六堆計劃首頁

六堆語料總覽表

哈客教材例句-07：

編號 例句 語音合成 六堆客語拼音 華譯
hkst07_001 屋簷下有鳥仔做竇，鳥子歸日仔啁啁滾。 vugˋ iamˇ haˊ iuˊ diauˊ eˋ zo deu，diauˊ ziiˋ guiˊ ngidˋ eˋ jio jio gunˋ。 屋簷下有鳥築巢，小鳥整天吱吱喳喳。
hkst07_002 面皺皺。 mien jiu jiu。 臉皺皺的。
hkst07_003 正三十歲，面就皺皮皺皮，看起來加盡老。 nang samˊ siib se，mien qiu jiu piˇ jiu piˇ，kon hiˋ loiˇ gaˊ qin loˋ。 才三十歲，臉就皺巴巴的，看起來老多了。
hkst07_004 阿爸食酒食到酒醉摸些，一路偏等歸。 aˊ baˊ siid jiuˋ siid do jiuˋ zui miaˊ xiaˊ，idˋ lu pienˊ denˋ guiˊ。 爸爸喝酒喝得走路東倒西歪的，一路歪斜回家。
hkst07_005 愛改竹筍無恁簡單，使钁頭會卡手卡腳。 oi goiˋ zugˋ sunˋ moˇ anˋ gianˋ danˊ，siiˋ giogˋ teuˇ voi kaˇ suˋ kaˇ giogˋ。 要挖竹筍不容易，使用鋤頭會綁手綁腳。
hkst07_006 佢同頭路放下來尞，食飽飯就交手翹腳，盡爽快。 iˇ tungˇ teuˇ lu biong haˊ loiˇ liau，siid bauˋ fan qiu kauˊ suˋ kieuˊ giogˋ，qin songˋ kuai。 他把工作放下來休息，吃飽飯就抱胸翹腳，清閒得很。
hkst07_007 這崎蓋嶇，騎自行車毋好直接溜下來，盡危險。 iaˋ gia goi kiˊ，kiˇ cii hangˇ caˊ mˇ hoˋ ciid jiabˋ liu haˊ loiˇ，qin nguiˇ hiamˋ。 這坡很陡，騎自行車別直接溜下來，很危險。
hkst07_008 這批貨个原料，算算啊及及仔還罅，有少乜毋會少盡多。 iaˋ piˊ fo ge ngianˇ liau，son son a kib kib eˊ hanˇ la，iuˊ seuˋ me mˇ voi seuˋ qin doˊ。 這批貨的原料，算一算勉強還夠，有少也不會少很多。
hkst07_009 一下講愛改這，一下講愛修該，盡多漦濞！ idˋ ha gongˋ oi goiˋ iaˋ，idˋ ha gongˋ oi xiuˊ ge，qin doˊ xiauˇ pi！ 一下說要改這，一下說要修那，煩人囉嗦事特別多！
hkst07_010 半夜毋睡目，在該矻矻确确做麼个？ ban ia mˇ soi mugˋ，teˊ ge kid kid kog kog zo maˋ ge？ 半夜不睡覺，在那一直製造煩人的聲響做什麼？
hkst07_011 粥煮到醹醹，好食又食得飽。 zugˋ zuˋ do neuˇ neuˇ，hoˋ siid iu siid dedˋ bauˋ。 粥煮得稠稠的又濃厚，好吃又吃得飽。
hkst07_012 這粒石頭翹翹，蹬上去愛過細義兜仔，莫橫倒。 iaˋ liab sag teuˇ kieu kieu ，demˋ songˊ hi oi go se ngi deuˊ eˊ，mog vang doˋ。 這個石頭翹起來，踏上去要小心一點，別摔倒。
hkst07_013 佢蓋巧，講著佢就知。 iˇ goi kiauˋ ，gongˋ doˋ iˇ qiu diˊ。 他特別聰明，一說他就懂。
hkst07_014 這豬皮食起來韌鋸鋸仔，罔食。 iaˋ zuˊ piˇ siid hiˋ loiˇ ngiun gi gi eˊ，mongˋ siid。 這豬皮吃起來彈牙有嚼勁，不難吃。
hkst07_015 佢兩個人係雙生仔，難怪生來共樣共樣。 iˇ liongˋ ge nginˇ he sungˊ sangˊ eˋ ，nanˇ guai sangˊ loiˇ kiung iong kiung iong。 他們倆是雙胞胎，難怪長得一模一樣。
hkst07_016 這條路挖自來水管，搣到空空窟窟，你斯愛細義兜仔。 iaˋ tiauˇ lu iadˋ cii loiˇ suiˋ gonˋ，miedˋ do kungˊ kungˊ fudˋ fudˋ，ngˇ siiˇ oi se ngi deuˊ eˊ。 這條路挖自來水管，弄得坑坑洞洞，你可要小心點。
hkst07_017 佢做業務，一哪尋客戶，故所每日著到萋頭萋頭。 iˇ zo ngiab vu，idˋ naiˋ qimˇ hagˋ fu，gu soˋ miˊ ngidˋ zogˋ do qiˊ teuˇ qiˊ teuˇ。 他擔任業務，到處找客戶，所以每天穿得衣裝整潔。
hkst07_018 阿明嫂盡會理家，屋下內內外外全部整理到伶伶俐俐。 aˊ minˇ soˋ qin voi liˊ gaˊ，lugˋ kaˊ nui nui ngoi ngoi qionˇ pu ziinˋ liˊ do langˇ langˇ li li。 阿明嫂很會持家，家中裡裡外外全都整理得乾乾淨淨。
hkst07_019 有兜人著衫褲蓋落臍，有兜人盡講究。 iuˊ deuˊ nginˇ zogˋ samˊ fu goi lau ce，iuˊ deuˊ nginˇ qin gongˋ giu。 有些人穿衣服穿得很鬆垮邋遢，有些人很講究。
hkst07_020 風雨忒大，就算擎遮仔還係歸身仔涿啊溚溼。 fungˊ iˋ tedˋ tai，qiu son kiangˇ zaˊ eˋ hanˇ he guiˊ siinˊ eˋ dugˋ a dab siibˋ。 風雨太大，就算拿雨傘還是全身被雨淋溼。
hkst07_021 該隻新社區个樓屋起到連峨接棟，盡鬧熱。 ge zagˋ xinˊ sa kiˊ ge leuˇ vugˋ hiˋ do lienˇ ngoˇ jiabˋ dung，qin nau ngiad。 那個新社區的房舍櫛比鱗次，相當熱鬧。
hkst07_022 濞水流流流流。屋簷水流流流流。 pi suiˋ liuˇ liuˇ liu liu。vugˋ iamˇ suiˋ liuˇ liuˇ liu liu。 鼻水流不停。屋簷一直滴水。
hkst07_023 詐騙集團盡聰明，害盡多人落釣。 za pien xib tonˇ qin cungˊ minˇ，hoi qin doˊ nginˇ log diau。 詐騙集團很聰明，害很多人上當。
hkst07_024 這鑊豬腳煲啊綿綿，十分登真。 iaˋ vog zuˊ giogˋ boˊ a mienˇ mienˇ，siib funˊ denˊ ziinˊ。 這鍋豬腳燉得軟嫩，非常好吃。
hkst07_025 臺北捷運个人每日來來去去，就像窿裡背个蟻公出出入入。 toiˇ bedˋ qiab iun ge nginˇ miˊ ngidˋ loiˇ loiˇ hi hi，qiu qiong lungˇ diˊ boi ge ngie gungˊ cudˋ cudˋ ngib ngib。 臺北捷運的人潮每天進出頻繁，就像洞裡的螞蟻進進出出。
hkst07_026 該支钁頭柄㪐㪐，愛細義。 ge giˊ giogˋ teuˇ biang ludˋ ludˋ，oi se ngi。 那支鋤頭柄鬆鬆的，要留心注意。
hkst07_027 工人挖大路，毋堵好同水管挖斷核。 gungˊ nginˇ iadˋ tai lu，mˇ duˋ hoˋ tungˇ suiˋ gonˋ iadˋ tonˊ hedˋ。 工人挖馬路，不慎將水管挖斷了。
hkst07_028 這下毋係時節，西瓜無幾好食。 iaˋ ha mˇ he siiˇ jiedˋ，xiˊ guaˊ moˇ idˋ hoˋ siid。 現在不是產季，西瓜不怎麼好吃。
hkst07_029 𠊎看啊!這筆生理定著講毋成。 ngaiˇ kon aˇ ! iaˋ bidˋ senˊ liˊ tin cog gongˋ mˇ sangˇ。 依我看，這筆生意一定談不成。
hkst07_030 這包茶心送你，毋成麼个禮數。 iaˋ bauˊ caˇ ximˊ sung ngˇ，mˇ sangˇ maˋ ge liˊ su。 這包茶葉送你，不成什麼禮數。
hkst07_031 客話愛有人講，正毋會絕核。 hagˋ fa oi iuˊ nginˇ gongˋ，nang mˇ voi qied hedˋ。 客家話要有人說，才不會滅絕。
hkst07_032 你過恁仔慢趖趖仔，等下會赴毋著車枋。 ngˇ go anˋ eˊ man soˇ soˇ eˊ，denˋ ha voi fu mˇ doˋ caˊ biongˊ。 你再這樣動作慢吞吞的，待會兒會趕不上車。
hkst07_033 做事情莫恁慢板，愛遽兜仔。 zo sii qinˇ mog anˋ man banˋ，oi giagˋ deuˊ eˊ。 做事情別那麼慢吞吞，要快一點。
hkst07_034 這手機仔盡茅，兩下半就壞核。 iaˋ suˋ giˊ eˋ qin mauˇ，liongˋ ha ban qiu faiˋ hedˋ。 這手機很遜，用沒兩下子就壞掉。
hkst07_035 醫院分工盡微細，有分做蓋多科。 iˊ ian bunˊ gungˊ qin miˇ se，iuˊ funˊ zo goi doˊ koˊ。 醫院分工很細微，分很多科。
hkst07_036 肚飢還愛揀食，正經命靚。 duˋ giˊ hanˇ oi gianˋ siid，ziin ginˊ miang jiangˊ。 肚子餓還要挑食，真是好命。
hkst07_037 怨命歪。 ian miang vaiˊ。 抱怨命不好。
hkst07_038 該後生人講佢毋得，一下仔就面𢳆面竵。 ge heu sangˊ nginˇ gongˋ iˇ mˇ dedˋ，idˋ ha eˊ qiu mien ngau mien feˋ。 那個年輕人說他不得，一下子就擺起臭臉不高興。
hkst07_039 每日看著佢就面竵竵仔，像少著厥錢樣仔。 miˊ ngidˋ kon doˋ iˇ qiu mien feˋ feˋ eˊ，qiong seuˋ doˋ iaˊ qienˇ iong eˋ。 每天都看到他臉色不悅，好像人家欠他的錢一樣。
hkst07_040 你栖栖趖趖，事頭哪久正做得好？ ngˇ xiˊ xiˊ soˇ soˇ，se teuˇ nai giuˋ nang zo dedˋ hoˋ？ 你這樣拖拖拉拉的，工作何時才做得完？
hkst07_041 著獎券無恁簡單，運氣好个人正著得著。 cog jiongˋ kian moˇ anˋ gianˋ danˊ，iun hi hoˋ ge nginˇ nang cog dedˋ doˋ。 中獎券沒那麼容易，運氣好的人才中得到。
hkst07_042 拚死拚命做事賺个錢拿去賭博輸淨淨，正經係無採工。 bia xiˋ bia miang zo se con ge qienˇ naˊ hi duˋ bogˋ suˊ qiang qiang，ziin ginˊ he moˇ caiˋ gungˊ。 拼死拼活工作賺的錢拿去賭博輸光光，真的是白做工。
hkst07_043 看厥姐仔平常無打無扮，今晡日恁仔打扮起來，盡靚哦。 kon iaˊ jiaˋ eˋ pinˇ songˇ moˇ daˋ moˇ ban，ginˊ buˊ ngidˋ anˋ eˊ daˋ ban hiˋ loiˇ，qin jiangˊ oˊ。 看他老婆平常毫無打扮，今天這樣打扮起來，很漂亮喲。
hkst07_044 你莫在這講該無搭無碓个，𢯭手想辦法過重要。 ngˇ mog teˊ iaˋ gongˋ ge moˇ dabˋ moˇ doi ge，ten suˋ xiongˋ pan fabˋ go cung ieu。 你別在這兒說那些沒意思的，幫忙想辦法比較重要。
hkst07_045 這項菜鼻起來香馞馞仔，食起來無麼个特別。 iaˋ hong coi pi hiˋ loiˇ hiongˊ pudˋ pudˋ eˊ，siid hiˋ loiˇ moˇ maˋ ge tid pied。 這道菜聞起來香噴噴的，吃起來沒什麼特別。
hkst07_046 年下仔，家家屋屋愛拚掃、愛辦年貨，大家都無閒洎杈。 ngianˇ haˊ eˋ，gaˊ gaˊ vugˋ vugˋ oi bia so、oi pan ngianˇ fo，tai gaˊ duˊ moˇ hanˇ qi ca。 年關將至，家家戶戶要打掃、要辦年貨，大家都忙得不可開交。
hkst07_047 平常無來往，你這駁仔恁輒來尋佢，定著無好空。 pinˇ songˇ moˇ loiˇ vongˊ，ngˇ iaˋ bogˋ eˋ anˋ jiab loiˇ qimˇ iˇ，tin cog moˇ hoˋ kangˊ。 平常沒往來，你這陣子這麼常來找他，一定沒什麼好事。
hkst07_048 這食起來無味無緒，餳佢毋著啦！ iaˋ siid hiˋ loiˇ moˇ mi moˇ xi，xiangˇ iˇ mˇ doˋ laˋ！ 這吃起來淡然無味，吸引不了他啦！
hkst07_049 無眼水个人淨顧眼前，毋知好向前發展。 moˇ ngianˋ suiˋ ge nginˇ qiang gu ngianˋ qienˇ，mˇ diˊ hoˋ hiong qienˇ fadˋ zanˋ。 沒眼光的人只顧眼前的，不懂得向前發展。
hkst07_050 恁好、恁惜老公个姐仔，無哪尋，你斯毋好過嫌吔！ anˋ hoˋ、anˋ xiagˋ loˋ gungˊ ge jiaˋ eˋ，moˇ naiˋ qimˇ，ngˇ siiˇ mˇ hoˋ go hiamˇ eˇ！ 這麼好、這麼疼老公的老婆，無處尋，你可別再嫌了！
hkst07_051 無腦屎漿係無？恁簡單个事，你到今還看毋真。 moˇ noˋ siiˋ jiongˊ he moˇ？anˋ gianˋ danˊ ge sii，ngˇ do ginˊ hanˇ kon mˇ ziinˊ。 沒腦袋是嗎？這麼簡單的事情，你到現在還看不清。
hkst07_052 講該無字眼个，公廳仰會做得分開來賣分別姓人呢？ gongˋ ge moˇ sii ngianˋ ge，gungˊ tangˊ ngiongˋ voi zo dedˋ funˊ koiˊ loiˇ mai bunˊ ped xiang nginˇ noˋ？ 說那不成理的，祖堂怎麼可以分開來賣給外姓人呢？
hkst07_053 這領衫个色看起來無新無舊，你仰會中意呢？ iaˋ liangˊ samˊ ge sedˋ kon hiˋ loiˇ moˇ xinˊ moˇ kiu，ngˇ ngiongˋ voi zung i noˋ？ 這件衣服的顏色看起來不新不舊，你怎會喜歡？
hkst07_054 細人仔發勼筋目吊吊，愛共快送去醫院。 se nginˇ eˋ bodˋ giu ginˊ mugˋ diau diau，oi kiung kuai sung hi iˊ ian。 小孩子抽筋眼睛往上吊，要趕快送醫院。
hkst07_055 金仔店个金條盡餳人，大家看到眼金金仔毋想走。 gimˊ eˋ diam ge gimˊ tiauˇ qin xiangˇ nginˇ，tai gaˊ kon do ngianˋ gimˊ gimˊ eˊ mˇ xiongˋ zeuˋ。 銀樓的金條很吸引人，大家看得眼睛發亮不想走。
hkst07_056 佢做生理失敗吔，目𥍉𥍉仔盡衰過。 iˇ zo senˊ liˊ siidˋ pai eˇ，mugˋ ngiabˋ ngiabˋ eˊ qin coiˊ go。 他做生意失敗了，一副無辜又無奈的樣子好可憐。
hkst07_057 無睡當晝，目弇弇仔來開會，盡失禮。 moˇ soi dongˊ zu，mugˋ kiemˋ kiemˋ eˊ loiˇ koiˊ fi，qin siidˋ liˊ。 沒睡午覺，眼皮下垂欲睡的樣子來開會，很失禮。
hkst07_058 早枋車裡背，盡輒看著蓋多人還目睡摸些就赴上班。 zoˋ biongˊ caˊ diˊ boi，qin jiab kon doˋ goi doˊ nginˇ hanˇ mugˋ soi miaˊ xiaˊ qiu fu songˊ banˊ。 早班車裡，經常看到很多人還睡眼惺忪的樣子就趕著上班。
hkst07_059 落大雨，歸路仔濛濛，看毋清楚頭前有幾多臺車仔來。 log tai iˋ，guiˊ lu eˋ mungˇ mungˇ，kon mˇ qinˊ cuˋ teuˇ qienˇ iuˊ idˋ doˊ toiˇ caˊ eˋ loiˇ。 下大雨，整路視線模糊，看不清前面有幾臺車開過來。
hkst07_060 阿明這人蓋耐當。索仔毋耐當。身體毋耐當。 aˊ minˇ iaˋ nginˇ goi nai dong。sogˋ eˋ mˇ nai dong。siinˊ tiˋ mˇ nai dong。 阿明這人很能忍。繩索不耐用。身體不堪負荷。
hkst07_061 出恁大个車禍佢全無事，人講佢實在耐命。 cudˋ anˋ tai ge caˊ fo iˇ qionˇ moˇ sii，nginˇ gongˋ iˇ siid cai nai miang。 出這麼大的車禍他都沒事，人人都說他很命大。
hkst07_062 這女主角雖然講毋係蓋靚，毋過蓋耐看。 iaˋ ngˋ zuˋ gogˋ suiˊ ianˇ gongˋ mˇ he goi jiangˊ，mˇ go goi nai kon。 這女主角雖然說不是很漂亮，不過很耐看。
hkst07_063 操場今晡日鬧熱煎煎，原來係借人辦運動會。 cauˊ congˇ ginˊ buˊ ngidˋ nau ngiad jienˊ jienˊ，ngianˇ loiˇ he jia nginˇ pan iun tung fi。 操場上今天非常熱鬧，原來是借給外人辦運動會。
hkst07_064 園仔裡背个柑仔淰黃淰黃，好摘吔！ ianˇ eˋ diˊ boi ge gamˊ eˋ nemˊ vongˇ nemˊ vongˇ，hoˋ zagˋ eˇ！ 園裡的橘子黃澄澄的，可以摘了！
hkst07_065 阿姆看著阿通仔講話五五十十講毋得出，就知得佢定著又做差事吔。 aˊ meˊ kon doˋ aˊ tungˊ eˋ gongˋ fa ngˋ ngˋ siib siib gongˋ mˇ dedˋ cudˋ，qiu diˊ dedˋ iˇ tin cog iu zo caiˊ sii eˇ。 母親看到阿通講話支吾其詞說不出口，就知道他一定又做錯事了。
hkst07_066 這品種个番薯，食起來硬健硬健，煲番薯湯過好食。 iaˋ pinˋ zungˋ ge fanˊ suˇ，siid hiˋ loiˇ ngang kian ngang kian，boˊ fanˊ suˇ tongˊ go hoˋ siid。 這品種的番薯，吃起來質地硬硬的，煮番薯湯比較好吃。
hkst07_067 阿公在廳下講古，孫仔耳卻卻仔聽。 aˊ gungˊ teˊ tangˊ haˊ gongˋ guˋ，sunˊ eˋ ngiˋ hiagˋ hiagˋ eˊ tangˊ。 爺爺在客廳講古，孫子豎起耳朵聽。
hkst07_068 慢來，無好食，眼擘擘仔看人食。 man loiˇ，moˇ hoˋ siid，ngianˋ bagˋ bagˋ eˊ kon nginˇ siid。 慢來的，沒得吃，眼巴巴的看人吃。
hkst07_069 老妹手項个軟冰無拿好跌到地泥項，眼扁扁仔目汁險險會流下來。 loˋ moi suˋ hong ge ngionˊ benˊ moˇ naˊ hoˋ diedˋ do ti naiˇ hong，ngianˋ bienˋ bienˋ eˊ mugˋ ziibˋ hiamˋ hiamˋ voi liuˇ haˊ loiˇ。 妹妹手上的冰淇淋沒拿好摔在地上，無奈又不甘心的眼淚都快流下來。
hkst07_070 佢生來盡惡相，見看人就眼鬥鬥仔，毋過佢人盡好。 iˇ sangˊ loiˇ qin ogˋ xiongˊ，gian kon nginˇ qiu ngianˋ deu deu eˊ，mˇ go iˇ nginˇ qin hoˋ。 他長得很兇惡，每次看到人就瞪眼注目，不過他人很好。
hkst07_071 看佢眼晶晶仔聽人講話，看起來盡精个樣仔。 kon iˇ ngianˋ jinˊ jinˊ eˊ tangˊ nginˇ gongˋ fa，kon hiˋ loiˇ qin jinˊ ge iong eˋ。 看他目不轉睛的聽人說話，看起來很聰明的樣子。
hkst07_072 佢眼視視仔緊看，毋知變麼个鬼。 iˇ ngianˋ sii sii eˊ ginˋ kon，mˇ diˊ bien maˋ ge guiˋ。 他兩眼直視的一直看，不知道要搞什麼鬼。
hkst07_073 這兩三日趕報告全無睡，眼垂垂仔，擘目就毋開。 iaˋ liongˋ samˊ ngidˋ gonˋ bo go qionˇ moˇ soi，ngianˋ suiˇ suiˇ eˊ，bagˋ mugˋ qiu mˇ koiˊ。 這兩三天趕報告都沒睡，眼簾低垂，眼睛都張不開。
hkst07_074 頭擺廟坪做收冬戲，戲棚下輒常人山人海，想愛尋一個過鬆容个位仔都無。 teuˇ baiˋ meu piangˇ zo suˊ dungˊ hi，hi pangˇ haˊ jiab songˇ nginˇ sanˊ nginˇ hoiˋ，xiongˋ oi qimˇ idˋ ge go sungˊ iungˇ ge vi eˋ duˊ moˇ。 從前廟前廣場演平安戲，戲臺下常常人山人海，想要找一處比較寬鬆的位子都沒有。
hkst07_075 阿伯正出院，身體還弱弱，毋好去做粗事。 aˊ bagˋ nang cudˋ ian，siinˊ tiˋ hanˇ ngiog ngiog，mˇ hoˋ hi zo cuˊ se。 伯父剛出院，身體還很孱弱，別去做粗重的工作。
hkst07_076 抱枕布偶等。 pau ziimˋ bu ngieuˋ denˋ。 抱枕布偶等。
hkst07_077 該張膨凳軟濟濟仔，坐起來盡鬆爽。 ge zongˊ pong den ngionˊ ji ji eˊ，coˊ hiˋ loiˇ qin sungˊ songˋ。 那張沙發軟軟的，坐起來很舒服。
hkst07_078 粢粑仔打來軟入入仔，蓋好食。 qiˇ baˊ eˋ daˋ loiˇ ngionˊ ngib ngib eˋ，goi hoˋ siid。 麻糬製作得軟綿綿的，很好吃。
hkst07_079 該細妹仔講話軟聲軟斗，罵人都毋會大聲。 ge se moi eˋ gongˋ fa ngionˊ sangˊ ngionˊ deuˋ，ma nginˇ duˊ mˇ voi tai sangˊ。 那個女孩說話輕聲細語，罵人都不會大聲。
hkst07_080 人不可貌相，看佢戇面戇面，麼人知佢係一間大公司个董事長。 nginˇ budˋ koˋ mau xiong，kon iˇ ngong mien ngong mien，maˋ nginˇ diˊ iˇ he idˋ gianˊ tai gungˊ siiˊ ge dungˋ sii zongˋ。 人不可貌相，看他的長相傻傻的，誰知道他可是一間大公司的董事長呢。
hkst07_081 佢生來盡嫩相，其實佢四十零歲吔。 iˇ sangˊ loiˇ qin nun xiong，kiˇ siid iˇ xi siib langˇ se eˇ。 他看起來比實際年齡年輕很多，其實他四十多歲了。
hkst07_082 這狗仔惡豺豺仔，大家都驚分佢咬著。 iaˋ gieuˋ eˋ ogˋ saiˇ saiˇ eˊ，tai gaˊ duˊ giangˊ bunˊ iˇ ngauˊ doˋ。 這狗很兇惡的樣子，大家都怕被牠咬到。
hkst07_083 佢蓋戇直，想著麼个就講麼个。 iˇ goi ngong ciid，xiongˋ doˋ maˋ ge qiu gongˋ maˋ ge。 他很率直，想到什麼就說什麼。
hkst07_084 鰻仔个肚底白罕白罕，黃鱔个肚底黃黃，無共樣。 manˇ eˋ ge duˋ daiˋ pag hanˋ pag hanˋ，vongˇ sanˊ ge duˋ daiˋ vongˇ vongˇ，moˇ kiung iong。 鰻魚的下腹部有淡淡的白色，黃鱔的下腹部黃黃的，不一樣。
hkst07_085 阿嫂生來蓋白淨，盡得人惜。 aˊ soˋ sangˊ loiˇ goi pag qiang，qin dedˋ nginˇ xiagˋ。 嫂嫂長得很白皙乾淨，很有人緣。
hkst07_086 天頂个雲白雪雪仔。油桐花白雪雪仔。 tienˊ dangˋ ge iunˇ pag xiedˋ xiedˋ eˊ。iuˇ tungˇ faˊ pag xiedˋ xiedˋ eˊ。 天上的雲潔白如雪。油桐花潔白如雪。
hkst07_087 結婚辦到盡排場。 giadˋ funˊ pan do qin paiˇ congˇ。 結婚辦得很盛大。
hkst07_088 該嬰兒仔生到蓋胖乳，盡得人惜。 ge oˇ ngaˊ eˋ sangˊ do goi pang nen，qin dedˋ nginˇ xiagˋ。 那個嬰兒長得胖嘟嘟的，很可愛。
hkst07_089 從細看佢就濞流流仔，大吔變恁靚。 qiungˇ se kon iˇ qiu pi liuˇ liuˇ eˊ，tai eˇ bien anˋ jiangˊ。 從小看她就是鼻涕掛在臉上，長大了變得那麼漂亮。
hkst07_090 厥面肥肥圓圓，盡得人惜。 iaˊ mien piˇ piˇ ianˇ ianˇ，qin dedˋ nginˇ xiagˋ。 他的臉肥肥圓圓的，很可愛。
hkst07_091 老人家蓋好食肥肥个封肉。 loˋ nginˇ gaˊ goi hau siid piˇ piˇ ge fungˊ ngiugˋ。 老人家很喜歡吃很肥的紅燒肉。
hkst07_092 細人仔每一個畜到肥嘟嘟仔。 se nginˇ eˋ miˊ idˋ ge hiugˋ do piˇ du du eˊ。 小孩子個個養得胖嘟嘟的。
hkst07_093 這盤豬肉肥肥，細人仔毋敢食。 iaˋ panˇ zuˊ ngiugˋ piˇ piˇ，se nginˇ eˋ mˇ gamˋ siid。 這盤豬肉太肥膩，小孩子不敢吃。
hkst07_094 生來平高平大。 sangˊ loiˇ piangˇ goˊ piangˇ tai。 長得一樣高大。
hkst07_095 平平係你降个，仰差到恁多？ piangˇ piangˇ he ngˇ giung ge，ngiongˋ caˊ do anˋ doˊ？ 一樣是你生的，怎麼差那麼多？
hkst07_096 對嘉義到臺南一帶，係一大片平洋洋仔个農田。 dui gaˊ ngi do toiˇ namˇ idˋ dai，he idˋ tai pienˋ piangˇ iongˇ iongˇ eˊ ge nungˇ tienˇ。 從嘉義到臺南一帶，是一大片寬闊平坦的農田。
hkst07_097 外背息把仔涼涼，愛加領薄薄个衫。 no boi xidˋ baˋ eˊ liongˇ liongˇ，oi gaˊ liangˊ pog pog ge samˊ。 外面有些涼，要加件薄薄的衣服。
hkst07_098 豬肉切薄薄仔，燙一下仔就做得食。 zuˊ ngiugˋ qiedˋ pog pog eˊ，tong idˋ ha eˊ qiu zo dedˋ siid。 豬肉切薄薄的，燙一下就可以吃。
hkst07_099 每一樣菜都煮到噴香，盡餳人食。 miˊ idˋ iong coi duˊ zuˋ do pun hiongˊ，qin xiangˇ nginˇ siid。 每樣菜都煮得香氣四溢的，很誘惑人吃。
hkst07_100 油桐花開，滿山坪一片蓬白。 iuˇ tungˇ faˊ koiˊ，manˊ sanˊ piangˇ idˋ pienˋ pung pag。 油桐花開，滿山坡一片雪白。
hkst07_101 阿坤仔今晡日討心臼，著到盡萋頭。 aˊ kunˊ eˋ ginˊ buˊ ngidˋ toˋ ximˊ kiuˊ，zogˋ do qin qiˊ teuˇ。 阿坤今天娶媳婦，穿得很光鮮亮麗。
hkst07_102 看著路脣个禾仔青溜溜仔，心肝活活開。 kon doˋ lu siinˇ ge voˇ eˋ qiangˊ liuˊ liuˊ eˊ，ximˊ gonˊ fad fad koiˊ。 看到路旁的稻子綠油油的，心情豁然開朗。
hkst07_103 斷一個朋友一下半下，交一個朋友千難萬難。 tonˊ idˋ ge penˇ iuˊ idˋ ha ban ha，gauˊ idˋ ge penˇ iuˊ qienˊ nanˇ van nanˇ。 斷一個朋友三兩下，交一個朋友千難萬難。
hkst07_104 毋曾食得个柑仔就摘來食，豺牯正得。 mˇ qienˇ siid dedˋ ge gamˊ eˋ qiu zagˋ loiˇ siid，saiˇ guˋ nang dedˋ。 還不能吃的橘子就摘來吃，真是貪吃鬼。
hkst07_105 兩公婆省死省命繳倈仔讀書，倈仔走到外國嗄毋歸吔。 liongˋ gungˊ poˇ sangˋ xiˋ sangˋ miang gieuˋ lai eˋ tug suˊ，lai eˋ zeuˋ do ngoi guedˋ sa mˇ guiˊ eˇ。 夫妻倆極為節儉供給兒子唸書，兒子跑到外國卻不回來了。
hkst07_106 客家人盡省儉，不時聽人講：有薑莫刨皮，愛想無薑時。 hagˋ gaˊ nginˇ qin sangˋ kiam，budˋ siiˇ tangˊ nginˇ gongˋ：iuˊ giongˊ mog pauˇ piˇ，oi xiongˋ moˇ giongˊ siiˇ。 客家人很節儉，常聽人家說：有薑別削皮，當思無薑時。
hkst07_107 這事，係久無做，就會生疏。 iaˋ se，he giuˋ moˇ zo，qiu voi sangˊ soˊ。 這工作，若是久了沒做，就會生疏。
hkst07_108 鼻塞塞。 pi sedˋ sedˋ。 鼻塞不通。
hkst07_109 厥手盡靈活，攣衫釘車項項都會。 iaˊ suˋ qin linˇ fad，lionˇ samˊ dangˊ caˊ hong hong duˊ voi。 他的手很靈活，用手工或車縫衣服樣樣都會。
hkst07_110 寒天煮一鑊燒燒个薑嫲湯，盡有銷。 honˇ tienˊ zuˋ idˋ vog seuˊ seuˊ ge giongˊ maˇ tongˊ，qin iuˊ seuˊ。 冬天煮一鍋熱熱的薑湯，很受歡迎。
hkst07_111 同爺哀共下歇，老人家燒燒冷冷過顧得著。 tungˇ iaˇ oiˊ kiung ha hed，loˋ nginˇ gaˊ seuˊ seuˊ langˊ langˊ go gu dedˋ doˋ。 和父母一起住，老人家的身體狀況，比較照顧得到。
hkst07_112 做人莫捎話，是非自然無。 zo nginˇ mog seuˊ fa，sii fiˊ cii ianˇ moˇ。 為人別說短道長，自然不生是非。
hkst07_113 正落過雨，一哪仔都溼溚溚仔。 nang log go iˋ，idˋ nai eˋ duˊ siibˋ dab dab eˊ。 剛下過雨，到處都溼答答的。
hkst07_114 你這恁久瘦盡多，到底哪息有爭差？ ngˇ iaˋ anˋ giuˋ ceu qin doˊ，do daiˋ nai xidˋ iuˊ zenˊ caˊ？ 你最近瘦很多，到底哪裡有問題？
hkst07_115 你愛用六百萬買佢這間屋，算毋和啦！省起來過贏。 ngˇ oi iung liugˋ bagˋ van maiˊ iˇ iaˋ gianˊ vugˋ，son mˇ foˇ laˋ！sangˋ hiˋ loiˇ go iangˇ。 你要用六百萬買他這間房子，不划算啦！省起來比較好。
hkst07_116 聽講厥婆凍著盡傷重，怕係肺炎正得。 tangˊ gongˋ iaˊ poˇ dung doˋ qin songˊ dong，pa he hi iamˇ nang dedˋ。 聽說他奶奶感冒很嚴重，恐怕是肺炎啊。
hkst07_117 屋下一概十個人，食米盡傷重，礱一百斤穀無十日米缸就斷粒米。 lugˋ kaˊ idˋ koiˋ siib ge nginˇ，siid miˋ qin songˊ dong，lungˇ idˋ bagˋ ginˊ gugˋ moˇ siib ngidˋ miˋ gongˊ qiu tonˊ liab miˋ。 家裡全部十人，用米很傷，舂一百斤穀不到十天米缸又沒半粒米了。
hkst07_118 厥妹仔手長腳長，看著人又笑頭笑面，盡得人惜。 iaˊ moi eˋ suˋ congˇ giogˋ congˇ，kon doˋ nginˇ iu seu teuˇ seu mien，qin dedˋ nginˇ xiagˋ。 她女兒手長腳長，看到人又笑容滿面，很討人喜歡。
hkst07_119 佢賣个蜂糖盡純，無摻半息砂糖。 iˇ mai ge fungˊ tongˇ qin sunˇ ，moˇ camˊ ban xidˋ saˊ tongˇ。 他賣的蜂蜜很純正，沒有添加半點砂糖。
hkst07_120 厥字寫到大碼鼓隻、細人仔畜到大碼鼓隻、樣相看起來大碼鼓隻。 iaˊ sii xiaˋ do tai maˊ guˋ zagˋ、se nginˇ eˋ hiugˋ do tai maˊ guˋ zagˋ、iong xiong kon hiˋ loiˇ tai maˊ guˋ zagˋ。 他的字寫得很大。小孩子養得身形很大。面貌看起來很大的樣子。
hkst07_121 你怕盡會煮哦，倈仔隻隻畜到恁大長。 ngˇ pa qin voi zuˋ oˋ，lai eˋ zagˋ zagˋ hiugˋ do anˋ tai jiongˋ。 你大概很會做菜喔，兒子個個養得這麼大個兒。
hkst07_122 不管風雨幾大，佢透風落雨走核全程。 budˋ gonˋ fungˊ iˋ idˋ tai，iˇ teu fungˊ log iˋ zeuˋ hedˋ qionˇ cangˇ。 不管風雨多大，他冒著風雨跑完全程。
hkst07_123 佢每日頭沉沉仔煞猛做事，做到兩頭烏。 iˇ miˊ ngidˋ teuˇ ciimˋ ciimˋ eˊ sadˋ mangˊ zo se，zo do liongˋ teuˇ vuˊ。 他整天埋頭苦幹勤奮工作，從早忙到晚。
hkst07_124 佢嫁到天背恁遠，轉一擺外家無恁簡單哦。 iˇ ga do tienˊ boi anˋ ianˋ，zonˋ idˋ baiˋ ngoi gaˊ moˇ anˋ gianˋ danˊ oˊ。 她嫁到天邊那麼遠，回一趟娘家不容易啊。
hkst07_125 外背天曚曚，你騎車仔愛過細義兜仔。 no boi tienˊ mungˇ mungˇ，ngˇ kiˇ caˊ eˋ oi go se ngi deuˊ eˊ。 外面天色灰暗，你騎車子要小心點。
hkst07_126 湖鰍仔滑溜溜仔，盡難捉得核。 fuˇ qiuˊ eˋ vad liuˋ liuˋ eˊ，qin nanˇ zogˋ dedˋ hedˋ。 泥鰍滑溜溜的，很難抓得住。
hkst07_127 佢出世在萬戶家庭，日日食魚食肉，朝朝睡到日頭晒屎胐。 iˇ cudˋ se teˊ van fu gaˊ tinˇ，ngidˋ ngidˋ siid ngˇ siid ngiugˋ，zeuˊ zeuˊ soi do ngidˋ teuˇ sai sii fudˋ。 他出生在很富有的家庭，天天吃魚吃肉，每天睡到太陽晒屁股。
hkst07_128 這條路彎彎斡斡，毋知透到哪去？ iaˋ tiauˇ lu vanˊ vanˊ vadˋ vadˋ，mˇ diˊ teu do nai hi？ 這條路彎彎曲曲，不知道通往哪裡？
hkst07_129 做人毋好忒橫，係見人全閃你像驚鬼樣，該就大事吔。 zo nginˇ mˇ hoˋ tedˋ vangˇ，he gian nginˇ qionˇ samˋ ngˇ qiong giangˊ guiˋ iong，ge qiu tai sii eˇ。 做人不要太蠻橫，如果每個人都閃你像怕鬼一樣，那可就糟糕了。
hkst07_130 參詳事情愛講道理，係忒拗蠻，定著毋會有結果。 camˊ xiongˇ sii qinˇ oi gongˋ to liˊ，he tedˋ auˊ manˇ，tin cog mˇ voi iuˊ giadˋ goˋ。 商量事情要講道理，如果強橫不講理，一定不會有結果。
hkst07_131 鰻仔个肚底白罕白罕，黃鱔个肚底黃橙黃橙，無共樣。 manˇ eˋ ge duˋ daiˋ pag hanˋ pag hanˋ，vongˇ sanˊ ge duˋ daiˋ vongˇ cangˇ vongˇ cangˇ，moˇ kiung iong。 鰻魚的下腹部有淡淡的白色，黃鱔的下腹部黃澄澄的，不一樣。
hkst07_132 頭那毛係烏金，留長留短都好看。 teuˇ naˇ moˊ he vuˊ gimˊ，liuˇ congˇ liuˇ donˋ duˊ hoˋ kon。 頭髮如果黑得發亮，留長留短都好看。
hkst07_133 有名个夜市生理盡好，一哪仔都密麻濟炸。 iuˊ miangˇ ge ia sii senˊ liˊ qin hoˋ，idˋ nai eˋ duˊ med maˇ ji jia。 有名的夜市生意很好，到處都是人山人海，萬頭鑽動。
hkst07_134 歸暑假都走到海脣沙埔項搞，當然晒到歸身烏金金仔。 guiˊ cuˋ gaˋ duˊ zeuˋ do hoiˋ siinˇ saˊ puˊ hong gauˋ，dongˊ ianˇ sai do guiˊ siinˊ vuˊ gimˊ gimˊ eˊ。 整個暑假都跑到海邊沙灘上玩，當然晒得全身黑黝黝的。
hkst07_135 厥面烏烙烏烙，看起來乜無麼个精神，怕係有病。 iaˊ mien vuˊ logˋ vuˊ logˋ，kon hiˋ loiˇ me moˇ maˋ ge jinˊ siinˇ，pa he iuˊ piang。 他的臉色暗沉，看起來也沒什麼精神，可能生病了。
hkst07_136 當晝个飯包放在電鑊肚，到今還溫燒溫燒。 dongˊ zu ge fan bauˊ biong teˊ tien vog duˋ，do ginˊ hanˇ vunˊ seuˊ vunˊ seuˊ。 中午的便當放在電鍋裡，到現在還溫溫的。
hkst07_137 壞習慣或壞脾氣。 faiˋ xib guan fed faiˋ piˇ hi。 壞習慣或壞脾氣。
hkst07_138 阿宏仔這死無變个，後生到今就恁懶尸，毋會長進。 aˊ fenˇ eˋ iaˋ xiˋ moˇ bien ge，heu sangˊ do ginˊ qiu anˋ lanˊ siiˊ，mˇ voi zongˋ jin。 阿宏這個到死都不會改變的，年輕到現在都這麼懶，不會長進。
hkst07_139 息把仔痛。息把仔悿。 xidˋ baˋ eˊ tung。xidˋ baˋ eˊ tiamˋ。 有點痛。有點累。
hkst07_140 水恁鮮。水鏡鮮。 suiˋ anˋ xienˊ。suiˋ giang xienˊ。 水很清澈。水清澈如鏡。
hkst07_141 西裝新衝衝仔。 xiˊ zongˊ xinˊ cung cung eˊ。 西裝很新的樣子。
hkst07_142 吾公八十六吔！身體還盡砸磳。 ngaˊ gungˊ badˋ siib liugˋ eˇ！siinˊ tiˋ hanˇ qin zabˋ zen。 我爺爺八十六歲了！身體還相當強壯結實。
hkst07_143 厥客話係同厥婆學个，講到盡正板。 iaˊ hagˋ fa he tungˇ iaˊ poˇ hog ge，gongˋ do qin zang banˋ。 他的客家話是跟他奶奶學的，說得很標準。
hkst07_144 搣歸日還搣毋得好，愛仰結煞正好？ miedˋ guiˊ ngidˋ hanˇ miedˋ mˇ dedˋ hoˋ，oi ngiong gadˋ sadˋ nang hoˋ？ 弄了一整天還弄不好，該怎麼辦才好？
hkst07_145 湯正好定定，等過冷兜仔正舀來食。 tongˊ nang hoˋ tin tin，denˋ go langˊ deuˊ eˊ nang ieuˋ loiˇ siid。 湯才剛弄好而已，等稍涼些再舀來吃。
hkst07_146 佢分人逼到走無路去，高不將正會去做這項頭路。 iˇ bunˊ nginˇ bedˋ do zeuˋ moˇ lu hi，goˊ budˋ jiongˊ nang voi hi zo iaˋ hong teuˇ lu。 他被人逼得走投無路，不得已才會去做這工作。
hkst07_147 就係該隻偷東西个賊仔，𠊎看真真，絕對毋會認毋著。 qiu he ge zagˋ teuˊ dungˊ xiˊ ge ced eˋ，ngaiˇ kon ziinˊ ziinˊ，qied dui mˇ voi ngin mˇ cog。 就是那個偷東西的小偷，我看得清清楚楚，絕對不會認錯。
hkst07_148 學生仔無寫作業分先生罰企，含等目汁嘴扁扁。 hog sangˊ eˋ moˇ xiaˋ zogˋ ngiab bunˊ xinˊ sangˊ fad kiˊ，hemˇ denˋ mugˋ ziibˋ zoi bienˋ bienˋ。 學生沒寫作業被老師罰站，含著眼淚抿著嘴要哭要哭的。
hkst07_149 這細人仔動啊著就嘴嘟鼻翹，盡毋得人惜。 iaˋ se nginˇ eˋ tungˊ a doˋ qiu zoi du pi kieu，qin mˇ dedˋ nginˇ xiagˋ。 這小孩子動不動就嘟嘴歪鼻的，很不討人喜歡。
hkst07_150 這屋仔起啊蓋拄固，上擺个大地動乜全無影響著。 iaˋ vugˋ eˋ hiˋ a goi zuˋ gu，song baiˋ ge tai ti tungˊ me qionˇ moˇ iangˋ hiongˋ doˋ。 這房子蓋得很堅固，上次的大地震也完全沒有影響。
hkst07_151 人講豬嫲肥豬子旺，家底好个人過有錢繳子弟讀書。 nginˇ gongˋ zuˊ maˇ piˇ zuˊ ziiˋ vong，gaˊ daiˋ hoˋ ge nginˇ go iuˊ qienˇ gieuˋ ziiˋ ti tug suˊ。 有人說母豬肥小豬旺，家境好的人比較有錢給子女念書。
hkst07_152 面腫腫。腳腫腫。嘴腫腫。 mien zungˋ zungˋ。giogˋ zungˋ zungˋ。zoi zungˋ zungˋ。 臉腫腫的。腳腫腫的。嘴腫腫的。
hkst07_153 大家人為著厥事情舂上舂下，佢嗄在該山歌溜天。 tai gaˊ nginˇ vi doˋ iaˊ sii qinˇ zungˊ songˊ zungˊ haˊ，iˇ sa teˊ ge sanˊ goˊ liuˋ tienˊ。 大家為了他的事情到處奔波，他卻在那自在的唱著山歌。
hkst07_154 樹仔高溜溜仔。 su eˋ goˊ liuˊ liuˊ eˊ。 樹很高。
hkst07_155 你兩儕講个完全落毋著，定著有一儕講花蓼。 ngˇ liongˋ saˇ gongˋ ge vanˇ qionˇ labˋ mˇ cog，tin cog iuˊ idˋ saˇ gongˋ faˊ liauˊ。 你們兩個講的完全兜不上，一定有一個人說謊。
hkst07_156 天時寒，寒到頸縮縮仔。 tienˊ siiˇ honˇ，honˇ do giangˋ sugˋ sugˋ eˊ。 天氣冷，冷得脖子都縮起來。
hkst07_157 阿香肉色靚，著麼个都好看。 aˊ hiongˊ ngiugˋ sedˋ jiangˊ，zogˋ maˋ ge duˊ hoˋ kon。 阿香的膚色美，穿什麼都好看。
hkst07_158 恁久無看著，你高加盡多哦！ anˋ giuˋ moˇ kon doˋ，ngˇ goˊ gaˊ qin doˊ oˊ！ 好久不見，你長高很多喲！
hkst07_159 這駁仔全無若消息，恁久好無？ iaˋ bogˋ eˊ qionˇ moˇ ngiaˊ seuˊ xidˋ，anˋ giuˋ hoˋ moˇ？ 這陣子都沒有你的消息，近來好嗎？
hkst07_160 仰會恁毋款，結婚吔還在外背交女朋友。 ngiongˋ voi anˋ mˇ kuanˋ，giadˋ funˊ eˇ hanˇ teˊ no boi gauˊ ngˋ penˇ iuˊ。 怎麼這麼不像話，結婚了還在外面交女朋友。
hkst07_161 恁毋像人！歸日仔在屋下搵等，全毋出去尋頭路。 anˋ mˇ qiong nginˇ！guiˊ ngidˋ eˋ teˊ lugˋ kaˊ vun denˋ，qionˇ mˇ cudˋ hi qimˇ teuˇ lu。 真不像樣！整天在家裡蹲著，都不出去找工作。
hkst07_162 恁會趖，毋驚赴毋著係無？ anˋ voi soˇ，mˇ giangˊ fu mˇ doˋ he moˇ？ 真會摸，不怕趕不上嗎？
hkst07_163 好詏。相詏。 hau au。xiongˊ au。 愛辯駁。互相辯來辯去。
hkst07_164 佢兩個人盡會吵事，講無兩句話就冤家。 iˇ liongˋ ge nginˇ qin voi cauˇ sii，gongˋ moˇ liongˋ gi fa qiu ianˊ gaˊ。 他倆非常會爭辯，說沒兩句話就吵架。
hkst07_165 你無麼个八隻手，毋會比人過會啦！ ngˇ moˇ maˋ ge badˋ zagˋ suˋ，mˇ voi biˋ nginˇ go voi laˋ！ 你又沒很能幹，不會比人家行啦！
hkst07_166 老弟像係百籃肚，毋會揀食，故所食到肥固固仔。 loˋ taiˊ qiong he bagˋ lamˇ duˋ，mˇ voi gianˋ siid，gu soˋ siid do piˇ gu gu eˊ。 弟弟像是大胃王，不會挑食，所以吃得胖嘟嘟的。
hkst07_167 𠊎今晡日本旦蓋無閒，講著分你請，𠊎斯挑工過來。 ngaiˇ ginˊ buˊ ngidˋ bunˋ danˋ goi moˇ hanˇ，gongˋ doˋ bunˊ ngˇ qiangˋ，ngaiˇ siiˇ tiauˊ gungˊ go loiˇ。 我今天原本很忙，說到給你請，我可就專程過來。
hkst07_168 為著屋下大細食著，佢拚命賺錢。 vi doˋ lugˋ kaˊ tai se siid zogˋ，iˇ bia miang con qienˇ。 為了家中大人小孩的吃穿，他拼命的賺錢。
hkst07_169 大人無在屋下，細人仔就變古變怪，搞到貶轉來。 tai nginˇ moˇ teˊ lugˋ kaˊ，se nginˇ eˋ qiu bien guˋ bien guai，gauˋ do bienˋ zonˋ loiˇ。 大人不在家裡，小孩子就耍花樣，玩翻了。
hkst07_170 你莫恁會編，無影無跡講到有手有腳。 ngˇ mog anˋ voi bienˊ，moˇ iangˋ moˇ jiagˋ gongˋ do iuˊ suˋ iuˊ giogˋ。 你別這麼會掰，沒有的事情說得跟真的一樣。
hkst07_171 哪隻發脹狗，專門在𠊎个門前屙屎。 nai zagˋ bodˋ zong gieuˋ，zonˊ munˇ teˊ ngaiˇ ge munˇ qienˇ oˊ siiˋ。 哪隻討厭狗，專門在我門前拉屎。
hkst07_172 大家尞等好好，講兩句仔佢毋中意聽个話，就掣走吔。 tai gaˊ liau denˋ hoˋ hoˋ，gongˋ liongˋ gi eˋ iˇ mˇ zung i tangˊ ge fa，qiu cadˋ zeuˋ eˇ。 大家一起聊的好好的，說了兩句他不愛聽的話，他就負氣離開。
hkst07_173 頭擺个細人仔，有耳無嘴；這下个細人仔，吵耳吵鼻。 teuˇ baiˋ ge se nginˇ eˋ，iuˊ ngiˋ moˇ zoi；iaˋ ha ge se nginˇ eˋ，cauˇ ngiˋ cauˇ pi。 以前的小孩，多聽少言；現在的小孩，聒噪不休。
hkst07_174 今晡日係阿國做生日啦！𠊎係來鬥鬧熱定定。 ginˊ buˊ ngidˋ he aˊ guedˋ zo sangˊ ngidˋ laˋ！ngaiˇ he loiˇ deu nau ngied tin tin。 今天是阿國過生日啦！我是來湊熱鬧而已。
hkst07_175 正揹一包米定定，就緊敨大氣，飼料雞樣仔。 nang baˇ idˋ bauˊ miˋ tin tin，qiu ginˋ teuˋ tai hi，ciiˇ liau gieˊ iong eˋ。 才扛一包米而已，就一直喘氣，飼料雞一樣。
hkst07_176 有半毫利就相爭泌背，行著三步路就稱功討勞。 iuˊ ban hoˇ li qiu xiongˊ zangˊ bi boi，hangˇ doˋ samˊ pu lu qiu ciinˊ gungˊ toˋ loˇ。 有半毫利就爭先恐後去搶，盡一點力就誇耀自己的功勞。
hkst07_177 隔壁鄰舍來屋下坐尞，坐到屎朏生根還毋歸，自家个事情全做毋得。 gagˋ biagˋ linˇ sa loiˇ lugˋ kaˊ coˊ liau，coˊ do sii fudˋ sangˊ ginˊ hanˇ mˇ guiˊ，qid gaˊ ge sii qinˇ qionˇ zo mˇ dedˋ。 隔壁鄰居來家裡串門子，坐到屁股都在椅子上生根了還不回家，自己的事情全耽擱了。
hkst07_178 才人無貌，爛扇多風。 coiˇ nginˇ moˇ mau，lan san doˊ fungˊ。 才人無貌，破扇多風。
hkst07_179 落雨天，搞到衫褲溚溼，賺罵係無？ log iˋ tienˊ，gauˋ do samˊ fu dab siibˋ，con ma he moˇ？ 下雨天，玩到衣服溼溼的，討罵是嗎？
hkst07_180 麼人亂傳話？外背人講啊盡壞聽你知無？ maˋ nginˇ lon conˇ fa？no boi nginˇ gongˋ a qin faiˋ tangˊ ngˇ diˊ moˇ？ 誰亂傳話？外面的人說得很難聽你知道嗎？
hkst07_181 厥哥做水果个大賣生理，厥屋下食水果多多少少有好打幫。 iaˊ goˊ zo suiˋ goˋ ge tai mai senˊ liˊ，iaˊ lugˋ kaˊ siid suiˋ goˋ doˊ doˊ seuˋ seuˋ iuˊ hoˋ daˋ bongˊ。 他哥哥做水果的批發生意，他家裡要吃水果多多少少較方便。
hkst07_182 佢分人打點吔，想愛升經理怕盡難。 iˇ bunˊ nginˇ daˋ diamˋ eˇ，xiongˋ oi siinˊ ginˊ liˊ pa qin nanˇ。 他被列入黑名單了，想要升經理恐怕很難。
hkst07_183 阿財伯姆厥孫仔這禮拜滿月，佢按算打禁指分佢。 aˊ coiˇ bagˋ meˊ iaˊ sunˊ eˋ iaˋ liˊ bai manˊ ngiad，iˇ on son daˋ gim ziiˋ bunˊ iˇ。 阿財伯母的孫子這個星期滿月，她計畫要買戒指給他。
hkst07_184 去同二伯打合看啊，看哪久打秧過堵好。 hi tungˇ ngi bagˋ daˋ hab kon a，kon nai giuˋ daˋ iongˊ go duˋ hoˋ。 去跟二伯商量看看，看什麼時候插秧比較剛好。
hkst07_185 若性愛改，毋好動啊著就同人打逆面。 ngiaˊ xin oi goiˋ，mˇ hoˋ tungˊ a doˋ qiu tungˇ nginˇ daˋ ngiag mien。 你的脾氣要改，別動不動就跟人家鬧翻。
hkst07_186 戲棚頂个阿旦，緊同棚下看戲个人打眼拐。 hi pangˇ dangˋ ge aˊ dan，ginˋ tungˇ pangˇ haˊ kon hi ge nginˇ daˋ ngianˋ guaiˋ。 戲臺上的花旦，一直跟戲臺下看戲的人拋媚眼。
hkst07_187 厥爸說佢講這擺考試考啊盡登真，佢打蛇跈棍上哦，就同厥爸討著一臺電腦。 iaˊ baˊ sodˋ iˇ gongˋ iaˋ baiˋ kauˋ sii kauˋ a qin denˊ ziinˊ，iˇ daˋ saˇ tenˇ gun songˊ oˊ，qiu tungˇ iaˊ baˊ toˋ doˋ idˋ toiˇ tien noˋ。 他爸爸稱讚他說這次考試考得很不錯，他順勢而為，就跟他爸爸要了一臺電腦。
hkst07_188 滿子正入學還毋慣，𠊎䟓䟓去學校看一下。 manˊ ziiˋ nang ngib hog hanˇ mˇ guan，ngaiˇ dangˊ dangˊ hi hog gauˋ kon idˋ ha。 么兒才剛入學還不習慣，我專程去學校看一下。
hkst07_189 自家有閒毋做，還想愛𠊎同你做便便，恁好彩！ qid gaˊ iuˊ hanˇ mˇ zo，hanˇ xiongˋ oi ngaiˇ tungˇ ngˇ zo pien pien，anˋ hoˋ coiˋ！ 自己有空不做，還想要我幫你做現成的，想得美！
hkst07_190 做人毋好忒會算，會交無朋友。 zo nginˇ mˇ hoˋ tedˋ voi son，voi gauˊ moˇ penˇ iuˊ。 做人別太斤斤計較，會交不到朋友。
hkst07_191 有價毋賣，到落價該下正來鬥當人。 iuˊ ga mˇ mai，do log ga ge ha nang loiˇ deu dongˊ nginˇ。 高價時不賣，到了跌價時才求人家買。
hkst07_192 限勢灶下就恁細，你兩姊妹還入來鬥鬧熱做麼个。 han sii zo haˊ qiu anˋ se，ngˇ liongˋ jiˋ moi hanˇ ngib loiˇ deu nau ngiad zo maˋ ge。 廚房已經很小了，你們姊妹倆還進來湊熱鬧幹嘛。
hkst07_193 𠊎等人過少，做得同你等鬥桌無？ ngaiˇ denˊ nginˇ go seuˋ，zo dedˋ tungˇ ngˇ denˊ deu zogˋ moˇ？ 我們人數比較少，可以跟你們湊成一桌嗎？
hkst07_194 阿原哥討心臼，大家鬥陣來去分佢請。 aˊ ngianˇ goˊ toˋ ximˊ kiuˊ，tai gaˊ deu ciin loiˇ hi bunˊ iˇ qiangˋ。 阿原哥娶媳婦，大家約好一起去給他請。
hkst07_195 兩公婆賭氣，共下睡就無講話。 liongˋ gungˊ poˇ duˋ hi，kiung ha soi qiu moˇ gongˋ fa。 夫妻倆嘔氣，一起睡覺都不講話。
hkst07_196 愛老妹認真讀書，佢聽毋入耳，等佢尋頭路該下正知死。 oi loˋ moi ngin ziinˊ tug suˊ，iˇ tangˊ mˇ ngib ngiˋ，denˋ iˇ qimˇ teuˇ lu ge ha nang diˊ xiˋ。 要妹妹認真讀書，她聽不進去，等她找工作的時候就知道糟糕了。
hkst07_197 這下同你講你毋聽，等阿姆洗好身腳你就知死吔！ iaˋ ha tungˇ ngˇ gongˋ ngˇ mˇ tangˊ，denˋ aˊ meˊ seˋ hoˋ siinˊ giogˋ ngˇ qiu diˊ xiˋ eˇ！ 現在跟你說你不聽，等媽媽洗好澡你就糟了!
hkst07_198 下到癲癲，過差毋多一息！ ha do dienˊ dienˊ，go caˊ mˇ doˊ idˋ xidˋ！ 每次都瘋瘋癲癲的，差不多一點！
hkst07_199 厥該間店面頂分人開麵包店，自家搬到二樓去歇。 iaˊ ge gianˊ diam mien dangˋ bunˊ nginˇ koiˊ mien bauˊ diam，qid gaˊ banˊ do ngi leuˇ hi hed。 他那間店面讓渡給人開麵包店，自己搬到二樓去住。
hkst07_200 佢無降倈仔，厥哥个倈仔過房一個分佢頂香火。 iˇ moˇ giung lai eˋ，iaˊ goˊ ge lai eˋ go fongˇ idˋ ge bunˊ iˇ dangˋ hiongˊ foˋ。 他沒有生兒子，他哥哥過繼一個兒子給他傳香火。
hkst07_201 一料豬肉定定，也在該堵來堵去，壞看相。 idˋ liau zuˊ ngiugˋ tin tin，iaˊ teˊ ge duˊ loiˇ duˊ hi，faiˋ kon xiong。 一塊豬肉而已，也在那兒推來推去，不好看。
hkst07_202 講你一句，就緊堵人，麼人愛同你交朋友？ gongˋ ngˇ idˋ gi，qiu ginˋ duˊ nginˇ，manˋ nginˇ oi tungˇ ngˇ gauˊ penˇ iuˊ？ 說你一句，就一直用話回擊人，誰要跟你做朋友？
hkst07_203 佢做毋著事情，恬恬分人罵，全毋敢應話。 iˇ zo mˇ cog sii qinˇ，diamˊ diamˊ bunˊ nginˇ ma，qionˇ mˇ gamˋ in fa。 他做錯事情，靜靜被罵，完全不敢回話。
hkst07_204 該人盡壞底，愛佢變好，無恁簡單。 ge nginˇ qin fai daiˋ，oi iˇ bien hoˋ，moˇ anˋ gianˋ danˊ。 那人本性不好，要他變好，沒那麼容易。
hkst07_205 阿新仔正式係壞東西！一哪捎𠊎个壞話，係堵著愛扭來推！ aˊ xinˊ eˋ ziin siidˋ he faiˋ dungˊ xiˊ！idˋ nai seuˊ ngaiˇ ge faiˋ fa，he duˇ doˋ oi neuˋ loiˇ tuiˊ！ 阿新真是壞東西！到處說我的壞話，如果被我遇到要抓來扁！
hkst07_206 好種毋傳，壞種毋斷。 hoˋ zungˋ mˇ conˇ，faiˋ zungˋ mˇ tonˊ。 好的遺傳不傳，不好的遺傳卻不斷的傳下來。
hkst07_207 婦人家有身个時節，屋下个東西做毋得儘採動、儘採釘，驚怕犯著胎神。 fu nginˇ gaˊ iuˊ siinˊ ge siiˇ jiedˋ，lugˋ kaˊ ge dungˊ xiˊ zo mˇ dedˋ qin caiˊ tungˊ、qin caiˊ dangˊ，giangˊ pa famˊ doˋ toiˊ siinˇ。 女人懷孕的時候，家裡的東西不可以隨便動、隨便釘，恐怕會觸犯到胎神。
hkst07_208 佢番番个人，無拜阿公婆，乜無掛紙。 iˇ fanˊ fanˊ ge nginˇ，moˇ bai aˊ gungˊ poˇ，me moˇ gua ziiˋ。 他是個不守常規的人，不拜祖先，也不掃墓。
hkst07_209 愛食就食，毋使在該學老先生假細義。 oi siid qiu siid，mˇ siiˋ teˊ ge ho loˋ xinˊ sangˊ gaˋ se ngi。 要吃就吃，別在那餓鬼裝客氣。
hkst07_210 麼人喊你恁假會，這下同洗衫機搣壞核，你敢愛負責？ maˋ nginˇ ham ngˇ anˋ gaˋ voi，iaˋ ha tungˇ seˋ samˊ giˊ miedˋ faiˋ hedˋ，ngˇ gamˋ oi fu jidˋ？ 誰叫你那麼不自量力，現在把洗衣機弄壞了，你可要負責？
hkst07_211 厥話哦？加減講个啦！你聽聽啊就好。 iaˊ fa oˋ？gaˊ gamˋ gongˋ ge laˋ！ngˇ tangˊ tangˊ a qiu hoˋ。 他的話啊？隨便亂說的啦！你聽聽就好。
hkst07_212 枵鬼搶飯坐大位，敢就贏人。 iauˊ guiˋ qiongˋ fan coˊ tai vi，gamˋ qiu iangˇ nginˇ。 餓鬼搶飯坐尊位，敢做就沒人能管他了。
hkst07_213 佢早就知得你無閒，還愛監你做，實在盡無意思。 iˇ zoˋ qiu diˊ dedˋ ngˇ moˇ hanˇ，hanˇ oi gamˊ nˇ zo，siid cai qin moˇ i sii。 他早就知道你沒空，還要勉強你去做，真的很沒意思。
hkst07_214 東西毋好買到恁多，係無食毋去又愛監人食。 dungˊ xiˊ mˇ hoˋ maiˊ do anˋ doˊ，he moˇ siid mˇ hi iu oi gamˊ nginˇ siid。 東西別買那麼多，不然吃不完又要強迫人家吃。
hkst07_215 自行車毋好停在門口，會徑杈著大家出入。 cii hangˇ caˊ mˇ hoˋ tinˇ teˊ munˇ heuˋ，voi gang ca doˋ tai gaˊ cudˋ ngib。 自行車別停在門口，會妨礙到大家進出。
hkst07_216 隔壁个阿明頭，大家都講佢蓋搞怪。 gagˋ biagˋ ge aˊ minˇ teuˇ，tai gaˊ duˊ gongˋ iˇ goi gauˋ guai。 隔壁的阿明，大家都說他很搞怪。
hkst07_217 阿良這人盡搞怪，同麼人就合毋著。 aˊ liongˇ iaˋ nginˇ qin gauˋ guai，tungˇ maˋ nginˇ qiu hab mˇ doˋ。 阿良這人很搞怪，跟誰都合不來。
hkst07_218 一路里來，生理人講啊著就愛交際應酬。 idˋ lu liˊ loiˇ，senˊ liˊ nginˇ gongˋ a doˋ qiu oi gauˊ ji in cuˇ。 一直以來，生意人開口就說要交際應酬。
hkst07_219 透日仔唊唊滾唊無停，聽著厥聲就驚。 teu ngidˋ eˋ giab giab gunˋ giab moˇ tinˇ，tangˊ doˋ iaˊ sangˊ qiu giangˊ。 整天哇啦哇啦說個不停，聽到他的聲音就害怕。
hkst07_220 百年修來同船渡，千年修來結公婆山。 bagˋ ngianˇ xiuˊ loiˇ tungˇ sonˇ tu，qienˊ ngianˇ xiuˊ loiˇ giadˋ gungˊ poˇ sanˊ。 百年修得同船渡，千年修得共枕眠。
hkst07_221 好好个頭路毋做，走去做賊仔，實在見人毋得。 hoˋ hoˋ ge teuˇ lu mˇ zo，zeuˋ hi zo ced eˋ，siid cai gian nginˇ mˇ dedˋ。 好好的工作不做，跑去當小偷，真是見不得人。
hkst07_222 佢該人無盡正派，毋好同佢勾結。 iˇ ge nginˇ moˇ qin ziin pai，mˇ hoˋ tungˇ iˇ gieuˊ giadˋ。 他那人不是很正派，別跟他勾搭串連。
hkst07_223 這細妹仔大吔，緊看緊靚。 iaˋ se moi eˋ tai eˇ，ginˋ kon ginˋ jiangˊ。 這女孩長大了，越看越美。
hkst07_224 你這毋成腳數，愛做麼个大頭路？ ngˇ iaˋ mˇ sangˇ kaˇ seu，oi zo maˋ ge tai teuˇ lu？ 你這不成角色，要做什麼大事業？
hkst07_225 對人愛過親切兜仔，毋好忒挶屎。 dui nginˇ oi go qinˊ qiedˋ deuˊ eˊ，mˇ hoˋ tedˋ giug siiˋ。 對人要稍親切些，別太傲慢不理人。
hkst07_226 雖然講還毋曾過門，毋過阿美對厥家官家娘盡有孝。 suiˊ ianˇ gongˋ hanˇ mˇ qienˇ go munˇ，mˇ go aˊ miˊ dui iaˊ gaˊ gonˊ gaˊ ngiongˇ qin iuˊ hau。 雖然說還沒娶進家門，不過阿美對他公公婆婆很孝順。
hkst07_227 事情一擺就講畀好勢來，毋好事後又來膏膏渧。 sii qinˇ idˋ baiˋ qiu gongˋ biˋ hoˋ se loiˇ，mˇ hoˋ sii heu iu loiˇ goˇ goˇ diˇ。 事情一次就說個完整清楚，別事後又來糾纏不休。
hkst07_228 早就喊你錢愛收好來，這下毋見核，該死吔！歸去愛食棍仔吔！ zoˋ qiu ham ngˇ qienˇ oi suˊ hoˋ loiˇ，iaˋ ha mˇ gian hedˋ，goiˊ xiˋ eˇ！！guiˊ hi oi siid gun eˋ eˇ！ 早就叫你錢要收好，現在弄不見了，糟糕了！回去要被打了！
hkst07_229 管好自家，毋好去干涉別人。 gonˋ hoˋ qid gaˊ，mˇ hoˋ hi gonˊ sab ped nginˇ。 管好自己，別去干涉別人。
hkst07_230 這議題干涉著歷史个發展，愛收集還過多資料正做得解釋。 iaˋ ngi tiˇ gonˊ sab doˋ lid siiˋ ge fadˋ zanˋ，oi suˊ xib hanˇ go doˊ ziiˊ liau nang zo dedˋ giaiˋ siidˋ。 這議題牽涉到歷史的發展，要收集比較多資料才能夠解釋。
hkst07_231 佢無麼个才情，淨會講靚話定定。 iˇ moˇ maˋ ge coiˇ qinˇ，qiang voi gongˋ jiangˊ fa tin tin。 他沒什麼才華，光會說漂亮話而已。
hkst07_232 這下个細人仔學蓋遽，隻隻就鬼精仔樣仔。 iaˋ ha ge se nginˇ eˋ hog goi giagˋ，zagˋ zagˋ qiu guiˋ jinˊ eˋ iong eˋ。 現在的小孩學得很快，個個都是鬼靈精樣。
hkst07_233 佢這個人盡齧察，故所全無朋友。 iˇ iaˋ ge nginˇ qin ngadˋ cadˋ，gu soˋ qionˇ moˇ penˇ iuˊ。 他這個人很吝嗇，所以完全沒有朋友。
hkst07_234 佢蓋好展，見人就拿手錶仔出來展，驚人毋知樣仔。 iˇ goi hau dienˋ ，gian nginˇ qiu naˊ suˋ beuˊ eˋ cudˋ loiˇ dienˋ，giangˊ nginˇ mˇ diˊ iong eˋ。 他很愛現，看到人就拿手錶出來現，唯恐人家不知道的樣子。
hkst07_235 厥店仔生理好，大家看著目珠起赤沙。 iaˊ diam eˋ senˊ liˊ hoˋ，tai gaˊ kon doˋ mugˋ zuˊ hiˋ cagˋ saˊ。 他的店生意好，大家看了眼紅。
hkst07_236 佢像三歲个細人仔樣仔，息把仔無順佢就頓屈。 iˇ qiong samˊ se ge se nginˇ eˋ iong eˋ，xidˋ baˋ eˊ moˇ sun iˇ qiu dun kud。 他像三歲小孩一樣，稍有不順他就耍賴。
hkst07_237 做到會死，還分人嫌到臭屎，實在毋值。 zo do voi xiˋ，hanˇ bunˊ nginˇ hiamˇ do cu siiˋ，siid cai mˇ ciid。 做得要死，還被人批評得一文不值，真不值得。
hkst07_238 阿姆煮个菜嫌毋得哦，係分佢聽著，佢斯會面臭臭仔。 aˊ meˊ zuˋ ge coi hiamˇ mˇ dedˋ oˋ，he bunˊ iˇ tangˊ doˋ，iˇ siiˇ voi mien cu cu eˊ。 媽媽煮的菜不能接受人的批評喲，若是被她聽到，她可是會擺臭臉。
hkst07_239 狗仔食東西个時節，兇豺豺仔，別儕一來就咬佢。 gieuˋ eˋ siid dungˊ xiˊ ge siiˇ jiedˋ，hiungˊ saiˇ saiˇ eˊ，ped saˇ idˋ loiˇ qiu ngauˊ iˇ。 狗吃東西的時候，非常兇惡，別的狗一來就咬牠。
hkst07_240 在外背生活，愛學精一息，正毋會分人騙。 teˊ no boi senˊ fad，oi hog jinˊ idˋ xidˋ，nang mˇ voi bunˊ nginˇ pien。 在外面生活，要學聰明些，才不會被人騙。
hkst07_241 佢買著這限量个杯仔，蓋會著仔，一哪仔就拿出來展。 iˇ maiˊ doˋ iaˋ han liong ge biˊ eˋ，goi voi doˋ eˊ，idˋ nai eˋ qiu naˊ cudˋ loiˇ dienˋ。 他買到這限量的杯子，很厲害的樣子，到處拿出來炫耀。
hkst07_242 人拿分你就食哪，毋好學老先生假細義，恁仔堵來堵去盡壞看。 nginˇ naˊ bunˊ ngˇ qiu siid naˊ，mˇ hoˋ ho loˋ xinˊ sangˊ gaˋ se ngi，anˋ eˊ duˊ loiˇ duˊ hi qin faiˋ kon。 人家拿給你就吃啊，別想要又假裝不要，這樣推來推去很難看。
hkst07_243 每隻鄉鎮討親个風俗無共樣，難怪人講一莊一俗。 miˊ zagˋ hiongˊ ziinˋ toˋ qinˊ ge fungˊ xiug moˇ kiung iong，nanˇ guai nginˇ gongˋ idˋ zongˊ idˋ xiug。 每個鄉鎮娶親的習俗不一樣，難怪人家說一莊一習俗，各有不同。
hkst07_244 喊你做又毋，挖空頭就會。 hemˊ ngˇ zo iu mˇ，iedˋ kangˊ teuˇ qiu voi。 叫你做又不要，只會挑毛病。
hkst07_245 還冤枉！這領衫仰會恁貴？ vanˇ ianˊ vongˋ！iaˋ liangˊ samˊ ngiongˋ voi anˋ gui？ 真冤大頭啊！這件衣服怎麼會這麼貴？
hkst07_246 這種事情佢乜敢做？仰會恁夭壽！ iaˋ zung sii qinˇ iˇ me gamˋ zo？ngiongˋ voi anˋ ieuˊ su！ 這種事情他也敢做？怎麼這麼夭壽！
hkst07_247 這擺買个西瓜有對時，夭壽甜。 iaˋ baiˋ maiˊ ge xiˊ guaˊ iuˊ dui siiˇ，ieuˊ su tiamˇ。 這次買的西瓜正逢產季，甜得不得了。
hkst07_248 養子不教如養豬。 iongˊ ziiˋ budˋ gau iˇ iongˊ zuˊ。 養子不教如養豬。
hkst07_249 毋好對爺哀恁惡，細人仔看著斯會有樣跈樣。 mˇ hoˋ dui iaˇ oiˊ anˋ ogˋ，se nginˇ eˋ kon doˋ siiˇ voi iuˊ iong tenˊ iong。 別對父母這麼兇，小孩子看了可是會有樣學樣。
hkst07_250 佢係有嘴無心，你聽聽啊就好，毋使想忒多。 iˇ he iuˊ zoi moˇ ximˊ，ngˇ tangˊ tangˊ a qiu hoˋ，mˇ siiˋ xiongˋ tedˋ doˊ。 他是有口無心，你聽聽就好，別想太多。
hkst07_251 該人盡油條，做事登常無下無落。 ge nginˇ qin iuˇ tiauˇ，zo sii denˊ songˇ moˇ haˊ moˇ log。 那個人很油條，做事情常常不可靠。
hkst07_252 大家正討論煞，佢又接嘴來講。 tai gaˊ nang toˋ lun sod，iˇ iu jiabˋ zoi loiˇ gongˋ。 大家剛討論完，他又接著別人的話說。
hkst07_253 一個人愛多看、多聽、多做，正毋會像井肚蛤蟆。 idˋ ge nginˇ oi doˊ kon、doˊ tangˊ、doˊ zo，nang mˇ voi qiong jiangˋ duˋ haˇ maˇ。 一個人要多看、多聽、多做，才不會像井底之蛙。
hkst07_254 細人仔毋好縱慣序，下二擺大吔難教。 se nginˇ eˋ mˇ hoˋ jiungˋ guan xi，ha ngi baiˋ tai eˇ nanˇ gau。 小孩子別縱容成習慣，以後長大了很難修正。
hkst07_255 兄弟之間莫恁計較，會打壞感情。 hiungˊ ti ziiˊ gianˊ mog anˋ gie gauˋ，voi daˋ fai gamˋ qinˇ。 兄弟之間別那麼愛計較，會傷感情。
hkst07_256 阿姊動啊著就計較，講阿姆過惜細倈仔。 aˊ ze tungˊ a doˋ qiu gie gauˋ，gongˋ aˊ meˊ go xiagˋ se lai eˋ。 姊姊動不動就計較，說媽媽比較疼男生。
hkst07_257 阿梅去同契哥，分人扭著。 aˊ moiˇ hi tungˇ kie goˊ，bunˊ nginˇ neuˋ doˋ。 阿梅有外遇，被抓到。
hkst07_258 兩兄弟分家，阿哥分過多田產，老弟過食虧，正分著一間屋仔定定。 liongˋ hiungˊ ti bunˊ gaˊ，aˊ goˊ bunˊ go doˊ tienˇ sanˋ，loˋ taiˊ go siid kuiˊ，nang bunˊ doˋ idˋ gianˊ vugˋ eˋ tin tin。 兩兄弟分家，哥哥分比較多田產，弟弟比較吃虧，只分到一間房子而已。
hkst07_259 係無先生个牽成，佢就無今晡日个成就。 he moˇ xinˊ sangˊ ge kianˊ siinˇ，iˇ qiu moˇ ginˊ buˊ ngidˋ ge siinˇ qiu。 要不是老師的提攜，他就沒有今天的成就。
hkst07_260 做賊分警察扭著愛坐監，牽頭帶腦該儕罪過重。 zo ced bunˊ ginˋ cadˋ neuˋ doˋ oi coˊ gamˊ，kianˊ teuˇ dai noˋ ge saˇ cui go cung。 當小偷被警察捉到要坐牢，領先帶頭者罪比較重。
hkst07_261 該隻畜生，專門做拐搶人个事情，死吔乜係該暢吔。 ge zagˋ cugˋ senˊ， zonˊ munˇ zo guaiˋ qiongˋ nginˇ ge sii qinˇ，xiˋ eˇ me he goiˊ tiong e。 那個沒人性的，專門做拐騙欺負人的事情，死了也是活該。
hkst07_262 過年過節，共公廳个人會共下來拜阿公婆。 go ngianˇ go jiedˋ，kiung gungˊ tangˊ ge nginˇ voi kiung ha loiˇ bai aˊ gungˊ poˇ。 過年過節，同一祠堂的人會一起來拜祖先。
hkst07_263 雖然係共家人，毋過每一個人性體無共樣。 suiˊ ianˇ he kiung gaˊ nginˇ，mˇ go miˊ idˋ ge nginˇ xin tiˋ moˇ kiung iong。 雖然是同一家人，不過每個人的個性不一樣。
hkst07_264 佢等兩個人係共娘胞胎，難怪面字恁相像。 iˇ denˊ liongˋ ge nginˇ he kiung ngiongˇ bauˊ toiˊ，nanˇ guai mien sii anˋ xiongˊ qiong。 他們兩個是同胞兄妹，難怪面貌那麼像。
hkst07_265 仰會有恁苛人个頭家？臨時喊人加班，連飯包都毋盼得買。 ngiongˋ voi iuˊ anˋ koˇ nginˇ ge teuˇ gaˊ？limˇ siiˇ hemˊ nginˇ gaˊ banˊ，lienˇ fan bauˊ duˊ mˇ pan dedˋ maiˊ。 怎會有這般苛刻待人的老闆？臨時叫人加班，連便當都捨不得買。
hkst07_266 一哪仔都狼離狼賴，等一下人客愛來，敢看得？ idˋ nai eˋ duˊ longˇ liˇ longˇ lai，denˋ idˋ ha nginˇ hagˋ oi loiˇ，gamˋ kon dedˋ？ 到處都亂七八糟的，等會兒客人要來，能看嗎？
hkst07_267 人分車仔撞著，你等共快閃開，莫企在這看生趣。 nginˇ bunˊ caˊ eˋ cong doˋ，ngˇ denˊ kiung kuai samˋ koiˊ，mog kiˊ teˊ iaˋ kon senˊ qi。 有人被車子撞到，你們快點讓開，別站在這兒看熱鬧。
hkst07_268 這擺考試過認真兜仔，毋好分人看衰。 iaˋ baiˋ kauˋ sii go ngin ziinˊ deuˊ eˊ，mˇ hoˋ bunˊ nginˇ kon soiˊ。 這次考試認真一點，別被人看扁。
hkst07_269 該隻流漂子，同厥爸討錢討毋著，就愛對人生死。 ge zagˋ liuˇ piu ziiˋ，tungˇ iaˊ baˊ toˋ qienˇ toˋ mˇ doˋ，qiu oi dui nginˇ sangˊ xiˋ。 那個敗家子，跟他爸爸要錢要不到，就要鬧脾氣。
hkst07_270 𠊎等兩儕都老姊老嫂吔，還分你个𠊎个做麼个。 ngaiˇ denˊ liongˋ saˇ duˊ loˋ ziiˋ loˋ soˋ eˇ，hanˇ funˊ ngˇ ge ngaiˇ ge zo maˋ ge。 我們倆都老妯娌了，還分你我幹嘛。
hkst07_271 佢盡樂線，屋下無米煮飯吔乜毋知好愁。 iˇ qin log xien，lugˋ kaˊ moˇ miˋ zuˋ fan eˇ me mˇ diˊ hoˋ seuˇ。 他很悠哉，家裡沒米煮飯了也不知道擔心。
hkst07_272 好恬恬又買衫又買褲，毋得錢核係？ hoˋ diamˋ diamˋ iu maiˊ samˊ iu maiˊ fu，mˇ dedˋ qienˇ hedˋ heˋ？ 好端端的又買衣服又買褲子，錢太多了是嗎？
hkst07_273 這款手路也敢在該展風神，實在毋知見笑。 iaˋ kuanˋ suˋ lu ia gamˋ teˊ ge dienˋ fungˊ siinˇ，siid cai mˇ diˊ gian seu。 這種功夫也敢在那裡出風頭，真是不知道丟臉。
hkst07_274 仰恁毋知死，早就喊你做，結果你到今還毋曾做。 ngiongˋ anˋ mˇ diˊ xiˋ，zoˋ qiu hemˊ ngˇ zo，giadˋ goˋ ngˇ do ginˊ hanˇ mˇ qienˇ zo。 怎麼這麼不知死活，早就叫你做了，結果你到現在還沒做。
hkst07_275 這毋成東西啦！你莫恁尷尬，共快收下來。 iaˋ mˇ sangˇ dungˊ xiˊ laˋ！ngˇ mog anˋ gamˊ gie，kiong kuai suˊ haˊ loiˇ。 這是不值錢的東西啦！你別那麼不乾脆，快點收下。
hkst07_276 佢還細，講話毋知重輕，你等毋好同佢計較。 iˇ hanˇ se，gongˋ fa mˇ diˊ cungˊ kiangˊ，ngˇ denˊ mˇ hoˋ tungˇ iˇ gie gauˋ。 他還小，說話不知輕重，你們別跟他計較。
hkst07_277 事頭愛好好做，毋好歸日搣古搣怪。 se teuˇ oi hoˋ hoˋ zo，mˇ hoˋ guiˊ ngidˋ miedˋ guˋ miedˋ guai。 工作要好好做，別整天盡做一些不正經的事。
hkst07_278 走幾下轉學校同你送課本，正經搣衰人。 zeuˋ giˋ haˊ zonˋ hog gauˋ tungˇ ngˇ sung ko bunˋ，ziin ginˊ miedˋ soiˊ nginˇ。 跑好幾回學校幫你送課本，真的是弄得我很困擾。
hkst07_279 平常時毋煞猛讀書，尞日還搣漦搣濞，愛仰仔有好成績？ pinˇ songˇ siiˇ mˇ sadˋ mangˊ tug suˊ，liau ngidˋ hanˇ miedˋ xiauˇ miedˋ pi，oi ngiongˋ eˊ iuˊ hoˋ siinˇ jidˋ？ 平常不努力念書，假日還盡做些沒意義的事，要怎樣有好成績？
hkst07_280 人同佢講話，佢面北北仔無愛搭人。 nginˇ tungˇ iˇ gongˋ fa，iˇ mien bedˋ bedˋ eˊ moˇ oi dabˋ nginˇ。 人家跟他說話，他就面色難看不搭理人。
hkst07_281 後生人面皮恁賁，好手好腳，還敢同人分錢。 heu sangˊ nginˇ mien piˇ anˋ punˊ，hoˋ suˋ hoˋ giogˋ，hanˇ gamˋ tungˇ nginˇ bunˊ qienˇ。 年輕人臉皮這麼厚，好手好腳，還敢跟人家要錢。
hkst07_282 佢蓋硬頸又好面皮，面挷毋下來，愛佢同厥姐仔會失禮係無可能个。 iˇ goi ngang giangˋ iu hau mien piˇ，mien bangˊ mˇ haˊ loiˇ，oi iˇ tungˇ iaˊ jiaˋ eˋ fi siidˋ liˊ he moˇ koˋ nenˇ ge。 他很固執又愛面子，拉不下臉皮，要他向他老婆道歉是不可能的。
hkst07_283 作業無寫，還面皮皮仔喊先生分佢分數，毋知見笑。 zogˋ ngiab moˇ xiaˋ，hanˇ mien piˇ piˇ eˊ hemˊ xinˊ sangˊ bunˊ iˇ funˊ su，mˇ diˊ gian seu。 作業沒寫，還厚著臉皮要老師給他分數，不知羞恥。
hkst07_284 恁多歲吔，做毋得過像頭擺恁仔無打算，爺哀斯會愁哦。 anˋ doˊ se eˇ，zo mˇ dedˋ go qiong teuˇ baiˋ anˋ eˊ moˇ daˋ son，iaˇ oiˊ siiˇ voi seuˇ oˊ。 這麼多歲了，不可以再像以前那樣沒計畫，父母可是會擔心啊。
hkst07_285 你仰坐在神桌頂項？恁無規矩，共快下來！ ngˇ ngiongˋ coˊ teˊ siinˇ zogˋ dangˋ hong？anˋ moˇ guiˊ giˋ，kiung kuai haˊ loiˇ！ 你怎麼坐在神桌上？真沒規矩，趕快下來！
hkst07_286 大家無愛聲佢定定，佢嗄陣陣腦上。 tai gaˊ moˇ oi sangˊ iˇ tin tin，iˇ sa ciin ciin noˋ songˊ。 大家只是不理他而已，他卻越來越囂張。
hkst07_287 無愛食就莫食，無成還愛𠊎拜託佢食？ moˇ oi siid qiu mog siid，moˇ sangˇ hanˇ oi ngaiˇ bai togˋ iˇ siid？ 不喜歡吃就別吃，難不成還要我求他吃？
hkst07_288 佢這擺做媒人做無成。 iˇ iaˋ baiˋ zo moiˇ nginˇ zo moˇ sangˇ。 他這次做媒沒做成。
hkst07_289 該後生仔盡了少，在老人家面前也無大無細，惡桀桀仔。 ge heu sangˊ eˋ qin liauˋ seu，teˊ loˋ nginˇ gaˊ mien qienˇ ia moˇ tai moˇ se，ogˋ kiad kiad eˊ。 那年輕人很粗野，在老人家面前也沒大沒小，凶巴巴的。
hkst07_290 做人愛知規矩，毋好無大無細，毋知分寸。 zo nginˇ oi diˊ guiˊ giˋ，mˇ hoˋ moˇ tai moˇ se，mˇ diˊ funˊ cun。 做人要懂規矩，不要沒大沒小，不知分寸。
hkst07_291 有一句師父話講：膝頭戴氈帽，無面無皮。 iuˊ idˋ gi siiˊ fu fa gongˋ：qidˋ teuˇ dai zanˊ mo，moˇ mien moˇ piˇ。 有一句歇後語說：膝蓋戴氈帽，沒臉沒皮。
hkst07_292 無面無皮个人，毋使同佢講恁多，過講乜共樣。 moˇ mien moˇ piˇ ge nginˇ，mˇ siiˋ tungˇ iˇ gongˋ anˋ doˊ，go gongˋ me kiung iong。 不講情面的人，不用跟他說那麼多，再說也一樣。
hkst07_293 今晡日毋好在屋下食飯，𠊎斯無按算煮飯哦！ ginˊ buˊ ngidˋ mˇ hoˋ teˊ lugˋ kaˊ siid fan，ngaiˇ siiˇ moˇ on son zuˋ fan oˊ！ 今天別在家裡吃飯，我可沒準備煮飯喔！
hkst07_294 莫麼个就望細人仔，自家身體顧好來過贏。 mog maˋ ge qiu mong se nginˇ eˋ，qid gaˊ siinˊ tiˋ gu hoˋ loiˇ go iangˇ。 別什麼都指望小孩，自己身體顧好比較好。
hkst07_295 佢人蓋暮固，無麼个嘴碼。 iˇ nginˇ goi mu gu，moˇ maˋ ge zoi maˊ。 他的個性沉默少言，沒什麼口才。
hkst07_296 同齧察个人借東西無隨便。 tungˇ ngadˋ cadˋ ge nginˇ jia dungˊ xiˊ moˇ suiˇ pien。 跟小氣的人借東西，沒那麼容易。
hkst07_297 這個齧察鬼，愛佢請食飯斯無恁簡單。 iaˋ ge ngadˋ cadˋ guiˋ，oi iˇ qiangˋ siid fan siiˇ moˇ anˋ gianˋ danˊ。 這個吝嗇鬼，要他請吃飯可沒那麼容易。
hkst07_298 細人仔恁硬頸定著愛教，正毋會學壞。 se nginˇ eˋ anˋ ngang giangˋ tin cog oi gauˊ，nang mˇ voi hog faiˋ。 小孩子個性這麼頑固一定要教，才不會學壞。
hkst07_299 佢盡執性，愛佢聽你講係無可能个。 iˇ qin ziibˋ xin，oi iˇ tangˊ ngˇ gongˋ he moˇ koˋ nenˇ ge。 他很堅持己見，要他聽你說是不可能的。
hkst07_300 雞卵糕有兩垤，毋過若額分若老弟食核吔！ geˊ lonˋ gauˊ iuˊ liongˋ de，mˇ go ngiaˊ ngiagˋ bunˊ ngiaˊ loˋ taiˊ siid hedˋ eˇ！ 蛋糕有兩塊，可是你的那份被你弟弟吃掉了！
hkst07_301 食飽忒閒係無？緊去惹人做麼个？ siid bauˋ tedˋ hanˇ he moˇ？ginˋ hi ngiaˊ nginˇ zo maˋ ge？ 吃飽太閒是嗎？一直去招惹人家幹嘛？
hkst07_302 十過年無看著，這下路項堵著全認毋識。 siib go ngianˇ moˇ kon doˋ，iaˋ ha lu hong duˇ doˋ qionˇ ngin mˇ siidˋ。 十多年不見，現在路上相遇完全不認得。
hkst07_303 這細人仔會認人，你揇佢毋著啦！ iaˋ se nginˇ eˋ voi ngin nginˇ，ngˇ namˋ iˇ mˇ doˋ laˋ！ 這小孩能認出熟人與陌生人，你抱不到他啦！
hkst07_304 厥倈仔蓋毋像人，每日遊遊野野毋做事，交个朋友全部係牛頭馬面。 iaˊ lai eˋ goi mˇ qiong nginˇ，miˊ ngidˋ iuˇ iuˇ iaˊ iaˊ mˇ zo se，gauˊ ge penˇ iuˊ qionˇ pu he ngiuˇ teuˇ maˊ mien。 他兒子很不像樣，每天閒蕩不工作，交的朋友全都是不像樣的。
hkst07_305 該人牛膣馬面，還得人惱。 ge nginˇ ngiuˇ ziiˊ maˊ mien，hanˇ dedˋ nginˇ nauˊ。 那個人不要臉、不可理喻，真討厭。
hkst07_306 戇猴仔！阿公盡惜你呢！ ngong heuˇ eˊ！aˊ gungˊ qin xiagˋ ngˇ noˋ！ 傻瓜！爺爺最疼你了！
hkst07_307 有麼个事情愛好好參詳，毋好動啊著就惡擎擎仔。 iuˊ maˋ ge sii qinˇ oi hoˋ hoˋ camˊ xiongˇ，mˇ hoˋ tungˊ a doˋ qiu ogˋ kiaˇ kiaˇ eˊ。 有什麼事情要好好商量，別動不動就凶巴巴的。
hkst07_308 佢平常蓋惡，看啊著警察就軟腳，正經係惡人無膽。 iˇ pinˇ songˇ goi ogˋ，kon a doˋ ginˋ cadˋ qiu ngionˊ giogˋ，ziin ginˊ he ogˋ nginˇ moˇ damˋ。 他平常很兇惡，一看到警察就腿軟，真是惡人沒膽。
hkst07_309 做人愛擔輸贏，係講應承人做毋得漏氣。 zo nginˇ oi damˊ suˊ iangˇ，he gongˋ inˋ siinˇ nginˇ zo mˇ dedˋ lau kuiˋ。 做人要有擔當，若是答應了人不可以失信。
hkst07_310 愛取消約會愛早兜仔講，係無會害人白行一轉。 oi qiˋ seuˊ iogˋ fi oi zoˋ deuˊ eˋ gongˋ，he moˇ voi hoi nginˇ pag hangˇ idˋ zonˋ。 要取消約會要早點說，不然會害人白跑一趟。
hkst07_311 有錢人派頭恁粗，做細生日就辦桌。 iuˊ qienˇ nginˇ pai teuˇ anˋ cuˊ，zo se sangˊ ngidˋ qiu pan zogˋ。 有錢人派頭架勢那麼大，做小生日就辦酒席。
hkst07_312 學校舉辦「嗙雞胲」比賽，大家聽到哈哈大㖸。 hog gauˋ giˋ pan「pangˊ gieˊ goiˊ」biˋ soi，tai gaˊ tangˊ do ha ha tai nagˋ。 學校舉辦「吹牛」比賽，大家聽得哈哈大笑。
hkst07_313 阿源好恬恬搵下去，脣口人行啊兼，七手八腳，該撚這撚，亂舂至舂，全毋驚佢痛。 aˊ ngianˇ hoˋ diamˋ diamˋ vun haˊ hi，siinˇ heuˋ nginˇ hangˇ a giamˊ，qidˋ suˋ badˋ giogˋ，ge ngianˋ iaˋ ngianˋ，lon zungˊ zii zungˊ，qionˇ mˇ giangˊ iˇ tung。 阿源好端端的腿軟昏倒，旁邊的人一走近，七手八腳，捏這捏那，亂捶一通，都不擔心他會痛。
hkst07_314 七做八毋對，做啊全無自信吔。 qidˋ zo badˋ mˇ dui，zo a qionˇ moˇ cii xin eˇ。 老是做錯，做得全沒自信了。
hkst07_315 該細人仔賤手賤腳，盡好這摸該摸。 ge se nginˇ eˋ qien suˋ qien giogˋ，qin hau iaˋ miaˊ ge miaˊ。 那小孩手腳不規矩，很愛亂動亂摸。
hkst07_316 千差萬差全𠊎差你無差，恁仔做得無？ qienˊ caˊ van caˊ qionˇ ngaiˇ caˊ ngˇ moˇ caˊ，anˋ eˊ zo dedˋ moˇ？ 千錯萬錯都算我錯你沒錯，這樣可以嗎？
hkst07_317 前世無修，倈仔準心臼。 qienˇ sii moˇ xiuˊ，lai eˋ zunˋ ximˊ kiuˊ。 前世沒好好修行，兒子被當媳婦用。
hkst07_318 食到會尋尾。 siid do voi qimˇ miˊ。 吃了想再吃。
hkst07_319 著長袍就愛配馬褂，正過像樣。 zogˋ congˇ pauˇ qiu oi pi maˊ gua，nang go qiong iong。 穿長袍就要配馬褂，才比較中規中矩。
hkst07_320 恁簡單个道理，三歲子乜知。 anˋ gianˋ danˊ ge to liˊ，samˊ se ziiˋ me diˊ。 這麼簡單的道理，三歲小孩也知道。
hkst07_321 有兜有口人，從細三兩重就毋動，故所這下麼个就毋會。 iuˊ deuˊ iuˊ heuˋ nginˇ，qiungˇ se samˊ liongˊ cungˊ qiu mˇ tungˊ，gu soˋ iaˋ ha maˋ ge qiu mˇ voi。 有些有錢人，從小連很容易做的事都不用自己做，所以現在什麼都不會。
hkst07_322 壞蹄吔！𠊎看這擺斯三條坑水洗毋淨吔。 fai taiˇ eˇ！ngaiˇ kon iaˋ baiˋ siiˇ samˊ tiauˇ hangˊ suiˋ seˋ mˇ qiang eˇ。 糟糕了！我看這次可是跳入黃河也洗不清了。
hkst07_323 省省仔食、省省仔用。 sangˋ sangˋ eˊ siid、sangˋ sangˋ eˊ iung。 省著吃。省著用。
hkst07_324 糖仔恁多仔定定，你斯愛省省仔食。 tongˇ eˋ anˋ doˊ eˊ tin tin，ngˇ siiˇ oi sangˋ sangˋ eˊ siid。 糖果這麼一些些而已，你可要省著點兒吃。
hkst07_325 嬰兒仔生來盡得人惜，一看著人就笑咪咪仔。 oˇ ngaˊ eˋ sangˊ loiˇ qin dedˋ nginˇ xiagˋ，idˋ kon doˋ nginˇ qiu seu miˊ miˊ eˊ。 嬰兒長得很可愛，一看到人就笑嘻嘻的。
hkst07_326 阿公阿婆揇孫仔，祖孫三個人都笑連連。 aˊ gungˊ aˊ poˇ namˋ sunˊ eˋ，zuˋ sunˊ samˊ ge nginˇ duˊ seu lienˇ lienˇ。 爺爺奶奶抱孫子，祖孫三人都笑容滿面。
hkst07_327 生理人笑頭笑面，人客看著就會去同佢交關。 senˊ liˊ nginˇ seu teuˇ seu mien，nginˇ hagˋ kon doˋ qiu voi hi tungˇ iˇ gauˊ guanˊ。 生意人面帶笑容的，客人看了就會去跟他買東西。
hkst07_328 屎胐毋曾坐燒，仰恁緊就愛歸屋下？ sii fudˋ mˇ qienˇ coˊ seuˊ，ngiongˋ anˋ ginˋ qiu oi guiˊ lugˋ kaˊ？ 屁股都還沒坐熱，怎麼這麼急著要回家？
hkst07_329 一群人，你一句𠊎一句，十嘴九屎胐，專講該兜不褡不膝个，對問題解決全無過爭。 idˋ kiunˇ nginˇ，ngˇ idˋ gi ngaiˇ idˋ gi，siib zoi giuˋ sii fudˋ，zonˊ gongˋ ge deuˊ budˋ dabˋ budˋ qidˋ ge，dui mun tiˇ giaiˋ giadˋ qionˇ moˇ go zangˊ。 一群人，你一句我一句，人多嘴雜，專說那些不三不四的，對解決問題全無助益。
hkst07_330 男女結婚都愛憑媒六禮，正毋會失人禮。 namˇ ngˋ giadˋ funˊ duˊ oi pinˇ moiˇ liugˋ liˊ，nang mˇ voi siidˋ nginˇ liˊ。 男女結婚都要憑媒六禮，才不會有失人情義理。
hkst07_331 這細人仔盡手賤，伯公下个神茶杯也拿來裝尿搞。 iaˋ se nginˇ eˋ qin suˋ qien，bagˋ gungˊ haˊ ge siinˇ caˇ biˊ ia naˊ loiˇ zongˊ ngiau gauˋ。 這小孩很頑皮，土地公廟裝神茶的茶杯也拿來裝尿玩。
hkst07_332 老弟著傷過後，使筷仔手外外仔。 loˋ taiˊ cog songˊ go heu，siiˋ kuai eˋ suˋ ngoi ngoi eˊ。 弟弟受傷後，拿筷子的手不太靈活。
hkst07_333 喊你兩兄弟去洗揫，就在該𢱤來𢱤去，還慘哦！ ham ngˇ liongˋ hiungˊ ti hi seˋ qiuˊ，qiu teˊ ge sungˋ loiˇ sungˋ hi，hanˇ camˋ oˋ！ 叫你們兄弟倆去洗碗收拾，就在那裡推來推去，真是的！
hkst07_334 這拜三，先有應講陪佢去高雄尞，毋單愛出車，還愛同公司請假，正經係雙頭剪，了多吔。 iaˋ bai samˊ，xienˊ iuˊ in gongˋ piˇ iˇ hi goˊ hiungˇ liau，mˇ danˊ oi cudˋ caˊ，hanˇ oi tungˇ gungˊ siiˊ qiangˋ gaˋ，ziin ginˊ he sungˊ teuˇ jienˋ，liauˋ doˊ eˇ。 這星期三，先前答應陪他去高雄玩，不只要出車子，還要跟公司請假，真是賠了夫人又折兵，虧多了。
hkst07_335 頭家這擺大出手，一擺就補助十萬個銀。 teuˇ gaˊ iaˋ baiˋ tai cudˋ suˋ，idˋ baiˋ qiu buˋ cu siib van ge ngiunˇ。 老闆這次出手大方，一次就補助十萬元。
hkst07_336 恁久無看著你，𠊎等大家人都盡想你呢！ anˋ giuˋ moˇ kon doˋ ngˇ，ngaiˇ denˊ tai gaˊ nginˇ duˊ qin xiongˋ ngˇ noˋ！ 好久不見，我們大家都很想你呢！
hkst07_337 阿火伯，倈仔有七、八個，孫仔有十過個，做得講係大家庭。 aˊ foˋ bagˋ，lai eˋ iuˊ qidˋ、badˋ ge，sunˊ eˋ iuˊ siib go ge，zo dedˋ gongˋ he tai gaˊ tinˇ。 阿火伯，兒子有七、八個，孫子有十幾個，可以說是個大家庭。
hkst07_338 頭家這擺盡大出手，開十億來整工廠。 teuˇ gaˊ iaˋ baiˋ qin tai cudˋ suˋ，koiˊ siib i loiˇ zangˋ gungˊ congˋ。 老闆這次出手很大方，花十億元來整修工廠。
hkst07_339 這球隊裡背有盡多大將，故所輒常打頭名。 iaˋ kiuˇ dui diˊ boi iuˊ qin doˊ tai jiong，gu soˋ jiab songˇ daˋ teuˇ miangˇ。 這球隊裡有很多大將，所以經常得第一。
hkst07_340 像佢恁仔大開大使、好食懶做，早慢就會背家濟仔。 qiong iˇ anˋ eˊ tai koiˊ tai siiˋ、hau siid lanˊ zo，zoˋ man qiu voi baˇ gaˊ ji eˋ。 像他這樣出手闊氣大方、不知節制、好吃懶做，早晚就會負債。
hkst07_341 大目新娘，看灶頭毋著。 tai mugˋ xinˊ ngiongˇ，kon zo teuˇ mˇ doˋ。 大眼新娘，看不到爐灶。
hkst07_342 愛買屋以前，最好先去探看啊！ oi maiˊ vugˋ iˊ qienˇ，zuiˋ hoˋ xienˊ hi tamˋ kon aˋ！ 要買屋前，最好先去打聽看看！
hkst07_343 佢斯貪㘔，正會屙痢肚。 iˇ siiˇ tamˊ saiˊ，nang voi oˊ li duˋ。 他就是貪吃，才會拉肚子。
hkst07_344 𠊎老妹盡硬殼，勸佢个話全部聽毋入耳。 ngaiˇ loˋ moi qin ngang hogˋ，kian iˇ ge fa qionˇ pu tangˊ mˇ ngib ngiˋ。 我妹妹很固執，勸她的話全部都不採納。
hkst07_345 廟項辦活動，共下來去鬥鬧熱。 meu hong pan fad tung，kiung ha loiˇ hi deu nau ngied。 廟裡辦活動，一起去共襄盛舉。
hkst07_346 這下獅仔會个頭仔，大概係用選个，毋係比錢多就做得。 iaˋ ha siiˊ eˋ fi ge teuˇ eˋ，tai koiˋ he iung xienˋ ge，mˇ he biˋ qienˇ doˊ qiu zo dedˋ。 現在獅子會的領導者，大部分是用選的，不是比錢多就可以。
hkst07_347 這兩家人見擺冤家，就愛請里長調解。 iaˋ liongˋ gaˊ nginˇ gian baiˋ ianˊ gaˊ，qiu oi qiangˋ liˊ zongˋ tiauˇ giaiˋ。 這兩家人每次吵架，就要請里長調解。
hkst07_348 你不時同佢扶核卵，佢識打一粒燒屁卵分你食無？ ngˇ budˋ siiˇ tungˇ iˇ puˇ hag lonˋ，iˇ siidˋ daˋ idˋ liab seuˊ pi lonˋ bunˊ ngˇ siid moˇ？ 你老是對他奉承拍馬屁，他可曾放個屁給你聞香？
hkst07_349 阿美同阿梅兩個人同年，毋過阿美看起來過後生。 aˊ miˊ tungˇ aˊ moiˇ liongˋ ge nginˇ tungˇ ngianˇ，mˇ go aˊ miˊ kon hiˋ loiˇ go heu sangˊ。 阿美跟阿梅兩人年齡相同，不過阿美看起來比較年輕。
hkst07_350 這擺就死無命吔！皮包仔毋知跌哪去，一哪仔就尋無。 iaˋ baiˋ qiu xiˋ moˇ miang eˇ！piˇ bauˊ eˋ mˇ diˊ diedˋ nai hi，idˋ nai eˋ qiu qimˇ moˇ。 這次可完蛋了！包包不知道掉那兒了，到處都找不到。
hkst07_351 你哦！死老實，哪日分人賣核都毋知！ ngˇ oˋ！xiˋ loˋ siid，nai ngidˋ bunˊ nginˇ mai hedˋ duˊ mˇ diˊ！ 你呀！老實不知變通，哪天被人賣了都不知道！
hkst07_352 這兜詞條愛用無？請大家來篩過。 iaˋ deuˊ ciiˇ tiauˇ oi iung moˇ？qiangˋ tai gaˊ loiˇ qiˊ go。 這些詞條要不要用？請大家來篩選。
hkst07_353 聽著係毋使錢个，大家相爭去參加。 tangˊ doˋ he mˇ siiˋ qienˇ ge，tai gaˊ xiongˊ zangˊ hi camˊ gaˊ。 聽到是不用錢的，大家爭相去參加。
hkst07_354 這擺地動蓋嚴重，大家人相爭捐錢出來。 iaˋ baiˋ ti tungˊ goi ngiamˇ cung，tai gaˊ nginˇ xiongˊ zangˊ gianˊ qienˇ cudˋ loiˇ。 這次地震很嚴重，大家相繼捐錢出來。
hkst07_355 見相堵頭，佢會同人頷頭，蓋有禮貌。 gian xiongˊ duˇ teuˇ，iˇ voi tungˇ nginˇ ngamˋ teuˇ，goi iuˊ liˊ mau。 每次相遇，他都會和人點頭致意，很有禮貌。
hkst07_356 佢兩個人係國小同學，到今還有相借問。 iˇ liongˋ ge nginˇ he guedˋ seuˋ tungˇ hog，do ginˊ hanˇ iuˊ xiongˊ jia mun。 他們倆是國小同學，到現在還有往來。
hkst07_357 阿姊同厥朋友冤家，背尾就無相借問吔。 aˊ ze tungˇ iaˊ penˇ iuˊ ianˊ gaˊ，boi miˊ qiu moˇ xiongˊ jia mun eˇ。 姊姊和她朋友吵架，後來就沒有來往了。
hkst07_358 相罵無好話，事情還係愛坐下來講清楚過好。 xiongˊ ma moˇ hoˋ fa，sii qinˇ hanˇ he oi coˊ haˊ loiˇ gongˋ qinˊ cuˋ go hoˋ。 吵架沒好話，事情還是要坐下來說清楚比較好。
hkst07_359 承蒙你恁相惜，正會恁順序。 siinˇ mungˇ ngˇ anˋ xiongˊ xiagˋ，nang voi anˋ sun xi。 感謝你這麼愛護照顧，才會這麼順利。
hkst07_360 𠊎親眼看著你偷拿人个錢，共快承認，莫在該詐癲。 ngaiˇ qinˊ ngianˋ kon doˋ ngˇ teuˊ naˊ nginˇ ge qienˇ，kiung kuai siinˇ ngin，mog teˊ ge za dienˊ。 我親眼看到你偷拿人家的錢，趕快承認，別在那裝傻。
hkst07_361 講恁多到，佢還係照樣，全無改進。 gongˋ anˋ doˊ do，iˇ hanˇ he zeu iong，qionˇ moˇ goiˋ jin。 說那麼多次，他還是依照以前的模式，都沒有改進。
hkst07_362 人講家娘無好樣，心臼照樣，故所大人儕愛做正來。 nginˇ gongˋ gaˊ ngiongˇ moˇ hoˋ iong，ximˊ kiuˊ zeu iong，gu soˋ tai nginˇ saˇ oi zo zang loiˇ。 人家說婆婆沒好樣，媳婦照樣，所以家中長輩做事情要公平端正。
hkst07_363 一個人一禮拜，你兩個人照輪。 idˋ ge nginˇ idˋ liˊ bai，ngˇ liongˋ ge nginˇ zeu linˇ。 一人一星期，你們兩個輪流。
hkst07_364 佢自家毋做，顛倒盡會指揮人。 iˇ qid gaˊ mˇ zo，dienˊ do qin voi ziiˋ fiˊ nginˇ。 他自己不做，反而很會指揮別人。
hkst07_365 有閒就先做便，愛用該下黏時就有。 iuˊ hanˇ qiu xienˊ zo pien，oi iung ge ha ngiamˇ siiˇ qiu iuˊ。 有空就先做好放著，要用時馬上就有。
hkst07_366 佢嘴碼盡好，盡會做生理。 iˇ zoi maˊ qin hoˋ，qin voi zo senˊ liˊ。 他口條很好，很會做生意。
hkst07_367 你係掌門狗係？仰有法度歸日仔在屋下全毋出去？ ngˇ he zongˋ munˇ gieuˋ heˋ？ngiongˋ iuˊ fabˋ tu guiˊ ngidˋ eˋ teˊ lugˋ kaˊ qionˇ mˇ cudˋ hi？ 你是看門狗嗎？怎麼有辦法整天在家裡都不出去？
hkst07_368 這件事情𠊎無法度主意，愛問主事人正過準。 iaˋ kian sii qinˇ ngaiˇ moˇ fabˋ tu zuˋ i，oi mun zuˋ sii nginˇ nang go zunˋ。 這件事情我沒辦法做主，要問主其事的人才比較確定。
hkst07_369 這事頭你總包起來，屋下恁多人會同你𢯭做，毋使驚。 iaˋ se teuˇ ngˇ zungˋ bauˊ hiˋ loiˇ，lugˋ kaˊ anˋ doˊ nginˇ voi tungˇ ngˇ ten zo，mˇ siiˋ giangˊ。 這工作你全包下來，家裡這麼多人會幫忙你做，不用怕。
hkst07_370 吵事該下，定著無好話。 cauˇ sii ge ha，tin cog moˇ hoˋ fa。 吵架的時候，一定沒好話。
hkst07_371 佢牽頭邀大家去食晝。 iˇ kianˊ teuˇ ieuˊ tai gaˊ hi siid zu。 他帶頭邀大家去吃午餐。
hkst07_372 無若事，毋好恁好同人出頭。 moˇ ngiaˊ sii，mˇ hoˋ anˋ hau tungˇ nginˇ cudˋ teuˇ。 沒你的事，別那麼愛替人撐腰。
hkst07_373 大約仔五十歲出頭。 tai iogˋ eˊ ngˋ siib se cudˋ teuˇ。 大約五十歲多一點點。
hkst07_374 生理緊做緊大。 senˊ liˊ ginˋ zo ginˋ tai 。 生意愈做規模愈大。
hkst07_375 佢盡會講花蓼，無人敢信厥話。 iˇ qin voi gongˋ faˊ liauˊ，moˇ nginˇ gamˋ xin iaˊ fa。 他很會說謊，沒人敢相信他的話。
hkst07_376 係講你肚飢，你就先食，無要緊。 he gongˋ ngˇ duˋ giˊ，ngˇ qiu xienˊ siid，moˇ ieu ginˋ。 如果你肚子餓，你就先吃，沒關係。
hkst07_377 看著人愛問人，正有禮貌。 kon doˋ nginˇ oi mun nginˇ，nang iuˊ liˊ mau。 看到人要問好，才有禮貌。
hkst07_378 佢做事情蓋負責，難怪頭家盡信用佢。 iˇ zo sii qinˇ goi fu jidˋ，nanˇ guai teuˇ gaˊ qin xin iung iˇ。 他做事很負責，難怪老闆如此信任他。
hkst07_379 拗蠻慶、拗蠻會。 auˊ manˇ kiang、auˊ manˇ voi。 非常能幹（厲害）。相當厲害。
hkst07_380 佢今晡日手氣蓋好，擺擺就佢贏。 iˇ ginˊ buˊ ngidˋ suˋ hi goi hoˋ，baiˋ baiˋ qiu iˇ iangˇ。 他今天手氣很好，每回都他贏。
hkst07_381 阿姆去街項，半晝邊仔就會歸來。 aˊ meˊ hi giaiˊ hong，ban zu bienˊ eˊ qiu voi guiˊ loiˇ。 媽媽去街上，半個早晨左右就會回來。
hkst07_382 因為風搓來，這擺个考試愛挷後。 inˊ vi fungˊ caiˊ loiˇ，iaˋ baiˋ ge kauˋ sii oi bangˊ heu。 因為颱風來，這次的考試要延後。
hkst07_383 當晝邊仔、兩點邊仔。 dongˊ zu bienˊ eˊ、liongˋ diamˋ bienˊ eˊ。 中午左右。兩點左右。
hkst07_384 朋友之間愛有來有去，正會長久。 penˇ iuˊ ziiˊ gianˊ oi iuˊ loiˇ iuˊ hi，nang voi congˇ giuˋ。 朋友之間要有來有往，才會長久。
hkst07_385 幾下隻月來旦旦無看著你，你走哪去？ giˋ ha zagˋ ngiad loiˇ danˋ danˋ moˇ kon doˋ ngˇ，ngˇ zeuˋ nai hi？ 幾個月來幾乎沒看到你，你跑去哪？
hkst07_386 今下人，大部分用手機仔看新聞過多。 ginˊ ha nginˇ，tai pu fun iung suˋ giˊ eˋ kon xinˊ vunˇ go doˊ。 現在的人，多半使用手機看新聞比較多。
hkst07_387 草坪項青溜溜仔，在中有一頭樹仔，蓋打眼。 coˋ piangˇ hong qiangˊ liuˋ liuˋ eˊ，di dungˊ iuˊ idˋ teuˇ su eˋ，goi daˋ ngianˋ。 草坪綠油油的，正中央有一棵樹，很顯眼。
hkst07_388 對臺北下高雄，坐高鐵點過鐘仔就到得。 dui toiˇ bedˋ haˊ goˊ hiungˇ，coˊ goˊ tiedˋ diamˋ go zungˊ eˊ qiu do dedˋ。 從臺北南下高雄，坐高鐵一個多鐘頭就到。
hkst07_389 阿國去買豆油，到今毋曾歸，係瀉去哪？ aˊ guedˋ hi maiˊ teu iuˇ，do ginˊ mˇ qienˇ guiˊ，he xia hi naiˋ？ 阿國去買醬油，到現在還沒回來，是跑去哪？
hkst07_390 斷真係恁仔？ don ziinˊ he anˋ eˊ？ 真的是這樣嗎？
hkst07_391 阿姆正經在該煮飯，過五分鐘正打來敢做得？ aˊ meˊ ziin ginˊ teˊ ge zuˋ fan，go ngˋ funˊ zungˊ nang daˋ loiˇ gamˋ zo dedˋ？ 母親正在煮飯當中，過五分鐘後再打過來是否可以？
hkst07_392 天光日毋使上班，你做你盡命牯睡，無相干。 tienˊ gongˊ ngidˋ mˇ siiˋ songˊ banˊ，ngˇ zo ngˇ qin miang guˋ soi，moˇ xiongˊ gonˊ。 明天不用上班，你儘管盡情地睡，不要緊。
hkst07_393 這片過低，見擺落雨就做大水，水全毋會退。 iaˋ pienˋ go daiˊ，gian baiˋ log iˋ qiu zo tai suiˋ，suiˋ qionˇ mˇ voi tui。 這邊比較低，每次下雨就發生水災，水都不會退。
hkst07_394 學校畢業四十年毋識相堵頭，正經久見。 hog gauˋ bidˋ ngiab xi siib ngianˇ mˇ siidˋ xiongˊ duˇ teuˇ，ziin ginˊ giuˋ gian。 學校畢業四十年不曾相遇，真的好久不見。
hkst07_395 麼个都毋肯食，緊食糖仔，怪毋得畜毋會大。 maˋ ge duˊ mˇ henˋ siid，ginˋ siid tongˇ eˋ，guai mˇ dedˋ hiugˋ mˇ voi tai。 什麼都不吃，一直吃糖果，難怪長不大。
hkst07_396 毋好緊向𠊎這片滮尿啦！向別位去。 mˇ hoˋ ginˋ hiong ngaiˇ iaˋ pienˋ beuˋ ngiau laˋ！hiong ped vi hi。 別一直朝我這邊撒尿啦！朝別處去。
hkst07_397 桌仔擺毋著向吔，有拖箱仔該片愛向轉來正著。 zogˋ eˋ baiˇ mˇ cog hiong eˇ，iuˊ toˊ xiongˊ eˋ ge pienˋ oi hiong zonˋ loiˇ nang cog。 桌子擺錯方向了，有抽屜那邊要轉過來才對。
hkst07_398 這跡仔恁屙糟，你去拿掃把來掃掃啊！ iaˋ jiagˋ eˊ anˋ oˊ zoˊ，ngˇ hi naˊ so baˋ loiˇ so so aˋ！ 這一帶這麼髒，你去拿掃把來掃一掃！
hkst07_399 阿貴對這片尋到該片，共樣尋無。 aˊ gui dui iaˋ pienˋ qimˇ do ge pienˋ ，kiung iong qimˇ moˇ。 阿貴從這一頭找到那一頭，一樣沒找到。
hkst07_400 一擺半擺無相干，係不時恁仔，該斯做毋得哦！ idˋ baiˋ ban baiˋ moˇ xiongˊ gonˊ，he budˋ siiˇ anˋ eˊ，ge siiˇ zo mˇ dedˋ oˋ！ 一次兩次不打緊，若是常常這樣，那可不行！
hkst07_401 厥衫褲膏著油漆，搣啊這一跡該一跡。 iaˊ samˊ fu goˇ doˋ iuˇ qidˋ，miedˋ a iaˋ idˋ jiagˋ ge idˋ jiagˋ。 他的衣服沾到油漆，弄得這一塊那一塊的。
hkst07_402 擺把仔讓佢無要緊，同佢打逆面無過贏。 baiˋ baˋ eˊ ngiong iˇ moˇ ieu ginˋ，tungˇ iˇ daˋ ngiag mien moˇ go iangˇ。 偶爾讓他不要緊，跟他翻臉沒有比較好。
hkst07_403 厥人生一路里來都蓋順序，毋單淨讀書，頭路乜係。 iaˊ nginˇ senˊ idˋ lu liˊ loiˇ duˊ goi sun xi，mˇ danˊ qiang tug suˊ，teuˇ lu me he。 他的人生一直以來都很順利，不單是讀書，工作也是。
hkst07_404 毋好一日到暗掌等電視，目珠會看壞核。 mˇ hoˋ idˋ ngidˋ do am zongˋ denˋ tien sii，mugˋ zuˊ voi kon faiˋ hedˋ。 別一天到晚守著電視，眼睛會看壞。
hkst07_405 一等好食、一等慶。 idˋ denˋ hoˋ siid、idˋ denˋ kiang。 最好吃。最能幹（厲害）。
hkst07_406 食晝過後毋曾有一刻時，還飽肚飽肚，麼个就毋想食。 siid zu go heu mˇ qienˇ iuˊ idˋ kiedˋ siiˇ，hanˇ bauˋ duˋ bauˋ duˋ，maˋ ge qiu mˇ xiongˋ siid。 吃過午飯還沒十五分鐘，肚子還脹脹的，什麼都不想吃。
hkst07_407 賊仔來啊到，一空一壢做下分佢揙淨淨。 ced eˋ loiˇ a do，idˋ kungˊ idˋ lagˋ zo ha bunˊ iˇ bienˋ qiang qiang。 小偷一來，一孔一隙全部被他翻光光。
hkst07_408 這細人仔盡蠻皮，一眨目佢就瀉去大路項吔。 iaˋ se nginˇ eˋ qin manˇ piˇ，idˋ sabˋ mugˋ iˇ qiu xia hi tai lu hong eˇ。 這小孩很頑皮，才一眨眼他就跑去馬路了。
hkst07_409 厥手板毋遽，一下半下還做毋好。 iaˊ suˋ banˋ mˇ giagˋ，idˋ ha ban ha hanˇ zo mˇ hoˋ。 他的手腳不快，短時間內仍做不好。
hkst07_410 出去旅行，有理無理，𠊎毋使洗碗。 cudˋ hi liˋ hangˇ，iuˊ liˊ moˇ liˊ，ngaiˇ mˇ siiˋ seˋ vonˋ。 出去旅行，不管有無道理，我不用洗碗。
hkst07_411 見擺都恁仔，臨時及急正來趕緊工。 gian baiˋ duˊ anˋ eˊ，limˇ siiˇ kib gibˋ nang loiˇ gonˋ ginˋ gungˊ。 每次都這樣，時間急迫才來趕工。
hkst07_412 袋仔裡背个柑仔亟著吔，裝到綿綿。 toi eˋ diˊ boi ge gamˊ eˋ gid doˋ eˇ，zongˊ do mienˇ mienˇ。 袋子裡面的橘子擠壓到了，弄得爛爛的。
hkst07_413 這件事情大家煞力牯來打拚，正會成功。 iaˋ kian sii qinˇ tai gaˊ sadˋ lid guˋ loiˇ daˋ bia，nang voi siinˇ gungˊ。 這件事情大家極力來打拼，才會成功。
hkst07_414 厥屋下離車頭近近仔，行路毋使五分鐘。 iaˊ lugˋ kaˊ liˇ caˊ teuˇ kiunˊ kiunˊ eˊ，hangˇ lu mˇ siiˋ ngˋ funˊ zungˊ。 他家離車站很近，走路不用五分鐘。
hkst07_415 厥心臼討入門正五年，就連連續續降四個倈仔。 iaˊ ximˊ kiuˊ toˋ ngib munˇ nang ngˋ ngianˇ，qiu lienˇ lienˇ sa sa giung xi ge lai eˋ。 他的媳婦娶進門才五年，就連續生了四個兒子。
hkst07_416 朝晨个會議，開始該下無看著阿文，臨尾佢正走等來。 zeuˊ siinˇ ge fi ngi，koiˊ siiˋ ge ha moˇ kon doˋ aˊ vunˇ，limˋ miˊ iˇ nang zeuˋ denˋ loiˇ。 早上的會議，開始時沒看到阿文，到末尾他才匆匆跑來。
hkst07_417 阿福牯來屋下坐歸晝邊仔，臨將愛走吔，正講想來招保險。 aˊ fugˋ guˋ loiˇ lugˋ kaˊ coˊ guiˊ zu bienˊ eˋ，limˇ jiongˊ oi zeuˋ eˇ，nang gongˋ xiongˋ loiˇ zeuˊ boˋ hiamˋ。 阿福來家裡坐了一整個上午，即將要走了，才說想來拉保險。
hkst07_418 早無講，臨時正講愛註冊，錢哪有恁便？ zoˋ moˇ gongˋ，limˇ siiˇ nang gongˋ oi zu cagˋ，qienˇ naiˋ iuˊ anˋ pien？ 早不說，事到臨頭才說要註冊，錢哪有那麼方便？
hkst07_419 開會个資料愛先準備好，正毋會臨時及急尋毋得著。 koiˊ fi ge ziiˊ liau oi xienˊ zunˋ pi hoˋ，nang mˇ voi limˇ siiˇ kib gibˋ qimˇ mˇ dedˋ doˋ。 開會的資料要先準備好，才不會匆忙之間找不到。
hkst07_420 略略仔著傷就唩唩喊喊，敢有恁嚴重？ liog liog eˊ cog songˊ qiu voˋ voˋ hemˊ hemˊ，gamˋ iuˊ anˋ ngiamˇ cung？ 稍微受傷就大呼小叫的，有這麼嚴重嗎？
hkst07_421 上禮拜同你借个書還毋曾看核，加兩日仔正還你好無？ song liˊ bai tungˇ ngˇ jia ge suˊ hanˇ mˇ qienˇ kon hedˋ，gaˊ liongˋ ngidˋ eˊ nang vanˇ ngˇ hoˋ moˇ？ 上禮拜跟你借的書還沒看完，過兩天再還你好嗎？
hkst07_422 看人畜細人仔盡輕鬆，試著滿月正做核，毋多知仔就愛讀小學吔。 kon nginˇ hiugˋ se nginˇ eˋ qin kiangˊ sungˊ，cii doˋ manˊ ngiad nang zo hedˋ，mˇ doˊ diˊ eˊ qiu oi tug seuˋ hog eˇ。 看人家養小孩很輕鬆，感覺滿月才做完，不知不覺就要上小學了。
hkst07_423 十點正開會，你毋曾至間就去做麼个？ siib diamˋ nang koiˊ fi，ngˇ mˇ qienˇ zii gianˊ qiu hi zo maˋ ge？ 十點才開會，你還不到時候就去做什麼？
hkst07_424 阿雄坐在𠊎面頭前，阿美坐在𠊎後背。 aˊ hiungˇ coˊ teˊ ngaiˇ mien teuˇ qienˇ，aˊ miˊ coˊ teˊ ngaiˇ heu boi。 阿雄坐在我的前面，阿美坐在我的後面。
hkst07_425 車仔駛到好好，無提無防，一隻狗仔對巷仔舂出來。 caˊ eˋ siiˋ do hoˋ hoˋ，moˇ tiˇ moˇ fongˇ，idˋ zagˋ gieuˋ eˋ dui hong eˋ zungˊ cudˋ loiˇ。 車子開得好好的，突然，一條狗從巷子衝出來。
hkst07_426 外阿婆無一多時來，歇加幾夜添正歸好哪！ ngoi aˊ poˇ moˇ idˋ doˊ siiˇ loiˇ，hiadˋ gaˊ giˋ ia tiamˊ nang guiˊ hoˋ naˊ！ 外婆不常來，多住幾晚再回家啦！
hkst07_427 罔嗒、罔看。 mongˋ dab、mongˋ kon。 不妨嘗嘗看。還值得看（不妨看看）。
hkst07_428 無麼个菜，菜脯卵罔食！ moˇ maˋ ge coi，coi puˋ lonˋ mongˋ siid！ 沒什麼菜，蘿蔔乾蛋將就吃！
hkst07_429 派出所在哪向？係這向抑係該向？ pai cudˋ soˋ teˊ naiˋ hiong？he iaˋ hiong ia he ge hiong？ 派出所在哪個方向？是這個方向還是那個方向？
hkst07_430 今晡日無閒，另日正去。 ginˊ buˊ ngidˋ moˇ hanˇ，nang ngidˋ nang hi。 今天沒空，改天再去。
hkst07_431 多學一種語言毋會差，另擺總會用得著。 doˊ hog idˋ zungˋ ngiˊ ngianˇ mˇ voi caˊ，nang baiˋ zungˋ voi iung dedˋ doˋ。 多學一種語言不錯，往後總會用得到。
hkst07_432 該領衫，愛過日把仔正做得好。 ge liangˊ samˊ，oi go ngidˋ baˋ eˊ nang zo dedˋ hoˋ。 那件衣服，要再過一兩天才做得好。
hkst07_433 這條數，愛到月半邊仔，無就下隻月初，正有好收。 iaˋ tiauˇ seu，oi do ngiad ban bienˊ eˊ，moˇ qiu ha zagˋ ngiad cuˊ，nang iuˊ hoˋ suˊ。 這筆帳，要到月中左右，不然就下個月初，才有得收。
hkst07_434 今晡日借个錢，愛到月尾正有好還你哦，做得無？ ginˊ buˊ ngidˋ jia ge qienˇ，oi do ngiad miˊ nang iuˊ hoˋ vanˇ ngˇ oˋ，zo dedˋ moˇ？ 今天借的錢，要到月底才有得還你喔，可以嗎？
hkst07_435 佢年尾人，故所慢人一年讀書。 iˇ ngianˇ miˊ nginˇ，gu soˋ man nginˇ idˋ ngianˇ tug suˊ。 他是年尾人，所以晚人家一年唸書。
hkst07_436 這個細妹仔看起來還在讀書樣仔，怕二十外仔定定。 iaˋ ge se moi eˋ kon hiˋ loiˇ hanˇ teˊ tug suˊ iong eˋ，pa ngi siib ngoi eˋ tin tin。 這個女孩看起來還在讀書的樣子，可能二十出頭而已。
hkst07_437 弄擺就係阿成拜伯公，今這下佢過身吔，下二擺換麼人拜？ nung baiˋ qiu he aˊ siinˇ bai bagˋ gungˊ，ginˊ iaˋ ha iˇ go siinˊ eˇ，ha ngi baiˋ von maˋ nginˇ bai？ 以前就是阿成拜土地公，現在他過世了，以後換誰去？
hkst07_438 阿哥下隻月盡像愛出國，怕毋會歸來。 aˊ goˊ ha zagˋ ngiad qin qiong oi cudˋ guedˋ，pa mˇ voi guiˊ loiˇ。 哥哥下個月很像要出國，大概不會回來。
hkst07_439 天正甫甫仔光，佢就去車頭坐車。 tienˊ nang puˋ puˋ eˋ gongˊ，iˇ qiu hi caˊ teuˇ coˊ caˊ。 天才微微亮，他就去車站坐車。
hkst07_440 行過遽兜仔，莫行到七暗八暗還毋曾到。 hangˇ go giagˋ deuˊ eˊ，mog hangˇ do qidˋ am badˋ am hanˇ mˇ qienˇ do。 走快一些，別走到三更半夜還沒到。
hkst07_441 佢歇在山肚，每朝晨為著赴車仔，七早八早就愛䟘床。 iˇ hed teˊ sanˊ duˋ，miˊ zeuˊ siinˇ vi doˋ fu caˊ eˋ，qidˋ zoˋ badˋ zoˋ qiu oi hong congˇ。 他住山裡，每天早上為了趕車，一大早就要起床。
hkst07_442 七早八早就準備，舞到七晝八晝還毋曾好勢。 qidˋ zoˋ badˋ zoˋ qiu zunˋ pi，vuˋ do qidˋ zu badˋ zu hanˇ mˇ qienˇ hoˋ se。 一大早就準備，弄到快中午還沒弄好。
hkst07_443 落大雨無帶遮仔，佢潑命走一路歸。 log tai iˋ moˇ dai zaˊ eˋ，iˇ pad miang zeuˋ idˋ lu guiˊ。 下大雨沒帶傘，他拼命跑回家。
hkst07_444 切好个配料總概放下去爆香，圓粄仔正會好食。 qiedˋ hoˋ ge pi liau zungˋ koiˋ biong haˊ hi bau hiongˊ，ianˇ banˋ eˋ nang voi hoˋ siid。 切好的配料全部都放下去爆香，湯圓才會好吃。
hkst07_445 該棟屋仔盡久無人歇吔，㘝頭㘝角都係蝲䗁絲。 ge dung vugˋ eˋ qin giuˋ moˇ nginˇ hed eˇ，liabˋ teuˇ liabˋ gogˋ du he laˇ kiaˇ xiˊ。 那棟房子很久沒人住了，牆頭牆角都是蜘蛛絲。
hkst07_446 佢係有經過這仔，成擺仔會入來坐。 iˇ he iuˊ ginˊ go iaˋ eˊ，sangˇ baiˋ eˊ voi ngib loiˇ coˊ。 他要是有經過這裡，偶爾會進來坐。
hkst07_447 上早，𠊎正同你講啊核，你又毋記得。 song zoˋ，ngaiˇ nang tungˇ ngˇ gongˋ a hedˋ，ngˇ iu mˇ gi dedˋ。 早先，我才跟你說完，你又忘了。
hkst07_448 上早人，有好食就好偷㖸吔。 song zoˋ nginˇ，iuˊ hoˋ siid qiu hoˋ teuˊ nagˋ eˇ。 以前的人，有得吃就可以偷笑了。
hkst07_449 這張桌仔脣口無捽淨，愛再捽一遍。 iaˋ zongˊ zogˋ eˋ siinˇ heuˋ moˇ cud qiang，oi zai cud idˋ bien。 這張桌子邊邊沒擦乾淨，要再擦一遍。
hkst07_450 佢透長年在外國做生理，淨過年掛紙正會歸臺灣。 iˇ teu congˇ ngianˇ teˊ ngoi guedˋ zo senˊ liˊ，qiang go ngianˇ gua ziiˋ nang voi guiˊ toiˇ vanˊ。 他經年累月在國外做生意，只有過年掃墓才會回臺灣。
hkst07_451 若倈仔透日透夜讀書，考著公務人員乜值啦！ ngiaˊ lai eˋ teu ngidˋ teu ia tug suˊ，kauˋ doˋ gungˊ vu nginˇ ianˇ me dad laˋ！ 你兒子日以繼夜唸書，考上公務人員也值得啦！
hkst07_452 頭下碼大家都看佢無半撇，背尾正知佢係大粒仔。 teuˇ ha maˊ tai gaˊ duˊ kon iˇ moˇ ban piedˋ，boi miˊ nang diˊ iˇ he tai liab e 。 剛開始的時候大家都瞧不起他，後來才知道他是個大人物。
hkst07_453 天大光還毋䟘，你想愛睡到日頭晒屎朏係無？ tienˊ tai gongˊ hanˇ mˇ hong，ngˇ xiongˋ oi soi do ngidˋ teuˇ sai sii fudˋ he moˇ？ 天色大白還不起床，你想要睡到太陽晒屁股是嗎？
hkst07_454 屋脣屋角个草愛挷淨來，正毋會庰蛇哥。 vugˋ siinˇ vugˋ gogˋ ge coˋ oi bangˊ qiang loiˇ，nang mˇ voi biang saˇ goˊ。 房屋四周的草要拔乾淨，才不會藏蛇。
hkst07_455 心肝頭溫溫仔痛。 ximˊ gonˊ teuˇ vunˊ vunˊ eˊ tung。 心裡頭隱隱作痛。
hkst07_456 這份田个四角頭都有風圍，盡恬風。 iaˋ fun tienˇ ge xi gogˋ teuˇ duˊ iuˊ fungˊ viˇ，qin diamˊ fungˊ。 這塊田的四周都有防風林，沒什麼風。
hkst07_457 這案仔同先前講个爭差盡大，敢係哪片搞差係無？ iaˋ on eˋ tungˇ xienˊ qienˇ gongˋ ge zenˊ caˊ qin tai，gamˋ he nai pienˋ gauˋ caˊ he moˇ？ 這案子跟剛開始說的差很大，難道是哪邊弄錯了嗎？
hkst07_458 進前講个無算數，這下講个正算。 jin qienˇ gongˋ ge moˇ son sii，iaˋ ha gongˋ ge nang son。 先前講的不算，現在說的才算。
hkst07_459 早早就同你講過，你就毋信，這下錢分人騙淨淨愛仰結煞？ zoˋ zoˋ qiu tungˇ ngˇ gongˋ go，ngˇ qiu mˇ xin，iaˋ ha qienˇ bunˊ nginˇ pien qiang qiang oi ngiong gadˋ sadˋ？ 早就跟你說過，你就不信，現在錢被騙光光該怎麼辦？
hkst07_460 頭下還看佢在這，一轉首就無看著人。 teuˇ ha hanˇ kon iˇ teˊ iaˋ，idˋ zonˋ suˋ qiu moˇ kon doˋ nginˇ。 剛剛還看到他在這，一轉頭就沒看到人。
hkst07_461 生理買賣總愛雙方心甘意願，正做得成。 senˊ liˊ maiˊ mai zungˋ oi sungˊ fongˊ ximˊ gamˊ i ngian，nang zo dedˋ siinˇ。 生意買賣總要雙方心甘情願，才做得成。
hkst07_462 煞猛兜仔做，總會成功。 sadˋ mangˊ deuˊ eˊ zo，zungˋ voi siinˇ gungˊ。 勤奮些工作，總會成功。
hkst07_463 年會到吔，屋下毋會用著个東西總總抨清核去。 ngianˇ voi do eˇ，lugˋ kaˊ mˇ voi iung doˋ ge dungˊ xiˊ zungˋ zungˋ piangˊ qinˊ hedˋ hi。 年要到了，家裡不會用到的東西全部清理掉。
hkst07_464 今晡日个生理拗蠻仔好。 ginˊ buˊ ngidˋ ge senˊ liˊ auˊ manˇ eˋ hoˋ。 今天的生意相當好。
hkst07_465 間房忒細，買過新眠床，這頂舊个就放無哪去，愛仰結煞？ gianˊ fongˇ tedˋ se，maiˊ go xinˊ minˇ congˇ，iaˋ dangˋ kiu ge qiu biong moˇ naiˋ hi，oi ngiong gadˋ sadˋ？ 房間太小，買了新床，這舊的就沒有地方放，該怎麼辦？
hkst07_466 這事頭本旦係阿貴負責个，佢退休過後，就換阿光來接手。 iaˋ se teuˇ bunˋ danˋ he aˊ gui fu jidˋ ge，iˇ tui hiuˊ go heu，qiu von aˊ gongˊ loiˇ jiabˋ suˋ。 這事原本是阿貴負責的，他退休過後，就換阿光來接手。
hkst07_467 你倒頭講吔，應該係恁仔恁仔正著。 ngˇ do teuˇ gongˋ eˇ，in goiˊ he anˋ eˊ anˋ eˊ nang cog。 你說反了，應該是這樣這樣……才對。
hkst07_468 這下尋頭路，多少仔愛會講英語。 iaˋ ha qimˇ teuˇ lu，doˊ seuˋ eˋ oi voi gongˋ inˊ ngiˊ。 現在找工作，或多或少要會說英語。
hkst07_469 佢兩個人歸路仔噥噥哢哢，直直講到屋下。 iˇ liongˋ ge nginˇ guiˊ lu eˊ nungˇ nungˇ nung nung，ciid ciid gongˋ do lugˋ kaˊ。 他們兩個一路上悄聲細語說著話，一直說到家裡。
hkst07_470 加十分鐘就愛下車吔，若車票塞到哪去？還毋遽啊揙。 gaˊ siib funˊ zungˊ qiu oi haˊ caˊ eˇ，ngiaˊ caˊ peu sedˋ do naiˋ hi？hanˇ mˇ giagˋ aˋ bienˋ。 再十分鐘就要下車了，你的票弄到那裡去了？還不快點翻找出來。
hkst07_471 臺灣三百一十九個鄉鎮，各各都有厥特色。 toiˇ vanˊ samˊ bagˋ idˋ siib giuˋ ge hiongˊ ziinˋ，gogˋ gogˋ duˊ iuˊ iaˊ tid sedˋ。 臺灣三百一十九個鄉鎮，個個都有它的特色。
hkst07_472 該當愛繳个錢，還係過早一息繳繳啊正好。 goiˊ dongˊ oi gieuˋ ge qienˇ，hanˇ he go zoˋ idˋ xidˋ gieuˋ gieuˋ a nang hoˋ。 應當要繳的錢，還是早點去繳清才好。
hkst07_473 講啊著佢這個人，講三日三夜乜講毋會煞。 gongˋ a doˋ iˇ iaˋ ge nginˇ，gongˋ samˊ ngidˋ samˊ ia me gongˋ mˇ voi sod。 一談起他這個人，說個三天三夜也說不完。
hkst07_474 選某人做村長，講斯恁仔講，佢敢有才調？ xienˋ meuˊ nginˇ zo cunˊ zongˋ，gongˋ siiˇ anˋ eˊ gongˋ，iˇ gamˋ iuˊ coiˇ tiau？ 選某人做村長，說是這樣說，他可有才能？
hkst07_475 你罕得來，當晝㓾雞仔請你。 ngˇ honˋ dedˋ loiˇ，dongˊ zu ciiˇ gieˊ eˋ qiangˋ ngˇ。 你難得來，中午殺雞請你。
hkst07_476 阿明伯姆厥心臼，毋單煞猛還知上下，盡有人緣。 aˊ minˇ bagˋ meˊ iaˊ ximˊ kiuˊ，mˇ danˊ sadˋ mangˊ hanˇ diˊ songˊ haˊ，qin iuˊ nginˇ ianˇ。 阿明伯母的媳婦，不只勤奮還很懂得上下尊卑，很有人緣。
hkst07_477 腳偏著，行無麼个得。 giogˋ pienˊ doˋ，hangˇ moˇ maˋ ge dedˋ。 腳拐到，不太能走。
hkst07_478 這下个學生仔對讀小學起勢，就愛學英文。 iaˋ ha ge hog sangˊ eˋ dui tug seuˋ hog hiˋ sii，qiu oi hog inˊ vunˇ。 現在的學生從上小學開始，就要學英文。
hkst07_479 任在佢仰仔解釋，厥女朋友就係毋相信。 im cai iˇ ngiongˋ eˇ giaiˋ siidˋ，iaˊ ngˋ penˇ iuˊ qiu he mˇ xiongˊ xin。 任由他怎樣解釋，他的女朋友就是不相信。
hkst07_480 事情變到恁仔，這下講恁多有麼个搭碓？ sii qinˇ bien do anˋ eˊ，iaˋ ha gongˋ anˋ doˊ iuˊ maˋ ge dabˋ doi？ 事情變成這樣，現在說那麼多有什麼意思？
hkst07_481 這東西𠊎毋好食，你送恁多來，有麼个搭碓？ iaˋ dungˊ xiˊ ngaiˇ mˇ hau siid，ngˇ sung anˋ doˊ loiˇ，iuˊ maˋ ge dabˋ doi？ 這東西我不喜歡吃，你送這麼多來，有什麼意思？
hkst07_482 借還借，還係愛打契約。 jia vanˇ jia，hanˇ he oi daˋ kie iogˋ。 借歸借，還是要簽契約。
hkst07_483 人講「遠親不如近鄰」，確實毋會差！ nginˇ gongˋ「ianˋ qinˊ budˋ iˇ kiun linˇ」，kogˋ siid mˇ voi caˊ！ 有人說「遠親不如近鄰」，真的沒錯！
hkst07_484 這手機仔搣恁久還搣毋得好，𠊎看斯無效吔！ iaˋ suˋ giˊ eˋ miedˋ anˋ giuˋ hanˇ miedˋ mˇ dedˋ hoˋ，ngaiˇ kon siiˇ moˇ hauˋ eˇ！ 這手機弄那麼久還弄不好，我看是沒用了！
hkst07_485 恁無堵好！阿良佢歸家人出國去尞吔。 anˋ moˇ duˋ hoˋ！aˊ liongˇ iˇ guiˊ gaˊ nginˇ cudˋ guedˋ hi liau eˇ。 這麼不巧！阿良他們一家人出國去玩了。
hkst07_486 好得你提醒，無就壞蹄吔！ hoˋ dedˋ ngˇ tiˇ xiangˋ，moˇ qiu fai taiˇ eˇ！ 幸好你提醒，不然就糟糕了！
hkst07_487 做人毋好自私，無斯會分人嫌到臭屎。 zo nginˇ mˇ hoˋ cii siiˊ，moˇ siiˇ voi bunˊ nginˇ hiamˇ do cu siiˋ。 做人不要自私，否則可是會被嫌到臭頭。
hkst07_488 愛分人个東西先準備便，莫到時毋記得。 oi bunˊ nginˇ ge dungˊ xiˊ xienˊ zunˋ pi pien，mog do siiˇ mˇ gi dedˋ。 要給人家的東西先準備好，不要到時候卻忘記。
hkst07_489 無啦！你莫忒認真，𠊎罔講定定啦！ moˇ laˋ！ngˇ mog tedˋ ngin ziinˊ，ngaiˇ mongˋ gongˋ tin tin laˋ！ 沒有啦！你別當真，我隨口說說而已啦！
hkst07_490 𠊎嗄毋知！問題係愛仰仔去做，該過重要啊！ ngaiˇ sa mˇ diˊ！mun tiˇ he oi ngiongˋ eˇ hi zo，ge go cung ieu a！ 我怎麼不知道！問題是要怎樣去做，那比較重要啊！
hkst07_491 阿文仔搬走盡久吔，這下還普普仔知佢生來無盡高。 aˊ vunˇ eˋ banˊ zeuˋ qin giuˋ eˇ，iaˋ ha hanˇ puˋ puˋ eˊ diˊ iˇ sangˊ loiˇ moˇ qin goˊ。 阿文搬走很久了，現在還約略的知道他長得沒很高。
hkst07_492 佢講煞，續下來換你。 iˇ gongˋ sod，sa haˊ loiˇ von ngˇ。 他說完，接下來換你。
hkst07_493 十做九無成，做到心虛虛。 siib zo giuˋ moˇ sangˇ，zo do ximˊ hiˊ hiˊ。 十做九不成，做得心慌慌。
hkst07_494 你這無愛，該也無愛，算來想愛仰仔？ ngˇ iaˋ moˇ oi，ge ia moˇ oi，son loiˇ xiongˋ oi ngiongˋ eˊ？ 你這又不要，那也不要，到底想要怎樣？
hkst07_495 畢業到今，算來乜有二十年吔喲！ bidˋ ngiab do ginˊ，son loiˇ me iuˊ ngi siib ngianˇ eˇ io！ 畢業到現在，算起來也有二十年了呀！
hkst07_496 飯在電鑊仔項燉等，愛食毋食隨在你。 fan teˊ tien vog eˋ hong dunˊ denˋ，oi siid mˇ siid suiˇ cai ngˇ。 飯在電鍋裡熱著，愛吃不吃隨你便。
hkst07_497 食到恁大人吔，動啊著就噭，瀉衰人。 siid do anˋ tai nginˇ eˇ，tungˊ a doˋ qiu gieu，xia soiˊ nginˇ。 長那麼大了，動不動就哭，真丟人。
hkst07_498 下禮拜考試，會得知佢準備好吔無？ ha liˊ bai kauˋ sii，voi dedˋ diˊ iˇ zunˋ pi hoˋ eˇ moˇ？ 下禮拜考試，怎知他準備好沒？
hkst07_499 仰會恁衰過正得，細人仔無半個愛同你講話。 ngiongˋ voi anˋ coiˊ go nang dedˋ，se nginˇ eˋ moˇ ban ge oi tungˇ ngˇ gongˋ fa。 怎會這麼可憐，沒半個小孩子要跟你說話。
hkst07_500 仰會毋知？這案仔敢毋係你負責个？ ngiongˋ voi mˇ diˊ？iaˋ on eˋ gamˋ mˇ he ngˇ fu jidˋ ge？ 怎會不知道呢？這案子難道不是你負責的？
hkst07_501 準備愛收攤吔，這伸个蒜果準堵好賣你一百个銀啦！ zunˋ pi oi suˊ tanˊ eˇ，iaˋ cunˊ ge son goˋ zunˋ duˋ hoˋ mai ngˇ idˋ bagˋ ge ngiunˇ laˋ！ 準備要收攤了，這剩下的蓮霧將就賣你一百元啦！
hkst07_502 做䃗崁、水壩愛用著盡多石頭。 zo bogˋ kam、suiˋ ba oi iung doˋ qin doˊ sag teuˇ。 築堤防、水壩要用到很多石頭。
hkst07_503 有心打石石成磚，無心打井井無泉。 iuˊ ximˊ daˋ sag sag siinˇ zonˊ，moˇ ximˊ daˋ jiangˋ jiangˋ moˇ qienˇ。 有心鑿石石成磚，無心鑿井井無泉。
hkst07_504 凳仔个榫頭愛鬥緪來，正毋會搖搖。 den eˋ ge sunˋ teuˇ oi deu henˇ loiˇ，nang mˇ voi ieuˇ ieuˇ。 椅子的卡榫要卡緊，才不會搖動。
hkst07_505 頭擺人斷水用泥，現下人斷水用紅毛泥。 teuˇ baiˋ nginˇ donˋ suiˋ iung naiˇ，hian ha nginˇ donˋ suiˋ iung fungˇ moˊ naiˇ。 以前人堵水用泥土，現在人堵水用水泥。
hkst07_506 頭擺人起屋，會用石灰來粉壁。 teuˇ baiˋ nginˇ hiˋ vugˋ，voi iung sag foiˊ loiˇ funˋ biagˋ。 以前人蓋房子，會用石灰來塗抹牆壁。
hkst07_507 朝晨公車項都係滿滿个人，盡尖車。 zeuˊ siinˇ gungˊ caˊ hong duˊ he manˊ manˊ ge nginˇ，qin jiamˊ caˊ。 早上的公車上都是滿滿的人，車裡很擠。
hkst07_508 在臺北市坐捷運通勤，愛學會尖車个功夫。 teˊ toiˇ bedˋ sii coˊ qiab iun tungˊ kiunˇ，oi hog voi jiamˊ caˊ ge gungˊ fuˊ。 在臺北市坐捷運通勤，要學會擠車的功夫。
hkst07_509 厥田在該路尾，你大約仔行五分鐘就會到。 iaˊ tienˇ teˊ ge lu miˊ，ngˇ tai iogˋ eˊ hangˇ ngˋ funˊ zungˊ qiu voi do。 他的田在那路的終點，你大約走五分鐘就會到。
hkst07_510 做大水个時節，這河壩全全係貢黃个泥漿水。 zo tai suiˋ ge siiˇ jiedˋ，iaˋ hoˇ ba qionˇ qionˇ he gung vongˇ ge naiˇ jiongˊ suiˋ。 發生水災的時候，這河全都是黃澄澄的泥漿水。
hkst07_511 這臺車仔駛三十年吔，緊來緊食油，敢愛換過一臺？ iaˋ toiˇ caˊ eˋ siiˋ samˊ siib ngianˇ eˇ，ginˋ loiˇ ginˋ siid iuˇ，gamˋ oi von go idˋ toiˇ？ 這臺車開三十年了，越來越耗油，是否該換一臺？
hkst07_512 電爐盡食電，還係用電鑊仔過贏。 tien luˇ qin siid tien，hanˇ he iung tien vog eˋ go iangˇ。 電爐很耗電，還是用電鍋比較好。
hkst07_513 佢兩個人相舂，聽講車仔撞到綿綿，還得人驚。 iˇ liongˋ ge nginˇ xiongˊ zungˊ，tangˊ gongˋ caˊ eˋ cong do mienˇ mienˇ，hanˇ dedˋ nginˇ giangˊ。 他倆互撞，聽說車子撞得爛爛的，好可怕。
hkst07_514 屋下有人過身，孝子愛請人去外家報喪。 lugˋ kaˊ iuˊ nginˇ go siinˊ，hau ziiˋ oi qiangˋ nginˇ hi ngoi gaˊ bo songˊ。 家裡有人去世，孝子要請人去女主人的娘家報喪。
hkst07_515 家祭時，親族會送果盆來祭拜。 gaˊ ji siiˇ，qinˊ cug voi sung goˋ punˇ loiˇ ji bai。 家祭時，親族會送果盆來祭拜。
hkst07_516 阿婆堵著初一、十五都會去廟項行香。 aˊ poˇ duˇ doˋ cuˊ idˋ、siib ngˋ duˊ voi hi meu hong hangˇ hiongˊ。 祖母遇到初一、十五都會到廟裡上香。
hkst07_517 食空空，好年冬。 siid kungˊ kungˊ，hoˋ ngianˇ dungˊ。 吃光光，好年歲。
hkst07_518 堵著好歪事抑係愛去遠位，大概會先看農民曆選一個良時吉日。 duˇ doˋ hoˋ vaiˊ sii ia he oi hi ianˋ vi，tai koiˋ voi xienˊ kon nungˇ minˇ lag xienˋ idˋ ge liongˇ siiˇ gidˋ ngidˋ。 遇到喜事與喪事或者要去遠方，多半會先看農民曆選一個良辰吉日。
hkst07_519 去靈堂祭奠个時節，愛著深色个衫褲。 hi linˇ tongˇ ji tien ge siiˇ jiedˋ，oi zogˋ ciimˊ sedˋ ge samˊ fu。 去靈堂奠祭的時候，要穿深色的衣服。
hkst07_520 厥老公傷到盡嚴重，佢一哪求神託佛，望佢遽遽啊好起來。 iaˊ loˋ gungˊ songˊ do qin ngiamˇ cung，iˇ idˋ naiˋ kiuˇ siinˇ togˋ fud，mong iˇ giagˋ giagˋ a hoˋ hiˋ loiˇ。 她老公傷得很嚴重，她到處求神拜佛，盼望他趕快好起來。
hkst07_521 地理先生講，厥屋下後背山龍脈蓋靚，另擺子孫會出能人。 ti liˊ xinˊ sangˊ gongˋ，iaˊ lugˋ kaˊ heu boi sanˊ liungˇ magˋ goi jiangˊ，nang baiˋ ziiˋ sunˊ voi cudˋ nenˇ nginˇ。 風水師說，他家後面山的龍脈很漂亮，以後子孫會出能人。
hkst07_522 新時代个人，過身也毋使著傳統个老人衫吔。 xinˊ siiˇ toi ge nginˇ，go siinˊ ia mˇ siiˋ zogˋ conˇ tungˋ ge loˋ nginˇ samˊ eˇ。 新時代的人，過世也不用穿傳統的壽衣了。
hkst07_523 頭擺山肚，有盡多人分魔神仔牽著个故事。 teuˇ baiˋ sanˊ duˋ，iuˊ qin doˊ nginˇ bunˊ moˊ siinˇ eˋ kianˊ doˋ ge gu sii。 以前山裡，有很多人被魑魅魍魎帶走的故事。
hkst07_524 入年假以後，剃頭就愛起價吔。 ngib ngianˇ ga iˊ heu，ti teuˇ qiu oi hiˋ ga eˇ。 開始進入春節假期以後，理髮就要漲價了。
hkst07_525 房頭內个長輩帶等這恁多代人共下跈拜，燒金。 fongˇ teuˇ nui ge zongˋ pi dai denˋ iaˋ anˋ doˊ toi nginˇ kiung ha tenˇ bai，seuˊ gimˊ。 家族的長輩帶領著這麼多代人一起跟著祭拜，燒金紙。
hkst07_526 這坎店會恁鬧熱、恁賺錢，係因為地理屋場好。 iaˋ kamˋ diam voi anˋ nau ngiad、anˋ con qienˇ，he inˊ vi ti liˊ vugˋ congˇ hoˋ。 這間店會這麼鬧熱、這麼賺錢，是因為房屋的地理風水好。
hkst07_527 算命先生講佢同厥爸命底相沖，做毋得喊阿爸，愛喊阿叔。 son miang xinˊ sangˊ gongˋ iˇ tungˇ iaˊ baˊ miang daiˋ xiongˊ cungˊ，zo mˇ dedˋ ham aˊ baˊ，oi ham aˊ sugˋ。 命相師說他和他父親命中相剋，不可以叫爸爸，要叫叔叔。
hkst07_528 頭擺辦喪事，會請和尚來誦經。 teuˇ baiˋ pan songˊ sii，voi qiangˋ voˇ song loiˇ xiung ginˊ。 以前辦喪事，會請和尚來誦經。
hkst07_529 魚仔剁半截仔來。 ngˇ eˋ dog ban jiedˋ eˊ loiˇ。 魚剁一半來。
hkst07_530 一條豬仔分四髀。 idˋ tiauˇ zuˊ eˋ bunˊ xi biˋ。 一隻豬分成四塊。
hkst07_531 三座屋。 samˊ co vugˋ。 三座房屋。
hkst07_532 甘蔗剁短截短截。 gamˊ za dog donˋ jiedˋ donˋ jiedˋ。 甘蔗剁成短短的一段一段。
hkst07_533 紙炮仔買兩頓歸。 ziiˋ pau eˋ maiˊ liongˋ dunˋ guiˊ。 鞭炮買兩串回來。
hkst07_534 李屋分做五大房，阿太這房排第二。 liˋ vugˋ bunˊ zo ngˋ tai fongˇ，aˊ tai iaˋ fongˇ paiˇ ti ngi。 李家分成五大房，曾祖父這房是排第二的。
hkst07_535 一莢番豆。 idˋ giabˋ fanˊ teu。 一莢花生。
hkst07_536 對山頂透一管水下來，愛食愛洗盪就做得。 dui sanˊ dangˋ teu idˋ gonˋ suiˋ haˊ loiˇ，oi siid oi seˋ tongˊ qiu zo dedˋ。 從山頂引一管水下來，要喝要洗滌用都可以。
hkst07_537 秤仔同秤鉈係一付一當个，少一項就做毋得。 ciin eˋ tungˇ ciin toˇ he idˋ fu idˋ dong ge，seuˋ idˋ hong qiu zo mˇ dedˋ。 秤子跟秤鉈是一件配一件的，少一樣都不行。
hkst07_538 在樹頭下睡一覺目。 teˊ su teuˇ haˊ soi idˋ gau mugˋ。 在樹下睡一覺。
hkst07_539 一抓禾稈。一抓麵線。 idˋ zaˊ voˇ gonˋ。idˋ zaˊ mien xien。 一把禾稈。一把麵線。
hkst07_540 一坎店。 idˋ kamˋ diam。 一間店面。
hkst07_541 頭擺人賣魚仔，用篾皮桊到一桊一桊仔賣。 teuˇ baiˋ nginˇ mai ngˇ eˋ，iung med piˇ kian do idˋ kian idˋ kian eˊ mai。 以前人賣魚，用竹篾串成一串一串賣。
hkst07_542 一矻泥團。 idˋ kid naiˇ tonˇ。 一塊泥團。
hkst07_543 一廿長大約二十公分。 idˋ ngiam congˇ tai iogˋ ngi siib gungˊ funˊ。 一扠長約二十公分。
hkst07_544 一葩電火。 idˋ paˊ tien foˋ。 一盞燈。
hkst07_545 一扇壁。 idˋ san biagˋ。 一面牆。
hkst07_546 包禮少少仔，贏過失禮。 bauˊ liˊ seuˋ seuˋ eˊ，iangˇ go siidˋ liˊ。 禮包得少，好過失禮。
hkst07_547 佢種一廂芥菜，生到盡靚。 iˇ zung idˋ xiongˊ gie coi，sangˊ do qin jiangˊ。 他種一畦芥菜，長得很漂亮。
hkst07_548 屋下玩具一千擔，分佢隻把仔搞會仰仔？ lugˋ kaˊ nguanˇ kiˋ idˋ qienˊ damˊ，bunˊ iˇ zagˋ baˋ eˊ gauˋ voi ngiongˋ eˊ？ 家裡玩具一大堆，給他一兩個玩會怎樣？
hkst07_549 一百燭个電火吊兩支下去，就盡光吔。 idˋ bagˋ zugˋ ge tien foˋ diau liongˋ giˊ haˊ hi，qiu qin gongˊ eˇ。 一百燭光的電燈掛兩支下去，就很亮了。
hkst07_550 今晡日事頭正做到半爛燦仔定定，天光日繼續做核去。 ginˊ buˊ ngidˋ se teuˇ nang zo do ban lan can eˊ tin tin，tienˊ gongˊ ngidˋ gi xiug zo hedˋ hi。 今天的工作才只做了一半而已，明天繼續把它做完。
hkst07_551 阿姆這駁仔半做半尞，這下就等退休過後在屋下渡孫仔。 aˊ meˊ iaˋ bogˋ eˊ ban zo ban liau，iaˋ ha qiu denˋ tui hiuˊ go heu teˊ lugˋ kaˊ tu sunˊ eˋ。 媽媽這陣子一半的時間工作、一半的時間休息，現在就等退休後在家裡顧孫子。
hkst07_552 事頭係講做毋去，愛共快包分人做。 se teuˇ he gongˋ zo mˇ hi，oi kiung kuai bauˊ bunˊ nginˇ zo。 工作如果做不完，要快點發包給別人去做。
hkst07_553 頭擺人做媒人，登常愛自家打出本，哪有這下做仲介恁賺錢。 teuˇ baiˋ nginˇ zo moiˇ nginˇ，denˊ songˇ oi qid gaˊ daˋ cudˋ bunˋ，naiˋ iuˊ iaˋ ha zo cung giai anˋ con qienˇ。 以前人當媒人，常常要自己倒貼，哪有現在做仲介那麼賺錢。
hkst07_554 無打單，做毋得上車。 moˇ daˋ danˊ，zo mˇ dedˋ songˊ caˊ。 沒有購票，不可以上車。
hkst07_555 一百斤穀个價數係無千一銀，耕種就打毋過吔。 idˋ bagˋ ginˊ gugˋ ge ga sii he moˇ qienˊ idˋ ngiunˇ，gangˊ zung qiu daˋ mˇ go eˇ。 一百斤穀子的價錢若沒有一千一百元，耕種就不划算了。
hkst07_556 番豆、麻仔、黃豆仔，總下做得打油。 fanˊ teu、maˇ eˋ、vongˇ teu eˋ，zungˋ ha zo dedˋ daˋ iuˇ。 花生、芝麻、黃豆，全部可以榨油。
hkst07_557 佢兩個人鬥股，愛開一間便利商店。 iˇ liongˋ ge nginˇ deu guˋ，oi koiˊ idˋ gianˊ pien li songˊ diam。 他們兩個合夥，要開一間便利商店。
hkst07_558 景氣毋好，蓋多店仔連連續續倒店。 ginˋ hi mˇ hoˋ，goi doˊ diam eˋ lienˇ lienˇ xiug xiug doˋ diam。 景氣不好，很多店陸陸續續倒閉。
hkst07_559 這批貨毋好銷，用話玲琅來賣看啊！ iaˋ piˊ fo mˇ hoˋ seuˊ，iung fa linˇ longˇ loiˇ mai kon a！ 這批貨不好銷，用叫賣兜售的方式來賣看看！
hkst07_560 伸著一息貨腳仔，便宜貴賤賣賣核去。 cunˊ doˋ idˋ xidˋ fo giogˋ eˋ，pienˇ ngiˇ gui qien mai mai hedˋ hi。 剩下一些餘貨，不管價錢好壞通通賣掉。
hkst07_561 阿安伯耕園耕圃，每日做到兩頭烏。 aˊ onˊ bagˋ gangˊ ianˇ gangˊ puˊ，miˊ ngidˋ zo do liongˋ teuˇ vuˊ。 阿安伯辛勤的耕作，每日從早忙到晚。
hkst07_562 尾牙暗晡，店家全部都辦桌請交關主顧。 miˊ ngaˇ am buˊ，diam gaˊ qionˇ pu duˊ pan zogˋ qiangˋ gauˊ gonˊ zuˋ gu。 尾牙的晚上，店家全都辦酒席請經常往來的客戶。
hkst07_563 這東西正出，還貴參參仔，等到大出該下，會過便宜。 iaˋ dungˊ xiˊ nang cudˋ，hanˇ gui semˊ semˊ eˊ，denˋ do tai cudˋ ge ha，voi go pienˇ ngiˇ。 這東西剛出來，還貴得很，等到盛產時，會比較便宜。
hkst07_564 𠊎做這個閒頭路，一日賺毋著麼个錢。 ngaiˇ zo iaˋ ge hanˇ teuˇ lu，idˋ ngidˋ con mˇ doˋ maˋ ge qienˇ。 我做這個閒差事，一天賺不了什麼錢。
hkst07_565 水庫完工後，這所在个耕種人蔭田就過方便吔。 suiˋ ku vanˇ gungˊ heu，iaˋ soˋ cai ge gangˊ zung nginˇ im tienˇ qiu go fongˊ pien eˇ。 水庫完工後，這地方的農夫引水灌溉田地就比較方便了。
hkst07_566 做生理愛有秤頭，人客正會輒輒來交關。 zo senˊ liˊ oi iuˊ ciin teuˇ，nginˇ hagˋ nang voi jiab jiab loiˇ gauˊ gonˊ。 做生意斤兩要足，客人才會經常來買東西。
hkst07_567 做人个乞食頭路，一個月賺無幾多錢，盡難過日仔。 zo nginˇ ge kiedˋ siid teuˇ lu，idˋ ge ngiad con moˇ idˋ doˊ qienˇ，qin nanˇ go ngidˋ eˋ。 做了不好的職業，一個月賺沒多少錢，很難過日子。
hkst07_568 天穿日過，大家都無閒掖秧仔。 tienˊ conˊ ngidˋ go，tai gaˊ duˊ moˇ hanˇ ie iongˊ eˋ。 天穿日過後，大家都忙著播種。
hkst07_569 高麗菜大出，這下大落價，一粒賣無十個銀。 goˊ li coi tai cudˋ，iaˋ ha tai log ga，idˋ liab mai moˇ siib ge ngiunˇ。 高麗菜大量出產，現在價錢狂跌，一顆賣不到十元。
hkst07_570 單身哥阿換伯過身，莊民拈錢打扮佢上山頭。 danˊ siinˊ goˊ aˊ von bagˋ go siinˊ，zongˊ minˇ ngiamˊ qienˇ daˋ ban iˇ songˊ sanˊ teuˇ。 單身漢阿換伯去世，村民募款幫他打點出殯。
hkst07_571 這間店仔賣个東西便宜值食，故所生理十分好。 iaˋ gianˊ diam eˋ mai ge dungˊ xiˊ pienˇ ngiˇ dad siid，gu soˋ senˊ liˊ siib funˊ hoˋ。 這間店賣的東西物美價廉，所以生意十分好。
hkst07_572 車仔買啊去，月給七除八扣，每隻月伸著五千銀好使。 caˊ eˋ maiˊ a hi，ngiad gibˋ qidˋ cuˇ badˋ kieu，miˊ zagˋ ngiad cunˊ doˋ ngˋ qienˊ ngiunˇ hoˋ siiˋ。 車子買下去，薪水扣這扣那的，每個月剩五千元可用。
hkst07_573 這本書盡有銷，正入貨就賣淨淨。 iaˋ bunˋ suˊ qin iuˊ seuˊ ，nang ngib fo qiu mai qiang qiang。 這本書很暢銷，剛進貨就賣光光。
hkst07_574 貌頭承包工程係靠送紅包得標，係犯罪个。 mau teuˇ siinˇ bauˊ gungˊ cangˇ he ko sung fungˇ bauˊ dedˋ beuˊ，he fam cui ge。 承包商承包工程如果靠送紅包得標，是犯罪的。
hkst07_575 聽講頭擺厥公做土地代書个時節，屋下不時有人來送大閹雞。 tangˊ gongˋ teuˇ baiˋ iaˊ gungˊ zo tuˋ ti toi suˊ ge siiˇ jiedˋ，lugˋ kaˊ budˋ siiˇ iuˊ nginˇ loiˇ sung tai iamˊ gieˊ。 聽說以前他爺爺做土地代書的時候，家裡經常有人來送厚禮。
hkst07_576 厥屋下盡鬆頭，難怪衫褲著到恁派頭。 iaˊ lugˋ kaˊ qin sungˊ teuˇ，nanˇ guai samˊ fu zogˋ do anˋ pai teuˇ。 他們家經濟狀況很好，難怪衣裳穿得這麼氣派。
hkst07_577 阿乾哥專門做大賣，店仔開幾下間，怕賺不少錢吔喲。 aˊ kianˇ goˊ zonˊ munˇ zo tai mai，diam eˋ koiˊ idˋ haˊ gianˊ，pa con budˋ seuˋ qienˇ eˇ ioˊ。 阿乾哥專門做批發，店開好幾間，可能賺不少錢了。
hkst07_578 佢係新腳仔，有兜事情來去可能過毋知，你愛多教佢哦。 iˇ he xinˊ giogˋ eˋ，iuˊ deuˊ sii qinˇ loiˇ hi koˋ nenˇ go mˇ diˊ，ngˇ oi doˊ gauˊ iˇ oˋ。 他是新手，有些事情往來可能比較不懂，你要多教他喲。
hkst07_579 這頭路係做件仔个，有做正有錢，無像一般人上班領月給。 iaˋ teuˇ lu he zo kian eˋ ge，iuˊ zo nang iuˊ qienˇ，moˇ qiong idˋ banˊ nginˇ songˊ banˊ liangˊ ngiad gibˋ。 這工作是論件計酬的，有做才有錢，不像一般人上班領月薪。
hkst07_580 佢一哪去同人做小工，來畜大一群大細。 iˇ idˋ naiˋ hi tungˇ nginˇ zo seuˋ gungˊ，loiˇ hiugˋ tai idˋ kiunˇ tai se。 他到處去幫人打零工，拉拔大一群兒女。
hkst07_581 去市場項捉雞仔。捉狗子歸來畜。 hi sii congˇ hong zogˋ gieˊ eˋ、zogˋ gieuˋ ziiˋ guiˊ loiˇ hiugˋ。 去市場買雞。跟人家抱小狗回來養。
hkst07_582 田打好吔！提早轉擺來去街項逛逛啊！看有恁多麼个好買。 tienˇ daˋ hoˋ eˇ！tiˇ zonˋ zonˋ baiˋ loiˇ hi giaiˊ hong gong gong a！kon iuˊ anˋ doˊ maˋ ge hoˋ maiˊ。 田整好了！提早收工休息去街上逛逛！看有些什麼好買。
hkst07_583 今晡日輪到你掌夜，莫睡核哦！ ginˊ buˊ ngidˋ linˇ do ngˇ zongˋ ia，mog soi hedˋ oˋ！ 今天輪到你守夜，別睡著了喲！
hkst07_584 做裝潢。 zo zongˊ fongˇ。 從事裝潢行業。
hkst07_585 阿明這下做中人，專門在該賣屋仔。 aˊ minˇ iaˋ ha zo zungˊ nginˇ，zonˊ munˇ teˊ ge mai vugˋ eˋ。 阿明現在做仲介，專門在那賣房子。
hkst07_586 細人仔發病仔，佢急到一哪仔去舂錢。 se nginˇ eˋ bodˋ piang eˋ，iˇ gibˋ do idˋ naiˋ eˋ hi zungˊ qienˇ。 小孩子生病，他急得到處去籌錢。
hkst07_587 厥老弟做泥水，這下做到盡出面。 iaˊ loˋ taiˊ zo naiˇ suiˋ，iaˋ ha zo do qin cudˋ mien。 他的弟弟做水泥工程，現在做得很有規模。
hkst07_588 大人細子都蓋好看人變把戲。 tai nginˇ se ziiˋ duˊ goi hau kon nginˇ bien baˋ hi。 大人小孩都很喜歡看人表演雜技。
hkst07_589 頭擺客人唱山歌、打採茶，日仔乜過來盡快樂。 teuˇ baiˋ hagˋ nginˇ cong sanˊ goˊ、daˋ caiˋ caˇ，ngidˋ eˋ me go loiˇ qin kuai log。 以前客家人唱山歌、演採茶戲，日子也過得蠻快樂的。
hkst07_590 吾爸頭擺蓋好去大廟坪看人打拳頭。 ngaˊ baˊ teuˇ baiˋ goi hau hi tai meu piangˇ kon nginˇ daˋ kianˇ teuˇ。 我爸以前很喜歡去廟口看人打拳。
hkst07_591 聽講行棋仔、打麻雀做得預防老人痴呆症。 tangˊ gongˋ hangˇ kiˇ eˋ、daˋ maˇ jiogˋ zo dedˋ i fongˇ loˋ nginˇ ciiˊ ngoiˇ ziin。 聽說下棋、打麻將可以預防老人痴呆症。
hkst07_592 佢兩公婆退休過後，透日遶山花，還樂線哦。 iˇ liongˋ gungˊ poˇ tui hiuˊ go heu，teu ngidˋ lauˊ sanˊ faˊ，hanˇ log xien oˊ。 他們夫妻倆退休後，整日遊覽山光景色，真悠閒啊。
hkst07_593 老古人言講：「食人一口，還人一斗。」 loˋ guˋ nginˇ ngianˇ gongˋ：「siid nginˇ idˋ heuˋ，vanˇ nginˇ idˋ deuˋ。」 古人說：「吃人一口，還人一斗。」
hkst07_594 木匠愛將樹筒劈畀直，會先用墨斗彈線。 mugˋ xiong oi jiongˊ su tungˇ piagˋ biˋ ciid，voi xienˊ iung med deuˋ tanˇ xien。 木匠要把樹幹裁劈成直，會先用墨斗彈線。
hkst07_595 佢係這個活動个大跤，無佢斯麻煩吔。 iˇ he iaˋ ge fad tung ge tai kaˇ，moˇ iˇ siiˇ maˇ fanˇ eˇ。 他是這場活動的要角，沒他可就麻煩了。
hkst07_596 係無過煞猛兜仔，功課會跈人毋著。 he moˇ go sadˋ mangˊ deuˊ eˊ，gungˊ ko voi tenˇ nginˇ mˇ doˋ。 若不努力些，功課會跟不上別人。