美濃客家語寶典-15

美濃客家語寶典-15：

編號	例句	六堆客語拼音	華譯
lbk15_001	愛去山下个路彎彎斡斡，騎車仔愛過細義兜仔！	oi hi sanˊ haˊ ge lu vanˊ　vanˊ　vadˋ vadˋ ，kiˇ caˊ eˋ oi go se ngi deuˊ eˊ ！	要去山下的路彎彎曲曲，騎車要小心點哦！
lbk15_002	做廳下个人，定著會完神祭祖，來答謝天恩祖公。	zo tangˊ haˊ ge nginˇ ，tin cog voi vanˇ siinˇ ji zuˋ ，loiˇ dabˋ qia tienˊ enˊ zuˋ gungˊ 。	蓋祖堂的人，一定會有祭拜祖先的儀式，來感謝天及祖先。
lbk15_003	頭擺人蓋會拿竹篙椏杈來挽衫褲。	teuˇ baiˋ nginˇ goi voi naˊ zugˋ goˊ vaˊ caˊ loiˇ vanˋ samˊ fu 。	以前的人都會用有分枝的竹竿來掛衣褲。
lbk15_004	你蓋橫霸，食飯个時節專門尖人个位仔，又比人食過多。	ngˇ goi vangˇ ba ，siid fan ge siiˇ jiedˋ zonˊ munˇ jiamˊ nginˇ ge vi eˋ ，iu biˋ nginˇ siid go doˊ 。	你很不講理，吃飯的時候故意搶人家的位子，又比人吃得多。
lbk15_005	這個人關係蓋好，去台北做頭路橫打直過。	iaˋ ge nginˇ guanˊ hen goi hoˋ，hi toiˇ bedˋ zo teuˇ lu vangˇ daˋ ciid go 。	這個人的人際關係很好，去台北工作暢行無阻。
lbk15_006	你疊个樵仔仰橫架直架呢？會徑橫人呢！	ngˇ tiab ge ceuˇ eˋ ngiongˋ vangˇ ga ciid ga noˋ ？voi gang vang nginˇ neˊ ！	你堆的木柴怎麼凌亂不整齊呢？會絆倒人呢！
lbk15_007	𠊎兩儕个誤會橫橫直直，愛講畀清楚過好。	ngaiˇ liongˋ saˇ ge ngu fi vangˇ vangˇ ciid ciid ，oi gongˋ biˋ qinˊ cuˋ go hoˋ 。	我們兩人的誤會糾纏不清，要講清楚才好。
lbk15_008	麻煩你同該張桌仔橫橫仔囥就好。	maˇ fanˇ ngˇ tungˇ ge zongˊ zogˋ eˋ vangˇ vangˇ eˊ kong qiu hoˋ 。	麻煩你把那張桌子橫著放就好。
lbk15_009	這兜竹頭囥啊橫橫挖挖斯愛仰仔搬呢？	iaˋ deuˊ zugˋ teuˇ kong a vangˇ vangˇ vagˋ vagˋ siiˇ oi ngiongˋ eˊ banˊ noˋ ？	這些竹子橫豎不齊的堆放著要怎麼搬呢？
lbk15_010	該細人仔仰噭啊噦嘶掣天，係毋係肚屎痛啊？	ge se nginˇ eˋ ngiongˋ gieu a veˋ siiˋ cadˋ tienˊ ，he mˇ he duˋ siiˋ tung aˇ ？	那個小孩怎麼哭得聲嘶力竭，是不是肚子痛呀？
lbk15_011	你做事情恁呢畏畏濟濟斯愛仰仔領導人呢？	ngˇ zo sii qinˇ anˋ neˊ vi vi ji ji siiˇ oi ngiongˋ eˊ liangˊ toˊ nginˇ noˋ ？	你做事情這麼畏畏縮縮，要如何領導別人呢？
lbk15_012	你見堵著事情就畏畏縮縮，恁呢哪學得著東西呢？	ngˇ gian duˇ doˋ sii qinˇ qiu vi vi sugˋ sugˋ ，anˋ neˊ nai hog dedˋ doˋ dungˊ xiˊ noˋ ？	你每次遇到事情就畏畏縮縮，這樣哪學得到東西呢？
lbk15_013	該人見講話就大細聲，會畏死人。	ge nginˇ gian gongˋ fa qiu tai se sangˊ ，voi vi xiˋ nginˇ 。	那個人每次說話就大小聲，很讓人討厭。
lbk15_014	頭擺做圍重个人，身體愛蓋砸正有辦法。	teuˇ baiˋ zo viˇ cungˊ ge nginˇ ，siinˊ tiˋ oi goi zabˋ nang iuˊ pan fabˋ 。	以前做抬棺工作的人，身體要非常硬朗才行。
lbk15_015	你恁久係去減肥麼？仰嘴角兩片窩下去吔。	ngˇ anˋ giuˋ he hi gamˋ piˇ meˇ ？ngiongˋ zoi gogˋ liongˋ pienˋ voˊ haˊ hi eˇ。	你最近是去減肥嗎？怎麼兩邊臉頰都凹下去了。
lbk15_016	阿德牯恁久閒啊和尚个膦都無恁閒，故所，你做得喚佢來同你𢯭手割草。	aˊ dedˋ guˋ anˋ giuˋ hanˇ a voˇ song ge linˋ duˊ moˇ anˋ hanˇ ，gu soˋ ，ngˇ zo dedˋ vonˋ iˇ loiˇ tungˇ ngˇ ten suˋ godˋ coˋ 。	阿德最近閒閒沒事做，所以，你可以叫他來幫你割草。
lbk15_017	人講：「禾仔驚八月頭，男人驚老來媱」，故所，你這種年紀數愛過注意兜仔。	nginˇ gongˋ ：「voˇ eˋ giangˊ badˋ ngiad teuˇ ，namˇ nginˇ giangˊ loˋ loiˇ hieuˇ 」，gu soˋ ，ngˇ iaˋ zungˋ ngianˇ giˋ sii oi go zu i deuˊ eˊ 。	俗話說：「稻穀最怕八月蟲害，男人最怕臨老入花叢」，所以，你這把年紀要注意些。
lbk15_018	人講：「禾怕打頭風，人驚老來窮」，故所，你這下還後生就愛先挾兜錢。	nginˇ gongˋ ：「voˇ pa daˋ teuˇ fungˊ ，nginˇ giangˊ loˋ loiˇ kiungˇ 」，gu soˋ ，ngˇ iaˋ ha hanˇ heu sangˊ qiu oi xienˊ hiabˋ deuˊ qienˇ 。	俗話說：「稻禾結穗怕風打，人老只怕窮困潦倒」，所以，你現在還年輕就要先存點錢。
lbk15_019	這禾埕下舍恁大闊个地方，仰會講無哪好運動呢？	iaˋ voˇ tangˇ ha saˋ anˋ tai fadˋ ge ti fongˊ，ngiongˋ voi gongˋ moˇ naiˋ hoˋ iun tung noˋ ？	這個伙房的庭院這麼寬敞，怎麼會說沒地方可以運動呢？
lbk15_020	聽講下禮拜會落大雨，這下禾黃水落，仰結煞正好？	tangˊ gongˋ ha liˊ bai voi log tai iˋ ，iaˋ ha voˇ vongˇ suiˋ log ，ngiong gadˋ sadˋ nang hoˋ ？	聽說下星期會下大雨，這下稻穀要成熟時卻遇到下雨，該如何是好？
lbk15_021	你分人攉巴掌麼？嘴角啾紅啊！	ngˇ bunˊ nginˇ vogˋ baˊ zongˋ meˇ ？zoi gogˋ jiuˊ fungˇ aˇ ！	你被人摑巴掌了嗎？臉頰這麼紅呀！
lbk15_022	會賭會嫖个人，蓋會想有个無个，故所人講：「會賭又會嫖，頭路過會謀」。	voi duˋ voi peuˇ ge nginˇ ，goi voi xiongˋ iuˊ ge moˇ ge ，gu soˋ nginˇ gongˋ ：「voi duˋ iu voi peuˇ ，teuˇ lu go voi meuˇ 」。	會賭會嫖的人，很會想一些有的沒的，因此俗話說：「會嫖會賭的人較會動歪腦筋」。
lbk15_023	傷口係動著鹽水會腌人喔！	songˊ kieuˋ he tungˊ doˋ iamˇ suiˋ voi iabˋ nginˇ oˊ ！	傷口如果碰到鹽水會很刺痛喔！
lbk15_024	你仰恁戇，用市中心个地泥去換山下个田，斷真係「會算毋會除，偷米交番薯」。	ngˇ ngiongˋ anˋ ngong ，iung sii zungˊ ximˊ ge ti naiˇ hi von sanˊ haˊ ge tienˇ ，don ziinˊ he 「voi son mˇ voi cuˇ ，teuˊ miˋ gau fanˊ suˇ 」。	你怎麼這麼笨，用市區的建地去換山腳下的田，真的是「處處斤斤計較，到頭來還是吃虧」。
lbk15_025	還細每擺偷豬肉食都會食啊嘴油油，阿姆就會罵講：「會偷食，毋會捽嘴。」	hanˇ se miˊ baiˋ teuˊ zuˊ ngiugˋ siid duˊ voi siid a zoi iuˇ iuˇ ，aˊ meˊ qiu voi ma gongˋ ：「voi teuˊ siid ，mˇ voi cud zoi 。」	小時候每次偷吃豬肉都會吃得嘴巴油膩膩的，媽媽就會罵說：「只會偷吃東西，不會把嘴巴擦乾淨。」
lbk15_026	頭擺，阿公會教𠊎等講：「做頭路定著愛先愐正來，會畫會算，錢糧毋斷」。	teuˇ baiˋ ，aˊ gungˊ voi gauˊ ngaiˇ nenˊ gongˋ ：「zo teuˇ lu tin cog oi xienˊ menˋ zang loiˇ ，voi vag voi son ，qienˇ liongˇ mˇ tonˊ 」。	以前，爺爺會教我們：「做事情一定要先想清楚，只要能深謀遠慮，就不怕沒錢」。
lbk15_027	細人仔盡好在田坵裡煨番薯。	se nginˇ eˋ qin hau teˊ tienˇ kiuˊ liˊ voiˊ fanˊ suˇ 。	小孩子很喜歡在田裡用炭火燜烤地瓜。
lbk15_028	你恁翕人，今哪毋驚分人揋石頭吓？	ngˇ anˋ hibˋ nginˇ ，ginˊ na mˇ giangˊ bunˊ nginˇ voiˊ sag teuˇ haˋ ？	你這麼欺負人，以後不怕被人丟石頭嗎？
lbk15_029	阿福伯上禮拜往生老核吔。	aˊ fugˋ bagˋ song liˊ bai vongˊ senˊ loˋ hedˋ eˇ 。	阿福伯上週去世了。
lbk15_030	你等這兜黃蚻爪雞還毋清醒，愛混啊麼个時節正肯好好做人？	ngˇ denˊ iaˋ deuˊ vongˇ cad zauˋ gieˊ hanˇ mˇ qinˊ xiangˋ ，oi fun a maˋ ge siiˇ jiedˋ nang henˋ hoˋ hoˋ zo nginˇ ？	你們這些小混混還不清醒，要混到什麼時候才肯好好做人？
lbk15_031	佢恁久黃頭腫嘴，毋知得著麼个病？	iˇ anˋ giuˋ vongˇ teuˇ zungˋ zoi ，mˇ diˊ dedˋ doˋ maˋ ge piang ？	他最近臉黃嘴又腫，一副病重的樣子，不知道得了什麼病？
lbk15_032	耕田人每日黃天晒日，斷真還清苦。	gangˊ tienˇ nginˇ miˊ ngidˋ vongˇ tienˊ sai ngidˋ ，don ziinˊ hanˇ qinˊ kuˋ 。	農夫每天都在太陽下工作，真是辛苦。
lbk15_033	你毋好想講阿梅姊屋下恁有口，人講：「黃雞嫲生白卵，家家有長短」，佢乜有盡多講毋出來个苦呢！	ngˇ mˇ hoˋ xiongˋ gongˋ aˊ moiˇ ze lugˋ kaˊ anˋ iuˊ kieuˋ ，nginˇ gongˋ ：「vongˇ gieˊ maˇ sangˊ pag nonˋ ，gaˊ gaˊ iuˊ congˇ donˋ 」，iˇ me iuˊ qin doˊ gongˋ mˇ cudˋ loiˇ ge kuˋ neˊ ！	你不要想說阿梅姊家這麼富有，俗話說：「家家有本難念的經」，她也有很多說不出來的苦呢！
lbk15_034	阿德牯淨知㘔人个，從來毋識看佢請過人，正經係「黃狗膦知入毋知出」。	aˊ dedˋ guˋ qiang diˊ saiˊ nginˇ ge ，qiungˇ loiˇ mˇ siidˋ kon iˇ qiangˋ go nginˇ ，ziin ginˊ he 「vongˇ gieuˋ linˋ diˊ ngib mˇ diˊ cudˋ 」。	阿德只知道吃別人的東西，從來沒有看過他請客，真的是「小氣又吝嗇」。
lbk15_035	恁老人吔，愛眠嘛入間眠，黃狗晒核，毋驚見笑哦？	anˋ loˋ nginˇ eˇ ，oi minˇ maˇ ngib gianˊ minˇ ，vongˇ gieuˋ sai hag ，mˇ giangˊ gian seu oˋ ？	年紀這麼大了，要躺也進房間躺，睡姿這麼不雅，不怕被人笑嗎？
lbk15_036	這擺个事情實在就係阿忠牯做个，阿明頭嗄無著無纏分厥爸捋，斷真係「黃狗食屎，赤狗擔當」，衰漦！	iaˋ baiˋ ge sii qinˇ siid cai qiu he aˊ zungˊ guˋ zo ge ，aˊ minˇ teuˇ sa moˇ diauˇ moˇ diˇ bunˊ iaˊ baˊ lod ，don ziinˊ he 「vongˇ gieuˋ siid siiˋ ，cagˋ gieuˋ damˊ dongˊ」，soiˊ xiauˇ ！	這次的事情明明就是阿忠做的，阿明卻無辜挨他父親打，真的是「犯錯、得利的人沒事，卻讓無辜者受害」，倒楣！
lbk15_037	這歸園仔个柑仔看起來黃貢貢仔，盡得人惜！	iaˋ guiˊ ianˇ eˋ ge gamˊ eˋ kon hiˋ loiˇ vongˇ gung gung eˊ ，qin dedˋ nginˇ xiagˋ ！	這整園的橘子看起來黃澄澄的，真討人喜歡！
lbk15_038	發大水个時節，這河壩水黃貢貢仔。	bodˋ tai suiˋ ge siiˇ jiedˋ ，iaˋ hoˇ ba suiˋ vongˇ gung gung eˊ 。	發生水災的時候，河流的水是混濁的。
lbk15_039	水果攤仔項个弓蕉黃臘臘仔，看起來蓋新鮮。	suiˋ goˋ damˊ eˋ hong ge giungˊ zeuˊ vongˇ lab lab eˊ ，kon hiˋ loiˇ goi xinˊ xienˊ 。	水果攤上的香蕉黃澄澄的，看起來很新鮮。
lbk15_040	這楊桃看起來黃臘黃臘，恁黃吔！	iaˋ iongˇ toˇ kon hiˋ loiˇ vongˇ lab vongˇ lab，anˋ vongˇ eˇ ！	這楊桃看起來顏色過黃，太熟了！
lbk15_041	曉得食个人就知：「黃梨頭，西瓜尾」加過甜、過好食。	hiauˋ dedˋ siid ge nginˇ qiu diˊ ：「vongˇ liˇ teuˇ ，xiˊ guaˊ miˊ 」gaˊ go tiamˇ 、go hoˋ siid 。	曉得吃的人便知道：鳳梨的頭部和西瓜的尾部較甜、較好吃。
lbk15_042	人講：「黃鱔斬截，當過鰗鰍七八尾。」你等係每一個人像阿秀牯恁登真又煞猛，𠊎就毋使恁多好愁吔哪！	nginˇ gongˋ ：「vongˇ sanˊ zamˋ jiedˋ ，dong go fuˇ qiuˊ qidˋ badˋ miˊ 。」ngˇ denˊ he miˊ idˋ ge nginˇ qiong aˊ xiu guˋ anˋ denˊ ziinˊ iu sadˋ mangˊ ，ngaiˇ qiu mˇ siiˋ anˋ doˊ hoˋ seuˇ eˇ naˊ ！	俗話說：「一個好的勝過七、八個不好的。」你們若是每一個人都像阿秀這麼棒又努力，我就不用那麼憂愁了！
lbk15_043	阿宏哥，若禾仔係毋係有麼个病麼？葉仔仰恁呢黃黃霜霜呢？	aˊ fenˇ goˊ ，ngiaˊ voˇ eˋ he mˇ he iuˊ maˋ ge piang meˇ ？iab eˋ ngiongˋ anˋ neˊ vongˇ vongˇ songˊ songˊ noˋ ？	阿宏哥，你的稻子是不是有什麼病？葉子怎麼這樣斑黃呢？
lbk15_044	阿英從細就盡有才調，人又煞猛，毋過一直無麼个機會分佢發揮，實在枉慍。	aˊ inˊ qiungˇ se qiu qin iuˊ coiˇ tiau ，nginˇ iu sadˋ mangˊ ，mˇ go idˋ ciid moˇ maˋ ge giˊ fi bunˊ iˇ fadˋ fiˊ ，siid cai vongˋ vudˋ 。	阿英從小就很有才華，人又肯努力，不過一直都沒什麼機會讓他發揮，實在遺憾。
lbk15_045	法官辦案仔愛詳細、清明，做毋得儘採枉慍人。	fabˋ gonˊ pan on eˋ oi xiongˇ se 、qinˊ minˇ ，zo mˇ dedˋ qin caiˊ vongˋ vudˋ nginˇ 。	法官辦案要仔細、清明，不可隨便寃枉他人。
lbk15_046	蓋多植物个葉仔食得，毋過你敢有看過人煮芋荷葉來食？	goi doˊ ciid vud ge iab eˋ siid dedˋ，mˇ go ngˇ gamˋ iuˊ kon go nginˇ zuˋ vu hoˇ iab loiˇ siid ？	很多植物的葉子可以吃，不過你看過有人煮芋葉來吃嗎？
lbk15_047	佢每日在日頭下打打馬膠，故所歸隻人看起來烏喥喥仔。	iˇ miˊ ngidˋ teˊ ngidˋ teuˇ haˊ daˋ da ma gauˊ ，gu soˋ guiˊ zagˋ nginˇ kon hiˋ loiˇ vuˊ da da eˊ 。	他每天在太陽下鋪柏油，所以整個人看起來皮膚黝黑，
lbk15_048	吾叔生著烏𪐞𪐞仔，蓋多人覺著佢係原住民喲！	ngaˊ sugˋ sangˊ doˋ vuˊ du du eˊ ，goi doˊ nginˇ gogˋ doˋ iˇ he ngianˇ cu minˇ ioˊ！	我的叔叔長得黑黑的，很多人以為他是原住民哦！
lbk15_049	你削个甘蔗皮愛撈揫來喲，係無會分烏蠅綻卵呢！	ngˇ xiogˋ ge gamˊ za piˇ oi lau qiuˊ loiˇ io ，he moˇ voi bunˊ vuˊ inˇ can nonˋ noˊ ！	你削的甘蔗皮要收拾好喲，不然會被蒼蠅產卵呢！
lbk15_050	這個賣魚仔个人蓋無衛生，𠊎等不時看著烏蠅綻天，毋敢去買喲！	iaˋ ge mai ngˇ eˋ ge nginˇ goi moˇ vi senˊ ，ngaiˇ nenˊ budˋ siiˇ kon doˋ vuˊ inˇ can tienˊ ，mˇ gamˋ hi maiˊ ioˊ ！	這個賣魚的人很不衛生，我們常看到蒼蠅滿天飛，不敢去買喲！
lbk15_051	阿田伯一身烏刻刻著，原來佢見做事都無遮無著个喲！	aˊ tienˇ bagˋ idˋ siinˊ vuˊ kadˋ kadˋ doˋ ，ngianˇ loiˇ iˇ gian zo se duˊ moˇ zaˊ moˇ zogˋ ge ioˊ！	阿田伯人長得很黑，原來他每次工作都沒有穿衣服喲！
lbk15_052	這下日頭落下吔，一哪仔都烏麻盞設，𠊎等過緊兜仔呀！	iaˋ ha ngidˋ teuˇ log haˊ eˇ ，idˋ naiˋ eˋ duˊ vuˊ maˇ zanˋ sadˋ ，ngaiˇ nenˊ go ginˋ deuˊ eˊ iaˊ！	現在太陽下山了，天黑到處都點油燈了，我們要快點呀！
lbk15_053	昨晡日行路踢著腳趾橫啊下，橫啊一身烏青臌血。	coˊ buˊ ngidˋ hangˇ lu tedˋ doˋ giogˋ ziiˋ vang a haˊ ，vang a idˋ siinˊ vuˊ qiangˊ guˋ hiadˋ 。	昨天走路踢到腳趾摔倒，摔得一身淤血。
lbk15_054	這個細妹仔一家人生來蓋白，淨佢烏疏疏仔，蓋奇怪呢！	iaˋ ge se moi eˋ idˋ gaˊ nginˇ sangˊ loiˇ goi pag ，qiang iˇ vuˊ soˇ soˇ eˊ ，goi kiˇ guai neˊ ！	這個女孩子一家人都長得很白，只有她長得黑黑的，很奇怪呢！
lbk15_055	這個廟堂在山頂高，𠊎等入啊去烏烏暗暗，感覺毋係仰仔光華爽朗哦！	iaˋ ge meu tongˇ teˊ sanˊ dangˋ goˊ ，ngaiˇ nenˊ ngib a hi vuˊ vuˊ am am ，gamˋ gogˋ mˇ he ngiongˋ eˊ gongˊ faˇ songˋ longˊ oˊ ！	這間廟在山上，我們一進去光線暗暗的，感覺不怎麼明亮、舒服哦！
lbk15_056	你來這息仔同人灰，蓋像烏卒仔食過河个人，嶄然好膽呢！	ngˇ loiˇ iaˋ xidˋ eˋ tungˇ nginˇ foiˊ ，goi qiong vuˊ ziidˋ eˋ siid go hoˇ ge nginˇ ，zamˋ manˇ hoˋ damˋ neˊ ！	你過來這裡跟人胡鬧，很像已經撈過界了，真的好大膽呢！
lbk15_057	做人、講話，做毋得無中生有，恁呢會生是非喲！	zo nginˇ 、gongˋ fa ，zo mˇ dedˋ vuˇ zungˊ senˊ iuˊ ，anˋ neˊ voi senˊ sii fiˊ ioˊ！	做人、說話，不可以無中生有、故意造謠，這樣會有很多是是非非喲！
lbk15_058	頭擺个婦人家盡無閒，有兜看起來齷齷齪齪蓋屙糟。	teuˇ baiˋ ge fu nginˇ gaˊ qin moˇ hanˇ ，iuˊ deuˊ kon hiˋ loiˇ vud vud zud zud goi oˊ zoˊ。	以前的婦人非常忙碌，有些看起來蓬頭垢面很骯髒。
lbk15_059	這個老竹筒忒硬吔，這下愛搵搵毋直呢！	iaˋ ge loˋ zugˋ tungˇ tedˋ ngang eˇ ，iaˋ ha oi vudˋ vudˋ mˇ ciid neˊ！	這個老竹筒太硬了，現在要調整還真的無法讓它變直呢！
lbk15_060	你去掃地泥，愛記得搵地圾喔！	ngˇ hi so ti naiˇ ，oi gi dedˋ vudˋ ti sebˋ oˊ ！	你去掃地，要記得用畚斗收拾垃圾喔！
lbk15_061	這個細妹仔恁久失戀吔，在屋下慍慍悴悴毋講話。	iaˋ ge se moi eˋ anˋ giuˋ siidˋ lien eˇ，teˊ lugˋ kaˊ vudˋ vudˋ zudˋ zudˋ mˇ gongˋ fa 。	這個女孩子最近失戀了，在家裡抑鬱寡歡不說話。
lbk15_062	隔壁个阿義嫂分人倒會仔，妹仔又分人騙，𠊎看佢一等慍悴囉！	gagˋ biagˋ ge aˊ ngi soˋ bunˊ nginˇ doˋ fi eˋ ，moi eˋ iu bunˊ nginˇ pien ，ngaiˇ kon iˇ idˋ denˋ vudˋ zudˋ loˊ！	隔壁的阿義嫂被人倒會，女兒又被人騙，我看她非常的鬱悶呢！
lbk15_063	美濃老古言語講：「屋仔肯借人死，毋肯借人降」，意思係講，屋仔借分人降，好運會分人奪走，毋知係毋係喲！	miˇ nungˇ loˋ guˋ ngianˇ ngiˊ gongˋ：「vugˋ eˋ henˋ jia nginˇ xiˋ，mˇ henˋ jia nginˇ giung 」，i sii he gongˋ ，vugˋ eˋ jia bunˊ nginˇ giung ，hoˋ iun voi bunˊ nginˇ tod zeuˋ ，mˇ diˊ he mˇ he ioˊ！	美濃俗語說：「屋宅寧願借人死，不願借人生小孩」，意思是說，屋宅借人生小孩，好運會被人奪去，不知道是不是真的喲！
lbk15_064	這個人蓋貧窮，歇个屋仔屋漏壁穿，嶄然才過。	iaˋ ge nginˇ goi pinˇ kiungˇ ，hed ge vugˋ eˋ vugˋ leu biagˋ conˊ ，zamˋ manˇ coiˇ go 。	這個人很貧窮，住的房子破舊不堪，非常可憐。
lbk15_065	𠊎昨暗晡毋知食著麼个東西，身體無麼爽快，肚屎又文文搵搵睡毋得。	ngaiˇ coˊ am buˊ mˇ diˊ siid doˋ maˋ ge dungˊ xiˊ ，siinˊ tiˋ moˇ maˋ songˋ kuai ，duˋ siiˋ iu vunˇ vunˇ vun vun soi mˇ dedˋ 。	我昨天晚上不知吃到什麼東西，身體有點不舒服，肚子又隱隱作痛睡不著。
lbk15_066	昨晡日𤸁吔一日，眠啊下四腳壁直，一下就睡核吔！	coˊ buˊ ngidˋ kioi eˇ idˋ ngidˋ，minˇ a haˊ xi giogˋ biagˋ ciid ，idˋ ha qiu soi hedˋ eˇ ！	昨天累了一整天，一躺下去四肢挺直，一下子就睡著了！
lbk15_067	頭擺愛打獵个人會講：「四腳毋當兩腳，兩腳毋當無腳」，這就係講山產毋當海產个道理喔！	teuˇ baiˋ oi daˋ liab ge nginˇ voi gongˋ ：「xi giogˋ mˇ dong liongˋ giogˋ ，liongˋ giogˋ mˇ dong moˇ giogˋ 」，iaˋ qiu he gongˋ sanˊ sanˋ mˇ dong hoiˋ sanˋ ge to liˊ oˊ！	以前喜歡打獵的人會說：「食材中，四腳的不如兩腳的，兩腳的不如無腳的」，這就是說山產不如海產的道理哦！
lbk15_068	佢搓著弓蕉皮，橫啊四腳惹天。	iˇ co doˋ giungˊ zeuˊ piˇ ，vang a xi giogˋ ngia tienˊ 。	他踩到香蕉皮滑一跤，摔得四腳朝天。
lbk15_069	頭擺𠊎看過屋下个牛嫲在牛欄項絮稈養子。	teuˇ baiˋ ngaiˇ kon go lugˋ kaˊ ge ngiuˇ maˇ teˊ ngiuˇ nanˇ hong xi gonˋ iongˊ ziiˋ 。	以前我看過家裡的母牛在牛棚裡撥散稻草準備生產。
lbk15_070	頭擺屋下做好事个時節，四門六親都會來分𠊎等請。	teuˇ baiˋ lugˋ kaˊ zo hoˋ sii ge siiˇ jiedˋ ，xi munˇ liugˋ qinˊ duˊ voi loiˇ bunˊ ngaiˇ nenˊ qiangˋ 。	以前家裡有喜事的時候，所有的親戚都會來讓我們請。
lbk15_071	你等屋下仰一哪仔四門透底，毋驚東西分人偷走吓？	ngˇ denˊ lugˋ kaˊ ngiongˋ idˋ naiˋ eˋ xi munˇ teu daiˋ ，mˇ giangˊ dungˊ xi bunˊ nginˇ teuˊ zeuˋ haˋ ？	你們家怎麼到處門戶大開，不怕東西被人偷走嗎？
lbk15_072	你恁久蓋無閒係麼？仰面項鬚綻綻仔。	ngˇ anˋ giuˋ goi moˇ hanˇ he meˇ ？ngiongˋ mien hong xiˊ can can eˊ 。	你最近非常忙碌是嗎？怎麼臉上的鬍鬚這麼雜亂。
lbk15_073	該恁久正搬來个畫家看起來蓋特別，頭那毛留啊恁長又鬚茅茅仔。	ge anˋ giuˋ nang banˊ loiˇ ge fa gaˊ kon hiˋ loiˇ goi tid pied ，teuˇ naˇ moˊ liuˇ a anˋ congˇ iu xiˊ mauˇ mauˇ eˊ 。	那個最近才搬過來的畫家看起來很特別，頭髮留得那麼長，鬍鬚也又長又雜亂。
lbk15_074	你恁久無閒剃鬚麼？仰鬚翹翹仔啊！	ngˇ anˋ giuˋ moˇ hanˇ ti xiˊ meˇ ？ngiongˋ xiˊ ngieu ngieu eˊ aˇ ！	你最近沒空刮鬍子嗎？怎麼一副鬍鬚沒剃、儀容不整的樣子呀！
lbk15_075	你做事情恁呢胥胥趖趖會跈陣毋著喔！斯愛仰結煞？	ngˇ zo sii qinˇ anˋ neˊ xiˊ xiˊ soˇ soˇ voi tenˇ ciin mˇ doˋ oˊ！siiˇ oi ngiong gadˋ sadˋ ？	你做事情這樣拖拖拉拉的，會跟不上大家喔！該怎麼辦才好？
lbk15_076	該人个頭腦死板板仔，蓋毋知變竅。	ge nginˇ ge teuˇ noˋ xiˋ banˋ banˋ eˊ ，goi mˇ diˊ bien kieu 。	那個人的頭腦死板板的，非常不知變通。
lbk15_077	佢這個人蓋毋好溝通，做人死仃仃仔。	iˇ iaˋ ge nginˇ goi mˇ hoˋ gieuˊ tungˊ ，zo nginˇ xiˋ dangˊ dangˊ eˊ 。	他這個人很難溝通，做人僵硬又固執。
lbk15_078	壞吔！這擺分組畫圖，恁死斗又撥著𠊎同阿明牯共組。	fai eˊ ！iaˋ baiˋ funˊ zuˊ vag tuˇ ，anˋ xiˋ deuˋ iu badˋ doˋ ngaiˇ tungˇ aˊ minˇ guˋ kiung zuˊ 。	慘了！這次分組畫畫，湊巧又分配到我跟阿明同一組。
lbk15_079	你正式係「死𧊅仔古直窿」，該人明明就答識毋得，你還死古愛去尋佢參詳。	ngˇ ziin siidˋ he 「xiˋ guaiˋ eˋ guˋ ciid nungˇ 」，ge nginˇ minˇ minˇ qiu dabˋ siidˋ mˇ dedˋ ，ngˇ hanˇ xiˋ guˋ oi hi qimˇ iˇ camˊ xiongˇ 。	你真的是「死青蛙勇往直前」，那個人明明就搭理不得，你還硬要去找他討論。
lbk15_080	人講：「死後金爐三把香，毋當還生一碗湯。」故所，爺哀還在就愛多關心、照顧。	nginˇ gongˋ ：「xiˋ heu gimˊ luˇ samˊ baˋ hiongˊ ，mˇ dong hanˇ sangˊ idˋ vonˋ tongˊ。」gu soˋ ，iaˇ oiˊ hanˇ coiˊ qiu oi doˊ guanˊ ximˊ 、zeu gu 。	俗話說：「與其於親人死後，在金爐上插三把香，不如活著時給他一碗湯。」所以，父母還健在時就要多關心、照顧。
lbk15_081	該人死屈屈仔毋同人來去。	ge nginˇ xiˋ kud kud eˊ mˇ tungˇ nginˇ loiˇ hi 。	那個人個性孤僻，不喜歡與人互動。
lbk15_082	該人嘴蓋滑溜，相詏一等會，正式係「死老詏到釘釘企」。	ge nginˇ zoi goi vad liuˋ ，xiongˊ au idˋ denˋ voi ，ziin siidˋ he 「xiˋ loˋ au do dangˊ dangˊ kiˊ 」。	那個人嘴巴很溜，非常愛辯，真的是「連死的都可以說成活的」。
lbk15_083	該婦人家就係分厥大娘姐逼到死門屈路吔，正會同佢相拚。	ge fu nginˇ gaˊ qiu he bunˊ iaˊ tai ngiongˇ jiˋ bedˋ do xiˋ munˇ kud lu eˇ，nang voi tungˇ iˇ xiongˊ bia 。	那個婦人就是被她大姑逼到無路可走了，才會跟她打起來。
lbk15_084	該人就係一張嘴講揫著有个無个，正會同自家搣啊死門絕路分人逐出去。	ge nginˇ qiu he idˋ zongˊ zoi gongˋ qiuˊ doˋ iuˊ ge moˇ ge ，nang voi tungˇ qid gaˊ miedˋ a xiˋ munˇ qied lu bunˊ nginˇ giugˋ cudˋ hi 。	那個人就是一張嘴巴愛講是是非非，才會把自己搞得走投無路被趕出去。
lbk15_085	佢蓋盤擎，一哪仔跳上跳下，這下翻啊死齧齧仔，毋知有仰仔無？	iˇ goi panˇ kiaˇ ，idˋ naiˋ eˋ tiauˇ songˊ tiauˇ haˊ ，iaˋ ha panˊ a xiˋ ngadˋ ngadˋ eˊ ，mˇ diˊ iuˊ ngiongˋ eˊ moˇ ？	他很好動，到處跳來跳去，現在摔得動彈不得，不知道有沒有怎樣？
lbk15_086	你放學歸來毋先洗身、寫功課，一哪仔瀉上瀉下，正會到夜吔功課還寫毋核。	ngˇ biong hog guiˊ loiˇ mˇ xienˊ seˋ siinˊ 、xiaˋ gungˊ ko ，idˋ naiˋ eˋ xia songˊ xia haˊ ，nang voi do ia eˇ gungˊ ko hanˇ xiaˋ mˇ hedˋ 。	你放學回來不先洗澡、寫功課，到處亂跑，才會到這麼晚了功課還寫不完。
lbk15_087	這張桌仔息把覂覂，拿紙枋仔楔平來。	iaˋ zongˊ zogˋ eˋ xidˋ baˋ fungˋ fungˋ，naˊ ziiˋ biongˊ eˋ xiabˋ piangˇ loiˇ 。	這張桌子有點斜斜，拿厚紙板來把它墊平。
lbk15_088	人講：「惜骨莫惜皮。」細人仔本成就愛教，為著佢等个將來，毋好忒縱。	nginˇ gongˋ ：「xiagˋ gudˋ mog xiagˋ piˇ 。」se nginˇ eˋ bunˋ sangˇ qiu oi gauˊ ，vi doˋ iˇ denˊ ge jiongˊ loiˇ ，mˇ hoˋ tedˋ jiungˋ 。	俗話說：「教育子女不可太寵愛。」小孩子本來就需要教導，為了他們的將來著想，不要太過寵愛。
lbk15_089	這一息危險就驚啊會死，像你恁呢惜命驚死斯做麼个好？	iaˋ idˋ xidˋ munˇ hiamˋ qiu giangˊ a voi xiˋ ，qiong ngˇ anˋ neˊ xiagˋ miang giangˊ xiˋ siiˇ zo maˋ ge hoˋ ？	這一點點危險就怕得要命，像你這樣貪生怕死能做什麼大事呢？
lbk15_090	佢等屋下淨一個倈仔定定，故所爺哀對佢惜命命著。	iˇ denˊ lugˋ kaˊ qiang idˋ ge lai eˋ tin tin ，gu soˋ iaˇ oiˊ dui iˇ xiagˋ miang miang eˊ 。	他們家只有一個兒子而已，所以父母親對他非常疼惜、寵愛。
lbk15_091	佢平常時盡毋好多話，寫文章乜共樣惜字如金。	iˇ pinˇ songˇ siiˇ qin mˇ hau doˊ fa ，xiaˋ vunˇ zongˊ me kiung iong xiagˋ sii iˇ gimˊ 。	他平時不太喜歡多話，作文也同樣為文簡潔。
lbk15_092	人講：「惜子連孫，惜花連盆。」這孫仔都自家个，仰有可能無惜呢？	nginˇ gongˋ ：「xiagˋ ziiˋ lienˇ sunˊ ，xiagˋ faˊ lienˇ punˇ 。」iaˋ sunˊ eˋ duˊ qid gaˊ ge，ngiongˋ iuˊ koˋ nenˇ moˇ xiagˋ noˋ ？	俗話說：「愛自己的孩子，連帶也會愛自己的孫子；喜愛花，連花盆也會一起珍惜。」這孫子是他自己的，怎有可能不喜愛呢？
lbk15_093	愛分人食就分人食，在該緊餳人做麼个？	oi bunˊ nginˇ siid qiu bunˊ nginˇ siid ，teˊ geˋ ginˋ xiangˇ nginˇzo maˋ ge ？	要給人吃就乾脆點，為什麼一直在那裡用食物引誘人？
lbk15_094	你愛做就做，毋使在該漦漦濞濞，看著嘛蝓漦。	ngˇ oi zo qiu zo ，mˇ siiˋ teˊ geˋ xiauˇ xiauˇ pi pi ，kon doˋ maˇ ieˇ xiauˇ 。	你要做就做，不用在那裡嫌東嫌西，看到就討厭。
lbk15_095	你去輯一枝竹筱仔來，𠊎來同佢好好啊修理。	ngˇ hi xib idˋ giˊ zugˋ xiu eˋ loiˇ ，ngaiˇ loiˇ tungˇ iˇ hoˋ hoˋ aˋ xiuˊ liˊ 。	你去挑一枝細竹，我來好好的把他修理一番。
lbk15_096	厥姆聽著佢講愛去參加畢業旅行，就集集仔塞錢分佢，驚怕厥爸知吔會譴。	iaˊ meˊ tangˊ doˋ iˇ gongˋ oi hi camˊ gaˊ bidˋ ngiab liˋ hangˇ ，qiu xib xib eˊ sedˋ qienˇ bunˊ iˇ ，giangˊ pa iaˊ baˊ diˊ eˇ voi kienˋ 。	他媽媽聽到他說要去參加畢業旅行，就偷偷的把錢塞給他，怕他父親知道了會生氣。
lbk15_097	佢寄吔一堆信仔去尋頭路，毋過所有个公司都息息文文，無消無息，害佢盡傷心。	iˇ gi eˇ idˋ doiˊ xin eˋ hi qimˇ teuˇ lu，mˇ go soˋ iuˊ ge gungˊ siiˊ duˊ xibˋ xibˋ vunˇ vunˇ ，moˇ seuˊ moˇ xidˋ ，hoi iˇ qin songˊ ximˊ 。	他寄了一堆信去找工作，不過所有的公司都毫無音信，害他很傷心。
lbk15_098	昨暗晡地動，搖啊盡厲害，歸間屋仔唽唽析析，盡得人驚。	coˊ am buˊ ti tungˊ ，ieuˇ a qin li hoi ，guiˊ gianˊ vugˋ eˋ xid xid sag sag，qin dedˋ nginˇ giangˊ 。	昨晚地震，搖得非常猛烈，整個房子都發出震耳的聲音，很嚇人。
lbk15_099	佢等兩儕在該唏唏吮吮，毋知講麼个事情。	iˇ denˊ liongˋ saˇ teˊ geˋ xid xid sud sud ，mˇ diˊ gongˋ maˋ ge sii qinˇ 。	他們兩個在那裡小聲交談，不知講些什麼。
lbk15_100	你做你在這洩猴虛，等佢來吔就知講事實係毋係像你講个恁呢。	ngˇ zo ngˇ teˊ iaˋ xied heuˇ hiˊ ，denˋ iˇ loiˇ eˇ qiu diˊ gongˋ sii siid he mˇ he qiong ngˇ gongˋ ge anˋ neˊ 。	你儘管吹牛吧，等他來了就知道事實是不是像你說的那樣。
lbk15_101	佢該人洩猴虛講到天文地理，講正經个就無半句，毋使信佢。	iˇ ge nginˇ xied heuˇ hiˊ gongˋ do tienˊ vunˇ ti liˊ ，gongˋ ziin ginˊ ge qiu moˇ ban gi ，mˇ siiˋ xin iˇ 。	他這人只會吹牛，沒有半句正經話，不用去相信他。
lbk15_102	有病就愛去看醫生，毋好儘採相信麼个仙丹妙藥，莫拿自家个命來賭搞核。	iuˊ piang qiu oi hi kon iˊ senˊ ，mˇ hoˋ qin caiˊ xiongˊ xin maˋ ge xienˊ danˊ meu iog ，mog naˊ qid gaˊ ge miang loiˇ duˋ gauˋ hedˋ 。	有病就要去看醫生，不要隨便相信什麼偏方，不要拿自己的性命開玩笑。
lbk15_103	這場表演無賣票仔，大家先號先贏。	iaˋ congˇ beuˋ ianˊ moˇ mai peu eˋ ，tai gaˊ xienˊ ho xienˊ iangˇ 。	這場表演沒有賣票，誰先佔先贏。
lbk15_104	你仰會恁看毋開？這又毋係先死先贏个，恁想死做麼个？	ngˇ ngiongˋ voi anˋ kon mˇ koiˊ？iaˋ iu mˇ he xienˊ xiˋ xienˊ iangˇ ge ，anˋ xiongˋ xiˋ zo maˋ ge ？	你怎會這麼想不開？這又不是越早死越好的，幹嘛這麼想死？
lbk15_105	你等兩公婆仰恁省儆呢？鮮鮮湯湯斯哪有麼个營養？	ngˇ denˊ liongˋ gungˊ poˇ ngiongˋ anˋ sangˋ kiang noˋ ？xienˊ xienˊ tongˊ tongˊ siiˇ naiˋ iuˊ maˋ ge inˇ iongˊ ？	你們夫婦怎麼那麼節儉？菜餚過於簡單怎麼會有營養？
lbk15_106	這下个後生仔實在毋曉得愐，想著今啊國家就愛交分佢等吔，𠊎就心寒膽顫哦！	iaˋ ha ge heu sangˊ eˋ siid cai mˇ hiauˋ dedˋ menˋ ，xiongˋ doˋ ginˊ a guedˋ gaˊ qiu oi gauˊ bunˊ iˇ denˊ eˇ，ngaiˇ qiu ximˊ honˇ damˋ zunˊ oˊ ！	現在的年輕人實在不會多考慮一些，想到往後國家就要交給他們治理了，我就內心恐懼呀！
lbk15_107	美濃有一句金言：「心口忠信，出門人敬」，表示做人、做事愛實在、信用正會分人尊敬。	miˇ nungˇ iuˊ idˋ gi gimˊ ngianˇ ：「ximˊ kieuˋ zungˊ xin ，cudˋ munˇ nginˇ gin 」，beuˋ sii zo nginˇ 、zo sii oi siid cai 、xin iung nang voi bunˊ nginˇ zunˊ gin 。	美濃有一句名言：「誠信忠實的人，受人尊敬」，表示做人、做事要實在、信用才會被人尊敬。
lbk15_108	頭擺个老人家講：「心臼多懶洗碗，鴨嫲多懶生卵。」係講啊，心臼多會奸雄毋肯做事。	teuˇ baiˋ ge loˋ nginˇ gaˊ gongˋ ：「ximˊ kiuˊ doˊ nanˊ seˋ vonˋ ，abˋ maˇ doˊ nanˊ sangˊ nonˋ 。」he gongˋ aˇ ，ximˊ kiuˊ doˊ voi gianˊ hiungˇ mˇ henˋ zo sii 。	從前的老人家說：「媳婦多了就沒人要洗碗，母鴨多了就懶得生蛋。」也就是說，媳婦多就會互相推諉、逃避責任。
lbk15_109	佢一生人心心念念愛讀大學，可惜屋下苦無辦法畀讀，到老還念等這件事情。	iˇ idˋ senˊ nginˇ ximˊ ximˊ ngiam ngiam oi tug tai hog ，koˋ xidˋ lugˋ kaˊ kuˋ moˇ pan fabˋ biˋ tug ，do loˋ hanˇ ngiam nenˋ iaˋ kian sii qinˇ 。	他這輩子一心想著要讀大學，可惜家裡貧窮沒辦法讓他讀，到老還念著這件事情。
lbk15_110	你做事情愛認真兜仔，你無聽過「心專石穿」這句話吓？	ngˇ zo sii qinˇ oi ngin ziinˊ deuˊ eˊ ，ngˇ moˇ tangˊ go 「ximˊ zonˊ sag conˊ 」iaˋ gi fa haˋ ？	你做事情要認真點，你沒聽過「專心學習，日久自然成功」這句話嗎？
lbk15_111	你愛放靜兜仔，性暴暴仔，做麼个事情都毋會成功个呀！	ngˇ oi biong qin deuˊ eˊ ，xin pau pau eˊ ，zo maˋ ge sii qinˇ duˊ mˇ voi siinˇ gungˊ ge iaˇ ！	你要平靜一點，脾氣這麼暴躁，做什麼事情都不會成功的呀！
lbk15_112	頭擺人講：「新打屎缸三日新。」買啊著个引擎每日捽，過幾日添就懶尸洗吔！	teuˇ baiˋ nginˇ gongˋ ：「xinˊ daˋ siiˋ gongˊ samˊ ngidˋ xinˊ。」maiˊ a doˋ ge enˊ jinˋ miˊ ngidˋ cud ，go giˋ ngidˋ tiamˊ qiu nanˊ siiˊ seˋ eˊ！	以前的人說：「新的廁所只有三天新。」剛買的機車每天擦得亮晶晶，過幾天之後就會懶得洗了！
lbk15_113	「新年頭，舊年尾」，係講過年到吔，大家人都會大清潔，準備過新年。	「xinˊ ngianˇ teuˇ ，kiu ngianˇ miˊ 」，he gongˋ go ngianˇ do eˇ，tai gaˊ nginˇ duˊ voi tai qinˊ giadˋ ，zunˋ pi go xinˊ ngianˇ 。	「舊的一年即將結束，新的一年即將到來。」，是說過年到了，大家都會大掃除，準備過新年。
lbk15_114	「新娘正入間，媒人就脫牽」，係講做人毋好忒現實。	「xinˊ ngiongˇ nang ngib gianˊ ，moiˇ nginˇ qiu todˋ kianˊ 」，he gongˋ zo nginˇ mˇ hoˋ tedˋ hian siid 。	「新娘才入洞房，媒人的任務就完成了」，是說做人不要太現實。
lbk15_115	「新郎新娘正上床，媒人分人逐出牆。」頭擺美濃人講个話有道理，蓋多人蓋現實，結婚降子過後，就添放核媒人婆吔！	「xinˊ longˇ xinˊ ngiongˇ nang songˊ congˇ ，moiˇ nginˇ bunˊ nginˇ giugˋ cudˋ xiongˇ。」teuˇ baiˋ miˇ nungˇ nginˇ gongˋ ge fa iuˊ to liˊ ，goi doˊ nginˇ goi hian siid ，giadˋ funˊ giung ziiˋ go heu ，qiu tiamˊ biong hedˋ moiˇ nginˇ poˇ eˇ！	「新郎新娘結婚後，往往都會忘了媒人。」以前美濃人說的話很有道理，很多人很現實，結婚生子後，就忘了媒婆了！
lbk15_116	頭擺菜店項新來个細妹仔，會分老人家㖸：「新細妹仔舊傢伙」。	teuˇ baiˋ coi diam hong xinˊ loiˇ ge se moi eˋ ，voi bunˊ loˋ nginˇ gaˊ nagˋ ：「xinˊ se moi eˋ kiu gaˊ foˋ 」。	以前妓院新來的女孩子，會被老人家笑「新姑娘非處女」。
lbk15_117	人講：「新嫂無來毋知老嫂好」，故所，做毋得一聽啊著人講麼个就跈等呦。	nginˇ gongˋ ：「xinˊ soˋ moˇ loiˇ mˇ diˊ loˋ soˋ hoˋ 」，gu soˋ ，zo mˇ dedˋ idˋ tangˊ a doˋ nginˇ gongˋ maˋ ge qiu tenˇ nenˋ iui。	俗話說：「人的好壞或對錯一時很難認定，要前後對照方知其好壞、對錯」，所以，不可以一聽到人家說什麼就跟著起哄。
lbk15_118	阿姆辛辛苦苦種个菜，你愛好好仔食，毋好忒八敗。	aˊ meˊ xinˊ xinˊ kuˋ kuˋ zung ge coi ，ngˇ oi hoˋ hoˋ eˇ siid ，mˇ hoˋ tedˋ badˋ pai 。	媽媽辛辛苦苦種的菜，你要好好的吃，不要太浪費。
lbk15_119	佢偷人个東西走蓋遽，㩆阿過就毋見核吔！	iˇ teuˊ nginˇ ge dungˊ xiˊ zeuˋ goi giagˋ ，xio a go qiu mˇ gian hedˋ eˇ！	他偷人的東西跑很快，一下子就不見人影了！
lbk15_120	頭擺𠊎等讀書个時節係毋聽話，會分先生㩆巴掌。	teuˇ baiˋ ngaiˇ nenˊ tug suˊ ge siiˇ jiedˋ he mˇ tangˊ fa ，voi bunˊ xinˊ sangˊ xio（hio）baˊ zongˋ 。	以前我們讀書的時候若不聽話，會被老師賞巴掌。
lbk15_121	頭擺个細人仔無麼个東西好食，蓋會掱東西來食。	teuˇ baiˋ ge se nginˇ eˋ moˇ maˋ ge dungˊ xiˊ hoˋ siid ，goi voi xioˇ dungˊ xiˊ loiˇ siid 。	以前的小孩子沒有什麼東西好吃，很會偷東西來吃。
lbk15_122	這個人心術毋好，登常睄上睄下想愛拿人个東西。	iaˋ ge nginˇ ximˊ siidˋ mˇ hoˋ ，denˊ songˇ xioˇ songˊxioˇ haˊ xiongˋ oi naˊ nginˇ ge dungˊ xiˊ。	這個人心術不正，經常賊頭賊腦的到處窺伺想要拿別人的東西。
lbk15_123	這兜俗潑潑仔个東西，拿去送人毋知會見笑無？	iaˋ deuˊ xiog bad bad eˊ ge dungˊ xiˊ，naˊ hi sung nginˇ mˇ diˊ voi gian seu mˇ？	這些便宜的東西，拿去送人不知道是否會不好意思？
lbk15_124	美濃老古人講：「相鬥鬥輸人，愛甘願鼻人个膦管」，你恁好選舉，愛記得這句話，係輸吔就愛甘願。	miˇ nungˇ loˋ guˋ nginˇ gongˋ ：「xiongˊ deu deu suˊ nginˇ ，oi gamˊ ngian pi nginˇ ge linˋ gonˋ 」，ngˇ anˋ hau xienˋ giˋ ，oi gi dedˋ iaˋ gi fa ，he suˊ eˇ qiu oi gamˊ ngian 。	美濃古語說：「爭鬥若輸了，就要服輸，不可以賴皮」，你這麼喜歡選舉，要記得這句話，若是選輸了就要甘願。
lbk15_125	相見好，近處難，人愛同人共下毋係恁簡單个呀！	xiongˊ gian hoˋ ，kiun cuˋ nanˇ ，nginˇ oi tungˇ nginˇ kiung ha mˇ he anˋ gianˋ danˊ ge iaˇ ！	人與人之間，相見容易相處難，人與人一起相處不是這麼簡單的呀！
lbk15_126	自古以來講這句「相罵無好言，相打無好拳」，來勸話人毋好恁好事。	cii guˋ iˊ loiˇ gongˋ iaˋ gi 「xiongˊ ma moˇ hoˋ ngianˇ ，xiongˊ daˋ moˇ hoˋ kianˇ 」，loiˇ kian va nginˇ mˇ hoˋ anˋ hau sii 。	自古以來常說這句「爭吵不會有好話的，打架不分輕重的」，來奉勸人不要多管閒事。
lbk15_127	你就係做啊忒過分吔，佢正會譴啊拳頭都擎起來，你無聽人講過「相罵無好嘴，相打無好手」吓？	ngˇ qiu he zo a tedˋ go fun eˇ ，iˇ nang voi kienˋ a kianˇ teuˇ duˊ ngiaˇ hiˋ loiˇ ，ngˇ moˇ tangˊ nginˇ gongˋ go 「xiongˊ ma moˇ hoˋ zoi ，xiongˊ daˋ moˇ hoˋ suˋ 」haˋ ？	你就是做得太過分了，他才會氣得拳頭都舉起來，你沒聽人家說過「人在爭吵、打架時，都不可能尊重對方」嗎？
lbk15_128	阿貴嫂對厥姊个妹仔一等相惜。	aˊ gui soˋ dui iaˊ ze ge moi eˋ idˋ denˋ xiongˊ xiagˋ 。	阿貴嫂對他姊姊的女兒非常疼惜。
lbk15_129	分佢一凴嗄牆轉核吔，可見這個牆頭嶄然久吔！	bunˊiˇ idˋ ben sa xiongˇ zon hedˋ eˇ，koˋ gian iaˋ ge xiongˇ teuˇ zamˋ manˇ giuˋ eˇ！	他一靠過去，牆就倒塌了，可見這扇牆年代已久！
lbk15_130	人講：「想借錢就牙西西，分人討錢就詐毋知。」講著錢實在就蓋現實，故所，最好莫同人有錢財个借貸。	nginˇ gongˋ ：「xiongˋ jia qienˇ qiu ngaˇ xiˊ xiˊ ，bunˊ nginˇ toˋ qienˇ qiu za mˇ diˊ 。」gongˋ doˋ qienˇ siid cai qiu goi hian siid ，gu soˋ ，zuiˋ hoˋ mog tungˇ nginˇ iuˊ qienˇ coiˇ ge jia toi 。	俗話說：「要借錢時就笑嘻嘻，被人要債時就裝不知。」說到錢實在就很現實，所以，最好不要跟他人有錢財方面的借貸。
lbk15_131	一個人最大个本錢就係健康，身仔係搣壞吔，就正式像人講个：「想來想去無半項頭路，想愛做又無法度。」	idˋ ge nginˇ zuiˋ tai ge bunˋ qienˇ qiu he kian kongˊ ，siinˊ eˋ he miedˋ faiˋ eˇ，qiu ziin siidˋ qiong nginˇ gongˋ ge ：「xiongˋ loiˇ xiongˋ hi moˇ ban hong teuˇ lu ，xiongˋ oi zo iu moˇ fabˋ tu 。」	一個人最大的本錢就是健康，身體如果搞壞了，就真的像人家說的：「想來想去沒半個工作能做，想要做又力不從心。」
lbk15_132	做事情定著愛想頭顧尾，正毋會同事情張啊收𠎷毋得。	zo sii qinˇ tin cog oi xiongˋ teuˇ gu miˊ ，nang mˇ voi tungˇ sii qinˇ zongˊ a suˊ sabˋ mˇ dedˋ 。	做事情一定要思前顧後考慮周全，才不會把事情弄得無法收拾。
lbk15_133	有才調个人一般都蓋認真生活、做事，毋會花時間去逐身裝，故所人會講：「秀才毋畏衫破，淨畏肚屎無貨。」	iuˊ coiˇ tiau ge nginˇ idˋ banˊ duˊ goi ngin ziinˊ senˊ fad 、zo sii ，mˇ voi faˊ siiˇ gianˊ hi giugˋ siinˊ zongˊ ，gu soˋ nginˇ voi gongˋ ：「xiu coiˇ mˇ vi samˊ po ，qiang vi duˋ siiˋ moˇ fo 。」	有才能的人一般都很認真生活、做事，不會花時間去包裝外表，所以人家會說：「秀才不怕衣服破舊，只怕沒有才能。」
lbk15_134	頭擺，「繡裙綢褲」愛做新娘个時節正有機會著。	teuˇ baiˋ ，「xiu kiunˇ cuˇ fu 」oi zo xinˊ ngiongˇ ge siiˇ jiedˋ nang iuˊ giˊ fi zogˋ 。	以前，「繡裙綢褲」要當新娘的時候才有機會穿。
lbk15_135	天時轉寒吔，外背个風咻咻滾，出去定著愛著過燒兜仔。	tienˊ siiˇ zonˋ honˇ eˇ ，lo boi ge fungˊ xiu xiu gunˋ ，cudˋ hi tin cog oi zogˋ go seuˊ deuˊ eˊ 。	天氣變冷了，外面的風咻咻作響，外出一定要穿得夠保暖。
lbk15_136	聽講，頭擺白馬名家个宋阿昌先生登常修橋造路造福地方，故所，大家對佢蓋稱說。	tangˊ gongˋ ，teuˇ baiˋ pag maˊ miangˇ gaˊ ge sung aˊ congˊ xinˊ sangˊ denˊ songˇ xiuˊ kieuˇ co lu co fugˋ ti fongˊ ，gu soˋ ，tai gaˊ dui iˇ goi ciinˊ sodˋ 。	聽說，以前白馬名家的宋阿昌先生常常修橋鋪路造福地方，所以，大家很讚賞他。
lbk15_137	你仰去同人討東西食呢？蓋羞人呢！	ngˇ ngiongˋ hi tungˇ nginˇ toˋ dungˊ xiˊ siid noˋ ？goi xiuˊ nginˇ neˊ ！	你怎麼去跟人家要東西吃呢？很丟臉耶！
lbk15_138	你一朝晨颼上颼下走去哪？	ngˇ idˋ zeuˊ siinˇ xiuˇ songˊ xiuˇ haˊ zeuˋ hi naiˋ ？	你整個早上跑去哪兒閒晃？
lbk15_139	蚊筱仔壞啊伸無兩條絲斯愛仰呢筱蚊仔呢？	munˊ xiuˋ eˋ faiˋ a cunˊ moˇ liongˋ tiauˇ xiˊ siiˇ oi ngiongˋ neˊ xiuˋ munˊ eˋ noˋ ？	蚊蠅拍壞得只剩兩根絲，要怎麼打蚊仔呢？
lbk15_140	該隻細𧊅仔一等賤，將把棍仔筱上筱下，毋怕筱著人。	ge zagˋ se guaiˋ eˋ idˋ denˋ qien ，jiongˊ baˋ gun eˋ xiuˋ songˊ xiuˋ haˊ ，mˇ pa xiuˋ doˋ nginˇ 。	那個小鬼非常調皮，老是拿著小竹棍到處揮舞，不怕打到別人。
lbk15_141	來討錢个人都走淨吔，毋使再詐癡詐戇吔啦！	loiˇ toˋ qienˇ ge nginˇ duˊ zeuˋ qiang eˇ，mˇ siiˋ zai za ciiˊ za ngong eˇ laˋ！	來要錢的人都走掉了，不用再裝笨了啦！
lbk15_142	功課無寫就講無寫，做麼个愛騙人講肚屎痛屙瀉巴，恁呢正式就係「詐癲食馬屎」。	gungˊ ko moˇ xiaˋ qiu gongˋ moˇ xiaˋ ，zo maˋ ge oi pien nginˇ gongˋ duˋ siiˋ tung oˊ xia baˇ ，anˋ neˊ ziin siidˋ qiu he 「za dienˊ siid maˊ siiˋ 」。	功課沒寫就說沒寫，為什麼要騙人說是肚子痛還拉肚子，這樣真的就是「裝瘋賣傻使詐」。
lbk15_143	該人不時詐癲食屎，一哪仔騙人。	ge nginˇ budˋ siiˇ za dienˊ siid siiˋ ，idˋ naiˋ eˋ pien nginˇ 。	那個人時常裝瘋賣傻，到處騙人。
lbk15_144	見擺大家愛做事个時節，你就講無閒愛去買點心分大家食，結果就在該食飽吔正倒轉來，你這種「詐昏挾雞肉」个心識𠊎早都看識吔！	gian baiˋ tai gaˊ oi zo sii ge siiˇ jiedˋ ，ngˇ qiu gongˋ moˇ hanˇ oi hi maiˊ diamˋ ximˊ bunˊ tai gaˊ siid ，giadˋ goˋ qiu teˊ ge siid bauˋ eˇ nang do zonˋ loiˇ ，ngˇ iaˋ zungˋ 「za funˇ giabˋ gieˊ ngiugˋ 」ge ximˊ siidˋ ngaiˇ zoˋ duˊ kon siidˋ eˇ！	每次大家要做事的時候，你就說很忙要去買點心給大家吃，結果就在那裡吃飽了才回來，你這種「取巧占人便宜」的詭計我早就看出來了！
lbk15_145	這隻細𧊅仔恁久見愛去補習班吔就詐病詐痛，毋知係發生麼个事情吔？	iaˋ zagˋ se guaiˋ eˋ anˋ giuˋ gian oi hi buˋ xib banˊ eˇ qiu za piang za tung ，mˇ diˊ he fadˋ senˊ maˋ ge sii qinˇ eˇ ？	這小鬼最近每次要去補習班時就裝病，不知道發生什麼事情了？
lbk15_146	阿爸見擺去尋阿叔講分家个事情，阿叔就在該詐生詐死，根本就無法度講。	aˊ baˊ gian baiˋ hi qimˇ aˊ sugˋ gongˋ bunˊ gaˊ ge sii qinˇ ，aˊ sugˋ qiu teˊ geˋ za sangˊ za xiˋ ，ginˊ bunˋ qiu moˇ fabˋ tu gongˋ 。	爸爸每次去找叔叔談分家的事情，叔叔就找一堆理由要說不說的，根本就沒辦法談。
lbk15_147	落雨過後，禾埕項就會蓋多水，細人仔最好去涉水搞。	log iˋ go heu ，voˇ tangˇ hong qiu voi goi doˊ suiˋ ，se nginˇ eˋ zuiˋ hau hi zab suiˋ gauˋ 。	下雨過後，晒穀場就會有很多積水，小孩子最喜歡去玩踩水。
lbk15_148	阿明牯去台南讀大學，隔屋下忒遠，只好紮學寮。	aˊ minˇ guˋ hi toiˇ namˇ tug tai hog ，gagˋ lugˋ kaˊ tedˋ ianˋ ，ziiˋ hoˋ zabˋ hog liauˇ 。	阿明到台南讀大學，離家太遠，只好住校。
lbk15_149	佢做麼个都盡砸卡，故所大家人都稱說。	iˇ zo maˋ ge duˊ qin zabˋ kaˇ ，gu soˋ tai gaˊ nginˇ duˊ ciinˊ sodˋ 。	他做什麼事都很賣力，所以大家都很稱讚他。
lbk15_150	佢係𠊎个砸卡手，有佢在店項，𠊎就做得一哪仔去談生理。	iˇ he ngaiˇ ge zabˋ kaˇ suˋ ，iuˊ iˇ teˊ diam hong ，ngaiˇ qiu zo dedˋ idˋ naiˋ eˋ hi tamˇ senˊ liˊ 。	他是我的得力助手，有他在店理，我就可以到處去談生意。
lbk15_151	佢做个麵包材料實在，食起來盡拶腹，故所生理盡好。	iˇ zo ge mien bauˊ coiˇ liau siid cai ，siid hiˋ loiˇ qin zadˋ bugˋ，gu soˋ senˊ liˊ qin hoˋ 。	他做的麵包用料實在，吃起來紮實，所以生意非常好。
lbk15_152	這山又毋係你開个，仰在這截山路收清潔費呢？	iaˋ sanˊ iu mˇ he ngˇ koiˊ ge ，ngiongˋ teˊ iaˋ zag sanˊ lu suˊ qinˊ giadˋ fi noˋ ？	這山又不是你開墾的，怎麼在這山路攔截收清潔費呢？
lbk15_153	該間老屋，在這擺地動个時節，分屙下來个樹仔矺核吔。	ge gianˊ loˋ vugˋ ，teˊ iaˋ baiˋ ti tungˊ ge siiˇ jiedˋ ，bunˊ oˊ haˊ loiˇ ge su eˋ zagˋ hedˋ eˇ。	那間老房子，在這次地震時，被倒下來的樹壓垮了。
lbk15_154	愐著還細過年時節去賭場矺棋仔，實在還生趣。	menˋ doˋ hanˇ se go ngianˇ siiˇ jiedˋ hi duˋ congˇ zagˋ kiˇ eˋ ，siid cai hanˇ senˊ qi 。	想到小時候過年時到賭場玩猜象棋的賭博遊戲，實在很有趣。
lbk15_155	被骨過一段時間就愛拿去炙日頭，蓋起來正會過鬆爽。	piˊ gudˋ go idˋ ton siiˇ gianˊ qiu oi naˊ hi zagˋ ngidˋ teuˇ ，goi hiˋ loiˇ nang voi go sungˊ songˋ 。	被子過一段時間便要拿去晒太陽，蓋起來才會比較舒服。
lbk15_156	毋好愐講考著這間大學就定著尋得著好頭路，你無聽人講：「再好个良田有冇穀，再好个草山有瘦牛」吓？自家愛過煞猛兜仔過著。	mˇ hoˋ menˋ gongˋ kauˋ doˋ iaˋ gianˊ tai hog qiu tin cog qimˇ dedˋ doˋ hoˋ teuˇ lu ，ngˇ moˇ tangˊ nginˇ gongˋ ：「zai hoˋ ge liongˇ tienˇ iuˊ pang gugˋ ，zai hoˋ ge coˋ sanˊ iuˊ ceu ngiuˇ 」haˋ ？qid gaˊ oi go sadˋ mangˊ deuˊ eˊ go cog 。	不要想說考上這所大學就一定找得到好工作，你沒聽說過：「再好的田也可能種出不好的穀，再好的青山嫩草也可能養出瘦的牛」嗎？自己要努力些才是。
lbk15_157	愛敬天公吔，頭到準備好个齋蔬果粄總概拿出來拜。	oi gin tienˊ gungˊ eˇ，teuˇ do zunˋ pi hoˋ ge zaiˊ suˊ goˋ banˋ zungˋ koiˋ naˊ cudˋ loiˇ bai。	要拜天公了，剛才準備好的祭祀齋品、蔬果、糕粄等都拿出來拜。
lbk15_158	佢這恁久運勢盡毋好，災災劫劫盡多。	iˇ iaˋ anˋ giuˋ iun sii qin mˇ hoˋ ，zaiˊ zaiˊ giabˋ giabˋ qin doˊ 。	他最近運勢不佳，災難接連不斷。
lbk15_159	這間大公司个頭家毋知做麼个愛放下頭路，去山項齋齋修修？	iaˋ gianˊ tai gungˊ siiˊ ge teuˇ gaˊ mˇ diˊ zo maˋ ge oi biong haˊ teuˇ lu ，hi sanˊ hong zaiˊ zaiˊ xiuˊ xiuˊ ？	這間大公司的老闆不知道為什麼要放下工作，到山上靜心吃齋修行？
lbk15_160	這擺个雨落啊盡大，驚怕地下室會滲著水。	iaˋ baiˋ ge iˋ log a qin tai ，giangˊ pa ti haˊ siidˋ voi zam doˋ suiˋ 。	這次的雨下得很大，很怕地下室會滲水。
lbk15_161	佢煎个蘿蔔粄盡香，嶄然好食。	iˇ jienˊ ge loˇ ped banˋ qin hiongˊ ，zamˋ manˇ hoˋ siid 。	他煎的蘿蔔粄很香，很好吃。
lbk15_162	佢盡用心又搭煞猛，故所每年个業績都嶄然好。	iˇ qin iung ximˊ iu dabˋ sadˋ mangˊ ，gu soˋ miˊ ngianˇ ge ngiab jidˋ duˊ zamˋ manˇ hoˋ 。	他很用心也很努力，所以每年的業績都非常好。
lbk15_163	你駛車仔愛過細義兜仔，毋好輾著人吔，係無會賠毋直喔！	ngˇ siiˋ caˊ eˋ oi go se ngi deuˊ eˊ，mˇ hoˋ zan doˋ nginˇ eˇ ，he moˇ voi poiˇ mˇ ciid oˊ！	你開車要小心點，不要輾到人，要不然會賠不完呢！
lbk15_164	這兜細人仔有好搞就好吔，完全毋驚地泥恁屙糟，就在頂項輾上輾下。	iaˋ deuˊ se nginˇ eˋ iuˊ hoˋ gauˋ qiu hoˋ eˇ ，vanˇ qionˇ mˇ giangˊ ti naiˇ anˋ oˊ zoˊ ，qiu tiˊ dangˋ hong zan songˊ zan haˊ 。	這些小孩子有得玩就好了，完全不管地板有多髒，就在上面不停的滾來滾去。
lbk15_165	你每日坐車仔去學校就愛點過鐘，𠊎看你棧學寮過著。	ngˇ miˊ ngidˋ coˊ caˊ eˋ hi hog gauˋ qiu oi diamˋ go zungˊ ，ngaiˇ kon ngˇ zanˋ hog liauˇ go cog 。	你每天搭車到學校就要花一個多鐘頭，我看你住校算了。
lbk15_166	因為過年時節還愛做生理，故所厥公司就分大家展前尞，過年時節正來補班。	inˊ vi go ngianˇ siiˇ jiedˋ hanˇ oi zo senˊ liˊ ，gu soˋ iaˊ gungˊ siiˊ qiu bunˊ tai gaˊ zanˋ qienˇ liau ，go ngianˇ siiˇ jiedˋ nang loiˇ buˋ banˊ 。	因為過年期間還要做生意，所以他們公司就讓大家提前放假休息，過年時才來補班。
lbk15_167	佢頭滿食啊忒多茶吔，這下扛這樹頭忒出力，嗄掙出尿吔。	iˇ teuˇ manˊ siid a tedˋ doˊ caˇ eˇ ，iaˋ ha gongˊ iaˋ su teuˇ tedˋ cudˋ lid ，sa zang cudˋ ngiau eˇ 。	他之前喝太多茶了，剛剛抬木頭時太用力，卻尿失禁了。
lbk15_168	你等兩儕都蓋吵，爭七毋爭八。	ngˇ denˊ liongˋ saˇ duˊ goi cauˇ ，zangˊ qidˋ mˇ zangˊ badˋ 。	你們兩個人都很吵，真的是半斤八兩。
lbk15_169	你食東西蓋圖㘔，盡像爭㘔狗膣擺貪大塊，實在壞樣式。	ngˇ siid dungˊ xiˊ goi tuˇ saiˊ ，qin qiong zangˊ saiˊ gieuˋ ziiˊ baiˋ tamˊ tai kuai ，siid cai faiˋ iong siidˋ 。	你很貪吃，像是貪得無厭的人，實在難看。
lbk15_170	這個屋仔蓋舊吔又會漏雨，愛整屋頂吔！	iaˋ ge vugˋ eˋ goi kiu eˇ iu voi leu iˋ ，oi zangˋ vugˋ dangˋ eˇ！	這個房子很老舊又會漏雨，需要整修屋頂了！
lbk15_171	𠊎屋下个豬寮嶄然會漏雨，整整修修修吔幾下遍。	ngaiˇ lugˋ kaˊ ge zuˊ liauˇ zamˋ manˇ voi leu iˋ，zangˋ zangˋ xiuˊ xiuˊ xiuˊ eˇ giˋ haˊ bien 。	我家裡的豬舍一直漏雨，已經修修補補好幾次了。
lbk15_172	這個竹筍毋曾晒燥，愛共快燥熇來。	iaˋ ge zugˋ sunˋ mˇ qienˇ sai zauˊ ，oi kiung kuai zauˊ hogˋ loiˇ 。	這個竹筍還沒晒乾，要趕緊烘乾才好。
lbk15_173	這個田坵燥溓水吔，禾仔會渴死。	iaˋ ge tienˇ kiuˊ zauˊ liamˋ suiˋ eˇ，voˇ eˋ voi hodˋ xiˋ 。	這塊田水已乾涸，秧苗會枯死。
lbk15_174	這個芋荷分日頭晒啊燥縮燥縮。	iaˋ ge vu hoˇ bunˊ ngidˋ teuˇ sai a zauˊ sogˋ zauˊ sogˋ 。	這個芋頭梗被太陽晒乾了。
lbk15_175	聽講這個細妹仔嫁分人做心臼，嗄分厥家娘糟蹋、苦毒，實在蓋才過。	tangˊ gongˋ iaˋ ge se moi eˋ ga bunˊ nginˇ zo ximˊ kiuˊ，sa bunˊ iaˊ gaˊ ngiongˇ zauˊ tadˋ、kuˋ tug， siid cai goi coiˇ go 。	聽說這個女孩結婚後，被她婆婆虐待、欺壓，實在很可憐。
lbk15_176	這個細人仔蓋毋好渡，蓋會糟蹋人。	iaˋ ge se nginˇ eˋ goi mˇ hoˋ tu ，goi voi zauˊ tadˋ nginˇ 。	這個小孩很不好照顧，很折磨人。
lbk15_177	這個豆仔分日頭晒啊燥絲絲仔，蓋毋好食。	iaˋ ge teu eˋ bunˊ ngidˋ teuˇ sai a zauˊ xiˊ xiˊ eˊ ，goi mˇ hoˋ siid 。	這個豆子被太陽晒得乾乾的，很不好吃。
lbk15_178	這個白哥仔煎啊燥燥仔，就好鏟起來吔！	iaˋ ge pag goˊ eˋ jienˊ a zauˊ zauˊ eˊ ，qiu hoˋ canˋ hiˋ loiˇ eˇ！	這條魚煎到乾乾時，就可以起鍋了！
lbk15_179	做粄仔析米漿愛析啊燥燥溓溓正好做頭路。	zo banˋ eˋ sagˋ miˋ jiongˊ oi sagˋ a zauˊ zauˊ liamˋ liamˋ nang hoˋ zo teuˇ lu 。	做粿要先將米漿脫水、壓乾後才可以開始做。
lbk15_180	這豬嫲養十二隻，結果兩隻媸尾仔蓋可惜。	iaˋ zuˊ maˇ iongˊ siib ngi zagˋ ，giadˋ goˋ liongˋ zagˋ zeˊ miˊ eˋ goi koˋ xidˋ 。	這隻母豬生了十二隻小豬，結果有兩隻長得特別小的活不成，可惜了。
lbk15_181	細人仔蓋好搞水，落雨天涉上涉下，實在蓋得人畏哦！	se nginˇ eˋ goi hau gauˋ suiˋ ，log iˋ tienˊ zeb songˊ zeb haˊ ，siid cai goi dedˋ nginˇ vi ioˊ ！	小孩子很喜歡玩水，下雨天在水地上走來走去，實在令人不舒服哦！
lbk15_182	見有人客來，阿公就會撮茶心泡茶。	gian iuˊ nginˇ hagˋ loiˇ ，aˊ gungˊ qiu voi zebˋ caˇ ximˊ pau caˇ 。	每次有客人來，爺爺就會拿茶葉泡茶。
lbk15_183	這個細人仔將把厥姆个袋仔撮上撮下，毋知在該揙麼个東西？	iaˋ ge se nginˇ eˋ jiongˊ baˋ iaˊ meˊ ge toi eˋ zebˋ songˊ zebˋ haˊ ，mˇ diˊ tiˊ geˋ bienˋ maˋ ge dungˊ xiˊ ？	這個小孩將他媽媽的袋子翻來翻去，不知道在找什麼東西？
lbk15_184	這下忒大箍，入門愛側側吔正尖得入。	iaˋ ha tedˋ tai koˊ ，ngib munˇ oi zedˋ zedˋ eˊ nang jiamˊ eˋ ngib 。	現在太胖了，要側身才進得了門。
lbk15_185	阿嬤今晡朝晨買豬肉，這下砧砧剁剁愛做肉丸。	aˊ ma ginˊ bunˊ zeuˊ siinˇ maiˊ zuˊ ngiugˋ，iaˋ ha zemˊ zemˊ dog dog oi zo ngiugˋ ianˇ 。	今天早上奶奶買了豬肉，現在忙著料理肉丸子。
lbk15_186	頭擺人，每日都愛㧡豬菜歸來砧豬菜、煮汁。	teuˇ baiˋ nginˇ ，miˊ ngidˋ duˊ oi kaiˊ zuˊ coi guiˊ loiˇ zemˊ zuˊ coi 、zuˋ ziibˋ 。	以前的人，每天都要挑地瓜葉回家剁一剁煮給豬吃。
lbk15_187	食頭路个人，蓋多文件都愛撍官印正有效。	siid teuˇ lu ge nginˇ ，goi doˊ vunˇ kian duˊ oi zemˋ gonˊ in nang iuˊ hauˋ 。	任職公務的人，很多文件都要蓋關防才有效。
lbk15_188	𠊎頭那毋鬆爽，故所緊撍股鑿。	ngaiˇ teuˇ naˇ mˇ sungˊ songˋ ，gu soˋ ginˋ zemˋ guˋ cog。	我的頭不舒服，所以一直用手指的關節敲頭。
lbk15_189	這個社會蓋現實，「增言之人有，贈金之人無」，在這仔生活實在難耐。	iaˋ ge sa fi goi hian siid ，「zen ngianˇ ziiˊ nginˇ iuˊ ，zen gimˊ ziiˊ nginˇ moˇ 」，teˊ iaˋ eˊ senˊ fad siid cai nanˇ ngai 。	這個社會很現實，「說閒話的人多，送錢相助的少」，在這兒生活實在令人難以忍受。
lbk15_190	到底「增了他人志，宕了自己工」係戇也係精？這無一個固定个答案。	do daiˋ 「zenˊ liauˋ taˊ nginˇ zii ，tong liauˋ cii giˋ gungˊ 」he ngong iaˊ he jinˊ ？iaˋ moˇ idˋ ge gu tin ge dabˋ on 。	到底「成就了他人，自己的工作卻延宕了」是笨還是聰明？這沒有一個固定的答案。
lbk15_191	做人愛和氣，頭擺人有講：「爭氣莫爭財」，蓋有道理。	zo nginˇ oi foˇ hi ，teuˇ baiˋ nginˇ iuˊ gongˋ ：「zenˊ hi mog zenˊ coiˇ 」，goi iuˊ to liˊ 。	做人要和氣，以前人說：「要爭義氣，莫爭橫財」，很有道理。
lbk15_192	頭擺，有兜無老公个婦人家，為了愛分細人仔有一個完整个家庭，就會招夫養子。	teuˇ baiˋ ，iuˊ deuˊ moˇ loˋ gungˊ ge fu nginˇ gaˊ ，vi liauˋ oi bunˊ se nginˇ eˋ iuˊ idˋ ge vanˇ ziinˋ ge gaˊ tinˇ ，qiu voi zeuˊ fuˊ iongˊ ziiˋ 。	以前，有些沒有老公的婦女，為了要讓孩子有一個完整的家庭，就會招贅來養育孩子。
lbk15_193	頭擺人會講：「朝毋食金針，夜毋食木耳」，這係一種養生个經驗。	teuˇ baiˋ nginˇ voi gongˋ ：「zeuˊ mˇ siid gimˊ ziimˊ ，ia mˇ siid mugˋ miˋ 」，iaˋ he idˋ zungˋ iongˊ senˊ ge ginˊ ngiam 。	以前人會說：「早上不能吃金針，晚上不能吃木耳」，這是一種養生的經驗談。
lbk15_194	頭擺人係無降著倈仔，就會招婿郎。	teuˇ baiˋ nginˇ he moˇ giung doˋ lai eˋ ，qiu voi zeuˊ se nongˇ 。	以前的人若沒有生到兒子，就會招女婿。
lbk15_195	你朝晨暗晡都看毋著人，斯做麼个大頭路係麼？	ngˇ zeuˊ siinˇ am buˊ duˊ kon mˇ doˋ nginˇ ，siiˇ zo maˋ ge tai teuˇ lu he meˇ ？	你從早到晚都看不到人，是做什麼大事業嗎？
lbk15_196	你毋好忒縱細人仔，今哪細人仔係「走啊頭那頂高屙尿」，你就有好噭吔。	ngˇ mˇ hoˋ tedˋ jiungˋ se nginˇ eˋ ，ginˊ na se nginˇ eˋ he 「zeuˋ a teuˇ naˇ dangˋ goˊ oˊ ngiau 」，ngˇ qiu iuˊ hoˋ gieu eˇ。	你不要太寵孩子，將來孩子如果「爬到你頭上灑尿」，你就有得哭了。
lbk15_197	頭擺，細妹仔係登常同細倈仔攞共下，就會分人講係「走聲豬嫲──見樹磨」。	teuˇ baiˋ ，se moi eˋ he denˊ songˇ tungˇ se lai eˋ loˊ kiung ha ，qiu voi bunˊ nginˇ gongˋ he 「zeuˋ sangˊ zuˊ maˇ ──gian su mo 」。	以前，女孩子如果經常跟男孩子混在一起，就會被人家說是「發情的母豬一看到樹木便靠前磨擦身體」。
lbk15_198	佢從細就跈等爺哀一哪仔走上走下，故所見過个世面比一般人多。	iˇ qiungˇ se qiu tenˇ nenˋ iaˇ oiˊ idˋ naiˋ eˋ zeuˋ songˊ zeuˋ haˊ ，gu soˋ gian go ge sii mien biˋ idˋ banˊ nginˇ doˊ 。	他從小就跟著父母到處奔波，所以見過的世面比一般人多。
lbk15_199	頭擺蓋多美濃人出去外項打拚吔一生人，到老還係會歸來家鄉，佢等講：「走上走下，毋當美濃山下」。	teuˇ baiˋ goi doˊ miˇ nungˇ nginˇ cudˋ hi ngoi hong daˋ bia eˇ idˋ senˊ nginˇ，do loˋ hanˇ he voi guiˊ loiˇ gaˊ hiongˊ ，iˇ denˊ gongˋ ：「zeuˋ songˊ zeuˋ haˊ ，mˇ dong miˇ nungˇ sanˊ haˊ 。」	以前很多美濃人出外打拚了一輩子，到老還是會回來家鄉，他們說：「四處遊歷，最終才發現還是美濃最好」。
lbk15_200	一個人係分人翕啊走投無路吔，就會毋顧一切緊拚路去喲！	idˋ ge nginˇ he bunˊ nginˇ hibˋ a zeuˋ teuˇ moˇ lu eˇ，qiu voi mˇ gu idˋ qiedˋ ginˋ bia lu hi ioˊ！	一個人若是被人欺壓得走投無路了，就會不顧一切的反擊過去喲！
lbk15_201	細倈仔共下，蓋會聽著佢等罵毋跈陣个人「膣唄」。	se lai eˋ kiung ha ，goi voi tangˊ doˋ iˇ denˊ ma mˇ tenˇ ciin ge nginˇ 「ziiˊ biedˋ」。	男生在一起，很常聽到他們罵不合群的人「膣唄」。
lbk15_202	該人淨一張嘴膣油借借，麼个都毋做。	ge nginˇ qiang idˋ zongˊ zoi ziiˊ iuˇ jia jia ，maˋ ge duˊ mˇ zo 。	那個人就一張嘴光說不練，什麼都不毋做。
lbk15_203	若拉朳園㧗麻扡草，斯愛仰呢入去呢？	ngiaˊ laˇ pad ianˇ ziiˊ maˇ iaˋ coˋ ，siiˇ oi ngiongˋ eˊ ngib hi noˋ ？	你的芭樂園裡草長得亂七八糟，是要怎麼進去呢？
lbk15_204	該人蓋膣毛瑣澀，你想愛同佢邋菜秧仔，𠊎看斯怕河壩底青青个麼个呀—有絲吔！	ge nginˇ goi ziiˊ moˊ soˋ sebˋ ，ngˇ xiongˋ oi ganˋ iˇ lab coi iongˊ eˋ ，ngaiˇ kon siiˇ pa hoˇ ba daiˋ qiangˊ qiangˊ ge maˋ ge iaˇ —iuˊ seˊ eˇ！	那個人很小氣又愛計較，你想跟他要一些菜苗，我看是像河底綠色的什麼—有蘚了（諧音「有舐吔」，喻別想了）！
lbk15_205	你就係一張嘴膣喃膣呷，他人正會恁畏你。	ngˇ qiu he idˋ zongˊ zoi ziiˊ namˇ ziiˊ gab ，taˊ nginˇ nang voi anˋ vi ngˇ 。	你就是一張嘴亂講話，別人才會這麼討厭你。
lbk15_206	該人不時發酒癲，一哪仔膣膣屄屄緊罵人。	ge nginˇ budˋ siiˇ bodˋ jiuˋ dienˊ ，idˋ naiˋ eˋ ziiˊ ziiˊ baiˇ baiˇ ginˋ ma nginˇ 。	那個人常常發酒瘋到處罵人，很令人討厭。
lbk15_207	𠊎頭擺聽過阿嬤罵伯姆、姆姆佢等講：「你等毋好閒閒在這膣膣葉葉講揫著有个無个。」	ngaiˇ teuˇ baiˋ tangˊ go aˊ poˇ ma bagˋ meˊ、meˊ meˊ iˇ denˊ gongˋ：「ngˇ denˊ mˇ hoˋ hanˇ hanˇ tiˊ iaˋ ziiˊ ziiˊ iab iab gongˋ qiuˊ doˋ iuˊ ge moˇ ge 。」	我以前聽過奶奶罵伯母、嬸嬸他們說：「你們不要閒著在這裡說人是非、講一堆有的沒的。」
lbk15_208	這兜紙筆墨硯係頭擺公太留下來个東西。	iaˋ deuˊ ziiˋ bidˋ med ian he teuˇ baiˋ gungˊ tai liuˇ haˊ loiˇ ge dungˊ xiˊ 。	這些文房四寶是以前我曾祖父留下來的東西。
lbk15_209	這事情恁大條，絕對紙包火毋核，你愛老實同若爺哀講清楚來。	iaˋ sii qinˇ anˋ tai tiauˇ ，qied dui ziiˋ bauˊ foˋ mˇ hed ，ngˇ oi loˋ siid tungˇ ngiaˊ iaˇ oiˊ gongˋ qinˊ cuˋ loiˇ 。	這事情很嚴重，絕對很難隱瞞，你要老實和你父母說明清楚。
lbk15_210	人講：「子多冤愆」，細人仔忒多，做爺哀个乜清苦。	nginˇ gongˋ ：「ziiˋ doˊ ianˊ kianˊ 」，se nginˇ eˋ tedˋ doˊ ，zo iaˇ oiˊ ge me qinˊ kuˋ 。	俗話說：「子女多，紛爭也多」，子女太多，當父母的也辛苦。
lbk15_211	愛做事就毋好驚人講，老上人講个：「子多冤愆，妹多閒纏，人多就閒言。」係驚驚縮縮，麼个事頭就毋使做吔。	oi zo sii qiu mˇ hoˋ giangˊ nginˇ gongˋ ，loˋ song nginˇ gongˋ ge ：「ziiˋ doˊ ianˊ kianˊ ，moi doˊ hanˇ canˇ ，nginˇ doˊ qiu hanˇ ngianˇ 。」he giangˊ giangˊ sugˋ sugˋ ，maˋ ge se teuˇ qiu mˇ siiˋ zo eˇ。	要做事就不要怕人說話，俗話說：「人一多，事情和麻煩就跟著來。」若畏畏縮縮，什麼事情都不用做了。
lbk15_212	該人一哪仔指胡詑風，斷真盡惡跡！	ge nginˇ idˋ naiˋ eˋ ziiˋ fuˇ tadˋ fungˊ ，don ziinˊ qin ogˋ jidˋ ！	那人到處詐欺拐騙，真是可惡！
lbk15_213	該都無影个事，你毋好跈人指風畫影。	ge duˊ moˇ iangˋ ge sii ，ngˇ mˇ hoˋ tenˇ nginˇ ziiˋ fungˊ fa iangˋ 。	那根本就不是事實，你不要跟著別人捕風捉影。
lbk15_214	你係只顧眼前花，日後會㧡枷呢！你愛愐正來喲！	ngˇ he ziiˋ gu ngianˋ qienˇ faˊ ，ngidˋ heu voi kaiˊ gaˊ neˊ！ngˇ oi menˋ zang loiˇ ioˊ！	你若只顧眼前享受，以後負擔會很重喲！你要想好呀！
lbk15_215	客家人盡重視宗族个關係，認為比親戚過重要，故所會講：「只有千年个家族，無百年个親戚」。	hagˋ gaˊ nginˇ qin cung sii zungˊ cug ge guanˊ hen ，ngin viˇ biˋ qinˊ qidˋ go cung ieu ，gu soˋ voi gongˋ ：「ziiˋ iuˊ qienˊ ngianˇ ge gaˊ cug ，moˇ bagˋ ngianˇ ge qinˊ qidˋ 」。	客家人很重視宗族的關係，認為比親戚來得重要，所以會說：「只有千年的家族，沒有百年的親戚。」
lbk15_216	這籃球教練指名道姓，喚阿明牯加入學校个籃球隊。	iaˋ namˇ kiuˇ gau lien ziiˋ miangˇ to xiang ，vonˋ aˊ minˇ guˋ gaˊ ngib hog gauˋ ge namˇ kiuˇ dui 。	這籃球教練直接指名，要阿明加入學校的籃球隊。
lbk15_217	佢頭擺降啊盡多細人仔，毋過毋係嫁啊外國就係歇在台北，全全無人肯歸來照顧佢等，這正式就係人講个：「子女降啊歸波攞，屋下兩老仔自家煲。」	iˇ teuˇ baiˋ giung a qin doˊ se nginˇ eˋ ，mˇ go mˇ he ga a ngoi guedˋ qiu he hedˋ teˊ toiˇ bedˋ ，qionˇ qionˇ moˇ nginˇ henˋ guiˊ loiˇ zeu gu iˇ denˊ ，iaˋ ziin siidˋ qiu he nginˇ gongˋ ge ：「ziiˋ ngˋ giung a guiˊ poˊ loˊ ，lugˋ kaˊ liongˋ loˋ eˋ qid gaˊ boˊ 。」	她早年生了很多子女，但不是嫁到國外就住在台北，完全沒人願意回來照顧他們，這正如俗話說的：「不孝的子女生了一大堆，兩位老人家卻沒人照顧。」
lbk15_218	這細嬰兒仔生來子肉肉仔，實在得人惜。	iaˋ se oˊ ngaˇ eˋ sangˊ loiˇ ziiˋ ngiugˋ ngiugˋ eˊ ，siid cai dedˋ nginˇ xiagˋ 。	這嬰兒長得皮膚細嫩可愛，很討人喜愛。
lbk15_219	𠊎又無得失著你，你仰在該譴膣膣仔指牛罵馬呢？	ngaiˇ iu moˇ dedˋ siidˋ doˋ ngˇ ，ngˇ ngiongˋ teˊ geˋ kienˋ ziiˊ ziiˊ eˊ ziiˋ ngiuˇ ma maˊ noˋ ？	我又沒得罪你，你幹嘛在那裡生氣、指桑罵槐呢？
lbk15_220	人來就好吔，仰大擐細擐恁仔細呢？	nginˇ loiˇ qiu hoˋ eˇ，ngiongˋ tai kuan se kuan anˋ ziiˋ se noˋ ？	人來就好了，何必大包小包的這麼客氣呢？
lbk15_221	這兜契字你從頭疊尾都紙頭無名，紙尾無姓，何麼死苦恁認真呢？	iaˋ deuˊ kie sii ngˇ qiungˇ teuˇ tiab miˊ duˊ ziiˋ teuˇ moˇ miangˇ ，ziiˋ miˊ moˇ xiang ，hoˇ maˋ xiˋ kuˋ anˋ ngin ziinˊ noˋ ？	這些地契從頭到尾都看不到你的姓名，何必這麼認真呢？
lbk15_222	這張契約紙頭紙尾都無若名，你恁雞婆做麼个？	iaˋ zongˊ kie iogˋ ziiˋ teuˇ ziiˋ miˊ duˊ moˇ ngiaˊ miangˇ ，ngˇ anˋ gieˇ boˇ zo maˋ ge ？	這整份契約都沒你的名字，你這麼多事幹嘛？
lbk15_223	頭擺在鄉下，細妹仔係無嫁擐人，一出啊去就會分人指指點點。	teuˇ baiˋ teˊ xiongˊ haˊ ，se moi eˋ he moˇ ga kuan nginˇ ，idˋ cudˋ a hi qiu voi bunˊ nginˇ ziiˋ ziiˋ diamˋ diamˋ 。	以前在鄉下，女孩子如果未婚懷孕，一出去就會被人在背後說話。
lbk15_224	佢等屋下有口，每一個細人仔都畜啊子子肉肉，盡嬌尸喔！	iˇ denˊ lugˋ kaˊ iuˊ heuˋ ，miˊ idˋ ge se nginˇ eˋ duˊ hiugˋ a ziiˋ ziiˋ ngiugˋ ngiugˋ ，qin gieuˊ siiˊ oˊ！	他們家有錢，每個小孩都養得細皮嫩肉，非常嬌貴呀！
lbk15_225	佢做事從旦裡來就仔仔細細，毋會儘採。	iˇ zo sii qiungˇ dan liˊ loiˇ qiu ziiˋ ziiˋ se se ，mˇ voi qin caiˊ 。	他做事一向謹慎，從不輕率。
lbk15_226	佢盡譴厥男朋友看別个細妹仔，就盡命牯同指甲揕落肉，害厥男朋友痛啊哇哇滾。	iˇ qin kienˋ iaˊ namˇ penˇ iuˊ kon pied ge se moi eˋ，qiu qin miang guˋ tungˇ ziiˋ gabˋ ziim log ngiugˋ ，hoi iaˊ namˇ penˇ iuˊ tung a va va gunˋ 。	她很氣她男朋友看別的女孩子，就用力把指甲刺入他的肌肉中，害他男朋友痛得哇哇叫。
lbk15_227	結婚還係人生大事，你等兩儕愛好好啊斟酌商量。	giadˋ funˊ hanˇ he nginˇ senˊ tai sii ，ngˇ denˊ liongˋ saˇ oi hoˋ hoˋ a ziimˊ zogˋ songˊ liongˇ 。	結婚是人生大事，你們要好好的審慎商量。
lbk15_228	這擺个乒乓決賽選手，係全世界最登真个兩個人，斷真係針仔堵著鑽仔，有好戲看吔！	iaˋ baiˋ ge pinˊ pongˋ giadˋ soi xienˋ suˋ ，he qionˇ sii giai zuiˋ denˊ ziinˊ ge liongˋ ge nginˇ ，don ziinˊ he ziimˊ eˋ duˇ doˋ zon eˋ ，iuˊ hoˋ hi kon eˊ！	這次的桌球決賽選手，是全世界排名最佳的兩位，真的是旗鼓相當，有好戲看了！
lbk15_229	這個人嶄然勤儉，使錢蓋像針頭削鐵。	iaˋ ge nginˇ zamˋ manˇ kiunˇ kiam ，siiˋ qienˇ goi qiong ziimˊ teuˇ xiogˋ tiedˋ 。	這個人非常勤儉，用錢時再三思量十分節儉。
lbk15_230	再加半隻月添，涔涔雨就會來吔！	zai gaˊ ban zagˋ ngiad tiamˊ ，ziimˊ ziim iˋ qiu voi loiˇ eˊ！	再過半個月，雨季就會來了！
lbk15_231	駛車仔个人愛針針火眼看大路。	siiˋ caˊ eˋ ge nginˇ oi ziimˊ ziimˊ foˋ ngianˋ kon tai lu 。	開車的人要睜大眼睛看路。
lbk15_232	這家人个屋仔起啊嶄然登真，看厥正身廳下就知得吔！	iaˋ gaˊ nginˇ ge vugˋ eˋ hiˋ a zamˋ manˇ denˊ ziinˊ，kon iaˊ ziin siinˊ tangˊ haˊ qiu diˊ dedˋ eˇ！	這家人的房子蓋的很棒，從正廳就看得出來。
lbk15_233	真堵好𠊎愛去高雄，同你坐共枋車。	ziinˊ duˋ hoˋ ngaiˇ oi hi goˊ hiungˇ ，tungˇ ngˇ coˊ kiung biongˊ caˊ 。	剛好我要去高雄，跟你坐同班車。
lbk15_234	老古言語有講：「真藥醫假病」，正式係得著大病吔，神仙都難醫哦！	loˋ guˋ ngianˇ ngiˊ iuˊ gongˋ ：「ziinˊ iog iˊ gaˋ piang 」，ziin siidˋ he dedˋ doˋ tai piang eˇ ，siinˇ xienˊ duˊ nanˇ iˊ ioˊ ！	諺語說：「藥只能醫好普通的病痛」，若真的生重病，連神仙都難治療了！
lbk15_235	搞政治个人真真假假，正式會騙死人。	gauˋ ziin zii ge nginˇ ziinˊ ziinˊ gaˋ gaˋ ，ziin siidˋ voi pien xiˋ nginˇ 。	搞政治的人真真假假難以分辨，真的很會騙人。
lbk15_236	美濃人講：「做賊个驚人偷，做泥水个驚屋漏，做木匠个驚桁仔翹」，這實在講啊有道理，每一個人都有自家个難處啊！	miˇ nungˇ nginˇ gongˋ ：「zo ced ge giangˊ nginˇ teuˊ ，zo naiˇ suiˋ ge giangˊ vugˋ leu ，zo mugˋ xiong ge giangˊ hangˇ eˋ hieu 」，iaˋ siid cai gongˋ a iuˊ to liˊ ，miˊ idˋ ge nginˇ duˊ iuˊ qid gaˊ ge nanˇ cu aˊ ！	美濃人說：「當小偷的怕人偷，當泥水匠的怕房子會漏，當木匠師的害怕木條會彎曲。」這實在說的有道理，每一個人都有自己的困難點！
lbk15_237	鳥仔做竇生卵，毋曾脫胛毋好去摝佢，也毋好去偷扭，恁呢正有道德。	diauˊ eˋ zo deu sangˊ lonˋ ，mˇ qienˇ todˋ gabˋ mˇ hoˋ hi lugˋ iˇ ，iaˊ mˇ hoˋ hi teuˊ neuˋ ，anˋ neˊ nang iuˊ to dedˋ 。	小鳥築巢下蛋，翅膀還沒長硬不要去干擾牠，也不要去偷抓，這樣才有功德心。
lbk15_238	這個細妹仔蓋做家，蓋多人都想愛娶來做心臼。	iaˋ ge se moi eˋ goi zo gaˊ ，goi doˊ nginˇ duˊ xiongˋ oi qiˋ loiˇ zo ximˊ kiuˊ 。	這個女孩子勤儉持家，很多人都想要娶來當媳婦。
lbk15_239	做人个子女，仰仔都愛做家𢯭份，同爺哀𢯭手。	zo nginˇ ge ziiˋ ngˋ ，ngiongˋ eˊ duˊ oi zo gaˊ ten fun ，tungˇ iaˇ oiˊ ten suˋ 。	為人子女，再怎麼辛苦，都要幫忙父母分攤家務。
lbk15_240	「做官錢，一陣煙；生理錢，取眼前；汗卵錢，萬萬年。」這老古言語講个實在有道理，𠊎等做人做事愛講道德良心正有底仔。	「zo gonˊ qienˇ ，idˋ ciin ianˊ ；senˊ liˊ qienˇ ，qiˋ ngianˋ qienˇ ；hon lonˋ qienˇ ，van van ngianˇ 。」iaˋ loˋ guˋ ngianˇ ngiˊ gongˋ ge siid cai iuˊ to liˊ ，ngaiˇ nenˊ zo nginˇ zo sii oi gongˋ to dedˋ liongˇ ximˊ nang iuˊ daiˋ eˋ 。	「辛苦賺的血汗錢才是根本，做官、做生意賺的錢都是過眼雲煙。」這句諺語說的實在有道理，我們做人做事要憑道德良心才對。
lbk15_241	「做官清廉，食飯攞鹽」，這句話係講：清廉个人愛嶄然食苦，毋係恁簡單做。	「zo gonˊ qinˊ liamˇ ，siid fan loˊ iamˇ 」，iaˋ gi fa he gongˋ ：qinˊ liamˇ ge nginˇ oi zamˋ manˇ siid kuˋ ，mˇ he anˋ gianˋ danˊ zo 。	「當官清廉，吃飯配鹽」，這句話是說：清廉的人要淡薄名利，這不是件容易的事。
lbk15_242	𠊎頭擺手腳嶄然慢，吾爸不時罵𠊎「做鬼搶人毋贏」。	ngaiˇ teuˇ baiˋ suˋ giogˋ zamˋ manˇ man ，ngaˊ baˊ budˋ siiˇ ma ngaiˇ 「zo guiˋ qiongˋ nginˇ mˇ iangˇ 」。	我以前動作非常慢，我爸常罵我「當鬼也搶不贏別人」。
lbk15_243	做人心臼實在難，做好、做壞都有人會講閒話，正式係「做好無阿𧩣，做壞無好腦。」	zo nginˇ ximˊ kiuˊ siid cai nanˇ ，zo hoˋ 、zo faiˋ duˊ iuˊ nginˇ voi gongˋ hanˇ fa ，ziin siidˋ he 「zo hoˋ moˇ oˊ noˋ ，zo faiˋ moˇ hoˋ noˋ 。」	媳婦難為，無論怎麼做都有人會說閒話，真的是「做得好，無人稱讚；做壞了，是要負責任的。」
lbk15_244	「做一銀，食八角，新衫新褲有好著；做一皮，食皮二，一生做死還債利。」這句老古言語勸話𠊎等大家，賺錢、使錢愛會算、會除，正毋會苦一生。	「zo idˋ ngiunˇ ，siid badˋ gogˋ ，xinˊ samˊ xinˊ fu iuˊ hoˋ zogˋ ；zo idˋ piˇ ，siid piˇ ngi ，idˋ senˊ zo xiˋ vanˇ zai li 。」iaˋ gi loˋ guˋ ngianˇ ngiˊ kian va ngaiˇ nenˊ tai gaˊ ，con qienˇ 、siiˋ qienˇ oi voi son 、voi cuˇ ，nang mˇ voi kuˋ idˋ senˊ 。	「賺一元，花八角，新衣新褲有得穿；賺一角，花一角多，一輩子做到死都在還債。」這句諺語是奉勸我們大家，賺錢、花錢要會理財，才不會貧窮一輩子。
lbk15_245	做人愛曉得做開交、曉得交際，人面正會闊。	zo nginˇ oi hiauˋ dedˋ zo koiˊ gauˊ 、hiauˋ dedˋ gauˊ ji ，nginˇ mien nang voi fadˋ 。	做人要懂得與人往來、互動交流，人脈才會廣。
lbk15_246	𠊎同你𢯭手𢯭到這，尾項愛靠你自家吔，因為「做媒人，無人包降倈仔个」。	ngaiˇ tungˇ ngˇ ten suˋ ten do iaˋ ，miˊ hong oi ko ngˇ qid gaˊ eˇ ，inˊ vi 「zo moiˇ nginˇ ，moˇ nginˇ bauˊ giung lai eˋ 」ge 。	我幫你幫到這裡，接下來要靠你自己了，因為「別人幫忙做事，不可能樣樣全包的」。
lbk15_247	𠊎實在還戇哦！同佢𢯭手做頭路，結果𠊎又墊錢，正式像人講个「做媒人墊出本」，算毋和喔！	ngaiˇ siid cai hanˇ ngong oˊ ！tungˇ iˇ ten suˋ zo teuˇ lu ，giadˋ goˋ ngaiˇ iu tiabˋ qienˇ ，ziin siidˋ qiong nginˇ gongˋ ge 「zo moiˇ nginˇ tiabˋ cudˋ bunˋ 」，son mˇ foˇ oˊ！	我實在真笨哦！協助他創業，結果我還幫他墊錢，真的像人們說的「當媒人還賠錢」，划不來喔！
lbk15_248	你這個人無本事又蓋好一哪仔唆是弄非，𠊎看你斯「做人嫌忒細，做膦又嫌忒大」，無搞！	ngˇ iaˋ ge nginˇ moˇ bunˋ sii iu goi hau idˋ naiˋ eˋ soˊ sii nungˋ fiˊ ，ngaiˇ kon ngˇ siiˇ 「zo nginˇ hiamˇ tedˋ se ，zo linˋ iu hiamˇ tedˋ tai 」，moˇ gauˋ ！	你這個人沒本事又愛到處惹事生非，我看你是「當人嫌太小，當生殖器又嫌太大」，差勁！
lbk15_249	佢就係做人毋上陣，正會無半息朋友。	iˇ qiu he zo nginˇ mˇ songˊ ciin ，nang voi moˇ ban xid penˇ iuˊ 。	他就是人際關係不佳，才會一個朋友都沒有。
lbk15_250	該人死良絕心，做人無𢳆轉來看，實在惡跡。	ge nginˇ xiˋ liongˇ qied ximˊ ，zo nginˇ moˇ ngau zonˋ loiˇ kon ，siid cai ogˋ jidˋ 。	那個人很沒良心，壞事做絕、不講天理，實在可惡。
lbk15_251	人講：「做人妹仔閒又閒，做人心臼難又難」，講實在，人心愛完全無分別斷真蓋難。	nginˇ gongˋ ：「zo nginˇ moi eˋ hanˇ iu hanˇ ，zo nginˇ ximˊ kiuˊ nanˇ iu nanˇ 」，gongˋ siid cai ，nginˇ ximˊ oi vanˇ qionˇ moˇ funˊ pied don ziinˊ goi nanˇ 。	俗話說：「當人家女兒時很清閒，做人媳婦時卻很難為」，說實在的，人心要能夠完全沒有分別還真的很難。
lbk15_252	你無聽人講過麼？「做人愛講三分理，落鑊愛算幾升米」，哪有人做事情像你恁呢無講道理个。	ngˇ moˇ tangˊ nginˇ gongˋ go meˇ ？「zo nginˇ oi gongˋ samˊ funˊ liˊ ，log vog oi son giˋ siinˊ miˋ 」，naiˋ iuˊ nginˇ zo sii qinˇ qiong ngˇ anˋ neˊ moˇ gongˋ to liˊ ge 。	你沒聽人家說過嗎？「做人要講三分理，下鍋要算幾升米」，哪有人做事情像你這樣不講道理的。
lbk15_253	人講：「做人愛靈通，燒火愛窿空。」故所，死古膦執个人就不時會同人擆胛。	nginˇ gongˋ ：「zo nginˇ oi linˇ tungˊ ，seuˊ foˋ oi lungˇ kungˊ。」gu soˋ ，xiˋ guˋ linˋ ziibˋ ge nginˇ qiu budˋ siiˇ voi tungˇ nginˇ cogˋ gabˋ 。	人家說：「做人要靈活，燒柴火要有空隙。」所以，固執而不知變通的人就常常會跟人家起衝突。
lbk15_254	頭擺阿爸會講：「做人愛大慨，賺錢正會堆」，像你恁呢齧察又蓋計較，仰有可能賺大錢？	teuˇ baiˋ aˊ baˊ voi gongˋ ：「zo nginˇ oi tai koiˋ ，con qienˇ nang voi doiˋ 」，qiong ngˇ anˋ neˊ ngadˋ cadˋ iu goi gie gauˋ ，ngiongˋ iuˊ koˋ nenˇ con tai qienˇ ？	以前爸爸會說：「做人要慷慨，才能賺大錢」，像你這樣吝嗇小氣又愛計較，怎麼有可能賺大錢？
lbk15_255	阿爸不時同𠊎等講：「做人守份就愛做，做牛認命就愛拖，做一行怨一行个人定著毋會有出息。」	aˊ baˊ budˋ siiˇ tungˇ ngaiˇ nenˊ gongˋ ：「zo nginˇ suˋ fun qiu oi zo ，zo ngiuˇ ngin miang qiu oi toˊ ，zo idˋ hongˇ ian idˋ hongˇ ge nginˇ tin cog mˇ voi iuˊ cudˋ xidˋ 。」	爸爸經常跟我們說：「做人守份就是要做事，做牛認命就是要拖犁，做一行怨一行的人一定不會有出息。」
lbk15_256	「灶頭鑊尾」係頭擺傳統禮教對細妹仔个要求，意思係講，細妹仔愛對燒火煮飯這兜事頭蓋熟絡。	「zo teuˇ vog miˊ 」he teuˇ baiˋ conˇ tungˋ liˊ gau dui se moi eˋ ge ieuˊ kiuˇ ，i sii he gongˋ ，se moi eˋ oi dui seuˊ foˋ zuˋ fan iaˋ deuˊ se teuˇ goi sug log 。	「灶頭鍋尾」是以前傳統禮教對女孩子的要求，意思是說，女孩子要對升火煮飯這些事情很熟練。
lbk15_257	人講：「哀仔就係哀仔，做討食教化，乜愛跈哀仔食」，在阿姆身邊，對子女來講就係一種安全感。	nginˇ gongˋ ：「oiˊ eˋ qiu he oiˊ eˋ ，zo toˋ siid gau fa ，me oi tenˇ oiˊ eˋ siid 」，teˊ aˊ meˊ siinˊ bienˊ ，dui ziiˋ ngˋ loiˇ gongˋ qiu he idˋ zungˋ onˊ qionˇ gamˋ 。	俗話說：「母親就是母親，即使當乞丐，也要跟著媽媽吃」，在母親身邊，對子女而言就是一種安全感。
lbk15_258	你這個人蓋劣拙，「做毒藥毒人毋死，做藥又救人毋生」，做麼个漦好！	ngˇ iaˋ ge nginˇ goi lodˋ zodˋ ，「zo tug iog teu nginˇ mˇ xiˋ ，zo iog iu giu nginˇ mˇ sangˊ 」，zo maˋ ge xiauˇ hoˋ！	你這個人很糟糕，「當毒藥毒不死人，當藥又救不了人」，你能做什麼好！
lbk15_259	𠊎看著阿明牯屋下在該做齋唸經，係毋係有麼个大事吔？	ngaiˇ kon doˋ aˊ minˇ guˋ lugˋ kaˊ teˊ geˋ zo zaiˊ ngiam ginˊ ，he mˇ he iuˊ maˋ ge tai sii eˇ？	我看到阿明家裡在做法事，是不是有什麼大事了？
lbk15_260	你一等會糟挕人，故所，大家人都毋好同你有來去。	ngˇ idˋ denˋ voi zoˊ diab nginˇ ，gu soˋ ，tai gaˊ nginˇ duˊ mˇ hau tungˇ ngˇ iuˊ loiˇ hi 。	你就會專門找人麻煩，所以，大家都不喜歡跟你有來往。
lbk15_261	佢恁純良，你毋好將把佢來糟墨。	iˇ anˋ sunˇ liongˇ ，ngˇ mˇ hoˋ jiongˊ baˋ iˇ loiˇ zoˇ med 。	他這麼純潔善良，你不可以老是欺負他。
lbk15_262	唉！「早知先日愛做家，毋會今日浴堂準灶下」，𠊎就係後生時節毋曉愐，這下到老吔正會苦啊屙痢肚。	aiˋ ！「zoˋ diˊ xienˊ ngidˋ oi zo gaˊ ，mˇ voi ginˊ ngidˋ iog tongˇ zunˋ zo haˊ 」，ngaiˇ qiu he heu sangˊ siiˇ jiedˋ mˇ hiauˋ menˋ ，iaˋ ha do loˋ eˇ nang voi kuˋ a oˊ li duˋ 。	唉！「如果當初能勤儉持家，如今就不會窮得把浴室當廚房」，我就是年輕時不會想，現在到老了才會苦哈哈。
lbk15_263	老古人言講：「早䟘三朝當過一工，早䟘三年當過一冬。」這句話係勸話後代子孫愛養成早睡早䟘个好習慣，生活正常身體就會好，做出來个事情定著比他人好。	loˋ guˋ nginˇ ngianˇ gongˋ ：「zoˋ hong samˊ zeuˊ dong go idˋ gungˊ ，zoˋ hong samˊ ngianˇ dong go idˋ dungˊ。」iaˋ gi fa he kian va heu toi ziiˋ sunˊ oi iongˊ siinˇ zoˋ soi zoˋ hong ge hoˋ xib gon ，senˊ fad ziin songˇ siinˊ tiˋ qiu voi hoˋ ，zo cudˋ loiˇ ge sii qinˇ tin cog biˋ taˊ nginˇ hoˋ 。	客家諺語：「早起三朝抵過一工時的成效，早起三年抵過一年工作的成效。」這句話是奉勸後代子孫要養成早睡早起的好習慣，生活正常身體自然就好，做出來的事情一定比別人好。
lbk15_264	有一句話講：「早酒，夜茶，天光色」，意思係講，打早啉酒、半夜啉茶、天光吔做房事都係蓋傷身个。	iuˊ idˋ gi fa gongˋ ：「zoˋ jiuˋ ，ia caˇ ，tienˊ gongˊ sedˋ 」，i sii he gongˋ ，daˋ zoˋ limˊ jiuˋ 、ban ia limˊ caˇ 、tienˊ gongˊ eˇ zo fongˇ sii duˊ he goi songˊ siinˊ ge 。	有一句話說：「早酒，夜茶，天亮色」，意思是說，早上喝酒、半夜喝茶、天亮後做房事都是很傷身的。
lbk15_265	頭擺，阿公登常會講：「早睡早起，存穀堆米；暗睡暗起，鑊頭吊起。」故所，佢會要求屋下大細愛養成早睡早䟘个習慣。	teuˇ baiˋ ，aˊ gungˊ denˊ songˇ voi gongˋ ：「zoˋ soi zoˋ hiˋ ，sunˇ gugˋ doiˊ miˋ ；am soi am hiˋ ，vog teuˇ diau hiˋ 。」gu soˋ ，iˇ voi ieuˊ kiuˇ lugˋ kaˊ tai se oi iongˊ siinˇ zoˋ soi zoˋ hong ge xib gon 。	以前，爺爺常常會說：「早睡早起勤奮之人，存穀堆米；晚睡晚起懶惰之人，鍋子都是吊起來的。」所以，他會要求家中大小要養成早睡早起的習慣。
lbk15_266	該人壞事做絕吔，大家人都望佢「早死早贏」。	ge nginˇ faiˋ sii zo qied eˇ，tai gaˊ nginˇ du mong iˇ 「zoˋ xiˋ zoˋ iangˇ 」。	那個人壞事做絕了，大家都期盼他「越早死越好」。
lbk15_267	頭擺食夜，阿姆係有炒田螺仔，一家人就會嘬田螺嘬啊喞喞滾，蓋生趣。	teuˇ baiˋ siid ia ，aˊ meˊ he iuˊ cauˋ tienˇ loˇ eˋ ，idˋ gaˊ nginˇ qiu voi zod tienˇ loˇ zod a jid jid gunˋ，goi senˊ qi 。	以前吃晚餐，媽媽如果有炒田螺，一家人就會吸吮田螺吸得喞喞叫，很好玩。
lbk15_268	你到底斯在該食麼个，仰不時聽著嘬嘬滾个聲呢？	ngˇ do daiˋ siiˇ teˊ geˋ siid maˋ ge ，ngiongˋ budˋ siiˇ tangˊ doˋ zod zod gunˋ ge sangˊ noˋ ？	你到底在那裡吃什麼，怎麼時常聽到吸吮東西發出的聲音呢？
lbk15_269	這兜猴哥都係「桌頂高食飯，桌底下屙屎」个，你愛搭佢等做麼个？	iaˋ deuˊ heuˇ goˊ duˊ he 「zogˋ dangˋ goˊ siid fan ，zogˋ daiˋ haˊ oˊ siiˋ 」ge ，ngˇ oi dabˋ iˇ denˊ zo maˋ ge ？	這些傢伙都是吃裡扒外的壞東西，你為什麼要理他們？
lbk15_270	三獻禮裡背有一項酌酒奉饌个儀式，你準備好酒、菜吔無？	samˊ hian liˊ diˊ boi iuˊ idˋ hong zogˋ jiuˋ fung con ge ngiˇ siidˋ ，ngˇ zunˋ pi hoˋ jiuˋ 、coi eˇ moˇ ？	三獻禮中有一項倒酒奉菜的儀式，你準備好酒、菜了嗎？
lbk15_271	選對象愛過認真仔擇，人講：「捉貓看貓嫲」，看厥姆就知這細妹仔今哪有可能變啊仰仔。	xienˋ dui xiong oi go ngin ziinˊ eˋ tog ，nginˇ gongˋ ：「zogˋ meu kon meu maˇ 」，kon iaˊ meˊ qiu diˊ iaˋ se moi eˋ ginˊ na iuˊ koˋ nenˇ bien a ngiongˋ eˊ 。	選未來的對象要仔細，俗話說：「抓小貓要看母貓」，看她媽媽的現在，便知道女孩將來有可能變成什麼模樣。
lbk15_272	你同若爸𢯭手去作堋頭，係無驚怕大雨來吔堋頭會屙核。	ngˇ tungˇ ngiaˊ baˊ ten suˋ hi zogˋ penˇ teuˇ ，he moˇ giangˊ pa tai iˋ loiˇ eˇ penˇ teuˇ voi oˊ hedˋ 。	你去幫你爸爸砌築土堤，否則怕大雨時土堤會崩潰。
lbk15_273	𠊎這年紀無麼个要求，著燒食飽就做得吔。	ngaiˇ iaˋ ngianˇ giˋ moˇ maˋ ge ieuˊ kiuˇ ，zogˋ seuˊ siid bauˋ qiu zo dedˋ eˇ。	我這年紀沒什麼要求，吃飽穿暖就可以了。
lbk15_274	毋好看佢恁醴豐，實際上佢分厥丈人老捉手捉腳，盡清苦呢！	mˇ hoˋ kon iˇ anˋ liˊ fungˊ ，siid ji song iˇ bunˊ iaˊ congˊ minˇ loˋ zogˋ suˋ zogˋ giogˋ ，qin qinˊ kuˋ neˊ ！	你不要看他這樣威風，實際上他被他岳父控制著，過得很辛苦呢！
lbk15_275	佢毋知聽著麼个消息，嚇啊嘴擘擘仔。	iˇ mˇ diˊ tangˊ doˋ maˋ ge seuˊ xidˋ ，hagˋ a zoi bagˋ bagˋ eˊ 。	他不知道聽到什麼消息，嚇得嘴巴開開的。
lbk15_276	該細人仔無食著糖仔，嘴扁扁仔緊想愛噭眵。	ge se nginˇ eˋ moˇ siid doˋ tongˇ eˋ ，zoi bienˋ bienˋ eˊ ginˋ xiongˋ oi gieu ziiˊ 。	那小孩子沒吃到糖果，嘴巴扁扁的一副想哭的樣子。
lbk15_277	該隻獒嘴雞，人請佢食好料，還嘴竵竵仔在該頓屈。	ge zagˋ ngauˇ zoi gieˊ ，nginˇ qiangˋ iˇ siid hoˋ liau ，hanˇ zoi feˋ feˋ eˊ teˊ geˋ dun kudˋ 。	那個挑剔鬼，別人請吃美食，他還嘴巴歪歪的在鬧脾氣。
lbk15_278	佢還係該種嘴項無飯緊噍个人，莫行恁兼，無你會分佢騙猴。	iˇ hanˇ he ge zungˋ zoi hong moˇ fan ginˋ ceu ge nginˇ ，mog hangˇ anˋ giamˊ ，moˇ ngˇ voi bunˊ iˇ pien heuˇ 。	他是那種信口無憑的人，你不要和他走得太近，要不然會受騙。
lbk15_279	阿德牯生成仔就嘴屈屈仔，毋係做生理个料仔。	aˊ dedˋ guˋ sangˊ sangˇ eˊ qiu zoi kud kud eˊ ，mˇ he zo senˊ liˊ ge liau eˋ 。	阿德天生不善表達，不是做生意的材料。
lbk15_280	𠊎還細就聽大人儕講：「嘴嫲乖，毋使肩頭㧡。」故所從細就蓋曉得、嘴嫲蓋乖，人緣乜盡好，做事嘛蓋順班。	ngaiˇ hanˇ se qiu tangˊ tai nginˇ saˇ gongˋ ：「zoi maˇ guaiˊ ，mˇ siiˋ gienˊ teuˇ kaiˊ 。」gu soˋ qiungˇ se qiu goi hiauˋ dedˋ 、zoi maˇ goi guaiˊ ，nginˇ ianˇ me qin hoˋ ，zo sii maˇ goi sun banˊ 。	我從小就聽大人說：「嘴巴乖巧，不用肩膀挑。」所以從小就很聰明、嘴巴很甜，人緣不錯，做事也很順利。
lbk15_281	阿福伯年紀盡大吔，嘴貌貌仔，食東西就用糜核仔个。	aˊ fugˋ bagˋ ngianˇ giˋ qin tai eˇ ，zoi mau mau eˊ ，siid dungˊ xiˊ qiu iung moiˋ hedˋ eˊ ge 。	阿福伯年紀很大了，沒有牙齒，以致雙脣內凹，吃東西要用牙齦磨的。
lbk15_282	頭到甜个粄仔食忒多吔，一下有息把嘴膩膩仔。	teuˇ do tiamˇ ge banˋ eˋ siid tedˋ doˊ eˇ ，idˋ ha iuˊ xidˋ baˋ zoi ne ne eˊ 。	剛才甜的糕點吃太多了，現在覺得有點反胃。
lbk15_283	你一下講啊恁靚，等下斯毋好嘴硬屎胐冇，就同𠊎瀉走吔吓！	ngˇ idˋ ha gongˋ a anˋ jiangˊ ，denˋ ha siiˇ mˇ hoˋ zoi ngang sii vudˋ pang ，qiu tungˇ ngaiˇ xia zeuˋ eˇ haˋ ！	你現在話說得這麼漂亮，等一下就不要臨陣退縮、給我逃跑了喲！
lbk15_284	阿昌哥恁久中風，故所有息把嘴獒獒仔。	aˊ congˊ goˊ anˋ giuˋ zung fungˊ ，gu soˋ iuˊ xidˋ baˋ zoi ngauˇ ngauˇ eˊ 。	阿昌哥最近中風，所以嘴巴稍微歪向一邊。
lbk15_285	佢昨暗晡同人相打，分人捋啊嘴獒鼻竵。	iˇ coˊ am buˊ tungˇ nginˇ xiongˊ daˋ ，bunˊ nginˇ lod a zoi ngauˇ pi feˋ 。	他昨晚和人打架，被人揍得嘴巴、鼻子都受傷歪曲。
lbk15_286	阿菊坐啊在地泥下嘴惹惹仔，毋知在該譴麼个？	aˊ kiugˋ coˊ a teˊ ti naiˇ haˊ zoi ngia ngia eˊ ，mˇ diˊ teˊ geˋ kienˋ maˋ ge ？	阿菊坐在地上嘴唇向上翹，不知道在生什麼氣？
lbk15_287	若姆同你參詳事情定定，你就嘴努努仔，像麼个樣式！	ngiaˊ meˊ tungˇ ngˇ camˊ xiongˇ sii qinˇ tin tin ，ngˇ qiu zoi nuˋ nuˋ eˊ ，qiong maˋ ge iong siidˋ ！	你媽媽在和你商量事情而已，你就嘟著嘴巴，像什麼樣子！
lbk15_288	頭擺个細人仔看撮把戲，不時看啊嘴勺勺仔。	teuˇ baiˋ ge se nginˇ eˋ kon codˋ baˋ hi ，budˋ siiˇ kon a zoi sog sog eˊ 。	以前的小孩子看雜耍、魔術，常看到目瞪口呆。
lbk15_289	這細妹仔蓋好膽哦，不時分該細倈仔載上載下。	iaˋ se moi eˋ goi hoˋ damˋ oˊ ，budˋ siiˇ bunˊ ge se lai eˋ zoi songˊ zoi haˊ 。	這個女生好大膽哦，常被那男生載來載去。
lbk15_290	𠊎个嘴生來大大，阿婆識同𠊎講過：「嘴大食四方，今呢會過好命。」	ngaiˇ ge zoi sangˊ loiˇ tai tai ，aˊ poˇ siidˋ tungˇ ngaiˇ gongˋ go ：「zoi tai siid xi fongˊ，ginˊ ne voi go hoˋ miang 。」	我的嘴巴天生就比較大，奶奶曾經跟我說：「嘴大的人有口福可以吃遍四方，今後會很好命。」
lbk15_291	這個人蓋會罵人、批評人，但係嘴毒心無毒，莫同佢計較啦！	iaˋ ge nginˇ goi voi ma nginˇ 、piˊ pinˇ nginˇ ，danˋ he zoi tug ximˊ moˇ tug ，mog tungˇ iˇ gie gauˋ laˋ！	這個人雖然很會罵人、批評人，但是他有口無心，就別跟他太過計較啦！
lbk15_292	該老阿伯做日做夜，𠊎不時聽佢呻講：「做啊朘烏膦綻吔喲！」	ge loˋ aˊ bagˋ zo ngidˋ zo ia ，ngaiˇ budˋ siiˇ tangˊ iˇ cenˊ gongˋ ：「zo a zoiˊ vuˊ linˋ can eˇ ioˊ ！」	那位老爺爺日夜操勞，我常聽到他呻吟：「工作煩忙、壓力重喲！」
lbk15_293	這個人身體毋好，行著三步腳就轉下去吔！	iaˋ ge nginˇ siinˊ tiˋ mˇ hoˋ ，hangˇ doˋ samˊ pu giogˋ qiu zonˋ haˊ hi eˇ ！	這個人身體不舒服，才走兩三步就倒下去了！
lbk15_294	你恁煞猛，下把吔愛轉擺，食一下茶哪！	ngˇ anˋ sadˋ mangˊ ，ha baˋ eˋ oi zonˋ baiˋ ，siid idˋ ha caˇ naˊ ！	你很努力工作，有時候要休息一下，喝個茶呀！
lbk15_295	這個後生仔恁久轉倒拶志吔喲！𠊎看佢蓋煞猛、蓋有孝。	iaˋ ge heu sangˊ eˋ anˋ giuˋ zonˋ do zadˋ zii eˇ ioˊ ！ngaiˇ kon iˇ goi sadˋ mangˊ 、goi iuˊ hau 。	這個年輕人最近改過自新了喲！我看他很勤奮、也很孝順。
lbk15_296	廳下整啊好就會轉火升座，辦桌請人。	tangˊ haˊ zangˋ a hoˋ qiu voi zonˋ foˋ siinˊ co ，pan zogˋ qiangˋ nginˇ 。	祖堂剛整修好就舉行落成慶典，辦桌請客。
lbk15_297	這下禾仔轉溝黃影吔，再過一暫添就割得吔！	iaˋ ha voˇ eˋ zonˋ gieuˊ vongˇ iangˋ eˇ，zai go idˋ cam tiamˊ qiu godˋ dedˋ eˇ！	現在稻穗成熟黃澄澄，再過一段時間就可以收割了！
lbk15_298	佢等个祖堂做著嶄然好，有講究轉溝天井該兜哦！	iˇ denˊ ge zuˋ tongˇ zo doˋ zamˋ manˇ hoˋ ，iuˊ gongˋ giu zonˋ gieuˊ tienˊ jiangˋ ge deuˊ oˊ ！	他們的祖堂蓋的非常棒，整個房子的結構及天井也都很講究。
lbk15_299	做人愛有原則，下把愛轉頭看後背。	zo nginˇ oi iuˊ ngianˇ zedˋ ，ha baˋ oi zonˋ teuˇ kon heu boi 。	做人要有原則，有時候要回頭看看。
lbk15_300	頭擺做二月戲，莊頭莊尾都有人會打銅鑼仔通知。	teuˇ baiˋ zo ngi ngiad hi ，zongˊ teuˇ zongˊ miˊ duˊ iuˊ nginˇ voi daˋ tungˇ loˇ eˋ tungˊ diˊ 。	以前做二月戲時，有人會打銅鑼通知整個村莊，
lbk15_301	做人毋好恁會罵人，咒孤罵絕蓋得人恨。	zo nginˇ mˇ hoˋ anˋ voi ma nginˇ ，zu goˊ ma qied goi dedˋ nginˇ hen 。	做人不要太壞，對人詛咒罵人是討人厭的。
lbk15_302	這下黃梨大出，𠊎注文一籃仔，毋知會準時載來分𠊎無？	iaˋ ha vongˇ liˇ tai cudˋ ，ngaiˇ zu vunˇ idˋ lamˇ eˋ ，mˇ diˊ voi zunˋ siiˇ zoi loiˇ bunˊ ngaiˇ moˇ ？	現在鳳梨盛產，我預約了一籃，不知是否會準時載來給我？
lbk15_303	「豬撐大，狗撐壞，人會撐到變精怪。」頭擺人講个蓋有道理，人食東西毋好盡命牯食、盡命牯撐。	「zuˊ cang tai ，gieuˋ cang fai ，nginˇ voi cang do bien jinˊ guai 。」teuˇ baiˋ nginˇ gongˋ ge goi iuˊ to liˊ ，nginˇ siid dungˊ xiˊ mˇ hoˋ qin miang guˋ siid 、qin miang guˋ cang 。	「豬吃太多會變肥，狗吃太多撐壞肚子，而人吃太多會變的不成人樣。」古人說的很有道理，人吃東西要懂得節制，不要拚命吃。
lbk15_304	隔壁个阿三哥蓋豬狗，見講話就講膣、講朘，蓋無修養哦！	gagˋ biagˋ ge aˊ samˊ goˊ goi zuˊ gieuˋ ，gian gongˋ fa qiu gongˋ ziiˊ 、gongˋ zoiˊ ，goi moˇ xiuˊ iongˊ oˊ ！	阿壁的阿三哥很色，每次都講一些不堪入耳的話，很沒修養哦！
lbk15_305	聽講，有一個男仔人，會撩弄厥心臼，一哪人都罵這個人「豬狗禽獸」。	tangˊ gongˋ ，iuˊ idˋ ge namˇ eˋ nginˇ ，voi liauˇ nung iaˊ ximˊ kiuˊ ，idˋ naiˋ nginˇ duˊ ma iaˋ ge nginˇ 「zuˊ gieuˋ kimˇ cu 」。	聽說，有一個男子會調戲他的媳婦，所有的人都罵這個人「禽獸不如」。
lbk15_306	頭擺人做好事，會緊望有豬腳雞髀來食，這係閒時想毋著个事情。	teuˇ baiˋ nginˇ zo hoˋ sii ，voi ginˋ mong iuˊ zuˊ giogˋ gieˊ biˋ loiˇ siid ，iaˋ he hanˇ siiˇ xiongˋ mˇ doˋ ge sii qinˇ 。	以前的人辦喜事，會很希望能吃到豬腳、雞腿，這是平常想都不敢想的事情。
lbk15_307	𠊎講東你就答西，憨憨拙拙，正式係「豬哥搭狗膦」。	ngaiˇ gongˋ dungˊ ngˇ qiu dabˋ xiˊ ，hamˊ hamˊ zodˋ zodˋ ，ziin siidˋ he 「zuˊ goˊ dabˋ gieuˋ linˋ 」。	我說東你答西，傻里傻氣的，真的是「牛頭不對馬尾」。
lbk15_308	佢等兩儕不管做麼个都蓋鬥搭，就像「豬肝搭膁膀」。	iˇ denˊ liongˋ saˇ budˋ gonˋ zo maˋ ge duˊ goi deu dabˋ ，qiu qiong 「zuˊ gonˊ dabˋ iamˋ pongˇ 」。	他們兩個人不管做什麼都搭配得很好，就像「豬肝搭兩側軟肉」，
lbk15_309	你係著大獎，絕對毋好同人講，係無到時節定著「豬一口，狗一口」，蓋多人會來搶食。	ngˇ he cog tai jiongˋ ，qied dui mˇ hoˋ tungˇ nginˇ gongˋ ，he moˇ do siiˇ jiedˋ tin cog 「zuˊ idˋ heuˋ ，gieuˋ idˋ heuˋ 」，goi doˊ nginˇ voi loiˇ qiongˋ siid 。	你如果中大獎，絕對不要跟人家說，要不然到時一定「豬一口，狗一口」，很多人會來搶著分好處。
lbk15_310	隔壁伯姆个倈仔攞著該兜豬群狗黨，摝啊屋下揰絨。	gagˋ biagˋ bagˋ meˊ ge lai eˋ loˊ doˋ ge deuˊ zuˊ kiunˇ gieuˋ dongˋ ，lugˋ a lugˋ kaˊ dungˋ iungˇ 。	隔壁伯母的兒子跟到一群黨派，搞得家裡烏煙瘴氣。
lbk15_311	人講：「豬來窮，狗來富，貓來帶麻布。」故所，在這三種動物裡背，大家蓋歡迎狗仔。	nginˇ gongˋ ：「zuˊ loiˇ kiungˇ ，gieuˋ loiˇ fu ，meu loiˇ dai maˇ bu 。」gu soˋ ，teˊ iaˋ samˊ zungˋ tung vud diˊ boi ，tai gaˊ goi fonˊ ngiangˇ gieuˋ eˋ 。	俗話說：「豬來窮，狗來富，貓來帶麻布。」所以，在這三種動物裡面，大家很歡迎狗的到來。
lbk15_312	豬嫲打杈，恁久就會養子吔。	zuˊ maˇ daˋ ca ，anˋ giuˋ qiu voi iongˊ ziiˋ eˇ 。	母豬在整理產圈，最近就要生產了。
lbk15_313	還細跈阿婆去伯公下拜喏个時節，總係會聽著佢同伯公講：「希望伯公保佑豬嫲養子綱綱十二，胎胎順序。」	hanˇ se tenˇ aˊ poˇ hi bagˋ gungˊ haˊ bai iaˊ ge siiˇ jiedˋ ，zungˋ he voi tangˊ doˋ iˇ tungˇ bagˋ gungˊ gongˋ ：「hiˊ mong bagˋ gungˊ boˋ iu zuˊ maˇ iongˊ ziiˋ gongˊ gongˊ siib ngi ，toiˊ toiˊ sun xi 。」	還小跟奶奶去土地公拜拜的時候，總是會聽到她跟土地公說：「希望土地公保佑母豬生子每胎都有十二隻，且胎胎順利。」
lbk15_314	頭擺，阿婆會講：「上桌食飯愛有規矩，做毋得像豬嫲上灶樣仔，揪上來。」	teuˇ baiˋ ，aˊ poˇ voi gongˋ ：「songˊ zogˋ siid fan oi iuˊ guiˊ giˋ ，zo mˇ dedˋ qiong zuˊ maˇ songˊ zo iong eˊ ，jioˇ songˊ loiˇ 。」	以前，奶奶會說：「上桌吃飯要有規矩，不可以像母豬上灶一樣，搶著圍過來。」
lbk15_315	頭擺係聽著阿婆講：「豬嫲走聲吔」，就會喚牽豬哥个人同豬哥牽來配種。	teuˇ baiˋ he tangˊ doˋ aˊ poˇ gongˋ：「zuˊ maˇ zeuˋ sangˊ eˇ」，qiu voi vonˋ kianˊ zuˊ goˊ ge nginˇ tungˇ zuˊ goˊ kianˊ loiˇ pi zungˋ 。	以前如果聽到奶奶說：「母豬發情了」，就會叫牽公豬的人把公豬牽來配種。
lbk15_316	頭擺農家人个生活中，豬仔同牛仔一等重要，故所，大家人都知啊「豬愛餵得飽，牛愛餵夜草」。	teuˇ baiˋ nungˇ gaˊ nginˇ ge senˊ fad zungˊ，zuˊ eˋ tungˇ ngiuˇ eˋ idˋ denˋ cung ieu ，gu soˋ ，tai gaˊ nginˇ duˊ diˊ a 「zuˊ oi vi dedˋ bauˋ ，ngiuˇ oi vi ia coˋ 」。	以前農家的生活中，豬和牛是非常重要的，所以，大家都知道「豬要餵得飽，牛要餵夜草」。
lbk15_317	「豬頭五牲」係重要祭典中定著愛用著个祭品。	「zuˊ teuˇ ngˋ senˊ 」he cung ieu ji dienˋ zungˊ tin cog oi iung doˋ ge ji pinˋ 。	「豬頭五牲醴」是重要祭典中一定要用到的祭品。
lbk15_318	每年掛紙拜來台祖都會用著「豬頭熟肉」。	miˊ ngianˇ gua ziiˋ bai loiˇ toiˇ zuˋ duˊ voi iung doˋ 「zuˊ teuˇ sug ngiugˋ 」。	每年掃墓拜來台祖都會用到「豬頭熟肉五牲醴」。
lbk15_319	畜雞鴨愛蓋注意，係無毋堵好斯會「豬拖狗擘」，分佢等咬死淨喔！	hiugˋ gieˊ abˋ oi goi zu i ，he moˇ mˇ duˋ hoˋ siiˇ voi 「zuˊ toˊ gieuˋ bagˋ 」，bunˊ iˇ denˊ ngauˊ xiˋ qiang oˊ！	養雞鴨要非常小心，否則一個不小心就會「被豬、狗拖咬、撕裂」，被牠們咬死光喔！
lbk15_320	「豬四狗三」个意思係講豬仔擐胎愛四隻月、狗仔愛三隻月。	「zuˊ xi gieuˋ samˊ 」ge i sii he gongˋ zuˊ eˋ kuan toiˊ oi xi zagˋ ngiad 、gieuˋ eˋ oi samˊ zagˋ ngiad 。	「豬四狗三」的意思是說豬的懷孕期要四個月、狗要三個月。
lbk15_321	人講：「豬四狗三，狐狸對擔」，每一種動物擐胎个時間長短都無共樣。	nginˇ gongˋ ：「zuˊ xi gieuˋ samˊ ，fuˇ liˇ dui dam 」，miˊ idˋ zungˋ tung vud kuan toiˊ ge siiˇ gianˊ congˇ donˋ duˊ moˇ kiung iong 。	俗話說：「豬從懷胎到生產需四個月，狗要三個月，狐狸則要五個月」，每一種動物懷胎的時間長短都不一樣。
lbk15_322	頭擺識聽過伯婆罵該兜毋像樣个人「豬豬狗狗」。	teuˇ baiˋ siidˋ tangˊ go bagˋ poˇ ma ge deuˊ mˇ qiong iong ge nginˇ 「zuˊ zuˊ gieuˋ gieuˋ 」。	以前曾聽過伯婆罵那些不像樣的人「豬豬狗狗」。
lbk15_323	一般風水開工个時節，地理先生都會講：「主人有福，先生有目，時來運轉，賺錢用斗抔。」希望這穴風水做得人財兩旺福祿壽。	idˋ banˊ fungˊ suiˋ koiˊ gungˊ ge siiˇ jiedˋ ，ti liˊ xinˊ sangˊ duˊ voi gongˋ ：「zuˋ nginˇ iuˊ fugˋ ，xinˊ sangˊ iuˊ mugˋ ，siiˇ loiˇ iun zonˋ ，con qienˇ iung deuˋ budˋ 。」hiˊ mong iaˋ hiad fungˊ suiˋ zo dedˋ nginˇ coiˇ liongˋ vong fugˋ lugˋ su 。	一般風水開工的時候，堪輿師父都會說：「主人有福氣，師父會看日子，時來運轉，賺錢用斗聚納。」希望這穴風水可以人財兩旺、福祿壽。
lbk15_324	頭擺，阿姆會同𠊎等講：「細妹仔人，煮菜毋使學，只要勤洗鑊，就會得人惜。」	teuˇ baiˋ ，aˊ meˊ voi tungˇ ngaiˇ nenˊ gongˋ ：「se moi eˋ nginˇ ，zuˋ coi mˇ siiˋ hog ，ziiˋ ieu kiunˇ seˋ vog ，qiu voi dedˋ nginˇ xiagˋ 。」	以前，媽媽會跟我們說：「女孩子，煮菜不用學，只要勤洗鍋，就會得人疼惜。」
lbk15_325	看若姐仔譴啊崒上崒下，東西緊抨，到底你斯做吔麼个事？	kon ngiaˊ jiaˋ eˋ kienˋ a zug songˊ zug haˊ，dungˊ xiˊ ginˋ piangˊ ，do daiˋ ngˇ siiˇ zo eˇ maˋ ge sii ？	看你老婆氣得走路很用力，東西一直摔，你到底做了什麼事？
lbk15_326	雖然頭擺厥爸毋做人，阿姆又走核吔，但係佢頭腦好又一等煞猛，故所，大吔事業做啊盡大，這斷真係「竹筍生啊籬笆背」，分人蓋感動。	suiˊ ianˇ teuˇ baiˋ iaˊ baˊ mˇ zo nginˇ ，aˊ meˊ iu zeuˋ hedˋ eˇ，danˋ he iˇ teuˇ noˋ hoˋ iu idˋ denˋ sadˋ mangˊ ，gu soˋ ，tai eˇ sii ngiab zo a qin tai ，iaˋ don ziinˊ he 「zugˋ sunˋ sangˊ a liˇ baˊ boi 」，bunˊ nginˇ goi gamˋ tung 。	雖然以前他爸爸是混混，媽媽又離家了，但是他頭腦好又非常勤奮，所以，長大後事業做得很大，這真的是「竹筍長在籬笆後」，讓人很感動。
lbk15_327	阿孝牯蓋毋知見笑，敢同人个細妹仔講：「竹頭背樵燥米白，細妹仔無嫁著會揢核。」	aˊ hau guˋ goi mˇ diˊ gian seu ，gamˋ tungˇ nginˇ ge se moi eˋ gongˋ ：「zugˋ teuˇ boi ceuˇ zauˊ miˋ pag ，se moi eˋ moˇ ga doˋ voi kag hag 。」	阿孝很不要臉，竟然跟女孩子說：「竹頭角柴乾米白，女孩子沒嫁到會很後悔。」
lbk15_328	𠊎頭到同你講个，完全係竹筒退水，絕對無騙你啦！	ngaiˇ teuˇ do tungˇ ngˇ gongˋ ge ，vanˇ qionˇ he zugˋ tungˇ tui suiˋ ，qied dui moˇ pien ngˇ laˋ！	我剛剛和你說的，完全沒有任何隱瞞，絕對不騙你！
lbk15_329	你有恁多大細吔，還每日啉啊醉摸摸仔，該斯愛仰仔教人呢？	ngˇ iuˊ anˋ doˊ tai se eˇ，hanˇ miˊ ngidˋ limˊ a zui miaˊ miaˊ eˊ ，ge siiˇ oi ngiongˋ eˊ gauˊ nginˇ noˋ ？	你有這麼多小孩子了，還每天喝得醉醺醺的，那要怎麼教小孩呀？
lbk15_330	佢失戀過後，就醉日醉夜，實在無志氣。	iˇ siidˋ lien go heu ，qiu zui ngidˋ zui ia ，siid cai moˇ zii hi 。	他失戀後，就日夜酗酒，實在不上進。
lbk15_331	𠊎看你有息把醉頭面，係毋係身體有麼个爭差，共快來去分先生看。	ngaiˇ kon ngˇ iuˊ xidˋ baˋ zui teuˇ mien ，he mˇ he siinˊ tiˋ iuˊ maˋ ge zenˊ caˊ ，kiung kuai loiˇ hi bunˊ xinˊ sangˊ kon 。	我看你有點頭臉浮腫，是不是身體有什麼毛病，趕快去看醫生。
lbk15_332	做吔恁久个事，大家嘛有息把𤸁吔，𠊎等就在這吔撙腳一下。	zo eˇ anˋ giuˋ ge se，tai gaˊ maˊ iuˊ xidˋ baˋ kioi eˇ，ngaiˇ nenˊ qiu tiˊ iaˋ eˊ zunˋ giogˋ idˋ ha 。	做了這麼久的工作，大家也有點累了，我們就在這裡暫時停頓一下吧。
lbk15_333	做事个人乜係人，毋好同佢等準豬準狗，喝來喝去。	zo se ge nginˇ me he nginˇ，mˇ hoˋ tungˇ iˇ denˊ zunˋ zuˊ zunˋ gieuˋ ，hodˋ loiˇ hodˋ hi 。	工人也是人，不要把他們當成豬、狗般看待，大聲斥喝。
lbk15_334	阿弟牯細罔細，盡會種觔斗呢！	aˊ di guˋ se mongˋ se ，qin voi zung in deuˋ neˋ ！	小弟年紀雖小，卻很會翻筋斗呢！
lbk15_335	「鍾憨黃狂李癲、張奸古執，劉來看，邱（羞）死人」，係頭擺美濃有一擺選舉時節講出來个，今嘎怕毋好恁呢講吔，係無會分人屌死喔！	「zungˊ hamˊ vongˇ kongˇ liˋ dienˊ 、zongˊ gianˊ guˋ ziibˋ ，liuˇ loiˇ kon ，hiuˊ （xiuˊ ）xiˋ nginˇ 」，he teuˇ baiˋ miˇ nungˇ iuˊ idˋ baiˋ xienˋ giˋ siiˇ jiedˋ gongˋ cudˋ loiˇ ge ，ginˊ ga pa mˇ hoˋ anˋ neˊ gongˋ eˇ，he moˇ voi bunˊ nginˇ diauˋ xiˋ oˊ！	「姓鍾的傻、姓黃的狂、姓李的瘋、姓張的奸、姓古的固執、姓劉的好不到哪裡、姓邱的簡直羞死人」，是早期美濃有次選舉時講出來的恩怨，現在不能這樣說了，否則會被各姓子孫罵死。
lbk15_336	老弟行路無看路，嗄舂著壁，痛啊哇哇滾。	loˋ taiˊ hangˇ lu moˇ kon lu ，sa zungˊ doˋ biagˋ ，tung a va va gunˋ 。	弟弟走路不看路，撞到牆壁，痛得哇哇大叫。
lbk15_337	阿姆个碗仔粄蒸啊會好吔，先來去舂番豆，等下就有好食吔。	aˊ meˊ ge vonˋ eˋ banˋ ziinˊ a voi hoˋ eˇ，xienˊ loiˇ hi zungˊ fanˊ teu ，denˋ ha qiu iuˊ hoˋ siid eˇ 。	媽媽蒸的碗粿快好了，先去把花生搗碎，待會兒就可以吃了。
lbk15_338	頭擺見過年過節，客家婦人家就舂粢做粄，盡無閒。	teuˇ baiˋ gian go ngianˇ go jiedˋ ，hagˋ gaˊ fu nginˇ gaˊ qiu zungˊ qiˇ zo banˋ ，qin moˇ hanˇ 。	以前每次過年過節，客家婦女就忙著做糕、粄，非常忙碌。
lbk15_339	年紀越大，忠臣落油鑊个故事就看越多，故所到尾頭事情就做去無麼个氣猛。	ngianˇ giˋ iad tai ，zungˊ siinˇ log iuˇ vog ge gu sii qiu kon iad doˊ ，gu soˋ do miˊ teuˇ sii qinˇ qiu zo hi moˇ maˋ ge hi menˊ 。	年紀越大，忠良被陷害致死的故事就看得越多，因此到最後做起事情來就不太有勁。
lbk15_340	會過年吔，阿祿哥為著進出口生理還在該舂上舂下，實在還清苦。	voi go ngianˇ eˇ，aˊ lugˋ goˊ vi doˋ jin cudˋ kieuˋ senˊ liˊ hanˇ teˊ geˋ zungˊ songˊ zungˊ haˊ ，siid cai hanˇ qinˊ kuˋ 。	快過年了，阿祿哥為了進出口生意還在四處奔波，真是辛苦。
lbk15_341	天光日就愛繳細人仔个註冊費吔，厥姆就一哪仔舂天磕地同親戚借錢。	tienˊ gongˊ ngidˋ qiu oi gieuˋ se nginˇ eˋ ge zu cagˋ fi eˇ，iaˊ meˊ qiu idˋ naiˋ eˋ zungˊ tienˊ ngab ti tungˇ qinˊ qidˋ jia qienˇ 。	明天就要繳小孩子的註冊費了，他媽媽就到處奔波向親戚借錢。
lbk15_342	該阿舍公子每日好食懶動，圓身腫瓜瓜著，實在還壞看。	ge aˊ saˋ gungˊ ziiˋ miˊ ngidˋ hau siid nanˊ tungˊ ，ianˇ siinˊ zungˋ guaˊ guaˊ eˊ ，siid cai hanˇ faiˋ kon 。	那位富家子弟整天好吃懶動，身材臃腫，實在難看。
lbk15_343	佢盡囓察，大家喊佢「塚埔項个蚊仔——囓鬼」。	iˇ qin ngadˋ cadˋ ，tai gaˊ hemˊ iˇ 「zungˋ puˇ hong ge munˊ eˋ ——ngadˋ guiˋ 」。	他很吝嗇，大家叫他「墓園的蚊子——咬鬼（吝嗇鬼）」。
lbk15_344	落雨過後，菜園項个地泥腫水巴哺，行都毋得。	log iˋ go heu ，coi ianˇ hong ge ti naiˇ zungˋ suiˋ baˇ buˇ ，hangˇ duˊ mˇ dedˋ 。	下雨過後，菜園裡的土地泥濘不堪，無法行走。
lbk15_345	佢這擺感冒食差藥仔，搣啊歸圓身腫腫醉醉，應該愛分醫生看過好。	iˇ iaˋ baiˋ gamˋ mo siid caˊ iog eˋ ，miedˋ a guiˊ ianˇ siinˊ zungˋ zungˋ zui zui ，in goiˊ oi bunˊ iˊ senˊ kon go hoˋ 。	他這次感冒吃錯藥，弄得全身皮肉浮腫，應該去看醫生比較好。