六堆計劃首頁

六堆語料總覽表

美濃客家語寶典-10：

編號 例句 語音合成 六堆客語拼音 華譯
lbk10_001 𠊎酒量毋好，見食酒就面紅濟借，蓋壞勢。 ngaiˇ jiuˋ liong mˇ hoˋ ，gian siid jiuˋ qiu mien fungˇ ji jia ，goi faiˋ se 。 我的酒量不好，每次喝酒臉都會泛紅，很不好意思。
lbk10_002 縣議員講差話，在台頂高面紅紅仔，蓋壞勢个樣式。 ian ngi ianˇ gongˋ caˊ fa ，tiˊ toiˇ dangˋ goˊ mien fungˇ fungˇ eˊ ，goi faiˋ se ge iong siidˋ 。 縣議員說錯話，站在台上整張臉紅通通的，看起來很不好意思的樣子。
lbk10_003 隔壁个阿權嫂譴厥心臼，譴啊面結結仔。 gagˋ biagˋ ge aˊ kianˇ soˋ kienˋ iaˊ ximˊ kiuˊ ，kienˋ a mien giadˋ giadˋ eˊ 。 隔壁的阿權嫂氣她的媳婦，氣到臉都揪成一團了。
lbk10_004 阿貴嫂恁久聽講發大病入院，遠遠看啊去面虛虛仔。 aˊ gui soˋ anˋ giuˋ tangˊ gongˋ bodˋ tai piang ngib ian ，ianˋ ianˋ kon a hi mien hiˊ hiˊ eˊ 。 聽說阿貴嫂最近生病入院，遠遠就看到她的臉虛胖浮腄。
lbk10_005 這個人壞事做絕吔，有一日定著會分人罵「面項無血」。 iaˋ ge nginˇ faiˋ sii zo qied eˇ，iuˊ idˋ ngidˋ tin cog voi bunˊ nginˇ ma 「mien hong moˇ hiadˋ 」。 這個人壞事做盡，有一天絕對會被人罵「禽獸不如」。
lbk10_006 你仰面扡扡仔？係毋係恁久壓力忒大，目睡毋足个關係？ ngˇ ngiongˋ mien iaˋ iaˋ eˊ ？he mˇ he anˋ giuˋ abˋ lid tedˋ tai ，mugˋ soi mˇ jiugˋ ge guanˊ he ？ 你怎麼面無血色呢？是不是最近壓力太大，睡眠不足的關係？
lbk10_007 佢見一聽著股票跌下來，就會面皺皺仔，毋講半句話。 iˇ gian idˋ tangˊ doˋ guˋ peuˊ diedˋ haˊ loiˇ， qiu voi mien jiu jiu eˊ ，mˇ gongˋ ban gi fa 。 他每次一聽到股票下跌，整張臉就會糾結在一起，不說一句話。
lbk10_008 佢做生理失敗，愁啊食睡毋得、面落落仔，還才過。　 iˇ zo senˊ liˊ siidˋ pai ，seuˇ a siid soi mˇ dedˋ 、mien lodˋ lodˋ eˊ ，hanˇ coiˇ go 。 他做生意失敗，煩惱到食不下嚥、睡不安穩，面容很憔悴，真是可憐。
lbk10_009 你無聽話，將把手機仔來搞，搣啊考試毋及格，難怪若爸會譴啊面冇冇仔。 ngˇ moˇ tangˊ fa ，jiongˊ baˋ suˋ giˊ eˋ loiˇ gauˋ ，miedˋ a kauˋ sii mˇ kib giedˋ ，nanˇ guai ngiaˊ baˊ voi kienˋ a mien pang pang eˊ 。 你不聽話，拼命玩手機，搞得考試不及格，難怪你爸爸會氣得臉色那麼難看。
lbk10_010 阿興牯怕得著麼个病喔！恁久看佢面青青仔，講話無半息元氣。 aˊ hinˊ guˋ pa dedˋ doˋ maˋ ge piang oˊ！anˋ giuˋ kon iˇ mien qiangˊ qiangˊ eˊ ，gongˋ fa moˇ ban xid ngianˇ hi 。 阿興可能得到什麼病喔！最近看他臉色青黃沒有血色，說話一點元氣都沒有。
lbk10_011 阿順仔偷人个東西，分先生扭著在辦公室罰企，𠊎看佢面舐舐仔企啊在該毋敢看人。 aˊ sun eˋ teuˊ nginˇ ge dungˊ xiˊ ，bunˊ xinˊ sangˊ neuˋ doˋ teˊ pan gungˊ siidˋ fad kiˊ ，ngaiˇ kon iˇ mien seˊ seˊ eˊ kiˊ a tiˊ geˋ mˇ gamˋ kon nginˇ 。 阿順偷人家的東西，被老師抓到在辦公室罰站，我看他很心虛又愧疚的站在那裏都不敢正面看人。
lbk10_012 該人怕係得著肝病，正會面黃黃仔。 ge nginˇ pa he dedˋ doˋ gonˊ piang ，nang voi mien vongˇ vongˇ eˊ 。 那個人可能是得到肝病，才會臉色枯黃有病容。
lbk10_013 你定著係昨暗晡無睡目、做夜事，今晡朝晨正會面醉醉仔。 ngˇ tin cog he coˊ am buˊ moˇ soi mugˋ 、zo ia se ，ginˊ buˊ zeuˊ siinˇ nang voi mien zui zui eˊ 。 你一定是昨天晚上沒睡覺、開夜車，今天早上才會臉部浮腫。
lbk10_014 你斯在哪仔磕著面係麼？仰會恁呢面腫腫仔。 ngˇ siiˇ tiˊ lai eˋ ngab doˋ mien he meˇ ？ngiongˋ voi anˋ neˊ mien zungˋ zungˋ eˊ 。 你是在哪裡撞到臉嗎？怎麼會這樣臉腫腫的。
lbk10_015 你明明就有糖尿病，還將把糖來食，正經係「綿花食狗肉，爛做爛來醫」，毋愛命吔麼？ ngˇ minˇ minˇ qiu iuˊ tongˇ ngiau piang ，hanˇ jiongˊ baˋ tongˇ loiˇ siid ，ziin ginˊ he 「mienˇ faˊ siid gieuˋ ngiugˋ ，nan zo nan loiˇ iˊ 」，mˇ oi miang eˇ meˇ ？ 你明明就有糖尿病，還把糖當零嘴吃，真的是「只顧眼前的享樂，不顧後果」，不要命了嗎？
lbk10_016 好好个豆腐分你搞啊綿浞浞仔，恁呢麼人還敢食呢？ hoˋ hoˋ ge teu fu bunˊ ngˇ gauˋ a mienˇ jiog jiog eˊ ，anˋ neˊ maˋ nginˇ hanˇ gamˋ siid noˋ ？ 好好的豆腐被你玩得稀巴爛，這樣誰還敢吃呢？
lbk10_017 這兜餅仔綿綿吔，拿來泡牛乳毋會壞食。 iaˋ deuˊ biangˋ eˋ mienˇ mienˇ eˇ ，naˊ loiˇ pau ngiuˇ nen mˇ voi faiˋ siid 。 這些餅乾碎掉了，拿來泡牛奶也滿好吃的。
lbk10_018 若麵煮啊綿綿浞浞，看起來蓋得人畏喲！ ngiaˊ mien zuˋ a mienˇ mienˇ jiog jiog ，kon hiˋ loiˇ goi dedˋ nginˇ vi ioˊ！ 你的麵煮得稀巴爛，看起來很噁心喔！
lbk10_019 你這下有決裁愛結婚吔，就愛記得老古人講个「眠床腳下加一雙鞋，會做到頭犁犁」這句話，認份、煞猛顧好家庭。 ngˇ iaˋ ha iuˊ giadˋ caiˇ oi giadˋ funˊ eˇ，qiu oi gi dedˋ loˋ guˋ nginˇ gongˋ ge 「minˇ congˇ giogˋ haˊ gaˊ idˋ sungˊ haiˇ ，voi zo do teuˇ laiˇ laiˇ 」iaˋ gi fa ，ngin fun 、sadˋ mangˊ gu hoˋ gaˊ tinˇ 。 你現在有決定要結婚了，就要記得以前人家說的「床腳下加了一雙鞋，會做到頭都抬不起來」這句話，認份、勤勞顧好家庭。
lbk10_020 你講啊明明白白，但係𠊎聽啊頭那打死結呢！ ngˇ gongˋ a minˇ minˇ ped ped ，danˋ he ngaiˇ tangˊ a teuˇ naˇ daˋ xiˋ giedˋ neˊ ！ 你說得明明白白，但是我聽得一頭霧水耶！
lbk10_021 你這隻猴仔，每日在屋下眠懶睡𤸁，斯愛仰得結煞？ ngˇ iaˋ zagˋ heuˇ eˋ ，miˊ ngidˋ teˊ lugˋ kaˊ minˇ lanˊ soi kioi ，siiˇ oi ngiongˋ dedˋ gadˋ sadˋ ？ 你這個傢伙，每天在窩在家裡好吃懶做、睡到日上三竿，該怎麼辦才好？
lbk10_022 你睡目䟘起來斯愛梳一下頭那毛，恁呢毛綻綻仔行出去，弄獅狗樣仔，會分人㖸喔！ ngˇ soi mugˋ hong hiˋ loiˇ siiˇ oi siiˊ idˋ haˊ teuˇ naˇ moˊ ，anˋ neˊ moˊ can can eˊ hangˇ cudˋ hi ，nung siiˊ gieuˋ iong eˊ ，voi bunˊ nginˇ nagˋ oˊ！ 你睡覺起來就要梳個頭髮，這樣毛髮直豎的走出去，狐狸狗一樣，會被人笑喔！
lbk10_023 你好點點仔對後背跳啊出，害𠊎嚇啊毛釘釘仔，尿都險拉出來。 ngˇ hoˋ diamˋ diamˋ eˊ dui heu boi tiauˇ a cudˋ ，hoi ngaiˇ hagˋ a moˊ dangˊ dangˊ eˊ ，ngiau duˊ hiamˋ laiˇ cudˋ loiˇ 。 你突然從我背後跳出來，害我嚇得毛髮直豎，尿都差點兒拉出來。
lbk10_024 這個人坐監歸啊來，頭那毛毛絨絨仔，蓋得人驚。 iaˋ ge nginˇ coˊ gam guiˊ a loiˇ ，teuˇ naˇ moˊ moˊ iungˇ iungˇ eˊ ， goi dedˋ nginˇ giangˊ 。 這個人剛從監獄放出來，頭髮又長又亂，很可怕。
lbk10_025 每年年尾細蘿蔔仔大出个時節，屋下个毛籣拜箕全部都會搬出來用。 miˊ ngianˇ ngianˇ miˊ se loˇ ped eˋ tai cudˋ ge siiˇ jiedˋ ，lugˋ kaˊ ge moˊ lanˇ bai giˊ qionˇ pu duˊ voi banˊ cudˋ loiˇ iung 。 每年年尾小蘿蔔盛產的時候，家裡的竹編平底大圓籃和簸箕全部都會搬出來用。
lbk10_026 客家人家教盡嚴，大細分啊蓋清楚，人講：「毛籣管畚箕，畚箕管𥯥箕」，做毋得濫糝來。 hagˋ gaˊ nginˇ gaˊ gau qin ngiamˇ ，tai se funˊ a goi qinˊ cuˋ ，nginˇ gongˋ ：「moˊ lanˇ gonˋ bun giˊ ，bun giˊ gonˋ cabˋ giˊ 」，zo mˇ dedˋ lamˋ samˋ loiˇ 。 客家人家教很嚴，大小尊卑分得很清楚，所謂「平底竹籃管畚箕，畚箕管小竹箕」，不可胡來。
lbk10_027 雖然食著毛㓾無淨个豬肉，毋過人講「摸入無摸出」，總比無過贏。 suiˊ ianˇ siid doˋ moˊ ciiˇ moˇ qiang ge zuˊ ngiugˋ ，mˇ go nginˇ gongˋ 「moˊ ngib moˇ moˊ cudˋ 」，zungˋ biˋ moˇ go iangˇ 。 雖然吃到毛沒剔乾淨的豬肉，不過俗話說：「有毛入沒毛出」，有吃到總比沒吃來得好。
lbk10_028 你仰歸粒頭那毛蓬蓬仔？斯一久無剔頭那毛吔呢？ ngˇ ngiongˋ guiˊ liab teuˇ naˇ moˊ pangˇ pangˇ eˊ ？siiˇ idˋ giuˋ moˇ ti teuˇ naˇ moˊ eˇ noˋ ？ 你怎麼整頭毛髮雜亂？有多久沒理髮了？
lbk10_029 這恁久盡無閒，又無洗頭，故所頭那毛看起來毛澀澀仔。 iaˋ anˋ giuˋ qin moˇ hanˇ ，iu moˇ seˋ teuˇ ，gu soˋ teuˇ naˇ moˊ kon hiˋ loiˇ moˊ sebˋ sebˋ eˊ 。 最近比較忙，又沒洗頭，所以頭髮看起來粗糙不順。
lbk10_030 你出業吔還毋去尋頭路，今又想愛同𠊎討錢去日本尞，𠊎斯無恁多閒錢補笊簍喔！ ngˇ cudˋ ngiab eˇ hanˇ mˇ hi qimˇ teuˇ lu ，ginˊ iu xiongˋ oi tungˇ ngaiˇ toˋ qienˇ hi ngidˋ bunˋ liau ，ngaiˇ siiˇ moˇ anˋ doˊ hanˇ qienˇ buˋ zau leuˇ oˊ！ 你畢業了還不出去找工作，現在又想向我要錢到日本玩，我可沒那麼多閒錢讓你花呢！
lbk10_031 你正出啊來食頭路，又無一多技術，想愛自家開店做頭家，𠊎看你斯「無恁大个頭那，莫戴恁大頂个帽仔」過著！ ngˇ nang cudˋ a loiˇ siid teuˇ lu，iu moˇ idˋ doˊ giˊ siidˋ ，xiongˋ oi qid gaˊ koiˊ diam zo teuˇ gaˊ ，ngaiˇ kon ngˇ siiˇ 「moˇ anˋ tai ge teuˇ naˇ ，mog dai anˋ tai dangˋ ge mo eˋ 」go cog ！ 你剛出來上班，又沒什麼技術，想要自己開店當老闆，我看你「沒那麼大的頭，別戴那麼大的帽子」較好！
lbk10_032 後生人做事情愛過煞猛兜仔，毋好恁呢無搭無碓，係無今下會無出息。 heu sangˊ nginˇ zo sii qinˇ oi go sadˋ mangˊ deuˊ eˊ ，mˇ hoˋ anˋ neˊmoˇ dabˋ moˇ doi ，he moˇ ginˊ ha voi moˇ cudˋ xidˋ 。 年輕人做事要努力些，不要敷衍了事，要不然以後不會有出息。
lbk10_033 講話愛有根有據，毋好講揫著無底个話。 gongˋ fa oi iuˊ ginˊ iuˊ giˋ ，mˇ hoˋ gongˋ qiuˊ doˋ moˇ daiˋ ge fa 。 說話要有憑有據，不要盡說沒根據的話。
lbk10_034 你問講佢會參加這擺个歌唱比賽無？佢斯「無冬至都挼圓粄仔，哪有冬至到吔無挼」个呢？ ngˇ mun gongˋ iˇ voi camˊ gaˊ iaˋ baiˋ ge goˊ cong biˋ soi moˇ ？iˇ siiˇ 「moˇ dungˊ zii duˊ noˇ ianˇ banˋ eˋ ，nai iuˊ dungˊ zii do eˇ moˇ noˇ」ge noˋ ？ 你問我他會不會參加這次歌唱比賽？他「冬至還沒到就在做湯圓了，哪有可能到了冬至不做湯圓」的呢？
lbk10_035 天都暗吔，仰屋肚裡還無火無漿呢？ tienˊ duˊ am eˇ，ngiongˋ vugˋ duˋ liˊ hanˇ moˇ foˋ moˇ jiongˊ noˋ ？ 天都暗了，怎麼屋內還沒開燈呢？
lbk10_036 你講這項事情毋係你做个，但係無風毋會起浪，你斯愛愐真兜仔喲！ ngˇ gongˋ iaˋ hong sii qinˇ mˇ he ngˇ zo ge ，danˋ he moˇ fungˊ mˇ voi hiˋ long ，ngˇ siiˇ oi menˋ ziinˊ deuˊ eˊ ioˊ！ 你說這件事不是你做的，但無風不起浪，你要想清楚些！
lbk10_037 佢講𠊎等係來佢屋下尞，就愛請𠊎等食好料个，結果請著該五十個銀个便當，實在無合心。 iˇ gongˋ ngaiˇ nenˊ he loiˇ iˇ lugˋ kaˊ liau ，qiu oi qiangˋ ngaiˇ nenˊ siid hoˋ liau ge ，giadˋ goˋ qiangˋ doˋ ge ngˋ siib ge ngiunˇ ge pien dongˊ ，siid cai moˇ gabˋ ximˊ 。 他說如果我們到他家玩，就要請我們吃好吃的，結果只請個50元的便當，真是沒誠意。
lbk10_038 你恁老人吔莫恁無格，還緊看人細妹仔个屎朏。 ngˇ anˋ loˋ nginˇ eˇ mog anˋ moˇ giedˋ ，hanˇ ginˋ kon nginˇ se moi eˋ ge sii fudˋ。 你這麼老了別那麼老不修，還一直看女孩子的屁股。
lbk10_039 你莫愐著這議員恁禮豐就想去選，𠊎勸你無棺材莫恁好死哪！ ngˇ mog menˋ doˋ iaˋ ngi ianˇ anˋ liˊ fungˊ qiu xiongˋ hi xienˋ ，ngaiˇ kian ngˇ moˇ gonˊ coiˇ mog anˋ hau xiˋ naˊ ！ 你別認為這議員很威風就想去選，我勸你要衡量自己的能耐，不可衝動莽撞呀！
lbk10_040 𠊎這下堵好無閒，你等加一下添正來好吔。 ngaiˇ iaˋ ha duˋ hoˋ moˇ hanˇ ，nenˊ gaˊ idˋ ha tiamˊ nang loiˇ hoˋ eˇ。 我現在正好沒空，你們稍後再來。
lbk10_041 佢同𠊎講頭到有細妹仔來尋𠊎，結果係屙屙巴巴，無影無跡个！ iˇ tungˇ ngaiˇ gongˋ teuˇ do iuˊ se moi eˋ loiˇ qimˇ ngaiˇ ，giadˋ goˋ he oˊ oˊ baˊ baˊ ，moˇ iangˋ moˇ jiagˋ ge ！ 他向我說剛才有女孩子來找我，結果是胡說八道的！
lbk10_042 去人屋下尞愛過乖兜仔，毋好無樣無式，係無會分人㖸無家教。 hi nginˇ lugˋ kaˊ liau oi go guaiˊ deuˊ eˊ ，mˇ hoˋ moˇ iong moˇ siidˋ ，he moˇ voi bunˊ nginˇ nagˋ moˇ gaˊ gau 。 到別人家玩要乖些，不要沒規矩，不然會被笑說沒家教。
lbk10_043 這兜菜無油無臘，斯愛仰吔食呢？ iaˋ deuˊ coi moˇ iuˇ moˇ lab ，siiˇ oi ngiongˋ eˊ siid noˋ ？ 這些菜沒油沒香氣，要怎麼吃呢？
lbk10_044 佢同這擺个事情舞啊恁醹，𠊎看斯無油難脫鑊吔！ iˇ tungˇ iaˋ baiˋ ge sii qinˇ vuˋ a anˋ neuˇ ，ngaiˇ kon siiˇ moˇ iuˇ nanˇ todˋ vog eˊ！ 他把這次事情弄得這麼嚴重，我看沒花些錢恐難順利脫身了！
lbk10_045 人講「無運不能自達」，想愛有好運就愛先有好心。 nginˇ gongˋ 「moˇ iun budˋ nenˇ cii tad 」，xiongˋ oi iuˊ hoˋ iun qiu oi xienˊ iuˊ hoˋ ximˊ 。 俗話說：「人若沒有好運道，事情不會自動圓滿、發達起來」，想要有好運必先有好心。
lbk10_046 隔壁个阿叔選縣議員，厥爸罵佢「無姐仔，膦仔莫恁好硬」，因為佢麼个東西都無。 gagˋ biagˋ ge aˊ sugˋ xienˋ ian ngi ianˇ ，iaˊ baˊ ma iˇ 「moˇ jiaˋ eˋ ，linˋ eˋ mog anˋ hau ngang 」，inˊ vi iˇ maˋ ge dungˊ xiˊ duˊ moˇ 。 隔壁的叔叔要選縣議員，他的爸爸罵他「要衡量自己的能力，不要打腫臉充胖子」，因為他什麼東西都沒有。
lbk10_047 無蹤畫影个事情，毋好亂講。 moˇ jiungˊ fa iangˋ ge sii qinˇ ，mˇ hoˋ lon gongˋ 。 沒蹤影、沒發生的事情，不要亂說。
lbk10_048 無空無錑个事情，表示完全無標準个。 moˇ kangˊ moˇ loi ge sii qinˇ ，beuˋ sii vanˇ qionˇ moˇ peuˊ zunˋ ge 。 沒有準則或根據的事情，那表示完全沒標準的。
lbk10_049 這個人無出空，無見過世面，大家會㖸佢：「無看過大蛇屙屎」麼？ iaˋ ge nginˇ moˇ cudˋ kangˊ ，moˇ gian go sii mien ，tai gaˊ voi nagˋ iˇ： 「moˇ kon go tai saˇ oˊ siiˋ 」meˇ ？ 這個人都窩在家不出門，沒見過世面，大家會笑他：「沒看過大蛇大便」嗎？
lbk10_050 愛選舉个人愛花蓋多錢，頭擺人有講：「無糧兵毋行」。 oi xienˋ giˋ ge nginˇ oi faˊ goi doˊ qienˇ ，teuˇ baiˋ nginˇ iuˊ gongˋ ：「moˇ liongˇ binˊ mˇ hangˇ 」。 愛選舉的人要花很多錢，以前的人說：「做事要先有計畫和準備」。
lbk10_051 你這隻「無命子帶三煞」麼个都敢做，死都毋驚。 ngˇ iaˋ zagˋ 「moˇ miang ziiˋ dai samˊ sadˋ 」maˋ ge duˊ gamˋ zo ，xiˋ duˊ mˇ giangˊ 。 你這個「不怕死的人」什麼都敢做，連死都不怕。
lbk10_052 「無名無姓，去問钁頭柄；無定無著，去問大頭搉」，這係美濃人㖸一個做人無禮貌，做事無定著个人。 「moˇ miangˇ moˇ xiang ，hi mun giogˋ teuˇ biang ；moˇ tin moˇ cog ，hi mun tai teuˇ kog 」，iaˋ he miˇ nungˇ nginˇ nagˋ idˋ ge zo nginˇ moˇ liˊ mau ，zo sii moˇ tin cog ge nginˇ。 「沒名沒姓，去問鋤頭柄；做事猶豫不決，去問大頭」，這是美濃人笑一個做人沒禮貌，做事舉棋不定的人。
lbk10_053 這個人做事無底仔，一等無面無皮！ iaˋ ge nginˇ zo sii moˇ daiˋ eˋ ，idˋ denˋ moˇ mien moˇ piˇ ！ 這個人做事很不負責，非常不要臉。
lbk10_054 「無日毋知當晝到，無鬚毋知人恁老。」這句話係頭擺人教訓後生仔，愛把握機會、珍惜時間。 「moˇ ngidˋ mˇ diˊ dongˊ zu do ，moˇ xiˊ mˇ diˊ nginˇ anˋ loˋ 。」iaˋ gi fa he teuˇ baiˋ nginˇ gau hiun heu sangˊ eˋ，oi baˋ agˋ giˊ fi 、ziinˊ xiagˋ siiˇ gianˊ 。 「沒出太陽不知已到中午，沒留鬍子的人看不出年老。」這句話是古人教訓年輕人，要把握機會、愛惜時間。
lbk10_055 這個細人仔走上走下無去讀書，蓋像無人管酌个喲！ iaˋ ge se nginˇ eˋ zeuˋ songˊ zeuˋ haˊ moˇ hi tug suˊ ，goi qiong moˇ nginˇ gonˋ zogˋ ge ioˊ！ 這個小孩子沒有去上學到處跑，很像沒人管教的喲！
lbk10_056 隔壁細人仔个爺哀出去做事吔，佢一哪仔走上走下無人承受，無家庭樣仔。 gagˋ biagˋ se nginˇ eˋ ge iaˇ oiˊ cudˋ hi zo se eˇ ，iˇ idˋ naiˋ eˋ zeuˋ songˊ zeuˋ haˊ moˇ nginˇ siinˇ su ，moˇ gaˊ tinˇ iong eˊ 。 隔壁小孩的父母出去工作了，他到處跑來跑去無人管教，好像沒有家一樣。
lbk10_057 這件事情無人好喚，無牛著駛馬，只有拜託你吔。 iaˋ kian sii qinˇ moˇ nginˇ hoˋ vonˋ ，moˇ ngiuˇ cog siiˋ maˊ ，ziiˋ iuˊ bai togˋ ngˇ eˇ。 這件事情沒人可以使喚，只好湊合湊合拜託你了。
lbk10_058 無牛駛馬蓋毋方便，頭路蓋毋好進行。 moˇ ngiuˇ siiˋ maˊ goi mˇ fongˊ pien ，teuˇ lu goi mˇ hoˋ jin hangˇ 。 沒有牛，只好用馬替代很不方便，影響工作的進行。
lbk10_059 該單身哥仔無婆無卵，自家食全家飽。 ge danˊ siinˊ goˊ eˋ moˇ poˇ moˇ lonˋ ，qid gaˊ siid qionˇ gaˊ bauˋ 。 那個單身漢沒有妻小，自己吃飽全家飽。
lbk10_060 「無清無淨，食吔毋會病；屙屙糟糟，食吔過大箍」，這句老古言語係美濃人拿來安自家个話。 「moˇ qinˊ moˇ qiang ，siid eˇ mˇ voi piang ；oˊ oˊ zoˊ zoˊ ，siid eˇ go tai koˊ 」，iaˋ gi loˋ guˋ ngianˇ ngiˊ he miˇ nungˇ nginˇ naˊ loiˇ onˊ qid gaˊ ge fa 。 「不乾不淨，吃了沒病；骯骯髒髒，吃了較胖」，這句俗語是美濃人用來自我安慰的話。
lbk10_061 東西毋好亂丟，丟啊一哪仔都係，無揫無集蓋得人畏。 dungˊ xiˊ mˇ hoˋ lon tiuˋ ，tiuˋ a idˋ naiˋ eˋ duˊ he ，moˇ qiuˊ moˇ qib goi dedˋ nginˇ vi 。 東西不要亂丟，丟得到處都是，沒有收拾好會令人很不舒服。
lbk10_062 今這下選舉蓋毋好選吔，選民不時喊「無㘔無頓，愛選麼个？」 ginˊ iaˋ ha xienˋ giˋ goi mˇ hoˋ xienˋ eˇ，xienˋ minˇ budˋ siiˇ hemˊ 「moˇ saiˊ moˇ dun ，oi xienˋ maˋ ge ？」 現在選舉很不好選了，選民常常喊「沒得吃喝，要選什麼？」
lbk10_063 這個細妹仔心肚仔毋知想麼个，同佢講話無聲無氣。 iaˋ ge se moi eˋ ximˊ duˋ eˊ mˇ diˊ xiongˋ maˋ ge ，tungˇ iˇ gongˋ fa moˇ sangˊ moˇ hi 。 這個女孩心裡不知道在想什麼，跟她說話都不吭聲。
lbk10_064 這事情莫去插，係無你會無舐著膣，打衊到一嘴。 iaˋ sii qinˇ mog hi cabˋ ，he moˇ ngˇ voi moˇ seˊ doˋ ziiˊ ，daˋ me do idˋ zoi 。 這件事情別去管，不然你會招禍上身。
lbk10_065 隔壁个阿叔嶄然煞猛，無時無節都去田坵裡。 gagˋ biagˋ ge aˊ sugˋ zamˋ manˇ sadˋ mangˊ ，moˇ siiˇ moˇ jiedˋ duˊ hi tienˇ kiuˊ liˊ 。 隔壁的叔叔非常勤勞，隨時都會去田裡。
lbk10_066 你仰恁呢「無食還係殗殗，食飽吔就沉沉」，每日淨看你眠懶睡𤸁，恁呢哪係頭路！ ngˇ ngiongˋ anˋ neˊ 「moˇ siid hanˇ he ngiem ngiem ，siid bauˋ eˇ qiu dem dem 」，miˊ ngidˋ qiang kon ngˇ minˇ nanˊ soi kioi ，anˋ neˊ nai he teuˇ lu ！ 你怎麼「沒吃就懶洋洋，吃飽了又昏沉沉」，每天看你總是一副提不起勁、懶洋洋的樣子，這總不是辦法！
lbk10_067 你這個人做事無頭無神，故所𠊎等哪敢同重要个事情交待分你。 ngˇ iaˋ ge nginˇ zo sii moˇ teuˇ moˇ siinˇ ，gu soˋ ngaiˇ nenˊ nai gamˋ tungˇ cung ieu ge sii qinˇ gauˊ dai bunˊ ngˇ 。 你這個人做事沒有主張又不用心，所以，我們哪敢把重要的事情交待給你。
lbk10_068 該老人家个子女都過身吔，故所佢這下無偎無憑，生活蓋孤栖。 ge loˋ nginˇ gaˊ ge ziiˋ ngˋ duˊ go siinˊ eˇ，gu soˋ iˇ iaˋ ha moˇ va moˇ pinˇ ，senˊ fad goi guˊ xiˊ 。 那個老人家的子女都過世了，所以她現在無依無靠，生活很孤單。
lbk10_069 你這隻猴仔無王無法吔喲！放學吔敢邀陣去偷摘人个番檨。 ngˇ iaˋ zagˋ heuˇ eˋ moˇ vongˇ moˇ fabˋ eˇ io！biong hog eˇ gamˋ ieuˊ ciin hi teuˊ zagˋ nginˇ ge fanˊ son。 你這傢伙沒有王法了喲！放學竟敢邀伴去偷採人家的芒果。
lbk10_070 你今晡日做事仰恁呢無心無事？係毋係堵著麼个大問題麼？ ngˇ ginˊ buˊ ngidˋ zo se ngiongˋ anˋ neˊ moˇ ximˊ moˇ sii ？he mˇ he duˇ doˋ maˋ ge tai mun tiˇ meˇ？ 你今天做事情怎麼精神一直無法專注？是不是遇到什麼大問題了？
lbk10_071 你仰會恁無修，敢在若爸發病歇院个時節，同屋仔賣核吔。 ngˇ ngiongˋ voi anˋ moˇ xiuˊ ，gamˋ teˊ ngiaˊ baˊ bodˋ piang hed ian ge siiˇ jiedˋ ， tungˇ vugˋ eˋ mai hedˋ eˇ。 你怎麼會那麼沒有良心，竟敢在你爸爸生病住院的時候，把房子給賣掉了。
lbk10_072 你斷真係「無著褲緊種觔斗」，八字都還無半撇，就一哪仔同人講你年底愛結婚吔。 ngˇ don ziinˊ he 「moˇ zogˋ fu ginˋ zung gin deuˋ 」，badˋ sii duˊ hanˇ moˇ ban piedˋ ，qiu idˋ naiˋ eˋ tungˇ nginˇ gongˋ ngˇ ngianˇ daiˋ oi giadˋ funˊ eˇ。 你真的是「不知羞恥又愛現」，八字都還沒一撇，就到處跟人家說你年底要結婚了。
lbk10_073 你這隻「無作用神」个男仔人，毋好好仔去做頭路，每日在屋下將把姐仔來罵。 ngˇ iaˋ zagˋ 「moˇ zogˋ iung siinˇ 」ge namˇ eˋ nginˇ，mˇ hoˋ hoˋ eˊ hi zo teuˇ lu ，miˊ ngidˋ teˊ lugˋ kaˊ jiong baˋ jiaˋ eˋ loiˇ ma 。 你這個「無用的男人」，不好好去工作，每天在家裡，老是對著老婆開罵。
lbk10_074 你斷真係「無主家神」，盡無簡單正同你討吔一個姐仔，你嗄每日看毋著人，害若姐仔每日在屋下目汁闌串。 ngˇ don ziinˊ he 「moˇ zuˋ gaˊ siinˇ 」，qin moˇ gianˋ danˊ nang tungˇ ngˇ toˋ eˇ idˋ ge jiaˋ eˋ ，ngˇ sa miˊ ngidˋ kon mˇ doˋ nginˇ ，hoi ngiaˊ jiaˋ eˋ miˊ ngidˋ teˊ lugˋ kaˊ mugˋ ziibˋ lamˇ con 。 你真的是「無主的神明」，好不容易才幫你娶了一個老婆，你卻每天看不到人影，害你老婆每天在家裡眼淚直流。
lbk10_075 嬰兒仔在該睡目，愛過輕手輕腳兜仔「莫打青驚」。 oˊ ngaˇ eˋ teˊ geˋ soi mugˋ ，oi go kiangˊ suˋ kiangˊ giogˋ deuˊ eˊ 「mog daˋ qiangˊ giangˊ 」。 小嬰兒在睡覺，要輕手輕腳些「不要驚動他」。
lbk10_076 人講：「莫怨天莫怨地，愛怨自家無福氣；莫怨爺莫怨哀，只怨自家命毋該」，頭擺个婦人家無福氣正會嫁著恁呢个家庭。 nginˇ gongˋ ：「mog ian tienˊ mog ian ti ，oi ian qidˋ gaˊ moˇ fugˋ hi ；mog ian iaˇ mog ian oiˊ ，ziiˋ ian qid gaˊ miang mˇ goiˊ 」，teuˇ baiˋ ge fu nginˇ gaˊ moˇ fugˋ hi nang voi ga doˋ anˋ neˊ ge gaˊ tinˇ。 人家說：「莫怨天莫怨地，要怨自己無福氣；莫怨爺莫怨娘，只怨自己命不好」，以前的婦女沒福氣才會嫁到這樣的家庭。
lbk10_077 頭擺不時聽老人家講：「莫笑他人老，自家毋曾到。」這下自家年紀大吔，正式就知得吔。 teuˇ baiˋ budˋ siiˇ tangˊ loˋ nginˇ gaˊ gongˋ ：「mog seu taˊ nginˇ loˋ ，qid gaˊ mˇ qienˇ do 。」iaˋ ha qid gaˊ ngianˇ giˋ tai eˇ，ziin siidˋ qiu diˊ dedˋ eˇ。 以前常常聽老人家說：「莫笑他人老，自己還未到。」現在自己年紀大了，真的就體會到了。
lbk10_078 頭擺人講：「莫食卯時酒，莫打寅時妻」，係講男仔人愛蓋有修養，毋好濫糝食酒打姐仔。 teuˇ baiˋ nginˇ gongˋ ：「mog siid mauˊ siiˇ jiuˋ ，mog daˋ iˇ siiˇ qiˊ 」，he gongˋ namˇ eˋ nginˇ oi goi iuˊ xiuˊ iongˊ ，mˇ hoˋ lamˋ samˋ siid jiuˋ daˋ jiaˋ eˋ 。 以前的人說：「莫食卯時酒，莫打寅時妻」，是說男人要有修養，不要隨便喝酒打老婆。
lbk10_079 頭擺老人家不時會講：「莫做媒人莫做保，莫做中人延牽無」，這兜同人擔保个事情絕對毋係頭路。 teuˇ baiˋ loˋ nginˇ gaˊ budˋ siiˇ voi gongˋ ：「mog zo moiˇ nginˇ mog zo boˋ ，mog zo zungˊ nginˇ ianˇ kianˊ moˇ 」，iaˋ deuˊ tungˇ nginˇ damˊ boˋ ge sii qinˇ qied dui mˇ he teuˇ lu 。 以前老人家常說：「莫做媒人莫做保，莫做中人牽扯不清」，這些幫人擔保的事情絕對不是工作。
lbk10_080 人講：「妹多閒纏」，該家人降仔八千金，這下妹仔大仔，斷真閒話聽毋核喔！ nginˇ gongˋ ：「moi doˊ hanˇ canˇ 」，ge gaˊ nginˇ giung eˋ badˋ qienˊ gimˊ ，iaˋ ha moi eˋ tai eˇ ，don ziinˊ hanˇ fa tangˊ mˇ hedˋ oˊ！ 人家說：「女兒多，閒話也多」，那家人生了八千金，現在女兒大了，真的閒言閒語沒完沒了喔！
lbk10_081 人講：「妹死婿郎絕」，這係蓋現實个問題。 nginˇ gongˋ ：「moi xiˋ se longˇ qied 」，iaˋ he goi hian siid ge mun tiˇ 。 人家說：「女兒已死，女婿就沒有來往了」，這是很現實的問題。
lbk10_082 人講：「媒人婆竹葉嘴，人講毋好佢就愛」，男女來去莫淨聽媒人个話，還係自家愛勘裁正來。 nginˇ gongˋ ：「moiˇ nginˇ poˇ zugˋ iab zoi ，nginˇ gongˋ mˇ hoˋ iˇ qiu oi 」，namˇ ngˋ loiˇ hi mog qiang tangˊ moiˇ nginˇ ge fa ，hanˇ he qid gaˊ oi kamˊ caiˇ zang loiˇ 。 人家說：「媒人婆竹葉嘴，人家說不好偏偏她就要」，男女交往別只聽媒人的話，還是要自己看清楚、想清楚才是。
lbk10_083 頭擺吾婆無牙齒，會用擂仔糜檳榔食。 teuˇ baiˋ ngaˊ poˇ moˇ ngaˇ ciiˋ ，voi iung luiˇ eˋ moiˋ binˊ longˇ siid 。 以前我奶奶沒牙齒，會先磨過再嚼檳榔。
lbk10_084 頭擺農家人「望天食著」，這下个後生仔耕種就過有方法，過毋會受著天時个影響吔。 teuˇ baiˋ nungˇ gaˊ nginˇ 「mong tienˊ siid zogˋ 」，iaˋ ha ge heu sangˊ eˋ gangˊ zung qiu go iuˊ fongˊ fabˋ ，go mˇ voi su doˋ tienˊ siiˇ ge iangˋ hiongˋ eˇ。 以前農家「吃、穿都要仰賴老天」，現在的年輕人耕種就比較有方法，比較不會受到氣候的影響了。
lbk10_085 該人蓋暮固，但係做事情一等認真。 ge nginˇ goi mu gu ，danˋ he zo sii qinˇ idˋ denˋ ngin ziinˊ 。 那個人生性木訥，但是做事情非常認真。
lbk10_086 該人蓋暮固沉毒，平常毋會同人相借問，係對厥屋前過，會放狗仔抄人。 ge nginˇ goi mu gu ciimˇ tug ，pinˇ songˇ mˇ voi tungˇ nginˇ xiongˊ jia mun ，he dui iaˊ vugˋ qienˇ go ，voi biong gieuˋ eˋ cauˊ nginˇ 。 那個人行事冷漠、狠毒，平常都不跟人家打招呼，如過從他家前面經過，還會放狗追人。
lbk10_087 毋好看佢平常恬恬毋講話，係撩到佢發譴个時節，定著毋會放人煞，正經係「暮固狗咬死人」喔！ mˇ hoˋ kon iˇ pinˇ songˇ diamˊ diamˊ mˇ gongˋ fa ，he liauˇ do iˇ fadˋ kienˋ ge siiˇ jiedˋ ，tin cog mˇ voi biong nginˇ sod ，ziin ginˊ he 「mu gu gieuˋ ngauˊ xiˋ nginˇ 」oˊ！ 不要看他平常靜靜的不說話，如過把他惹毛了，絕對不會放過人，真的是「不會叫的狗才會咬死人」。
lbk10_088 該人雖然暮暮固固，但係見看著人就笑咪咪仔，故所人緣蓋好。 ge nginˇ suiˊ ianˇ mu mu gu gu ，danˋ he gian kon doˋ nginˇ qiu seu miˊ miˊ eˊ ，gu soˋ nginˇ ianˇ goi hoˋ 。 那個人雖然木訥寡言，但是每次見到人就笑咪咪的，所以人緣很好。
lbk10_089 頭擺阿婆會講：「見做事情都沒頭絞髻个人，定著會成功。」。 teuˇ baiˋ aˊ poˇ voi gongˋ ：「gian zo sii qinˇ duˊ mud teuˇ gauˋ gi ge nginˇ ，tin cog voi siinˇ gungˊ 。」。 以前奶奶會說：「做任何事情都全力以赴，專心去做的人，一定會成功」。
lbk10_090 該男仔人蓋土，動啊著就罵厥倈仔：「歿東西！」。 ge namˇ eˋ nginˇ goi tuˋ ，tungˊ a doˋ qiu ma iaˊ lai eˋ ：「mudˋ dungˊ xiˊ ！」。 那個男的很沒修養，動不動就罵他兒子：「爛東西！」。
lbk10_091 這兜東西歿浞浞仔，囥啊忒久吔啦！ iaˋ deuˊ dungˊ xiˊ mudˋ jiog jiog eˊ，kong a tedˋ giuˋ eˇ laˋ！ 這些東西都爛掉了，放得太久了啦！
lbk10_092 𠊎今晡日啉吔一杯咖啡，歸暗晡目擘擘仔睡毋落覺。 ngaiˇ ginˊ buˊ ngidˋ limˊ eˇ idˋ biˊ gaˇ biˊ ，guiˊ am buˊ mugˋ bagˋ bagˋ eˊ soi mˇ log gau 。 我今天喝了一杯咖啡，整個晚上睜著眼睛，一點睡意都沒有。
lbk10_093 今晡日盡無閒，又無睡當晝，到食夜个時節就目𥉌𥉌仔吔。 ginˊ buˊ ngidˋ qin moˇ hanˇ ，iu moˇ soi dongˊ zu ，do siid ia ge siiˇ jiedˋ qiu mugˋ dabˋ dabˋ eˊ eˇ。 今天很忙碌，又沒睡午覺，到吃晚餐的時候就累到眼睛睜不開想睡覺了。
lbk10_094 佢聽著厥婆過身个消息，一下仔目紅鼻紅講毋出話來。 iˇ tangˊ doˋ iaˊ poˇ go siinˊ ge seuˊ xidˋ ，idˋ ha eˊ mugˋ fungˇ pi fungˇ gongˋ mˇ cudˋ fa loiˇ 。 他聽到他外婆過世的消息，一下仔眼眶、鼻子就紅了，說不出一句話。
lbk10_095 天光日愛考試吔，喚你愛睡當晝毋好出去尞，你就毋聽，這下書一拿啊出就目弇弇仔，仰結煞哪！ tienˊ gongˊ ngidˋ oi kauˋ sii eˇ，vonˋ ngˇ oi soi dongˊ zu mˇ hoˋ cudˋ hi liau ，ngˇ qiu mˇ tangˊ ，iaˋ ha suˊ idˋ naˊ a cudˋ qiu mugˋ giemˇ giemˇ eˊ ，ngiong gadˋ sadˋ naˊ ！ 明天要考試了，叫你要睡午覺不要出去玩，你就是不聽，現在課本一拿出來眼睛就睜不開了，該怎麼辦才好！
lbk10_096 魔術表演蓋精彩，大家人都看啊目金金仔。 moˊ sud beuˋ ianˊ goi jinˊ caiˋ ，tai gaˊ nginˇ duˊ kon a mugˋ gimˊ gimˊ eˊ 。 魔術表演很精彩，大家都看得目不轉睛。
lbk10_097 當晝頭食飽飯，𠊎眠啊下目陰目陽个時節，電話敢響吔，實在毋得結煞。 dongˊ zu teuˇ siid bauˋ fan ，ngaiˇ minˇ a haˊ mugˋ imˊ mugˋ iongˇ ge siiˇ jiedˋ ，tien fa gamˋ hiongˋ eˇ，siid cai mˇ dedˋ gadˋ sadˋ 。 中午吃過飯，我剛躺下閉眼欲睡的時候，電話竟然響了，實在有夠煩。
lbk10_098 這兜細𧊅仔仰搞啊毋知歸？都麼个時節吔呀！目麻斷暗吔還毋歸來洗身食飯。 iaˋ deuˊ se guaiˋ eˋ ngiongˋ gauˋ a mˇ diˊ guiˊ ？duˊ maˋ ge siiˇ jiedˋ eˇ iaˋ ！mugˋ maˇ tonˊ am eˇ hanˇ mˇ guiˊ loiˇ seˋ siinˊ siid fan 。 這些小孩怎麼玩得不知道要回家？都已經什麼時候了呀！天都黑了還不回來洗澡吃飯。
lbk10_099 該間店个頭家齧啊「目眉毛會打算盤」呢！𠊎同佢買吔五百零銀个菜，連兩條蔥仔也愛同𠊎算錢。 ge gianˊ diam ge teuˇ gaˊ ngadˋ a「mugˋ miˇ moˊ voi daˋ son panˇ 」neˊ ！ngaiˇ tungˇ iˇ maiˊ eˇ ngˋ bagˋ nangˇ ngiunˇ ge coi ，lienˇ liongˋ tiauˇ cungˊ eˋ iaˊ oi tungˇ ngaiˇ son qienˇ 。 那間店的老闆「很會計較，很小氣」喲！我跟他買了五百多元的菜，連兩根蔥也要跟我算錢。
lbk10_100 今暗晡煮菜煮啊半爛燦嗄停電吔，害𠊎目摸目撞煮出來个菜，毋知食得無？ ginˊ am buˊ zuˋ coi zuˋ a ban lan can sa tinˇ tien eˇ，hoi ngaiˇ mugˋ moˊ mugˋ cong zuˋ cudˋ loiˇ ge coi ，mˇ diˊ siid dedˋ moˇ ？ 今晚煮菜煮到一半卻停電了，害我摸黑煮菜，煮得菜不知道能吃嗎？
lbk10_101 細人仔做差事情念過吔就好吔，做麼个愛背雞祛仔同佢等嚇啊目𥍉𥍉仔呢？ se nginˇ eˋ zo caˊ sii qinˇ ngiam go eˇ qiu hoˋ eˇ，zo maˋ ge oi bi gieˊ kia eˋ tungˇ iˇ denˊ hagˋ a mugˋ ngiabˋ ngiabˋ eˊ no ？ 小孩子做錯事，念念他們就好了，為什麼要拿趕雞用的竹器把他們嚇得淚汪汪的呢？
lbk10_102 阿弟牯見看著厥姆就目爬拭淚黏等厥姆。 aˊ di guˋ gian kon doˋ iaˊ meˊ qiu mugˋ paˇ siidˋ lui ngiamˇ nenˋ iaˊ meˊ 。 弟弟每次一看到媽媽就哭哭啼啼的粘著他媽媽。
lbk10_103 楊恩典小姐雖然出世就無手，但係佢盡拶志，這下毋單淨生活做得自家打理，還係有名个畫家，人講：「目瞨仔，會有目光仔牽」，真實一息都無爭差。 iongˇ enˊ dienˋ seuˋ jiˋ suiˊ ianˇ cudˋ se qiu moˇ suˋ ，danˋ he iˇ qin zad zii ，iaˋ ha mˇ danˊ qiang senˊ fad zo dedˋ qid gaˊ daˋ liˊ ，hanˇ he iuˊ miangˇ ge fa gaˊ ，nginˇ gongˋ ：「mugˋ puˋ eˋ ，voi iuˊ mugˋ gongˊ eˋ kianˊ 」，ziinˊ siidˋ idˋ xidˋ duˊ moˇ zenˊ caˊ 。 楊恩典小姐雖然出生就沒有手，但是她很有志氣，現在不僅生活可以打理自己的生活，還是有名的畫家，人家說：「瞎子，會有明眼人牽引」，真的一點兒都沒錯。
lbk10_104 阿秀看人下著目聚聚仔，怕有近視喔！ aˊ xiu kon nginˇ ha doˋ mugˋ qi qi eˊ ，pa iuˊ kiun sii oˊ！ 阿秀看人總是眼睛瞇瞇的，可能有近視喔！
lbk10_105 你每擺一看書就目眨眨仔，恁呢哪係頭路。 ngˇ miˊ baiˋ idˋ kon suˊ qiu mugˋ sabˋ sabˋ eˊ ，anˋ neˊ nai he teuˇ lu 。 你每次一看書就眼睛都睜不開，這樣如何是好。
lbk10_106 佢閒閒無事，去山肚裡行尞，嗄在坑水裡拈著一粒金矻，斷真係「目睡鳥飛來蟲」，實在有好運！ iˇ hanˇ hanˇ moˇ sii，hi sanˊ duˋ liˊ hangˇ liau ，sa tiˊ hangˊ suiˋ liˊ ngiamˊ doˋ idˋ liab gimˊ kid ，don ziinˊ he「mugˋ soi diauˊ biˊ loiˇ cungˇ」，siid cai iuˊ hoˋ iun ！ 他閒來無事，到山中遊玩，卻在溪水裡撿到一粒金塊，真如俗話說的「閉起眼睛睡覺的鳥也有自己撞來的蟲可吃」，實在好運！
lbk10_107 佢正䟘啊起，還坐在眠床頭目絲絲仔，毋曾清醒。 iˇ nang hong a hiˋ ，hanˇ coˊ teˊ minˇ congˇ teuˇ mugˋ xiˊ xiˊ eˊ ，mˇ qienˇ qinˊ xiangˋ 。 他剛起床，還坐在床頭發呆，還沒完全清醒。
lbk10_108 頭擺人係有手藝就毋驚餓著，像美濃人講个：「木匠師父斧頭一搉，豬肉論大鑊」，正式有影。 teuˇ baiˋ nginˇ he iuˊ suˋ ngi qiu mˇ giangˊ ngo doˋ ，qiong miˇ nungˇ nginˇ gongˋ ge ：「mugˋ xiong siiˊ fu buˋ teuˇ idˋ kog ，zuˊ ngiugˋ lun tai vog 」，ziin siidˋ iuˊ iangˋ 。 以前人若有手藝就不怕挨餓，像美濃人說的：「木匠師父斧頭一敲，就有一大鍋的豬肉」，真的有道理。
lbk10_109 硬壁个師父，也有佢自家感覺著過食力个地方，這就係人講个：「木匠師父驚榫腳，泥水師父驚壁角。」 ang biagˋ ge siiˊ fu ，iaˇ iuˊ iˇ qid gaˊ gamˋ gogˋ doˋ go siid lid ge ti fongˊ ，iaˋ qiu he nginˇ gongˋ ge ：「mugˋ xiong siiˊ fu giangˊ sunˋ giogˋ ，naiˇ suiˋ siiˊ fu giangˊ biagˋ gogˋ。」 再厲害的師父，也有他自認為較吃力的地方，這就是所謂的：「木匠師父怕榫腳，泥水師父怕壁角。」
lbk10_110 你淨做別人个事頭無閒啊會死，屋下都顧毋著半下，正經係「木匠師父無眠床，泥水師父無浴堂，風水先生驚無火葬場」喔！ ngˇ qiang zo pied nginˇ ge se teuˇ moˇ hanˇ a voi xiˋ ，lugˋ kaˊ duˊ gu mˇ doˋ ban ha ，ziin ginˊ he 「mugˋ xiong siiˊ fu moˇ minˇ congˇ ，naiˇ suiˋ siiˊ fu moˇ iog tongˇ ，fungˊ suiˋ xinˊ sangˊ giangˊ moˇ foˋ zong congˇ 」oˊ！ 你光忙別人的事都忙得半死，自家的事都完全無法顧及，真的是「木匠師父沒床睡，泥水師父沒浴室用，風水師父怕沒火葬場」呀！
lbk10_111 佢盡看人毋起，見看人都目側側仔。 iˇ qin kon nginˇ mˇ hiˋ ，gian kon nginˇ duˊ mugˋ zedˋ zedˋ eˊ 。 他很瞧不起人，平時看人都用斜眼來看人。
lbk10_112 𠊎今話你你毋聽，今仔堵著事情吔就毋好目汁流上上吓！ ngaiˇ ginˊ va ngˇ ngˇ mˇ tangˊ ，ginˊ ne duˇ doˋ sii qinˇ eˇ qiu mˇ hoˋ mugˋ ziibˋ liuˇ songˊ songˊ ha ！ 我現在勸你你不聽，以後遇到事情時你就不要後悔喲！
lbk10_113 佢毋知發生麼个事情吔，在該噭啊哇天哇地，目汁闌串。 iˇ mˇ diˊ fadˋ senˊ maˋ ge sii qinˇ eˇ，teˊ geˋ gieu a va tienˊ va ti ，mugˋ ziibˋ lamˇ con 。 他不知發生了什麼事，在那裡哭得呼天搶地，眼淚、鼻涕直流。
lbk10_114 𠊎這恁久運勢毋係盡好，不時「目珠花花，瓠仔覺著菜瓜；目珠烏烏，拉朳仔覺著蓮霧」，係毋係愛去請先生來改運？ ngaiˇ iaˋ anˋ giuˋ iun sii mˇ he qin hoˋ ，budˋ siiˇ 「mugˋ zuˊ faˊ faˊ ，puˇ eˋ gogˋ doˋ coi guaˊ ；mugˋ zuˊ vuˊ vuˊ ，laˇ pad eˋ gogˋ doˋ lienˊ fuˇ 」，he mˇ he oi hi qiangˋ xinˊ sangˊ loiˇ goiˋ iun ？ 我最近運氣不太好，經常「眼睛花花，瓠瓜當做菜瓜；眼睛濛霧，番石榴錯認為蓮霧」，是不是該去請算命師父來改運呢？
lbk10_115 頭擺人講人：「目珠毛企企，毋係好東西」，係盡主觀个看法，毋好完全去信佢。 teuˇ baiˋ nginˇ gongˋ nginˇ ：「mugˋ zuˊ moˊ kiˊ kiˊ ，mˇ he hoˋ dungˊ xiˊ 」，he qin zuˋ gonˊ ge kon fabˋ ，mˇ hoˋ vanˇ qionˇ hi xin iˇ 。 古時人說人：「眉毛翹立的人，絕非善類」，是很主觀的看法法，不用完全去相信。
lbk10_116 佢等伙房个門樓橫屋做啊盡靚、盡派頭，故所不時會有外地人來參觀。 iˇ denˊ foˋ fongˇ ge munˇ leuˇ vangˇ vugˋ zo a qin jiangˊ 、qin pai teuˇ ，gu soˋ budˋ siiˇ voi iuˊ ngoi ti nginˇ loiˇ camˊ gonˊ 。 他們家伙房的門樓與左右廂房做得非常漂亮、非常有氣勢，所以經常會有外地人來參觀。
lbk10_117 恁久目珠毋係盡好，見看東西都濛濛仔，看毋清楚。 anˋ giuˋ mugˋ zuˊ mˇ he qin hoˋ ，gian kon dungˊ xiˊ duˊ mungˇ mungˇ eˊ ，kon mˇ qinˊ cuˋ 。 最近眼睛不太好，每次看東西都霧濛濛的，看不清楚。
lbk10_118 每擺坐火車過苗栗地區个山窿，都濛濛烏烏，看毋著麼个。 miˊ baiˋ coˊ foˋ caˊ go meuˇ lid ti kiˊ ge sanˊ nungˇ，duˊ mungˇ mungˇ vuˊ vuˊ ，kon mˇ doˋ maˋ ge 。 每次搭火車經過苗栗地區的山洞，都黑鴉鴉的一片，什麼都看不見。
lbk10_119 佢還細，懵懵懂懂，麼个漦濞都毋知。 iˇ hanˇ se ，mungˋ mungˋ dungˋ dungˋ ，maˋ ge xiauˇ pi duˊ mˇ diˊ 。 他年紀還小，糊裡糊塗，什麼東西都不懂。
lbk10_120 你這人盡過分呢！捧豆油分你搵，連豆油碟仔都想捧走！ ngˇ iaˋ nginˇ qin go fun neˊ ！mungˋ teu iuˇ bunˊ ngˇ vun ，lienˇ teu iuˇ tiab eˋ duˊ xiongˋ mungˋ zeuˋ ！ 你這人實在太過分了！端個醬油讓你沾，你卻連碟子也想整個端走（實在太貪得無厭了）！
lbk10_121 佢去跋山堵著落大雨山崩，跼在山項幾下日無東西食，這下驚怕會㸐腸肚吔喲！ iˇ hi bagˋ sanˊ duˇ doˋ log tai iˋ sanˊ benˊ ，kiug teˊ sanˊ hong giˋ haˊ ngidˋ moˇ dungˊ xiˊ siid ，iaˋ ha giangˊ pa voi nadˋ congˇ duˋ eˇ ioˊ！ 他去爬山遇到下大雨、山崩，被困在山上好幾天沒東西吃，現在恐怕會非常饑餓了吧！
lbk10_122 這勼帶安啊忒緪會捺褲頭。 iaˋ jiu dai onˊ a tedˋ henˇ voi nag fu teuˇ 。 這鬆緊帶縫得太緊，會在腰間形成壓痕。
lbk10_123 前幾日手無注意著分虐毛蟲趖過，這下不時會㖸㖸滾，有息把痛。 qienˇ giˋ ngidˋ suˋ moˇ zu i doˋ bunˊ ngiogˋ moˊ cungˇ soˇ go ，iaˋ ha budˋ siiˇ voi nag nag gunˋ ，iuˊ xidˋ baˋ tung 。 前幾天手不注意被毛毛蟲爬過，現在經常會有皮膚痛癢的感覺，有點痛。
lbk10_124 你這兜壞銅壞鐵就安到寶貝，莫㖸壞人吔哪！ ngˇ iaˋ deuˊ faiˋ tungˇ faiˋ tiedˋ qiu onˊ do boˋ bi ，mog nagˋ fai nginˇ eˇ naˊ ！ 你這些破銅爛鐵就叫做寶貝，不要笑死人了！
lbk10_125 你見做麼个都泥泥板板，愛仰仔去同人拚呢？ ngˇ gian zo maˋ ge duˊ naiˇ naiˇ banˋ banˋ ，oi ngiongˋ eˊ hi tungˇ nginˇ bia noˋ ？ 你做什麼事都反應遲鈍，這要如何和別人競爭？
lbk10_126 落雨過後，菜園項一哪仔濫巴漬浞。 log iˋ go heu ，coi ianˇ hong idˋ naiˋ eˋ nam baˇ ji jiog。 下雨過後，菜園到處泥濘不堪。
lbk10_127 這仔濫浞浞仔，行路蓋毋方便。 iaˋ eˊ nam jiog jiog eˊ ，hangˇ lu goi mˇ fongˊ pien 。 這裡泥濘不堪，走路很不方便。
lbk10_128 這跡仔个田坵全部都係濫泥田，種菱角蓋堵好。 iaˋ jiagˋ eˋ ge tienˇ kiuˊ qionˇ pu duˊ he nam naiˇ tienˇ ，zung linˇ gogˋ goi duˋ hoˋ 。 這個地方的田全都是多水難耕的泥田，種菱角剛剛好。
lbk10_129 該條路濫濫浞浞，車仔駛過去蓋危險。 ge tiauˇ lu nam nam jiog jiog，caˊ eˋ siiˋ go hi goi munˇ hiamˋ 。 那條路很泥濘，車子開過去很危險。
lbk10_130 聽講市場項賣菜个阿明仔，厥倈仔考上雄中吔！這真實係人講个「濫濫竹頭出好筍」喔！ tangˊ gongˋ sii congˇ hong mai coi ge aˊ minˇ eˋ ，iaˊ lai eˋ kauˋ songˊ hiungˇ zungˊ eˇ！iaˋ ziinˊ siidˋ he nginˇ gongˋ ge 「lam lam zugˋ teuˇ cudˋ hoˋ sunˋ 」oˊ！ 聽說市場裡賣菜的阿明，他兒子考上雄中了！這真的是俗話說的「不出色的竹子也能出好筍」喲！
lbk10_131 你仰恁㜮漦呢！連這恁細桶个水也擐毋起來。 ngˇ ngiongˋ anˋ lamˊ xiauˇ noˋ ！lienˇ iaˋ anˋ se tungˋ ge suiˋ iaˊ kuan mˇ hiˋ loiˇ 。 你怎麼這麼差勁呢！連這麼小桶的水也提不起來。
lbk10_132 你兩公婆生成就鬥正吔，一個盡惱人念念，一個就每日念念念念念毋會煞，正經係「㜮漦合愕琢，賁皮鬥硬殼」。 ngˇ liongˋ gungˊ poˇ sangˊ sangˇ qiu deu zang eˇ，idˋ ge qin nauˊ nginˇ ngiamˇ ngiam ，idˋ ge qiu miˊ ngidˋ ngiamˇ ngiamˇ ngiam ngiam ngiam mˇ voi sod ，ziin ginˊ he 「lamˊ xiauˇ gagˋ ngogˋ dogˋ ，punˊ piˇ deu ngang hogˋ 」。 你們夫妻倆天生注定好的，一個人很討厭人家撈叨，一個就每天都撈叨個不停，真的是「沒本事的配差勁的，厚皮的配硬殼的」。
lbk10_133 頭擺人講：「男哱晴，女哱雨」，故所，阿弟牯今晡日緊哱口涎，天光日怕會出日頭喔！ teuˇ baiˋ nginˇ gongˋ ：「namˇ bud qiangˇ ，ngˋ bud iˋ」，gu soˋ ，aˊ di guˋ ginˊ buˊ ngidˋ ginˋ bud heuˋ lanˊ，tienˊ gongˊ ngidˋ pa voi cudˋ ngidˋ teuˇ o！ 以前人家說：「男嬰口吐沫時會出太陽，女嬰口吐沫則會下雨」，所以，小弟弟今天口中一直吐沫，明天應該會出太陽喔！
lbk10_134 一般來講「男驚運頭」，故所，細倈仔人係堵著運頭个時節，做事、講話愛過細義兜仔。 idˋ banˊ loiˇ gongˋ 「namˇ giangˊ iun teuˇ 」，gu soˋ ，se lai eˋ nginˇ he duˇ doˋ iun teuˇ ge siiˇ jiedˋ ，zo sii 、gongˋ fa oi go se ngi deuˊ eˊ。 一般說來「男人怕各種運勢的開始」，所以，男生如果好運當頭的時候，做事情、說話要多加小心。
lbk10_135 時下个後生仔，出去尞个時節，仰男男女女攞啊緊鉸落仔共下睡目呢？ siiˇ haˊ ge heu sangˊ eˋ ，cudˋ hi liau ge siiˇ jiedˋ , ngiongˋ namˇ namˇ ngˋ ngˋ loˊ a ginˋ gau lau eˋ kiung ha soi mugˋ no ？ 現在的年輕人，出去玩的時候，怎麼都男女混雜一起睡覺呢？
lbk10_136 無聽人講過：「男人个錢包，女人个乳包」吓？這兩項你做毋得同人亂摸哦！ moˇ tangˊ nginˇ gongˋ go ：「namˇ nginˇ ge qienˇ bauˊ ，ngˋ nginˇ ge nen bauˊ 」haˋ ？iaˋ liongˋ hong ngˇ zo mˇ dedˋ tungˇ nginˇ lon miaˊ oˊ ！ 沒聽人家說過：「男人的錢包，女人的乳房」嗎？這兩樣東西你不可以亂摸哦！
lbk10_137 你想愛喚佢同數簿仔拿分你看，𠊎看你怕眠正來等好吔！你無聽人講過：「男人个字簿，女人个乳菇」吓？仰有可能个事情。 ngˇ xiongˋ oi vonˋ iˇ tungˇ sii puˊ eˋ naˊ bunˊ ngˇ kon ，ngaiˇ kon ngˇ pa minˇ zang loiˇ denˋ hoˋ eˊ！ngˇ moˇ tangˊ nginˇ gongˋ go ：「namˇ nginˇ ge sii puˊ ，ngˋ nginˇ ge nen guˊ 」haˋ ？ngiongˋ iuˊ koˋ nenˇ ge sii qinˇ 。 你想要叫他把帳本拿給你看，我看你就躺在床上慢慢等好了！你沒聽人家說過：「男人的帳簿，女人的乳房」嗎？怎麼有可能的事情。
lbk10_138 算命个講你「男人命帶癸光，逐鬼喝閻王」，表示若命蓋好。 son miang ge gongˋ ngˇ 「namˇ nginˇ miang dai gui gongˊ ，guigˋ guiˋ hodˋ ngiamˇ vongˇ 」，beuˋ sii ngiaˊ miang goi hoˋ 。 算命的說你「男人命帶癸光，驅逐鬼魅喝斥閻王」，表示你的命很好喔！
lbk10_139 你愛聽若爸若姆个話，心定下來好好仔尋頭路、煞猛做事正著，你無聽人講過「男人無志毋成家，女人無志生離嫲」吓？ ngˇ oi tangˊ ngiaˊ baˊ ngiaˊ meˊ ge fa ，ximˊ tin haˊ loiˇ hoˋ hoˋ eˊ qimˇ teuˇ lu 、sadˋ mangˊ zo sii nang cog ，ngˇ moˇ tangˊ nginˇ gongˋ go 「namˇ nginˇ moˇ zii mˇ sangˇ gaˊ ，ngˋ nginˇ moˇ zii sangˊ liˇ maˇ 」haˋ ？ 你要聽你父母親的話，心定下來好好的找個工作、努力做事才是，你沒聽人家說過「人都要立志奮發，否則不會有好結果」嗎？
lbk10_140 哎喲！你實在蓋㜮漦呢！手分鐮仔割著一細空就毋去做事，還在這過家尞，正經係頭擺人講个：「男人手痛好過家，女人腳痛好繡花」。 aiˋ ioˋ！ngˇ siid cai goi lamˊ xiauˇ neˊ ！suˋ bunˊ liamˇ eˋ godˋ doˋ idˋ se kangˊ qiu mˇ hi zo se ，hanˇ tiˊ iaˋ go gaˊ liau ，ziin ginˊ he teuˇ baiˋ nginˇ gongˋ ge ：「namˇ nginˇ suˋ tung hoˋ go gaˊ ，ngˋ nginˇ giogˋ tung hoˋ xiu faˊ 」。 哎喲！你實在很沒用呢！手被鐮刀割個小洞就不去做事，還在這裡串門子，真像以前人家說的：「男人手痛好串門子，女人腳痛好繡花」。
lbk10_141 阿貴嫂降个嬰兒仔嘴恁大，蓋有福相喔！頭擺人有講：「男人嘴大食四方，女人嘴大食苦郎」。 aˊ gui soˋ giung ge oˊ ngaˇ eˋ zoi anˋ tai ，goi iuˊ fugˋ xiongˊ oˊ！teuˇ baiˋ nginˇ iuˊ gongˋ ：「namˇ nginˇ zoi tai siid xi fongˊ ，ngˋ nginˇ zoi tai siid kuˋ longˇ 」。 阿貴嫂生的嬰兒嘴大大的，很有福相喔！以前人曾說：「男人嘴大吃四方，女人嘴大反是窮苦相」。
lbk10_142 佢係無小心躪著你个，你恁大將个人對等佢大細聲，害佢嚇啊哇哇滾，斷真係「蝻蛇咬人壞看相」哦！ iˇ he moˇ seuˋ ximˊ nang doˋ ngˇ ge，ngˇ anˋ tai jiongˋ ge nginˇ dui nenˋ iˇ tai se sangˊ ，hoi iˇ hagˋ a va va gunˋ ，don ziinˊ he 「namˇ saˇ ngauˊ nginˇ faiˋ kon xiong 」oˊ ！ 他是不小心踩到你的，你人高馬大對著他大小聲，害他嚇得哇哇叫，真的是「以大欺小，很難看」呀！
lbk10_143 你斯餓吔一禮拜係麼？食東西恁呢緊塞緊揤，毋會哽死吓？斷真係：「揇稈入牛欄」，還壞看相喔！ ngˇ siiˇ ngo eˇ idˋ liˊ bai he meˇ ？siid dungˊ xiˊ anˋ neˊ ginˋ sedˋ ginˋ jidˋ ，mˇ voi gangˋ xiˋ haˋ ？don ziinˊ he ：「namˋ gonˋ ngib ngiuˇ lanˇ 」，hanˇ faiˋ kon xiong oˊ！ 你是餓了一星期嗎？吃東西這樣拼命塞拚命吞，不會噎死嗎？真的是：「抱稻稈入牛欄」，吃相還真難看喔！
lbk10_144 去人屋下，做麼个都毋好濫糝來，恁呢盡無規矩。 hi nginˇ lugˋ kaˊ ，zo maˋ ge duˊ mˇ hoˋ lamˋ samˋ loiˇ ，anˋ neˊ qin moˇ guiˊ giˋ 。 去別人家作客，做什麼事情都不可以隨便動手或胡來，這樣很沒規矩。
lbk10_145 你將把嬰兒仔揇上揇下，毋會𤸁吓？ ngˇ jiongˊ baˋ oˊ ngaˇ eˋ namˋ songˊ namˋ haˊ ，mˇ voi kioi haˋ ？ 你老是抱著嬰兒走來走去，不會累嗎？
lbk10_146 佢有爛菜籃拈起來鬥耳該種個性，實在省儉。 iˇ iuˊ lan coi namˇ ngiamˊ hiˋ loiˇ deu ngiˋ ge zungˋ ge xin，siid cai sangˋ kiang。 他有那種人家丟棄的物品還會撿起來修理使用的個性，實在節儉。
lbk10_147 頭擺人講：「爛鞋好墊腳」，做人毋好忒折福，毋好動啊著東西就丟核。 teuˇ baiˋ nginˇ gongˋ ：「lan haiˇ hoˋ tiabˋ giogˋ 」，zo nginˇ mˇ hoˋ tedˋ zadˋ fugˋ ，mˇ hoˋ tungˊ a doˋ dungˊ xiˊ tu tiuˋ hedˋ 。 以前的人說：「壞鞋子還是可以拿來墊腳」，人不要太過浪費，不要什麼東西都要丟。
lbk10_148 美濃老古人講：「爛衫爛褲莫亂丟（攉），留來急難好遮羞（著）。」這句話个意思係喚大家愛勤儉。 miˇ nungˇ loˋ guˋ nginˇ gongˋ ：「lan samˊ lan fu mog non tiuˋ （vogˋ ），liuˇ loiˇ gibˋ nan hoˋ zaˊ xiuˊ （zogˋ）。」iaˋ gi fa ge i sii he vonˋ tai gaˊ oi kiunˇ kiam 。 美濃俗諺說：「破舊衣物不要丟棄，以備不時之需。」這句話的意思是呼籲大家要節儉。
lbk10_149 這個東西仰會裝壞吔呢？裝到爛膣爛擐，完全用毋得。 iaˋ ge dungˊ xiˊ ngiongˋ voi zongˊ faiˋ eˇ noˋ ？zongˊ do lan ziiˊ lan kuan ，vanˇ qionˇ iung mˇ dedˋ 。 這個東西怎麼裝壞了呢？裝到東西都鬆散了，完全不能用。
lbk10_150 做人个心臼愛煞猛，毋好懶懶尸尸，係無會分人取笑。 zo nginˇ ge ximˊ kiuˊ oi sadˋ mangˊ ，mˇ hoˋ nanˊ nanˊ siiˊ siiˊ ，he moˇ voi bunˊ nginˇ qiˋ seu 。 為人媳婦要勤勞，不要偷懶，要不然會被人笑的。
lbk10_151 該樵仔扐毋起，毋好盡命牯去扐，頭擺人講：「懶人嘔死力」，你就係恁呢个人哪！ ge ceuˇ eˋ led mˇ hiˋ ，mˇ hoˋ qin miang guˋ hi led ，teuˇ baiˋ nginˇ gongˋ ：「nanˊ nginˇ euˋ xiˋ lid 」，ngˇ qiu he anˋ neˊ ge nginˇ naˊ ！ 那捆木柴抱不動，就不要費力氣去抱，以前的人說：「懶人做事貪快，往往浪費力氣」，你就是這樣的人！
lbk10_152 𠊎喚你做事情，你就蓋多理由、奸雄鬼計，頭擺人講：「懶人屎尿多，懶牛好捱磨」，你就係恁呢个人哪！ ngaiˇ vonˋ ngˇ zo sii qinˇ ，ngˇ qiu goi doˊ liˊ iuˇ 、gianˊ hiungˇ guiˋ gie ，teuˇ baiˋ nginˇ gongˋ ：「nanˊ nginˇ siiˋ ngiau doˊ ，nanˊ ngiuˇ hau iaiˊ mo」 ，ngˇ qiu he anˋ neˊ ge nginˇ naˋ ！ 我叫你做事，你就找很多理由、藉口來推託，古人說：「懶惰的人花樣多，做事不專注，喜歡藉故偷懶」，你就是這樣的人啦！
lbk10_153 讀書愛煞猛，毋好忒懶怠。 tug suˊ oi sadˋ mangˊ ，mˇ hoˋ tedˋ nanˊ tai 。 讀書要努力，不要太過於懶惰。
lbk10_154 你實在難耐，這種天時也去田坵裡放水、作田脣。 ngˇ siid cai nanˇ ngai， iaˋ zungˋ tienˊ siiˇ iaˊ hi tienˇ kiuˊ liˊ biong suiˋ 、zogˋ tienˇ siinˇ。 實在受不了你，這種天氣，還去田裡放水、築田埂。
lbk10_155 這豬菜園項，毋好去躪上躪下，豬菜會分你躪死喲！ iaˋ zuˊ coi ianˇ hong ，mˇ hoˋ hi nang songˊ nang haˊ ，zuˊ coi voi bunˊ ngˇ nang xiˋ ioˊ！ 這個種地瓜葉的菜園，不要踩來踩去，地瓜葉會被你踩死喲！
lbk10_156 𠊎今晡日為著細人仔考試考毋好，正式譴啊冷氣搏燒氣。 ngaiˇ ginˊ buˊ ngidˋ vi doˋ se nginˇ eˋ kauˋ sii kauˋ mˇ hoˋ ，ziin siidˋ kienˋ a nangˊ hi bogˋ seuˊ hi 。 我今天為了小孩考試考不好，真的是氣到呼吸都不順。
lbk10_157 𠊎兩儕從來無來去，佢對𠊎一直冷冷仔。 ngaiˇ liongˋ saˇ qiungˇ loiˇ moˇ loiˇ hi ，iˇ dui ngaiˇ idˋ ciid langˊ langˊ eˊ 。 我們倆人從來不相往來，他對我一直都很冷淡。
lbk10_158 頭擺人蓋才過，無麼个好食，冷冷个飯乜愛食下去，自家會講「冷冷食到滾」來安慰自家。 teuˇ baiˋ nginˇ goi coiˇ go ，moˇ maˋ ge hoˋ siid ，langˊ langˊ ge fan me oi siid haˊ hi ，qid gaˊ voi gongˋ 「langˊ langˊ siid do gunˋ 」loiˇ onˊ vi qid gaˊ 。 以前的人很可憐，沒什麼東西好吃，即使冷飯也要吃，自己會安慰自己說：「冷飯好吃真好吃」。
lbk10_159 恁寒个天時，這細人仔無著加一領衫，摸啊去冷冷斡斡蓋才過。 anˋ honˇ ge tienˊ siiˇ ，iaˋ se nginˇ eˋ moˇ zogˋ gaˊ idˋ liangˊ samˊ ，miaˊ a hi langˊ langˊ vadˋ vadˋ goi coiˇ go 。 這麼冷的天氣，這小孩子沒多穿一件衣服，摸起來身體冷冰冰的，實在可憐。
lbk10_160 這個天時有過寒一息囉，出啦去冷冷颼颼蓋得人驚。 iaˋ ge tienˊ siiˇ iuˊ go honˇ idˋ xidˋ loˊ ，cudˋ la hi langˊ langˊ xiuˇ xiuˇ goi dedˋ nginˇ giangˊ 。 這個天氣有比較冷一點哦，一出門冷颼颼的很可怕。
lbk10_161 你仰恁懶呢？這飯菜冷斡斡仔你也食得落？ ngˇ ngiongˋ anˋ nanˊ no ？iaˋ fan coi langˊ vadˋ vadˋ eˊ ngˇ iaˊ siid eˋ log ？ 你怎麼這麼懶呢？這飯菜都冷冰冰你也吃得下？
lbk10_162 讀書歸來吔，屋下還冷鑊熄（死）灶，毋知發生麼个事情吔？ tug suˊ guiˊ loiˇ eˇ，lugˋ kaˊ hanˇ langˊ vog xidˋ （xiˋ）zo ， mˇ diˊ fadˋ senˊ maˋ ge sii qinˇ eˇ？ 放學回家，家裡還沒有生火烹煮，不知道發生什麼事了？
lbk10_163 這擺寒流來吔，出去外背冷颼颼仔，會凍死人哦！ iaˋ baiˋ honˇ liuˇ loiˇ eˇ ，cudˋ hi lo boi langˊ xiuˇ xiuˇ eˊ ，voi dung xiˋ nginˇ oˊ ！ 這次寒流來了，走到外面天氣寒冷刺骨，會凍死人哦！
lbk10_164 佢屋下整理啊蓋伶俐。 iˇ lugˋ kaˊ ziinˋ liˊ a goi langˇ li 。 他家裡整理得很乾淨。
lbk10_165 這個人伶伶俐俐，每日定著愛洗頭那毛。 iaˋ ge nginˇ langˇ langˇ li li ，miˊ ngidˋ tin cog oi seˋ teuˇ naˇ moˊ 。 這個人很愛乾淨，每天一定要洗頭。
lbk10_166 這台犖确車騎去零零落落，不時在半路項落鏈，實在毋得結煞。 iaˋ toiˇ logˋ kog caˊ kiˇ hi langˇ langˇ logˋ logˋ ，budˋ siiˇ tiˊ ban lu hong lodˋ lien ，siid cai mˇ dedˋ gadˋ sadˋ 。 這輛老爺車騎起來東脫西落的，常常在半途脫鏈，真是煩人。
lbk10_167 這支電扇早都壞核吔，拿啊起就零零㪐㪐，還毋盼得拿去資源回收。 iaˋ giˊ tien san zoˋ duˊ faiˋ hedˋ eˇ ，naˊ a hiˋ qiu langˇ langˇ ludˋ ludˋ ，hanˇ mˇ pan dedˋ naˊ hi ziiˊ ngianˇ fiˇ suˊ 。 這台電扇早就壞掉了，一拿起來就一直掉零件，還捨不得拿去回收。
lbk10_168 伸著一息零零星星个錢，買麼个東西都毋著。 cunˊ doˋ idˋ xidˋlangˇ langˇsangˊ sangˊ ge qienˇ ，maiˊ maˋ ge dungˊ xiˊ duˊ mˇ doˋ 。 剩下一點零錢，什麼東西都買不到。
lbk10_169 人講：「錢愛細細个挾啊起」，零星怕算哦！ nginˇ gongˋ ：「qienˇ oi se se ge hiabˋ a hiˋ 」， langˇsangˊ pa son oˊ ！ 俗話說：「錢是一分一厘慢慢累積起來的」，累積多了也是很可觀哦！
lbk10_170 這個人無本事又盡好一哪仔攣上攣下同人牽親帶戚，故所，大家看著佢就閃啊遠遠仔。 iaˋ ge nginˇ moˇ bunˋ sii iu qin hau idˋ naiˋ eˋ nangˇ songˊ nangˇ haˊ tungˇ nginˇ kianˊ qinˊ dai qidˋ ，gu soˋ ，tai gaˊ kon doˋ iˇ qiu samˋ a ianˋ ianˋ eˊ。 這個人沒什麼本事又很喜歡到處攀關係，所以，大家一看到他就閃得遠遠的。
lbk10_171 這兜零頭碎角你係無用吔，就分𠊎好無？ iaˋ deuˊ langˇ teuˇ sui gogˋ ngˇ he moˇ iung eˇ ，qiu bunˊ ngaiˇ hoˋ moˇ ？ 這些零星的物料如果你用不上了，就給我好嗎？
lbk10_172 你今晡日著啊恁鬧斗，愛去分人請係麼？ ngˇ ginˊ buˊ ngidˋ zogˋ a anˋ nau deuˋ ，oi hi bunˊ nginˇ qiangˋ he meˇ ？ 你今天穿得這麼漂亮，是要去喝喜酒嗎？
lbk10_173 頭擺做二月戲个時節，莊項一等鬧熱。 teuˇ baiˋ zo ngi ngiad hi ge siiˇ jiedˋ ，zongˊ hong idˋ denˋ nau ngiad 。 以前做二月戲的時候，鎮上非常熱鬧。
lbk10_174 該人蓋毋鬥搭，見喚佢𢯭麼个就講毋曉得，有好食个就走第一，真實會惱死人。 ge nginˇ goi mˇ deu dabˋ ，gian vonˋ iˇ ten maˋ ge qiu gongˋ mˇ hiauˋ dedˋ ，iuˊ hoˋ siid ge qiu zeuˋ ti idˋ ，ziinˊ siidˋ voi nauˊ xiˋ nginˇ 那個人很不合作，每次要他幫忙什麼就說他不會，有好吃的就跑第一，真是令人討厭。
lbk10_175 你食東西膩膩細細，愛食到哪久？ ngˇ siid dungˊ xiˊ ne ne se se ，oi siid do nai giuˋ ？ 你吃東西要吃不吃的，要吃到什麼時候？
lbk10_176 你講話呢呢呢呢愛講毋講，麼人聽得識呢？ ngˇ gongˋ fa neˇ neˇ ne ne oi gongˋ mˇ gongˋ ，maˋ nginˇ tangˊ dedˋ siidˋ noˋ ？ 你說話含糊不清，要說不說的，別人哪聽得懂？
lbk10_177 𠊎看著你去阿姆个衫袋仔項抩東西。 ngaiˇ kon doˋ ngˇ hi aˊ meˊ ge samˊ toi eˋ hong nemˇ dungˊ xiˊ 。 我看到你從媽媽的衣服口袋中偷東西。
lbk10_178 隔壁个阿美仔前一駁仔去整形，整啊乳撐撐仔，佢認為盡好看。 gagˋ biagˋ ge aˊ miˊ eˋ qienˇ idˋ bogˋ eˋ hi ziinˋ hinˇ ，ziinˋ a nen cang cang eˊ ，iˇ ngin viˇ qin hoˋ kon 。 隔壁的阿美前一陣子去整形，整得乳房變堅挺突出，他認為很好看。
lbk10_179 阿嫂雖然乳釘釘仔，但係，降嬰兒仔嗄無乳水好分嬰兒仔食。 aˊ soˋ suiˊ ianˇ nen dangˊ dangˊ eˊ ，danˋ he ，giung oˊ ngaˇ eˋ sa moˇ nen suiˋ hoˋ bunˊ oˊ ngaˇ eˋ siid 。 嫂嫂的乳房雖然硬挺高聳，但是，生了小孩卻沒有奶水可以給孩子吃。
lbk10_180 頭擺姆姆做月个時節乳漕漕仔，還做得分伯姆个嬰兒仔食。 teuˇ baiˋ meˊ meˊ zo ngiad ge siiˇ jiedˋ nen zo zo eˊ ，hanˇ zo dedˋ bunˊ bagˋ meˊ ge oˊ ngaˇ eˋ siid。 以前嬸嬸坐月子的時候母乳很充足，還可以給伯母的小孩吃。
lbk10_181 老古人言：「寧賣祖宗田，不忘祖宗言；寧賣祖宗坑，不忘祖宗聲。」係希望後代子孫毋好忘本，永久愛記得自家係客家人。 loˋ guˋ nginˇ ngianˇ ：「nenˇ mai zuˋ zungˊ tienˇ ，budˋ vong zuˋ zungˊ ngianˇ ；nenˇ mai zuˋ zungˊ hangˊ ，budˋ vong zuˋ zungˊ sangˊ 。」he hiˊ mong heu toi ziiˋ sunˊ mˇ hoˋ vong bunˋ ，iunˋ giuˋ oi gi dedˋ qid gaˊ he hagˋ gaˊ nginˇ 。 客家諺語說：「寧可賣祖宗田，勿忘祖宗言；寧可賣祖宗坑，勿忘祖宗聲。」是希望後代子孫不要忘本，永遠要記得自己是客家人。
lbk10_182 人講：「寧可毋識字，不可毋識人。」這句話係講，讀書个目的就係愛曉得識人，知得仰呢同人來去。 nginˇ gongˋ ：「nenˇ koˋ mˇ siidˋ sii ，budˋ koˋ mˇ siidˋ nginˇ 。」iaˋ gi fa he gongˋ ，tug suˊ ge mugˋ didˋ qiu he oi hiauˋ dedˋ siidˋ nginˇ ，diˊ dedˋ ngiongˋ eˊ tungˇ nginˇ loiˇ hi 。 人家說：「寧可不識字，不可不識人。」這句話是說，讀書的目的就是要學會識人，知道如何跟人應對進退。
lbk10_183 頭擺人講：「寧可同人比耕田，不可同人比過年。」這句話係講，愛同人比煞猛，毋好淨會比享受。 teuˇ baiˋ nginˇ gongˋ ：「nenˇ koˋ tungˇ nginˇ biˋ gangˊ tienˇ ，budˋ koˋ tungˇ nginˇ biˋ go ngianˇ 。」iaˋ gi fa he gongˋ ，oi tungˇ nginˇ biˋ sadˋ mangˊ ，mˇ hoˋ qiang voi biˋ hiongˋ su 。 以前人說：「寧可跟人比耕田，不可跟人比過年。」這句話是說，要跟人家比努力勤奮，不要只知道比享受。
lbk10_184 好好个事情仰分你摝啊醹膠膠，看你愛仰呢收𠎷。 hoˋ hoˋ ge sii qinˇ ngiongˋ bunˊ ngˇ lugˋ a neuˇ gaˇ gaˇ ，kon ngˇ oi ngiongˋ eˊ suˊ sabˋ 。 好好的一件事怎麼被你搞得一團亂，看你要怎麼收拾善後。
lbk10_185 你煲个封肉仰同人無相同呢？看起來醹醹膠膠，蓋得人畏。 ngˇ boˊ ge fungˊ ngiugˋ ngiongˋ tungˇ nginˇ moˇ xiongˊ tungˇ noˋ ？kon hiˋ loiˇ neuˇ neuˇ gaˇ gaˇ ，goi dedˋ nginˇ vi 。 你煮得燜燒肉怎麼跟別人不一樣呢？看起來濃稠又黏膩，很噁心。
lbk10_186 你又啊愛同𠊎𢯭手去同錢討轉來，仰這下嗄倒轉來講𠊎少佢錢呢？正經係「扭鬼仔分鬼扭去」吔。 ngˇ iu a oi tungˇ ngaiˇ ten suˋ hi tungˇ qienˇ toˋ zonˋ loiˇ ，ngiongˋ iaˋ ha sa do zonˋ loiˇ gongˋ ngaiˇ seuˋ iˇ qienˇ noˋ ？ziin ginˊ he 「neuˋ guiˋ eˋ bunˊ guiˋ neuˋ hi 」eˇ。 你說要幫我去把錢要回來，怎麼這下子卻倒過來說我少他錢呢？真的是「抓鬼的人卻被鬼抓去」了。
lbk10_187 你這個人正式蓋劣拙，一哪仔唆是弄非，見擺「扭鬼係你，放鬼也係你」，麼人會毋知。 ngˇ iaˋ ge nginˇ ziin siidˋ goi lodˋ zodˋ ，idˋ naiˋ eˋ soˊ sii nungˋ fiˊ ，gian baiˋ 「neuˋ guiˋ he ngˇ ，biong guiˋ iaˊ he ngˇ 」，maˋ nginˇ voi mˇ diˊ 。 你這個人真的很差勁，到處搬弄是非，每次「抓鬼的是你，放鬼的也是你」，誰會不知道。
lbk10_188 想愛同𠊎比膽識，𠊎絕對毋輸你，「你敢行，𠊎就敢跈」，看啊麼人驚麼人。 xiongˋ oi tungˇ ngaiˇ biˋ damˋ siidˋ ，ngaiˇ qied dui mˇ suˊ ngˇ ，「ngˇ gamˋ hangˇ ，ngaiˇ qiu gamˋ tenˇ 」，kon a maˋ nginˇ giangˊ maˋ nginˇ 。 想要跟我比膽識，我絕對不會輸給你，「你若敢走，我就敢跟」，看看誰怕誰。
lbk10_189 哀哉！婚姻係「你甘𠊎願」个事情，細人仔都大吔，你就想過開一息。 aiˋ zaiˊ ！funˊ inˊ he 「ngˇ gamˊ ngaiˇ ngian 」ge sii qinˇ ，se nginˇ eˋ duˊ tai eˇ，ngˇ qiu xiongˋ go koiˊ idˋ xidˋ 。 唉呀！婚姻是「你情我願」的事情，孩子都大了吔，你就想開一點兒。
lbk10_190 毋好覺得自家麼个都比人登真，人講：「你看𠊎烏烏，𠊎看你濛濛」，若缺點他人嘛看啊砉現。 mˇ hoˋ gogˋ doˋ qid gaˊ maˋ ge duˊ biˋ nginˇ denˊ ziinˊ ，nginˇ gongˋ ：「ngˇ kon ngaiˇ vuˊ vuˊ ，ngaiˇ kon ngˇ mungˇ mungˇ 」，ngiaˊ kiadˋ diamˋ taˊ nginˇ maˇ kon a guag hian 。 不要以為自己什麼都比人強，俗話說：「你看我烏漆抹黑，我看你模糊一團」，你的缺點別人也是看得一清二楚。
lbk10_191 哇！今暗晡仰煮啊魚魚肉肉恁傪菜呀！ vaˊ ！ginˊ am buˊ ngiongˋ zuˋ a ngˇ ngˇ ngiugˋ ngiugˋ anˋ cam coi iaˇ！ 哇！今天晚上怎麼煮得大魚大肉這麼豐盛呀！
lbk10_192 佢等一個耳公聽毋著，一個毋會行，兩儕共下就像「魚傍水，水傍魚」互相𢯭手、互相照顧，係盡好个朋友。 iˇ denˊ idˋ ge ngiˋ gungˊ tangˊ mˇ doˋ ，idˋ ge mˇ voi hangˇ ，liongˋ saˇ kiung ha qiu qiong 「ngˇ pong suiˋ，suiˋ pong ngˇ」fu xiongˊ ten suˋ、fu xiongˊ zeu gu ，he qin hoˋ ge penˇ iuˊ 。 他們一個耳朵聽不到，一個不會走，兩人在一起就像「魚依靠水，水依靠魚」相互幫忙、彼此照顧，是非常要好的朋友。
lbk10_193 頭擺人講：「魚生火，肉生痰，青菜蘿蔔保平安」，意思係講魚肉食多傷身，青菜、蘿蔔多食身體好。 teuˇ baiˋ nginˇ gongˋ ：「ngˇ senˊ foˋ ，ngiugˋ senˊ tamˇ ，qiangˊ coi loˇ ped boˋ pinˇ onˊ 」，i sii he gongˋ ngˇ ngiugˋ siid doˊ songˊ siinˊ ，qiangˊ coi 、loˇ ped doˊ siid siinˊ tiˋ hoˋ 。 俗話說：「吃魚會生燥火，吃肉生痰，吃青菜、蘿蔔較能保平安」，意思是說魚肉吃太多會傷身，青菜、蘿蔔多吃身體好。
lbk10_194 人講：「你想人家个利，人就想你个頭」，故所，做人做事絕對毋好貪。 nginˇ gongˋ ：「ngˇ xiongˋ nginˇ gaˊ ge li ，nginˇ qiu xiongˋ ngˇ ge teuˇ 」，gu soˋ ，zo nginˇ zo sii qied dui mˇ hoˋ tamˊ 。 俗話說：「你想人家的利息，人家就想你的本錢」，所以，做人做事絕對不要貪。
lbk10_195 這間布店个布料五花八色，任在你選。 iaˋ gianˊ bu diam ge bu liau ngˋ faˊ badˋ sedˋ ，im cai ngˇ xienˋ 。 這間布店的布料五顏六色，任你選。
lbk10_196 你等子嫂兩儕五獒六綻，愛仰呢共下生活呢？ ngˇ denˊ ziiˋ soˋ liongˋ saˇ ngˋ ngauˇ liugˋ can ，oi ngiongˋ neˊ kiung ha senˊ fad noˋ ？ 你們妯娌兩人彼此不和睦，要如何一起生活呢？
lbk10_197 人講：「五年有兩閏，好壞運也會照輪」，故所，行壞運吔乜毋好失志。 nginˇ gongˋ ：「ngˋ ngianˇ iuˊ liongˋ iun ，hoˋ faiˋ iun iaˊ voi zeu linˇ 」，gu soˋ ，hangˇ faiˋ iun eˇ me mˇ hoˋ siidˋ zii 。 人家說：「五年有兩閏，好壞運也會照輪」，所以，即便壞運當頭也不要失志。
lbk10_198 人講：「女人命帶癸光，餵豬毋使掞糠」，你從細到大讀書、做事業、結婚都蓋順利，這下又係大公司个頭家娘，你怕就係命帶癸光个細妹仔。 nginˇ gongˋ ：「ngˋ nginˇ miang dai gui gongˊ ，vi zuˊ mˇ siiˋ iam hongˊ 」，ngˇ qiungˇ se do tai tug suˊ 、zo sii ngiab 、giadˋ funˊ duˊ goi sun li ，iaˋ ha iu he tai gungˊ siiˊ ge teuˇ gaˊ ngiongˇ ，ngˇ pa qiu he miang dai gui gongˊ ge se moi eˋ 。 人家說：「女人命帶癸光，餵豬都不用撒米糠」，你從小到大讀書、做事業、結婚都很順利，現在又是大公司的老闆娘，你應該就是命帶癸光的女人。
lbk10_199 若車仔駛起來毋係蓋順，拁車油就會順吔。 ngiaˊ caˊ eˋ siiˋ hiˋ loiˇ mˇ he goi sun ，nga caˊ iuˇ qiu voi sun eˇ。 你的車子開起來不是很順，轉軸加潤滑油就會順了。
lbk10_200 若間項仰恁多牙離牙狌个東西，還危險喔！ ngiaˊ gianˊ hong ngiongˋ anˋ doˊ ngaˇ liˇ ngaˇ senˇ ge dungˊ xiˊ ，hanˇ munˇ hiamˋ oˊ！ 你房間怎麼這麼多尖銳的物品，真危險呀！