。qiu qiong mˇ he iaˊ sii iong eˋ。 就像是鉛筆、尺。好像不是他的事一樣。
hkst02_448 佢係阿婆從細渡到大个。阿哥從來毋識自家煮飯。 iˇ he aˊ poˇ qiungˇ se tu do tai ge。aˊ goˊ qiungˇ loiˇ mˇ siidˋ qid gaˊ zuˋ fan。 他是祖母從小帶到大的。哥哥從來沒自己煮過飯。
hkst02_449 雖然恁仔講無毋著，佢還感覺著疑狐。 suiˊ ianˇ anˋ eˊ gongˋ moˇ mˇ cog，iˇ hanˇ gamˋ gogˋ doˋ ngiˇ fuˇ。 雖然這樣說沒錯，他還是感到懷疑。
hkst02_450 該賊仔走核吔！過核个事就莫過想吔！ ge ced eˋ zeuˋ hedˋ eˇ！go hedˋ ge sii qiu mog go xiongˋ eˇ！ 那個小偷跑掉了！過去的事就不要想了！
hkst02_451 第一儕。第二個。 ti idˋ saˇ。ti ngi ge。 第一人。第二個。
hkst02_452 同你講。同你共下去。 tungˇ ngˇ gongˋ。tungˇ ngˇ kiung ha hi。 跟你說。和你一起去。
hkst02_453 為著子女食苦。 vi doˋ ziiˋ ngˋ siid kuˋ。 為了子女吃苦。
hkst02_454 暗晡頭愛早兜啊睡。老弟每暗晡九點睡。 am buˊ teuˇ oi zoˋ deuˊ a soi。loˋ taiˊ miˊ am buˊ giuˋ diamˋ soi。 晚上要早一點睡。弟弟每天晚上九點睡。
hkst02_455 暗晡夜有閒無？ am buˊ ia iuˊ hanˇ moˇ？ 今天晚上有空嗎？
hkst02_456 佢人恁好，仰會恁短命？拜六，夜市仔恁多人。 iˇ nginˇ anˋ hoˋ，ngiongˋ voi anˋ donˋ miang？bai liugˋ，ia sii eˋ anˋ doˊ nginˇ。 他人這麼好，怎麼會這麼短命？星期六，夜市很多人。
hkst02_457 拜一有英文課。 bai idˋ iuˊ inˊ vunˇ ko。 星期一有英文課。
hkst02_458 半夜吔！你做麼个毋睡？ ban ia eˇ！ngˇ zo maˋ ge mˇ soi？ 半夜了！你怎麼還不睡？
hkst02_459 行歸半日正到，有遠哦！ hangˇ guiˊ ban ngidˋ nang do，iuˊ ianˋ oˊ！ 走了大半天才到達，好遠哦！
hkst02_460 北海。這禮拜阿爸愛上北食酒。 bedˋ hoiˋ。iaˋ liˊ bai aˊ baˊ oi songˊ bedˋ siid jiuˋ。 北海。這星期爸爸要北上喝喜酒。
hkst02_461 狗仔在若背尾。背尾佢正承認係佢偷个。 gieuˋ eˋ teˊ ngiaˊ boi miˊ。boi miˊ iˇ nang siinˇ ngin he iˇ teuˊ ge。 狗在你的背後。最後他才承認是他偷的。
hkst02_462 屋背後。 vugˋ boi heu。 屋子後方。
hkst02_463 自從車禍過後，佢就無上班。 cii qiungˇ caˊ fo go heu，iˇ qiu moˇ songˊ banˊ。 自從車禍過後，他就沒上班。
hkst02_464 昨晡日食齋，做毋得食肉。 coˊ buˊ ngidˋ siid zaiˊ，zo mˇ dedˋ siid ngiugˋ。 昨天吃素，不能吃肉。
hkst02_465 打早就無閒到今，坐等尞一下。 daˋ zoˋ qiu moˇ hanˇ do ginˊ，coˊ denˋ liau idˋ ha。 從早忙到現在，坐著休息一下。
hkst02_466 佢每擺去市場都會買水粄仔。 iˇ miˊ baiˋ hi sii congˇ duˊ voi maiˊ suiˋ banˋ eˋ。 他每次去市場都會買水粄。
hkst02_467 每暗晡。每一個人。 miˊ am buˊ。miˊ idˋ ge nginˇ。 每晚。每個人。
hkst02_468 單淨佢一個人做，哪有法度？ danˊ qiang iˇ idˋ ge nginˇ zo，naiˋ iuˊ fabˋ tu？ 僅僅他一個人做，哪有辦法？
hkst02_469 阿姆無在廳下，在裡背煮飯。這恁多人裡背，佢最壁。 aˊ meˊ moˇ teˊ tangˊ haˊ，teˊ diˊ boi zuˋ fan。iaˋ anˋ doˊ nginˇ diˊ boi，iˇ zuiˋ biagˋ。 媽媽不在客廳，在裡面煮飯。這麼多人中，他最能幹。
hkst02_470 到底愛仰仔做正好呢？ do daiˋ oi ngiongˋ eˊ zo nang hoˋ noˋ？ 到底要怎麼做才好呢？
hkst02_471 當在該食飯，電話就響吔！ dongˊ teˊ ge siid fan，tien fa qiu hiongˋ eˇ！ 正在吃飯，電話就響了！
hkst02_472 當時無講清楚，搣到冤家。 dongˊ siiˇ moˇ gongˋ qinˊ cuˋ，miedˋ do ianˊ gaˊ。 當時沒講清楚，搞到吵架。
hkst02_473 比賽打頭名，佢心肚蓋暢。 biˋ soi daˋ teuˇ miangˇ，iˇ ximˊ duˋ goi tiong。 比賽得第一名，他心裡頭很開心。
hkst02_474 當晝，日頭晒到人暈暈。 dongˊ zu，ngidˋ teuˇ sai do nginˇ funˇ funˇ。 中午，太陽晒得人頭暈。
hkst02_475 盎仔肚插等盡靚个花。心肝肚盡譴。 angˊ eˋ duˋ cabˋ denˋ qin jiangˊ ge faˊ。ximˊ gonˊ duˋ qin kienˋ。 瓶子裡插著很漂亮的花。心裡很生氣。
hkst02_476 仰恁堵好呢！你來市場買麼个？ ngiongˋ anˋ duˋ hoˋ noˋ！ngˇ loiˇ sii congˇ maiˊ maˋ ge？ 怎麼這麼湊巧！你來市場買什麼？
hkst02_477 這衫著起來堵堵好。時間算到堵堵好。 iaˋ samˊ zogˋ hiˋ loiˇ duˋ duˋ hoˋ。siiˇ gianˊ son do duˋ duˋ hoˋ。 這衣服穿起來剛剛好。時間算得剛好。
hkst02_478 對面有兩戶人家。 dui mien iuˊ liongˋ fu nginˇ gaˊ。 對面有兩戶人家。
hkst02_479 對這片向東行就會到。 dui iaˋ pienˋ hiong dungˊ hangˇ qiu voi do。 從這邊向東走就會到。
hkst02_480 這片變蓋多，恁久無來，一下仔尋無方向。 iaˋ pienˋ bien goi doˊ，anˋ giuˋ moˇ loiˇ，idˋ ha eˊ qimˇ moˇ fongˊ hiong。 這邊變了許多，這麼久沒來，一下子找不到方向。
hkst02_481 佢兩個人歇兩隔壁。隔壁叔公下禮拜愛去食酒。 iˇ liongˋ ge nginˇ hedˋ liongˋ gagˋ biagˋ。gagˋ biagˋ sugˋ gungˊ ha liˊ bai oi hi siid jiuˋ。 他們兩人住隔壁。隔壁叔公下星期要去喝喜酒。
hkst02_482 既經講恁多擺，仰還共樣？阿公過身既經十年吔！ gi ginˊ gongˋ anˋ doˊ baiˋ， ngiongˋ hanˇ kiung iong？ aˊ gungˊ go siinˊ gi ginˊ siib ngianˇ eˇ！ 已經講那麼多次了，怎麼還一樣？祖父過世已經十年了！
hkst02_483 你幾時愛來尞？愛先講哦！ ngˇ giˋ siiˇ oi loiˇ liau？oi xienˊ gongˋ oˊ！ 你何時要來玩？要先說哦！
hkst02_484 天光日幾多人會來？ tienˊ gongˊ ngidˋ idˋ doˊ nginˇ voi loiˇ？ 明天多少人會來？
hkst02_485 車禍吔！共快喊救護車。 caˊ fo eˇ！kiong kuai ham giu fu caˊ。 車禍了！快點叫救護車。
hkst02_486 阿姊今晡日過定。 aˊ ze ginˊ buˊ ngidˋ go tin。 姊姊今天訂婚。
hkst02_487 吾表老妹今年十八歲。 ngaˊ beuˋ loˋ moi ginˊ ngianˇ siib badˋ se。 我表妹今年十八歲。
hkst02_488 一張嘴緊唊，蓋吵。 idˋ zongˊ zoi ginˋ giab，goi cauˇ。 一張嘴一直說個不停，很吵。
hkst02_489 若妹仔緊大緊靚。緊行緊看，看著中意个正買。 ngiaˊ moi eˋ ginˋ tai ginˋ jiangˊ。ginˋ hangˇ ginˋ kon，kon doˋ zung i ge nang maiˊ。 你女兒越大越漂亮。一面走一面看，看到喜歡的再買。
hkst02_490 緊來緊多。緊來緊靚。 ginˋ loiˇ ginˋ doˊ。ginˋ loiˇ ginˋ jiangˊ。 越來越多。越來越漂亮。
hkst02_491 過無幾久，阿美就愛嫁吔！這片行過去，愛三點鐘久。 go moˇ idˋ giuˋ，aˊ miˊ qiu oi ga eˊ！iaˋ pienˋ hangˇ go hi，oi samˊ diamˋ zungˊ giuˋ。 過沒多久，阿美就要嫁人了！這邊走過去，要三小時。
hkst02_492 阿美過核年就愛嫁吔！過核年就愛開工吔！ aˊ miˊ go hedˋ ngianˇ qiu oi ga eˇ！go hedˋ ngianˇ qiu oi koiˊ gungˊ eˇ！ 阿美過年後就要嫁了！過完春節就要開工了！
hkst02_493 佢出車禍，過後人就無核吔！ iˇ cudˋ caˊ fo，go heu nginˇ qiu moˇ hedˋ eˇ！ 他出車禍，之後就去世了！
hkst02_494 講著佢就歸葩火！ gongˋ doˋ iˇ qiu guiˊ paˊ foˋ！ 說到他就一肚子火！
hkst02_495 下二擺愛記得帶，知無？這下無閒，下二擺正講。 ha ngi baiˋ oi gi dedˋ dai，diˊ moˇ？iaˋ ha moˇ hanˇ，ha ngi baiˋ nang gongˋ。 下次要記得帶，知道嗎？現在沒空，以後再說。
hkst02_496 在眠床下背庰等。 teˊ minˇ congˇ haˊ boi biang denˋ。 在床下躲著。
hkst02_497 下晝去改菜園。 haˊ zu hi goiˋ coi ianˇ。 下午去菜園鬆土。
hkst02_498 這下水果比頭擺還過貴。就喊你莫講仔還過講。 iaˋ ha suiˋ goˋ biˋ teuˇ baiˋ hanˇ go gui。qiu ham ngˇ mog gongˋ eˇ hanˇ go gongˋ。 現在水果比以前還貴。就叫你不要講了還講。
hkst02_499 講恁多擺吔，佢還係共樣毋改。 gongˋ anˋ doˊ baiˋ eˇ，iˇ hanˇ he kiung iong mˇ goiˋ。 講那麼多次了，他還是一樣不改。
hkst02_500 還有一儕毋曾到。 vanˇ iuˊ idˋ saˇ mˇ qienˇ do。 還有一人沒到。
hkst02_501 該蛇哥恁大尾，還得人驚。 ge saˇ goˊ anˋ tai miˊ，hanˇ dedˋ nginˇ giangˊ。 那條蛇很大隻，很可怕。
hkst02_502 庰在門後背。 biang teˊ munˇ heu boi。 躲在門後面。
hkst02_503 本來講愛來，後來佢又講無閒。 bunˋ loiˇ gongˋ oi loiˇ，heu loiˇ iˇ iu gongˋ moˇ hanˇ。 本來說要來，後來他又說沒空。
hkst02_504 後日正同你講，好無？ heuˊ ngidˋ nang tungˇ ngˇ gongˋ，hoˋ moˇ？ 後天再跟你講，好嗎？
hkst02_505 若位仔在最後尾。 ngiaˊ vi eˋ teˊ zuiˋ heu miˊ。 你的位子在最後面。
hkst02_506 現代人。 hian toi nginˇ。 現代人。
hkst02_507 這擺好得你𢯭手。 iaˋ baiˋ hoˋ dedˋ ngˇ ten suˋ。 這次幸好你幫忙。
hkst02_508 下班以前愛交出來。𠊎以前分這先生教。 haˊ banˊ iˊ qienˇ oi gauˊ cudˋ loiˇ。ngaiˇ iˊ qienˇ bunˊ iaˋ xinˊ sangˊ gauˊ。 下班以前要交出來。我以前被這老師教。
hkst02_509 厥屋下盡有口。 iaˊ lugˋ kaˊ qin iuˊ heuˋ。 他家裡很富裕。
hkst02_510 今嘎愛仰結煞？共快想辦法。 ginˊ ga oi ngiong gadˋ sadˋ？kiong kuai xiongˋ pan fabˋ。 現在要怎麼辦？快想辦法。
hkst02_511 𠊎好食冰，佢也同𠊎共樣。 ngaiˇ hau siid benˊ，iˇ ia tungˇ ngaiˇ kiung iong。 我喜歡吃冰，他也跟我一樣。
hkst02_512 一般來講，私立个學校學費過貴。 idˋ banˊ loiˇ gongˋ，siiˊ lib ge hog gauˋ hog fi go gui。 一般來說，私立的學校學費比較貴。
hkst02_513 你一定愛來參加。這無一定係佢拿去个，你做得問佢。 ngˇ idˋ tin oi loiˇ camˊ gaˊ。iaˋ moˇ idˋ tin he iˇ naˊ hi ge，ngˇ zo dedˋ mun iˇ。 你一定要來參加。這不一定是他拿去的，你可以問他。
hkst02_514 這蓋簡單，一下仔就好吔。 iaˋ goi gianˋ danˊ，idˋ ha eˊ qiu hoˋ eˇ。 這很簡單，一下子就好了。
hkst02_515 這到該有五公里遠。愛行蓋遠正行得到。 iaˋ do ge iuˊ ngˋ gungˊ liˊ ianˋ。oi hangˇ goi ianˋ nang hangˇ dedˋ do。 這到那有五公里遠。要走很遠才走得到。
hkst02_516 細人仔搞紙炮仔，又驚又好。 se nginˇ eˋ gauˋ ziiˋ pau eˋ，iu giangˊ iu hau。 小孩放鞭炮，又害怕又喜歡。
hkst02_517 企在厥右片。 kiˊ teˊ iaˊ iu pienˋ。 站在他右邊。
hkst02_518 這菜有影好食！做得教𠊎煮無？聽你講到有來有去，敢有影？ iaˋ coi iuˊ iangˋ hoˋ siid！zo dedˋ gauˊ ngaiˇ zuˋ moˇ？tangˊ ngˇ gongˋ do iuˊ loiˇ iuˊ hi，gamˋ iuˊ iangˋ？ 這菜真的好吃！可以教我煮嗎？聽你講得滔滔不絕，真的嗎？
hkst02_519 佢有時節會好恬恬仔發譴。 iˇ iuˊ siiˇ jiedˋ voi hoˋ diamˋ diamˋ eˊ fadˋ kienˋ。 他有時候會無緣無故生氣。
hkst02_520 班項每一個人就盡牛，尤其係佢。 banˊ hong miˊ idˋ ge nginˇ qiu qin ngiuˇ，iuˇ kiˇ he iˇ。 班上每個人都很頑皮，尤其是他。
hkst02_521 阿哥做兵，蓋輒寫信仔歸來。 aˊ goˊ zo binˊ，goi diab xiaˋ xin eˋ guiˊ loiˇ。 哥哥當兵，很常寫信回來。
hkst02_522 阿公臨暗仔輒輒去過家尞。 aˊ gungˊ limˇ am eˋ jiab jiab hi go gaˊ liau。 祖父傍晚常常去鄰居家聊天。
hkst02_523 將來个事情還恁久，到時正講。 jiongˊ loiˇ ge sii qinˇ hanˇ anˋ giuˋ，do siiˇ nang gongˋ。 將來的事情還那麼久，到時候再講。
hkst02_524 行過上一息。佢過大。 hangˇ go songˊ idˋ xidˋ。iˇ go tai。 走到上面一點。他比較大。
hkst02_525 其實佢係蓋省个人。 kiˇ siid iˇ he goi sangˋ ge nginˇ。 其實他是很節省的人。
hkst02_526 舊年買个衫，看起來還新新。 kiu ngianˇ maiˊ ge samˊ，kon hiˋ loiˇ hanˇ xinˊ xinˊ。 去年買的衣服，看起來還很新。
hkst02_527 屋下行到學校蓋近。 lugˋ kaˊ hangˇ do hog gauˋ goi kiunˊ。 從家裡走到學校很近。
hkst02_528 共下來去看電影，愛無？ kiung ha loiˇ hi kon tien iangˋ，oi moˇ？ 一起去看電影，要嗎？
hkst02_529 文山里里長。 vunˇ sanˊ liˊ liˊ zongˋ。 文山里里長。
hkst02_530 禮拜日放尞，來去仙山行行啊！ liˊ bai ngidˋ biong liau，loiˇ hi xienˊ sanˊ hangˇ hangˇ aˋ！ 禮拜天放假，去仙山走走！
hkst02_531 臨暗仔轉夜，準備食飯吔。 limˇ am eˋ zonˋ ia，zunˋ pi siid fan eˊ。 傍晚夜色來臨，準備吃飯了。
hkst02_532 你係老古時代个人？仰恁古董？ ngˇ he loˋ guˋ siiˇ toi ge nginˇ？ngiongˋ anˋ guˋ dungˋ？ 你是古代人嗎？怎麼這麼守舊？
hkst02_533 這眠床忒硬，佢睡毋慣。水果無甜，毋好食。 iaˋ minˇ congˇ tedˋ ngang，iˇ soi mˇ guan。suiˋ goˋ moˇ tiamˇ，mˇ hoˋ siid。 這床太硬，他睡不習慣。水果不甜，不好吃。
hkst02_534 你這下麼个都毋使想，人來就好！毋使恁工夫。 ngˇ iaˋ ha maˋ ge duˊ mˇ siiˋ xiongˋ，nginˇ loiˇ qiu hoˋ！mˇ siiˋ anˋ gungˊ fuˊ。 你現在什麼都不用想，人來就好！不用這麼費工。
hkst02_535 仰還毋曾寫功課？ ngiongˋ hanˇ mˇ qienˇ xiaˋ gungˊ ko？ 怎麼還沒寫功課？
hkst02_536 佢乜生來蓋高。 iˇ me sangˊ loiˇ goi goˊ。 他也長得很高。
hkst02_537 牛乳放在若書桌面項。 ngiuˇ nen biong teˊ ngiaˊ suˊ zogˋ mien hong。 牛奶放在你的書桌上面。
hkst02_538 跪啊厥面前會失禮。 kuiˋ a iaˊ mien qienˇ fi siidˋ liˊ。 跪在他的前面道歉。
hkst02_539 細人仔無伴好尞，蓋孤栖。 se nginˇ eˋ moˇ panˊ hoˋ liau，goi guˊ xiˊ。 小孩沒有伴一起玩耍，很孤單。
hkst02_540 哪仔就聽得著厥聲。 naiˋ eˋ qiu tangˊ dedˋ doˋ iaˊ sangˊ。 到處都聽得到他的聲音。
hkst02_541 愛等到哪久？ oi denˋ do nai giuˋ？ 要等到何時？
hkst02_542 南風天，地泥溼溼。吹南風。 namˇ fungˊ tienˊ，ti naiˇ siibˋ siibˋ。coiˊ namˇ fungˊ。 吹南風，地板溼溼的。吹南風。
hkst02_543 過等一下仔，另外一個人還無到！ go denˋ idˋ ha eˊ，nang ngoi idˋ ge nginˇ hanˇ moˇ do！ 再等一下，另外一個人還沒到！
hkst02_544 一半就好，莫斟恁滿。天時熱，冷氣間裡背滿滿个人。 idˋ ban qiu hoˋ，mog ziimˊ anˋ manˊ。tienˊ siiˇ ngiad，langˊ hi gianˊ diˊ boi manˊ manˊ ge nginˇ。 一半就好，不要倒那麼滿。天氣熱，冷氣房裡滿滿的人。
hkst02_545 係佢好食个東西，黏時就無核吔！ he iˇ hau siid ge dungˊ xiˊ，liamˇ siiˇ qiu moˇ hedˋ eˇ！ 如果是他喜歡吃的東西，馬上就沒了！
hkst02_546 日期確定吂？ ngidˋ kiˇ kogˋ tin mangˇ？ 日期確定了沒？
hkst02_547 日時頭外背蓋光，愛使開電火？ ngidˋ siiˇ teuˇ no boi goi gongˊ，oi siiˋ koiˊ tien foˋ？ 白天外面很亮，需要開電燈嗎？
hkst02_548 去國外旅行。 hi guedˋ ngoi liˋ hangˇ。 去國外旅行。
hkst02_549 外背在該晒蘿蔔乾。 no boi teˊ ge sai loˇ ped gonˊ。 外面在晒蘿蔔乾。
hkst02_550 這間店仔在國內盡有名。 iaˋ gianˊ diam eˋ teˊ guedˋ nui qin iuˊ miangˇ。 這間店在國內很有名。
hkst02_551 兩片都愛放蠟燭。 liongˋ pienˋ duˊ oi biong lab zugˋ。 兩邊都要放蠟燭。
hkst02_552 右手片。東片。 iu suˋ pienˋ。dungˊ pienˋ。 右邊。東邊。
hkst02_553 平常就愛多運動。 pinˇ songˇ qiu oi doˊ iun tung。 平常就要多運動。
hkst02_554 全部走淨淨，淨伸一個人定定。教室地泥無掃淨。 qionˇ pu zeuˋ qiang qiang，qiang cunˊ idˋ ge nginˇ tin tin。gau siidˋ ti naiˇ moˇ so qiang。 全部走光光，只剩一個人而已。教室地板沒掃乾淨。
hkst02_555 前日去郵局領錢。 qienˇ ngidˋ hi iuˇ kiug liangˊ qienˇ。 前天去郵局領錢。
hkst02_556 前年起个屋，這下還蓋新。 qienˇ ngianˇ hiˋ ge vugˋ，iaˋ ha hanˇ goi xinˊ。 前年蓋的房子，現在還很新。
hkst02_557 節目最尾，有精彩个表演。最尾，佢還係在臺北買屋仔。 jiedˋ mugˋ zuiˋ miˊ，iuˊ jinˊ caiˋ ge beuˋ ianˊ。zuiˋ miˊ，iˇ hanˇ he teˊ toiˇ bedˋ maiˊ vugˋ eˋ。 節目最後，有精采的表演。後來，他還是在臺北買房子。
hkst02_558 班項恁多人，佢最乖。 banˊ hong anˋ doˊ nginˇ，iˇ zuiˋ guaiˊ。 班上那麼多人，他最乖。
hkst02_559 這菜瓜全部送你。正買啊著个餅仔，全部分佢食淨淨。 iaˋ coi guaˊ qionˇ pu sung ngˇ。nang maiˊ a doˋ ge biangˋ eˋ，qionˇ pu bunˊ iˇ siid qiang qiang。 這絲瓜全部送你。才剛買的糕餅，全部被他吃光光。
hkst02_560 佢從來就蓋準時。 iˇ qiungˇ loiˇ qiu goi zunˋ siiˇ。 他一向都很準時。
hkst02_561 重新做加一遍。 qiungˇ xinˊ zo gaˊ idˋ bien。 重新再做一遍。
hkst02_562 哪時節愛考試？ nai siiˇ jiedˋ oi kauˋ sii？ 什麼時候要考試？
hkst02_563 兩公婆顧賺錢，哪有恁多時間好管細人仔？ liongˋ gungˊ poˇ gu con qienˇ，naiˋ iuˊ anˋ doˊ siiˇ gianˊ hoˋ gonˋ se nginˇ eˋ？ 兩夫妻顧著賺錢，哪有那麼多時間管小孩？
hkst02_564 阿姑每年做生日，佢就會打電話過來，正經十分有心。 aˊ guˊ miˊ ngianˇ zo sangˊ ngidˋ，iˇ qiu voi daˋ tien fa go loiˇ，ziin ginˊ siib funˊ iuˊ ximˊ。 每年姑姑慶生，他都會打電話過來，真的非常有心。
hkst02_565 佢兩兄弟，實在會搣死人！ iˇ liongˋ hiungˊ ti，siid cai voi miedˋ xiˋ nginˇ！ 他們兩兄弟，實在會折騰人！
hkst02_566 這係麼个所在？ iaˋ he maˋ ge soˋ cai？ 這是什麼地方？
hkst02_567 所有無用个東西全愛抨忒，你整理一下！ soˋ iuˊ moˇ iung ge dungˊ xiˊ qionˇ oi biangˊ tedˋ，ngˇ ziinˋ liˊ idˋ ha！ 所有沒用的東西都要丟掉，你整理一下！
hkst02_568 上家下屋。老弟个手髀上想橫到溜皮。 song gaˊ haˊ vugˋ。loˋ taiˊ ge suˋ biˋ song xiongˋ vang do liu piˇ。 左鄰右舍。弟弟上手臂跌到破皮。
hkst02_569 叔姆歇在厥上背伙房屋。 sugˋ meˊ hedˋ teˊ iaˊ song boi foˋ fongˇ vugˋ。 嬸嬸住在他家上方的伙房屋。
hkst02_570 上屋叔婆蓋多歲吔！ song vugˋ sugˋ poˇ goi doˊ se eˇ！ 上頭那一家的叔婆很老了！
hkst02_571 阿婆上晝會去打拳。 aˊ poˇ song zu voi hi daˋ kianˇ。 祖母上午會去打拳。
hkst02_572 上擺有講過，仰又毋記得？ song baiˋ iuˊ gongˋ go，ngiongˋ iu mˇ gi dedˋ？ 上次有講過，怎麼又不記得？
hkst02_573 碫仔恁高，上毋得！肥料上上肩。 don eˋ anˋ goˊ，songˊ mˇ dedˋ！piˇ liau songˋ songˊ gianˊ。 臺階那麼高，上不去！肥料放上肩膀。
hkst02_574 菜先買便來，隨時就有好食。 coi xienˊ maiˊ pien loiˇ，suiˇ siiˇ qiu iuˊ hoˋ siid。 菜先買好來，隨時都有得吃。
hkst02_575 你順續仔買豆油歸來。 ngˇ sun sa eˋ maiˊ teu iuˇ guiˊ loiˇ。 你順便買醬油回來。
hkst02_576 以前人屋脣有畜豬仔。 iˊ qienˇ nginˇ vugˋ siinˇ iuˊ hiugˋ zuˊ eˋ。 以前人們房子旁邊有養豬。
hkst02_577 食忒飽。這忒細粒，愛大粒个過好。 siid tedˋ bauˋ。iaˋ tedˋ se liab，oi tai liab ge go hoˋ。 吃太飽。這太小顆，要大顆的比較好。
hkst02_578 等一下仔，佢跈等就來！跈等阿姆去市場。 denˋ idˋ ha eˊ，iˇ tenˇ nenˋ qiu loiˇ！tenˇ nenˋ aˊ meˊ hi sii congˇ。 等一下，他馬上來！跟著媽媽去市場。
hkst02_579 頭擺係燒樵暖水來洗身。 teuˇ baiˋ he seuˊ ceuˇ nonˊ suiˋ loiˇ seˋ siinˊ。 從前是燒柴煮水洗澡。
hkst02_580 頭先有交分佢，佢應該記得！ teuˇ xienˊ iuˊ gauˊ bunˊ iˇ，iˇ in goiˊ gi dedˋ！ 剛才有交給他，他應該記得！
hkst02_581 天光日愛上班。 tienˊ gongˊ ngidˋ oi songˊ banˊ。 明天要上班。
hkst02_582 天光日你定著愛來哦！ tienˊ gongˊ ngidˋ ngˇ tin cog oi loiˇ oˋ！ 明天你一定要來哦！
hkst02_583 佢兩儕同時到這。佢係先生，同時乜係主任。 iˇ liongˋ saˇ tungˇ siiˇ do iaˋ。iˇ he xinˊ sangˊ，tungˇ siiˇ me he zuˋ ngim。 他們兩人同時到這裡。他是老師，同時也是主任！
hkst02_584 地泥滑滑。嘴甜舌滑。 ti naiˇ vad vad。zoi tiamˇ sad vad。 地板滑滑的。油嘴滑舌。
hkst02_585 佢完全毋聽人講。 iˇ vanˇ qionˇ mˇ tangˊ nginˇ gongˋ。 他完全不聽別人講。
hkst02_586 這位無人賣牛肉，去別位看有無。該位無掃淨，去拿畚斗來！ iaˋ vi moˇ nginˇ mai ngiuˇ ngiugˋ，hi ped vi kon iuˊ moˇ。ge vi moˇ so qiang，hi naˊ bun deuˋ loiˇ！ 這處沒人賣牛肉，去別處看有沒有。那邊沒掃乾淨，去拿畚斗來！
hkst02_587 未來个事情盡難講。 vi loiˇ ge sii qinˇ qin nanˇ gongˋ。 未來的事情很難講。
hkst02_588 西片。 xiˊ pienˋ。 西邊。
hkst02_589 你先去，𠊎跈等到！先走先贏。 ngˇ xienˊ hi，ngaiˇ tenˇ nenˋ do！xienˊ zeuˋ xienˊ iangˇ。 你先去，我馬上到！先跑先贏。
hkst02_590 正月初九天公生。正月半。 zangˊ ngiad cuˊ giuˋ tienˊ gungˊ sangˊ。zangˊ ngiad ban。 正月初九玉皇大帝生辰。正月十五。
hkst02_591 有麼个事情下二擺正講！正歸啊來，外背就落雨！正兩個銀定定。 iuˊ maˋ ge sii qinˇ ha ngi baiˋ nang gongˋ！nang guiˊ a loiˇ，no boi qiu log iˋ！nang liongˋ ge ngiunˇ tin tin。 有什麼事情下次再說！剛回來，外面就下雨！才兩元而已。
hkst02_592 朝晨頭運動蓋好。 zeuˊ siinˇ teuˇ iun tung goi hoˋ。 早上運動很好。
hkst02_593 做麼个恁譴？你在該做麼个？ zo maˋ ge anˋ kienˋ？ngˇ teˊ ge zo maˋ ge？ 為什麼這麼生氣？你在那兒做什麼？
hkst02_594 留該一息半息做麼个？做下煮核去。 liuˇ ge idˋ xidˋ ban xidˋ zo maˋ ge？zo ha zuˋ hedˋ hi。 留那一點點做什麼？全部煮了。
hkst02_595 恁早！佢今晡日蓋早就䟘床。 anˋ zoˋ！iˇ ginˊ buˊ ngidˋ goi zoˋ qiu hong congˇ。 早安！他今天很早就起床。
hkst02_596 阿美坐在若左手片。 aˊ miˊ coˊ teˊ ngiaˊ zoˋ suˋ pienˋ。 阿美坐在你左邊。
hkst02_597 活動主要係佢負責。 fad tung zuˋ ieu he iˇ fu jidˋ。 活動主要是他負責。
hkst02_598 後日記得愛準時。 heuˊ ngidˋ gi dedˋ oi zunˋ siiˇ。 後天記得要準時。
hkst02_599 毋好總係罵細人仔。爺哀總係為著你好。 mˇ hoˋ zungˋ he ma se nginˇ eˋ。iaˇ oiˊ zungˋ he vi doˋ ngˇ hoˋ。 不要總是罵小孩。父母總是為了你好。
hkst02_600 這恁多東西，總共幾多錢？ iaˋ anˋ doˊ dungˊ xiˊ，zungˋ kiung idˋ doˊ qienˇ？ 這麼多東西，總共多少錢？