2021國中朗讀稿：
| 編號 | 例句 | 語音合成 | 六堆客語拼音 | 華譯 |
|---|---|---|---|---|
| juni21_001 | 路燈著吔，林伯殷原作。 | lu denˊ cog eˇ, limˇ bagˋ inˊ ngianˇ zogˋ. | 無 | |
| juni21_002 | 臨暗邊，天還盡光華，屋脣个路燈就著吔，係無看過真兜仔。 | limˇ am bienˊ, tienˊ vanˇ qin gongˊ faˇ, vugˋ siinˇ ge lu denˊ qiu cog eˇ, he moˇ kon go ziinˊ deuˊ eˊ. | 無 | |
| juni21_003 | 初滿還正經毋知路燈早都著吔，一直愛等到天轉暗。 | cuˊ manˊ vanˇ ziin ginˊ mˇ diˊ lu denˊ zoˋ duˊ cog eˇ, idˋ ciid oi denˋ do tienˊ zonˋ am. | 無 | |
| juni21_004 | 路燈个火正會緊來緊光，正確確實實知自家屋脣个路燈著吔！ | lu denˊ ge foˋ nang voi ginˋ loiˇ ginˋ gongˊ, nang kogˋ kogˋ siid siid diˊ qid gaˊ vugˋ siinˇ ge lu denˊ cog eˇ! | 無 | |
| juni21_005 | 在暗晡頭，這支路燈同𠊎屋脣个大路射啊光光。 | teˊ am buˊ teuˇ, iaˋ giˊ lu denˊ tungˇ ngaiˇ vugˋ siinˇ ge tai lu sa a gongˊ gongˊ. | 無 | |
| juni21_006 | 同出出入入个人車照到清清楚楚，每日食飽夜後。 | tungˇ cudˋ cudˋ ngib ngib ge nginˇ caˊ zeu do qinˊ qinˊ cuˋ cuˋ, miˊ ngidˋ siid bauˋ ia heu. | 無 | |
| juni21_007 | 鄰舍會企在路燈下打嘴鼓，共下等地圾車來，熱天時，屋肚過熱。 | linˇ sa voi kiˊ teˊ lu denˊ haˊ daˋ zoi guˋ, kiung ha denˋ ti sebˋ caˊ loiˇ, ngiad tienˊ siiˇ, vugˋ duˋ go ngiad. | 無 | |
| juni21_008 | 路燈下自然就變做尞涼，散步个所在，等到寒天時。 | lu denˊ haˊ cii ianˇ qiu bien zo liau liongˇ, san pu ge soˋ cai, denˋ do honˇ tienˊ siiˇ. | 無 | |
| juni21_009 | 路燈又變做一盞光明燈，像人同𠊎講，看著佢，燒暖个屋下就到吔！ | lu denˊ iu bien zo idˋ zanˋ gongˊ minˇ denˊ, qiong nginˇ tungˇ ngaiˇ gongˋ, kon doˋ iˇ, seuˊ nonˊ ge lugˋ kaˊ qiu do eˇ! | 無 | |
| juni21_010 | 臨天光，路燈就開始慢慢行下戲棚，天緊光，路燈火就緊看毋著，最尾。 | limˇ tienˊ gongˊ, lu denˊ qiu koiˊ siiˋ man man hangˇ haˊ hi pangˇ, tienˊ ginˋ gongˊ, lu denˊ foˋ qiu ginˋ kon mˇ doˋ, zuiˋ miˊ. | 無 | |
| juni21_011 | 連麼个時節烏核个乜無人知，路燈盡知進退，完全毋會去同日頭搶光。 | lienˇ maˋ ge siiˇ jiedˋ vuˊ hedˋ ge me moˇ nginˇ diˊ, lu denˊ qin diˊ jin tui, vanˇ qionˇ mˇ voi hi tungˇ ngidˋ teuˇ qiongˋ gongˊ. | 無 | |
| juni21_012 | 在日時頭，路燈就在該恬恬等，等夜來个時節，就做得好好發揮一下。 | teˊ ngidˋ siiˇ teuˇ, lu denˊ qiu teˊ ge diamˊ diamˊ denˋ, denˋ ia loiˇ ge siiˇ jiedˋ, qiu zo dedˋ hoˋ hoˋ fadˋ fiˊ idˋ ha. | 無 | |
| juni21_013 | 等到斷烏吔，路燈準時來上棚！ | denˋ do tonˊ vuˊ eˇ, lu denˊ zunˋ siiˇ loiˇ songˊ pangˇ! | 無 | |
| juni21_014 | 同負責个所在照到光光華華，久吔，人嗄分路燈縱壞。 | tungˇ fu jidˋ ge soˋ cai zeu do gongˊ gongˊ faˇ faˇ, giuˋ eˇ, nginˇ sa bunˊ lu denˊ jiungˋ fai. | 無 | |
| juni21_015 | 毋記得佢每暗晡就恁認分，恁煞猛，一直愛到有一夜。 | mˇ gi dedˋ iˇ miˊ am buˊ qiu anˋ ngin fun, anˋ sadˋ mangˊ, idˋ ciid oi do iuˊ idˋ ia. | 無 | |
| juni21_016 | 發現本旦該光个地方還暗暗，正會知路燈原來有恁好惜。 | fadˋ hian bunˋ danˋ ge gongˊ ge ti fongˊ vanˇ am am, nang voi diˊ lu denˊ ngianˇ loiˇ iuˊ anˋ hoˋ xiagˋ. | 無 | |
| juni21_017 | 想起𠊎个老屋，暗晡頭斯屋脣一哪仔暗摸叮咚，係無擎火，根本就行無路。 | xiongˋ hiˋ ngaiˇ ge loˋ vugˋ, am buˊ teuˇ siiˊ vugˋ siinˇ idˋ nai eˋ am moˊ dinˇ dungˇ, he moˇ kiangˇ foˋ, ginˊ bunˋ qiu hangˇ moˇ lu. | 無 | |
| juni21_018 | 毋使想出半步門。 | mˇ siiˋ xiongˋ cudˋ ban pu munˇ. | 無 | |
| juni21_019 | 毋過，就算有擎火行路，該細粒个電火珠發出弱弱个光照著路來。 | mˇ go, qiu son iuˊ kiangˇ foˋ hangˇ lu, ge se liab ge tien foˋ zuˊ fadˋ cudˋ ngiog ngiog ge gongˊ zeu doˋ lu loiˇ. | 無 | |
| juni21_020 | 就驚怕頭那頂項有蝲䗁絲，照等頭那頂來。 | qiu giangˊ pa teuˇ naˇ dangˋ hong iuˊ laˇ kiaˇ xiˊ, zeu denˋ teuˇ naˇ dangˋ loiˇ. | 無 | |
| juni21_021 | 又驚怕蛇哥隨時會對路脣趖出來。 | iu giangˊ pa saˇ goˊ suiˇ siiˇ voi dui lu siinˇ soˇ cudˋ loiˇ. | 無 | |
| juni21_022 | 毋管自家仰仔細心細意，心肝肚還係會驚驚險險，仰當得這下个路燈火。 | mˇ gonˋ qid gaˊ ngiongˋ eˇ se ximˊ se i, ximˊ gonˊ duˋ vanˇ he voi giangˊ giangˊ hiamˋ hiamˋ, ngiongˋ dong dedˋ iaˋ ha ge lu denˊ foˋ. | 無 | |
| juni21_023 | 分人恁安心，恁自在！ | bunˊ nginˇ anˋ onˊ ximˊ, anˋ cii cai! | 無 | |
| juni21_024 | 一支路燈，照光个地方盡有限，毋過，路燈係一支一支連起來个。 | idˋ giˊ lu denˊ, zeu gongˊ ge ti fongˊ qin iuˊ han, mˇ go, lu denˊ he idˋ giˊ idˋ giˊ lienˇ hiˋ loiˇ ge. | 無 | |
| juni21_025 | 該就做得照光一個莊頭，一條街路，一個都市，路燈毋單淨照光一個地方。 | ge qiu zo dedˋ zeu gongˊ idˋ ge zongˊ teuˇ, idˋ tiauˇ giaiˊ lu, idˋ ge duˊ sii, lu denˊ mˇ danˊ qiang zeu gongˊ idˋ ge ti fongˊ. | 無 | |
| juni21_026 | 乜減少吔日同夜个爭差，改變吔人个生活，都市裡背个公園。 | me gamˋ seuˋ eˇ ngidˋ tungˇ ia ge zenˊ caˊ, goiˋ bien eˇ nginˇ ge senˊ fad, duˊ sii diˊ boi ge gungˊ ianˇ. | 無 | |
| juni21_027 | 暗晡頭還有人在該練氣功，跳舞同運動。 | am buˊ teuˇ vanˇ iuˊ nginˇ teˊ ge lien hi gungˊ, tiau vuˋ tungˇ iun tung. | 無 | |
| juni21_028 | 大路項乜還有人行路同騎自行車，係無路燈，敢有可能？ | tai lu hong me vanˇ iuˊ nginˇ hangˇ lu tungˇ kiˇ cii hangˇ caˊ, he moˇ lu denˊ, gamˋ iuˊ koˋ nenˇ? | 無 | |
| juni21_029 | 暗吔！ | am eˇ! | 無 | |
| juni21_030 | 路燈又著吔！ | lu denˊ iu cog eˇ! | 無 | |
| juni21_031 | 𠊎知路燈會同蓋多暗暗个地方照到光華華仔，分人方便上下。 | ngaiˇ diˊ lu denˊ voi tungˇ goi doˊ am am ge ti fongˊ zeu do gongˊ vaˇ vaˇ eˊ, bunˊ nginˇ fongˊ pien songˊ haˊ. | 無 | |
| juni21_032 | 分人做得安心，𠊎乜知有蓋多人同路燈共樣。 | bunˊ nginˇ zo dedˋ onˊ ximˊ, ngaiˇ me diˊ iuˊ goi doˊ nginˇ tungˇ lu denˊ kiung iong. | 無 | |
| juni21_033 | 恬恬仔在該照光𠊎等个社會。 | diamˊ diamˊ eˊ teˊ ge zeu gongˊ ngaiˇ denˊ ge sa fi. | 無 | |
| juni21_034 | 學泅水，徐姿華原作。 | hog qiuˇ suiˋ, qiˇ ziiˊ faˇ ngianˇ zogˋ. | 無 | |
| juni21_035 | 𠊎從細就蓋驚水，小學一年生該下，先生鼓勵大家學泅水。 | ngaiˇ qiungˇ se qiu goi giangˊ suiˋ, seuˋ hog idˋ ngianˇ senˊ ge ha, xinˊ sangˊ guˋ li tai gaˊ hog qiuˇ suiˋ. | 無 | |
| juni21_036 | 講泅水係蓋好个運動，身邊个好同學做下學曉泅水吔。 | gongˋ qiuˇ suiˋ he goi hoˋ ge iun tung, siinˊ bienˊ ge hoˋ tungˇ hog zo ha hog hiauˋ qiuˇ suiˋ eˇ. | 無 | |
| juni21_037 | 逞強个𠊎毋肯輸人，歸去屋下緊嘺阿姆講愛去學泅水。 | ciinˋ kiongˇ ge ngaiˇ mˇ henˋ suˊ nginˇ, guiˊ hi lugˋ kaˊ ginˋ kieuˇ aˊ meˊ gongˋ oi hi hog qiuˇ suiˋ. | 無 | |
| juni21_038 | 趕暑假，阿姆同𠊎尋著一間溫水个游泳池。 | gonˋ suˋ gaˋ, aˊ meˊ tungˇ ngaiˇ qimˇ doˋ idˋ gianˊ vunˊ suiˋ ge iuˇ iunˋ ciiˇ. | 無 | |
| juni21_039 | 還問著名聲盡好个教練來教𠊎，過買一身靚靚个連身游泳衫分𠊎。 | vanˇ mun doˋ miangˇ sangˊ qin hoˋ ge gau lien loiˇ gauˊ ngaiˇ, go maiˊ idˋ siinˊ jiangˊ jiangˊ ge lienˇ siinˊ iuˇ iunˋ samˊ bunˊ ngaiˇ. | 無 | |
| juni21_040 | 鼓勵𠊎勇敢去學泅水。 | guˋ li ngaiˇ iungˋ gamˋ hi hog qiuˇ suiˋ. | 無 | |
| juni21_041 | 第一擺去到游泳池，又驚又好。 | ti idˋ baiˋ hi do iuˇ iunˋ ciiˇ, iu giangˊ iu hau. | 無 | |
| juni21_042 | 做好體操，教練帶𠊎同另外四個學生仔練習沒洎汨，學換氣。 | zo hoˋ tiˋ cauˊ, gau lien dai ngaiˇ tungˇ nang ngoi xi ge hog sangˊ eˋ lien xib mud qi mi, hog von hi. | 無 | |
| juni21_043 | 教練同𠊎等一個一個扐入游泳池，佢等乖乖聽教練指示。 | gau lien tungˇ ngaiˇ denˊ idˋ ge idˋ ge led ngib iuˇ iunˋ ciiˇ, iˇ denˊ guaiˊ guaiˊ tangˊ gau lien ziiˋ sii. | 無 | |
| juni21_044 | 同頭那伸入水裡肚，𠊎嚇啊潑命扳等游泳池畔，腳勼勼毋敢沾著水。 | tungˇ teuˇ naˇ cunˊ ngib suiˋ diˊ duˋ, ngaiˇ hagˋ a padˋ miang banˊ denˋ iuˇ iunˋ ciiˇ pan, giogˋ giuˊ giuˊ mˇ gamˋ demˊ doˋ suiˋ. | 無 | |
| juni21_045 | 抽胲潑命，噭啊目流濞串，像分人苦毒啊盡慘个樣式。 | cuˊ goiˊ padˋ miang, gieu a mugˋ liuˇ pi con, qiong bunˊ nginˇ kuˋ tug a qin camˋ ge iong siidˋ. | 無 | |
| juni21_046 | 脣口个人做下緊看𠊎緊㖸，教練緊拐𠊎，𠊎還係噭到失聲，毋肯下水。 | siinˇ heuˋ ge nginˇ zo ha ginˋ kon ngaiˇ ginˋ nagˋ, gau lien ginˋ guaiˋ ngaiˇ, ngaiˇ vanˇ he gieu do siidˋ sangˊ, mˇ henˋ haˊ suiˋ. | 無 | |
| juni21_047 | 高不將就請阿姆同𠊎帶歸去。 | goˊ budˋ jiongˊ qiu qiangˋ aˊ meˊ tungˇ ngaiˇ dai guiˊ hi. | 無 | |
| juni21_048 | 該暗晡，阿爸好聲好氣鼓勵𠊎繼續去學泅水，阿姆就唉唉唧唧道嘆。 | ge am buˊ, aˊ baˊ hoˋ sangˊ hoˋ hi guˋ li ngaiˇ gi xiug hi hog qiuˇ suiˋ, aˊ meˊ qiu aiˊ aiˊ jid jid to tan. | 無 | |
| juni21_049 | 係毋去上課就會白白了核學費，無好退。 | he mˇ hi song ko qiu voi pag pag liauˋ hedˋ hog fi, moˇ hoˋ tui. | 無 | |
| juni21_050 | 阿哥乜分享佢自家學泅水个經驗。 | aˊ goˊ me funˊ hiongˋ iˇ qid gaˊ hog qiuˇ suiˋ ge ginˊ ngiam. | 無 | |
| juni21_051 | 還拿出佢盡毋盼得个極樂仔講愛做𠊎學曉泅水个獎品。 | vanˇ naˊ cudˋ iˇ qin mˇ pan dedˋ ge kid log eˋ gongˋ oi zo ngaiˇ hog hiauˋ qiuˇ suiˋ ge jiongˋ pinˋ. | 無 | |
| juni21_052 | 在大家个鼓勵之下，𠊎答應第二日愛過去上游泳課。 | teˊ tai gaˊ ge guˋ li ziiˊ ha, ngaiˇ dabˋ in ti ngi ngidˋ oi go hi song iuˇ iunˋ ko. | 無 | |
| juni21_053 | 第二日朝晨，阿姆愛載𠊎去上游泳課，催啊催𠊎還係趖趖趖趖。 | ti ngi ngidˋ zeuˊ siinˇ, aˊ meˊ oi zoi ngaiˇ hi song iuˇ iunˋ ko, cuiˊ a cuiˊ ngaiˇ vanˇ he soˇ soˇ so so. | 無 | |
| juni21_054 | 拖拖挷挷毋肯停動。 | toˊ toˊ bangˊ bangˊ mˇ henˋ tinˊ tungˊ. | 無 | |
| juni21_055 | 上課時間硬硬會赴毋掣吔，阿姆發譴拿出雞毛掃仔愛修理𠊎。 | song ko siiˇ gianˊ ngiang ngiang voi fu mˇ cadˋ eˇ, aˊ meˊ fadˋ kienˋ naˊ cudˋ gieˊ moˊ so eˋ oi xiuˊ liˊ ngaiˇ. | 無 | |
| juni21_056 | 𠊎試著蓋委屈，又驚阿姆打又驚愛下水泅水，就噭啊毋知聲說。 | ngaiˇ cii doˋ goi viˊ kiudˋ, iu giangˊ aˊ meˊ daˋ iu giangˊ oi haˊ suiˋ qiuˇ suiˋ, qiu gieu a mˇ diˊ sangˊ sodˋ. | 無 | |
| juni21_057 | 歸條巷仔都聽啊清清楚楚。 | guiˊ tiauˇ hong eˋ duˊ tangˊ a qinˊ qinˊ cuˋ cuˋ. | 無 | |
| juni21_058 | 鄰舍過來關心，知著𠊎係驚泅水正噭啊大嫲聲，做下忍等無㖸。 | linˇ sa go loiˇ guanˊ ximˊ, diˊ doˋ ngaiˇ he giangˊ qiuˇ suiˋ nang gieu a tai maˇ sangˊ, zo ha ngiunˊ denˋ moˇ nagˋ. | 無 | |
| juni21_059 | 加過鼓勵𠊎。 | gaˊ go guˋ li ngaiˇ. | 無 | |
| juni21_060 | 就恁仔，該站時間，朝晨頭巷頭巷尾係有聽著𠊎又噭啊哇哇滾。 | qiu anˋ eˊ, ge cam siiˇ gianˊ, zeuˊ siinˇ teuˇ hong teuˇ hong miˊ he iuˊ tangˊ doˋ ngaiˇ iu gieu a va va gunˋ. | 無 | |
| juni21_061 | 就知該日𠊎又愛去上游泳課吔。 | qiu diˊ ge ngidˋ ngaiˇ iu oi hi song iuˇ iunˋ ko eˇ. | 無 | |
| juni21_062 | 經過三禮拜个練習，游泳課个同學一批一批學曉走吔，同學換啊換。 | ginˊ go samˊ liˊ bai ge lien xib, iuˇ iunˋ ko ge tungˇ hog idˋ piˊ idˋ piˊ hog hiauˋ zeuˋ eˇ, tungˇ hog von a von. | 無 | |
| juni21_063 | 𠊎還係手同腳落鉸毋著，手記得划水吔腳又毋記得踢水，實在毋得結煞。 | ngaiˇ vanˇ he suˋ tungˇ giogˋ labˋ gau mˇ doˋ, suˋ gi dedˋ paˇ suiˋ eˇ giogˋ iu mˇ gi dedˋ tedˋ suiˋ, siid cai mˇ dedˋ gadˋ sadˋ. | 無 | |
| juni21_064 | 有一日，𠊎自家練習，毋多知手同腳配合得著吔，泅有五公尺恁遠。 | iuˊ idˋ ngidˋ, ngaiˇ qid gaˊ lien xib, mˇ doˊ diˊ suˋ tungˇ giogˋ pi hab dedˋ doˋ eˇ, qiuˇ iuˊ ngˋ gungˊ cagˋ anˋ ianˋ. | 無 | |
| juni21_065 | 心肝肚實在還歡喜哦！ | ximˊ gonˊ duˋ siid cai vanˇ fonˊ hiˋ oˋ! | 無 | |
| juni21_066 | 𠊎繼續練習，緊來緊熟手，手腳乜緊來緊省力，圓身也緊來緊輕鬆。 | ngaiˇ gi xiug lien xib, ginˋ loiˇ ginˋ sug suˋ, suˋ giogˋ me ginˋ loiˇ ginˋ sangˋ lid, ianˇ siinˊ ia ginˋ loiˇ ginˋ kiangˊ sungˊ. | 無 | |
| juni21_067 | 第一擺感受著泅水个生趣。 | ti idˋ baiˋ gamˋ su doˋ qiuˇ suiˋ ge senˊ qi. | 無 | |
| juni21_068 | 感謝該當時，屋下人个支持。 | gamˋ qia ge dongˊ siiˇ, lugˋ kaˊ nginˇ ge ziiˊ ciiˇ. | 無 | |
| juni21_069 | 同時鼓勵驚水个𠊎面對自家个困難去學泅水。 | tungˇ siiˇ guˋ li giangˊ suiˋ ge ngaiˇ mien dui qid gaˊ ge kun nanˇ hi hog qiuˇ suiˋ. | 無 | |
| juni21_070 | 分𠊎有機會去克服自家軟弱个所在。 | bunˊ ngaiˇ iuˊ giˊ fi hi kiedˋ fug qid gaˊ ngionˊ ngiog ge soˋ cai. | 無 | |
| juni21_071 | 這下个𠊎，毋單淨曉得泅水，乜做得硬程迎接人生个各種挑戰。 | iaˋ ha ge ngaiˇ, mˇ danˊ qiang hiauˋ dedˋ qiuˇ suiˋ, me zo dedˋ ngang cangˇ ngiangˇ jiabˋ nginˇ senˊ ge gogˋ zungˋ tiauˊ zan. | 無 | |
| juni21_072 | 拈田螺，郭亭妤原作。 | ngiamˊ tienˇ loˇ, gogˋ tinˇ iˇ ngianˇ zogˋ. | 無 | |
| juni21_073 | 蓋久毋識歸鄉下，記得鄉下个風特別涼，天特別青。 | goi giuˋ mˇ siidˋ guiˊ hiongˊ ha, gi dedˋ hiongˊ ha ge fungˊ tid pied liongˇ, tienˊ tid pied qiangˊ. | 無 | |
| juni21_074 | 熱天𠊎同老妹不時分烈烈个日頭逐去大樹下庰。 | ngiad tienˊ ngaiˇ tungˇ loˋ moi budˋ siiˇ bunˊ ladˋ ladˋ ge ngidˋ teuˇ giugˋ hi tai su haˊ biang. | 無 | |
| juni21_075 | 坐在阿爸用粗麻索䌈樹枋仔做个晃槓仔項。 | coˊ teˊ aˊ baˊ iung cuˊ maˇ sogˋ tagˋ su biongˊ eˋ zo ge gongˇ gong eˋ hong. | 無 | |
| juni21_076 | 一個人拿一支涼沁沁个枝仔冰，緊舐冰緊吊晃槓，涼涼个風吹過來。 | idˋ ge nginˇ naˊ idˋ giˊ liongˇ xim xim ge giˊ eˋ benˊ, ginˋ seˊ benˊ ginˋ diau gongˇ gong, liongˇ liongˇ ge fungˊ coiˊ go loiˇ. | 無 | |
| juni21_077 | 還有樹頂項歸陣仔蟬仔在該，掞掞衣，掞掞衣，唱歌仔分𠊎聽。 | vanˇ iuˊ su dangˋ hong guiˊ ciin eˊ samˇ eˋ teˊ ge, iam iam iˊ, iam iam iˊ, cong goˊ eˋ bunˊ ngaiˇ tangˊ. | 無 | |
| juni21_078 | 有時節屋簷鳥，白頭公這兜乜來鬥鬧熱，毋驚人个膨尾鼠。 | iuˊ siiˇ jiedˋ vugˋ iamˇ diauˊ, pag teuˇ gungˊ iaˋ deuˊ me loiˇ deu nau ngiad, mˇ giangˊ nginˇ ge pong miˊ cuˋ. | 無 | |
| juni21_079 | 也會在樹頂項上上下下，跳來跳去。 | ia voi teˊ su dangˋ hong songˊ songˊ haˊ haˊ, tiau loiˇ tiau hi. | 無 | |
| juni21_080 | 還毋曾讀書个𠊎同老妹歸日仔跈等阿公，阿婆尞。 | vanˇ mˇ qienˇ tug suˊ ge ngaiˇ tungˇ loˋ moi guiˊ ngidˋ eˋ tenˇ denˋ aˊ gungˊ, aˊ poˇ liau. | 無 | |
| juni21_081 | 有一日阿公愛去巡田水，問講想愛跈佢去拈田螺仔無？ | iuˊ idˋ ngidˋ aˊ gungˊ oi hi sunˇ tienˇ suiˋ, mun gongˋ xiongˋ oi tenˇ iˇ hi ngiamˊ tienˇ loˇ eˋ moˇ? | 無 | |
| juni21_082 | 好搞个𠊎隨應好，老妹乜講愛跈。 | hau gauˋ ge ngaiˇ suiˇ in hoˋ, loˋ moi me gongˋ oi tenˇ. | 無 | |
| juni21_083 | 阿公跋上棚頂个閒間，揙出兩雙細水靴筒來分𠊎等換。 | aˊ gungˊ bagˋ songˊ pangˇ dangˋ ge hanˇ gianˊ, bienˋ cudˋ liongˋ sungˊ se suiˋ hioˊ tungˇ loiˇ bunˊ ngaiˇ denˊ von. | 無 | |
| juni21_084 | 過拿兩頂草帽分𠊎等戴，佢自家乜戴一頂大笠嫲。 | go naˊ liongˋ dangˋ coˋ mo bunˊ ngaiˇ denˊ dai, iˇ qid gaˊ me dai idˋ dangˋ tai libˋ maˇ. | 無 | |
| juni21_085 | 阿公肩頭擎等钁頭行頭前，𠊎同老妹一儕擐一隻細錫桶跈背尾。 | aˊ gungˊ gienˊ teuˇ kiangˇ denˋ giogˋ teuˇ hangˇ teuˇ qienˇ, ngaiˇ tungˇ loˋ moi idˋ saˇ kuan idˋ zagˋ se xiagˋ tungˋ tenˇ boi miˊ. | 無 | |
| juni21_086 | 𠊎等歸路仔啦歌哩曲蓋歡喜，阿公笑咪咪仔阿腦𠊎等唱來還好聽。 | ngaiˇ denˊ guiˊ lu eˋ laˊ goˊ liˊ kiugˋ goi fonˊ hiˋ, aˊ gungˊ seu miˊ miˊ eˊ oˊ noˋ ngaiˇ denˊ cong loiˇ vanˇ hoˋ tangˊ. | 無 | |
| juni21_087 | 𠊎等乜風神啊緊唱緊大聲。 | ngaiˇ denˊ me fungˊ siinˇ a ginˋ cong ginˋ tai sangˊ. | 無 | |
| juni21_088 | 行到伯公下，脣口該平洋洋个禾田，就係阿公耕个田。 | hangˇ do bagˋ gungˊ haˊ, siinˇ heuˋ ge piangˇ iongˇ iongˇ ge voˇ tienˇ, qiu he aˊ gungˊ gangˊ ge tienˇ. | 無 | |
| juni21_089 | 阿公指等田脣壢坑裡背講，你等看，這仔就有田螺仔好拈吔。 | aˊ gungˊ ziiˋ denˋ tienˇ siinˇ lagˋ hangˊ diˊ boi gongˋ, ngˇ denˊ kon, iaˋ eˊ qiu iuˊ tienˇ loˇ eˋ hoˋ ngiamˊ eˇ. | 無 | |
| juni21_090 | 跈等這細壢坑直直下去，有盡多田螺仔好拈喔！ | tenˇ denˋ iaˋ se lagˋ hangˊ ciid ciid haˊ hi, iuˊ qin doˊ tienˇ loˇ eˋ hoˋ ngiamˊ oˊ! | 無 | |
| juni21_091 | 阿公還無講煞，老妹就好絕絕仔先跳落壢坑裡背去開始拈吔！ | aˊ gungˊ vanˇ moˇ gongˋ sod, loˋ moi qiu hau qied qied eˊ xienˊ tiau log lagˋ hangˊ diˊ boi hi koiˊ siiˋ ngiamˊ eˇ! | 無 | |
| juni21_092 | 𠊎同老妹相拚看麼人拈過多，兩儕就頭剷剷仔盡命牯緊拈。 | ngaiˇ tungˇ loˋ moi xiongˊ bia kon maˋ nginˇ ngiamˊ go doˊ, liongˋ saˇ qiu teuˇ canˋ canˋ eˊ qin miang guˋ ginˋ ngiamˊ. | 無 | |
| juni21_093 | 驚怕分人逐過去，麼人也毋認輸。 | giangˊ pa bunˊ nginˇ giugˋ go hi, maˋ nginˇ ia mˇ ngin suˊ. | 無 | |
| juni21_094 | 一下無堵好，老妹个水靴筒嗄漯入爛泥肚，水靴筒裡背張入滿滿个爛泥。 | idˋ ha moˇ duˋ hoˋ, loˋ moi ge suiˋ hioˊ tungˇ sa labˋ ngib lan naiˇ duˋ, suiˋ hioˊ tungˇ diˊ boi zongˊ ngib manˊ manˊ ge lam naiˇ. | 無 | |
| juni21_095 | 老妹想愛掛腳同鞋挷䟘來，嗄仰仔都挷毋䟘，還緊漯緊深。 | loˋ moi xiongˋ oi gua giogˋ tungˇ haiˇ bangˊ hong loiˇ, sa ngiongˋ eˇ duˊ bangˊ mˇ hong, vanˇ ginˋ labˋ ginˋ ciimˊ. | 無 | |
| juni21_096 | 佢大聲喊𠊎過去同佢𢯭手，𠊎挷等厥大腂髀兩儕共下出力。 | iˇ tai sangˊ hemˊ ngaiˇ go hi tungˇ iˇ ten suˋ, ngaiˇ bangˊ denˋ iaˊ tai loˇ biˋ liongˋ saˇ kiung ha cudˋ lid. | 無 | |
| juni21_097 | 結果鞋無挷䟘來，兩儕嗄橫啊四腳惹天，搣到歸身仔溚溼還合泥棍棍仔。 | giadˋ goˋ hanˇ moˇ bangˊ hong loiˇ, liongˋ saˇ sa vang a xi giogˋ ngia tienˊ, miedˋ do guiˊ siinˊ eˋ dab siibˋ vanˇ gagˋ naiˇ gun gun eˋ. | 無 | |
| juni21_098 | 連面乜舞到像烏貓公樣仔。 | lienˇ mien me vuˋ do qiong vuˊ meu gungˊ iong eˋ. | 無 | |
| juni21_099 | 阿公看著共快行兼來同𠊎等挷䟘起來。 | aˊ gungˊ kon doˋ kiung kuai hangˇ giamˊ loiˇ tungˇ ngaiˇ denˊ bangˊ hong hiˋ loiˇ. | 無 | |
| juni21_100 | 過用手定定仔同老妹个水靴筒撈起來。 | go iung suˋ tin tin eˋ tungˇ loˋ moi ge suiˋ hioˊ tungˇ lauˇ hiˋ loiˇ. | 無 | |
| juni21_101 | 阿公講，你這兩個孤盲嫲，等下歸去，𠊎就食若婆毋燥吔！ | aˊ gungˊ gongˋ, ngˇ iaˋ liongˋ ge goˊ moˊ maˇ, denˋ ha guiˊ hi, ngaiˇ qiu siid ngiaˊ poˇ mˇ zauˊ eˇ! | 無 | |
| juni21_102 | 驚分阿婆罵，歸到屋下𠊎等兩個人偷偷㘝㘝趖入屋肚去。 | giangˊ bunˊ aˊ poˇ ma, guiˊ do lugˋ kaˊ ngaiˇ denˊ liongˋ ge nginˇ teuˊ teuˊ ngiabˋ ngiabˋ soˇ ngib vugˋ duˋ hi. | 無 | |
| juni21_103 | 阿婆影著兩隻烏貓公歸來吔，又好譴又好㖸，喊𠊎等共快去洗身。 | aˊ poˇ iangˋ doˋ liongˋ zagˋ vuˊ meu gungˊ guiˊ loiˇ eˇ, iu hoˋ kienˋ iu hoˋ nagˋ, ham ngaiˇ denˊ kiung kuai hi seˋ siinˊ. | 無 | |
| juni21_104 | 同歸身仔烏疏疏个衫褲換下來。 | tungˇ guiˊ siinˊ eˋ vuˊ soˇ soˇ ge samˊ fu von haˊ loiˇ. | 無 | |
| juni21_105 | 該載好性體个阿婆無發譴，毋過，還記得該日洗身洗啊蓋久。 | goiˊ zai hoˋ xin tiˋ ge aˊ poˇ moˇ fadˋ kienˋ, mˇ go, vanˇ gi dedˋ ge ngidˋ seˋ siinˊ seˋ a goi giuˋ. | 無 | |
| juni21_106 | 硬硬會鑪核一層皮吔，歸身仔還略略仔有臭泥味。 | ngiang ngiang voi lu hedˋ idˋ cenˇ piˇ eˇ, guiˊ siinˊ eˋ vanˇ liog liog eˊ iuˊ cu naiˇ mi. | 無 | |
| juni21_107 | 這下𠊎見看著田螺仔就會過愐著這個生趣个事。 | iaˋ ha ngaiˇ gian kon doˋ tienˇ loˇ eˊ qiu voi go menˋ doˋ iaˋ ge senˊ qi ge sii. | 無 | |
| juni21_108 | 滿天星，李得福原作。 | manˊ tienˊ senˊ, liˋ dedˋ fugˋ ngianˇ zogˋ. | 無 | |
| juni21_109 | 來到屏東外阿公个菁園肚，一行一行高天天个檳榔樹，聽講兩，三十年前。 | loiˇ do pinˇ dungˊ ngoi aˊ gungˊ ge qiangˊ ianˇ duˋ, idˋ hongˇ idˋ hongˇ goˊ tienˊ tienˊ ge binˊ longˇ su, tangˊ gongˋ liongˋ, samˊ siib ngianˇ qienˇ. | 無 | |
| juni21_110 | 一分地一年做得收成十過萬銀，還愛牽電火掌菁仔，園仔肚係有火光。 | idˋ funˊ ti idˋ ngianˇ zo dedˋ suˊ siinˇ siib go van ngiunˇ, vanˇ oi kianˊ tien foˋ zongˋ qiangˊ eˊ, ianˇ eˊ duˋ he iuˊ foˋ gongˊ. | 無 | |
| juni21_111 | 賊仔就毋敢來偷割。 | ced eˋ qiu mˇ gamˋ loiˇ teuˊ godˋ. | 無 | |
| juni21_112 | 今嘎價數蓋俗，正賣過去十分之一个錢，雖然賣毋成錢。 | ginˊ ga ga sii goi xiug, nang mai go hi siib funˊ ziiˊ idˋ ge qienˇ, suiˊ ianˇ mai mˇ sangˇ qienˇ. | 無 | |
| juni21_113 | 外阿公還係打理到青柳柳仔，因為菁行之間有種加時計果。 | ngoi aˊ gungˊ vanˇ he daˋ liˊ do qiangˊ liuˋ liuˋ eˊ, inˊ vi qiangˊ hangˇ ziiˊ gienˊ iuˊ zung gaˊ siiˇ gie goˋ. | 無 | |
| juni21_114 | 做得賣加一息錢。 | zo dedˋ mai gaˊ idˋ xidˋ qienˇ. | 無 | |
| juni21_115 | 檳榔樹準柱楯，利用打核个電線搭棚仔，有紅電線，烏電索，雙股个白片線。 | binˊ longˇ su zunˋ cuˊ dunˋ, li iung daˋ hedˋ ge tien xien dabˋ pangˇ eˊ, iuˊ fungˇ tien xien, vuˊ tien sogˋ, sungˊ guˋ ge pag pienˋ xien. | 無 | |
| juni21_116 | 邊脣用白片線牽透龍，紅烏電線橫架直架織做三長過个彩色時計果棚。 | bienˊ siinˇ iung pag pienˋ xien kianˊ teu liungˇ, fungˇ vuˊ tien xien vangˇ ga ciid ga ziidˋ zo samˊ congˇ go ge caiˋ sedˋ siiˇ gie goˋ pangˇ. | 無 | |
| juni21_117 | 每年个三月春分前後，時計果開花吔，青花托撐起吊菜色个花蕾頭。 | miˊ ngianˇ ge samˊ ngiad cunˊ funˊ qienˇ heu, siiˇ gie goˋ koiˊ faˊ eˇ, qiangˊ faˊ togˋ cang hiˋ diau coi sedˋ ge faˊ luiˇ teuˇ. | 無 | |
| juni21_118 | 還有牽白鬚个花瓣副花帽，第二層係五皮青黃色个公仔花。 | vanˇ iuˊ kianˊ pag xiˊ ge faˊ pan fu faˊ mo, ti ngi cenˇ he ngˋ piˇ qiangˊ vongˇ sedˋ ge gungˊ eˊ faˊ. | 無 | |
| juni21_119 | 帶蓋賁个花粉，最頂層係三支像開螺絲个活動扳手，又像豬仔个飯匙骨。 | dai goi punˊ ge faˊ funˋ, zuiˋ dangˋ cenˇ he samˊ giˊ qiong koiˊ loˇ siiˊ ge fad tung banˊ suˋ, iu qiong zuˊ eˋ ge fan ciiˇ gudˋ. | 無 | |
| juni21_120 | 這係嫲个花。 | iaˋ he maˇ ge faˊ. | 無 | |
| juni21_121 | 𠊎識看外阿公拿一支毛筆，在每一蕊花頂高蘸蘸搵搵蓋像畫圖樣，𠊎問。 | ngaiˇ siidˋ kon ngoi aˊ gungˊ naˊ idˋ giˊ moˊ bidˋ, teˊ miˊ idˋ luiˊ faˊ dangˋ goˊ jiamˋ jiamˋ vun vun goi qiong fa tuˇ iong, ngaiˇ mun. | 無 | |
| juni21_122 | 阿公你在該做麼个？ | aˊ gungˊ ngˇ teˊ ge zo maˋ ge? | 無 | |
| juni21_123 | 佢指等花蕾仔同𠊎講，𠊎同花公个花粉蘸來膏在花嫲个花蕾項。 | iˇ ziiˋ denˋ faˊ luiˇ eˋ tungˇ ngaiˇ gongˋ, ngaiˇ tungˇ faˊ gungˊ ge faˊ funˋ jiamˋ loiˇ goˇ teˊ faˊ maˇ ge faˊ luiˇ hong. | 無 | |
| juni21_124 | 恁呢正會打子結果啊！ | anˋ neˊ nang voi daˋ ziiˋ giadˋ goˋ a! | 無 | |
| juni21_125 | 棚頂項吊滿一粒粒青青个細果子，企在棚底下看起來就像滿天星斗。 | pangˇ dangˋ hong diau manˊ idˋ liab liab qiangˊ qiangˊ ge se goˋ ziiˋ, kiˊ teˊ pangˇ daiˋ haˊ kon hiˋ loiˇ qiu qiong manˊ tienˊ senˊ deuˋ. | 無 | |
| juni21_126 | 阿公講佢種个時計果品種就安到，滿天星。 | aˊ gungˊ gongˋ iˇ zung ge siiˇ gie goˋ pinˋ zungˋ qiu onˊ do, manˊ tienˊ senˊ. | 無 | |
| juni21_127 | 蓋像𠊎伸手就摸得著乜摘得著，又乜食得著个星仔呢！ | goi qiong ngaiˇ cunˊ suˋ qiu miaˊ dedˋ doˋ me zagˋ dedˋ doˋ, iu me siid dedˋ doˋ ge senˊ eˋ neˋ! | 無 | |
| juni21_128 | 清明過後無幾久，時計果就轉烏𪐞紅。 | qiangˊ miangˇ go heu moˇ idˋ giuˋ, siiˇ gie goˋ qiu zonˋ vuˊ du fungˇ. | 無 | |
| juni21_129 | 看啊去暗紅暗紅無青影就做得摘吔。 | kon a hi am fungˇ am fungˇ moˇ qiangˊ iangˋ qiu zo dedˋ zagˋ eˇ. | 無 | |
| juni21_130 | 𠊎等姊妹在棚底下，臥頭一粒看過一粒慢慢仔相。 | ngaiˇ denˊ jiˋ moi teˊ pangˇ daiˋ haˊ, ngo teuˇ idˋ liab kon go idˋ liab man man eˊ xiong. | 無 | |
| juni21_131 | 相著係紅到轉烏色就熟吔，甜度罅擺過無恁酸。 | xiong doˋ he fungˇ do zonˋ vuˊ sedˋ qiu xiugˋ eˇ, tiamˇ tu la baiˋ go moˇ anˋ sonˊ. | 無 | |
| juni21_132 | 摘著半菜籃仔共快扛去倒入紙箱肚，一轉，兩轉，三轉，紙箱仔裝到滿滿。 | zagˋ doˋ ban coi lamˇ eˋ kiung kuai gongˊ hi doˋ ngib ziiˋ xiongˊ duˋ, idˋ zonˋ, liongˋ zonˋ, samˊ zonˋ, ziiˋ xiongˊ eˋ zongˊ do manˊ manˊ. | 無 | |
| juni21_133 | 愛載歸高雄冰起來定定仔食。 | oi zoi guiˊ goˊ hiungˇ benˊ hiˋ loiˇ tin tin eˋ siid. | 無 | |
| juni21_134 | 熱天放學歸來，阿姆會同時計果洗淨。 | ngiad tienˊ biong hog guiˊ loiˇ, aˊ meˊ voi tungˇ siiˇ gie goˋ seˋ qiang. | 無 | |
| juni21_135 | 在蒂頭頂个外皮項挖一個像五十個銀恁大个空，放在水果盤項。 | teˊ di teuˇ dangˋ ge ngoi piˇ hong iadˋ idˋ ge qiong ngˋ siib ge ngiunˇ anˋ tai ge kangˊ, biong teˊ suiˋ goˋ panˇ hong. | 無 | |
| juni21_136 | 𠊎等拿細調羹仔定定仔舀來食。 | ngaiˇ denˊ naˊ se tiauˇ gangˊ eˋ tin tin eˊ ieuˋ loiˇ siid. | 無 | |
| juni21_137 | 正摘啊著个時計果特別甜，𠊎一下氣就食核七粒，酸甜酸甜緊食緊好食。 | nang zagˋ a doˋ ge siiˇ gie goˋ tid pied tiamˇ, ngaiˇ idˋ ha hi qiu siid hedˋ qidˋ liab, sonˊ tiamˇ sonˊ tiamˇ ginˋ siid ginˋ hoˋ siid. | 無 | |
| juni21_138 | 連鼻公敨出个氣頭又乜酸甜酸甜，帶有時計果个味緒。 | lienˇ pi gungˊ teuˋ cudˋ ge hi teuˇ iu me sonˊ tiamˇ sonˊ tiamˇ, dai iuˊ siiˇ gie goˋ ge mi xi. | 無 | |
| juni21_139 | 阿姆有時會同時計果裡肚个仁同汁挖出來。 | aˊ meˊ iuˊ siiˇ voi tungˇ siiˇ gie goˋ diˊ duˋ ge inˇ tungˇ ziibˋ iadˋ cudˋ loiˇ. | 無 | |
| juni21_140 | 加一息白湯茶放入果汁機打，再用盎仔裝好放冰箱冰，分𠊎等準果汁啉。 | gaˊ idˋ xidˋ pag tongˊ caˇ biong ngib goˋ ziibˋ giˊ daˋ, zai iung angˊ eˋ zongˊ hoˋ biong benˊ xiongˊ benˊ, bunˊ ngaiˇ denˊ zunˋ goˋ ziibˋ limˊ. | 無 | |
| juni21_141 | 每擺係啉這果汁，就會想著在果棚下歸頭那毛雪白。 | miˊ baiˋ he limˊ iaˋ goˋ jiabˋ, qiu voi xiongˋ doˋ teˊ goˋ pangˇ haˊ guiˊ teuˇ naˇ moˊ xiedˋ pag. | 無 | |
| juni21_142 | 㖸啊牙絲絲个外阿公。 | nagˋ a ngaˇ xiˊ xiˊ ge ngoi aˊ gungˊ. | 無 | |
| juni21_143 | 畜羊仔个叔公，羅瑞霞原作。 | hiugˋ iongˇ eˋ ge sugˋ gungˊ, loˇ sui haˇ ngianˇ zogˋ. | 無 | |
| juni21_144 | 吾公有兩兄弟，𠊎等歇莊仔項，叔公歇在離莊頭無幾遠个石䃗脣。 | ngaˊ gungˊ iuˊ liongˋ hiungˊ ti, ngaiˇ denˊ hed zongˊ eˋ hong, sugˋ gungˊ hed teˊ liˇ zongˊ teuˇ moˇ giˋ ianˋ ge sag bogˋ siinˇ. | 無 | |
| juni21_145 | 叔公無討姐仔，一個人歇在䃗脣，畜吔十過隻个羊仔。 | sugˋ gungˊ moˇ toˋ jiaˋ eˋ, idˋ ge nginˇ hed teˊ bogˋ siinˇ, hiugˋ eˇ siib go zagˋ ge iongˇ eˋ. | 無 | |
| juni21_146 | 叔公講，一個人過日仔過自由，又毋使愁勞博激，每日快快樂樂過日仔。 | sugˋ gungˊ gongˋ, idˋ ge nginˇ go ngidˋ eˋ go cii iuˇ, iu mˇ siiˋ seuˇ loˇ bogˋ gidˋ, miˊ ngidˋ kuai kuai log log go ngidˋ eˋ. | 無 | |
| juni21_147 | 幾好呢！ | giˋ hoˋ neˊ! | 無 | |
| juni21_148 | 𠊎從細就好遊遊野野，講著搞就一條線，毋過平常時，愛上課，讀書。 | ngaiˇ qiungˇ se qiu hau iuˇ iuˇ iaˊ iaˊ, gongˋ doˋ gauˋ qiu idˋ tiauˇ xien, mˇ go pinˇ songˇ siiˇ, oi song ko, tug suˊ. | 無 | |
| juni21_149 | 一日到暗就國語，數學，英文，社會，電腦，搣到𠊎舂頭磕額，頭暈腦疺。 | idˋ ngidˋ do am qiu guedˋ ngiˊ, su hog, inˊ vunˇ, sa fi, tien noˋ, miedˋ do ngaiˇ zungˊ teuˇ kab ngiagˋ, teuˇ hinˇ noˋ bienˋ. | 無 | |
| juni21_150 | 毋過到放尞日，該就係𠊎个天下吔！ | mˇ go do biong liau ngidˋ, ge qiu he ngaiˇ ge tienˊ ha eˇ! | 無 | |
| juni21_151 | 𠊎最好去尋叔公尞，叔公屋下面前係石䃗，石䃗脣有一大片草。 | ngaiˇ zuiˋ hau hi qimˇ sugˋ gungˊ liau, sugˋ gungˊ lugˋ kaˊ mien qienˇ he sag bogˋ, sag bogˋ siinˇ iuˊ idˋ tai pienˋ coˋ. | 無 | |
| juni21_152 | 打早羊仔在䃗脣食草，𠊎見去到該跡仔，看著羊仔在該食草。 | daˋ zoˋ iongˇ eˋ teˊ bogˋ siinˇ siid coˋ, ngaiˇ gian hi do ge jiagˋ eˊ, kon doˋ iongˇ eˋ teˊ ge siid coˋ. | 無 | |
| juni21_153 | 就剔事去操該羊仔，總愛同羊仔操到咩，咩，緊叫，𠊎就試著蓋生趣，該下仔。 | qiu ti sii hi cauˊ ge iongˇ eˋ, zungˋ oi tungˇ iongˇ eˋ cauˊ do meˊ, meˊ, ginˋ gieu, ngaiˇ qiu cii doˋ goi senˊ qi, ge ha eˋ. | 無 | |
| juni21_154 | 叔公在屋肚聽著羊仔叫，定著會走出來看，看著𠊎在該操羊仔，就罵講。 | sugˋ gungˊ teˊ vugˋ duˋ tangˊ doˋ iongˇ eˋ gieu, tin cog voi zeuˋ cudˋ loiˇ kon, kon doˋ ngaiˇ teˊ ge cauˊ iongˇ eˋ, qiu ma gongˋ. | 無 | |
| juni21_155 | 孤盲牯，又在該操羊仔吔！ | goˊ moˊ guˋ, iu teˊ geˋ cauˊ iongˇ eˋ eˇ! | 無 | |
| juni21_156 | 毋驚下二擺降个細人仔無屎胐。 | mˇ giangˊ ha ngi baiˋ giung ge se nginˇ eˋ moˇ sii fudˋ. | 無 | |
| juni21_157 | 𠊎看著叔公出來，黏時喊一聲，叔公，早啊！ | ngaiˇ kon doˋ sugˋ gungˊ cudˋ loiˇ, liamˇ siiˇ ham idˋ sangˊ, sugˋ gungˊ, zoˋ a! | 無 | |
| juni21_158 | 叔公雖然會罵𠊎，毋過乜盡惜𠊎，因為屋下單淨𠊎一個孫仔。 | sugˋ gungˊ suiˊ ianˇ voi ma ngaiˇ, mˇ go me qin xiagˋ ngaiˇ, inˊ vi lugˋ kaˊ danˊ qiang ngaiˇ idˋ ge sunˊ eˋ. | 無 | |
| juni21_159 | 叔公笑咪咪仔行過來，緊行緊講，羊仔肚飢在該食草，你莫撩佢。 | sugˋ gungˊ seu miˊ miˊ eˊ hangˇ go loiˇ, ginˋ hangˇ ginˋ gongˋ, iongˇ eˋ duˋ giˊ teˊ geˋ siid coˋ, ngˇ mog liauˇ iˇ. | 無 | |
| juni21_160 | 入來屋肚𠊎拿糖仔分你食。 | ngib loiˇ vugˋ duˋ ngaiˇ naˊ tongˇ eˋ bunˊ ngˇ siid. | 無 | |
| juni21_161 | 講著有糖仔好食，這又係𠊎好來叔公屋下个原因，叔公無家竇，一個人歇。 | gongˋ doˋ iuˊ tongˇ eˋ hoˋ siid, iaˋ iu he ngaiˇ hau loiˇ sugˋ gungˊ lugˋ kaˊ ge ngianˇ inˊ, sugˋ gungˊ moˇ gaˊ deu, idˋ ge nginˇ hed. | 無 | |
| juni21_162 | 故所不時有好食个東西就會留起來，等尞日拿分𠊎食。 | gu soˋ budˋ siiˇ iuˊ hoˋ siid ge dungˊ xiˊ qiu voi liuˇ hiˋ loiˇ, denˋ liau ngidˋ naˊ bunˊ ngaiˇ siid. | 無 | |
| juni21_163 | 叔公雖然一個人歇，毋過屋下整理啊淨淨俐俐，桌項無半息塵灰。 | sugˋ gungˊ suiˊ ianˇ idˋ ge nginˇ hed, mˇ go lugˋ kaˊ ziinˋ liˊ a qiang qiang li li, zogˋ hong moˇ ban xidˋ ciinˇ foiˊ. | 無 | |
| juni21_164 | 完全看毋出叔公係單身哥仔。 | vanˇ qionˇ kon mˇ cudˋ sugˋ gungˊ he danˊ siinˊ goˊ eˋ. | 無 | |
| juni21_165 | 𠊎識問過阿公，仰仔叔公無討姐仔？ | ngaiˇ siidˋ mun go aˊ gungˊ, ngiongˋ eˇ sugˋ gungˊ moˇ toˋ jiaˋ eˋ? | 無 | |
| juni21_166 | 阿公講，頭擺叔公有熟事一個歇在莊尾个細阿妹仔。 | aˊ gungˊ gongˋ, teuˇ baiˋ sugˋ gungˊ iuˊ sug sii idˋ ge hed teˊ zongˊ miˊ ge se aˊ moi eˋ. | 無 | |
| juni21_167 | 該細妹仔生著膨皮膨皮盡鬧，蓋煞猛，兩個人感情蓋好。 | ge se moi eˋ sangˊ doˋ pong piˇ pong piˇ qin nau, goi sadˋ mangˊ, liongˋ ge nginˇ gamˋ qinˇ goi hoˋ. | 無 | |
| juni21_168 | 兩家人乜認定愛做親家且姆吔，無愐著有一日，該細妹仔在田坵項做事。 | liongˋ gaˊ nginˇ me ngin tin oi zo qinˊ gaˊ qiaˊ meˊ eˇ, moˇ menˋ doˋ iuˊ idˋ ngidˋ, ge se moi eˋ teˊ tienˇ kiuˊ hong zo se. | 無 | |
| juni21_169 | 毋堵好分蛇哥咬著，該下仔醫藥毋發達，𠊎等鄉下堵著這兜事情。 | mˇ duˋ hoˋ bunˊ saˇ goˊ ngauˊ doˋ, ge ha eˋ iˊ iog mˇ fadˋ tad, ngaiˇ denˊ hiongˊ ha duˇ doˋ iaˋ deuˊ sii qinˇ. | 無 | |
| juni21_170 | 大部份都係自家拿草藥仔捶捶貼貼啊，就好吔！ | tai pu fun du he qid gaˊ naˊ coˋ iog eˋ cuiˇ cuiˇ diabˋ diabˋ aˋ, qiu hoˋ eˇ! | 無 | |
| juni21_171 | 哪知該細妹仔係分龜殼蛇咬著，無黏時送到街路分西醫看。 | nai diˊ ge se moi eˋ he bunˊ guiˊ hogˋ saˇ ngauˊ doˋ, moˇ ngiamˇ siiˇ sung do giaiˊ lu bunˊ xiˊ iˊ kon. | 無 | |
| juni21_172 | 就恁仔過身吔。 | qiu anˋ eˊ go siinˊ eˇ. | 無 | |
| juni21_173 | 這細妹仔無核，對叔公个打擊蓋大。 | iaˋ se moi eˋ moˇ hedˋ, dui sugˋ gungˊ ge daˋ gidˋ goi tai. | 無 | |
| juni21_174 | 過後，叔公完全無愛同其它个細妹仔來去，蓋多人愛同叔公做媒人。 | go heu, sugˋ gungˊ vanˇ qionˇ moˇ oi tungˇ kiˇ taˊ ge se moi eˋ loiˇ hi, goi doˊ nginˇ oi tungˇ sugˋ gungˊ zo moiˇ nginˇ. | 無 | |
| juni21_175 | 都分叔公拒絕，叔公一個人就徙到䃗脣歇吔。 | duˊ bunˊ sugˋ gungˊ kiˊ qied, sugˋ gungˊ idˋ ge nginˇ qiu saiˋ do bogˋ siinˇ hed eˇ. | 無 | |
| juni21_176 | 阿公講，係有閒，你愛不時去陪叔公哦！ | aˊ gungˊ gongˋ, he iuˊ hanˇ, ngˇ oi budˋ siiˇ hi piˇ sugˋ gungˊ oˊ! | 無 | |
| juni21_177 | 好啊！ | hoˋ a! | 無 | |
| juni21_178 | 叔公惜𠊎，同佢讓陣無問題啦！ | sugˋ gungˊ xiagˋ ngaiˇ, tungˇ iˇ ngiong ciin moˇ mun tiˇ laˋ! | 無 | |
| juni21_179 | 放蝦籠，郭亭妤原作。 | biong haˇ lungˇ, gogˋ tinˇ iˇ ngianˇ zogˋ. | 無 | |
| juni21_180 | 禮拜六阿爸帶𠊎等共下歸去山寮下看阿公，阿婆。 | liˊ bai liugˋ aˊ baˊ dai ngaiˇ denˊ kiung ha guiˊ hi sanˊ liauˇ haˊ kon aˊ gungˊ, aˊ poˇ. | 無 | |
| juni21_181 | 阿公看著𠊎等歸來盡歡喜，老妹盡使妮。 | aˊ gungˊ kon doˋ ngaiˇ denˊ guiˊ loiˇ qin fonˊ hiˋ, loˋ moi qin saiˊ naiˊ. | 無 | |
| juni21_182 | 一下就走去揇等阿公講佢盡想阿公，聽著老妹嘴恁甜。 | idˋ ha qiu zeuˋ hi namˋ denˋ aˊ gungˊ gongˋ iˇ qin xiongˋ aˊ gungˊ, tangˊ doˋ loˋ moi zoi anˋ tiamˇ. | 無 | |
| juni21_183 | 阿公暢壞吔㖸啊哈哈滾。 | aˊ gungˊ tiong fai eˇ nagˋ a ha ha gunˋ. | 無 | |
| juni21_184 | 在灶下無閒个阿婆，聽著𠊎等歸來，手項還拿緪个鑊鏟放毋掣。 | teˊ zo haˊ moˇ hanˇ ge aˊ poˇ, tangˊ doˋ ngaiˇ denˊ guiˊ loiˇ, suˋ hong vanˇ naˊ henˇ ge vog canˋ biong mˇ cadˋ. | 無 | |
| juni21_185 | 就走一路出，手緊挲𠊎个頭那，笑咪咪講，兩個人做下挷相吔，也過作肉吔！ | qiu zeuˋ idˋ lu cudˋ, suˋ ginˋ soˊ ngaiˇ ge teuˇ naˇ, seu miˊ miˊ gongˋ, liongˋ ge nginˇ zo ha bangˊ xiongˋ eˇ, ia go zogˋ ngiugˋ eˇ! | 無 | |
| juni21_186 | 還好哪！ | vanˇ hoˋ naˊ! | 無 | |
| juni21_187 | 當晝睡䟘來，𠊎看著阿公在無閒用白飯攪糠仔揢畀歸團。 | dongˊ zu soi hong loiˇ, ngaiˇ kon doˋ aˊ gungˊ teˊ moˇ hanˇ iung pag fan giauˊ hongˊ eˋ kag biˋ guiˊ tonˇ. | 無 | |
| juni21_188 | 過斷做一細團一細團放入蝦籠裡背，佢講等下愛去放蝦籠。 | go donˋ zo idˋ se tonˇ idˋ se tonˇ biong ngib haˇ lungˇ diˊ boi, iˇ gongˋ denˋ ha oi hi biong haˇ lungˇ. | 無 | |
| juni21_189 | 聽著愛，放蝦籠，𠊎試著蓋生趣就嘺愛跈，頭下阿公驚𠊎危險毋肯。 | tangˊ doˋ oi, biong haˇ lungˇ, ngaiˇ cii doˋ goi senˊ qi qiu kieuˇ oi tenˇ, teuˇ ha aˊ gungˊ giangˊ ngaiˇ nguiˇ hiamˋ mˇ henˋ. | 無 | |
| juni21_190 | 𠊎緊同阿公保證𠊎會細義，高不將阿公正帶𠊎共下去。 | ngaiˇ ginˋ tungˇ aˊ gungˊ boˋ ziin ngaiˇ voi se ngi, goˊ budˋ jiongˊ aˊ gungˊ nang dai ngaiˇ kiung ha hi. | 無 | |
| juni21_191 | 河壩仔一哪都係生溜苔个石頭，𠊎試著著等水靴筒行路蓋毋慣。 | hoˇ ba eˋ idˋ nai du he sangˊ liuˊ toiˇ ge sag teuˇ, ngaiˇ cii doˋ zogˋ denˋ suiˋ hioˊ tungˇ hangˇ lu goi mˇ guan. | 無 | |
| juni21_192 | 行無兩步腳打溜漂險險橫倒，好得阿公盡溜掠，共快同𠊎扭等。 | hangˇ moˇ liongˋ pu giogˋ daˋ liuˊ piuˊ hiamˋ hiamˋ vang doˋ, hoˋ dedˋ aˊ gungˊ qin liu liag, kiung kuai tungˇ ngaiˇ neuˋ denˋ. | 無 | |
| juni21_193 | 佢講每一步腳都愛先試躪看看啊，係毋會滑正好躪上去。 | iˇ gongˋ miˊ idˋ pu giogˋ duˊ oi xienˊ cii nang kon kon aˋ, he mˇ voi vad nang hoˋ nang songˊ hi. | 無 | |
| juni21_194 | 𠊎等慢慢仔行到水過淺个地方。 | ngaiˇ denˊ man man eˊ hangˇ do suiˋ go qienˋ ge ti fongˊ. | 無 | |
| juni21_195 | 阿公教𠊎蝦籠愛放在水過恬又有石縫个所在。 | aˊ gungˊ gauˊ ngaiˇ haˇ lungˇ oi biong teˊ suiˋ go diamˊ iu iuˊ sag pung ge soˋ cai. | 無 | |
| juni21_196 | 佢同水底个細砂石用手掊平，分蝦籠做得貼地。 | iˇ tungˇ suiˋ daiˋ ge se saˊ sag iung suˋ boiˊ piangˇ, bunˊ haˇ lungˇ zo dedˋ dabˋ ti. | 無 | |
| juni21_197 | 過同蝦籠嘴跈等水流向下去，放石頭矺在蝦籠頂高。 | go tungˇ haˇ lungˇ zoi tenˇ denˋ suiˋ liuˇ hiong haˊ hi, biong sag teuˇ zagˋ teˊ haˇ lungˇ dangˋ goˊ. | 無 | |
| juni21_198 | 講恁仔蝦籠正毋會分水打走。 | gongˋ anˋ eˊ haˇ lungˇ nang mˇ voi bunˊ suiˋ daˋ zeuˋ. | 無 | |
| juni21_199 | 後尾還愛在脣項个大石頭頂項放幾粒細石頭做記號。 | heu miˊ vanˇ oi teˊ siinˇ hong ge tai sag teuˇ dangˋ hong biong giˋ liab se sag teuˇ zo gi ho. | 無 | |
| juni21_200 | 恁仔收蝦籠个時節正知蝦籠放在哪仔吔。 | anˋ eˊ suˊ haˇ lungˇ ge siiˇ jiedˋ nang diˊ haˇ lungˇ biong teˊ naiˋ eˊ eˇ. | 無 | |
| juni21_201 | 𠊎等順等河壩同蝦籠放一路去，到會臨暗吔正做下放好勢。 | ngaiˇ denˊ sun denˋ hoˇ ba tungˇ haˇ lungˇ biong idˋ lu hi, do voi limˇ am eˇ nang zo ha biong hoˋ se. | 無 | |
| juni21_202 | 第二日，本來同阿公講好愛共下去收蝦籠。 | ti ngi ngidˋ, bunˋ loiˇ tungˇ aˊ gungˊ gongˋ hoˋ oi kiung ha hi suˊ haˇ lungˇ. | 無 | |
| juni21_203 | 𠊎嗄睡到日頭晒屎朏吔都還無䟘。 | ngaiˇ sa soi do ngidˋ teuˇ sai sii fudˋ eˇ duˊ vanˇ moˇ hong. | 無 | |
| juni21_204 | 阿公自家同蝦籠做下收歸來，正喊𠊎䟘床，喚𠊎共下來退蝦籠。 | aˊ gungˊ qid gaˊ tungˇ haˇ lungˇ zo ha suˊ guiˊ loiˇ, nang ham ngaiˇ hong congˇ, vonˋ ngaiˇ kiung ha loiˇ tui haˇ lungˇ. | 無 | |
| juni21_205 | 𠊎聽著阿公喊共快跳䟘起來。 | ngaiˇ tangˊ doˋ aˊ gungˊ ham kiung kuai tiau hong hiˋ loiˇ. | 無 | |
| juni21_206 | 牙齒儘採鑪兩下仔就共快舂出去同阿公𢯭手。 | ngaˇ ciiˋ qin caiˊ lu liongˋ ha eˊ qiu kiung kuai zungˊ cudˋ hi tungˇ aˊ gungˊ ten suˋ. | 無 | |
| juni21_207 | 每個蝦籠張著个東西聚概無麼共樣，退一個蝦籠就像開一到獎。 | miˊ ge haˇ lungˇ zongˊ doˋ ge dungˊ xiˊ qiugˋ koiˋ moˇ maˋ kiung iong, tui idˋ ge haˇ lungˇ qiu qiong koiˊ idˋ do jiongˋ. | 無 | |
| juni21_208 | 有兜張著蝦公，鮊哥仔，有兜張著老蟹，獒嘴公，有時節還會張著湖鰍仔。 | iuˊ deuˊ zongˊ doˋ haˇ gungˊ, pag goˊ eˋ, iuˊ deuˊ zongˊ doˋ no haiˋ, ngauˇ zoi gungˊ, iuˊ siiˇ jiedˋ vanˇ voi zongˊ doˋ fuˇ qiuˊ eˋ. | 無 | |
| juni21_209 | 實在還生趣。 | siid cai vanˇ senˊ qi. | 無 | |
| juni21_210 | 這兜對鮮鮮河壩水裡背來个好食材，在阿婆个好手路料理之下。 | iaˋ deuˊ dui xienˊ xienˊ hoˇ ba suiˋ diˊ boi loiˇ ge hoˋ siid coiˇ, teˊ aˊ poˇ ge hoˋ suˋ lu liau liˊ ziiˊ ha. | 無 | |
| juni21_211 | 當晝歸桌仔又萋又好食个魚仔，蝦公同阿婆種个青菜一等傪菜。 | dongˊ zu guiˊ zogˋ eˋ iu qiˊ iu hoˋ siid ge ngˇ eˋ, haˇ gungˊ tungˇ aˊ poˇ zung ge qiangˊ coi idˋ denˋ cam coi. | 無 | |
| juni21_212 | 飯桌項𠊎等緊食飯緊講㖸，歡喜个心情試著每一項都恁好食。 | fan zogˋ hong ngaiˇ denˊ ginˋ siid fan ginˋ gongˋ nagˋ, fonˊ hiˋ ge ximˊ qinˇ cii doˋ miˊ idˋ hong duˊ anˋ hoˋ siid. | 無 | |
| juni21_213 | 臨暗𠊎等愛歸吔，車仔正愛駛停動，𠊎共快同窗門攪下來，大聲喊講，阿公！ | limˇ am ngaiˇ denˊ oi guiˊ eˇ, caˊ eˋ nang oi siiˋ tinˊ tungˊ, ngaiˇ kiung kuai tungˇ cungˊ munˇ gauˋ haˊ loiˇ, tai sangˊ hemˊ gongˋ, aˊ gungˊ! | 無 | |
| juni21_214 | 下二擺愛放蝦籠定著愛記得帶𠊎共下去哦！ | ha ngi baiˋ oi biong haˇ lungˇ tin cog oi gi dedˋ dai ngaiˇ kiung ha hi oˊ! | 無 | |
| juni21_215 | 阿公緊擛手，頭那緊頷緊應好。 | aˊ gungˊ ginˋ iag suˋ, teuˇ naˇ ginˋ ngamˋ ginˋ in hoˋ. | 無 | |
| juni21_216 | 大樹下，謝玉賢原作。 | tai su haˊ, qia ngiug hianˇ ngianˇ zogˋ. | 無 | |
| juni21_217 | 記得做細人仔个時節，𠊎屋面前有條細河壩。 | gi dedˋ zo se nginˇ eˋ ge siiˇ jiedˋ, ngaiˇ vugˋ mien qienˇ iuˊ tiauˇ se hoˇ ba. | 無 | |
| juni21_218 | 河壩肚輒常看著有幾隻鴨仔，在該泅上泅下。 | hoˇ ba duˋ jiab songˇ kon doˋ iuˊ giˋ zagˋ abˋ eˋ, teˊ geˋ qiuˇ songˊ qiuˇ haˊ. | 無 | |
| juni21_219 | 有時𠊎等細人仔乜會跳落水裡背，同鴨仔共下搞水，你戽𠊎，𠊎戽你。 | iuˊ siiˇ ngaiˇ denˊ se nginˇ eˋ me voi tiau log suiˋ diˊ boi, tungˇ abˋ eˋ kiung ha gauˋ suiˋ, ngˇ fu ngaiˇ, ngaiˇ fu ngˇ. | 無 | |
| juni21_220 | 搞到歸身溼溚溚仔正歸。 | gauˋ do guiˊ siinˊ siibˋ dab dab eˊ nang guiˊ. | 無 | |
| juni21_221 | 毋過，分𠊎印象最深个毋係該條細河壩，係河壩脣个該頭大樹。 | mˇ go, bunˊ ngaiˇ in xiong zuiˋ ciimˊ ge mˇ he ge tiauˇ se hoˇ ba, he hoˇ ba siinˇ ge ge teuˇ tai su. | 無 | |
| juni21_222 | 該頭大樹，佢个名仔安到爛布樹，樹仔對中係空心个，毋過佢盡耐命。 | ge teuˇ tai su, iˇ ge miangˇ eˋ onˊ do lan bu su, su eˋ di dungˊ he kungˊ ximˊ ge, mˇ go iˇ qin nai miang. | 無 | |
| juni21_223 | 每年正開始熱，樹葉仔會跌到滿地泥，四叔就跋到樹頂，同樹桍剁到淨淨。 | miˊ ngianˇ nang koiˊ siiˋ ngiad, su iab eˋ voi diedˋ do manˊ ti naiˇ, xi sugˋ qiu bagˋ do su dangˋ, tungˇ su paˋ dog do qiang qiang. | 無 | |
| juni21_224 | 毋使幾久，爛布樹又會綻筍，樹桍一支支，樹葉仔生到滿滿。 | mˇ siiˋ idˋ giuˋ, lan bu su iu voi can sunˋ, su paˋ idˋ giˊ giˊ, su iab eˋ sangˊ do manˊ manˊ. | 無 | |
| juni21_225 | 大樹底下就係大家唱歌尞涼个好所在，也係細人仔搞尞个好地方。 | tai su daiˋ haˊ qiu he tai gaˊ cong goˊ liau liongˇ ge hoˋ soˋ cai, iaˊ he se nginˇ eˋ gauˋ liau ge hoˋ ti fongˊ. | 無 | |
| juni21_226 | 大樹下不時坐一大群人，每一個人都拿等一支扇仔撥啊撥，在該打嘴鼓。 | tai su haˊ budˋ siiˇ coˊ idˋ tai kiunˇ nginˇ, miˊ idˋ ge nginˇ duˊ naˊ denˋ idˋ giˊ san eˋ padˋ a padˋ, teˊ geˋ daˋ zoi guˋ. | 無 | |
| juni21_227 | 七個和尚八樣腔，下屋个阿真叔講佢个倈仔愛做兵吔，愁到無結煞。 | qidˋ ge voˇ song badˋ iong kiongˊ, haˊ vugˋ ge aˊ ziinˊ sugˋ gongˋ iˇ ge lai eˋ oi zo binˊ eˇ, seuˇ do moˇ gadˋ sadˋ. | 無 | |
| juni21_228 | 愁佢做兵毋知會分人欺負無？ | seuˇ iˇ zo binˊ mˇ diˊ voi bunˊ nginˇ kiˊ fu moˇ? | 無 | |
| juni21_229 | 愁到目汁險險仔跌下來，上屋个姆姆，就講厥妹仔下禮拜愛嫁人。 | seuˇ do mugˋ ziibˋ hiamˋ hiamˋ eˊ diedˋ haˊ loiˇ, song vugˋ ge meˊ meˊ, qiu gongˋ iaˊ moi eˋ ha liˊ bai oi ga nginˇ. | 無 | |
| juni21_230 | 喊大家分佢請，佢問大家嫁妹仔有麼个風俗無？ | ham tai gaˊ bunˊ iˇ qiangˋ, iˇ mun tai gaˊ ga moi eˋ iuˊ magˋ ge fungˊ xiug moˇ? | 無 | |
| juni21_231 | 愛矺男方麼个？ | oi zagˋ namˇ fongˊ maˋ ge? | 無 | |
| juni21_232 | 粢粑愛打幾多斤？ | qiˇ baˊ oi daˋ idˋ doˊ ginˊ? | 無 | |
| juni21_233 | 扇仔愛分麼人拈？ | san eˋ oi bunˊ maˋ nginˇ ngiamˊ? | 無 | |
| juni21_234 | 帶路雞愛幾多隻？ | dai lu gieˊ oi idˋ doˊ zagˋ? | 無 | |
| juni21_235 | 雖然有一大堆个問題，毋過姆姆還係盡歡喜，暢到牙絲絲仔。 | suiˊ ianˇ iuˊ idˋ tai doiˊ ge mun tiˇ, mˇ go meˊ meˊ vanˇ he qin fonˊ hiˋ, tiong do ngaˇ xiˊ xiˊ eˊ. | 無 | |
| juni21_236 | 吾姆乜輸人毋輸陣，同大家講，𠊎个妹仔考著師專吔。 | ngaˊ meˊ me suˊ nginˇ mˇ suˊ ciin, tungˇ tai gaˊ gongˋ, ngaiˇ ge moi eˋ kauˋ doˋ siiˊ zonˊ eˇ. | 無 | |
| juni21_237 | 加幾年添卒業就做得做先生，𢯭手賺錢吔。 | gaˊ giˋ ngianˇ tiamˊ zudˋ ngiab qiu zo dedˋ zo xinˊ sangˊ, ten suˋ con qienˇ eˇ. | 無 | |
| juni21_238 | 大家你一句𠊎一句鬧熱煎煎，有人噭也有人笑，實在還生趣。 | tai gaˊ ngˇ idˋ gi ngaiˇ idˋ gi nau ngiad jienˊ jienˊ, iuˊ nginˇ gieu ia iuˊ nginˇ seu, siid cai vanˇ senˊ qi. | 無 | |
| juni21_239 | 大樹下，這片大人在該打嘴鼓，該片个細人仔乜無閒等。 | tai su haˊ, iaˋ pienˋ tai nginˇ teˊ geˋ daˋ zoi guˋ, ge pienˋ ge se nginˇ eˋ me moˇ hanˇ denˋ. | 無 | |
| juni21_240 | 細妹仔在大樹下搞家啦飯仔，你做爺仔𠊎做哀，爛布仔串起來做䯋鍊。 | se moi eˋ teˊ tai su haˊ gauˋ gaˊ laˊ fan eˋ, ngˇ zo iaˇ eˋ ngaiˇ zo oiˊ, lan bu eˋ con hiˋ loiˇ zo pad lien. | 無 | |
| juni21_241 | 石頭結起來做炕爐，樹葉仔做青菜，樹桍做筷仔，大家搞到盡歡喜。 | sag teuˇ giadˋ hiˋ loiˇ zo hangˊ luˇ, su iab eˋ zo qiangˊ coi, su paˋ zo kuai eˋ, tai gaˊ gauˋ do qin fonˊ hiˋ. | 無 | |
| juni21_242 | 細倈仔就在該搞庰人尋，打紙牌，有兜搞他瑪，灌土狗仔，這兜山狗太。 | se lai eˋ qiu teˊ geˋ gauˋ biang nginˇ qimˇ, daˋ ziiˋ paiˇ, iuˊ deuˊ gauˋ ta maˋ, gon tuˋ gieuˋ eˋ, iaˋ deuˊ sanˊ gieuˋ tai. | 無 | |
| juni21_243 | 每個精砉砉仔，看著一團鬆泥就知下背有土狗仔，七手八腳挖泥，擐水。 | miˊ ge jinˊ guag guag eˊ, kon doˋ idˋ tonˇ sungˊ naiˇ qiu diˊ haˊ boi iuˊ tuˋ gieuˋ eˋ, qidˋ suˋ badˋ giogˋ iadˋ naiˇ, kuan suiˋ. | 無 | |
| juni21_244 | 倒水，毋使幾久土狗仔就走出來吔。 | doˋ suiˋ, mˇ siiˋ idˋ giuˋ tuˋ gieuˋ eˋ qiu zeuˋ cudˋ loiˇ eˇ. | 無 | |
| juni21_245 | 這群細人仔不時搞到愛大人擎等竹筱仔正肯歸屋下，實在還好㖸。 | iaˋ kiunˇ se nginˇ eˋ budˋ siiˇ gauˋ do oi tai nginˇ kiangˇ denˋ zugˋ xiuˊ eˋ nang henˋ guiˊ lugˋ kaˊ, siid cai vanˇ hoˋ nagˋ. | 無 | |
| juni21_246 | 大樹下有𠊎盡多个回憶，係隔壁鄰舍聯絡感情个所在。 | tai su haˊ iuˊ ngaiˇ qin doˊ ge fiˇ i, he gagˋ biagˋ linˇ sa lienˇ log gamˋ qinˇ ge soˋ cai. | 無 | |
| juni21_247 | 也係細人仔搞尞个地方。 | ia he se nginˇ eˋ gauˋ liau ge ti fongˊ. | 無 | |
| juni21_248 | 雖然童年離𠊎盡遠吔，毋過童年个記憶還係像在昨晡日樣仔。 | suiˊ ianˇ tungˇ ngianˇ liˇ ngaiˇ qin ianˋ eˇ, mˇ go tungˇ ngianˇ ge gi i vanˇ he qiong teˊ coˊ buˊ ngidˋ iong eˋ. | 無 | |
| juni21_249 | 該頭根深葉闊个爛布樹，就像一支大大支个遮仔。 | ge teuˇ ginˊ ciimˊ iab fadˋ ge lan bu su, qiu qiong idˋ giˊ tai tai giˊ ge zaˊ eˋ. | 無 | |
| juni21_250 | 保護𠊎等行過艱難又辛苦个日仔，該頭堅韌又耐命个大樹。 | boˋ fu ngaiˇ denˊ hangˇ go gianˊ nanˇ iu xinˊ kuˋ ge ngidˋ eˋ, ge teuˇ gianˊ ngiun iu nai miang ge tai su. | 無 | |
| juni21_251 | 到這下還係𠊎生命中精神个寄託。 | do iaˋ ha vanˇ he ngaiˇ senˊ miang zungˊ jinˊ siinˇ ge gi togˋ. | 無 | |
| juni21_252 | 該條大崎，黃美貞原作。 | ge tiauˇ tai gia, vongˇ miˊ ziinˊ ngianˇ zogˋ. | 無 | |
| juni21_253 | 歇在伙房个人家，出出入入定著愛經過大崎。 | hed teˊ foˋ fongˇ ge nginˇ gaˊ, cudˋ cudˋ ngib ngib tin cog oi ginˊ go tai gia. | 無 | |
| juni21_254 | 頭擺在該跡仔有種一大片个香絲樹，故所大崎又安到，香絲坪。 | teuˇ baiˋ teˊ geˋ jiagˋ eˊ iuˊ zung idˋ tai pienˋ ge hiongˊ xiˊ su, gu soˋ tai gia iu onˊ do, hiongˊ xiˊ piangˇ. | 無 | |
| juni21_255 | 對細人仔來講，出去讀書愛跋崎斯盡難耐，毋過日仔總係愛過。 | dui se nginˇ eˋ loiˇ gongˋ, cudˋ hi tug suˊ oi bagˋ gia siiˊ qin nanˇ ngai, mˇ go ngidˋ eˋ zungˋ he oi go. | 無 | |
| juni21_256 | 香絲坪乜變啊大家人生活个一部分，𠊎盡記得个就係同阿雪溜大崎。 | hiongˊ xiˊ piangˇ me bien a tai gaˊ nginˇ senˊ fad ge idˋ pu fun, ngaiˇ qin gi dedˋ ge qiu he tungˇ aˊ xiedˋ liu tai gia. | 無 | |
| juni21_257 | 無擋仔个事故。 | moˇ dongˋ eˋ ge sii gu. | 無 | |
| juni21_258 | 上屋个阿雪大𠊎三歲，五年生該下，就自家騎自行車去讀書，上大崎時。 | song vugˋ ge aˊ xiedˋ tai ngaiˇ samˊ se, ngˋ ngianˇ senˊ ge ha, qiu qid gaˊ kiˇ cii hangˇ caˊ hi tug suˊ, songˊ tai gia siiˇ. | 無 | |
| juni21_259 | 企等仔煞猛牯箭，箭毋贏正甘願下來用牽个，書包放在面前个籃仔項。 | kiˊ denˋ eˊ sadˋ mangˊ guˋ jien, jien mˇ iangˇ nang gamˊ ngian haˊ loiˇ iung kianˊ ge, suˊ bauˊ biong teˊ mien qienˇ ge lamˇ eˊ hong. | 無 | |
| juni21_260 | 看起來風神哎哎，該下仔，細人仔陣都蓋欣羨佢。 | kon hiˋ loiˇ fungˊ siinˇ ngai ngai, ge ha eˋ, se nginˇ eˋ ciin duˊ goi himˊ xien iˇ. | 無 | |
| juni21_261 | 有一擺，𠊎在大崎堵著阿雪，佢講，𠊎載你下崎愛無？ | iuˊ idˋ baiˋ, ngaiˇ teˊ tai gia duˇ doˋ aˊ xiedˋ, iˇ gongˋ, ngaiˇ zoi ngˇ haˊ gia oi moˇ? | 無 | |
| juni21_262 | 𠊎想著阿姆个吩附，心肝肚唉唉唧唧，就講，毋使毋使。 | ngaiˇ xiongˋ doˋ aˊ meˊ ge funˊ fu, ximˊ gonˊ duˋ aiˊ aiˊ jid jid, qiu gongˋ, mˇ siiˋ mˇ siiˋ. | 無 | |
| juni21_263 | 𠊎自家行歸去就好吔。 | ngaiˇ qid gaˊ hangˇ guiˊ hi qiu hoˋ eˇ. | 無 | |
| juni21_264 | 阿雪盡倚侍得得个講，𠊎每日就溜啊歸，遽又暢樂，還過擋仔線正換新个。 | aˊ xiedˋ qin iˋ sii eˋ dedˋ ge gongˋ, ngaiˇ miˊ ngidˋ qiu liu a guiˊ, giagˋ iu tiong log, vanˇ go dongˋ eˋ xien nang von xinˊ ge. | 無 | |
| juni21_265 | 愁麼个？ | seuˇ magˋ ge? | 無 | |
| juni21_266 | 𠊎用手試揢啊，車仔黏時頓恬，看起來盡穩當，愐想試一擺就好。 | ngaiˇ iung suˋ cii kag a, caˊ eˋ ngiamˇ siiˇ dunˋ diamˊ, kon hiˋ loiˇ qin vunˋ dong, menˋ xiongˋ cii idˋ baiˊ qiu hoˋ. | 無 | |
| juni21_267 | 阿姆毋會知啦！ | aˊ meˊ mˇ voi diˊ laˋ! | 無 | |
| juni21_268 | 跋上車，在崎頂看啊下去，阿姆哀！ | bagˋ songˊ caˊ, teˊ gia dangˋ kon a haˊ hi, aˊ meˊ oiˊ! | 無 | |
| juni21_269 | 腳底癢癢，雞嫲皮緊起，阿雪講，你會驚係無？ | giogˋ daiˋ iongˊ iongˊ, gieˊ maˇ piˇ ginˋ hiˋ, aˊ xiedˋ gongˋ, ngˇ voi giangˊ he moˇ? | 無 | |
| juni21_270 | 𠊎毋擔輸贏應佢，有麼个好驚？ | ngaiˇ mˇ damˊ suˊ iangˇ in iˇ, iuˊ maˋ ge hoˋ giangˊ? | 無 | |
| juni21_271 | 其實𠊎驚到會死又毋敢講。 | kiˇ siid ngaiˇ giangˊ do voi xiˋ iu mˇ gamˋ gongˋ. | 無 | |
| juni21_272 | 阿雪吩咐𠊎扳好來，𠊎兩隻手扭等阿雪个衫，兩粒目珠眨到緪緪。 | aˊ xiedˋ funˊ fu ngaiˇ banˊ hoˋ loiˇ, ngaiˇ liongˋ zagˋ suˋ neuˋ denˋ aˊ xiedˋ ge samˊ, liongˋ liab mugˋ zuˊ sabˋ do henˇ henˇ. | 無 | |
| juni21_273 | 車仔順順仔溜下去，聽著唧唧个擋仔聲，心肝加盡穩板。 | caˊ eˋ sun sun eˊ liu haˊ hi, tangˊ doˋ jid jid ge dongˋ eˋ sangˊ, ximˊ gonˊ gaˊ qin vunˋ banˋ. | 無 | |
| juni21_274 | 按算加一下添就到吔。 | on son gaˊ idˋ ha tiamˊ qiu do eˇ. | 無 | |
| juni21_275 | 無想著，溜到半崎个時節，擋仔嗄肅恬，這時節阿雪仔放聲喊，無擋仔吔！ | moˇ xiongˋ doˋ, liu do ban gia ge siiˇ jiedˋ, dongˋ eˋ sa sogˋ diamˊ, iaˋ siiˇ jiedˋ aˊ xiedˋ eˊ biong sangˊ hemˊ, moˇ dongˋ eˋ eˇ! | 無 | |
| juni21_276 | 這擺就死無命吔！ | iaˋ baiˋ qiu xiˋ moˇ miang leˇ! | 無 | |
| juni21_277 | 𠊎毋知愛仰結煞，就淨跈等阿雪仔緊喊。 | ngaiˇ mˇ diˊ oi ngiong gadˋ sadˋ, qiu qiang tenˇ denˋ aˊ xiedˋ eˊ ginˋ hemˊ. | 無 | |
| juni21_278 | 砰，一聲！ | bang, idˋ sangˊ! | 無 | |
| juni21_279 | 車仔正正撞著一墩竻竹，吾目珠擘啊開來，看著阿雪仔橫在竹頭下。 | caˊ eˋ ziin ziin zungˊ doˋ idˋ dunˊ nedˋ zugˋ, ngaˊ mugˋ zuˊ bagˋ a koiˊ loiˇ, kon doˋ aˊ xiedˋ eˊ vang teˊ zugˋ teuˇ haˊ. | 無 | |
| juni21_280 | 企毋起來，緊噭緊呻，蓋痛！ | kiˊ mˇ hiˋ loiˇ, ginˋ gieu ginˋ cenˊ, goi tung! | 無 | |
| juni21_281 | 蓋痛！ | goi tung! | 無 | |
| juni21_282 | 𠊎摸一下溼溼个鼻公，手巴掌全係血，原來係流鼻血吔。 | ngaiˇ miaˊ idˋ ha siibˋ siibˋ ge pi gungˊ, suˋ baˊ zongˋ qionˇ he hiadˋ, ngianˇ loiˇ he liuˇ pi hiadˋ eˇ. | 無 | |
| juni21_283 | 該載手腳還做得停動。 | goiˊ zai suˋ giogˋ vanˇ zo dedˋ tinˊ tungˊ. | 無 | |
| juni21_284 | 𠊎定定仔跋䟘起來，顧毋得滿鼻公个血，一路行歸去伙房尋人。 | ngaiˇ tin tin eˋ bagˋ hong hiˋ loiˇ, gu mˇ dedˋ manˊ pi gungˊ ge hiadˋ, idˋ lu hangˇ guiˊ hi foˋ fongˇ qimˇ nginˇ. | 無 | |
| juni21_285 | 好得阿泉叔兩子爺堵好轉夜，奧多拜正熄火，兜起廳下个藤椅。 | hoˋ dedˋ aˊ qienˇ sugˋ liongˋ ziiˋ iaˇ duˋ hoˋ zonˋ ia, oˊ do baiˋ nang xidˋ foˋ, deuˊ hiˋ tangˊ haˊ ge tenˇ iˋ. | 無 | |
| juni21_286 | 跋腳就去同阿雪仔扛歸屋下，共快打電話請莊頭个魏先生來看診。 | bagˋ giogˋ qiu hi tungˇ aˊ xiedˋ eˊ gongˊ guiˊ lugˋ kaˊ, kiung kuai daˋ tien fa qiangˋ zongˊ teuˇ ge ngui xinˊ sangˊ loiˇ kon ziinˋ. | 無 | |
| juni21_287 | 阿雪也命靚，淨手腳鑪溜皮定定，毋過可能係嚇著吔。 | aˊ xiedˋ ia miang jiangˊ, qiang suˋ giogˋ lu liu piˇ tin tin, mˇ go koˋ nenˇ he hagˋ doˋ eˇ. | 無 | |
| juni21_288 | 暗晡頭緊發狂發青瞑，食睡毋得，厥婆還帶佢去陂塘下恩主公該仔收驚。 | am buˊ teuˇ ginˋ bodˋ kongˇ bodˋ qiangˊ miangˊ, siid soi mˇ dedˋ, iaˊ poˇ vanˇ dai iˇ hi biˊ tongˇ ha enˊ zuˋ gungˊ ge eˊ suˊ giangˊ. | 無 | |
| juni21_289 | 該溜大崎逞英雄个回憶，久久仔愐想起來，心肝還會顫一下仔。 | ge liu tai gia ciinˋ inˊ hiungˇ ge fiˇ i, giuˋ giuˋ eˊ menˋ xiongˋ hiˋ loiˇ, ximˊ gonˊ vanˇ voi zunˊ idˋ ha eˊ. | 無 | |
| juni21_290 | 雞嫲皮又起起來。 | gieˊ maˇ piˇ iu hiˋ hiˋ loiˇ. | 無 |