六堆計劃首頁

六堆語料總覽表

哈客教材例句-06：

編號 例句 語音合成 六堆客語拼音 華譯
hkst06_001 鄉下人㓾雞鴨，愛等佢完全勯核，正做得熝滾水。 hiongˊ haˊ nginˇ ciiˇ gieˊ abˋ，oi denˋ iˇ vanˇ qionˇ sanˊ hedˋ，nang zo dedˋ lug gunˋ suiˋ。 鄉下人殺雞鴨，要等牠完全沒了氣息，才可以燙熱水。
hkst06_002 阿日哥做个係粗事，每日歸來都險險勯核。 aˊ ngidˋ goˊ zo ge he cuˊ se，miˊ ngidˋ guiˊ loiˇ duˊ hiamˋ hiamˋ sanˊ hedˋ。 阿日哥做的是粗重的工作，每天回家就一副快死了的樣子。
hkst06_003 「厥聲說蓋大」。 「iaˊ sangˊ sodˋ goi tai」。 他的嗓門很大。
hkst06_004 這藥仔食嗽，毋會苦，你做得試看啊。 iaˋ iog eˋ siid cug，mˇ voi fuˋ，ngˇ zo dedˋ cii kon a。 這藥治咳嗽，不會苦，你可以試試看。
hkst06_005 這係食腳痛个，這係食嗽个，你斯毋好拿毋著來食哦！ iaˋ he siid giogˋ tung ge，iaˋ he siid cug ge，ngˇ siiˇ mˇ hoˋ naˊ mˇ cog loiˇ siid oˊ！ 這是治療腳痛的藥，這是治咳嗽的，你可別拿錯了吃喲！
hkst06_006 佢無手瘸腳跛，也毋會目瞨耳聾，仰會去做乞食？ iˇ moˇ suˋ kioˇ giogˋ baiˊ，ia mˇ voi mugˋ puˋ ngiˋ lungˊ，ngiongˋ voi hi zo kiedˋ siid？ 他沒有四肢不健全，也不會眼盲耳聾，怎麼會去當乞丐？
hkst06_007 今這下个漢醫大體都開安到科學中藥个藥粉仔，過少合水藥喊人自家歸去煲吔。 ginˊ iaˋ ha ge hon iˊ tai tiˋ duˊ koiˊ onˊ doˊ koˊ hog zungˊ iog ge iog funˋ eˋ，go seuˋ gabˋ suiˊ iog hemˊ nginˇ qid gaˊ guiˊ hi boˊ eˇ。 現在的中醫大多開叫做科學中藥的藥粉，比較少配湯藥讓人自己回家煮了。
hkst06_008 隔壁講話大嫲聲，驚人聽毋著樣仔。 gagˋ biagˋ gongˋ fa tai maˇ sangˊ，giangˊ nginˇ tangˊ mˇ doˋ iong eˊ。 隔壁講話很大聲，怕別人聽不到一樣。
hkst06_009 外阿婆个大聲胲，遠遠就聽得著。 ngoi aˊ poˇ ge tai sangˊ goiˊ，ianˋ ianˋ qiu tangˊ dedˋ doˋ。 外婆的大嗓門，遠遠都聽得到。
hkst06_010 中風恁多年，眠在眠床項毋會停動，淨拖命定定。 zung fungˊ anˋ doˊ ngianˇ，minˇ teˊ minˇ congˇ hong mˇ voi tinˊ tungˊ，qiang toˊ miang tin tin。 中風這麼多年，臥床不能動，僅僅勉強維持生命而已。
hkst06_011 頸根試著硬鉸硬鉸，去分人推推啊會過鬆爽。 giangˋ ginˊ cii doˋ ngang gau ngang gau，hi bunˊ nginˇ tuiˊ tuiˊ aˋ voi go sungˊ songˋ。 脖子感覺到僵硬，去讓人推拿一下會比較舒服。
hkst06_012 佢蓋番綻，分厥爸推推啊過後，有過乖。 iˇ goi fanˊ can，bunˊ iaˊ baˊ tuiˊ tuiˊ aˋ go heu，iuˊ go guaiˊ。 他很頑皮，被他爸修理過後，有比較乖。
hkst06_013 佢一走，歸家人就浪花四散。 iˇ idˋ zeuˋ，guiˊ gaˊ nginˇ qiu long faˊ xi san。 他一去世，整個家就四分五裂。
hkst06_014 李仔酸合澀，食吔胃糟糟。 liˋ eˋ sonˊ gabˋ sebˋ，siid eˇ vi zoˊ zoˊ。 李子酸又澀，吃了胃中缺乏油脂想吃肉。
hkst06_015 佢昨晡日打拳，毋堵好搵著，怕幾下日做毋得去吔。 iˇ coˊ buˊ ngidˋ daˋ kianˇ，mˇ duˋ hoˋ vudˋ doˋ，pa giˋ haˊ ngidˋ zo mˇ dedˋ hi eˇ。 他昨天打拳，不小心扭傷，恐怕好幾天不能去了。
hkst06_016 食著恁多仔定定，無搭碓，毋罅楔牙縫。 siid doˋ anˋ doˊ eˊ tin tin，moˇ dabˋ doi，mˇ la xiabˋ ngaˇ pung。 吃那麼一點點而已，沒意思，不夠塞牙縫。
hkst06_017 該細人仔，伏到厥姆个心肝前睡目，睡到牽覺。 ge se nginˇ eˋ，pug do iaˊ meˊ ge ximˊ gonˊ qienˇ soi mugˋ，soi do kianˊ gau。 那個小孩，趴在他母親的胸前睡覺，睡到打呼。
hkst06_018 現代牙科毋單只同人鑲牙補齒，還有盡多種醫療服務。 hian toi ngaˇ koˊ mˇ danˊ ziiˋ tungˇ nginˇ xiongˊ ngaˇ buˋ ciiˋ，hanˇ iuˊ qin doˊ zungˋ iˊ liauˇ fug vu。 現代牙科不只幫人鑲牙補齒，還有很多種醫療服務。
hkst06_019 寒天來吔，阿婆个膝頭又會咻咻咻咻，痛啊睡毋得。 honˇ tienˊ loiˇ eˇ，aˊ poˇ ge qidˋ teuˇ iu voi xiuˇ xiuˇ xiu xiu，tung a soi mˇ dedˋ。 冬天來了，奶奶的膝蓋又會隱隱抽痛，痛得無法入睡。
hkst06_020 佢看起來還恁砸身，無想著恁遽就走核吔。 iˇ kon hiˋ loiˇ vanˇ anˋ zabˋ siinˊ，moˇ xiongˋ doˋ anˋ giagˋ qiu zeuˋ hedˋ eˇ。 他看起來還很健壯，沒想到這麼快就去世了。
hkst06_021 佢分車仔撞著，愛去照電光。 iˇ bunˊ caˊ eˋ cong doˋ，oi hi zeu tien gongˊ 。 他被車子撞到，要去照X光。
hkst06_022 佢毋知食著麼个，嘴窪蓋爛。 iˇ mˇ diˊ siid doˋ maˋ ge，zoi vaˊ goi lan。 他不知道吃到什麼，口腔內部兩側破了。
hkst06_023 頭家在大家面前恁仔咄佢，又做毋得罵歸去，忍啊心肚仔會閼死。 teuˇ gaˊ teˊ tai gaˊ mien qienˇ anˋ eˊ dodˋ iˇ，iu zo mˇ dedˋ ma guiˊ hi，ngiunˊ a ximˊ duˋ eˊ voi adˋ xiˋ。 老闆在大家面前這樣斥責他，又不能罵回去，忍在心中會氣死。
hkst06_024 動啊著就唉唉㗱㗱个人，愛仰仔做大事？ tungˊ a doˋ qiu aiˊ aiˊ jib jib ge nginˇ，oi ngiongˋ eˊ zo tai sii？ 動不動就怨歎連連的人，要怎樣做大事？
hkst06_025 佢做到半生死，錢又分人騙淨淨，實在衰到貼地！ iˇ zo do ban sangˊ xiˋ，qienˇ iu bunˊ nginˇ pien qiang qiang，siid cai soiˊ do dabˋ ti！ 他做得要死不活，錢又被人騙光光，實在倒楣透頂！
hkst06_026 佢聽著這兜傷人个話，譴到蹦飆。 iˇ tangˊ doˋ iaˋ deuˊ songˊ nginˇ ge fa，kienˋ do bangˋ beuˊ。 他聽到這些傷人的話，氣得跳腳。
hkst06_027 你莫剔事挶啊呆呆，麼个都毋知樣仔。 ngˇ mog ti sii giug a ngoiˇ ngoiˇ，maˋ ge duˊ mˇ diˊ iong eˋ。 你別故意裝愚痴，什麼都不知道的樣子。
hkst06_028 論文總算寫核通過吔，實在爽快。 lun vunˇ zungˋ son xiaˋ hedˋ tungˊ go eˇ，siid cai songˋ kuai。 論文總算寫完通過了，真是身心舒服快樂。
hkst06_029 痛風擎起來，抽筋縮脈，痛啊佇毋著。　 tung fungˊ ngiaˊ hiˋ loiˇ，cuˊ ginˊ sogˋ magˋ，tung a du mˇ diauˇ。　 痛風發作，痛苦萬分，痛得受不了。
hkst06_030 無食殗殗，食飽又鈂鈂。 moˇ siid ngiem ngiem，siid bauˋ iu dem dem。 沒吃東西沒精神，吃飽了又覺得身體笨重。
hkst06_031 佢食酒食到癲癲倒倒，麼人都毋識。 iˇ siid jiuˋ siid do dienˊ dienˊ do do，maˋ nginˇ duˊ mˇ siidˋ。 他喝酒喝到神智不甚清醒，誰也不認得。
hkst06_032 佢係發性起來，麼人个話都毋聽。 iˇ he fadˋ xin hiˋ loiˇ，maˋ nginˇ ge fa duˊ mˇ tangˊ。 他要是發起牛脾氣，什麼人的話都不聽。
hkst06_033 見擺大家講好个事情，佢毋係反心就係毋承認。 gian baiˋ tai gaˊ gongˋ hoˋ ge sii qinˇ，iˇ mˇ he fanˋ ximˊ qiu he mˇ siinˇ ngin。 每次大家講好的事情，他不是反悔就是不承認。
hkst06_034 做麼个火氣恁大？麼人惹著你係無？ zo maˋ ge foˋ hi anˋ tai？maˋ nginˇ ngiaˊ doˋ ngˇ he moˇ？ 幹嘛火氣這麼大？誰惹到你是嗎？他前一陣子火氣大嘴角一直破，到現在還沒好。
hkst06_035 佢前一駁仔火氣大緊爛嘴，到今還毋曾好。 iˇ qienˇ idˋ bogˋ eˋ foˋ hi tai ginˋ lan zoi，do ginˊ vanˇ mˇ qienˇ hoˋ。
hkst06_036 阿祿伯自從厥倈仔頭路成功以後，去到哪就風神哎哎。 aˊ lugˋ bagˋ cii qiungˇ iaˊ lai eˋ teuˇ lu siinˇ gungˊ iˊ heu，hi do naiˋ qiu fungˊ siinˇ ngai ngai。 阿祿伯自從他兒子事業成功後，去到哪兒都洋洋得意。
hkst06_037 這弓蕉還青青，食起來浹浹。 iaˋ giungˊ zeuˊ vanˇ qiangˊ qiangˊ，siid hiˋ loiˇ giabˋ giabˋ 。 這香蕉還綠綠的，吃起來嘴巴有澀澀黏黏的感覺。
hkst06_038 這座線橋又高又長，行過去个人每一個都驚驚險險，潑一身大汗。 iaˋ co xien kieuˇ iu goˊ iu congˇ，hangˇ go hi ge nginˇ miˊ idˋ ge duˊ giangˊ giangˊ hiamˋ hiamˋ，padˋ idˋ siinˊ tai hon。 這座吊橋又高又長，走過去的人個個都感到驚險可怕的樣子，出了一身汗。
hkst06_039 百貨起價，就薪水無起，食月給个人嘐嘐滾。 bagˋ fo hiˋ ga，qiu xinˊ suiˋ moˇ hiˋ，siid ngiad gibˋ ge nginˇ giau giau gunˋ。 各種貨品漲價，就薪水沒漲，領月薪的人怨聲載道。
hkst06_040 好看个戲，無看三遍毋會過願。 hoˋ kon ge hi ，moˇ kon samˊ bien mˇ voi go ngian。 好看的戲，沒看三遍不會過癮。
hkst06_041 鹹魚仔鹹丟丟仔，傍飯毋好傍恁大矻。 hamˇ ngˇ eˋ hamˇ diuˇ diuˇ eˊ，bongˋ fan mˇ hoˋ bongˋ anˋ tai kid。 鹹魚味道很鹹，配飯別配這麼大塊。
hkst06_042 阿哥一聽著搞水就好絕絕仔，逐等愛去。 aˊ goˊ idˋ tangˊ doˋ gauˋ suiˋ qiu hau qied qied eˊ，giugˋ denˋ oi hi。 哥哥一聽到玩水就興沖沖的，追著要去。
hkst06_043 細人仔一學會騎自行車，就好絕絕仔硬硬愛去騎。 se nginˇ eˋ idˋ hog voi kiˇ cii hangˇ caˊ，qiu hau qied qied eˊ ngang ngang oi hi kiˇ。 小孩一學會騎腳踏車，就興沖沖的頻頻要去騎。
hkst06_044 佢心情毋好，你毋好惹佢，等一下佢起戇面你就知吔！ iˇ ximˊ qinˇ mˇ hoˋ，ngˇ mˇ hoˋ ngiaˊ iˇ，denˋ idˋ ha iˇ hiˋ ngong mien ngˇ qiu diˊ eˇ！ 他心情不好，你別惹他，等一下他翻臉你就知道了！
hkst06_045 今晡日个日頭盡烈，又無半息風，試著翕翕。 ginˊ buˊ ngidˋ ge ngidˋ teuˇ qin ladˋ，iu moˇ ban xidˋ fungˊ，cii doˋ hibˋ hibˋ。 今天的太陽很大，又沒半點風，感覺悶熱。
hkst06_046 做人毋好梟心，正會受人歡迎。 zo nginˇ mˇ hoˋ hieuˊ ximˊ，nang voi su nginˇ fonˊ ngiangˇ。 做人別心存非分，才會受人歡迎。
hkst06_047 該都堪毋得半角銀个東西，毋使恁計較。 ge duˊ kamˊ mˇ dedˋ ban gogˋ ngiunˇ ge dungˊ xiˊ，mˇ siiˋ anˋ gie gauˋ。 那是值不了半點錢的東西，哪需要這麼計較。
hkst06_048 毋好恁死做哦，若身體斯會堪毋得。 mˇ hoˋ anˋ xiˋ zo oˊ，ngiaˊ siinˊ tiˋ siiˇ voi kamˊ mˇ dedˋ。 別那麼拼死的做喔，你的身體可是會受不了。
hkst06_049 清海嫂聽著妹仔會降吔，企坐毋核，共快逐到醫院項去。 qinˊ hoiˋ soˋ tangˊ doˋ moi eˋ voi giung eˇ，kiˊ coˊ mˇ hed，kiung kuai giugˋ do iˊ ian hong hi。 清海嫂聽到女兒即將臨盆了，坐立難安，趕快跑到醫院去。
hkst06_050 你整理个資料，大家看無，同大家說明一下好無？ ngˇ ziinˋ liˊ ge ziiˊ liau，tai gaˊ kon moˇ，tungˇ tai gaˊ sodˋ minˇ idˋ ha hoˋ moˇ？ 你整理的資料，大家看不懂，跟大家說明一下好嗎？你可要努力一點，才不會讓人看不起。
hkst06_051 你斯愛過拚一息，正毋會分人看毋起。 ngˇ siiˇ oi go bia idˋ xidˋ，nang mˇ voi bunˊ nginˇ kon mˇ hiˋ。
hkst06_052 看戲看戇核吔，還會跈等做戲个噭。 kon hi kon ngong hedˋ eˇ，vanˇ voi tenˇ denˋ zo hi ge gieu。 看戲看得出神了，還會跟著演戲的哭。
hkst06_053 看著佢平安歸來，大家就寬心吔！ kon doˋ iˇ pinˇ onˊ guiˊ loiˇ，tai gaˊ qiu konˊ ximˊ eˇ！ 看到他平安回來，大家就寬心了！
hkst06_054 今晡日做到盡𤸁，天光日放尞，做得盡命牯睡。 ginˊ buˊ ngidˋ zo do qin kioi，tiangˊ gongˊ ngidˋ biong liau，zo dedˋ qin miang guˋ soi。 今天做得好累，明天放假，可以放心地睡。
hkst06_055 共件事情你做麼个愛講恁多擺，算來罅擺吔無？ kiung kian sii qinˇ ngˇ zo maˋ ge oi gongˋ anˋ doˊ baiˋ，son loiˇ la baiˋ eˇ moˇ？ 同一件事情你幹嘛要說這麼多次，到底夠了沒？
hkst06_056 你仰看起來懶𧊅𧊅仔，係毋係人無鬆爽？ ngˇ ngiongˋ kon hiˋ loiˇ nanˊ guaiˋ guaiˋ eˊ，he mˇ he nginˇ moˇ sungˊ songˋ？ 你怎麼看起來懶洋洋的，是不是人不舒服？
hkst06_057 畢業過後在屋下尞忒久，新頭路正做著兩日仔定定，又開始起懶根。 bidˋ ngiab go heu teˊ lugˋ kaˊ liau tedˋ giuˋ，xinˊ teuˇ lu nang zo doˋ liongˋ ngidˋ eˊ tin tin，iu koiˊ siiˋ hiˋ lanˊ ginˊ。 畢業過後在家裡休息太久，新工作才做了兩天而已，又開始發懶。
hkst06_058 渡嬰兒仔無恁簡單，一下仔肚飢，一下仔愛換尿片，摝死人。 tu oˇ ngaˊ eˋ moˇ anˋ gianˋ danˊ，idˋ ha eˊ duˋ giˊ，idˋ ha eˊ oi von ngiau pienˋ，lugˋ xiˋ nginˇ。 顧嬰兒沒那麼簡單，一下子肚子餓，一下子要換尿片，煩死人。
hkst06_059 好朋友每擺打鬥敘，淨番豆同茶，乜共樣講到毋知天合地。 hoˋ penˇ iuˊ miˊ baiˋ daˋ deu xi，qiang fanˊ teu tungˇ caˇ，me kiung iong gongˋ do mˇ diˊ tienˊ gagˋ ti。 好朋友每次聚餐，單有花生和茶，也一樣談得很投入，忘了時間與空間的存在。
hkst06_060 老妹歸下晝在該愐心事，無心事做頭路。 loˋ moi guiˊ haˊ zu teˊ geˋ menˋ ximˊ sii，moˇ ximˊ sii zo teuˇ lu。 妹妹整個下午在那兒想心事，沒有心思工作。
hkst06_061 每日看著佢就面臭臭仔，盡像少著厥錢樣仔。 miˊ ngidˋ kon doˋ iˇ qiu mien cu cu eˊ，qin qiong seuˋ doˋ iaˊ qienˇ iong eˊ。 每天看到他都臉臭臭的，很像人家欠了他的錢一樣。
hkst06_062 𠊎个姐仔盡毋會煮菜，每擺煮个菜都無鹹無淡，毋餳人食。 ngaiˇ ge jiaˋ eˋ qin mˇ voi zuˋ coi，miˊ baiˋ zuˋ ge coi duˊ moˇ hamˇ moˇ tamˊ，mˇ xiangˇ nginˇ siid。 我的老婆很不會做菜，每次做的菜一點味道都沒有，不吸引人吃。
hkst06_063 佢從細就係無緊無慢个性格，堵著考試，乜本本涼涼，無相無干。 iˇ qiungˇ se qiu he moˇ ginˋ moˇ man ge xin giedˋ，duˇ doˋ kauˋ sii，me bunˋ bunˋ liongˇ liongˇ，moˇ xiongˊ moˇ gonˊ。 他從小就是無關緊要的性格，遇到考試，也還是不打緊，若無其事。
hkst06_064 阿姆目望望仔等阿哥歸來，歸夜仔全毋敢睡。 aˊ meˊ mugˋ mong mong eˊ denˋ aˊ goˊ guiˊ loiˇ，guiˊ ia eˋ qionˇ mˇ gamˋ soi。 母親望眼欲穿的等哥哥回來，整晚都不敢睡。
hkst06_065 阿姆歸日企等做事，厥兩隻腳奈毋何。 aˊ meˊ guiˊ ngidˋ kiˊ denˋ zo se，iaˊ liongˋ zagˋ giogˋ nai mˇ hoˇ。 媽媽整天站著工作，她的兩隻腳受不了。
hkst06_066 佢這人就講毋會聽，每一個人都奈毋何佢。 iˇ iaˋ nginˇ qiu gongˋ mˇ voi tangˊ，miˊ idˋ ge nginˇ duˊ nai mˇ hoˇ iˇ。 他這人就是講不聽，每個人都拿他沒轍。
hkst06_067 「暢到毋得結煞」。 「tiong do mˇ dedˋ gadˋ sadˋ」。 樂得不得了。
hkst06_068 尞日睡啊恁晝，人感覺著懶骨懶骨。 liau ngidˋ soi a anˋ zu，nginˇ gamˋ gogˋ doˋ lanˊ gudˋ lanˊ gudˋ。 假日睡到近午，整個人覺得懶懶散散的。
hkst06_069 佢譴你譴啊齧牙狌齒，拳頭就揢出水吔。 iˇ kienˋ ngˇ kienˋ a ngad ngaˇ sen ciiˋ，kianˇ teuˇ duˊ kag cudˋ suiˋ eˇ。 他氣你氣得咬牙切齒，拳頭都可握出水來了。
hkst06_070 若東西買啊恁多，愛使𠊎𢯭擐無？ ngiaˊ dungˊ xiˊ maiˊ a anˋ doˊ，oi siiˋ ngaiˇ ten kuan moˇ？ 你的東西買這麼多，需要我幫忙提嗎？這哪需要你教？只要看一下就學會了。
hkst06_071 這愛使你教？淨看一下就學會吔。 iaˋ oi siiˋ ngˇ gau？qiang kon idˋ ha qiu hog voi eˇ。
hkst06_072 𠊎哪會知佢走哪去？你做得問厥姐仔。 ngaiˇ nai voi diˊ iˇ zeuˋ naiˋ hi？ngˇ zo dedˋ mun iaˊ jiaˋ eˋ。 我怎麼會知道他跑哪去？你可以問他老婆。
hkst06_073 阿明這擺考試打頭名，佢就沙鼻摝天，一哪仔同人講。 aˊ minˇ iaˋ baiˋ kauˋ sii daˋ teuˇ miangˇ，iˇ qiu saˊ pi lugˋ tienˊ，idˋ nai eˋ tungˇ nginˇ gongˋ。 阿明這次考試得第一，他就神氣活現的，到處跟人說。
hkst06_074 愛就愛遽啊決定，毋好三心打兩意。 oi qiu oi giagˋ aˋ giadˋ tin，mˇ hoˋ samˊ ximˊ daˋ liongˋ i。 要就要快點決定，別三心兩意。
hkst06_075 會有幾多人來，𠊎乜算毋定著，毋罅坐正講。 voi iuˊ idˋ doˊ nginˇ loiˇ，ngaiˇ me son mˇ tin cog，mˇ la coˊ nang gongˋ。 會有多少人來，我也無法算準，不夠坐再說。
hkst06_076 紅李仔酸丟丟仔，盡多人好食。 fungˇ liˋ eˋ sonˊ diuˇ diuˇ eˊ，qin doˊ nginˇ hau siid。 紅李子酸溜溜的，蠻多人愛吃。
hkst06_077 這缸酸醋酸咚咚仔，做來有得著竅門。 iaˋ gongˊ sonˊ cii sonˊ dungˇ dungˇ eˊ，zo loiˇ iuˊ dedˋ doˋ kieu munˇ。 這缸醋味道酸溜溜的，做得有得到竅門。
hkst06_078 你輩分過高，又送恁大个禮，𠊎實在受當毋起。 ngˇ pi fun go goˊ，iu sung anˋ tai ge liˊ，ngaiˇ siid cai su dongˊ mˇ hiˋ。 你的輩分比較高，又送這麼大的禮，我真是承受不起。
hkst06_079 大家分佢騙到譴呰呰仔，佢自家嗄恬恬仔偷暢。 tai gaˊ bunˊ iˇ pien do kienˋ ziiˊ ziiˊ eˊ，iˇ qid gaˊ sa diamˊ diamˊ eˊ teuˊ tiong。 大家被他騙得氣呼呼的，他自己卻偷偷暗自高興。
hkst06_080 頭家講年終發三個月个獎金，大家聽著都暢靂靂仔。 teuˇ gaˊ gongˋ ngianˇ zungˊ fadˋ samˊ ge ngiad ge jiongˋ gimˊ，tai gaˊ tangˊ doˋ duˊ tiong lag lag eˊ。 老闆說年終發三個月的獎金，大家聽了都很高興。
hkst06_081 厥爸放尞帶等歸家人共下出國遶尞，大家都暢摸摸仔。 iaˊ baˊ biong liau dai denˋ guiˊ gaˊ nginˇ kiung ha cudˋ guedˋ lauˊ liau，tai gaˊ duˊ tiong miaˊ miaˊ eˊ。 他父親放假帶著全家一起出國旅遊，大家都非常高興。
hkst06_082 老人家心情每日係暢暢仔，身體就會過康健。 loˋ nginˇ gaˊ ximˊ qinˇ miˊ ngidˋ he tiong tiong eˊ，siinˊ tiˋ qiu voi go kongˊ kian。 老人家每天的心情若是快樂點，身體就會比較健康。
hkst06_083 這餅仔恁燥，無傍茶吞毋落胲。 iaˋ biangˋ eˋ anˋ zauˊ，moˇ bongˋ caˇ tunˊ mˇ log goiˊ。 這餅乾那麼乾，沒有配茶嚥不下去。
hkst06_084 這糖仔比參還過貴，𠊎吞毋落胲唷。 iaˋ tongˇ eˋ biˋ semˊ vanˇ go gui，ngaiˇ tunˊ mˇ log goiˊ ioˊ。 這糖果比人參還貴，我嚥不下去喔。
hkst06_085 這盤菜仰煮啊一等鹹，落嘴都毋得。 iaˋ panˇ coi ngiongˋ zuˋ a idˋ denˋ hamˇ，log zoi duˊ mˇ dedˋ。 這道菜怎麼煮得這麼鹹，下不了口。
hkst06_086 離開屋下幾下日，無看著親人，就會心焦。 liˇ koiˊ lugˋ kaˊ giˋ haˊ ngidˋ，moˇ kon doˋ qinˊ nginˇ，qiu voi ximˊ zeuˊ。 離開家裡好幾天，沒看到親人，就會因思念而難過不安。
hkst06_087 佢今嘎心神毋在，最好莫分佢駛車仔，驚怕會出事情。 iˇ ginˊ ga ximˊ siinˇ mˇ cai，zuiˋ hoˋ mog bunˊ iˇ siiˋ caˊ eˋ，giangˊ pa voi cudˋ sii qinˇ。 他現在心神不定，最好別讓他開車，怕會出事情。
hkst06_088 做人愛光明正大，毋好總係想空想缺想愛謀人。 zo nginˇ oi gongˊ minˇ ziin tai，mˇ hoˋ zungˋ he xiongˋ kungˊ xiongˋ kiadˋ xiongˋ oi meuˇ nginˇ。 做人要光明正大，別總是用心計想要謀害別人。
hkst06_089 「做到半條命」。 「zo do ban tiauˇ miang」。 做到快沒命。
hkst06_090 灶下該兜小項下个東西分若姆去買，大項下个交分若爸處理。 zo haˊ ge deuˊ seuˋ hong ha ge dungˊ xiˊ bunˊ ngiaˊ meˊ hi maiˊ，tai hong ha ge gauˊ bunˊ ngiaˊ baˊ cuˋ liˊ。 廚房那些小件物品讓你母親去買，大件物品交給你父親處理。
hkst06_091 恁多微毛末節做毋去，做大項下就好。 anˋ doˊ miˇ moˊ mad jiedˋ zo mˇ hi，zo tai hong ha qiu hoˋ。 這麼多細微小節處理不完，做重要的事項就好。
hkst06_092 佢斯青面鳥，莫挨著佢過贏。 iˇ siiˊ qiangˊ mien diauˊ，mog aiˊ doˋ iˇ go iangˇ。 他很容易生氣變臉，別觸犯他比較好。
hkst06_093 細人仔盡會拗腰，背佢該下愛特別細義。 se nginˇ eˋ qin voi auˋ ieuˊ，baˇ iˇ ge ha oi tid pied se ngi。 小孩子很會把身體往後彎，背他的時候要特別小心。
hkst06_094 竹杈仔愛先拗斷，正做得縈草結。 zugˋ ca eˋ oi xienˊ auˋ tonˊ，nang zo dedˋ iangˊ coˋ giedˋ。 竹杈要先折斷，才可以紮草結。
hkst06_095 你在門項把等，莫分人入來。 ngˇ teˊ munˇ hong baˋ denˋ，mog bunˊ nginˇ ngib loiˇ。 你在門口守著，別讓人進來。
hkst06_096 天時恁熱歸身仔汗，莫緊巴等人个背囊！ tienˊ siiˇ anˋ ngiad guiˊ siinˊ eˋ hon，mog ginˋ baˊ denˋ nginˇ ge boi nongˇ！ 天氣這麼熱整身是汗，別一直黏著人家的背！
hkst06_097 「跋䟘起來」、「跋梯排」、「跋上跋下」。 「bagˋ hong hiˋ loiˇ」、「bagˋ toiˊ paiˇ」、「bagˋ songˊ bagˋ haˊ」。 爬起來。爬樓梯。爬上爬下。
hkst06_098 番豆擘開析，裡背有幾下粒番豆仁。 fanˊ teu bagˋ koiˊ sagˋ，diˊ boi iuˊ giˋ haˊ liab fanˊ teu inˇ。 花生剝開成兩片，裡面有好幾粒花生仁。
hkst06_099 你莫亂講話，會分人撆嘴角。 ngˇ mog lon gongˋ fa，voi bunˊ nginˇ bied zoi gogˋ。 你別亂說話，嘴會被人家撕爛。
hkst06_100 「分債務逼著」。 「bunˊ zai vu bedˋ doˋ」。 被債務逼迫。
hkst06_101 兩臺車仔相閃車，毋堵好凴著。 liongˋ toiˇ caˊ eˋ xiongˊ samˋ caˊ，mˇ duˋ hoˋ ben doˋ。 兩臺車子會車，不小心觸碰到。
hkst06_102 這鑊仔燒燒，你斯愛細義，莫凴著哦！ iaˋ vog eˋ seuˊ seuˊ，ngˇ siiˇ oi se ngi，mog ben doˋ oˋ！ 這鍋子熱熱的，你可要小心，別觸碰到哦！
hkst06_103 「泌米汁水」。 「bi miˋ ziibˋ suiˋ」。 濾洗米水。
hkst06_104 碗裡背个水泌燥來，放入棧仔倒覆正過遽燥。 vonˋ diˊ boi ge suiˋ bi zauˊ loiˇ，biong ngib can eˋ do pugˋ nang go giagˋ zauˊ。 碗裡的水分瀝乾，放入碗櫃倒放才比較快乾。
hkst06_105 佢兩個人講个話無共樣，比手畫腳，也做得溝通。 iˇ liongˋ ge nginˇ gongˋ ge fa moˇ kiung iong，biˋ suˋ vag giogˋ，iaˊ zo dedˋ gieuˊ tungˊ。 他們兩人說的語言不一樣，比手畫腳，也可以溝通。
hkst06_106 老弟暑假作業有閒毋寫，等到愛開學正在該拚事。 loˋ taiˊ suˋ gaˋ zogˋ ngiab iuˊ hanˇ mˇ xiaˋ，denˋ do oi koiˊ hog nang teˊ geˋ bia se。 弟弟的暑假作業有空不寫，等到要開學了才在那兒趕工。
hkst06_107 佢分人抨巴掌，開聲大噭。 iˇ bunˊ nginˇ biangˊ baˊ zongˋ，koiˊ sangˊ tai gieu。 他被人賞了個大耳光，放聲大哭。
hkst06_108 這粒柑仔綿核吔，愛掉核抑係做肥料？ iaˋ liab gamˊ eˋ mienˇ hedˋ eˇ，oi tiauˋ hedˋ ia he zo piˇ liau？ 這顆橘子爛掉了，要丟掉還是拿來當肥料？
hkst06_109 「撆屎朏」、「撆嘴角」。 「bied sii fudˋ」、「bied zoi gogˋ」。 輕拍屁股。打嘴角。
hkst06_110 地泥項恁多東西，掊開來就尋得著吔！ ti naiˇ hong anˋ doˊ dungˊ xiˊ，boiˊ koiˊ loiˇ qiu qimˇ dedˋ doˋ eˇ！ 地上這麼多東西，撥開來找就找得到了！
hkst06_111 禾埕掃掃啊，愛記得同垃圾抔抔起來。 voˇ tangˇ so so aˋ，oi gi dedˋ tungˇ lebˋ sebˋ budˋ budˋ hiˋ loiˇ。 晒穀場掃一掃，要記得把垃圾裝起來。
hkst06_112 「捧水食」。 「bungˋ suiˋ siid」。 以手掬水喝。
hkst06_113 「掣一下」、「痛到緊掣」。 「cadˋ idˋ ha」、「tung do ginˋ cadˋ」。 抽動一下。痛得直發抖。
hkst06_114 「分電電著」。 「bunˊ tien tien doˋ」。 被電電到。
hkst06_115 阿義个手目毋堵好攙著，嗄㪐腕，實在還衰喲。 aˊ ngi ge suˋ mugˋ mˇ duˋ hoˋ camˊ doˋ，sa ludˋ vonˋ，siid cai vanˇ soiˊ ioˊ 。 阿義的手關節，跌倒時不小心手著地受傷，脫臼了，真是倒楣。
hkst06_116 老弟騎自行車橫倒，橫到皮都綻開來。 loˋ taiˊ kiˇ cii hangˇ caˊ vang doˋ，vang do piˇ duˊ can koiˊ loiˇ。 弟弟騎自行車跌倒，摔得皮都裂開。
hkst06_117 這植物蓋會綻，種下去幾日仔就綻到一哪仔。 iaˋ ciid vud goi voi can，zung haˊ hi giˋ ngidˋ eˊ qiu can do idˋ nai eˋ。 這植物很會出芽生長，種下去幾天就生長得到處都是。
hkst06_118 「剷草」。 「canˋ coˋ」。 剷草。
hkst06_119 歸日仔操去操轉，到底在該無閒麼个？ guiˊ ngidˋ eˋ cauˊ hi cauˊ zonˋ，do daiˋ teˊ geˋ moˇ hanˇ maˋ ge？ 整天忙這忙那的，到底在忙什麼？
hkst06_120 你遽啊去尋正當个頭路來做，毋好歸日仔呻生呻死呻無錢。 ngˇ giagˋ aˋ hi qimˇ ziin dongˊ ge teuˇ lu loiˇ zo，mˇ hoˋ guiˊ ngidˋ eˋ cenˊ sangˊ cenˊ xiˋ cenˊ moˇ qienˇ。 你快去找個正當的工作來做，別整天哀聲歎氣的說沒錢。
hkst06_121 你直直入，行到底過後斡右手片，就係厥間房。 ngˇ ciid ciid ngib，hangˇ do daiˋ go heu vadˋ iu suˋ pienˋ，qiu he iaˊ gianˊ fongˇ。 你直走進去，走到底後右轉，就是他的房間。
hkst06_122 「同石頭踢走」、「同球仔踢過去」。 「tungˇ sag teuˇ tedˋ zeuˋ」、「tungˇ kiuˇ eˋ tedˋ go hi」。 把石頭踢走。把球踢過去。
hkst06_123 老弟噭歸半點鐘吔，還在該抽聲胲。 loˋ taiˊ gieu guiˊ ban diamˋ zungˊ eˇ，vanˇ teˊ geˋ cuˊ sangˊ goiˊ。 弟弟哭了半小時之久，還在那兒大聲哭叫。
hkst06_124 啉酒以前，食兜仔東西先打底正毋會恁遽醉。 limˊ jiuˋ iˊ qienˇ，siid deuˊ eˊ dungˊ xiˊ xienˊ daˋ daiˋ nang mˇ voi anˋ giagˋ zui。 喝酒以前，先吃些東西墊底才不會那麼快醉。
hkst06_125 萬丈深潭難打底，毋知阿哥哪樣情。 van cong ciimˊ tamˇ nanˇ daˋ daiˋ，mˇ diˊ aˊ goˊ nai iong qinˇ。 萬丈深潭難觸底，不知哥哥哪樣心。
hkst06_126 「貓仔蓋會打老鼠」。 「meu eˋ goi voi daˋ no cuˋ」。 貓很會捉老鼠。
hkst06_127 後生人毋做頭路，歸日仔打彳亍，仰會有出息？ heu sangˊ nginˇ mˇ zo teuˇ lu，guiˊ ngidˋ eˋ daˋ qidˋ cogˋ，ngiongˋ voi iuˊ cudˋ xidˋ？ 年輕人不工作，整天遊蕩閒逛，怎會有出息？
hkst06_128 落恁大雨，毋好去河壩搞，分水打走斯無結無煞。 log anˋ tai iˋ，mˇ hoˋ hi hoˇ ba gauˋ，bunˊ suiˋ daˋ zeuˋ siiˇ moˇ gadˋ moˇ sadˋ。 下這麼大的雨，別去河邊玩，被水沖走可就不知如何是好了。
hkst06_129 「釘書」、「釘共下」。 「dangˊ suˊ」、「dangˊ kiung ha」。 釘書。釘一起。
hkst06_130 壞吔！白衫膏著牛油，這擺斯難洗吔！ fai eˇ！pag samˊ goˇ doˋ ngiuˇ iuˇ，iaˋ baiˋ siiˇ nanˇ seˋ eˇ！ 糟糕了！白上衣沾到牛油，這回可難洗了！聽說他女兒跟他工廠的老闆發生不倫，是真的嗎？
hkst06_131 聽講厥妹仔同厥工廠个頭家膏著，敢有影？ tangˊ gongˋ iaˊ moi eˋ tungˇ iaˊ gungˊ congˋ ge teuˇ gaˊ goˇ doˋ，gamˋ iuˊ iangˋ？ 糟糕了！白上衣沾到牛油，這回可難洗了！聽說他女兒跟他工廠的老闆發生不倫，是真的嗎？
hkst06_132 茶袋肚个茶青擲拶來，還做得張加兜仔入去。 caˇ toi duˋ ge caˇ qiangˊ deb zad loiˇ，vanˇ zo dedˋ zongˊ gaˊ deuˊ eˊ ngib hi。 茶袋裡的茶青擲地使它緊密，還可以再多裝一些進去。
hkst06_133 「蹬地泥」、「蹬腳」、「蹬門」、「蹬人」。 「demˋ ti naiˇ」、「demˋ giogˋ」、「demˋ munˇ」、「demˋ nginˇ」。 以腳跺地。腳往下跺。踹門。踹人。
hkst06_134 佢睡目會踢被，故所不時凍著。 iˇ soi mugˋ voi tedˋ piˊ，gu soˋ budˋ siiˇ dung doˋ。 他睡覺會踢被子，所以常常感冒。
hkst06_135 正煮好个粥，沾水會過遽冷。 nang zuˋ hoˋ ge zugˋ，demˊ suiˋ voi go giagˋ langˊ。 剛煮好的粥，鍋底泡在水裡比較快冷。
hkst06_136 「圓圈仔」、「一圈」。 「dinˊ ianˇ kianˊ eˋ」、「dinˊ idˋ kianˊ」。 繞圈圈。繞一圈。
hkst06_137 毋好企恁脣翕相，毋堵好打倒𢫦就壞蹄吔！ mˇ hoˋ kiˊ anˋ siinˇ hibˋ xiong，mˇ duˋ hoˋ daˋ do mag qiu fai taiˇ eˇ！ 不要站那麼旁邊照相，一個不小心倒栽蔥就糟糕了！
hkst06_138 佢做毋著事情，故所分人咄。 iˇ zo mˇ cog sii qinˇ，gu soˋ bunˊ nginˇ dodˋ。 他做錯事情，所以被斥責。
hkst06_139 佢分人撞著，嗄內傷，共快去分先生看。 iˇ bunˊ nginˇ cong doˋ，sa nui songˊ，kiung kuai hi bunˊ xinˊ sangˊ kon。 他被人大力撞擊，因此內傷，趕快去給醫生看。
hkst06_140 細妹人著裙腳還擎恁高，壞看相。 se moi nginˇ zogˋ kiunˇ giogˋ vanˇ kiangˇ anˋ goˊ，faiˋ kon xiong。 女孩子穿裙子腳還舉那麼高，很難看。
hkst06_141 「拂尾」、「拂啊拂仔」。 「fid miˊ」、「fid a fid eˊ」。 搖動尾巴。甩啊甩的。
hkst06_142 厥手分電電著，痛到緊拂手。 giaˊ suˋ bunˊ tien tien doˋ，tung do ginˋ fin suˋ。 他的手觸電，痛得直甩手。
hkst06_143 佢毋好食生个東西，見邀佢去食魚生佢就拂頭。 iˇ mˇ hau siid sangˊ ge dungˊ xiˊ，gian ieuˊ iˇ hi siid ngˇ sangˊ iˇ qiu fin teuˇ。 他不喜歡吃生的東西，每次邀他去吃生魚片他都直搖頭。
hkst06_144 這下愛赴時間，你行過遽一息好無？ iaˋ ha oi fu siiˇ gianˊ，ngˇ hangˇ go giagˋ idˋ xidˋ hoˋ moˇ？ 現在要趕時間，你走快一點好嗎？
hkst06_145 額頭分人拿棍仔㧾著，黏時腫起來。 ngiagˋ teuˇ bunˊ nginˇ naˊ gun eˋ fud doˋ，liamˇ siiˇ zungˋ hiˋ loiˇ。 額頭被人拿棍子打到，立刻腫起來。
hkst06_146 佢蓋肚飢，一碗飯兩口仔就齕淨淨。 iˇ goi duˋ giˊ，idˋ vonˋ fan liongˋ heuˋ eˊ qiu fud qiang qiang。 他肚子很餓，一碗飯兩口就吃光光。
hkst06_147 凳仔兜過去，分阿爸架腳。 den eˋ deuˊ go hi，bunˊ aˊ baˊ ga giogˋ。 椅子端過去，給爸爸架腳。
hkst06_148 轉寒吔！這領衫加等，正毋會凍著。 zonˋ honˇ eˇ！iaˋ liangˊ samˊ gaˊ denˋ，nang mˇ voi dung doˋ。 變冷了！這件衣服披著，才不會感冒。
hkst06_149 若手毋好在𠊎肩頭加等啦，盡難做事。 ngiaˊ suˋ mˇ hoˋ teˊ ngaiˇ gianˊ teuˇ gaˊ denˋ laˋ，qin nanˇ zo sii。 你的手別在我的肩上搭著啦，很不好工作。
hkst06_150 這隻狗仔毋知幾久無食東西，看著烏蠅也在該緊呷。 iaˋ zagˋ gieuˋ eˋ mˇ diˊ idˋ giuˋ moˇ siid dungˊ xiˊ，kon doˋ vuˊ inˇ ia teˊ ge ginˋ gab。 這條狗不知多久沒吃東西，看到蒼蠅也在那張口急咬。
hkst06_151 佢一到就買幾下雙球鞋，頭家拿兩雙襪合分佢。 iˇ idˋ do qiu maiˊ giˋ haˊ sungˊ kiuˇ haiˇ，teuˇ gaˊ naˊ liongˋ sungˊ madˋ gagˋ bunˊ giˇ。 他一次就買了好幾雙球鞋，老闆拿兩雙襪子送給他。
hkst06_152 若飯添啊忒多，碗拿來，𠊎減一息去。 ngiaˊ fan tiamˊ a tedˋ doˊ，vonˋ naˊ loiˇ，ngaiˇ gamˋ idˋ xidˋ hi。 你的飯添得太多，碗拿來，我減去一些。
hkst06_153 食忒遽，分卵黃哽著敨氣毋出，差一息仔就哽死。 siid tedˋ giagˋ，bunˊ lonˋ vongˇ gangˋ doˋ teuˋ hi mˇ cudˋ，caˊ idˋ xidˋ eˊ qiu gangˋ xiˋ。 吃太快，被蛋黃噎得無法呼吸，差一點就噎死。
hkst06_154 「絞緪來」、「絞線」。 「gauˋ henˇ loiˇ」、「gauˋ xien」。 扭緊。繞著中心點纒線。
hkst06_155 「攪穀」、「衫褲拿去攪」。 「gauˋ gugˋ」、「samˊ fu naˊ hi gauˋ」。 攪動穀物。（用風車攪動穀物去殼） 衣服拿去攪動。
hkst06_156 厥孫女毋曾滿五歲，見看著壁蛇仔都閃遠遠，企等緊嘰嘰滾。 iaˊ sunˊ ngˋ mˇ qienˇ manˊ ngˋ se，gian kon doˋ biagˋ saˇ eˋ duˊ samˋ ianˋ ianˋ，kiˊ denˋ ginˋ gi gi gunˋ。 他孫女還不滿五歲，每次看到壁虎都閃得遠遠的，站著一直尖叫。
hkst06_157 好點點仔落大雨，屋簷項蓋多人庰雨。 hoˋ diamˋ diamˋ eˊ log tai iˋ，vugˋ iamˇ hong goi doˊ nginˇ biang iˋ。 好端端的下大雨，騎廊下很多人避雨。
hkst06_158 該雞髀毋好挾去挾轉，食核就好。 ge gieˊ biˋ mˇ hoˋ giabˋ hi giabˋ zonˋ，siid hedˋ qiu hoˋ。 那雞腿別挾過來挾過去，吃了它就是。
hkst06_159 六月火囪，兼身毋得。 liugˋ ngiad foˋ cungˊ，giamˊ siinˊ mˇ dedˋ。 六月的火爐，靠近不得。
hkst06_160 「頭那項揭一蕊花」。 「teuˇ naˇ hong giedˋ idˋ luiˊ faˊ」。 頭上佩帶一朵花。
hkst06_161 歸暗晡蚊仔在耳公脣飛來飛去，佢將就同被骨弇塞塞，正睡得。 guiˊ am buˊ munˊ eˋ teˊ ngiˋ gungˊ siinˇ biˊ loiˇ biˊ hi，iˇ jiongˊ qiu tungˇ piˊ gudˋ giemˇ sadˋ sadˋ，nang soi dedˋ。 整晚蚊子在耳邊飛來飛去，他乾脆把被子蓋得密不透風，才睡得著。
hkst06_162 你毋好緊噭眵啦！自家愛想過開兜仔。 ngˇ mˇ hoˋ ginˋ gieu ziiˊ laˋ！qid gaˊ oi xiongˋ go koiˊ deuˊ eˊ。 你不要一直哭啦！自己要想開一點。
hkst06_163 「背囊拱起來」。 「boi nongˇ giungˋ hiˋ loiˇ」。 背拱起來。
hkst06_164 這膨線衫領仔有過緪，阿姆講弓闊來，著起來過爽快。 iaˋ pong xien samˊ liangˊ eˋ iuˊ go henˇ，aˊ meˊ gongˋ giungˊ fadˋ loiˇ，zogˋ hiˋ loiˇ go songˋ kuai。 這毛衣的領子比較緊，媽媽說撐開些，穿起來比較舒服。
hkst06_165 用柵仔擱等，雞仔正毋會飆出來。 iung cag eˋ gogˋ denˋ，gieˊ eˋ nang mˇ voi beuˊ cudˋ loiˇ。 用柵欄擋著，雞才不會跳出來。
hkst06_166 愛考試吔，課本總概合等，放入書包裡背。 oi kauˋ sii eˇ，ko bunˋ zungˋ koiˋ hab denˋ，biong ngib suˊ bauˊ diˊ boi。 要考試了，課本通通合上，放進書包裡。
hkst06_167 齋菜張好，該蓋仔愛合轉去，正毋會壞核。 zaiˊ coi zongˊ hoˋ，ge goi eˋ oi hab zonˋ hi，nang mˇ voi faiˋ hedˋ。 素菜裝好，那蓋子要蓋回去，才不會壞掉。
hkst06_168 佢含等糖仔緊講話，口涎水緊噴，還無衛生哦！ iˇ hemˇ denˋ tongˇ eˋ ginˋ gongˋ fa，heuˋ lanˊ suiˋ ginˋ pun，vanˇ moˇ vi senˊ oˊ！ 他含著糖果一直說話，口水一直噴，真沒衛生！
hkst06_169 這湯蓋燒，你行開兜仔，正毋會熝著。 iaˋ tongˊ goi seuˊ，ngˇ hangˇ koiˊ deuˊ eˊ，nang mˇ voi lug doˋ。 這湯很燙，你走開一點，才不會燙到。
hkst06_170 阿英行開一下仔定定，厥倈仔就噭啊大嫲聲。 aˊ inˊ hangˇ koiˊ idˋ ha eˊ tin tin，iaˊ lai eˋ qiu gieu a tai maˇ sangˊ。 阿英離開一下子而已，他兒子就哭得很大聲。
hkst06_171 該狗仔盡惡，麼人就行毋兼。 ge gieuˋ eˋ qin ogˋ，maˋ nginˇ duˊ hangˇ mˇ giamˊ。 那狗很兇，每個人都無法靠近。
hkst06_172 冬天不犁田，春天喊皇天。 dungˊ tienˊ budˋ laiˇ tienˇ，cunˊ tienˊ hemˊ fongˇ tienˊ。 冬天不犁田，春天叫天天不應。
hkst06_173 緊講話又緊掞腳，蓋無禮貌。 ginˋ gongˋ fa iu ginˋ iam giogˋ，goi moˇ liˊ mau。 邊講話邊抖腳，很沒禮貌。
hkst06_174 石灰掞路，打白行。 sag foiˊ iam lu，daˋ pag hangˇ。 石灰灑路，白跑一趟。
hkst06_175 運動坪个細石仔乜愛拈淨來，莫害打赤腳運動个人印著。 iun tung piangˇ ge se sag eˋ me oi ngiamˊ qiang loiˇ，mog hoi daˋ cagˋ giogˋ iun tung ge nginˇ in doˋ。 操場的小石子也要撿拾乾淨，別害打赤腳運動的人腳被頂觸到。
hkst06_176 草結先窿入去，等火過烈兜仔，竹筒正窿入去。 coˋ giedˋ xienˊ lungˇ ngib hi，denˋ foˋ go ladˋ deuˊ eˊ，zugˋ tungˇ nang lungˇ ngib hi。 草結先送進爐灶裡，等火比較大些，竹段再放進去。
hkst06_177 佢考一百分，先生當下啐啐滾，說佢恁登真。 iˇ kauˋ idˋ bagˋ funˊ，xinˊ sangˊ dongˊ ha zud zud gunˋ，sodˋ iˇ anˋ denˊ ziinˊ。 他考一百分，老師當下表示讚嘆，稱讚他很棒。
hkst06_178 「揤入去」。 「jidˋ ngib hi」。 擠進去。
hkst06_179 「箭自行車」、「出力箭」。 「jien cii hangˇ caˊ」、「cudˋ lid jien」。 蹬自行車。
hkst06_180 這崎恁竳，你斯愛煞力牯箭。 iaˋ gia anˋ denˇ，ngˇ siiˇ oi sadˋ lid guˋ jien。 用力蹬。這坡這麼陡，你可要盡量用力地蹬。
hkst06_181 佢揢等兩個龍銀，睡目就還毋肯放。 iˇ kag denˋ liongˋ ge liungˇ ngiunˇ，soi mugˋ duˊ vanˇ mˇ henˋ biong。 他握著兩個龍銀，睡覺都還不肯放。
hkst06_182 「咬甘蔗」。 「ngauˊ gamˊ za」。 啃甘蔗。
hkst06_183 阿爸个車仔無力，蹶崎毋上。 aˊ baˊ ge caˊ eˋ moˇ lid，kiad gia mˇ songˊ。 爸爸的車子沒力，爬不上坡。
hkst06_184 這箱蒜果靠著吔，好在無綿核，阿姆講愛先洗來食。 iaˋ xiongˊ son goˋ ko doˋ eˇ，hoˋ cai moˇ mienˇ hedˋ，aˊ meˊ gongˋ oi xienˊ seˋ loiˇ siid。 這箱蓮霧擦傷了，還好沒爛掉，媽媽說要先洗來吃。
hkst06_185 便所裡背怕有人，毋曾入去愛先開聲。 pien soˋ diˊ boi pa iuˊ nginˇ，mˇ qienˇ ngib hi oi xienˊ koiˊ sangˊ。 廁所裡面可能有人，還沒進去要先出聲。
hkst06_186 車仔就係佢偷駛走个，𠊎看真真，絕對毋會認差。 caˊ eˋ qiu he iˇ teuˊ siiˋ zeuˋ ge，ngaiˇ kon ziinˊ ziinˊ，qied dui mˇ voi ngin caˊ。 車子就是他偷開走的，我看得清清楚楚，絕對不會認錯。
hkst06_187 爺哀聽著老弟考著理想个學校，開容笑面，暢啊無結煞。 iaˇ oiˊ tangˊ doˋ loˋ taiˊ kauˋ doˋ liˊ xiongˋ ge hog gauˋ，koiˊ iungˇ seu mien，tiong a moˇ gadˋ sadˋ。 爸爸聽說弟弟考上理想的學校，笑容滿面，高興得不得了。
hkst06_188 做人个秘書，愛同頭家擐皮包仔。 zo nginˇ ge bi suˊ，oi tungˇ teuˇ gaˊ kuan piˇ bauˊ eˋ。 當人家的秘書，要幫老闆提公事包。
hkst06_189 莫起恁多個會仔，細人仔讀書正愛用錢，驚怕會環毋轉來吔！ mog hiˋ anˋ doˊ ge fi eˋ，se nginˇ eˋ tug suˊ nang oi iung qienˇ，giangˊ pa voi kuanˊ mˇ zonˋ loiˇ eˇ！ 別起這麼多個會，小孩子唸書正要用錢，快要周轉不過來了！
hkst06_190 阿輝比猴精過精，看佢無盡煞猛，儘採罅罅啊食就有。 aˊ fiˊ biˋ heuˇ jinˊ go jinˊ，kon iˇ moˇ qin sadˋ mangˊ，qin caiˊ la la aˋ siid qiu iuˊ。 阿輝精得很，看他不怎麼勤奮，隨便攪一攪吃穿就有了。
hkst06_191 恁大張个紙，對中𠠝開來，愛細義。 anˋ tai zongˊ ge ziiˋ，dui zungˊ lag koiˊ loiˇ，oi se ngi。 這麼大張的紙，從中間一刀直線割開來，要小心。
hkst06_192 魚仔煎好吔，共快同佢撩起來。 ngˇ eˋ jienˊ hoˋ eˇ，kiung kuai tungˇ iˇ liauˊ hiˋ loiˇ。 魚煎好了，趕快把它剷起來。
hkst06_193 這牛乳粉愛摝勻正做得，毋好分佢結歸矻仔。 iaˋ ngiuˇ nen funˋ oi lugˋ iunˇ nang zo dedˋ，mˇ hoˋ bunˊ iˇ giadˋ guiˊ kid eˋ。 這奶粉要攪拌均勻才可以，別讓它結成塊。
hkst06_194 「擂目珠」、「擂濞」。 「luiˇ mugˋ zuˊ」、「luiˇ pi」。 揉眼睛。擦鼻涕。
hkst06_195 想愛食擂茶，愛先同材料放入擂缽，用棍仔去擂綿。 xiongˋ oi siid luiˇ caˇ，oi xienˊ tungˇ coiˇ liau biong ngib luiˇ badˋ，iung gun eˋ hi luiˇ mienˇ。 想要喝擂茶，要先將材料放進擂缽，用木棍磨碎。
hkst06_196 翕相時節愛有笑面，毋好緊抿等嘴。 hibˋ xiong siiˇ jiedˋ oi iuˊ seu mien，mˇ hoˋ ginˋ manˇ denˋ zoi。 照相時要有笑容，別一直抿著嘴。
hkst06_197 泅水愛先學沒洎覓，沒洎覓毋好勢就會食著水。 qiuˇ suiˋ oi xienˊ hog mud qi mi，mud qi mi mˇ hoˋ se qiu voi siid doˋ suiˋ。 游泳要先學會憋氣，憋氣沒憋好就會喝到水。
hkst06_198 阿如蓋驚狗仔，遠遠看啊著，就走到尾瀉屎。 aˊ iˇ goi giangˊ gieuˋ eˋ，ianˋ ianˋ kon a doˋ，qiu zeuˋ do miˊ xia siiˋ。 阿如很怕狗，遠遠一見著，就跑得飛快。
hkst06_199 會落雨吔！共快同禾埕个穀耙歸堆，用塑膠布仔蒙起來。 voi log iˋ eˇ！kiung kuai tungˇ voˇ tangˇ ge gugˋ paˇ guiˊ doiˊ，iung zogˋ gauˊ bu eˋ mangˊ hiˋ loiˇ。 要下雨了！趕快把晒穀場的稻穀耙成堆，用塑膠布遮蓋起來。
hkst06_200 想學會泅水，愛先學沒水。 xiongˋ hog voi qiuˇ suiˋ，oi xienˊ hog mud suiˋ。 想學會游泳，要先學水中閉氣。
hkst06_201 𠊎目汁含等，毋敢噭出來。 ngaiˇ mugˋ ziibˋ hamˇ denˋ，mˇ gamˋ gieu cudˋ loiˇ。 我眼中含淚，不敢哭出來。
hkst06_202 佢噭到目汁濫串，看著斯盡毋盼得。 iˇ gieu do mugˋ ziibˋ namˇ con，kon doˋ siiˇ qin mˇ pan dedˋ。 她哭得淚流滿面，讓人看了很捨不得。
hkst06_203 食到恁大人還拉尿，講出來會㖸死人。 siid do anˋ tai nginˇ vanˇ laiˇ ngiau，gongˋ cudˋ loiˇ voi nagˋ xiˋ nginˇ。 長那麼大了還尿褲子，說出來會笑死人。
hkst06_204 若鞋躪著麼个？ ngiaˊ haiˇ nang doˋ maˋ ge？ 你的鞋子踩到什麼？
hkst06_205 恁靚个草坪，毋好入去躪。 anˋ jiangˊ ge coˋ piangˇ，mˇ hoˋ ngib hi nang。 這麼漂亮的草坪，不要進去踩踏。
hkst06_206 佢緊摖人，害人㖸到敨氣毋轉。 iˇ ginˋ ji nginˇ，hoi nginˇ nagˋ do teuˋ hi mˇ zonˋ。 他一直搔人家癢，害人家笑得來不及換氣。
hkst06_207 賣化妝品个人盡會摖人，人客个錢都煞猛摟摟出來同佢買。 mai fa zongˊ pinˋ ge nginˇ qin voi ji nginˇ，nginˇ hagˋ ge qienˇ duˊ sadˋ mangˊ leuˇ leuˇ cudˋ loiˇ tungˇ iˇ maiˊ。 賣化妝品的人最會用甜言蜜語引誘人，客人的錢都紛紛掏出來跟他買。
hkst06_208 看佢身體恁仔，怕耐毋過今年。 kon iˇ siinˊ tiˋ anˋ eˊ，pa ngai mˇ go ginˊ ngianˇ。 看他的身體這樣，恐怕撐不過今年。
hkst06_209 佢兩個人打逆面，看著對方頭那就𢳆走。 iˇ liongˋ ge nginˇ daˋ ngiag mien，kon doˋ dui fongˊ teuˇ naˇ qiu ngau zeuˋ。 他們兩個翻臉，看到對方頭都轉走。
hkst06_210 「電扇𢳆轉來」。 「tien san ngau zonˋ loiˇ」。 電扇轉過來。
hkst06_211 「緊𥍉」、「𥍉目」。 「ginˋ ngiabˋ」、「ngiabˋ mugˋ」。 一直閃。眨眼。
hkst06_212 「攝起來」。 「ngiabˋ hiˋ loiˇ」。 捲起來。
hkst06_213 「染頭那毛」、「染紅卵」。 「ngiam teuˇ naˇ moˊ」、「ngiam fungˇ lonˋ」。 染頭髮。染紅蛋。
hkst06_214 禾埕項晒穀，係有看著細石頭就順續拈核去。 voˇ tangˇ hong sai gugˋ，he iuˊ kon doˋ se sag teuˇ qiu sun sa ngiamˊ hedˋ hi。 晒穀場在晒穀，若是有看到小石頭就順手撿掉。
hkst06_215 「撚牙膏」、「揢拳頭」。 「ngianˋ ngaˇ gauˊ」、「ngianˋ kianˇ teuˇ」。 擠牙膏。握拳。
hkst06_216 泥團愛用腳蹂綿，正會散核。 naiˇ tonˇ oi iung giogˋ noˇ mienˇ，nang voi san hedˋ。 泥團要用腳踩爛，才會散掉。
hkst06_217 人無按算請佢，佢自家弄弄仔來，還緊嫌菜毋好食，盡得人惱。 nginˇ moˇ on son qiangˋ iˇ，iˇ qid gaˊ nungˋ nungˋ eˊ loiˇ，vanˇ ginˋ hiamˇ coi mˇ hoˋ siid，qin dedˋ nginˇ nauˊ。 人家沒打算請他，他不請自來，還一直嫌菜不好吃，真是討厭。
hkst06_218 打早就看佢頭磬磬弄弄仔行，毋知愛去哪。 daˋ zoˋ qiu kon iˇ teuˇ qinˋ qinˋ nungˋ nungˋ eˊ hangˇ，mˇ diˊ oi hi naiˋ。 一大早就看他低著頭逕自走著，不知道要去哪。
hkst06_219 後生人最驚老人家噥。 heu sangˊ nginˇ zuiˋ giangˊ loˋ nginˇ gaˊ nungˇ。 年輕人最怕老人家唸個不停。
hkst06_220 阿圳牯當晝偷走去河壩搞水，歸來分厥爸拌。 aˊ zun guˋ dongˊ zu teuˊ zeuˋ hi hoˇ ba gauˋ suiˋ，guiˊ loiˇ bunˊ iaˊ baˊ panˊ。 阿圳中午偷偷跑去河邊玩水，回來被他的爸爸修理。
hkst06_221 地泥滑滑，會害人拌倒。 ti naiˇ vad vad，voi hoi nginˇ panˊ doˋ。 地板滑滑的，會害人摔倒。
hkst06_222 若車輪仔摸起來無風，愛嗙風吔！ ngiaˊ caˊ lin eˋ miaˊ hiˋ loiˇ moˇ fungˊ，oi pangˊ fungˊ eˇ！ 你的車輪摸起來沒氣，要打氣了！
hkst06_223 正讀幼稚園就學人棚目鏡，係毋係電視看忒多？ nang tug iu ziiˊ ianˇ qiu hog nginˇ pangˇ mugˋ giang，he mˇ he tien sii kon tedˋ doˊ？ 才唸幼兒園就學人戴眼鏡、裝氣派，是不是看電視看太多了？
hkst06_224 該人做人毋正，輒常分人呸口涎。 ge nginˇ zo nginˇ mˇ zang，jiab songˇ bunˊ nginˇ pui heuˋ lanˊ。 那個人為人不端正，經常被人唾棄。
hkst06_225 目珠大好看光，鼻公大好鼻香。 mugˋ zuˊ tai hoˋ kon gongˊ，pi gungˊ tai hoˋ pi hiongˊ。 眼睛大可以看盡形形色色，鼻子大可以嗅聞天地間的香氣。
hkst06_226 草生到恁高，愛去劈草。 coˋ sangˊ do anˋ goˊ，oi hi piagˋ coˋ。 草長得這麼高了，要去除掉。
hkst06_227 你兩個人透日共下碰上碰下，到底做麼个頭路。 ngˇ liongˋ ge nginˇ teu ngidˋ kiung ha pongˊ songˊ pongˊ haˊ，do daiˋ zo maˋ ge teuˇ lu。 你們倆整天一起來回奔波，到底做什麼工作。
hkst06_228 佢庰啊在門後背䀯等，按算愛扭賊仔。 iˇ biang a teˊ munˇ heu boi pu denˋ，on son oi neuˋ ced eˋ。 他躲在門後偵伺著，預計要捉小偷。
hkst06_229 臨天光定定，阿公就去公園運動。 limˇ tienˊ gongˊ tin tin，aˊ gungˊ qiu hi gungˊ ianˇ iun tung。 天微亮而已，爺爺就去公園運動。
hkst06_230 見擺人客來，吾姆就喊𠊎去煮滾水泡茶。 gian baiˋ nginˇ hagˋ loiˇ，ngaˊ meˊ qiu ham ngaiˇ hi zuˋ gunˋ suiˋ pau caˇ。 每次客人來，我媽媽就叫我燒開水泡茶。
hkst06_231 腰骨痛就去眠床項伏等，等一下添同你貼藥膏。 ieuˊ gudˋ tung qiu hi minˇ congˇ hong pug denˋ，denˋ idˋ ha tiamˊ tungˇ ngˇ dabˋ iog gauˊ。 腰痛就去床上趴著，等一下幫你貼膏藥。
hkst06_232 阿美分樹頭徑著，歸個人覆下去，額頭撞到起瘻。 aˊ miˊ bunˊ su teuˇ gang doˋ，guiˊ ge nginˇ pugˋ haˊ hi，ngiagˋ teuˇ cong do hiˋ leuˇ。 阿美被樹根絆倒，整個人趴下去，額頭撞出一個包。
hkst06_233 「𠠃下去」、「𠠃豬仔」。 「qiamˊ haˊ hi」、「qiamˊ zuˊ eˋ」。 刺下去。殺豬。
hkst06_234 佢手骨偏著，去分拳頭師父撨轉去。 iˇ suˋ gudˋ pienˊ doˋ，hi bunˊ kianˇ teuˇ siiˊ fu qiauˇ zonˋ hi。 他的手扭到，去給推拿師推回去。
hkst06_235 厥腳行路無方便，做得撨位仔分佢坐無？ iaˊ giogˋ hangˇ lu moˇ fongˊ pien，zo dedˋ qiauˇ vi eˋ bunˊ iˇ coˊ moˇ？ 他的腳走路不方便，可以挪個位子給他坐嗎？
hkst06_236 「食到還會尋味」。 「siid do vanˇ voi qimˇ mi」。 吃了還會想吃。
hkst06_237 「躍上躍下」、「躍往上」。 「qiogˋ sonhˊ qiogˋ haˊ」、「qiogˋ gongˊ songˊ」。 跳上跳下。往上跳。
hkst06_238 共快同該賊仔抓著來，送去坐監。 kiung kuai tungˇ ge ced eˋ saˊ doˋ loiˇ，sung hi coˊ gamˊ。 趕快把那小偷抓起來，送去坐牢。
hkst06_239 佢走盡遽，你抓毋著佢啦。 iˇ zeuˋ qin giagˋ，ngˇ saˊ mˇ doˋ iˇ laˋ。 他跑很快，你抓不到他啦。
hkst06_240 佢講話顛三倒四，分人抓毋著。 iˇ gongˋ fa dienˊ samˊ do xi，bunˊ nginˇ saˊ mˇ cog。 他說話顛三倒四，讓人摸不著頭緒。
hkst06_241 佢做人毋硬直，堵著愛出錢就閃俐俐。 iˇ zo nginˇ mˇ ngang ciid，duˇ doˋ oi cudˋ qienˇ qiu samˋ li li。 他做人不耿直，碰到要出錢就躲得遠遠的。
hkst06_242 佢這禮拜毋知仰仔，看著先生就閃走。 iˇ iaˋ liˊ bai mˇ diˊ ngiongˋ eˊ，kon doˋ xinˊ sangˊ qiu samˋ zeuˋ。 他這星期不知怎麼了，看到老師就躲開。
hkst06_243 係愛就遽啊決定，毋好在該三擇四擇。 he oi qiu giagˋ aˋ giadˋ tin，mˇ hoˋ teˊ ge samˊ tog xi tog。 如果要就趕快決定，別在那兒三挑四選。
hkst06_244 頭一擺出國，阿姆三叮嚀四吩咐，喊𠊎愛好好照顧自家个身體。 teuˇ idˋ baiˋ cudˋ guedˋ，aˊ meˊ samˊ denˊ nenˇ xi funˊ fu，ham ngaiˇ oi hoˋ hoˋ zeu gu qid gaˊ ge siinˊ tiˋ。 第一次出國，媽媽一再的叮囑，叫我要好好照顧自己的身體。
hkst06_245 三揀四揀，揀著一隻賣牛眼；三擇四擇，擇著一隻賣瓠杓。 samˊ gianˋ xi gianˋ，gianˋ doˋ idˋ zagˋ mai ngiuˇ ngianˋ；samˊ tog xi tog，tog doˋ idˋ zagˋ mai puˇ sog。 三選四選，選到一個賣龍眼；三挑四挑，挑到一個賣水瓢。
hkst06_246 頭擺細人仔係番綻講毋聽，會分爺哀扭來搧巴掌。 teuˇ baiˋ se nginˇ eˋ he fanˊ can gongˋ mˇ tangˊ，voi bunˊ iaˇ oiˊ neuˋ loiˇ sanˊ baˊ zongˋ。 從前小孩子如果頑皮講不聽，會被父母抓來打耳光。
hkst06_247 厥短褲仔恁細截仔定定，屎朏露露分人看著吔。 iaˊ donˋ fu eˋ anˋ se jiedˋ eˊ tin tin，sii fudˋ leu leu bunˊ nginˇ kon doˋ eˇ。 他的短褲這麼一小截而已，坦露屁股被看到了。
hkst06_248 這柑仔生狗屎毛，食毋得吔。 iaˋ gamˊ eˋ sangˊ gieuˋ siiˋ moˊ，siid mˇ dedˋ eˇ。 這橘子發霉，不能吃了。
hkst06_249 阿姆屙痢肚，麼个都食毋得，淨粥食得。 aˊ meˊ oˊ li duˋ，maˋ ge duˊ siid mˇ dedˋ，qiang zugˋ siid dedˋ。 媽媽拉肚子，什麼都不能吃，只有稀飯能吃。
hkst06_250 毋好煮恁多，屋下淨兩個人，食毋去倒核蓋打爽。 mˇ hoˋ zuˋ anˋ doˊ，lugˋ kaˊ qiang liongˋ ge nginˇ，siid mˇ hi doˋ hedˋ goi daˋ songˋ。 別煮這麼多，家裡才兩個人，吃不完倒掉很浪費。
hkst06_251 教書个人，歸日仔話講無停，毋堵好就會失聲。 gauˊ suˊ ge nginˇ，guiˊ ngidˋ eˋ fa gongˋ moˇ tinˇ， moˇ duˋ hoˋ qiu voi siidˋ sangˊ。 教書的人，整天說個不停，一個不小心就會失聲。
hkst06_252 海脣風恁大，你又講無停，係食著海風，歸去會失聲。 hoiˋ siinˇ fungˊ anˋ tai，ngˇ iu gongˋ moˇ tinˇ，he siid doˋ hoiˋ fungˊ，guiˊ hi voi siidˋ sangˊ。 海邊風這麼大，你又說個不停，如果喝到海風，回去會失聲。
hkst06_253 落大雨，屋頂水緊漏，去拿一隻桶仔來承水。 log tai iˋ，vugˋ dangˋ suiˋ ginˋ leu，hi naˊ idˋ zagˋ tungˋ eˋ loiˇ siinˇ suiˋ。 下大雨，屋頂一直漏水，去拿一個桶子來接水。
hkst06_254 衫褲愛挲平來摺，正毋會皺膣郎當。 samˊ fu oi soˊ piangˇ loiˇ zabˋ，nang mˇ voi jiu ziiˊ longˇ dongˊ。 衣服要抹平再摺，才不會皺巴巴的。
hkst06_255 「趖啊過」、「趖來趖去」。 「soˇ a go」、「soˇ loiˇ soˇ hi」。 爬過去。爬來爬去。
hkst06_256 熱天愛著過嗍汗个衫褲，會過鬆爽。 ngiad tienˊ oi zogˋ go sogˋ hon ge samˊ fu，voi go sungˊ songˋ。 夏天要穿比較吸汗的衣服，會比較舒爽。
hkst06_257 這大鑊過少用，同佢上上去棧仔項，係愛用正拿下來。 iaˋ tai vog go seuˋ iung，tungˇ iˇ songˋ songˊ hi can eˋ hong，he oi iung nang naˊ haˊ loiˇ。 這大鍋子比較少用，把它放上去碗櫥上方，如果要用再拿下來。
hkst06_258 阿哥身體盡砸，恁大个穀包上肩完全毋使人𢯭手。 aˊ goˊ siinˊ tiˋ qin zabˋ，anˋ tai ge gugˋ bauˊ songˊ gianˊ vanˇ qionˇ mˇ siiˋ nginˇ ten suˋ。 哥哥身體很健壯，這麼大的穀包上肩完全不用人幫忙。
hkst06_259 有上下愛入來坐。 iuˊ songˊ haˊ oi ngib loiˇ coˊ。 有經過要進來聊聊。
hkst06_260 這尾石斑仔，差毋多有兩斤上下。 iaˋ miˊ sag banˊ eˋ，caˊ mˇ doˊ iuˊ liongˋ ginˊ songˊ haˊ。 這條石斑魚，差不多有兩斤左右。
hkst06_261 這下事情還毋曾搞清楚，你莫在這大細聲。 iaˋ ha sii qinˇ vanˇ mˇ qienˇ gauˋ qinˊ cuˋ，ngˇ mog teˊ iaˋ tai se sangˊ。 現在事情還沒弄清楚，你別在這兒大小聲。
hkst06_262 紅棗樹毋會盡高，毋使探手就摘得著棗仔。 fungˇ zoˋ su mˇ voi qin goˊ，mˇ siiˋ damˊ suˋ qiu zagˋ dedˋ doˋ zoˋ eˋ。 紅棗樹不會很高，不用費力伸手就摘得到棗子。
hkst06_263 阿姆用水管對水龍頭項透水淋菜。 aˊ meˊ iung suiˋ gonˋ dui suiˋ liungˇ teuˇ hong teu suiˋ limˇ coi。 媽媽用水管從水龍頭引水澆菜。
hkst06_264 衫褲毋好束到恁緪，解開來過爽快。 samˊ fu mˇ hoˋ sogˋ do anˋ henˇ，kieˋ koiˊ loiˇ go songˋ kuai。 衣服別紮得那麼緊，把它鬆開些比較舒服。
hkst06_265 恁熱个天，先在樹下敨一下氣正行，好無？ anˋ ngiad ge tienˊ，xienˊ teˊ su haˊ teuˋ idˋ ha hi nang hangˇ，hoˋ moˇ？ 這麼熱的天氣，先在樹下休息、涼爽一下再走，好嗎？
hkst06_266 阿梅見擺轉妹家，厥姆就會偷偷㘝㘝包一息東西分佢帶歸去。 aˊ moiˇ gian baiˋ zonˋ moi gaˊ，iaˊ meˊ qiu voi teuˊ teuˊ ngiabˋ ngiabˋ bauˊ idˋ xidˋ dungˊ xiˊ bunˊ iˇ dai guiˊ hi。 阿梅每次回娘家，他媽媽就會偷偷包一點東西給她帶回去。
hkst06_267 厥姆目勾勾仔，望佢歸來𢯭手屋下个事業。 iaˊ meˊ mugˋ gieuˊ gieuˊ eˊ，mong iˇ guiˊ loiˇ ten suˋ lugˋ kaˊ ge sii ngiab。 他的母親引頸期盼，希望他回來幫忙家裡的事業。
hkst06_268 賺錢可比針挑竻，使錢可比水推沙。 con qienˇ koˋ biˋ ziimˊ tiauˊ nedˋ，siiˋ qienˇ koˋ biˋ suiˋ tuiˊ saˊ。 賺錢好比針挑刺一般困難，而花錢卻像水沖沙一般容易。
hkst06_269 該細人仔在石碫仔頂高跳上跌落。 ge se nginˇ eˋ teˊ sag don eˋ dangˋ goˊ tiauˇ songˊ diedˋ log。 那小孩在石階上面跳上跳下。
hkst06_270 你跳上跌落，到底在該無閒麼个？ ngˇ tiauˇ songˊ diedˋ log，do daiˋ teˊ geˋ moˇ hanˇ maˋ ge？ 你忙裡忙外的，到底在忙什麼？
hkst06_271 這盆水還汶汶，放分佢停腳。 iaˋ punˇ suiˋ vanˇ vunˇ vunˇ，biong bunˊ iˇ tinˇ giogˋ。 這盆水還濁濁的，放著讓它沉澱。
hkst06_272 麼人同地泥抺到溼溚溚仔，害𠊎蹴吔翻。 maˋ nginˇ tungˇ ti naiˇ miˇ do siibˋ dab dab eˊ，hoi ngaiˇ co eˇ panˊ。 誰把地板抹得溼溼答答的，害我滑倒。
hkst06_273 「巴掌盪啊過去」、「盪巴掌」。 「baˊ zongˋ tong a go hi」、「tong baˊ zongˋ」。 巴掌搧過去。賞巴掌。
hkst06_274 「偎一片」。 「vaˋ idˋ pienˋ」。 靠向一邊。
hkst06_275 若車仔偎脣兜仔，正毋會徑著人。 ngiaˊ caˊ eˋ vaˋ siinˇ deuˊ eˊ，nang mˇ voi gang doˋ nginˇ。 你的車子靠邊些，才不會妨礙人。
hkst06_276 同佢講無兩句話就斡頭做佢走，毋知在譴麼个。 tungˇ iˇ gongˋ moˇ liongˋ gi fa qiu vadˋ teuˇ zo iˇ zeuˋ，mˇ diˊ teˊ kienˋ maˋ ge。 跟他說沒兩句話他就掉頭逕自跑掉，不知道在氣什麼。
hkst06_277 「膨線衫分釘仔挽著」。 「pong xien samˊ bunˊ dangˊ eˋ vanˋ doˋ」。 毛衣被釘子鉤到。
hkst06_278 佢身體無爽快，行兩步仔就橫倒，分人送去醫院。 iˇ siinˊ tiˋ moˇ songˋ kuai，hangˇ liongˋ pu eˊ qiu vang doˋ，bunˊ nginˇ sung hi iˊ ian。 他身體不舒服，走兩步路就倒下，被人送去醫院。
hkst06_279 風搓過後，盡多樹仔橫下來。 fungˊ caiˊ go heu，qin doˊ su eˋ vang haˊ loiˇ。 颱風過後，很多樹倒下來。
hkst06_280 佢食忒多酒，醉到行路橫來橫去。 iˇ siid tedˋ doˊ jiuˋ，zui do hangˇ lu vang loiˇ vang hi。 他喝太多酒，醉得走路搖搖晃晃。
hkst06_281 塑膠管愛先用火炕炕啊，正過好搵彎。 sogˋ gauˊ gonˋ oi xienˊ iung foˋ hangˊ hangˊ aˋ，nang go hoˋ vudˋ vanˊ。 塑膠管要先用火烘一下，才比較好弄彎。
hkst06_282 毋好透日仔在屋下搵等，愛出去行行啊。 mˇ hoˋ teu ngidˋ eˋ teˊ lugˋ kaˊ vun denˋ，oi cudˋ hi hangˇ hangˇ aˋ。 別整天在家裡賴著，要出去走一走。
hkst06_283 細人仔在地泥項搵等緊噭，愛監爺哀買玩具分佢。 se nginˇ eˋ teˊ ti naiˇ hong vun denˋ ginˋ gieu，oi gamˊ iaˇ oiˊ maiˊ nguanˇ kiˋ bunˊ iˇ。 小孩子在地上賴著一直哭，硬要父母買玩具給他。
hkst06_284 這細人仔分大人縱壞吔，動啊著就蹬腳搵地泥。 iaˋ se nginˇ eˋ bunˊ tai nginˇ jiungˋ fai eˇ，tungˊ a doˋ qiu demˋ giogˋ vun ti naiˇ。 這小孩被大人寵壞了，動不動就跺腳、在地上打滾耍賴。
hkst06_285 阿玲人公仔搞核無收揫，害厥姆躪著，橫啊四腳惹天。 aˊ linˇ nginˇ gungˊ eˋ gauˋ hedˋ moˇ suˊ qiuˊ，hoi iaˊ meˊ nang doˋ，vang a xi giogˋ ngia tienˊ。 阿玲玩具玩完沒有收拾，害她媽媽踩到，跌到四腳朝天。
hkst06_286 「絲番薯葉莖」、「絲芋荷莖」。 「xiˊ fanˊ suˇ iab guangˋ」、「xiˊ vu hoˇ guangˋ」。 撕地瓜葉莖。撕芋頭葉莖。
hkst06_287 你這兜先行無相干，𠊎鞋帶仔繫好就會跈等逐上去。 ngˇ iaˋ deuˊ xienˊ hangˇ moˇ xiongˊ gonˊ，ngaiˇ haiˇ dai eˋ gieˊ hoˋ qiu voi tenˇ denˋ giugˋ songˊ hi。 你們先走沒關係，我的鞋帶綁好就會跟著追上去。
hkst06_288 天時恁寒，去外背炙日頭，會過燒暖。 tienˊ siiˇ anˋ honˇ，hi no boi zagˋ ngidˋ teuˇ，voi go seuˊ nonˊ。 天氣那麼冷，去外面晒太陽，會比較暖和。
hkst06_289 天時恁好，被骨拿出去炙日頭。 tienˊ siiˇ anˋ hoˋ，piˊ gudˋ naˊ cudˋ hi zagˋ ngidˋ teuˇ。 天氣這麼好，被胎拿出去晒太陽。
hkst06_290 燒燒个打麻膠愛用輪仔輾啊過，該大路正毋會礫鼓礫矻。 seuˊ seuˊ ge da maˇ gauˊ oi iung linˇ eˋ zan a go，ge tai lu nang mˇ voi lid guˋ lid kid。 熱熱的柏油要用滾輪壓過，馬路才不會凹凸不平。
hkst06_291 好好个衫褲，毋好在該碾地泥。 hoˋ hoˋ ge samˊ fu，mˇ hoˋ teˊ geˋ zan ti naiˇ。 好好的衣服，別在地上滾。
hkst06_292 落雨過後，細人仔在水窟涉水，搣到鞋溼溼。 log iˋ go heu，se nginˇ eˋ teˊ suiˋ fudˋ zeb suiˋ，miedˋ do haiˇ siibˋ siibˋ。 下雨過後，小孩子在水漥踩水嬉戲，弄得鞋子溼溼的。
hkst06_293 佢揢等拳頭，像愛捋人樣。 iˇ kag denˋ kianˇ teuˇ，qiong oi lod nginˇ iong。 他緊握拳頭，像是要揍人的樣子。
hkst06_294 做賊仔係無？做麼个遠遠看著警察就走淨淨？ zo ced eˋ he moˇ？zo maˋ ge ianˋ ianˋ kon doˋ ginˋ cadˋ qiu zeuˋ qiang qiang？ 當小偷是嗎？幹嘛遠遠看到警察就躲得遠遠的？
hkst06_295 這擺火燒屋，盡多人因為走毋掣分火燒死核。 iaˋ baiˋ foˋ seuˊ vugˋ，qin doˊ nginˇ inˊ vi zeuˋ mˇ cadˋ bunˊ foˋ seuˊ xiˋ hedˋ。 這次火災，很多人因為來不及跑被火燒死了。
hkst06_296 賊仔偷東西分頭家扭著，這下斯無哪走吔！ ced eˋ teuˊ dungˊ xiˊ bunˊ teuˇ gaˊ neuˋ doˋ，iaˋ ha siiˇ moˇ naiˋ zeuˋ eˇ！ 小偷偷東西被老闆抓到，這下可逃不掉了！
hkst06_297 佢中風過後，右手毋會作力，連飯碗都兜毋起來。 iˇ zung fungˊ go heu，iu suˋ mˇ voi zogˋ lid，lienˇ fan vonˋ duˊ deuˊ mˇ hiˋ loiˇ。 他中風過後，右手不會出力，連飯碗都端不起來。
hkst06_298 吾腳盡毋作力，哪都去毋得。 ngaˊ giogˋ qin mˇ zogˋ lid，naiˋ duˊ hi mˇ dedˋ。 我的腳很難出力，哪都去不了。
hkst06_299 阿爸打早就拿等鑽仔在該鑽空仔，搣啊歸屋下人完全睡毋得。 aˊ baˊ daˋ zoˋ qiu naˊ denˋ zon eˋ teˊ geˋ zon kangˊ eˋ，miedˋ a guiˊ lugˋ kaˊ nginˇ vanˇ qionˇ soi mˇ dedˋ。 爸爸一大早就拿著鑽子在那兒鑽洞，弄得全家人完全睡不得。
hkst06_300 包袱先裝便來，毋好到時亂緊緊仔。 bauˊ fug xienˊ zongˊ pien loiˇ，mˇ hoˋ do siiˇ lon ginˋ ginˋ eˊ。 行李事先收拾好，別到時急急忙忙的。
hkst06_301 「扭緪來」、「扭時鐘」。 「ngiuˋ henˇ loiˇ」、「ngiuˋ siiˇ zungˊ」。 轉緊。上緊時鐘的發條。
hkst06_302 「舂米」、「舂分佢死」。 「zungˊ miˋ」、「zungˊ bunˊ iˇ xiˋ」。 舂米。槌死他。
hkst06_303 毋好在這𢼛菸屎，去垃圾桶該片𢼛。 mˇ hoˋ teˊ iaˋ gog ianˊ siiˋ，hi lebˋ sebˋ tungˋ ge pienˋ gog。 別在這裡敲菸灰，去垃圾桶那邊敲。
hkst06_304 一張桌先放兩罐酒，毋罅正加添。 idˋ zongˊ zogˋ xienˊ biong liongˋ gon jiuˋ，mˇ la nang gaˊ tiamˊ。 一張桌先放兩瓶酒，不夠再加。
hkst06_305 凳仔毋好恁仔坐，等一下打倒𢫦就無結無煞。 den eˋ mˇ hoˋ anˋ eˊ coˊ，denˋ idˋ ha daˋ do mag qiu moˇ gadˋ moˇ sadˋ。 不要這樣坐椅子，等會兒若後仰摔倒就不知該如何是好。
hkst06_306 落雨過後，這頭老樹仔又暴筍吔。 log iˋ go heu，iaˋ teuˇ loˋ su eˋ iu bau sunˋ eˇ。 下雨過後，這棵老樹又長出新芽了。
hkst06_307 蓋久無落雨，一哪仔都燥絲絲仔。 goi giuˋ moˇ log iˋ，idˋ naiˋ eˋ duˊ zauˊ xiˊ xiˊ eˊ。 很久沒下雨，到處都乾枯枯的。
hkst06_308 愛食刺波仔，愛同蒂頭摘核。 oi siid cii poˊ eˋ，oi tungˇ di teuˇ zagˋ hedˋ。 要吃野草莓，要把蒂摘掉。
hkst06_309 「刻樹頭」。 「kadˋ su teuˇ」。 雕刻木頭。
hkst06_310 這細人仔從細就恁做家，看人割禾，佢就屎背尾跈等拈穀粲。 iaˋ se nginˇ eˋ qiungˇ se qiu anˋ zo gaˊ，kon nginˇ godˋ voˇ，iˇ qiu sii boi miˊ tenˇ denˋ ngiamˊ gugˋ can。 這小孩子從小就那麼懂得持家，看人家割稻子，他就在人家屁股後面跟著撿拾稻穗。
hkst06_311 冇穀無米，割來乜無用。 pang gugˋ moˇ miˋ，godˋ loiˇ me moˇ iung。 空虛不實的穀粒沒有米，割了也沒用。
hkst06_312 這半年來做天旱，這季穀聚概冇冇，耕田人實在辛苦。 iaˋ ban ngianˇ loiˇ zo tienˊ honˊ，iaˋ gui gugˋ qiugˋ koiˋ pang pang，gangˊ tienˇ nginˇ siid cai xinˊ kuˋ。 這半年以來鬧旱災，這一季的稻穀都不飽滿，農夫真是辛苦。
hkst06_313 雷公根會递藤，目目都會生葉、開花、打子，递到一哪都係。 luiˇ gungˊ ginˊ voi taiˊ tenˇ，mugˋ mugˋ duˊ voi sangˊ iab、koiˊ faˊ、daˋ ziiˋ，taiˊ do idˋ naiˋ duˊ he。 雷公根會蔓生，生長點都會長葉、開花、結果，蔓延得到處都是。
hkst06_314 講該種話，正經胗肝都會㖸出來。 gongˋ ge zungˋ fa，ziin ginˊ kinˊ gonˊ duˊ voi nagˋ cudˋ loiˇ。 說那種話，真的是肝和胃都會被笑出來。
hkst06_315 人同禽獸無共樣个地方，就係人有文明。 nginˇ tungˇ kimˇ cu moˇ kiung iong ge ti fongˊ，qiu he nginˇ iuˊ vunˇ minˇ。 人和禽獸不一樣的地方，就是人有文明。
hkst06_316 比禽獸還過慘！㓾死人毋知差。　 biˋ kimˇ cu vanˇ go camˋ！ciiˇ xiˋ nginˇ mˇ diˊ caˊ。　 比禽獸還糟糕！殺死人不知錯。　
hkst06_317 大頭狗細罔細，分佢咬著斯會盡癢。 tai teuˇ gieuˋ se mongˋ se，bunˊ iˇ ngauˊ doˋ siiˇ voi qin iongˊ。 蚊蚋小雖小，被牠叮了可是很癢。
hkst06_318 「蟬仔㪐殼」。 「samˇ eˋ ludˋ hogˋ」。 蟬脫殼。
hkst06_319 愛教細人仔多講客話，客話正毋會失核。 oi gauˊ se nginˇ eˋ doˊ gongˋ hagˋ fa，hagˋ fa nang mˇ voi siidˋ hedˋ。 要教小孩子多說客家話，客家話才不會消失掉。
hkst06_320 該條流浪狗養十過隻細狗仔，背尾分人扭去賣。 ge tiauˇ liuˇ long gieuˋ iongˊ siib go zagˋ se gieuˋ eˋ，boi miˊ bunˊ nginˇ neuˋ hi mai。 那隻流浪狗生了十幾隻小狗，後來被人捉去賣。
hkst06_321 厥心臼肚屎項个係雙生个，難怪看起來恁大。 iaˊ ximˊ kiuˊ duˋ siiˋ hong ge he sungˊ sangˊ ge，nanˇ guai kon hiˋ loiˇ anˋ tai 。 他媳婦肚子裡的是雙胞胎，難怪看起來這麼大。
hkst06_322 狗仔分佢一腳踢啊去，喈喈滾飆一路走。 gieuˋ eˋ bunˊ iˇ idˋ giogˋ tedˋ a hi，gai gai gunˋ beuˊ idˋ lu zeuˋ。 狗被他一踹，哀哀叫跑走。
hkst06_323 扭雞仔該下，雞嫲會觜人。 neuˋ gieˊ eˋ ge haˋ，gieˊ maˇ voi zuiˋ nginˇ。 捉小雞時，母雞會啄人。
hkst06_324 尋頭路愛像鴨嫲嘴，盡量去問，正會有機會。 qimˇ teuˇ lu oi qiong abˋ maˇ zoi ，qin liong hi mun，nang voi iuˊ giˊ fi。 找工作要試試運氣，盡量去問，才會有機會。
hkst06_325 細人仔个學費幾下萬銀，嗄分人偷吔，這擺壞蹄吔。 se nginˇ eˋ ge hog fi giˋ haˊ van ngiunˇ，sa bunˊ nginˇ teuˊ eˇ，iaˋ baiˋ fai taiˇ eˇ。 小孩子的學費好幾萬元，卻被人偷了，這回糟糕了。
hkst06_326 像今晡日這種半寒熱个天時，做田事最好。 qiong ginˊ buˊ ngidˋ iaˋ zungˋ ban honˇ ngiad ge tienˊ siiˇ，zo tienˇ se zuiˋ hoˋ。 像今天這種不冷不熱的天氣，做田裡的工作最好。
hkst06_327 放雨白吔，一下仔落一下仔停。 biong iˋ pag eˇ，idˋ ha eˊ log idˋ ha eˊ tinˇ。 下起颱風前的陣雨，忽下忽停的。
hkst06_328 「屋仔著火」。 「vugˋ eˋ cog foˋ」。 房子失火。
hkst06_329 草坪个草正割啊核，風吹啊來就鼻得著臭青味。 coˋ piangˇ ge coˋ nang godˋ a hedˋ，fungˊ coiˊ a loiˇ qiu pi dedˋ doˋ cu qiang mi。 草坪的草剛割完，風一吹來就聞得到生草的味道。
hkst06_330 外背落雨毛仔吔，晒在禾埕項个衫褲好共快去收入來。 no boi log iˋ moˊ eˋ eˇ，sai teˊ voˇ tangˇ hong ge samˊ fu hoˋ kiung kuai hi suˊ ngib loiˇ。 外面飄毛毛雨了，晾在晒穀場的衣服得趕快去收進來。
hkst06_331 晾在外背个衫褲愛收起來，無會打露。 longˇ teˊ no boi ge samˊ fu oi suˊ hiˋ loiˇ，moˇ voi daˋ lu。 晾在外面的衣服要收起來，不然會有露水凝結在上面。
hkst06_332 企在恁當日个所在，會晒死哦！ kiˊ teˊ anˋ dongˊ ngidˋ ge soˋ cai，voi sai xiˋ oˊ！ 站在太陽直射的地方，會晒死啊！
hkst06_333 回南吔，風搓會走吔。 fiˇ namˇ eˇ，fungˊ caiˊ voi zeuˋ eˇ。 刮南風了，颱風要離開了。
hkst06_334 若火忒𤊶吔！魚仔分你煎到臭火𤊶。 ngiaˊ foˋ tedˋ ladˋ eˇ！ngˇ eˋ bunˊ ngˇ jienˊ do cu foˋ ladˋ。 你的火太猛烈了！魚被你煎到燒焦。
hkst06_335 無共年起个屋仔，合縫項會洩水。 moˇ kiung ngianˇ hiˋ ge vugˋ eˋ，gabˋ pung hong voi xiab suiˋ。 不同年蓋的房子，接縫處會滲水。
hkst06_336 下班个時節堵著發大雨，一下仔涿啊溚溼。 haˊ banˊ ge siiˇ jiedˋ duˇ doˋ bodˋ tai iˋ，idˋ ha eˊ dugˋ a dab siibˋ。 下班的時候遇上傾盆大雨，一下子全身淋得溼透。
hkst06_337 𥍉爧過後，接等會響雷公。 ngiabˋ lang go heu，jiabˋ denˋ voi hiongˋ luiˇ gungˊ。 閃電過後，跟著會打雷。
hkst06_338 好天好時愛做事就趕緊，毋好透日在屋仔裡背庰等。 hoˋ tienˊ hoˋ siiˇ oi zo se qiu gonˋ ginˋ，mˇ hoˋ teu ngidˋ teˊ vugˋ eˋ diˊ boi biang denˋ。 好天氣要工作就趕快，別整天在家裡躲著。
hkst06_339 蒸粄仔該下，掀籠床愛細義，莫分佢炣著。 ziinˊ banˋ eˋ ge haˋ，ianˊ lungˇ congˇ oi se ngi，mog bunˊ iˇ ho doˋ。 蒸糕點的時候，掀蒸籠要小心，別被熱氣燙到。
hkst06_340 外背落雨又冷颼颼仔，無必要就莫出去哪！ no boi log iˋ iu langˊ xiuˇ xiuˇ eˊ，moˇ bidˋ ieu qiu mog cudˋ hi naˊ！ 外面下雨又冷颼颼的，非必要就別出去呀！
hkst06_341 落雨天，安全帽毋好放在外背雨淋雨涿，會生狗屎毛。 log iˋ tienˊ，onˊ qionˇ mo mˇ hoˋ biong teˊ no boi iˋ limˇ iˋ dugˋ，voi sangˊ gieuˋ siiˋ moˊ。 下雨天，安全帽別放在外面受雨水滴淋，會發霉。
hkst06_342 雨毛仔緊來緊粗，頭那毛就涿啊溚溼。 iˋ moˊ eˋ ginˋ loiˇ ginˋ cuˊ，teuˇ naˇ moˊ qiu dugˋ a dab siibˋ。 毛毛雨越下越大，頭髮都淋溼了。
hkst06_343 窗仔下恁箭日，莫在該片坐。 cungˊ eˋ haˊ anˋ jien ngidˋ，mog teˊ ge pienˋ coˊ。 窗下陽光直射，別在那裡坐。
hkst06_344 若面堵風堵啊粗粗，愛搽兜仔面油，正毋會必哦。 ngiaˊ mien du fungˊ du a cuˊ cuˊ，oi caˇ deuˊ eˊ mien iuˇ，nang mˇ voi bidˋ o。 你的臉被風吹得這麼粗糙，要擦點乳液，才不會龜裂喔。
hkst06_345 粄仔挾起來係會牽絲，就係壞核吔。 banˋ eˋ giabˋ hiˋ loiˇ he voi kianˊ xiˊ，qiu he faiˋ hedˋ eˇ。 米做成的糕點挾起來若是有絲狀物，就是壞掉了。
hkst06_346 這坵田係濫仔，打田愛注意莫漯著。 iaˋ kiuˊ tienˇ he lam eˋ，daˋ tienˇ oi zu i mog labˋ doˋ。 這畝田是沼澤，整田要小心別陷下去。
hkst06_347 「火車過窿」。 「foˋ caˊ go lungˇ」。 火車過山洞。
hkst06_348 人輒常講：「日頭雨，晒死鬼」，毋知有影無？ nginˇ jiab songˇ gongˋ：「ngidˋ teuˇ iˋ，sai xiˋ guiˋ」，mˇ diˊ iuˊ iangˋ moˇ？ 人家常說：「太陽雨，晒死鬼」，不知道是真的嗎？
hkst06_349 趕這下還有日頭花，衫褲拿出去晒晒啊。 gonˋ iaˋ ha vanˇ iuˊ ngidˋ teuˇ faˊ，samˊ fu naˊ cudˋ hi sai sai aˋ。 趁現在還有些陽光，衣服拿出去晒一晒。
hkst06_350 這包地圾愛共快拿去丟，係無驚怕會生蟲仔。 iaˋ bauˊ ti sebˋ oi kiung kuai naˊ hi tiuˋ ，he moˇ giangˊ pa voi sangˊ cungˇ eˋ。 這包垃圾要快點拿去丟，不然恐怕會長蟲。
hkst06_351 包仔萋萋毋食，放到生狗屎毛，實在還浪核。 bauˊ eˋ qiˊ qiˊ mˇ siid，biong do sangˊ gieuˋ siiˋ moˊ，siid cai vanˇ nong hedˋ。 包子新鮮不吃，放到發霉，真的很可惜。
hkst06_352 山路無人行，兩下半就塞芃芃仔。 sanˊ lu moˇ nginˇ hangˇ，liongˋ ha ban qiu sedˋ bongˇ bongˇ eˊ。 山路沒人走，不用多久時間就草木叢生，無法行走。
hkst06_353 這跡仔地過無平，見擺落雨就變大水窟，你愛細義毋好躪下去。 iaˋ jiagˋ eˋ ti go moˇ piangˇ，gian baiˋ log iˋ qiu bien tai suiˋ fudˋ，ngˇ oi se ngi mˇ hoˋ nang haˊ hi。 這一帶地比較不平，每次下雨就變成大片積水的窪地，你要小心別踩進去。
hkst06_354 雨落忒多做大水，無半息雨做天旱，實在盡難耐。 iˋ log tedˋ doˊ zo tai suiˋ，moˇ ban xidˋ iˋ zo tienˊ honˊ，siid cai qin nanˇ ngai。 雨下太多造成水災，沒半滴雨又形成乾旱，日子實在很難過。
hkst06_355 阿山哥實在還煞猛，做到斷烏還毋曾轉屋。 aˊ sanˊ goˊ siid cai vanˇ sadˋ mangˊ，zo do tonˊ vuˊ vanˇ mˇ qienˇ zonˋ vugˋ。 阿山哥真的很勤奮，工作到天黑還沒回家。
hkst06_356 有兜人擇屋場盡講究，愛尋青龍片、白虎片還過橫龍，定著愛仰仔又仰仔。 iuˊ deuˊ nginˇ tog vugˋ congˇ qin gongˋ giu，oi qimˇ qiangˊ liungˇ pienˋ、pag fuˋ pienˋ hanˇ go vangˇ liungˇ，tin cog oi ngiongˋ eˇ iu ngiongˋ eˇ。 有些人選陽宅很講究，要看青龍邊、白虎邊還有橫向的山脈，一定要怎樣又怎樣。
hkst06_357 豬大把門風；樹大好遮蔭。 zuˊ tai baˋ munˇ fungˊ；su tai hoˋ zaˊ imˊ。 豬大把門風；樹大好遮蔭。
hkst06_358 這站仔緊落大雨，造成盡多山行山，蓋危險。 iaˋ cam eˊ ginˋ log tai iˋ，co siinˇ qin doˊ sanˊ hangˇ sanˊ，goi munˇ hiamˋ。 這陣子一直下大雨，造成很多山坡地層滑動，很危險。
hkst06_359 轉寒吔！加領掛裌仔，無，凍著斯無結無煞。 zonˋ honˇ eˇ！gaˊ liangˊ gua gabˋ eˋ，moˇ，dung doˋ siiˇ moˇ gadˋ moˇ sadˋ。 天氣變冷了！加件背心，不然，感冒可麻煩了。
hkst06_360 高速公路每一段有接口。 goˊ sugˋ gungˊ lu miˊ idˋ ton iuˊ jiabˋ heuˋ。 高速公路每個路段都有接合處。
hkst06_361 該領衫个接口暴線縫。 ge liangˊ samˊ ge jiabˋ heuˋ bau xien pung。 那件衣服的縫合處裂開。
hkst06_362 打狗都毋出門个天時，你仰會弄等來？ daˋ gieuˋ qiu mˇ cudˋ munˇ ge tienˊ siiˇ，ngˇ ngiongˋ voi nungˋ denˋ loiˇ？ 如此惡劣的天氣，你怎麼會來？
hkst06_363 這幾日个天時無正常，溫度高又過起燒風。 iaˋ giˋ ngidˋ ge tienˊ siiˇ moˇ ziin songˇ，vunˊ tu goˊ iu go hiˋ seuˊ fungˊ。 這幾天的天氣異常，溫度高還吹起焚風。
hkst06_364 阿宗盡登真，一下講海陸，一下講四縣，係𠊎哦？斯拗毋轉哦！ aˊ zungˊ qin denˊ ziinˊ，idˋ ha gongˋ hoiˋ liug，idˋ ha gongˋ xi ian，he ngaiˇ oˋ？siiˇ auˋ mˇ zonˋ oˊ！ 阿宗很厲害，一會兒說海陸，一會兒說四縣，要是我啊？可轉不過來呢！
hkst06_365 一陣風吹來，油桐花就叭叭跌，蓋像落雪。 idˋ ciin fungˊ coiˊ loiˇ，iuˇ tungˇ faˊ qiu bad bad diedˋ，goi qiong log xiedˋ。 一陣風吹來，油桐花就紛紛掉落，很像下雪。
hkst06_366 這下係禾苗蓋飆个時節。 iaˋ ha he voˇ meuˇ goi beuˊ ge siiˇ jiedˋ。 現在是稻子快速茁壯的時候。
hkst06_367 紅毛泥屋頂係有必縫，定著會漏水。 fungˇ moˊ naiˇ vugˋ dangˋ he iuˊ bidˋ pung，tin cog voi leu suiˋ。 水泥屋頂如果有裂縫，一定會漏水。
hkst06_368 鏡仔跌啊地泥項，必核吔。 giang eˋ diedˋ a ti naiˇ hong，bidˋ hedˋ eˇ。 鏡子摔在地上，裂開了。
hkst06_369 這擺標準放冗兜仔，毋好忒嚴條。 iaˋ baiˋ peuˊ zunˋ biong ngiung deuˊ eˊ，mˇ hoˋ tedˋ ngiamˇ tiauˇ。 這次的標準放寬些，別太嚴。
hkst06_370 下晝頭正做事个人過少，車枋就放冗吔。 haˊ zu teuˇ nang zo se ge nginˇ go seuˋ，caˊ biongˊ qiu biong ngiung eˇ。 下午才工作的人比較少，車班就班次減少了。
hkst06_371 柑仔打蓋結，歸桍仔墜下來。 gamˊ eˋ daˋ goi giadˋ，guiˊ paˋ eˋ cui haˊ loiˇ。 橘子結很多果實，整串垂下來。
hkst06_372 牛眼仔拗毋著，同樹桍墜下來過好拗。 ngiuˇ ngianˋ eˋ auˋ mˇ doˋ，tungˇ su paˋ cui haˊ loiˇ go hoˋ auˋ。 龍眼摘不到，把樹枝拉彎下來比較好摘。
hkst06_373 衫褲愛打平放，正過好摺。 samˊ fu oi daˋ piangˇ biong，nang go hoˋ zabˋ。 衣服要平放，才比較好摺。
hkst06_374 竹篙仔毋好打直凴壁放，打平放正毋會橫下來。 zugˋ goˊ eˋ mˇ hoˋ daˋ ciid ben biagˋ biong，daˋ piangˇ biong nang mˇ voi vang haˊ loiˇ。 竹竿不要直立靠牆放，平放才不會倒下來。
hkst06_375 「口涎溚溚跌」、「飯糝溚溚跌」。 「heuˋ lanˊ dab dab diedˋ」、「fan samˋ dab dab diedˋ」。 口水一直掉下來。飯粒一直掉下來。
hkst06_376 這老車仔，不時駛到半路就恬核，盡無結煞。 iaˋ loˋ caˊ eˋ，budˋ siiˇ siiˋ do ban lu qiu diamˊ hedˋ，qin moˇ gadˋ sadˋ。 這老車，常常開到半路就停擺，真不知如何是好。
hkst06_377 麼人同你洗身个？衫倒貶著吔。 maˋ nginˇ tungˇ ngˇ seˋ siinˊ ge？samˊ do bienˋ zogˋ eˇ。 誰幫你洗澡的？衣服穿反了。
hkst06_378 老妹過有肉，𠊎个衫淨借佢著兩日，嗄分佢弓大吔！ loˋ moi go iuˊ ngiugˋ，ngaiˇ ge samˊ qiang jia iˇ zogˋ liongˋ ngidˋ，sa bunˊ iˇ giungˊ tai eˇ！ 妹妹比較豐滿，我的衣服只借她穿兩天，就被她撐大了！
hkst06_379 衫褲分油漆膏著，怕洗毋淨吔。 samˊ fu bunˊ iuˇ qidˋ goˇ doˋ，pa seˋ mˇ qiang eˇ。 衣服被油漆沾到，恐怕洗不掉了。
hkst06_380 阿哥用水用電盡耗爽，無保護地球，實在毋應該。 aˊ goˊ iung suiˋ iung tien qin hoˊ songˋ，moˇ boˋ fu ti kiuˇ，siid cai mˇ in goiˊ。 哥哥用水用電很浪費，沒有保護地球，實在不應該。
hkst06_381 蘿蔔絲愛勻開來晒，無斯晒毋會燥。 loˇ ped xiˊ oi iunˇ koiˊ loiˇ sai，moˇ siiˇ sai mˇ voi zauˊ。 蘿蔔絲要均勻攤開來晒，不然會晒不乾。
hkst06_382 莫企恁脣，海水會湧起來。 mog kiˊ anˋ siinˇ，hoiˋ suiˋ voi iungˋ hiˋ loiˇ。 別站那麼邊，海水會湧上來。
hkst06_383 佢分人激著，火氣一下仔湧起來。 iˇ bunˊ nginˇ gidˋ doˋ，foˋ hi idˋ ha eˊ iungˋ hiˋ loiˇ。 他被人刺激到，火氣一下子湧上來。
hkst06_384 頭那痛，藥仔食下去睡一覺目，這下有過爭吔。 teuˇ naˇ tung，iog eˋ siid haˊ hi soi idˋ gau mugˋ，iaˋ ha iuˊ go zangˊ eˇ。 頭痛，藥吃下去睡一覺，現在好多了。
hkst06_385 該臺車仔撞著大樹，司機卡等毋得出。 ge toiˇ caˊ eˋ cong doˋ tai su，siiˊ giˊ kaˇ denˋ mˇ dedˋ cudˋ。 那輛車撞到大樹，司機卡住出不來。
hkst06_386 洗面以前，頭那毛愛用毛落仔卡等。 seˋ mien iˊ qienˇ，teuˇ naˇ moˊ oi iung moˊ labˋ eˋ kaˇ denˋ。 洗臉以前，頭髮要用髮箍卡著。
hkst06_387 頭前出車禍，車仔全在路項卡等。 teuˇ qienˇ cudˋ caˊ fo，caˊ eˋ qionˇ teˊ lu hong kaˇ denˋ。 前面出車禍，車子全在路上塞著。
hkst06_388 時間堵好卡著，阿爸無法度來學校開會。 siiˇ gianˊ duˋ hoˋ kaˇ doˋ，aˊ baˊ moˇ fabˋ tu loiˇ hog gauˋ koiˊ fi。 時間剛好卡到，爸爸沒辦法來學校開會。
hkst06_389 門毋知仰仔卡著，嗄打毋開來。 munˇ mˇ diˊ ngiongˋ eˊ kaˇ doˋ，sa daˋ mˇ koiˊ loiˇ。 門不知怎樣卡住，竟然打不開。
hkst06_390 俗話講「隔夜茶毒過蛇」，確實有影！ xiug fa gongˋ「gagˋ ia caˇ tug go saˇ」，kogˋ siid iuˊ iangˋ！ 俗話說「隔夜茶毒過蛇」，確實如此！
hkst06_391 田項泥濫濫，係漯入去無人挷起來就麻煩吔。 tienˇ hong naiˇ lam lam，he labˋ ngib hi moˇ nginˇ bangˊ hiˋ loiˇ qiu maˇ fanˇ eˇ。 田裡的泥溼軟，如果陷進去沒人拉你起來就麻煩了。
hkst06_392 這桶仔爛恁大空，裡背个水漏淨淨。 iaˋ tungˋ eˋ lan anˋ tai kangˊ，diˊ boi ge suiˋ leu qiang qiang。 這桶子破這麼大個洞，裡面的水漏光光。
hkst06_393 阿爸這駁仔人過毋好，𠊎等三姊妹輪等來照顧。 aˊ baˊ iaˋ bogˋ eˋ nginˇ go mˇ hoˋ，ngaiˇ denˊ samˊ jiˋ moi linˇ denˋ loiˇ zeu gu。 爸爸這陣子身體比較不好，我們姊妹三人輪流來照顧。
hkst06_394 溼氣重，樹仔蓋遽歿核。 siibˋ hi cungˊ，su eˋ goi giagˋ mudˋ hedˋ。 溼氣重，原木很快腐爛掉。
hkst06_395 高麗菜煮啊去就蝕核，伸無幾多。 goˊ li coi zuˋ a hi qiu sad hedˋ，cunˊ moˇ idˋ doˊ。 高麗菜煮了就縮小，剩沒多少。
hkst06_396 屋下原旦過節就愛拜盡多坨，自阿婆過身後，阿姆講愛慢慢仔蝕核去。 lugˋ kaˊ ngianˇ danˋ go jiedˋ qiu oi bai qin doˊ toˇ，cii aˊ poˇ go siinˊ heu，aˊ meˊ gongˋ oi man man eˊ sad hedˋ hi。 家中向來過節就要祭拜很多地方，自從奶奶過世後，媽媽說要慢慢的縮減掉。
hkst06_397 這件事情，係無人收尾就無結煞。 iaˋ kian sii qinˇ，he moˇ nginˇ suˊ miˊ qiu moˇ gadˋ sadˋ。 這件事，如果沒有人處理最後的部分就麻煩了。
hkst06_398 佢早就收山無做吔，毋使過邀佢入股。 iˇ zoˋ qiu suˊ sanˊ moˇ zo eˇ，mˇ siiˋ go ieuˊ iˇ ngib guˋ。 他早就收手不做了，不用再邀他入股。
hkst06_399 這碗仔粄水水，毋好食。 iaˋ vonˋ eˋ banˋ suiˋ suiˋ，mˇ hoˋ siid。 這水粄水水的，不好吃。
hkst06_400 番鹼滑滑，蓋會對手項溜走。 fanˊ gianˋ vad vad，goi voi dui suˋ hong liu zeuˋ。 肥皂滑滑的，很容易從手上滑走。
hkst06_401 厥腳分車仔輾著，毋知會盡嚴重無？ iaˊ giogˋ bunˊ caˊ eˋ zan doˋ，mˇ diˊ voi qin ngiamˇ cung moˇ？ 他的腳被車輪壓到，不知道會不會很嚴重？
hkst06_402 這酒放二十零年，放到轉色吔。 iaˋ jiuˋ biong ngi siib langˇ ngianˇ，biong do zonˋ sedˋ eˇ。 這酒放二十多年，放到顏色改變了。
hkst06_403 聽著這消息，厥面接等就轉色吔。 tangˊ doˋ iaˋ seuˊ xidˋ，iaˊ mien jiabˋ denˋ qiu zonˋ sedˋ eˇ。 聽到這消息，他的臉色馬上就轉變了。
hkst06_404 水龍頭壞核，水洩到歸灶下，共快先拿隻塞仔塞等去。 suiˋ liungˇ teuˇ faiˋ hedˋ，suiˋ xied do guiˊ zo haˊ，kiung kuai xienˊ naˊ zagˋ sedˋ eˋ sedˋ denˋ hi。 水龍頭壞了，水灑得滿廚房，趕快先拿個塞子塞住它。
hkst06_405 隔壁阿伯食酒醉，騎車仔無注意翻下去圳溝裡背，聽人講盡嚴重。 gagˋ biagˋ aˊ bagˋ siid jiuˋ zui，kiˇ caˊ eˋ moˇ zu i panˊ haˊ hi zun gieuˊ diˊ boi，tangˊ nginˇ gongˋ qin ngiamˇ cung。 隔壁老伯伯喝醉酒，騎車不小心墜落水溝裡，聽說很嚴重。
hkst06_406 「割一料半肥腈个豬肉」。 「godˋ idˋ liau ban piˇ jiangˊ ge zuˊ ngiugˋ」。 買一塊半肥半瘦的豬肉。
hkst06_407 筍乾豬跤係盡有名个客家菜。 sunˋ gonˊ zuˊ kaˇ he qin iuˊ miangˇ ge hagˋ gaˊ coi。 筍乾蹄膀是很有名的客家菜。
hkst06_408 肥湯燜筍乾，抑係拿來煲湯，總概盡好食。 piˇ tongˊ munˊ sunˋ gonˊ，ia he naˊ loiˇ boˊ tongˊ，zungˋ koiˋ qin hoˋ siid。 高湯燉筍乾，或是拿來煮湯，都很好吃。
hkst06_409 糯米氣食多，盡毋消化。 no miˋ hi siid doˊ，qin mˇ seuˊ fa。 糯米食品吃多了，很不消化。
hkst06_410 煮飯該下，火忒烈會結𤊶。 zuˋ fan ge haˋ，foˋ tedˋ ladˋ voi giadˋ ladˋ。 煮飯時，火太猛烈會結鍋巴。
hkst06_411 該粒拉朳仔盡賁肉，拉朳仁盡少。 ge liab laˇ pad eˋ qin punˊ ngiugˋ，laˇ pad inˇ qin seuˋ。 那顆番石榴的肉很厚，籽很少。
hkst06_412 「𤐙香料、𤐙香」。 「biag hiongˊ liau、biag hiongˊ」。 爆香。
hkst06_413 消防隊收著一竇虎頭蜂，蜂仔全部拿來浸酒。 seuˊ fongˇ dui suˊ doˋ idˋ deu fuˋ teuˇ fungˊ，fungˊ eˋ qionˇ pu naˊ loiˇ jim jiuˋ。 消防隊收到一窩虎頭蜂，虎頭蜂全部拿來泡酒。
hkst06_414 這封肉蓋香，攞味食，盡扯飯。 iaˋ fungˊ ngiugˋ goi hiongˊ，loˊ mi siid，qin caˋ fan。 這滷肉很香，滷汁配飯吃，很下飯。
hkst06_415 嘴項黏等飯糝，係愛帶飯包去哪？ zoi hong ngiamˇ denˋ fan samˋ，he oi dai fan bauˊ hi naiˋ？ 嘴上黏著飯粒，是要帶便當去哪？
hkst06_416 檸檬蓋酸，無法度打淨食。 leˊ mongˋ goi sonˊ，moˇ fabˋ tu daˋ qiang siid。 檸檬很酸，沒辦法單吃。
hkst06_417 泡茶食，拿兜番瓜仁罔嗒看啊！ pau caˇ siid，naˊ deuˊ fanˊ guaˊ inˇ mongˋ dab kon a！ 泡茶喝，拿些瓜子加減嚐嚐看！
hkst06_418 正餐毋食，淨食點心，仰做得？ ziin conˊ mˇ siid，qiang siid diamˋ ximˊ，ngiongˋ zo dedˋ？ 正餐不吃，光吃點心，怎麼可以？
hkst06_419 仰恁耐食？一碗飯食吔兩點鐘還在該食。 ngiongˋ anˋ nai siid？idˋ vonˋ fan siid eˇ liongˋ diamˋ zungˊ vanˇ teˊ geˋ siid。 怎麼吃那麼久？一碗飯吃了兩個鐘頭還在吃。
hkst06_420 阿財哥！暗晡夜來𠊎屋下食夜，當晝還伸蓋多菜尾。 aˊ coiˇ goˊ！am buˊ ia loiˇ ngaiˇ lugˋ kaˊ siid ia，dongˊ zu vanˇ cunˊ goi doˊ coi miˊ。 阿財哥！今晚來我家吃晚飯，中午還有很多剩菜。
hkst06_421 該菜尾恁多餐吔，無人食，拿來倒核去。 ge coi miˊ anˋ doˊ conˊ eˇ，moˇ nginˇ siid，naˊ loiˇ doˋ hedˋ hi。 那剩菜這麼多餐了，沒人吃，拿去倒掉。
hkst06_422 燜封肉放蒜仔，傍飯盡好食。 munˊ fungˊ ngiugˋ biong son eˋ，bongˋ fan qin hoˋ siid。 慢火燉煮的紅燒肉放蒜苗，配飯很好吃。
hkst06_423 「汁桶」、「朳仔汁」。 「ziibˋ tungˋ」、「bad eˋ ziibˋ」。 廚餘桶。芭樂汁。
hkst06_424 食伸个菜先泌菜味，正倒入汁桶裡肚。 siid cunˊ ge coi xienˊ bi coi mi，nang do ngib ziibˋ tungˋ diˊ duˋ。 吃剩的菜先把菜餚中的湯濾出來，再倒入餿水桶裡。
hkst06_425 下晝阿姆無在，係肚飢就自家去灶下變食。 haˊ zu aˊ meˊ moˇ coiˊ，he duˋ giˊ qiu qid gaˊ hi zo haˊ bien siid。 下午媽媽不在，如果肚子餓就自己去廚房弄吃的。
hkst06_426 阿明哥蓋知食，愛去哪仔聚餐，問佢就知啦！ aˊ minˇ goˊ goi diˊ siid，oi hi nai eˋ qi conˊ，mun iˇ qiu diˊ laˋ！ 阿明哥很懂得吃，要去哪裡聚餐，問他就知道了！
hkst06_427 鑊頭烈，魚仔正好落鑊。 vog teuˇ ladˋ，ngˇ eˋ nang hoˋ log vog。 鍋熱了，魚才好下鍋。
hkst06_428 還肚飢，來去灶下搣食个。 vanˇ duˋ giˊ，loiˇ hi zo haˊ miedˋ siid ge。 肚子好餓，去廚房弄吃的。
hkst06_429 「手路菜」。 「suˋ lu coi」。 拿手菜。
hkst06_430 熻菜愛加一滴仔油，過出味。 hibˋ coi oi gaˊ idˋ did eˊ iuˇ，go cudˋ mi。 燜菜要加一點油 ，較能顯出食物的原味。
hkst06_431 厥屋下大人煮飯，細人仔撿碗筷，蓋和樂。 iaˊ lugˋ kaˊ tai nginˇ zuˋ fan，se nginˇ eˋ giamˋ vonˋ kuai，goi foˇ log。 他們家大人煮飯，小孩子擺碗筷，很和樂。
hkst06_432 你負責洗碗，阿明落碗公，一個人一項盡公平。 ngˇ fu jidˋ seˋ vonˋ，aˊ minˇ labˋ vonˋ gungˊ，idˋ ge nginˇ idˋ hong qin gungˊ pinˇ。 你負責洗碗，阿明疊大碗，一人做一樣最公平。
hkst06_433 這花係假个啦！淨擺來看尞用个定定。 iaˋ faˊ he gaˋ ge laˋ！qiang baiˋ loiˇ kon liau iung ge tin tin。 這花是假的啦！只是擺著好看而已。
hkst06_434 頭擺阿公還在个時節，輒常用石臼仔舂粢粑仔食。 teuˇ baiˋ aˊ gungˊ vanˇ coiˊ ge siiˇ jiedˋ，jiab songˇ iung sag kiuˊ eˋ zungˊ qiˇ baˊ eˋ siid。 以前爺爺還在的時候，經常用石臼搗麻糬吃。
hkst06_435 鹹菜愛封好勢來，毋好分佢臭風核吔。 hamˇ coi oi fungˊ hoˋ se loiˇ，mˇ hoˋ bunˊ iˇ cu fungˊ hedˋ eˇ。 鹹菜要封好，別讓它發出腐臭味。
hkst06_436 熱天恁翕熱，肉無拿去冰箱冰起來，一下仔就臭核吔。 ngiad tienˊ anˋ hibˋ ngiad，ngiugˋ moˇ naˊ hi benˊ xiongˊ benˊ hiˋ loiˇ，idˋ ha eˊ qiu cu hedˋ eˇ。 夏天這麼悶熱，肉沒拿去冰箱冰起來，一下子就發出腐臭味。
hkst06_437 這豬油放忒久，鼻起來蓋臭油垢，怕係壞核吔。 iaˋ zuˊ iuˇ biong tedˋ giuˋ，pi hiˋ loiˇ goi cu iuˇ gieuˋ，pa he faiˋ hedˋ eˇ。 這豬油放太久，聞起來很臭油耗味，恐怕是壞掉了。
hkst06_438 佢怕歸禮拜無洗頭那，頭那蓋臭油垢。 iˇ pa guiˊ liˊ bai moˇ seˋ teuˇ naˇ，teuˇ naˇ goi cu iuˇ gieuˋ。 他可能整個星期沒洗頭，頭很臭油耗味。
hkst06_439 這卵壞核吔，臭肨肨仔，擳核去。 iaˋ lonˋ faiˋ hedˋ eˇ，cu pangˊ pangˊ eˊ，jied hedˋ hi。 這蛋壞掉了，臭氣沖天，丟掉它。
hkst06_440 圓凳仔。四腳凳。 ianˇ den eˋ。xi giogˋ den 。 圓凳。四腳長凳。
hkst06_441 去拿撐棍同大石頭撬開來。 hi naˊ cang gun tungˇ tai sag teuˇ kieu koiˊ loiˇ。 去拿鐵撬把這石頭撬開來。
hkst06_442 鐵仔个東西，久吔就會生鹵。 tiedˋ eˋ ge dungˊ xiˊ，giuˋ eˇ qiu voi sangˊ luˊ。 鐵製的物品，放久了就會生鏽。
hkst06_443 過目關吔，針線空就串毋過。 go mugˋ guanˊ eˇ，ziimˊ xien kangˊ duˊ con mˇ go。 眼睛開始老花了，針孔都穿不過。
hkst06_444 若衫腳分麼个鉤著？爛啊恁大空。 ngiaˊ samˊ giogˋ bunˊ maˋ ge gieuˊ doˋ？lan a anˋ tai kangˊ。 你的衣角被什麼勾到？破這麼大洞。
hkst06_445 「新娘𠖄羅帕」。 「xinˊ ngiongˇ dungˊ loˇ pa」。 新娘戴頭紗。
hkst06_446 「褲溜核」。 「fu liu hedˋ」。 褲子鬆脫。
hkst06_447 上早，耕山園个人會種兜仔棉仔，拈棉花來打被骨。 song zoˋ，gangˊ sanˊ ianˇ ge nginˇ voi zung deuˊ eˊ mienˇ eˋ，ngiamˊ mienˇ faˊ loiˇ daˋ piˊ gudˋ。 以前，耕種的人會種些棉花，摘取棉花來製作被胎。
hkst06_448 衫褲買忒大領，阿姆會同𠊎整衫褲，著起來過合身。 samˊ fu maiˊ tedˋ tai liangˊ，aˊ meˊ voi tungˇ ngaiˇ zangˋ samˊ fu，zogˋ hiˋ loiˇ go hab siinˊ。 衣服買太大件，媽媽會幫我修改衣服，穿起來比較合身。
hkst06_449 田頭水尾、灶頭鑊尾、針頭線尾，客家婦人家麼个都愛做。 tienˇ teuˇ suiˋ miˊ、zo teuˇ vog miˊ、ziimˊ teuˇ xien miˊ，hagˋ gaˊ fu nginˇ gaˊ maˋ ge duˊ oi zo。 田裡的工作、廚房的瑣事、縫補的針線活兒，客家婦女什麼都要做。
hkst06_450 這兜衫褲從來毋識看你著，漚箱角定定。 iaˋ deuˊ samˊ fu qiungˇ loiˇ mˇ siidˋ kon ngˇ zogˋ，eu xiongˊ gogˋ tin tin。 這些衣服從來不曾看你穿，用來久置箱櫃而已。
hkst06_451 這條錢毋好拿去使，愛用來繳細人仔讀書。 iaˋ tiauˇ qienˇ mˇ hoˋ naˊ hi siiˋ，oi iung loiˇ gieuˋ se nginˇ eˋ tug suˊ。 這筆錢別拿去花，要用來供給小孩子唸書。
hkst06_452 老時人上山拈樵，用葛藤準絡索捆樵杈。 loˋ siiˇ nginˇ songˊ sanˊ ngiamˊ ceuˇ，iung godˋ tenˇ zunˋ log sogˋ kunˋ ceuˇ ca。 以前人上山撿柴，用葛藤當套繩捆柴枝。
hkst06_453 「用畚斗抔地圾」。 「iung bun deuˋ vudˋ ti sebˋ」。 用畚斗裝垃圾。
hkst06_454 衫晾好，用竹篙椏杈撐上去兜仔，過遽燥。 samˊ longˇ hoˋ，iung zugˋ goˊ vaˊ caˊ cang songˊ hi deuˊ eˊ，go giagˋ zauˊ。 衣服晾好，用撐柱架上去些，比較快乾。
hkst06_455 烰个食品過躁火，毋好食忒多。 peuˇ ge siid pinˋ go cau foˋ，mˇ hoˋ siid tedˋ doˊ。 油炸的食品比較上火，別吃太多。
hkst06_456 田項燥禾桿愛細義，毋好遰火燒。 tienˇ hong zauˊ voˇ gonˋ oi se ngi，mˇ hoˋ ce foˋ seuˊ。 田裡的乾稻草要小心，別延燒成火災。
hkst06_457 叔婆伯姆在伯公下尞涼打嘴鼓。 sugˋ poˇ bagˋ meˊ teˊ bagˋ gungˊ haˊ liau liongˇ daˋ zoi guˋ。 長輩們在土地公廟那兒乘涼聊天。
hkst06_458 茶心轉潤，愛熇燥來。 caˇ ximˊ zonˋ iun，oi hogˋ zauˊ loiˇ。 茶葉受潮，要烤乾。
hkst06_459 這下有暖氣機，寒天毋使用火缽仔炕火。 iaˋ ha iuˊ nonˊ hi giˊ，honˇ tienˊ mˇ siiˋ iung foˋ badˋ eˋ hangˊ foˋ。 現在有暖氣機，冬天不必用火缽在火上烘。
hkst06_460 等一下愛洗車仔，你先去牽管仔，𠊎來旱水。 denˋ idˋ ha oi seˋ caˊ eˋ，ngˇ xienˊ hi kianˊ gonˋ eˋ，ngaiˇ loiˇ honˊ suiˋ。 等一下要洗車，你先去拉管子，我來放水。
hkst06_461 這手環仔係蓋有紀念性个，毋係戴來看靚个。 iaˋ suˋ kuanˇ eˋ he goi iuˊ gi ngiam xin ge，mˇ he dai loiˇ kon jiangˊ ge。 這手鐲是很有紀念性的，不是戴來裝飾用的。
hkst06_462 阿明去田項吔，人無在。 aˊ minˇ hi tienˇ hong eˇ，nginˇ moˇ coiˊ。 阿明去田裡了，人不在。
hkst06_463 五年前，厥爺哀就無在吔！ ngˋ ngianˇ qienˇ，iaˊ iaˇ oiˊ qiu moˇ coiˊ eˇ！ 五年前，他的父母就去世了！
hkst06_464 厥心臼舊年正討入門，今年就降一個倈仔，還有福氣唷。 iaˊ ximˊ kiuˊ kiu ngianˇ nang toˋ ngib munˇ，ginˊ ngianˇ qiu giung idˋ ge lai eˋ，vanˇ iuˊ fugˋ hi ioˊ。 他的媳婦去年才娶進家門，今年就生了一個兒子，好有福氣喔。
hkst06_465 日時頭被骨拿去晒，睡目以前愛先入被。 ngidˋ siiˇ teuˇ piˊ gudˋ naˊ hi sai，soi mugˋ iˊ qienˇ oi xienˊ ngib piˊ。 白天被胎拿去晒，睡覺以前要先裝被子。
hkst06_466 𠊎等屋下个人客間閒閒，你來歇兩暗晡乜無問題。 ngaiˇ denˊ lugˋ kaˊ ge nginˇ hagˋ gianˊ hanˇ hanˇ，ngˇ loiˇ hiadˋ liongˋ am buˊ me moˇ mun tiˇ。 我們家的客房空著，你來住兩晚也沒問題。
hkst06_467 佢舊年退休吔，這下在屋下弄孫仔。 iˇ kiu ngianˇ tui hiuˊ eˇ，iaˋ ha teˊ lugˋ kaˊ nung sunˊ eˋ。 他去年退休了，現在在家裡含飴弄孫。
hkst06_468 你同阿公盤水，順續擐到浴堂項。 ngˇ tungˇ aˊ gungˊ panˇ suiˋ，sun sa kuan do iog tongˇ hong。 你幫爺爺把熱水舀進水桶，順便提去浴室裡。
hkst06_469 若窗仔無關密，該冷風對縫項透入屋。 ngiaˊ cungˊ eˋ moˇ guanˊ med，ge langˊ fungˊ dui pung hong teu ngib vugˋ。 你的窗戶沒關緊，那冷風從縫隙鑽進屋裡。
hkst06_470 這蜆仔敢有養過？仰食起來沙沙？ iaˋ hanˋ eˋ gamˋ iuˊ iongˊ go？ngiongˋ siid hiˋ loiˇ saˊ saˊ？ 這河蜆可有養過？怎麼吃起來有沙粒的感覺？
hkst06_471 三步門都毋出，外背有麼个事你乜毋知。 samˊ pu munˇ duˊ mˇ cudˋ，no boi iuˊ maˋ ge sii ngˇ me mˇ diˊ。 足不出戶，外面有什麼事情你也不知道。
hkst06_472 恁熱个天時，魚仔毋食釣。 anˋ ngiad ge tienˊ siiˇ，ngˇ eˋ mˇ siid diau。 那麼熱的天氣，魚兒不上鈎。
hkst06_473 這條布仔盡嗍水，正放啊下就同歸桌仔个水嗍到燥燥。 iaˋ tiauˇ bu eˋ qin sogˋ suiˋ，nang biong a haˊ qiu tungˇ guiˊ zogˋ eˋ ge suiˋ sogˋ do zauˊ zauˊ。 這條擦拭布很吸水，才剛放下去就把整桌子的水吸得乾乾的。
hkst06_474 阿強看著厥姐仔同人客有講有㖸，故所面臭臭仔。 aˊ kiongˇ kon doˋ iaˊ jiaˋ eˋ tungˇ nginˇ hagˋ iuˊ gongˋ iuˊ nagˋ，gu soˋ mien cu cu eˊ。 阿強看見他老婆跟客人有說有笑，所以臉臭臭的。
hkst06_475 「腳痛到歸夜仔睡毋得」。 「giogˋ tung do guiˊ ia eˋ soi mˇ dedˋ」。 腳痛到整夜睡不好。
hkst06_476 日時頭啉吔一杯咖啡，暗晡頭就睡毋落覺。 ngidˋ siiˇ teuˇ limˊ eˇ idˋ biˊ gaˊ biˊ，am buˊ teuˇ qiu soi mˇ log gau。 白天喝了一杯咖啡，晚上就睡不著。
hkst06_477 頭擺，竹仔閣个禾坪盡雅，外坪還有一個半月形个魚塘。 teuˇ baiˋ，zugˋ eˋ gogˋ ge voˇ piangˇ qin ngaˋ，ngoi piangˇ vanˇ iuˊ idˋ ge ban ngiad hinˇ ge ngˇ tongˇ。 以前，竹子閣的前庭廣場很雅致，外面的廣場還有一個半月形的魚池。
hkst06_478 每年三、四月仔，𠊎等屋簷下就會有燕仔來做竇。 miˊ ngianˇ samˊ、xi ngiad eˋ，ngaiˇ denˊ vugˋ iamˇ haˊ qiu voi iuˊ ian eˋ loiˇ zo deu。 每年三、四月，我家屋簷下就會有燕子來築巢。
hkst06_479 這桌仔無平，拿張紙枋仔來楔桌腳。 iaˋ zogˋ eˋ moˇ piangˇ，naˊ zongˊ ziiˋ biongˊ eˋ loiˇ xiabˋ zogˋ giogˋ。 這桌子不平，拿張厚紙板來墊桌腳。
hkst06_480 細倈仔剃頭，寡寡有合修面。 se lai eˋ ti teuˇ，guaˋ guaˋ iuˊ gagˋ xiuˊ mien。 男生理髮，多半連帶修容。
hkst06_481 你煮个菜齋齋，無半點油氣，仰傍飯得落？ ngˇ zuˋ ge coi zaiˊ zaiˊ，moˇ ban diamˋ iuˇ hi，ngiongˋ bongˋ fan dedˋ log？ 你煮的菜缺乏油分，沒半點油味，怎麼配得下飯？
hkst06_482 這塊砧枋係切菜个，另外一塊係切肉个。 iaˋ kuai zemˊ biongˊ he qiedˋ coi ge，nang ngoi idˋ kuai he qiedˋ ngiugˋ ge。 這塊砧板是切菜的，另外一塊是切肉的。
hkst06_483 𠊎去車頭載若哥，你在屋下掌屋。 ngaiˇ hi caˊ teuˇ zoi ngiaˊ goˊ，ngˇ teˊ lugˋ kaˊ zongˋ vugˋ。 我去車站載你哥，你在家裡看家。
hkst06_484 「盎塞仔」、「酒塞仔」。 「angˇ sedˋ eˋ」、「jiuˋ sedˋ eˋ」。 瓶塞。酒瓶塞。
hkst06_485 頭擺个細人仔係毋聽話，阿姆就拿竹筱仔筱。 teuˇ baiˋ ge se nginˇ eˋ he mˇ tangˊ fa，aˊ meˊ qiu naˊ zugˋ xiuˊ eˋ xiuˋ。 從前的小孩子如果不聽話，媽媽就拿小竹條修理。
hkst06_486 阿公前腳正出去，阿婆黏時同桌項个菸屎捽核。 aˊ gungˊ qienˇ giogˋ nang cudˋ hi，aˊ poˇ liamˇ siiˇ tungˇ zogˋ hong ge ianˊ siiˋ cud hedˋ。 爺爺前腳剛出去，奶奶馬上把桌上的菸灰擦掉。
hkst06_487 人客來吔！去打門分人入。 nginˇ hagˋ loiˇ eˇ！hi daˋ munˇ bunˊ nginˇ ngib。 客人來了！去開門讓人進來。
hkst06_488 若嘴過正經兜仔好無？毋好專門講該阿里不答个話，敢聽得？ ngiaˊ zoi go ziin ginˊ deuˊ eˊ hoˋ moˇ？mˇ hoˋ zonˊ munˇ gongˋ ge aˊ liˊ budˋ dabˋ ge fa，gamˋ tangˊ dedˋ？ 你的嘴巴正經些好嗎？別老說些不三不四、沒規沒矩的話，能聽嗎？
hkst06_489 佢生來矮頓矮頓，遠遠𠊎就認得出來。 iˇ sangˊ loiˇ aiˋ dunˋ aiˋ dunˋ，ianˋ ianˋ ngaiˇ qiu ngin dedˋ cudˋ loiˇ。 他長得矮壯矮壯的，遠遠的我就認得出來了。
hkst06_490 喊你掃一下地泥就毋甘願，恁仔挨啊挨吔，愛到麼个時節正做得好？ ham ngˇ so idˋ ha ti naiˇ qiu mˇ gamˊ ngian，anˋ eˊ aiˊ a aiˊ eˊ，oi do maˋ ge siiˇ jiedˋ nang zo dedˋ hoˋ？ 叫你掃個地就不甘願，這樣拖拖拉拉的，要到哪時才做得好？
hkst06_491 停電吔，屋仔裡背暗摸叮咚，摸鼻公都毋著，將就上眠床睡目好吔。 tinˇ tien eˇ，vugˋ eˋ diˊ boi am moˊ dinˇ dungˇ，miaˊ pi gungˊ duˊ mˇ doˋ，jiongˊ qiu songˊ minˇ congˇ soi mugˋ hoˋ eˇ。 停電了，屋裡漆黑一片，鼻子都摸不著，乾脆上床睡覺好了。
hkst06_492 仰恁好膽，敢講賊仔背刀仔你乜毋驚？ ngiongˋ anˋ hoˋ damˋ，gamˋ gongˋ ced eˋ bi doˊ eˋ ngˇ me mˇ giangˊ？ 怎麼這麼大膽，難道說小偷拿刀子你也不怕？
hkst06_493 這擺个合作，八字還無一撇，還愛過談正會知會成無。 iaˋ baiˋ ge hab zogˋ，badˋ sii vanˇ moˇ idˋ piedˋ，vanˇ oi go tamˇ nang voi diˊ voi sangˇ moˇ。 這次的合作，八字還沒一撇，還要再談才會知道成不成。
hkst06_494 日頭晒屎胐吔，你仰到今毋曾䟘床？ ngidˋ teuˇ sai sii fudˋ eˇ，ngˇ ngiongˋ do ginˊ mˇ qienˇ hong congˇ？ 太陽曬屁股了，你怎麼到現在還沒起床？
hkst06_495 「著一領半新舊个褂裌仔」。 「zogˋ idˋ liangˊ ban xinˊ kiu ge gua gabˋ eˋ」。 穿一件半舊不新的背心。
hkst06_496 「肚屎飽飽」、「賺到飽飽」。 「duˋ siiˋ bauˋ bauˋ」、「con do bauˋ bauˋ」。 肚子飽飽。
hkst06_497 這皮包仔恁細仔定定，分你弓到暴暴，裡背敢有幾下百萬？ iaˋ piˇ bauˊ eˋ anˋ se eˊ tin tin，bunˊ ngˇ giungˊ do bau bau，diˊ boi gamˋ iuˊ giˋ haˊ bagˋ van？ 賺得滿滿。這皮包那麼小而已，被你塞到暴，裡面難道有幾百萬？
hkst06_498 這水果看起來盡飽水，蓋餳人食。 iaˋ suiˋ goˋ kon hiˋ loiˇ qin bauˋ suiˋ，goi xiangˇ nginˇ siid。 這水果看起來飽含水分，很誘惑人吃。
hkst06_499 嬰兒仔个皮膚蓋幼蓋白穰。 oˇ ngaˊ eˋ ge piˇ fuˊ goi iu goi pag nong。 嬰兒的皮膚很細嫩又飽滿有光澤。
hkst06_500 佢毋知食恁多麼个，嘴看起來鼓鼓。 iˇ mˇ diˊ siid anˋ doˊ maˋ ge，zoi kon hiˋ loiˇ guˋ guˋ。 他不知道吃了些什麼，嘴巴看起來鼓鼓的。
hkst06_501 愛帶个東西全部包揫揫在這，你毋使愁哪項無帶著。 oi dai ge dungˊ xiˊ qionˇ pu bauˊ qiuˊ qiuˊ teˊ iaˋ，ngˇ mˇ siiˋ seuˇ nai hong moˇ dai doˋ。 要帶的東西全部包好在這，你不用擔心哪樣沒帶到。
hkst06_502 若面做麼个包揫揫？害𠊎嗄認毋出來係你。 ngiaˊ mien zo maˋ ge bauˊ qiuˊ qiuˊ？hoi ngaiˇ sa ngin mˇ cudˋ loiˇ he ngˇ。 你的臉幹嘛包緊緊？害我都認不出來是你。
hkst06_503 佢在市場項開一間店賣水果，店項个水果包山塞海，麼个過奇巧个都有。 iˇ teˊ sii congˇ hong koiˊ idˋ gianˊ diam mai suiˋ goˋ，diam hong ge suiˋ goˋ bauˊ sanˊ sedˋ hoiˋ，maˋ ge go kiˇ kauˋ ge duˊ iuˊ。 他在市場裡頭開一間店賣水果，店裡的水果滿坑滿谷，什麼種類的都有。
hkst06_504 啉一罐冰冰个涼水，盡鬆爽。 limˊ idˋ gon benˊ benˊ ge liongˇ suiˋ，qin sungˊ songˋ。 喝罐冰冰的飲料，很舒服。
hkst06_505 做大水過，河壩水啵啵滾拚等出。 zo tai suiˋ go，hoˇ ba suiˋ bo bo gunˋ bia denˋ cudˋ。 水災過後，河水嘩啦嘩啦的湧出。
hkst06_506 厥屋下發扯扯仔，出國讀書毋使愁無錢用。 iaˊ lugˋ kaˊ bodˋ ca ca eˊ，cudˋ guedˋ tug suˊ mˇ siiˋ seuˇ moˇ qienˇ iung。 他家裡很富有，出國讀書不用擔心沒錢可用。
hkst06_507 該筆錢係子女个學費，你莫不褡不膝想拿去賭博。 ge bidˋ qienˇ he ziiˋ ngˋ ge hog fi，ngˇ mog budˋ dabˋ budˋ qidˋ xiongˋ naˊ hi duˋ bogˋ。 那筆錢是子女的學費，你別不像樣想拿去賭博。
hkst06_508 這游泳池个水正齊腰仔定定，你做得下來搞。 iaˋ iuˇ iungˋ ciiˇ ge suiˋ nang ceˇ ieuˊ eˋ tin tin，ngˇ zo dedˋ haˊ loiˇ gauˋ。 這游泳池的水才到腰部而已，你可以下來玩。
hkst06_509 頭擺讀書，細妹仔著个裙愛齊膝頭，正毋會忒短。 teuˇ baiˋ tug suˊ，se moi eˋ zogˋ ge kiunˇ oi ceˇ qidˋ teuˇ，nang mˇ voi tedˋ donˋ。 以前上學，女孩子穿的裙子要及膝，才不會太短。
hkst06_510 若眠床項長袖短襖層層疊疊，敢看得？有閒愛整理一下仔。 ngiaˊ minˇ congˇ hong congˇ qiu donˋ oˋ cenˇ cenˇ tiab tiab，gamˋ kon dedˋ？iuˊ hanˇ oi ziinˋ liˊ idˋ ha eˊ。 你的床上長袖短襖重重疊疊，能看嗎？有空要整理一下。
hkst06_511 佢兩子爺都瘦夾夾仔，生來盡相像。 iˇ liongˋ ziiˋ iaˇ duˊ ceu giab giab eˊ，sangˊ loiˇ qin xiongˊ qiong。 他們父子倆都瘦巴巴的，長得很像。
hkst06_512 毋識做過个事，先試試仔做看啊，做著順手正做下去。 mˇ siidˋ zo go ge sii，xienˊ cii cii eˊ zo kon a，zo doˋ sun suˋ nang zo ha hi。 不曾做過的事情，先嘗試做看看，做到順手再做下去。
hkst06_513 天外有天、人外有人，一個人絕對毋好自大。 tienˊ ngoi iuˊ tienˊ、nginˇ ngoi iuˊ nginˇ，idˋ ge nginˇ qied dui mˇ hoˋ cii tai。 天外有天、人外有人，一個人絕對不要自大。
hkst06_514 這材甘蔗脆脆。 iaˋ coi gamˊ za coi coi。 這節甘蔗很脆。
hkst06_515 暖罐長胲長胲。 nonˊ gon congˇ goiˊ congˇ goiˊ。 熱水壺很細長。
hkst06_516 這條索仔長纜纜仔，拿來綑這隻大箱仔，還伸盡長。 iaˋ tiauˇ sogˋ eˋ congˇ namˇ namˇ eˊ，naˊ loiˇ kunˋ iaˋ zagˋ tai xiongˊ eˋ，hanˇ cunˊ qin congˇ。 這條繩子很長，拿來綑這個大箱子，還剩下很長。
hkst06_517 這屋舍長槓長槓，係竹篙屋。 iaˋ vugˋ saˋ congˇ gong congˇ gong，he zugˋ goˊ vugˋ。 這房屋長長的，是竹子屋。
hkst06_518 麻紗粗粗。 maˇ saˊ cuˊ cuˊ。 麻紗粗粗的。
hkst06_519 柑仔打盡結，樹椏桍墜墜。 gamˊ eˋ daˋ qin giadˋ，su vaˊ paˋ cui cui。 橘子結很多果實，樹枝下垂。
hkst06_520 這箱東西重鈂鈂仔，毋知係麼个？ iaˋ xiongˊ dungˊ xiˊ cungˊ demˇ demˇ eˊ，mˇ diˊ he maˋ ge？ 這箱東西沉甸甸的，不知是啥？
hkst06_521 雨落到嶄然大，涿啊歸身溚溼。 iˋ log do zamˋ ianˇ tai，dugˋ a guiˊ siinˊ dab siibˋ。 雨下得相當大，淋得全身溼透了。
hkst06_522 學校開學，屋下無細人仔个聲，恬索索盡毋慣。 hog gauˋ koiˊ hog，lugˋ kaˊ moˇ se nginˇ eˋ ge sangˊ，diamˊ sogˋ sogˋ qin mˇ guan。 學校開學，家裡沒小孩的聲音，寂靜無聲的很不習慣。
hkst06_523 正餐無食，專門食該滴滴溚溚个，仰會飽？ ziin conˊ moˇ siid，zonˊ munˇ siid ge did did dab dab ge，ngiongˋ voi bauˋ？ 正餐沒吃，專吃那些零零星星的食物，怎麼會飽？
hkst06_524 雨落到滴滴溚溚，續下來就落大雨。 iˋ log do did did dab dab，sa haˊ loiˇ qiu log tai iˋ。 雨下得滴滴答答，接下來就下大雨。
hkst06_525 恁夜吔，莫在該上下，好睡目吔！ anˋ ia eˇ，mog teˊ ge dinˊ songˊ dinˊ haˊ，hoˋ soi mugˋ eˇ！ 這麼晚了，別在那轉來轉去忙個不停，可以睡覺了！
hkst06_526 做事愛像走馬拉松，琢琢仔做，毋使急。 zo se oi qiong zeuˋ maˊ la songˋ，dogˋ dogˋ eˊ zo，mˇ siiˋ gibˋ。 做事要像跑馬拉松，按部就班地做，不用急。
hkst06_527 佢從來盡準時，恁晝吔毋曾到，𠊎敢斷定佢定著毋來吔。 iˇ qiungˇ loiˇ qin zunˋ siiˇ，anˋ zu eˇ mˇ qienˇ do，ngaiˇ gamˋ don tin iˇ tin cog mˇ loiˇ eˇ。 他向來很準時，這麼晚了還沒來，我敢斷定他一定不來了。
hkst06_528 聽講手指短屈短屈个人，做事過扡爪，毋知有影無？ tangˊ gongˋ suˋ ziiˋ donˋ kud donˋ kud ge nginˇ，zo se go iaˋ zauˋ，mˇ diˊ iuˊ iangˋ moˇ？ 聽說手指粗短的人，做事情比較拿不出辦法，不知道是真的嗎？
hkst06_529 阿哥行路肚挺挺仔，像婦人家擐大肚樣仔。 aˊ goˊ hangˇ lu duˋ tenˋ tenˋ eˊ，qiong fu nginˇ gaˊ kuan tai duˋ iong eˋ。 哥哥走路肚子往前挺，像女人懷孕的樣子。
hkst06_530 你食忒多吔，食到肚扐扐仔。 ngˇ siid tedˋ doˊ eˇ，siid do duˋ led led eˊ。 你吃太多了，吃得肚子凸凸的。
hkst06_531 該細人仔無著衫，肚凸凸仔，在恁多蟲仔个樹下搞，毋知驚。 ge se nginˇ eˋ moˇ zogˋ samˊ，duˋ tied tied eˊ，teˊ anˋ doˊ cungˇ eˋ ge su haˊ gauˋ，mˇ diˊ giangˊ。 那小孩沒穿衣服，肚皮光溜溜的，在這麼多蟲子的樹下玩，不知道害怕。
hkst06_532 阿叔在藤椅項坐等緊啄痀，怕發病吔。 aˊ sugˋ teˊ tenˇ iˋ hong coˊ denˋ ginˋ dug guˊ ，pa bodˋ piang eˇ。 叔叔在藤椅上坐著瞌睡連連，恐怕是生病了。
hkst06_533 有麼个話簡單講就好吔，莫恁多話屎仔。 iuˊ maˋ ge fa gianˋ danˊ gongˋ qiu hoˋ eˇ，mog anˋ doˊ fa siiˋ eˋ。 有什麼話簡單講就好了，別這麼多廢話。
hkst06_534 該人盡壞空，動啊著就緊罵人。 ge nginˇ qin faiˋ kangˊ，tungˊ a doˋ qiu ginˋ ma nginˇ。 那個人脾氣很壞，動不動就一直罵人。
hkst06_535 阿爸本旦蓋好譴，老吔嗄反性，這下脾氣變到盡好。 aˊ baˊ bunˋ danˋ goi hau kienˋ，loˋ eˇ sa fanˋ xin，iaˋ ha piˇ hi bien do qin hoˋ。 爸爸原本很愛生氣，老了卻性情轉變，現在脾氣變得很好。
hkst06_536 厥婆過身後，佢歸隻人反性，歸日仔面北北，全無笑面。 iaˊ poˇ go siinˊ heu，iˇ guiˊ zagˋ nginˇ fanˋ xin，guiˊ ngidˋ eˋ mien bedˋ bedˋ，qionˇ moˇ seu mien。 他的奶奶過世後，他整個人性情大變，整天板著臉，完全沒有笑容。
hkst06_537 伯姆生來福相福相，盡有食祿。 bagˋ meˊ sangˊ loiˇ fugˋ xiong fugˋ xiong，qin iuˊ siid lugˋ。 伯母長得福態，很有口福。
hkst06_538 道理講到一千擔，佢到今還毋知分醒。 to liˊ gongˋ do idˋ qienˊ damˊ，iˇ do ginˊ hanˇ mˇ diˊ funˊ xiangˋ。 道理講了那麼多，他到現在還不懂得清醒。
hkst06_539 歸圓身分日頭晒到紅冬冬仔。 guiˊ ianˇ siinˊ bunˊ ngidˋ teuˇ sai do fungˇ dungˊ dungˊ eˊ。 全身被太陽晒得紅通通地。
hkst06_540 紅啾啾仔个李仔。頭那毛染到紅啾啾仔。 fungˇ jiuˇ jiuˇ eˊ ge liˋ eˋ。teuˇ naˇ moˊ ngiam do fungˇ jiuˇ jiuˇ eˊ。 紅通通的李子。頭髮染得紅通通地。
hkst06_541 這個細妹仔个面紅丟丟仔，盡像蘋果共樣。 iaˋ ge se moi eˋ ge mien fungˇ diuˇ diuˇ eˊ，qin qiong lin goˋ kiung iong。 這女孩的臉色紅潤，好像蘋果一樣。
hkst06_542 嘴脣畫到紅漬漬仔。 zoi sunˇ fa do fungˇ ji ji eˊ。 嘴唇畫得豔紅。
hkst06_543 佢盡好批人，見堵著毋使錢个，就加減好加減拿。 iˇ qin hau piˊ nginˇ，gian duˇ doˋ mˇ siiˋ qienˇ ge，qiu gaˊ gamˋ hoˋ gaˊ gamˋ naˊ。 他很愛占人便宜，每次遇到不用花錢的，就不管有多少有得拿就拿。
hkst06_544 厥這身西裝係同裁縫師父定做个，特別合身。 iaˊ iaˋ siinˊ xiˊ zongˊ he tungˇ caiˇ fungˇ siiˊ fu tin zo ge，tid pied hab siinˊ。 他這套西裝是跟裁縫師父訂做的，特別合身。
hkst06_545 歸屋仔放恁多東西，徑徑杈杈愛仰仔行？ guiˊ vugˋ eˋ biong anˋ doˊ dungˊ xiˊ，gang gang ca ca oi ngiongˋ eˊ hangˇ？ 一屋子放了那麼多東西，礙手礙腳的要怎麼走？
hkst06_546 阿姆這下在灶下蓋無閒，你莫在這徑手徑腳。 aˊ meˊ iaˋ ha teˊ zo haˊ goi moˇ hanˇ，ngˇ mog teˊ iaˋ gang suˋ gang giogˋ。 媽媽現在在廚房忙得很，你別在這兒礙手礙腳。
hkst06_547 你這東西摸啊著就壞，像人粳膏个。 ngˇ iaˋ dungˊ xiˊ miaˊ a doˋ qiu faiˋ，qiong nginˇ gangˊ goˇ ge。 你這東西一摸就壞，像人用漿糊糊的。
hkst06_548 說佢兩句，佢就鼻扭扭仔。 sodˋ iˇ liongˋ gi，iˇ qiu pi ngiuˋ ngiuˋ eˊ。 讚美他兩句，他就驕傲起來。
hkst06_549 這兩姊妹盡奸雄，食就走第一，做事就瀉第一。 iaˋ liongˋ jiˋ moi qin gianˊ hiungˇ，siid qiu zeuˋ ti idˋ，zo se qiu xia ti idˋ。 這兩姊妹非常狡詐，有吃就跑第一，要做事就溜最快。
hkst06_550 阿哥該臺舊車仔捽到金若若仔，像新个樣仔。 aˊ goˊ ge toiˇ kiu caˊ eˋ cud do gimˊ na na eˊ，qiong xinˊ ge iong eˋ。 哥哥那臺舊車擦得亮晶晶的，像新的一樣。
hkst06_551 佢蓋緊性，主管交代个事，兩下半就做好。 iˇ goi ginˋ xin，zuˋ gonˋ gauˊ dai ge sii，liongˋ ha ban qiu zo hoˋ。 他性子很急，主管交代的事，馬上就辦好。
hkst06_552 過時个衫褲。西瓜過時，無恁好食。 go siiˇ ge samˊ fu。xiˊ guaˊ go siiˇ，moˇ anˋ hoˋ siid。 退流行的衣服。西瓜過季，沒這麼好吃。
hkst06_553 莊頭項，臨暗仔來兩個高高大長个人，毋知愛來做麼个。 zongˊ teuˇ hong，limˇ am eˋ loiˇ liongˋ ge goˊ goˊ tai jiongˋ ge nginˇ，mˇ diˊ oi loiˇ zo maˋ ge。 村裡，傍晚來了兩個高頭大馬的人，不知道要來做什麼。
hkst06_554 𠊎个倈仔生到高高大長，毋過連八十斤个擔頭都㧡毋贏。 ngaiˇ ge lai eˋ sangˊ do goˊ goˊ tai jiongˋ，mˇ go lienˇ badˋ siib ginˊ ge damˊ teuˇ duˊ kaiˊ mˇ iangˇ。 我兒子長得人高馬大，不過連八十斤的擔子都挑不起來。
hkst06_555 厥倈仔生到高擎擎仔，係過作肉兜仔，就盡好看。 iaˊ lai eˋ sangˊ do goˊ kiaˇ kiaˇ eˊ，he go zogˋ ngiugˋ deuˊ eˊ，qiu qin hoˋ kon。 他的兒子個子長得很高，如果稍微有肉些，就很好看。
hkst06_556 阿爸个腳有爭差，行路跛啊跛仔。 aˊ baˊ ge giogˋ iuˊ zenˊ caˊ，hangˇ lu baiˊ a baiˊ eˊ。 爸爸的腳有異樣，走路一跛一跛的。
hkst06_557 這頭路盡多孔竅，𠊎看斯無恁簡單哦！ iaˋ teuˇ lu qin doˊ kungˋ kieu，ngaiˇ kon siiˇ moˇ anˋ gianˋ danˊ oˊ！ 這工作很多竅門，我看沒那麼容易勝任喔！
hkst06_558 老人家行路過慢，你愛跈等佢慢慢仔行，做毋得趕遽。 loˋ nginˇ gaˊ hangˇ lu go man，ngˇ oi tenˇ denˋ iˇ man man eˊ hangˇ，zo mˇ dedˋ gonˋ giagˋ。 老人家走路比較慢，你要跟著他慢慢走，不可以貪快。
hkst06_559 讀書愛趕後生，係無記才會越來越退步。 tug suˊ oi gonˋ heu sangˊ，he moˇ gi coiˇ voi iad loiˇ iad tui pu。 讀書要趁年輕，不然記憶力會漸漸衰退。
hkst06_560 天光日愛考試，三更半夜火還光光，今暗晡怕毋使睡吔。 tienˊ gongˊ ngidˋ oi kauˋ sii，samˊ gongˊ ban ia foˋ hanˇ gongˊ gongˊ，ginˊ am buˊ pa mˇ siiˋ soi eˇ。 明天要考試，三更半夜燈還亮亮的，今天晚上大概不用睡了。
hkst06_561 該隻賊仔光頭落杓，著白色短褲，還合一雙烏色个球鞋。 ge zagˋ ced eˋ gongˊ teuˇ log sog，zogˋ pag sedˋ donˋ fu，hanˇ gagˋ idˋ sungˊ vuˊ sedˋ ge kiuˇ haiˇ。 那個小偷光著頭，穿白色短褲，還有一雙黑色的球鞋。
hkst06_562 看慣慣。 kon guan guan。 看習慣了。
hkst06_563 恁闊个位所分佢起屋，灶下做到狹膣狹極，轉身就毋得，實在還無結煞。 anˋ fadˋ ge vi soˋ bunˊ iˇ hiˋ vugˋ，zo haˊ zo do hab ziiˊ hab kid，zonˋ siinˊ qiu mˇ dedˋ，siid cai hanˇ moˇ giadˋ sadˋ。 那麼寬闊的地方給他蓋房子，廚房做得這麼狹窄，轉身都有困難，真拿他沒辦法。
hkst06_564 無錢毋會作怪，有錢顛倒還過死，嗄變鬼變怪。 moˇ qienˇ mˇ voi zogˋ guai，iuˊ qienˇ dienˊ do hanˇ go xiˋ，sa bien guiˋ bien guai。 沒錢不會作怪，有錢反而更糟糕，盡做些不正經的事。
hkst06_565 愛去你自家去，麼人有閒手腳好去。 oi hi ngˇ qid gaˊ hi，maˋ nginˇ iuˊ hanˇ suˋ giogˋ hoˋ hi。 要去你自己去，誰有多餘的時間可去。
hkst06_566 尞日閒亍亍，睡過晝兜仔無相干。 liau ngidˋ hanˇ cogˋ cogˋ，soi go zu deuˊ eˊ moˇ xiongˊ gonˊ。 假日閒閒沒事，睡晚些無所謂。
hkst06_567 佢退休過後，閒亍亍仔，就去社區做義工。 iˇ tui hiuˊ go heu，hanˇ cogˋ cogˋ eˊ，qiu hi sa kiˊ zo ngi gungˊ。 他退休之後，閒閒沒事，就去社區當義工。
hkst06_568 阿婆腳毋方便還恁好做，正經係閒毋得。 aˊ poˇ giogˋ mˇ fongˊ pien hanˇ anˋ hau zo，ziin ginˊ he hanˇ mˇ dedˋ。 奶奶腳不方便還這麼愛做，真是閒不住。
hkst06_569 屋下人無恁多閒時間教你，去學校問先生。 lugˋ kaˊ nginˇ moˇ anˋ doˊ hanˇ siiˇ gianˊ gauˊ ngˇ，hi hog gauˋ mun xinˊ sangˊ。 家裡人沒這麼多閒時間教你，去學校問老師。
hkst06_570 這事頭恁硬斗，無人敢貌來做。 iaˋ se teuˇ anˋ ngang deuˋ，moˇ nginˇ gamˋ mau loiˇ zo。 這工作這麼多又緊迫，沒人敢承包來做。
hkst06_571 講个人講到口涎波潑，聽个人聽到嘴勺勺仔。 gongˋ ge nginˇ gongˋ do heuˋ lanˊ boˊ bad，tangˊ ge nginˇ tangˊ do zoi sog sog eˊ。 說的人說得口沫橫飛，聽的人聽得忘我。
hkst06_572 該人盡猴型，無恁簡單剃頭。 ge nginˇ qin heuˇ hinˇ，moˇ anˋ gianˋ danˊ ti teuˇ。 那個人很搞怪善變，沒那麼容易搞定。
hkst06_573 講著食就興嘟嘟仔，講著做就懶𧊅𧊅仔。 gongˋ doˋ siid qiu him du du eˊ，gongˋ doˋ zo qiu lanˊ guaiˋ guaiˋ eˊ。 說到吃就興沖沖的，說到工作就意興闌珊。
hkst06_574 這項菜鼻起來香噴噴仔，食起來無麼个特別。 iaˋ hong coi pi hiˋ loiˇ hiongˊ pun pun eˊ，siid hiˋ loiˇ moˇ maˋ ge tid pied。 這道菜聞起來香噴噴的，吃起來沒啥特別。
hkst06_575 看你恁久殗殗，無半息雄頭，係毋係有哪爭差？ kon ngˇ anˋ giuˋ ngiem ngiem，moˇ ban xidˋ hiungˇ teuˇ，he mˇ he iuˊ nai zenˊ caˊ？ 看你最近有氣無力的，沒有半點雄風，是不是有哪裡不舒服？
hkst06_576 佢像牛牯樣仔恁雄猛，承你三下拳頭還無問題。 iˇ qiong ngiuˇ guˋ iong eˋ anˋ hiungˇ mangˊ，siinˇ ngˇ samˊ ha kianˇ teuˇ hanˇ moˇ mun tiˇ。 他像牛一樣很勇猛，承受你三下拳頭還沒問題。
hkst06_577 佢實在蓋好彩，買樂透不時著獎。 iˇ siid cai goi hoˋ caiˋ，maiˊ log teu budˋ siiˇ cog jiongˋ。 他真的運氣很好，買樂透老是中獎。
hkst06_578 你實在盡好膽！喊你在屋下掌屋，你還偷偷仔走出去，毋驚阿姆發譴係無？ ngˇ siid cai qin hoˋ damˋ！hemˊ ngˇ teˊ lugˋ kaˊ zongˋ vugˋ，ngˇ hanˇ teuˊ teuˊ eˊ zeuˋ cudˋ hi，mˇ giangˊ aˊ meˊ fadˋ kienˋ he moˇ？ 你真的很大膽！叫你在家裡看家，你還偷偷跑出去，不怕媽媽生氣是嗎？
hkst06_579 好衰毋衰，一出門就踏著牛屎堆。 hoˋ soiˊ mˇ soiˊ，idˋ cudˋ munˇ qiu tab doˋ ngiuˇ siiˋ doiˊ。 真倒楣，一出門就踩到牛屎堆。
hkst06_580 做麼个事情都共樣，好頭好尾正圓滿。 zo maˋ ge sii qinˇ duˊ kiung iong，hoˋ teuˇ hoˋ miˊ nang ianˇ manˊ。 做什麼事情都一樣，從頭好到尾才圓滿。
hkst06_581 看佢好頭好面，毋過心肝蓋壞。 kon iˇ hoˋ teuˇ hoˋ mien，mˇ go ximˊ gonˊ goi faiˋ。 看他外表很好的樣子，但是心很壞。
hkst06_582 這拉朳仔看起來好頭好面，毋過裡背全歿核。 iaˋ laˇ pad eˋ kon hiˋ loiˇ hoˋ teuˇ hoˋ mien，mˇ go diˊ boi qionˇ mudˋ hedˋ。 這番石榴看起來外表很好，不過裡面全爛掉。
hkst06_583 張伯姆好手板，火一著就喊裁桌，雞盤拿來剁。 zongˊ bagˋ meˊ hoˋ suˋ banˋ，foˋ idˋ cog qiu hemˊ caiˇ zogˋ，gieˊ panˇ naˊ loiˇ dog。 張家伯母動作迅速，火一點著就叫人擺桌子，雞盤拿來剁。
hkst06_584 這係盡平常个東西，𠊎屋下一千擔，毋係你正有。 iaˋ he qin pinˇ songˇ ge dungˊ xiˊ，ngaiˇ lugˋ kaˊ idˋ qienˊ damˊ，mˇ he ngˇ nang iuˊ。 這是很平常的東西，我家多的是，可不是你才有。
hkst06_585 佢盡聰明，一踢三通，毋使加講。 iˇ qin cungˊ minˇ，idˋ tedˋ samˊ tungˊ，mˇ siiˋ gaˊ gongˋ。 他很聰明，舉一反三，不用多解釋。
hkst06_586 落雨過後，這條大路嗄一窩一窟，盡難行。 log iˋ go heu，iaˋ tiauˇ tai lu sa idˋ voˊ idˋ fudˋ，qin nanˇ hangˇ。 下雨過後，這條馬路就變得坑坑洞洞，很難走。
hkst06_587 見擺就頸偏偏仔，該樣相看著就得人惱。 gian baiˋ qiu giangˋ pienˊ pienˊ eˊ，ge iong xiongˊ kon doˋ qiu dedˋ nginˇ nauˊ。 每次都桀驁不受教，那個樣子看了就討厭。
hkst06_588 落過雨，屋頭前个圳溝水洋洋洋洋 。 log go iˋ，vugˋ teuˇ qienˇ ge zun gieuˊ suiˋ iongˇ iongˇ iong iong。 下過雨，屋前的水溝水勢盛大。
hkst06_589 這細妹仔生來幼秀，講話又盡軟聲。 iaˋ se moi eˋ sangˊ loiˇ iu xiu，gongˋ fa iu qin ngionˊ sangˊ。 這女孩長得清秀脫俗，說話又很柔和。
hkst06_590 食東西恁幼秀，毋知做粗事敢有法度？ siid dungˊ xiˊ anˋ iu xiu，mˇ diˊ zo cuˊ se gamˋ iuˊ fabˋ tu？ 吃東西這麼秀氣，不知道做粗重的工作行不行？
hkst06_591 若蕹菜炒到油光油光，盡餳人食。 ngiaˊ fung coi cauˋ do iuˇ gongˊ iuˇ gongˊ，qin xiangˇ nginˇ siid。 你的空心菜炒得油亮油亮的，很吸引人吃。
hkst06_592 佢這個人盡有修，山崩下來，全無矺著厥屋。 iˇ iaˋ ge nginˇ qin iuˊ xiuˊ，sanˊ benˊ haˊ loiˇ，qionˇ moˇ zagˋ doˋ iaˊ vugˋ。 他這個人很有德行，山崩下來，完全沒有壓到他的房子。
hkst06_593 烰个東西總概都油濟濟仔，毋好食忒多。 peuˇ ge dungˊ xiˊ zungˋ koiˋ duˊ iuˇ ji ji eˊ，mˇ hoˋ siid tedˋ doˊ。 油炸的東西全部都油膩膩的，別吃太多。
hkst06_594 落恁久个雨，這衫摸起來潤潤。 log anˋ giuˋ ge iˋ，iaˋ samˊ miaˊ hiˋ loiˇ iun iun。 下這麼久的雨，這衣服摸起來溼溼的。
hkst06_595 餅仔係無食核愛䌈起來，毋好放分佢潤核。 biangˋ eˋ he moˇ siid hedˋ oi tagˋ hiˋ loiˇ，mˇ hoˋ biong bunˊ iˇ iun hedˋ。 餅乾如果沒吃完要綁起來，別讓它受潮軟掉。
hkst06_596 佢生來靚靚仔，算盡耐看。 iˇ sangˊ loiˇ jiangˊ jiangˊ eˊ，son qin nai kon。 她長得美美的，算是很耐看。
hkst06_597 阿姊打扮啊靚膩膩仔，怕愛去約會。 aˊ ze daˋ ban a jiangˊ ne ne eˊ，pa oi hi iogˋ fi。 姊姊打扮得美美的，可能要去約會。
hkst06_598 厥妹仔生來盡精靈，讀書盡壁。　 iaˊ moi eˋ sangˊ loiˇ qin jinˊ linˇ，tug suˊ qin biagˋ。　 他女兒長得很聰明靈敏，很會讀書。　
hkst06_599 看佢精頭精面，毋知也會做糊塗事。 kon iˇ jinˊ teuˇ jinˊ mien，mˇ diˊ ia voi zo fuˇ tuˇ sii。 看他一臉聰明，誰知道也會做糊塗事。
hkst06_600 佢新討个心臼盡伶俐，手腳遽，想事情又周到。 iˇ xinˊ toˋ ge ximˊ kiuˊ qin langˇ li，suˋ giogˋ giagˋ，xiongˋ sii qinˇ iu zuˊ do。 他剛娶進門的媳婦很精明伶俐，手腳快，想事情又周到。