美濃客家語寶典-08

美濃客家語寶典-08：

編號	例句	六堆客語拼音	華譯
lbk08_001	該人專門在外背欺弱翕細，歸到屋下一看啊著姐仔嗄又乖乖仔，一粒屁卵都毋敢放。	ge nginˇ zonˊ munˇ tiˊ lo boi kiˊ ngiog hibˋ se ，guiˊ do lugˋ kaˊ idˋ kon a doˋ jiaˋ eˋ sa iu guaiˊ guaiˊ eˊ ，idˋ liab pi nonˋ duˊ mˇ gamˋ biong 。	那個人專在外頭欺負弱小，回到家裡一看到老婆卻又乖乖的，連屁都不敢放。
lbk08_002	在河壩項搞尞定著愛細義，人講：「欺山莫欺水。」一下毋堵好，就會分水鬼仔扭走喔！	tiˊ hoˇ ba hong gauˋ liau tin cog oi se ngi ，nginˇ gongˋ ：「kiˊ sanˊ mog kiˊ suiˋ 。」idˋ ha mˇ duˋ hoˋ， qiu voi bunˊ suiˋ guiˋ eˋ neuˋ zeuˋ oˊ！	在河裡玩一定要很小心，俗話說：「水能載舟，亦能覆舟。」一個不小心，就會被水鬼抓走喔！
lbk08_003	這種欺神騙鬼个事你也敢做，斷真係毋知死喲！	iaˋ zungˋ kiˊ siinˇ pien guiˋ ge sii ngˇ iaˊ gamˋ zo ，don ziinˊ he mˇ diˊ xiˋ ioˊ！	這種欺騙鬼神的事情你也敢做，真的是不知死活！
lbk08_004	這下因為社會型態改變吔，「嘗」个管理也緊來緊複雜，有兜子孫就會想將「嘗」廢核，但係，老一輩个人就會罵佢等欺祖滅嘗。	iaˋ ha inˊ vi sa fi hinˇ tai goiˋ bien eˇ，「songˇ」ge gonˋ liˊ iaˊ ginˋ loiˇ ginˋ fug cab，iuˊ deuˊ ziiˋ sunˊ qiu voi xiongˋ jiongˊ 「songˇ」 fi hedˋ ，danˋ he，loˋ idˋ pi ge nginˇ qiu voi ma ienˊ kiˊ zuˋ mied songˇ 。	現在因為社會型態改變了，「嘗」的管理也越來越複雜，有些後代子孫就會想將「嘗」廢掉，但是，老一輩的人就會罵他們是欺祖滅嘗。
lbk08_005	阿明哥昨暗晡打麻雀，麻雀無揢好跌下去，大家就㖸佢：「哦呵！棋仔跌落地，輸核一家濟。」	aˊ minˇ goˊ coˊ am buˊ daˋ maˇ jiogˋ ，maˇ jiogˋ moˇ kag hoˋ diedˋ haˊ hi ，tai gaˊ qiu nagˋ iˇ ：「o hoˊ ！kiˇ eˋ diedˋ log ti ，suˊ hedˋ idˋ gaˊ ji 。」	阿明哥昨天晚上打麻將，麻將沒拿好掉了下去，大家就戲謔他：「棋仔一落地，會輸得精光。」
lbk08_006	這下个後生仔尋頭路無恁簡單，不時都係騎馬怙杖，先做等來再定定仔尋。	iaˋ ha ge heu sangˊ eˋ qimˇ teuˇ lu moˇ anˋ gianˋ danˊ ，budˋ siiˇ duˊ he kiˇ maˊ ku congˋ ，xienˊ zo nenˋ loiˇ zai tin tin eˊ qimˇ 。	現在的年輕人找工作沒那麼容易，往往都是騎驢找馬，先有得做然後再慢慢的找。
lbk08_007	你這隻猴哥恁毋堪身分，擎頭帶腦來摝博，係毋係愛反吔？	ngˇ iaˋ zagˋ heuˇ goˊ anˋ mˇ kamˊ siinˊ fun ，kiaˇ teuˇ dai noˋ loiˇ lugˋ bogˋ ，he mˇ he oi fanˋ eˇ？	你這傢伙不知道自己斤兩，竟然帶頭來鬧場，是不是要造反了？
lbk08_008	佢等兩儕好个時節黏煞煞，毋好个時節嗄來擎膣上屌，真實難耐。	ienˊ liongˋ saˇ hoˋ ge siiˇ jiedˋ ngiamˇ sadˋ sadˋ，mˇ hoˋ ge siiˇ jiedˋ sa loiˇ kiaˇ ziiˊ song diauˋ ，ziinˊ siid nanˇ ngai 。	他們兩個要好的時候經常黏在一起，不好的時候卻連各種粗話都上口了，實在很要不得。
lbk08_009	頭擺鄉下个細人仔，還細就會跈阿爸阿姆學脥豬菜餵豬嫲吔。	teuˇ baiˋ hiongˊ haˊ ge se nginˇ eˋ ，hanˇ se qiu voi tenˇ aˊ baˊ aˊ meˊ hog kiab zuˊ coi vi zuˊ maˇ eˇ。	以前鄉下的孩子，從小就會跟著父母親學用機器碾碎地瓜葉餵母豬了。
lbk08_010	該隻雞仔分人㓾胲吔還在該蹶命呢！	ge zagˋ gieˊ eˋ bunˊ nginˇ ciiˇ goiˊ eˇ hanˇ teˊ geˋ kiad miang neˊ ！	那隻雞被人割了脖子還在那裡掙扎呢！
lbk08_011	你想講買吔一張彩券就會發吔，𠊎看你斯屐著高啊留來看過好！	ngˇ xiongˋ gongˋ maiˊ eˇ idˋ zongˊ caiˋ kianˋ qiu voi bodˋ eˇ，ngaiˇ kon ngˇ siiˇ kiag zogˋ goˊ aˋ liuˇ loiˇ kon go hoˋ ！	你在妄想買一張彩券就能致富，我看你等著讓人看笑話吧！
lbk08_012	頭前地泥項有幾堆雞屎，你愛足兼啊過，毋好蹬著喔！	teuˇ qienˇ ti naiˇ hong iuˊ giˋ doiˊ gieˊ siiˋ ， ngˇ oi kiam a go , mˇ hoˋ demˋ doˋ oˊ！	前面地面上有幾堆雞糞，你要跨過去，不要踩到了！
lbk08_013	這兜矮凳仔也毋曉得徙開一下，恁呢足兼上足兼下毋驚徑橫麼？	iaˋ deuˊ aiˋ den eˋ iaˇ mˇ hiauˋ dedˋ saiˋ koiˊ idˋ ha，anˋ neˊ kiam songˊ kiam haˊ mˇ giangˊ gang vang meˇ ？	這些矮板凳也不知道移開一下，這樣跨過來跨過去不怕絆倒嗎？
lbk08_014	你今晡日斯在該無閒麼个？仰將把這台引擎鉗上鉗下呢？	ngˇ ginˊ buˊ ngidˋ siiˇ teˊ geˋ moˇ hanˇ maˋ ge ？ngiongˋ jiongˊ baˋ iaˋ toiˇ enˊ jinˋ kiamˇ songˊ kiamˇ haˊ noˋ ？	你今天到底在忙些什麼？怎麼老是將這輛機車騎來騎去？
lbk08_015	愛炒蕹菜之前，先同這蒜頭菣畀香，正放蕹菜下去大火炒，過好食。	oi cauˋ fung coi ziiˊ qienˇ，xienˊ tungˇ iaˋ son teuˇ kian biˋ hiongˊ，nang biong fung coi haˊ hi tai foˋ cauˋ ，go hoˋ siid 。	要炒空心菜之前，先把蒜頭爆香，再放空心菜大火炒，比較好吃。
lbk08_016	頭擺人認為賭博比嫖過敗家，故所會勸話大人儕，係愛講細人仔，就勸賭莫勸嫖。	teuˇ baiˋ nginˇ ngin viˇ duˋ bogˋ biˋ peuˇ go pai gaˊ，gu soˋ voi kian va tai nginˇ saˇ，he oi gongˋ se nginˇ eˋ ，qiu kian duˋ mog kian peuˇ 。	前人認為賭博比嫖還要傷害家庭，所以會勸為人父母者，如果要勸小孩學好，就先勸戒賭不用勸嫖。
lbk08_017	𠊎還細个時節，識同大人共下絭菸葉喔！	ngaiˇ hanˇ se ge siiˇ jiedˋ，siidˋ tungˇ tai nginˇ kiung ha kian ianˊ iab oˊ！	我小時候，曾和大人一起用菸針穿菸葉呢！
lbk08_018	佢這擺選舉个案仔，牽牽連連，有十過個人續擔吔。	iˇ iaˋ baiˋ xienˋ giˋ ge on eˋ，kianˊ kianˊ lienˇ lienˇ，iuˊ siib go ge nginˇ sa damˇ eˇ。	他這次選舉的案子，非常複雜，有十幾個人受到牽連了。
lbk08_019	拜託你毋好牽馬好無？講來講去都共樣个事情。	bai togˋ ngˇ mˇ hoˋ kianˊ maˊ hoˋ moˇ ？gongˋ loiˇ gongˋ hi duˊ kiung iong ge sii qinˇ 。	拜託你不好再嘮叨了好嗎？說來說去都說同樣的事情。
lbk08_020	佢生理做失敗吔，這下牽牛食水賣屋仔吔。	iˇ senˊ liˊ zo siidˋ pai eˇ，iaˋ ha kianˊ ngiuˇ siid suiˋ mai vugˋ eˋ eˇ。	他生意失敗了，現在轉行當仲介來賣房屋了。
lbk08_021	頭擺在鄉下，不時看得著細人仔牽牛搵浴。	teuˇ baiˋ teˊ hiongˊ haˊ ，budˋ siiˇ kon dedˋ doˋ se nginˇ eˋ kianˊ ngiuˇ vun iog 。	以前在鄉下，經常可以看到小孩子牽牛去泡水。
lbk08_022	這兜細倈仔會走去河壩項洗身仔，定著係你這隻猴哥牽頭帶腦个。	iaˋ deuˊ se lai eˋ voi zeuˋ hi hoˇ ba hong seˋ siinˊ eˋ ，tin cog he ngˇ iaˋ zagˋ heuˇ goˊ kianˊ teuˇ dai noˋ ge 。	這些男生會跑到河裡游泳，一定是你這個頑皮鬼帶頭的。
lbk08_023	這教練脾氣盡壞，對表現毋好个球員動啊著就拳打腳踢，正式無應該。	iaˋ gau lien piˇ hi qin faiˋ ，dui beuˋ hian mˇ hoˋ ge kiuˇ ianˇ tungˊ a doˋ qiu kianˇ daˋ giogˋ tedˋ ，ziin siidˋ moˇ in goiˊ 。	這教練脾氣很壞，動不動就對表現不好的球員拳打腳踢，真不應該。
lbk08_024	你莫看佢拳花摝天，全部都無底个。	ngˇ mog kon iˇ kianˇ faˊ lugˋ tienˊ ，qionˇ pu duˊ moˇ daiˋ ge 。	你別看他擺出拳腳動作很像個樣子，全部都是花招而已。
lbk08_025	佢見擺拜伯公个時節，都會虔虔誠誠同伯公唱喏。	iˇ gian baiˋ bai bagˋ gungˊ ge siiˇ jiedˋ ，duˊ voi kianˇ kianˇ siinˇ siinˇ tungˇ bagˋ gungˊ cong iaˊ。	他每次去拜土地公時，都會很虔誠的向土地公拜拜。
lbk08_026	人講：「拳頭毋打笑面人」，你有麼个事情就同佢好好參詳，過好解決。	nginˇ gongˋ ：「kianˇ teuˇ mˇ daˋ seu mien nginˇ 」，ngˇ iuˊ maˋ ge sii qinˇ qiu tungˇ iˇ hoˋ hoˋ camˊ xiongˇ ，go hoˋ giaiˋ giadˋ。	俗話說：「拳頭不打笑臉人」，你有什麼事情就和他好好商量，比較容易解決。
lbk08_027	佢恁久身體毋好，食東西盡儆嘴。	iˇ anˋ giuˋ siinˊ tiˋ mˇ hoˋ ，siid dungˊ xiˊ qin kiang zoi 。	他最近身體不好，吃東西很謹慎。
lbk08_028	係愛教細人仔、打細人仔愛輕輕仔就好。	he oi gauˊ se nginˇ eˋ 、daˋ se nginˇ eˋ oi kiangˊ kiangˊ eˊ qiu hoˋ 。	若要教導小孩或處罰小孩只要輕輕的就好。
lbk08_029	人做事个時節，心情放畀開，輕輕鬆鬆就過一日。	nginˇ zo sii ge siiˇ jiedˋ ，ximˊ qinˇ biong biˋ koiˊ ，kiangˊ kiangˊ sungˊ sungˊ qiu go idˋ ngidˋ 。	一般人做事的時候，心情要放鬆，輕鬆愉快過一天。
lbk08_030	這下換你去修樹桍，這個頭路輕連連著毋會蓋難。	iaˋ ha von ngˇ hi xiuˊ su paˋ ，iaˋ ge teuˇ lu kiangˊ lienˇ lienˇ doˋ mˇ voi goi nanˇ 。	現在換你去修剪樹枝，這個工作很輕鬆不會很難。
lbk08_031	做事愛蓋認真，輕手輕腳正會分人說。	zo sii oi goi ngin ziinˊ ，kiangˊ suˋ kiangˊ giogˋ nang voi bunˊ nginˇ sodˋ 。	做事情要很認真，手腳俐落動作快才會被稱讚。
lbk08_032	這個做家娘个人蓋蹺蹊，不時蹧蹋厥心臼。	iaˋ ge zo gaˊ ngiongˇ ge nginˇ goi kiauˊ hiˊ ，budˋ siiˇ zauˊ tabˋ iaˊ ximˊ kiuˊ 。	這位婆婆為人苛刻，時常虐待她的媳婦。
lbk08_033	二月掛紙，大家都愛做粄仔，做粄仔前愛先矻食亞。	ngi ngiad gua ziiˋ ，tai gaˊ duˊ oi zo banˋ eˋ ，zo banˋ eˋ qienˇ oi xienˊ kid aˇ 。	農曆二月掃墓，家家戶戶要做粄粿，在做之前要先做內餡。
lbk08_034	厥褲袋仔裡肚，毋知袋麼个東西，遠遠就有聽著矻矻搉搉个聲。	iaˊ fu toi eˋ diˊ duˋ ，mˇ diˊ toi maˋ ge dungˊ xiˊ ，ianˋ ianˋ qiu iuˊ tangˊ doˋ kid kid kog kog ge sangˊ 。	他的褲袋裡，不知裝了什麼東西，遠遠就聽到有東西互相碰撞的聲音。
lbk08_035	過年到吔，做甜粄係阿姆、阿嬤个苦事頭，𠊎看佢等在鑊頭項矻甜粄實在清苦。	go ngianˇ do eˇ，zo tiamˇ banˋ he aˊ meˊ 、aˊ ma ge kuˋ se teuˇ，ngaiˇ kon ienˊ teˊ vog teuˇ hong kid tiamˇ banˋ siid cai qinˊ kuˋ 。	快過年了，做年糕是媽媽、奶奶的苦差事，我看他們雙手用力的在鍋子裡邊煮邊攪拌實在辛苦。
lbk08_036	頭擺𠊎个阿嬤看著𠊎恁多朋友，就會講：「契弟多同年，婊仔多姐妹，無用个啦！」	teuˇ baiˋ ngaiˇ ge aˊ ma kon doˋ ngaiˇ anˋ doˊ penˇ iuˊ ，qiu voi gongˋ ：「kie ti doˊ tungˇ ngianˇ ，beuˋ eˋ doˊ jiˋ moi，moˇ iung ge laˋ！」	以前我奶奶看到我有這麼多朋友，就會說：「吃喝玩樂的酒肉朋友或姊妹淘，是沒有作用的啦！」
lbk08_037	這個後生仔看起來蓋老實，但係又痴痴戇戇。	iaˋ ge heu sangˊ eˋ kon hiˋ loiˇ goi loˋ siid ，danˋ he iu kieˇ kieˇ ngong ngong 。	這個年輕人看起來很老實，但有點癡呆的樣子。
lbk08_038	心臼講差話，家娘會譴譴仔話佢一兩句。	ximˊ kiuˊ gongˋ caˊ fa ，gaˊ ngiongˇ voi kienˋ kienˋ eˊ va iˇ idˋ liongˋ gi 。	媳婦講錯話，婆婆會有點生氣的說她幾句。
lbk08_039	好好个一件事情，分你摝核吔，實在會譴死人！	hoˋ hoˋ ge idˋ kian sii qinˇ，bunˊ ngˇ lugˋ hedˋ eˇ，siid cai voi kienˋ xiˋ nginˇ ！	好好的一件事，被你破壞了，實在會氣死人！
lbk08_040	這個人討心臼，該暗晡有完神，一家人叩謝還願。	iaˋ ge nginˇ toˋ ximˊ kiuˊ ，ge am buˊ iuˊ vanˇ siinˇ ，idˋ gaˊ nginˇ kieu qia vanˇ ngian 。	這個人娶媳婦，當天晚上有祈福儀式，一家人向神明還願叩謝。
lbk08_041	做賊个人不時同人撬鎖頭。	zo ced ge nginˇ budˋ siiˇ tungˇ nginˇ kieu soˋ teuˇ 。	小偷時常會去把人家的門鎖撬開。
lbk08_042	隔壁个阿伯，細人仔成功吔，𠊎看佢每日在該蹺腳尞。	gagˋ biagˋ ge aˊ bagˋ ，se nginˇ eˋ siinˇ gungˊ eˇ，ngaiˇ kon iˇ miˊ ngidˋ teˊ geˋ kieuˊ giogˋ liau 。	隔壁的老伯伯，因為小孩事業有成，我看他每天都蹺著腳一副很悠閒的樣子。
lbk08_043	細人仔係討毋著錢，就會跈啊爺哀後背嘺上嘺下。	se nginˇ eˋ he toˋ mˇ doˋ qienˇ ，qiu voi tenˇ a iaˇ oiˊ heu boi kieuˇ songˊ kieuˇ haˊ 。	小孩子若要不到錢，就會跟在父母後面哭鬧糾纏不休。
lbk08_044	這個細人仔蓋好噭，十分嘺人，𠊎蓋畏喲！	iaˋ ge se nginˇ eˋ goi hau gieu ，siib funˊ kieuˇ nginˇ ，ngaiˇ goi vi ioˊ！	這個小孩很愛哭，非常的煩人，我很不喜歡哦！
lbk08_045	細人仔肚飢吔會嘺東西，老人家下把會罵：「淨知嘺㘔頓！」	se nginˇ eˋ duˋ giˊ eˇ voi kieuˇ dungˊ xiˊ ，loˋ nginˇ gaˊ ha baˋ voi ma ：「qiang diˊ kieuˇ saiˊ dun ！」	小孩子肚子餓會哭鬧要吃東西，老人家有時候會罵：「就只知道想要吃！」
lbk08_046	這個後生仔蓋聰明、口才蓋好，𠊎等會講佢口筆兩利蓋登真。	iaˋ ge heu sangˊ eˋ goi cungˊ minˇ、kieuˋ coiˇ goi hoˋ，ngaiˇ nenˊ voi gongˋ iˇ kieuˋ bidˋ liongˋ li goi denˊ ziinˊ 。	這個年輕人很聰明、口才又好，我們會讚美他口才佳、反應快。
lbk08_047	毋好覺著佢口短舌屈就盡無才呢，厥文章斯不時得獎喔！	mˇ hoˋ gogˋ doˋ iˇ kieuˋ donˋ sad kud qiu qin moˇ coiˇ neˋ，iaˊ vunˇ zongˊ siiˇ budˋ siiˇ dedˋ jiongˋ oˊ！	不要以為他口才不好就很沒才喲！他的文章可是常常得獎喔！
lbk08_048	頭擺，阿嬤不時講，𠊎係口食天財，有福个人。	teuˇ baiˋ ，aˊ ma budˋ siiˇ gongˋ ，ngaiˇ he kieuˋ siid tienˊ coiˇ ，iuˊ fugˋ ge nginˇ 。	以前，奶奶常常會說，我是很有口福的人。
lbk08_049	一般參加祭典个時節，主祭者尾項都會說好話，祝福大家口食天財、緊食緊來；添丁進財、有福順來。	idˋ banˊ camˊ gaˊ ji dienˋ ge siiˇ jiedˋ ，zuˋ ji zaˋ miˊ hong duˊ voi sodˋ hoˋ fa ，zugˋ fugˋ tai gaˊ kieuˋ siid tienˊ coiˇ 、ginˋ siid ginˋ loiˇ ；tiamˊ denˊ jin coiˇ 、iuˊ fugˋ sun loiˇ 。	一般參加祭典的時候，主祭者最後都會說好話，祝福大家有口福、吃不盡；人丁興旺財氣來、福氣跟著來。
lbk08_050	該人講話口無對心，故所以莫聽佢恁多。	ge nginˇ gongˋ fa kieuˋ vuˇ dui ximˊ ，gu soˋ iˊ mog tangˊ iˇ anˋ doˊ 。	那個人說話心口不一，所以他的話聽聽就好。
lbk08_051	恁久身仔毋好，食吔消炎又傷著胃，斷真係「撳吔頭來尾又翹」，毋知愛仰呢正好？	anˋ giuˋ siinˊ eˋ mˇ hoˋ，siid eˇ seuˊ iamˇ iu songˊ doˋ vi ，don ziinˊ he 「kim eˇ teuˇ loiˇ miˊ iu kieu 」，mˇ diˊ oi ngiongˋ eˊ nang hoˋ ？	最近身體不好，吃了消炎又傷到胃，真的是「首尾難兼顧」，不知道該怎麼辦？
lbk08_052	毋好看佢細罔細，一轉手就隨做得撳橫人喔！	mˇ hoˋ kon iˇ se mongˋ se，idˋ zonˋ suˋ qiu suiˇ zo dedˋ kim vang nginˇ oˊ！	不要看他長得這麼小個頭，一下子就隨時可以把人壓倒在地上喔！
lbk08_053	𠊎係聽著灶下傳來鏗鏗鏘鏘个聲音，就知阿姆定著在該無閒吔。	ngaiˇ he tangˊ doˋ zo haˊ conˇ loiˇkin kin kong kong ge sangˊ imˊ，qiu diˊ aˊ meˊ tin cog teˊ geˋ moˇ hanˇ eˇ。	我若聽到廚房傳來鏗鏗鏘鏘的聲音，就知道媽媽一定在那裡忙了。
lbk08_054	每擺去田項做事都會𤸁死人。	miˊ baiˋ hi tienˇ hong zo se duˊ voi kioi xiˋ nginˇ 。	每次到田裡工作都會累死人。
lbk08_055	人講：「強來心臼毋成家，枉搵錢財水流沙」，故所以，毋係正當得著个東西絕對無好結果。	nginˇ gongˋ ：「kiongˇ loiˇ ximˊ kiuˊ mˇ sangˇ gaˊ，vongˋ vudˋ qienˇ coiˇ suiˋ liuˇ saˊ 」，gu soˋ iˊ，mˇ he ziin dongˊ dedˋ doˋ ge dungˊ xiˊ qied dui moˇ hoˋ giadˋ goˋ 。	人家說：「搶來的老婆不成家，貪得而來的錢財如流水」，所以，不是正當手段得到的東西，絕對不會有好結果。
lbk08_056	人老仔一般都係淨敢求平安，毋敢求添福壽。	nginˇ loˋ eˇ idˋ banˊ duˊ he qiang gamˋ kiuˇ pinˇ onˊ，mˇ gamˋ kiuˇ tiamˊ fugˋ su 。	一般老年人都只求平安就好，不敢妄求其他的。
lbk08_057	吾爸畜盡多鴨仔，𠊎每日臨暗都愛負責去跼鴨仔。	ngaˊ baˊ hiugˋ qin doˊ abˋ eˋ ，ngaiˇ miˊ ngidˋ limˇ am duˊ oi fu jidˋ hi kiug abˋ eˋ 。	我爸爸養很多鴨子，我每天傍晚都要負責去把鴨子關起來。
lbk08_058	人講：「近河多風，近山多雨。」𠊎屋下歇在山下，故所以，每下晝幾乎都會落雨。	nginˇ gongˋ ：「kiun hoˇ doˊ fungˊ ，kiun sanˊ doˊ iˋ 。」ngaiˇ lugˋ kaˊ hed teˊ sanˊ haˊ ，gu soˋ iˊ ，miˊ haˊ zu giˊ fuˊ duˊ voi log iˋ 。	俗話說：「在河邊風大，在山間多雨。」我家住在山下，所以每天下午幾乎都會下雨。
lbk08_059	人講：「近河莫欺水，近山莫欺樵」，這係一個人生存蓋基本个態度。	nginˇ gongˋ ：「kiun hoˇ mog kiˊ suiˋ ，kiun sanˊ mog kiˊ ceuˇ 」，iaˋ he idˋ ge nginˇ senˊ cunˇ goi giˊ bunˋ ge tai tu 。	俗話說：「靠河生活的人不會輕視水，靠山生活的人不會亂砍柴」，這是一個人生存很基本的態度。
lbk08_060	人講：「近廟欺神」，一般歇在廟堂脣邊个人都無麼相信這間廟。	nginˇ gongˋ ：「kiun meu kiˊ siinˇ」，idˋ banˊ hed teˊ meu tongˇ siinˇ bienˊ ge nginˇ duˊ moˇ maˋ xiongˊ xin iaˋ gianˊ meu 。	俗話說：「近廟欺神」，一般住在廟宇附近的人都不太相信這間廟。
lbk08_061	人講：「近山多雨」，故所以，去山區搞尞定著愛蓋細義。	nginˇ gongˋ ：「kiun sanˊ doˊ iˋ」，gu soˋ iˊ ，hi sanˊ kiˊ gauˋ liau tin cog oi goi se ngi 。	俗話說：「近山多雨」，所以，到山區遊玩一定要非常小心。
lbk08_062	𠊎屋下隔學校近近仔。	ngaiˇ lugˋ kaˊ gagˋ hog gauˋ kiun kiun eˊ 。	我家離學校很近。
lbk08_063	人講：「勤儉致富」，有口人家一般來講都係蓋勤儉个。	nginˇ gongˋ ：「kiunˇ kiam zii fu」，iuˊ heuˋ nginˇ gaˊ idˋ banˊ loiˇ gongˋ duˊ he goi kiunˇ kiam ge 。	俗話說：「勤儉致富」，有錢人一般來說都是非常勤勞節儉的。
lbk08_064	𠊎今晡日會有恁呢个成就，係因為一直記得頭擺阿嬤同𠊎講過个這句話：「勤儉人得福，懶尸人得苦。」	ngaiˇ ginˊ buˊ ngidˋ voi iuˊ anˋ neˊ ge siinˇ qiu，he inˊ vi idˋ ciid gi dedˋ teuˇ baiˋ aˊ ma tungˇ ngaiˇ gongˋ go ge iaˋ gi fa ：「kiunˇ kiam nginˇ dedˋ fugˋ ，nanˊ siiˊ nginˇ dedˋ kuˋ。」	我今天會有這樣的成就，是因為一直記得以前奶奶跟我說過的這句話：「勤儉的人可以獲得福氣，懶惰的人就會變得窮苦。」
lbk08_065	阿爸一生人勤勤儉儉同𠊎等畜到大。	aˊ baˊ idˋ senˊ nginˇ kiunˇ kiunˇ kiam kiam tungˇ ngaiˇ nenˊ hiugˋ do tai 。	爸爸一輩子非常勤勞節儉把我們養大。
lbk08_066	做家娘个，係盡惱心臼，佢會「裙惱帶也惱」，連孫女仔也惱著吔！	zo gaˊ ngiongˇ ge ，he qin nauˊ ximˊ kiuˊ ，iˇ voi 「kiunˇ nauˊ dai iaˊ nauˊ 」，lienˇ sunˊ ngˋ eˋ iaˊ nauˊ doˋ eˇ！	當婆婆很討厭這媳婦，她會「恨一個人，連他身邊的人也受到牽連」，所以連孫女也討厭。
lbk08_067	佢恨厥老公同佢離核，故所佢裙惱帶惱，連厥屋下人都惱著吔。	iˇ hen iaˊ loˋ gungˊ tungˇ iˇ liˇ hedˋ，gu soˋ iˊ kiunˇ nauˊ dai nauˊ ，lienˇ iaˊ lugˋ kaˊ nginˇ duˊ nauˊ doˋ eˇ。	她痛恨被老公離棄了，所以她連帶的包括她老公的家人都很痛恨。
lbk08_068	這幾隻細狗仔雖然花色無共樣，毋過一概都係共竇同胎个。	iaˋ giˋ zagˋ se gieuˋ eˋ suiˊ ianˇ faˊ sedˋ moˇ kiung iong，mˇ go idˋ koiˋ duˊ he kiung deu tungˇ toiˊ ge 。	這幾隻小狗花色雖然不同，不過都是同一胎生的。
lbk08_069	佢等兩兄弟還係共爺各哀个。	ienˊ liongˋ hiungˊ ti hanˇ he kiung iaˇ gogˋ oiˊ ge 。	他們兩兄弟是同父異母的。
lbk08_070	頭擺人講：「共爺各哀係至親，共哀各爺像別人」，平平係兄弟，毋過爺仔無相同，命運就有差別。	teuˇ baiˋ nginˇ gongˋ ：「kiung iaˇ gogˋ oiˊ he zii qinˊ ，kiung oiˊ gogˋ iaˇ qiong pied nginˇ」，piangˇ piangˇ he hiungˊ ti，mˇ go iaˇ eˋ moˇ xiongˊ tungˇ，miang iun qiu iuˊ caˊ pied 。	俗話說：「同父異母的兄弟姊妹還是至親，同母異父的兄弟姊妹則像是陌生人」，同樣是兄弟，如果父親不一樣，命運就會有差別。
lbk08_071	人愛窮愛富看自家，人講「窮（富）無過三代」，故所毋使去望家產，自家煞猛過實在。	nginˇ oi kiungˇ oi fu kon qid gaˊ ，nginˇ gongˋ 「kiungˇ （fu）moˇ go samˊ toi 」，gu soˋ mˇ siiˋ hi mong gaˊ sanˋ ，qid gaˊ sadˋ mangˊ go siid cai 。	人要貧窮要富貴決定在自己，俗話說：「不管是窮或富，通常都不會連續超過三代」，所以不必寄望祖產，自己努力打拼比較實在。
lbk08_072	人講：「窮鬼少毋得餓鬼」，你苦斯苦，毋過三餐還有好食，佢斯苦啊會屙痢肚吔，還毋共快同少佢个錢還佢。	nginˇ gongˋ ：「kiungˇ guiˋ seuˋ mˇ dedˋ ngo guiˋ 」，ngˇ kuˋ siiˇ kuˋ ，mˇ go samˊ conˊ hanˇ iuˊ hoˋ siid ，iˇ siiˇ kuˋ a voi oˊ li duˋ eˇ，hanˇ mˇ kiung kuai tungˇ seuˋ iˇ ge qienˇ vanˇ iˇ 。	俗話說：「窮人不能欠飢餓者的錢財」，你窮雖窮，但三餐還有得吃，他可就苦到快活不去了，你還不快點把欠他的錢還給他。
lbk08_073	人講「窮無六親」還正式有影，𠊎看佢搬來一兩十年吔，毋識看著有親戚朋友來尋佢尞呢！	nginˇ gongˋ 「kiungˇ moˇ liugˋ qinˊ 」hanˇ ziin siidˋ iuˊ iangˋ ，ngaiˇ kon iˇ banˊ loiˇ idˋ liongˋ siib ngianˇ eˇ，mˇ siidˋ kon doˋ iuˊ qinˊ qidˋ penˇ iuˊ loiˇ qimˇ iˇ liau neˊ ！	俗話說：「窮人沒親戚往來」還真說對了，我看他搬來一、二十年了，還不曾看過他有親戚朋友來看他呢！
lbk08_074	該老兵仔討著一個啞眵，雖然每日有去拈回收賺兜仔錢，毋過細人仔有四五個，像佢恁呢窮人多子斯愛仰結煞？	ge loˋ binˊ eˋ toˋ doˋ idˋ ge aˋ ziiˊ ，suiˊ ianˇ miˊ ngidˋ iuˊ hi ngiamˊ fiˇ suˊ con deuˊ eˋ qienˇ ，mˇ go se nginˇ eˋ iuˊ xi ngˋ ge ，qiong iˇ anˋ neˊ kiungˇ nginˇ doˊ ziiˋ siiˇ oi ngiong giadˋ sadˋ ？	那老兵娶了個啞巴老婆，雖然每天有去撿回收賺些錢，不過小孩子有四、五個，像他這樣窮人家孩子多的情形要怎麼辦才好？
lbk08_075	人講「窮人無窮山」，𠊎等係肯煞猛，定著會有成功个機會。	nginˇ gongˋ 「kiungˇ nginˇ moˇ kiungˇ sanˊ 」，ngaiˇ nenˊ he henˋ sadˋ mangˊ ，tin cog voi iuˊ siinˇ gungˊ ge giˊ fi 。	俗話說：「貧窮的人只要肯上山吃苦，就會有生存的機會」，我們只要肯努力打拼，就會有成功的機會。
lbk08_076	客家人蓋重視生活、教育同品德，故所會勸話大家：「窮人莫斷豬，富人莫斷書。」	hagˋ gaˊ nginˇ goi cung sii senˊ fad 、gau iugˋ tungˇ pinˋ dedˋ，gu soˋ voi kian va tai gaˊ ：「kiungˇ nginˇ mog tonˊ zuˊ ，fu nginˇ mog tonˊ suˊ 。」	客家人很重視生活、教育和品德，所以常勸人們：「窮人要靠養豬才能致富，富人要靠讀書才能轉富為貴。」
lbk08_077	窮苦人家本成就有過弱勢，愛照顧自家都蓋食力吔，哪還有麼个好分人取个呢？故所「窮人討弱妻」係蓋正常个事。	kiungˇ kuˋ nginˇ gaˊ bunˋ sangˇ qiu iuˊ go ngiog sii ，oi zeu gu qid gaˊ du goi siid lid eˇ，lai hanˇ iuˊ maˋ ge hoˋ bunˊ nginˇ qiˋ ge noˋ ？gu soˋ 「kiungˇ nginˇ toˋ ngiog qiˊ 」he goi ziin songˇ ge sii 。	窮人家本來就比較弱勢，要照顧自己都已經很吃力了，哪裡還有什麼可讓人期待的呢？所以「貧窮人家很難娶得富有妻子」是很正常的事。
lbk08_078	這托弓蕉黃吔，愛定啊放，係無驚怕會靠傷。	iaˋ togˋ giungˊ zeuˊ vongˇ eˇ，oi tin a biong ，he moˇ giangˊ pa voi ko songˊ 。	這把香蕉熟了，要小心放好，否則怕會壓傷。
lbk08_079	客家人个水利知識盡登真，故所開陂作圳對佢等來講，毋係麼个盡困難个事。	hagˋ gaˊ nginˇ ge suiˋ li ziiˊ siidˋ qin denˊ ziinˊ ，gu soˋ koiˊ biˊ zogˋ zun dui ienˊ loiˇ gongˋ ，mˇ he maˋ ge qin kun nanˇ ge sii 。	客家人的水利知識很厲害，所以闢建蓄水的陂塘及河圳來灌溉，對他們來說，並不是什麼很困難的事。
lbk08_080	頭擺先民來美濃開墾个時節，大家盡鬥搭，故所會講：「開陂作圳，人人有分。」	teuˇ baiˋ xienˊ minˇ loiˇ miˇ nungˇ koiˊ kienˋ ge siiˇ jiedˋ ，tai gaˊ qin deu dabˋ ，gu soˋ voi gongˋ ：「koiˊ biˊ zogˋ zun ，nginˇ nginˇ iuˊ fun 。」	以前先民來美濃開墾時，大家都很團結合作，所以會說：「闢建蓄水的陂塘及河圳，是大家共同的責任。」
lbk08_081	這隻狗嫲仔這綱養著五隻狗子，今晡日正開竇，就分人扭走三隻。	iaˋ zagˋ gieuˋ maˇ eˋ iaˋ gongˊ iongˊ doˋ ngˋ zagˋ gieuˋ ziiˋ ，ginˊ buˊ ngidˋ nang koiˊ deu ，qiu bunˊ nginˇ neuˋ zeuˋ samˊ zagˋ 。	這隻母狗這胎生了五隻小狗，今天才開窩，就被人抱走了三隻。
lbk08_082	阿叔考著高考，阿公盡歡喜，開壺酌酒，請來屋下祝賀个親戚朋友。	aˊ sugˋ kauˋ doˋ goˊ kauˋ ，aˊ gungˊ qin fonˊ hiˋ ，koiˊ fuˇ zogˋ jiuˋ ，qiangˋ loiˇ lugˋ kaˊ zugˋ ho ge qinˊ qidˋ penˇ iuˊ 。	叔叔考上高考，爺爺很高興，開壺倒酒，請來家裡道賀的親朋好友。
lbk08_083	這個店員盡有禮貌，見看著人客來都開容笑面，盡得人惜。	iaˋ ge diam ianˇ qin iuˊ liˊ mau ，gian kon doˋ nginˇ hagˋ loiˇ duˊ koiˊ iungˇ seu mien ，qin dedˋ nginˇ xiagˋ 。	這位店員很有禮貌，每次看到有客人上門都笑口常開，很討人喜歡。
lbk08_084	落吔恁多日个涔涔雨，今晡日總算開朗吔。	log eˇ anˋ doˊ ngidˋ ge ziimˊ ziim iˋ，ginˊ buˊ ngidˋ zungˋ son koiˊ nongˊ eˇ。	下了那麼多天的綿綿細雨，今天總算天氣晴朗了。
lbk08_085	佢在屋下開頭聚賭，違反社會善良風俗，故所分巡查扭去關吔。	iˇ teˊ lugˋ kaˊ koiˊ teuˇ qi duˋ ，viˇ fanˋ sa fi san liongˇ fungˊ xiug ，gu soˋ bunˊ siinˇ caˇ neuˋ hi guanˊ eˇ。	他在家中開賭場，違反社會善良風俗，所以被警察抓去關了。
lbk08_086	你恁㘔人，𠊎今晡日愛同你拚，看啊牛死，抑係藤斷。	ngˇ anˋ saiˊ nginˇ ，ngaiˇ ginˊ buˊ ngidˋ oi tungˇ ngˇ bia ，kon a ngiuˇ xiˋ ，ia he tenˇ tonˊ 。	你欺人太甚，我今天要跟你拚了，不是你死就是我亡。
lbk08_087	這個人蓋現實，淨會看高無看低。	iaˋ ge nginˇ goi hian siid ，qiang voi kon goˊ moˇ kon daiˊ 。	這個人很現實，專門看不起貧窮弱勢的人。
lbk08_088	算命个人目珠蓋利，看人講話，看事卜卦，係佢等个本行。	son miang ge nginˇ mugˋ zuˊ goi li ，kon nginˇ gongˋ fa ，kon sii bugˋ gua ，he ienˊ ge bunˋ hongˇ 。	算命的人眼力很好（很會判斷形勢、隨機應變），看人說話，看事斷吉凶，是他們的本領。
lbk08_089	做人毋好看輕人，頭擺人講：「看人毋好嫌人短，討食三年有運轉。」	zo nginˇ mˇ hoˋ kon kiangˊ nginˇ ，teuˇ baiˋ nginˇ gongˋ ：「kon nginˇ mˇ hoˋ hiamˇ nginˇ donˋ ，toˋ siid samˊ ngianˇ iuˊ iun zonˋ。」	做人不要輕視他人，以前的人說：「看人不可只看眼前，時來運轉，鐵也有成金的機會。」
lbk08_090	有人屋下發生大事情，𠊎等愛好好勸誘佢，看生無看死，日後个路還蓋長。	iuˊ nginˇ lugˋ kaˊ fadˋ senˊ tai sii qinˇ ，ngaiˇ nenˊ oi hoˋ hoˋ kian iu iˇ ，kon sangˊ moˇ kon xiˋ ，ngidˋ heu ge lu hanˇ goi congˇ 。	有人家裡發生重大事情，我們要好好安慰他，請他節哀順變，往後應為活者著想。
lbk08_091	人生路恁長，平安就係福，康康健健也係福。	nginˇ senˊ lu anˋ congˇ ，pinˇ onˊ qiu he fugˋ ，kongˊ kongˊ kian kian iaˊ he fugˋ 。	人生路漫長，平安就是福，身體健康也是福。
lbk08_092	「做人慷慷慨慨，自然賺錢就會堆」，這係美濃人个好話。	「zo nginˇ kongˊ kongˊ koiˋ koiˋ ，cii ianˇ con qienˇ qiu voi doiˋ」，iaˋ he miˇ nungˇ nginˇ ge hoˋ fa 。	「做人慷慨大方，自然能賺大錢」，這是美濃人的名言。
lbk08_093	阿山哥耕田又耕埔，為著恁多細人仔苦生對死。	aˊ sanˊ goˊ gangˊ tienˇ iu gangˊ puˊ ，vi doˋ anˋ doˊ se nginˇ eˋ kuˊ sangˊ dui xiˋ 。	阿山哥耕田又耕沙埔，為了小孩拚命工作。
lbk08_094	做人个家娘，毋好恁拘束人，係無若心臼个日仔會蓋毋好過。	zo nginˇ ge gaˊ ngiongˇ ，mˇ hoˋ anˋ kuˊ sogˋ nginˇ ，he moˇ ngiaˊ ximˊ kiuˊ ge ngidˋ eˋ voi goi mˇ hoˋ go 。	身為婆婆，不要去約束人，不然你媳婦很難過日子。
lbk08_095	隔壁个阿叔堵著困難吔，跍上跍下一哪仔去求人。	gagˋ biagˋ ge aˊ sugˋ duˇ doˋ kun nanˇ eˇ，kuˊ songˊ kuˊ haˊ idˋ lai eˋ hi kiuˇ nginˇ 。	隔壁的叔叔遇到困難了，到處求人協助。
lbk08_096	阿義嫂為著屋下大細，每日無閒無讓、苦上苦下。	aˊ ngi soˋ vi doˋ lugˋ kaˊ tai se，miˊ ngidˋ moˇ hanˇ moˇ ngiong、kuˊ songˊkuˊ haˊ 。	阿義嫂為了子女，每天忙得不可開交，為生活日夜操勞。
lbk08_097	恁久天時無落雨，田坵忒枯燥，蓋多種草晒死吔！	anˋ giuˋ tienˊ siiˇ moˇ log iˋ ，tienˇ kiuˊ tedˋ kuˊ zauˊ ，goi doˊ zungˋ coˋ sai xiˋ eˇ！	很久沒下雨了，田裡太乾燥，很多植物因太乾燥而枯萎了！
lbk08_098	這恁久天時毋好，種草無好收入，禾仔又吂割，大家人苦天天著。	iaˋ anˋ giuˋ tienˊ siiˇ mˇ hoˋ ，zungˋ coˋ moˇ hoˋ suˊ ngib ，voˇ eˋ iu mangˇ godˋ ，tai gaˊ nginˇ kuˋ tienˊ tienˊ doˋ 。	最近氣候不佳，農作物的收成又不好，水稻又還沒收割，大家都苦不堪言。
lbk08_099	這個新來嫂結婚三隻月，恁久蓋揀食，怕係擐人吔喲！	iaˋ ge xinˊ loiˇ soˋ giadˋ funˊ samˊ zagˋ ngiad ，anˋ giuˋ goi gianˋ siid ，pa he kuan nginˇ eˇ ioˊ！	這位新嫁娘已結婚三個月，最近很挑食，可能是懷孕了。
lbk08_100	佢電著蓋多魚仔，一哪仔擐上擐下去賣。	iˇ tien doˋ goi doˊ ngˇ eˋ ，idˋ lai eˋ kuan songˊ kuan haˊ hi mai 。	他電到很多魚，提著東西到處走動叫賣。
lbk08_101	這個婦人家生來肚屎大大，遠遠看去像擐大肚樣仔！	iaˋ ge fu nginˇ gaˊ sangˊ loiˇ duˋ siiˋ tai tai ，ianˋ ianˋ kon hi qiong kuan tai duˋ iong eˊ ！	這個婦人的肚子大大的，遠遠望去像懷孕的樣子！
lbk08_102	這隻狗嫲仔恁久肚大大仔，蓋像擐胎吔！	iaˋ zagˋ gieuˋ maˇ eˋ anˋ giuˋ duˋ tai tai eˊ ，goi qiong kuan toiˊ eˇ！	這隻母狗最近肚子大大的，很像懷孕了！
lbk08_103	阿富哥做人蓋好冇頭，一哪仔誑上誑下膨大空。	aˊ fu goˊ zo nginˇ goi hau pang teuˇ，idˋ naiˋ eˋ kuang songˊ kuang haˊ pong tai kangˊ 。	阿富哥為人不實在，到處自誇、吹噓很愛炫。
lbk08_104	隔壁个後生仔，毋煞猛又毋認真做事，淨會呷，誑嘴會啦！	gagˋ biagˋ ge heu sangˊ eˋ ，mˇ sadˋ mangˊ iu mˇ ngin ziinˊ zo sii ，qiang voi gab ，kuang zoi voi laˋ！	隔壁的年輕人，不努力又不認真做事，只出一張嘴，講得天花亂墜。
lbk08_105	阿滿頭有講無做，又蓋好膨大空，𠊎等就㖸佢「誑嘴牯」。	aˊ manˊ teuˇ iuˊ gongˋ moˇ zo ，iu goi hau pong tai kangˊ ，ngaiˇ nenˊ qiu nagˋ iˇ 「kuang zoi guˋ 」。	阿滿這個人只說不做，又很喜歡吹噓，我們就笑他是「愛吹牛的人」。
lbk08_106	你這個人屈擂屈錐，蓋同人攞毋著。	ngˇ iaˋ ge nginˇ kud luiˇ kud zuiˊ ，goi tungˇ nginˇ loˊ mˇ doˋ 。	你這個人非常不合群，很難跟人家相處。
lbk08_107	該人正式係屈尾牛好拂，毋管去到哪仔都蓋冇頭。	ge nginˇ ziin siidˋ he kud miˊ ngiuˇ hau fid ，mˇ gonˋ hi do nai eˋ duˊ goi pang teuˇ 。	那個人真的是沒能力又愛表現，不管到哪兒都很愛出風頭。
lbk08_108	一個主事者，做事情定著愛記得虧眾莫虧一，恁呢正有辦法得人心。	idˋ ge zuˋ sii zaˋ，zo sii qinˇ tin cog oi gi dedˋ kuiˊ zung mog kuiˊ idˋ，anˋ neˊ nang iuˊ pan fabˋ dedˋ nginˇ ximˊ 。	一個主事者，做事情絕對要謹記有難要共同承擔，切莫讓一人吃虧，這樣才能得到人心。
lbk08_109	厥爸為著細人仔个頭路，一哪仔去同人跪跪磕磕。	iaˊ baˊ vi doˋ se nginˇ eˋ ge teuˇ lu ，idˋ naiˋ eˋ hi tungˇ nginˇ kuiˋ kuiˋ ngab ngab 。	他爸爸為了孩子的工作，到處去請託、求人。
lbk08_110	地泥屙糟糟，你做事恁呢跪上跪下，褲乜會搣啊屙糟糟。	ti naiˇ oˊ zoˊ zoˊ ，ngˇ zo se anˋ neˊ kuiˋ songˊ kuiˋ haˊ ，fu me voi miedˋ a oˊ zoˊ zoˊ 。	地板很骯髒，你做事情這樣跪來跪去，褲子也會搞得髒兮兮。
lbk08_111	頭擺，阿姆會講：「空腹莫食酒，食多命毋久。」啉酒个時節，肚屎項定著愛有東西先矺底。	teuˇ baiˋ ，aˊ meˊ voi gongˋ ：「kungˊ bugˋ mog siid jiuˋ ，siid doˊ miang mˇ giuˋ 。」limˊ jiuˋ ge siiˇ jiedˋ ，duˋ siiˋ hong tin cog oi iuˊ dungˊ xiˊ xienˊ zagˋ daiˋ 。	以前，媽媽會講：「空腹不喝酒，喝多不長命。」喝酒的時候，肚子一定要有東西先打底。
lbk08_112	這下个人無一定愛結婚吔，自家係生活著好，有目標、有朋友，就算空身尞跳乜蓋自在。	iaˋ ha ge nginˇ moˇ idˋ tin oi giadˋ funˊ eˇ，qid gaˊ he senˊ fad doˋ hoˋ ，iuˊ mugˋ peuˊ 、iuˊ penˇ iuˊ ，qiu son kungˊ siinˊ liau tiau me goi cii cai 。	現代人不一定要結婚了，自己如果生活得好，有目標、有朋友，就算孑然一身也很自在。
lbk08_113	人講：「孔子不留隔夜帖」，分人拜託著个事情就愛共快處理，正毋會害人食睡毋得。	nginˇ gongˋ ：「kungˋ ziiˋ budˋ liuˇ gagˋ ia tiabˋ 」，bunˊ nginˇ bai togˋ doˋ ge sii qinˇ qiu oi kiung kuai cuˋ liˊ ，nang mˇ voi hoi nginˇ siid soi mˇ dedˋ 。	人家說：「受人之託要忠人之事，不可延宕」，別人拜託的事情就要趕處理，才不會害人家寢食難安。
lbk08_114	你罅擺理吔！恁多人還在這食，你也敢同菜包淨淨。	ngˇ la baiˋ liˊ eˇ ！anˋ doˊ nginˇ hanˇ teˊ iaˋ siid ，ngˇ iaˊ gamˋ tungˇ coi bauˊ qiang qiang 。	你夠了吧！這麼多人還在這裡吃，你也敢把菜都包光。
lbk08_115	𠊎蓋好在煮菜个時節拉歌里唱，一等快樂。	ngaiˇ goi hau teˊ zuˋ coi ge siiˇ jiedˋ laˊ goˊ liˋ cong ，idˋ denˋ kuai log 。	我很喜歡在煮菜的時候邊工作邊唱歌，非常快樂。
lbk08_116	頭擺討親蓋工夫，男女相親後，細妹仔該片會去細倈仔屋下邏家門。	teuˇ baiˋ toˋ qinˊ goi gungˊ fuˊ，namˇ ngˋ xiong qinˊ heu，se moi eˋ ge pienˋ voi hi se lai eˋ lugˋ kaˊ laˇ gaˊ munˇ 。	以前要結婚禮數十分周到，男女相親之後，女方家人會去男方家裡拜訪。
lbk08_117	該人平常時毋會打理自家，每日看起來都邋邋呷呷，蓋像釘孤擺。	ge nginˇ pinˇ songˇ siiˇ mˇ voi daˋ liˊ qid gaˊ ，miˊ ngidˋ kon hiˋ loiˇ duˊ lab lab gab gab ，goi qiong dangˊ guˊ baiˇ 。	那個人平常不會打理自己，每天看起來都很邋遢，很像要飯的。
lbk08_118	佢講該坎店个牛排幾好食講啊蠟卵，𠊎正毋信呢！	iˇ gongˋ ge kamˋ diam ge ngiuˇ paiˇ idˋ hoˋ siid gongˋ a lab nonˋ，ngaiˇ nang mˇ xin noˊ！	他說那間店的牛排好吃得不得了，我才不相信呢！
lbk08_119	該人蓋無格，一哪仔邋食，正式係標準个邋食猴。	ge nginˇ goi moˇ giedˋ ，idˋ naiˋ eˋ lab siid ，ziin siidˋ he peuˊ zunˋ ge lab siid heuˇ 。	那個人很沒品，到處白吃白喝，真的是標準的騙吃猴。
lbk08_120	你這學期忒熱注社團活動，正會漯底落第。	ngˇ iaˋ hog kiˇ tedˋ ngiad zu sa tonˇ fad tung ，nang voi labˋ daiˋ log ti 。	你這學期太熱衷社團活動，才會成績不及格而留級。
lbk08_121	頭擺係有一科無及格，就有可能變做漯底生。	teuˇ baiˋ he iuˊ idˋ koˊ moˇ kib giedˋ ，qiu iuˊ koˋ nenˇ bien zo labˋ daiˋ senˊ 。	以前若有一科不及格，就有可能變成留級生。
lbk08_122	你兩儕講个話都落鉸毋著，斯愛仰仔溝通？	ngˇ liongˋ saˇ gongˋ ge fa duˊ labˋ gau mˇ doˋ，siiˇ oi ngiongˋ eˊ gieuˊ tungˊ ？	你們兩個人說的話都沒有交集，這要如何溝通呢？
lbk08_123	這項菜辣叉叉仔，斯愛仰仔落胲？	iaˋ hong coi lad caˊ caˊ eˊ ，siiˇ oi ngiongˋ eˊ log goiˊ ？	這道菜這麼辣，是要如何下嚥呢？
lbk08_124	吾爸這下在該攊樹仔，蓋無閒。	ngaˊ baˊ iaˋ ha teˊ geˋ lag su eˋ ，goi moˇ hanˇ 。	我爸爸現在在鋸樹木，很忙的。
lbk08_125	你正經係賴孵雞嫲毋知走（醒）呢！𠊎入來恁久吔，你都毋知。	ngˇ ziin ginˊ he lai pu gieˊ maˇ mˇ diˊ zeuˋ （xiangˋ ）neˊ ！ngaiˇ ngib loiˇ anˋ giuˋ eˇ ，ngˇ duˊ mˇ diˊ 。	你真的很專注呢！我進來這麼久了，你都不知道。
lbk08_126	頭擺耕田用个犁耙碌碡，一下無在該用吔。	teuˇ baiˋ gangˊ tienˇ iung ge laiˇ paˇ lug cug ，idˋ ha moˇ teˊ geˋ iung eˇ。	以前耕田用的犁耙等農具，現在已經沒在使用了。
lbk08_127	細人仔係拉屎尿，愛共快同佢處理好勢，無驚怕會腌著屎胐。	se nginˇ eˋ he laiˇ siiˋ ngiau ，oi kiung kuai tungˇ iˇ cuˋ liˊ hoˋ se ，moˇ giangˊ pa voi iabˋ doˋ sii fudˋ 。	小孩子若不小心拉屎或尿，要立刻處理乾淨，免得屁股過敏。
lbk08_128	佢還蓋後生个時節，就曉得犁田駛耙吔，盡無簡單。	iˇ hanˇ goi heu sangˊ ge siiˇ jiedˋ ，qiu hiauˋ dedˋ laiˇ tienˇ siiˋ paˇ eˇ，qin moˇ gianˋ danˊ 。	他還很年輕的時候，就知道使用犁耙等農具耕田，真不簡單。
lbk08_129	該細倈仔歸朝晨就在這睞上睞下，毋知想愛做麼个？	ge se lai eˋ guiˊ zeuˊ siinˇ qiu teˊ iaˋ laiˋ songˊ laiˋ haˊ，mˇ diˊ xiongˋ oi zo maˋ ge ？	那個男生整個早上都在這裡瞄來瞄去，不知道想做什麼？
lbk08_130	你這隻落㘔牯，一哪仔揙東西食，𠊎看你朝晨到今嘴都無恬過。	ngˇ iaˋ zagˋ lau saiˊ guˋ ，idˋ naiˋ eˋ bienˋ dungˊ xiˊ siid ，ngaiˇ kon ngˇ zeuˊ siinˇ do ginˊ zoi duˊ moˇ diamˊ go 。	你這個愛吃鬼，到處翻東西吃，我看你從早上到現在嘴巴都還沒停過。
lbk08_131	佢去到大賣場，就一哪仔落上落下尋食个，毋使買就食啊磅飽。	iˇ hi do tai mai congˇ ，qiu idˋ naiˋ eˋ lau songˊ lau haˊ qimˇ siid ge ，mˇ siiˋ maiˊ qiu siid a bong bauˋ 。	他去到大賣場，就到處找試吃的食物，不用買就吃得很飽。
lbk08_132	佢退休吔盡樂線，全世界一哪仔遶上遶下。	iˇ tui hiuˊ eˇ qin logˋ xien ，qionˇ sii giai idˋ naiˋ eˋ lauˊ songˊ lauˊ haˊ 。	他退休了很自在快樂，到世界各地去旅遊。
lbk08_133	蒔禾仔過後，佢每日都會去田坵裡遶田水。	sii voˇ eˋ go heu ，iˇ miˊ ngidˋ duˊ voi hi tienˇ kiuˊ liˊ lauˊ tienˇ suiˋ 。	插秧過後，他每天都到田裡巡視灌溉水的情況。
lbk08_134	𠊎還細个時節，蓋會用插箕在河壩脣撈上撈下撈細魚仔。	ngaiˇ hanˇ se ge siiˇ jiedˋ ，goi voi iung cabˋ giˊ teˊ hoˇ ba siinˇ lauˇ songˊ lauˇ haˊ lauˇ se ngˇ eˋ 。	我小時候，常用簸箕在河邊來來回回撈小魚。
lbk08_135	佢蓋戇直，人喚佢扐石頭，佢連問都無問就去扐。	iˇ goi ngong ciid ，nginˇ vonˋ iˇ led sag teuˇ ，iˇ lienˇ mun duˊ moˇ mun qiu hi led 。	他很憨直，別人叫他抱石頭，他連問都沒問就去抱了。
lbk08_136	若包袱裡背到底有麼个寶貝？仰扐上扐下毋敢放呢？	ngiaˊ bauˊ fug diˊ boi do daiˋ iuˊ maˋ ge boˋ bi ？ngiongˋ led songˊ led haˊ mˇ gamˋ biong noˋ ？	你包包裡頭到底有什麼寶貝？為什麼走來走去都抱著它不敢放下呢？
lbk08_137	人講：「嘍雞仔也愛一扡米」，想愛賺人个錢無恁簡單哪！	nginˇ gongˋ ：「leu gieˊ eˋ iaˊ oi idˋ iaˋ miˋ 」，xiongˋ oi con nginˇ ge qienˇ moˇ anˋ gianˋ danˊ naˊ！	俗話說：「天下沒有不勞而獲的事情」，想要賺別人的錢可沒那麼容易呢！
lbk08_138	天會暗吔，阿姆就在屋簷脣嘍上嘍下，想愛同野出去絡食个雞仔嘍歸來。	tienˊ voi am eˇ，aˊ meˊ qiu teˊ vugˋ iamˇ siinˇ leu songˊ leu haˊ ，xiongˋ oi tungˇ iaˊ cudˋ hi log siid ge gieˊ eˋ leu guiˊ loiˇ 。	天快暗了，媽媽就在屋旁到處召喚，想將跑出去覓食的雞隻叫回來。
lbk08_139	這間房盡久無用吔，見落雨就漏膣漏叉，實在愛整整啊過好。	iaˋ gianˊ fongˇ qin giuˋ moˇ iung eˇ，gian log iˋ qiu leu ziiˊ leu ca ，siid cai oi zangˋ zangˋ aˋ go hoˋ 。	這房間很久沒在使用了，每次下雨便漏雨情況嚴重，實在應該重新修整比較好。
lbk08_140	你實在還古膦直，「樓屋燒核吔，還去拈番釘」，好知昏醒吔！	ngˇ siid cai hanˇ guˋ linˋ ciid ，「leuˇ vugˋ seuˊ hedˋ eˇ，hanˇ hi ngiamˊ fanˊ dangˊ 」，hoˋ diˊ funˊ xiangˋ eˊ！	你實在很固執，「樓房都被燒了，還去撿鐵釘」，該清醒了吧！
lbk08_141	這刀仔利鋒鋒著，愛細義喲！	iaˋ doˊ eˋ li pungˊ pungˊ doˋ ，oi se ngi ioˊ！	這刀子十分鋒利，要小心些！
lbk08_142	人講：「禮到人無到，人熟禮無熟。」硬熟个朋友，係有好事，定著愛包禮同佢祝賀。	nginˇ gongˋ ：「liˊ do nginˇ moˇ do ，nginˇ sug liˊ moˇ sug 。」ang sug ge penˇ iuˊ ，he iuˊ hoˋ sii ，tin cog oi bauˊ liˊ tungˇ iˇ zugˋ fo 。	俗話說：「收到帖子，一定要送達賀禮。」再要好、熟識的朋友，若有好事，一定要包賀禮向他祝賀。
lbk08_143	佢這擺參加全市个跳高比賽得著第一名，盡醴豐喔！	iˇ iaˋ baiˋ camˊ gaˊ qionˇ sii ge tiau goˊ biˋ soi dedˋ doˋ ti idˋ miangˇ ，qin liˊ fungˊ oˊ！	他這次參加全市的跳高比賽得到第一名，很威風呢！
lbk08_144	毋好覺著做主任就恁醴豐𣛮送，係校長毋分你做吔，你愛仰仔？	mˇ hoˋ gogˋ doˋ zo zuˋ im qiu anˋ liˊ fungˊ cang sung ，he gauˋ zongˋ mˇ bunˊ ngˇ zo eˇ，ngˇ oi ngiongˋ eˊ ？	不要以為當主任就這麼威風、得意，若校長不讓你當，你該怎麼辦？
lbk08_145	人講：「離家不離腔，過久還本樣。」佢去美國歇吔幾下十年，客話講啊本本恁好。	nginˇ gongˋ：「liˇ gaˊ budˋ liˇ kiongˊ，go giuˋ hanˇ bunˋ iong。」iˇ hi miˋ guedˋ hed eˇ giˋ haˊ siib ngianˇ ，hagˋ fa gongˋ a bunˋ bunˋ anˋ hoˋ 。	俗話說：「離開家鄉再久，鄉音、語言腔調仍然不會遺忘。」他去美國住了幾十年，客語說得還是一樣很好。
lbk08_146	這個細妹仔蓋煞猛，屋下裏裏外外掃到嶄然淨。	iaˋ ge se moi eˋ goi sadˋ mangˊ ，lugˋ kaˊ liˊ liˊ ngoi ngoi so do zamˋmanˇ qiang 。	這個女孩子很勤勞，把家裡裏裏外外打掃得非常乾淨。
lbk08_147	大箍昌蓋大力，同七八個人相打，全部人畀打啊離離犁犁。	tai koˊ congˊ goi tai lid ，tungˇ qidˋ badˋ ge nginˇ xiongˊ daˋ ，qionˇ pu nginˇ biˋ daˋ a liˇ liˇ laiˇ laiˇ 。	大胖昌力氣很大，跟七八個人打架，全部都被他打得東倒西歪。
lbk08_148	還細𠊎等會拿石頭擲上瓦屋，聽著掠掠滾个聲，蓋生趣。	hanˇ se ngaiˇ nenˊ voi naˊ sag teuˇ jied songˊ ngaˋ vugˋ ，tangˊ doˋ lia lia gunˋ ge sangˊ，goi senˊ qi 。	小時候我們會拿石頭丟上屋頂，聽到石頭在瓦片上滾動的聲音，很有趣。
lbk08_149	頭擺人講，番仔係下山，無㘝番刀下來，會分人感覺著蓋奇怪。	teuˇ baiˋ nginˇ gongˋ ，fanˊ eˋ he haˊ sanˊ ，moˇ liabˋ fanˊ doˊ haˊ loiˇ ，voi bunˊ nginˇ gamˋ gogˋ doˋ goi kiˇ guai 。	以前的人說：原住民下山如果沒暗藏番刀，會被人覺得很奇怪。
lbk08_150	歇啊美濃山下个人，全部都會擸山豬、擸羌仔來生活。	hedˋ a miˇ nungˇ sanˊ haˊ ge nginˇ，qionˇ pu duˊ voi liag sanˊ zuˊ、liag giangˊ eˋ loiˇ senˊ fad 。	住在美濃山下的人，全部都會用繩索、陷阱誘捕山豬、獵羌來過生活。
lbk08_151	你恁呢斂手同人講話蓋無禮貌。	ngˇ anˋ neˊ liamˊ suˋ tungˇ nginˇ gongˋ fa goi moˇ liˊ mau 。	你這樣雙手交叉跟人說話很沒禮貌。
lbk08_152	佢做事蓋精腳，講啊著黏時起腳就去做。	iˇ zo sii goi jinˊ giogˋ ，gongˋ a doˋ liamˇ siiˇ hiˋ giogˋ qiu hi zo 。	他做事很敏捷，講完立刻就會行動。
lbk08_153	做人愛有誠意，領人頭杯酒，講人頭句話，這係做人个原則。	zo nginˇ oi iuˊ siinˇ i ，liangˊ nginˇ teuˇ biˊ jiuˋ，gongˋ nginˇ teuˇ gi fa ，iaˋ he zo nginˇ ge ngianˇ zedˋ 。	做人要有誠意，在酒筵上先被敬酒的人，要先讚美人家或回敬人家，這是做人的原則。
lbk08_154	隔壁个叔公有閒吔，會邀陣一哪仔去尞山花。	gagˋ biagˋ ge sugˋ gungˊ iuˊ hanˇ eˇ，voi ieuˊ ciin idˋnaiˋ eˋ hi liau sanˊ faˊ 。	隔壁的叔公有空了，會邀伴到處遊山玩水。
lbk08_155	阿長伯福氣蓋好，每日無做事尞上尞下。	aˊ congˇ bagˋ fugˋ hi goi hoˋ ，miˊ ngidˋ moˇ zo se liau songˊ liau haˊ 。	阿長伯好福氣，每天不用工作到處遊玩。
lbk08_156	這個細人仔手蓋賤，一哪仔撩上撩下。	iaˋ ge se nginˇ eˋ suˋ goi qien ，idˋ naiˋ eˋ liauˇ songˊ liauˇ haˊ 。	這個小孩子很調皮，到處去戲弄人家。
lbk08_157	隔壁个細人仔蓋撩刁，動啊著就撩其他个細人仔發譴，無就撩佢等噭眵。	gagˋ biagˋ ge se nginˇ eˋ goi liauˇ diauˊ ，tungˊ a doˋ qiu liauˇ kiˇ taˊ ge se nginˇ eˋ fadˋ kienˋ，moˇ qiu liauˇ iˇ denˊ gieu ziiˊ 。	隔壁的小孩很愛戲弄人，動不動就惹其他的小孩生氣，不然就把他們惹哭。
lbk08_158	隔壁鄰舍个細人仔蓋賤、蓋毋好教，撩撩刁刁企坐毋核。	gagˋ biagˋ linˇ sa ge se nginˇ eˋ goi qien 、goi mˇ hoˋ gau ，liauˇ liauˇ diauˊ diauˊ kiˊ coˊ mˇ hed 。	隔壁鄰居的小孩很調皮、不聽管教，到處捉弄人家靜不下來。
lbk08_159	後生仔動啊著撩撩揬揬愛同人相打，樣式蓋毋好。	heu sangˊ eˋ tungˊ a doˋ liauˇ liauˇ dudˋ dudˋ oi tungˇ nginˇ xiongˊ daˋ ，iong siidˋ goi mˇ hoˋ 。	年輕人動不動就動手動腳要跟人打架，這種樣子很不好。
lbk08_160	這個無修養个後生仔，脾氣蓋暴、蓋好撩手揬腳。	iaˋ ge moˇ xiuˊ iongˊ ge heu sangˊ eˋ ，piˇ hi goi bau 、goi hau liauˇ suˋ dudˋ giogˋ 。	這個沒修養的年輕人，脾氣暴躁、喜歡動手動腳去撩撥他人。
lbk08_161	𠊎做生理毋順序，𠊎看了錢看破怕過贏。	ngaiˇ zo senˊ liˊ mˇ sun xi ，ngaiˇ kon liauˋ qienˇ kon po pa go iangˇ 。	我做生意不順利，依我看賠錢了事會比較好。
lbk08_162	美濃人教子弟會講一句話：「了田了地，毋好了手藝。」	miˇ nungˇ nginˇ gauˊ ziiˋ ti voi gongˋ idˋ gi fa ：「liauˋ tienˇ liauˋ ti ，mˇ hoˋ liauˋ suˋ ngi 。」	美濃人教後生晚輩，會說一句話：「只要有一技在身，就不怕沒飯吃。」
lbk08_163	這個細妹仔毋聽大人儕个話，立心立意愛跈人走吔。	iaˋ ge se moi eˋ mˇ tangˊ tai nginˇ saˇ ge fa ，lib ximˊ lib i oi tenˇ nginˇ zeuˋ eˇ。	這個女孩子不聽父母親的話，自己決定要跟別人走了。
lbk08_164	這頭毋知係麼个樹仔，生著礫鼓礫矻蓋毋好鋸。	iaˋ teuˇ mˇ diˊ he maˋ ge su eˋ ，sangˊ doˋ lid guˋ lid kid goi mˇ hoˋ gi 。	這棵不知道是什麼樹，長得凹凸不平很不好鋸。
lbk08_165	頭擺个路，礫礫矻矻無打打馬膠，愛行等去田坵裡做事，實在艱辛。	teuˇ baiˋ ge lu ，lid lid kid kid moˇ daˋ da ma gauˊ ，oi hangˇ nenˋ hi tienˇ kiuˊ liˇ zo se ，siid cai gianˊ xinˊ 。	以前的馬路，路面沒有鋪柏油路且石頭多，要走去田裡工作，實在辛苦。
lbk08_166	五六月天時恁熱，割禾時每一個人个背囊都嚦嚦癧癧。	ngˋ liugˋ ngiad tienˊ siiˇ anˋ ngiad ，godˋ voˇ siiˇ miˊ idˋ ge nginˇ ge boi nongˇ duˊ lid lid lag lag 。	五六月的天氣很熱，收割稻穀時每個人的背部都因天氣熱而長痱子發癢。
lbk08_167	這個公園整理啊蓋靚，搞尞个時節絕對做毋得去蹥草坪。	iaˋ ge gungˊ ianˇ ziinˋ liˊ a goi jiangˊ ，gauˋ liau ge siiˇ jiedˋ qied dui zo mˇ dedˋ hi lien coˋ piangˇ 。	這個公園整理得很漂亮，遊玩的時候絕對不可以去踐踏草坪。
lbk08_168	你這種斂猴仔食雞屎个把戲實在愛毋得。	ngˇ iaˋ zungˋ lien heuˇ eˋ siid gieˊ siiˋ ge baˋ hi siid cai oi mˇ dedˋ 。	你這種騙人的把戲實在要不得。
lbk08_169	佢這個人毋好好去做頭路，專門做揫著斂又詑个事情。	iˇ iaˋ ge nginˇ mˇ hoˋ hoˋ hi zo teuˇ lu ，zonˊ munˇ zo qiuˊ doˋ lien iu tadˋ ge sii qinˇ 。	你這個人不好好去工作，專做一些拐騙別人的事情。
lbk08_170	你明明講好吔昨晡日愛來同𠊎𢯭手倒樹仔，害𠊎等仔歸朝晨等無半隻腳，正經係斂契哥餓當晝呢！	ngˇ minˇ minˇ gongˋ hoˋ eˇ coˊ buˊ ngidˋ oi loiˇ tungˇ ngaiˇ ten suˋ doˋ su eˋ ，hoi ngaiˇ denˋ eˇ guiˊ zeuˊ siinˇ denˋ moˇ ban zagˋ giogˋ ，ziin ginˊ he lien ke goˊ ngo dongˊ zu neˊ ！	你明明講好了昨天要來幫我砍樹，害我等了一上午卻等不到人，真的是把我當凱子呢！
lbk08_171	佢這個人講著做事無半撇，一哪仔斂上斂下就蓋會。	iˇ iaˋ ge nginˇ gongˋ doˋ zo sii moˇ ban piedˋ ，idˋ naiˋ eˋ lien songˊ lien haˊ qiu goi voi 。	他這個人說到做事沒半點本事，到處拐騙倒很會。
lbk08_172	你頭擺同𠊎借个錢，愛連本帶利還𠊎。	ngˇ teuˇ baiˋ tungˇ ngaiˇ jia ge qienˇ ，oi lienˇ bunˋ dai li vanˇ ngaiˇ 。	你以前跟我借的錢，要連本帶利還給我。
lbk08_173	十月仔河壩兩脣个漣崗，生蓋多沙蔗仔。	siib ngiad eˋ hoˇ ba liongˋ siinˇ ge lienˇ gongˊ ，sangˊ goi doˊ saˊ za eˋ。	十月時河川兩旁的沙洲上，長了很多的蘆葦。
lbk08_174	頭擺人會講，有鰱鯉入屋係壞兆頭。	teuˇ baiˋ nginˇ voi gongˋ ，iuˊ lienˇ liˊ ngib vugˋ he faiˋ seu teuˇ 。	以前人家會說，有穿山甲進入房屋是個壞兆頭。
lbk08_175	佢屋下蓋有口，屋仔連峨接棟，你恁呢看啊去歸槓仔都係佢等个。	iˇ lugˋ kaˊ goi iuˊ hieuˋ ，vugˋ eˋ lienˇ ngoˇ jiabˋ dung ，ngˇ anˋ neˊ kon a hi guiˊ gong eˋ duˊ he iˇ denˊ ge 。	他家很有錢，房子很多，你這樣看過去整排都是他們的。
lbk08_176	這食飯个桌仔分你恁呢輪上輪下，輪啊覂覂翹翹吔。	iaˋ siid fan ge zogˋ eˋ bunˊ ngˇ anˋ neˊ lienˇ songˊ lienˇ haˊ ，lienˇ a fungˋ fungˋ kieu kieu eˇ。	這張飯桌被你這樣移來移去，移得桌腳不平、不穩了。
lbk08_177	這兜草絕對愛連頭並根挷起來，係無蓋遽就會生轉去。	iaˋ deuˊ coˋ qied dui oi lienˇ teuˇ bin ginˊ bangˊ hiˋ loiˇ ，he moˇ goi giagˋ qiu voi sangˊ zonˋ hi 。	這些草一定要連根拔起來，要不然很快就會長回去。
lbk08_178	買豬菜个時節，毋好緊同人輪豬菜，驚怕會熟核。	maiˊ zuˊ coi ge siiˇ jiedˋ ，mˇ hoˋ ginˋ tungˇ nginˇ lienˇ zuˊ coi ，giangˊ pa voi sug hedˋ 。	買地瓜葉的時候，不要一直翻動，怕菜葉會爛掉。
lbk08_179	佢食雞肉毋使哯骨頭个，肉同骨畀噍綿做一下吞下去吔。	iˇ siid gieˊ ngiugˋ mˇ siiˋ lienˋ gudˋ teuˇ ge ，ngiugˋ tungˇ gudˋ biˋ ceu mienˇ zo idˋ ha tunˊ haˊ hi eˇ。	佢吃雞肉不吐骨頭的，肉跟骨頭都被他嚼碎一起吞下去了。
lbk08_180	若姐仔臨月吔，你恁久盡量莫走恁遠。	ngiaˊ jiaˋ eˋ limˇ ngiad eˇ，ngˇ anˋ giuˋ qin liong mog zeuˋ anˋ ianˋ 。	你太太即將臨盆了，你最近盡量不要跑遠。
lbk08_181	在這山腳下，三更半夜吔臨時著急喚𠊎去買麵，仰有可能个事？	teˊ iaˋ sanˊ giogˋ haˊ ，samˊ gongˊ ban ia eˇ limˇ siiˇ cog gibˋ vonˋ ngaiˇ hi maiˊ mien ，ngiongˋ iuˊ koˋ nenˇ ge sii ？	在這山腳下，三更半夜了突然要我去買麵，怎麼有可能的事？
lbk08_182	該人自厥姐仔走核過後就發癲吔，每日膦屌郎當一哪仔行上行下。	ge nginˇ cii iaˊ jiaˋ eˋ zeuˋ hedˋ go heu qiu bodˋ dienˊ eˇ，miˊ ngidˋ linˋ diauˋ nongˇ dongˊ idˋ naiˋ eˋ hangˇ songˊ hangˇ haˊ。	那個人自從他老婆跑了之後就發瘋了，每天穿著破破爛爛的衣服走來走去。
lbk08_183	你每日送花分這個細妹仔，佢還嫌張你，𠊎看你怕係「膦仔堵著屎朏，覺著屎朏生加一塊肉」。	ngˇ miˊ ngidˋ sung faˊ bunˊ iaˋ ge se moi eˋ ，iˇ hanˇ hiamˇ zongˊ ngˇ ，ngaiˇ kon ngˇ pa he 「linˋ eˋ duˊ doˋ sii fudˋ ，gogˋ doˋ sii fudˋ sangˊ gaˊ idˋ kuai ngiugˋ 」。	你每天送花給這個女孩子，她還嫌棄你，我看你應該是「自討沒趣」。
lbk08_184	你偷偷仔休學去尋頭路，係分若爸知吔，佢定著會膦火焰焰著揹棍仔來斵你。	ngˇ teuˊ teuˊ eˊ hiuˊ hog hi qimˇ teuˇ lu ，he bunˊ ngiaˊ baˊ diˊ eˇ， iˇ tin cog voi linˋ foˋ iamˋ iamˋ cog bi gun eˋ loiˇ zogˋ ngˇ 。	你偷偷的休學去找工作，如果被你爸爸知道了，他一定會氣得火冒三丈，拿著棍子來修理你。
lbk08_185	你斯膦管毋開係麼？一個人坐啊這仔啉酒。	ngˇ siiˇ linˋ gonˋ mˇ koiˊ he meˇ ？idˋ ge nginˇ coˊ a iaˋ eˊ limˊ jiuˋ 。	你是心情不好嗎？一個人坐在這裡喝酒。
lbk08_186	你恁老人吔，做人个阿公都做得吔，還愛去討十七、八歲个細妹仔，這毋係膦棍倒磨吓？	ngˇ anˋ loˋ nginˇ eˇ，zo nginˇ ge aˊ gungˊ duˊ zo dedˋ eˇ，hanˇ oi hi toˋ siib qidˋ 、badˋ se ge se moi eˋ ，iaˋ mˇ he linˋ gun do mo haˋ ？	你都這麼老了，可以當人家的祖父了，還要去娶個十七、八歲的女孩子，這不是很蠢嗎？
lbk08_187	這下細人仔緊來緊少吔，佢還敢去同人開私立學校，𠊎看佢斯膦棍𢫦石──無救吔。	iaˋ ha se nginˇ eˋ ginˋ loiˇ ginˋ seuˋ eˇ，iˇ hanˇ gamˋ hi tungˇ nginˇ koiˊ siiˊ lib hog gauˋ ，ngaiˇ kon iˇ siiˇ linˋ gun mag sag ──moˇ giu eˇ。	現在小孩子愈來愈少了，他還敢去設私立學校，我看他這種愚蠢的行為是沒救了。
lbk08_188	你這隻膦棍頭，人拿棍仔愛來捋你，你毋曉得閃喔？	ngˇ iaˋ zagˋ linˋ gun teuˇ ，nginˇ naˊ gun eˋ oi loiˇ lod ngˇ ，ngˇ mˇ hiauˋ dedˋ samˋ oˋ？	你這個笨蛋，別人拿木棍要來打你，你不知道要躲喔？
lbk08_189	佢這個人膦毛尖過縫，你想愛同佢討兜麼个，毋使想啦！	iˇ iaˋ ge nginˇ linˋ moˊ jiamˊ go pung ，ngˇ xiongˋ oi tungˇ iˇ toˋ deuˊ maˋ ge，mˇ siiˋ xiongˋ laˋ！	他這個人愛計較又小氣，你想向他要個什麼，別想啦！
lbk08_190	阿明牯生成就恁呢膦毛瑣澀，你又毋係毋知，對佢有麼个好譴呢？	aˊ minˇ guˋ sangˊ sangˇ qiu anˋ neˊ linˋ moˊ soˋ sebˋ ，ngˇ iu mˇ he mˇ diˊ ，dui iˇ iuˊ maˋ ge hoˋ kienˋ noˋ ？	阿明本來就很小氣，你又不是不知道，對他有什麼好生氣的呢？
lbk08_191	這個人膦毛扭皺，盡難耐喔！	iaˋ ge nginˇ linˋ moˊ ngiuˋ jiu ，qin nanˇ ngai oˊ！	這個人小氣又不合群，真是糟糕！
lbk08_192	上古人講：「膦戇傢伙了，膣戇分人屌」，就係㖸人毋罅精明，不時做戇事。	song guˋ nginˇ gongˋ ：「linˋ ngong gaˊ foˋ liauˋ ，ziiˊ ngong bunˊ nginˇ diauˋ 」，qiu he nagˋ nginˇ mˇ la jinˊ minˇ ，budˋ siiˇ zo ngong sii 。	俗話說：「男人風流，會損錢財；女人隨便，會被人侮辱」，就是取笑人不夠精明，經常做儍事。
lbk08_193	阿清伯姆盡現實，淨顧外家，故所不時會聽著阿清伯唸唸：「膦親來到無杯茶，膣親來到晃晃嘎嘎。」	aˊ qinˊ bagˋ meˊ qin hian siid ，qiang gu ngoi gaˊ ，gu soˋ budˋ siiˇ voi tangˊ doˋ aˊ qinˊ bagˋ ngiamˇ ngiam ：「linˋ qinˊ loiˇ do moˇ biˊ caˇ ，ziiˊ qinˊ loiˇ do gongˊ gongˊ gaˇ gaˇ 。」	阿清伯母很現實，只會照顧娘家人，因此經常聽到阿清伯喃喃自語說：「我親人來到家中，連杯茶也沒有；她的家人若來到，就熱絡得不得了。」
lbk08_194	阿美妹！膦親來無半斤，膣親來擐到踜踜蹭蹭，恁呢會忒過分無？	aˊ miˊ moi ！linˋ qinˊ loiˇ moˇ ban ginˊ ，ziiˊ qinˊ loiˇ kuan do linˇ linˇ qinˊ qinˊ ，anˋ neˊ voi tedˋ go fun moˇ ？	阿美！夫家親戚就不好好招待，娘家親戚來就厚禮款待，這樣會不會太過分？
lbk08_195	做人心臼乜愛顧老公這頭个親戚，莫膦親來冷鑊熄灶，膣親來嘰哩啾囉，這會分人加講話。	zo nginˇ ximˊ kiuˊ me oi gu loˋ gungˊ iaˋ teuˇ ge qinˊ qidˋ，mog linˋ qinˊ loiˇ nangˊ vog xidˋ zo，ziiˊ qinˊ loiˇ ji li jio lo，iaˋ voi bunˊ nginˇ gaˊ gongˋ fa。	為人媳婦的也要顧到老公的親戚，不要冷落夫家親戚，對娘家親戚就盛情相待，這會讓人批評的。
lbk08_196	人講：「膦親毋當膣親，膣親毋當飯碗親」，該當然个。	nginˇ gongˋ ：「linˋ qinˊ mˇ dong ziiˊ qinˊ ，ziiˊ qinˊ mˇ dong fan vonˋ qinˊ 」，ge dongˊ ianˇ ge 。	俗話說：「夫家親戚比不上娘家親戚親密，娘家親戚比不上自己家人親密」，那是當然的。
lbk08_197	阿德牯膦細多毛，見喚佢做麼个，都愛愐歸日仔。	aˊ dedˋ guˋ linˋ se doˊ moˊ ，gian vonˋ iˇ zo maˋ ge ，duˊ oi menˋ guiˊ ngidˋ eˋ 。	阿德做事非常小心謹慎，每次叫他做什麼事，都要想整天。
lbk08_198	老古人講个：「膦大眾人背」，毋使恁愁啦，有事大家㧡啦。	loˋ guˋ nginˇ gongˋ ge ：「linˋ tai zung nginˇ bi 」，mˇ siiˋ anˋ seuˇ laˋ，iuˊ sii tai gaˊ kaiˊ laˋ。	俗話說：「有事大家一起分憂解勞」，不必太過擔憂，有事大家一起分擔啦！
lbk08_199	霜降過後，暗晡頭行啊在外背，會略略仔感覺著寒人吔。	songˊ gong go heu ，am buˊ teuˇ hangˇ a teˊ lo boi ，voi liog liog eˊ gamˋ gogˋ doˋ honˇ nginˇ eˇ 。	霜降過後，晚上走在外頭，會感覺有點冷了。
lbk08_200	阿嬤雖然目珠毋係盡好吔，毋過佢還盡會攣釦孔。	aˊ ma suiˊ ianˇ mugˋ zuˊ mˇ he qin hoˋ eˇ，mˇ go iˇ hanˇ qin voi lionˇ kieu kangˊ 。	祖母雖然眼睛不是很好了，不過她還很會縫鈕釦孔。